Sawi awm a ni em aw.. ka ti a, mahse sawi lan ngei hi atha-in ka hre ta a .. Nokia X3 ka lei ve a, mahse rei lo te-ah chuan chiang ta lovin a chhe ta mai a. Warranty a awm avangin Nokia Care, Chanmari-ah ka kalpui ta a. An ni chuan, “Thlakhat vel nghah a ngai dawna..,” lo tiin ka phone chu ka dah ta a. Thlakhat aia rei mah hnu-ah chuan, “I phone kha alo thleng tawha, a siam theih loh avangin a thar an rawn thawna a lak theih tawh e,” tiin an rawn phone a.
Min lo lam mai teh tiin midang ka tir a, mahse an lo in hawng regular lovin an tlai thei hle bawk a. Vawi thum an kal thlawn hnu-ah chuan, “A lo la thleng lo,” an lo ti leh lawi si a. Enge chanchin tiin kar thum liam hnu-ah chuan ka han phone leh, “An lo thawn chhuak tawha a lo thleng tep ang,” an ti a. Kar hnih/thum a ral hnu chuan ka phone leh a, “Aw, alo thleng tawha, a thar an rawn thawn a,” ti bawkin min lo chhang leh a.
Kar hnih vel liam hnu-ah chuan la turin midang ka thawn leh a, “Manager a kal lova …..” vawihnih an lo ti a. A vawithum naah chuan, “A lo la thleng lo,” ti bawk chuan an lo chhang leh pek a. Ka lungawi lo chuan ka han phone ta a, “Kan insingsa a… min lo hrethiam leh hram teh” an lo ti kual… Dawt sawi kual vel lo hian thu dik chu min hrilh se ka hrethiam em em.
Rinawm ber tura ka ngaih leh dawt sawi kual vel lo tura ka rin an ni a, a mak ka tiin Aizawl Mobile siam te pawh hi Mobile etc. vawi engemaw zat ka siam tir tawh a, an rinawm lohna ka la hre miah lo, ka hmuhdan chuan an rinawm zawk tlats. Hmun danga awm kan nih avangin kan tan lam tura kal pawh hi thil buaithlak a tling si a. MISUAL te hian in lo dawr ve tawh em le…
Similar Posts:
- Thanchhingi & Son dawr tlak an ni em?
- Courier Company te hi!
- Buhchangah invauna a thleng.
- Singapore hna
- Consumer Dispute Redressal Forum hi engnge?
November 5th, 2010 at 5:32 pm
hmm chhiar phawt ang..
[Report abuse]
November 5th, 2010 at 5:46 pm
ka dawr tawh a, ka ring thlawtlo. tuman ring suh u
[Report abuse]
November 5th, 2010 at 5:49 pm
A va rapthlak em!! (lolzz)
An nep hle tak mai.
Nanga re re pawh, han kal ve mai awm a nia. Hmaichhanah han chapchar la tha tur…
[Report abuse]
November 5th, 2010 at 5:54 pm
Khai aw an va nep ve…an rintlak lo a ni mai lawng maw…?an khum hrep rawh
[Report abuse]
November 5th, 2010 at 5:54 pm
Mizote hian customer te hi kan ngai pawimawh tawk lo in an lungawina tur kan ngai pawimawh tawk lo hle.
Mobile chungchhang ah hi chuan kan zahpui awm hlawm khawp mai, Mobile zuar zawng zawng deuh thaw khian Service centre te chauh tih tur angaih Software buai thleng khian an thlak sak thin. Heng hi Kristian ram ah hian Pirate ah kan ngai lo nge hre reng chug hian kan ti lui tih hi ka zawhna ani.
[Report abuse]
November 5th, 2010 at 5:55 pm
i documents (warranty card..etc) kengin nangmah kal mai la..? I ngaih sam mah2 niang..?
[Report abuse]
November 5th, 2010 at 5:57 pm
keipawh ka rin avangin phone ka siam tir a, a keybowl kan thlak an tia. Sangkhat chuang ka chawi a, a that phah lem lo a. A chhe hlen daih lehnghal.
[Report abuse]
November 5th, 2010 at 6:01 pm
#5, dik khawp mai, mahni ngei atir atang a kal tur nia, tlem chuan in ngaihthah tlang a ang.
[Report abuse]
November 5th, 2010 at 6:04 pm
An va ti mak ve mawle! Tin, nangpawh i ti mak hle bawk mai. Kal ve mai awm che.
