(Hmanni Mr TS-a thlahrang ziah khan min inspire tlat, hei ka rawn ti ve leh pawm mai. A thupui ang khian he thawnthu hi chhiar hnuah comment naah in ziah zawm dawn nia, tunge ziak ngaihnawm ber lo en ila.)
Ruah chu a sur leh ngei dawn anih hi. Ka raincoat lei thar chu ka bag ah ka khung a, college kal turin ka insiam a. Ka kal peihlo kher mai, mahse ka pa hnen atangin raincoat man tur harsa takin ka dilchhuak tawh a, class kal loh kha a chi tawhlo hrim hrim. Kan veng hi a mawng em avangin neih zawng zawngin bike min leisak tawh a, kan hmang tangkai khawp mai lehnghal a, gas lak atanga ka pa office kal tur hruai nan thleng kan hmang a. Nitin hian ka pa chu office ah ka thlah thin a, chuan college ka kal zui nghal thin a.
Vawiin chu ka pa chu taxi in a kal a, taxi in contri chi khan. Kei chu taxi a chuan ai chuan ruahsur hnuai a bike a chuan chu ka la thlang zawk cheu. Kan college hmeichhia bike lawm deuh deuh ho te biakna chance ka neih ve phah a, chuti em em in hmeltha in mi te aiin fel bik lo mahila ngaihzawn tur tawk hi chu an lo awm ve zel a.
SMS ka dawng, Teresa-i a lo ni a.
“Khone om? Templ kotah ka om toh”
Teresa-i hi ka batchmate a nia, kan subject lak a inan loh avangin kan inhre em em lo a, mahse mi hi a star thei em em mai a, a lo chhe vaklo bawk nen kan inngaizawng chu a ni ve der. Tuikual ah an awm a, ka pa ka hruai loh ni hi chuan class hi kan kal rual thin. Temple kawtah min lo nghak thin a, chuan Sikulpuikawn thleng chu kan inphur phei lawp lawp thin a, banah hian ka thlah haw thin bawk a. Class neih loh chang te hian kan inhmu a, mi SMS hi a peih em em bawk.
Ka pa chu taxi stand ah ka va thlah a. A chhuk fel chiah tih ah hian ka hnung atang hian hmeichhe aw, ka hriat than em em hian min rawn ko a.
“Te-a, Te-aaaaaa…”
Puipuii aw a ni. First year leh second year kan nih chhunga ka ngaihzawng thin, ka thinlung zawng zawnga ka ngaihzawn hmasak ber a ni. Ani pawhin min duh ve viau emaw ka tih laiin second year kan exam dawnin min ban thut mai a, “Lehkha zir ka duh, ngaihzawng ka neih chuan thildang ka ngaihtuah theihloh phah” a tia, kan inthen chu a ni der. Midang pawh a kawp zui chuang lo a, thian ang maiin min kawm a. Ka hrethiam thei thlawt lo. “Mipa ka ni alawm, hmeichhia te chu an tam em” tiin ka inhnem chawp a, rilru na awm ang pawhin ka awm duh lo. Mahse midang hi han kawp mah ila Puipuii nen hian ka tehkhin lo thei thin lo.
Puipuii chu a pi te inah a lo riak a lo ni a. “College kal rual ang” a tihna chu engtin nge ka hnial theih ang le?
Bike ah chuan a rawn chuang a, kan kal chu a ni ta mai. Kan tlan zel a, Temple pawh kan thleng dawn ta. Teresa-i chu mi zingah ka va hmu nghal a, a bag senlar vat mai kha a ak a. A rawn hawi a, a rawn nui a. Mahse Puipuii a hmu chu a nui hmel chu a inthlak rang kher mai.
Similar Posts:
- Technical lam hi an muang hret ani
- Naupang School luh tir na tha?
- Bike-a Nula Phurh Kekawrte lang hi
- Albania sorkar in Mother Teresa ruang la let duh
- Mother Teresa kum 100 tlin champha
September 11th, 2010 at 2:36 pm
a ziak thiam hle mai a
[Report abuse]
September 11th, 2010 at 2:37 pm
A thupui chuh. . . .
[Report abuse]
September 11th, 2010 at 2:38 pm
Ka first a bo leh taaaaaaaaaaa
[Report abuse]
September 11th, 2010 at 2:41 pm
phuah ngaihnawm hle mai
[Report abuse]
September 11th, 2010 at 2:43 pm
tihngaihna awm tawh heklo, rilru khingbai tak chung chuan phurlo zetin puipuii nen chuan kan college thleng chuan kan inphur ta a. nileng chuan teresa-i hmel erawh hmuh ka tum tehreng nen ka hmulo.
[Report abuse]
September 11th, 2010 at 2:44 pm
ziak thiam e. .
[Report abuse]
September 11th, 2010 at 2:47 pm
a thu a pui ual lo na a,,a ziak tu hian a chhiar tu rilru hneh zawng in a ziak thiam em a,,ka chhiar zo chu ka romantic nghulh mai…puipuii khi ka duh zawng tak a nih hmel,,he…ka chhiar zawm chak khop mai..han ziak zawm vat teh u
[Report abuse]
September 11th, 2010 at 2:50 pm
tichuan teresa-i leh puipuii nen chuan ka bike ah kan in threebul phei ta ringawt mai a…a tu amah kha kan huh miah lo…
[Report abuse]
September 11th, 2010 at 2:56 pm
Midang comment lo chang teng, thiam zawng ani lo tlat.
[Report abuse]
September 11th, 2010 at 2:58 pm
… ka han hawi let a, Puipuii chu hmel a lawi hi a lo nei tawh lo a.
Mak ka tih em avang chuan hlauh enah pawh ka en lo. “Puipuii, chhun chhunah te i hran tak a!” Kan ti chiah mai chu bike atanga zuanthlak a rual a.
Zingkar temple kawt tawt laiah kei in ka um zui! Thlahrang na na na kha chu daltu nei ve hek lo. A lim ziai ziai mai a. Mahse, ka hmuh phak rengah chuan a awm lawi si.
Zodin lamah, Dawrpui kan thlen phei chuan mipui dang te pawh chuan min um zui luai luai tawh a. Ramhuai ka hmuh tawh ah chuan a la huangtau ber awm e. Mi te a la rawn thenkhum vel thul.
Isarel point kan thlen phei chuan Pastor pakhat hian a lo man bet ta a. Thlahrang nung chunga man hmasak ber a lo ni ta a ni
…to be continued :evil:
[Report abuse]
September 11th, 2010 at 3:12 pm
Hei hi alternate narration angin i chhunzawm teh ang u, a nuam phian ang, mahse uang miah lovin, a romantic thei ang ber nise. @sihal #5 hi i chhunzawm ang u hmiang.
[Report abuse]
September 11th, 2010 at 3:14 pm
in phuah chhunzawm ngaihnawmthiam lo hlawm hle mai,,kei man ka la chhunzawm ang.kan nu chhiar a tan chauh..thlahrang sawi tak ah chuan,,thlahrang hi an fel ka ti tlat..ka hlau hle na a
[Report abuse]
September 11th, 2010 at 3:17 pm
A hmel atang chuan a lawm lo tih a hriat theih a, mahse hmeichhe a lo tak anih avang chuan a insum hram hram a. A awmna kan han thlen chuan, “Puipui in hmuh va khat ve” alo tia. Ka awmdan chu a lai hle. Puipuii chu duh hle mah ila Teresa-i lakah chuan ka inthlahrung a. Puipuii pawh chuan hrethiam ni awm tak hian, “Tah hian mi nghah duh ka nei a, min lo kalsan ru,” atia. Tichuan rilru khingbai tak chungin college lam chu kan pan ta a..(ka try ve chhin chak tlat)
[Report abuse]
September 11th, 2010 at 3:20 pm
Ti chuan teresa-i mengtur khui mai chu hmuh hrehawm ka ti hle a, luck eraw ka inti rilru veng veng a. Tuzawk nge ka neih ang aw…! Khua alo rei deuh hnu chuan atumah pawh chu nei ta chuang lo chuan KTP ah ka lo over ve ringawt a.
[Report abuse]
September 11th, 2010 at 3:21 pm
Tum loh deuhvin Puipuii chu ka phur a ni tih hrilh tur pawhin Teresa chu ka hmu zo lo. Chhei raw! Kei hi ka thiam lohna ni miah lovah insawifiah ka ngai ngei dawn a ni tih chu hrilh ka ngai hauh lo. A dik tak chuan Teresa nen in ngaizawng mah ila ka thinlungin Puipuii hi a theihnghilh thei hauh si lo. Nuam ti si hrehawm ti bawk siin ni chu ka hmang tluan ta a.
Zan lamah chuan Teresa chu ka hmuh ngei a tul avangin zanriah ei khamah chuan ka insiam ta malh malh a…….
[Report abuse]
September 11th, 2010 at 3:32 pm
#5 hi chhunzawm tlak a nih hmel hi. Han chhunzawm teh u.
[Report abuse]
September 11th, 2010 at 4:04 pm
Puipuii chuan a thik a ni tih ka man thiam nghal mai a. Mahse, pawi ka titherte lo. A chhan chu, amahin duh lovin min then tawh a. Midang lakah a lo inlak theihphah tur a ni lo hrim hrim!
Teresa- i chuan Nihliap hlui lam deuhtawh tak hi a lokhum a. Ruah chu a sur na ve deuh bawk nen, thli lah a tleh na phian a! Puipuii chu City Bus- a chuang mai turin ka rawn a. Ani pawh chuan, lungawi lemlo tak chung chuan Bike ka han tihdin veleh hnunglam hawi map lo leh lawmthu chhete pawh sawi ta lo chuan City Bus lo tlan laklawh remchang tak mai chu a phar a, a chuang ta nghal a.
Ka ngei reuh hle mai!
Teresa- i chuan inthlahrun hmel tak leh pawitih hmel deuh chuan a nihliap khum karah chuan min lo meuh kiauva!
[Report abuse]
September 11th, 2010 at 7:35 pm
Thu fahrah te te hi rawn chhep chhuak zeuh zeuh teh u…. lo chhiar ve mai mai atan.
[Report abuse]
September 11th, 2010 at 10:11 pm
Teresa-i chu ka au a,chuveleh Pui2-i chuan ka kut a rawn vuan a,chu chu Teresa-i chuan a lo hmu ni ngei tur ani;min hnungchhawna a tlan haw nghal nal2 a.Pui2-i chu ka dem rilru hle a,a hmaiah ka’n hnek siah mai chuh temple kawtah chuan a tap ta vak2 mai.ka tihngaihna hrelo zak bawksi chu GAY tawkin ka tlan haw ta nal2a…kha thil thleng vang khan kan pathumin tun thleg hian rilru hrehawm tak chungin kan la single phah ta reng a ni…And then we live happily NEVER after…lolx
[Report abuse]
September 11th, 2010 at 10:29 pm
Tichuan lee..
Teresai chu lawm lo hmel pu tak chuan taxi lam a pan a, a bul kan thlen hma chuan an tlan liam ta daih a. Kei pawh chu ka tlan chhunzawm ve ta zel a, ruah a rawn sur tan tak avangin chak tawkin ka lim a, college pawh kan thleng ta thuai a, Puipuii chu a chhuk a, dik tak chuan ka biak pawh a tui vak tawh lo, rilru-ah Teresai hlir a awm a, a thinrim ngei a ni tih ka hrechiang ropui si… Puipuii pawh chuan ka ze inthlak chu a hrethiam a ni ngei ang, Ka lawm lutuk, tih sap pahin class lam a pan ta nal nal a, kei chu Teresa lo thlen hun nghakin pawnah chuan ka ding ta reng a…
[Report abuse]
September 11th, 2010 at 10:57 pm
Teresa-i bul an thlen chuan an pathumin college thleng taxi an la ta zawk a.
[Report abuse]
September 11th, 2010 at 11:01 pm
a post tu hian M&B a chhiar than hmel tlat, a tha tho e,
[Report abuse]
September 11th, 2010 at 11:25 pm
…..tichuan kan pathum chuan kein kan kal ho ta dal dal a…….. :lol:
[Report abuse]
September 12th, 2010 at 1:46 pm
Aduh, nangma’n ziak zo law law la ti nia. I thu ka chìk-in i phuah ngaihnawm dawn tih ka chiang! Chhunzawm teh a… :ngenngawl:
[Report abuse]