[Report abuse]
November 5th, 2010 at 6:04 pm
in sawidan chuan an va nikhua loh hmel tak ve le…misual hovin an dawr va kharsak ula ti nia
mizo te hi cu dawr tih changkan lamah kan inela, dawhkan bulah nu lianpui pui inhnawih dur deuh deuh an lo thu a…customer lo respond that lamah kan inel leh mang si lo…inchei nalh deuha kal leh biakthat kan hlawh a, inchei tawp deuh hning hnianga kan kal leh ngaihven mumal kan hlawh mumal lova…chutiang mai mai chu mawle
[Report abuse]
November 5th, 2010 at 6:11 pm
Bonanza ah ka phone Nokia 3110 a LCD chhia ka thlak tir a, Rs 1000/- a ngai anti a, ka pe vek a, an siamtha chuanglo a, a dang2 a mic te an tih chhiatbelh tawh bawk. hlawklo tak ani. chuan a dang ah ka siamtir leh a, a mic thlak angai a, part ka chah a tia, nikum hmasa a ka dah tawh kha tun thlengin ala siamzo lo… lose hlang.he3
[Report abuse]
November 5th, 2010 at 6:12 pm
a va mak ve…
[Report abuse]
November 5th, 2010 at 6:28 pm
in Luck lo hlawm khawngaih thlak teh e,a thar lei mai rawh a fuh zawk ang.
[Report abuse]
November 5th, 2010 at 6:35 pm
He thil hi personal takin ka hriatpui thlap, a buai berah pawh ka tang ve a lawm, midang min tir a, amah kal tluk a ni. Ka ning ania aw… august thla vel daih tawh ami leh nghal.
[Report abuse]
November 5th, 2010 at 6:35 pm
Customer care hi care tak tak a tling lova, an hlawkpui tur ang chin zelah lo chuan an care tak tak lo. Sumdawngho reng reng hi chu nula kan neih ei tum rana min ngaizawng der ang hi an ni vek tih hriat tur. An sumdawnnain a la tuar lo aniang. Chanchinbuahte kan experience chhe deuh hi chu share a tha viau, thudik chu chhuah a thiang alawm, kan sumdawnghote pawh kan educate an ngai ve tho. Phai lamah hi chuan kawng chhia leh bawlhhlawh paih fimkhur loh, vantlang tana hnawk chi hrim hrim hi chanchinbuahte a thlalak nen an chhuah chuai chuai a, a concern department hian hma an la vat zel.
[Report abuse]
November 5th, 2010 at 6:43 pm
The Real-a ber kher i lo tirh vang lek anih chuu…
[Report abuse]
November 5th, 2010 at 6:51 pm
Tumkhat chu ka sony ericsson P1i ka siam tir a, bazar bungkon service centre ah sawn, thla 1 velin a warranty-in a huamlo chiah a, mahse warranty om angin min thonsak a. Thla 1 poh ka nghak tlinglo an siamthra diam.. Customer ngaipoimoh lo an awm laiin fel tak2 an awm ve ania.
[Report abuse]
November 5th, 2010 at 6:54 pm
Kei chu ni ila, ka thinrim ve khawp ang. Thil a nih ang ang a sawi tawp chi ka nih vang hian, excuse dawrawm te te, thu khuh deuh reuh, dawt deuh reuh hi ka ngaina lo khawp mai. A tirah khan a nih angin sawi tawp se thra mai tur a nia.
[Report abuse]
November 5th, 2010 at 6:56 pm
Hetiang hun hi ani KUNG FU kan hman tangkai na hun tur chu
[Report abuse]
November 5th, 2010 at 6:57 pm
tlumther chuti mai ami?, NOkia te hi chu tha deuh mai ania….a hei lo a phu mawlh lo che , mahse nangpawh in dawn chiang ve la….
https://www.youtube.com/watch?v=4iaEHfiHb5w
[Report abuse]
November 5th, 2010 at 7:03 pm
kei poh kum 2 liam ta a ka charger siam tur a an dah kha min la pe chhuak miah lo…
[Report abuse]
November 5th, 2010 at 7:07 pm
Nokia hi chu a chhe lutuka ka kawl peih tawh lo…niminah micromax ka lei daih
[Report abuse]
November 5th, 2010 at 7:11 pm
Alo thleng tawh tia an lo phone zawk che a, alo thleng tep an tih leh zel chuan nangmah an chiang tawklo che nilomaw. A phone dahtu ngei kha lang ziah la tha tur,.zawng hmaizah mah a na an tih kha
[Report abuse]
November 5th, 2010 at 7:16 pm
Thinrimthlak duh awm mang e
[Report abuse]
November 5th, 2010 at 7:21 pm
Bakcheh ka chep bung hmawk dawn che.
[Report abuse]
November 5th, 2010 at 7:32 pm
Ka thianpa pawn nokia 6300 a dah a,a camera chhia a nia.thla 2 hnu a ava lamtir chuan a lo chhe chiang lutuk tawh.baterry cover steel te kha plasticah an lo chantir daih..keypad lem tawk an lo vuah bawk..nokia care ho hian
[Report abuse]
November 5th, 2010 at 7:36 pm
Keipawh hetiang deuh chiah chiah hi ka tawng ve tawh a. Delhi lama Nokia Care pawh hi eng teh lua mah an lo ni bik lo. Kar 3 chhunga siam zo tura in tiam khan ka lam ni tura an tihah chuan min rawn phone a, kar lehah an tia. Kal thlawn a ngai em lova tiin lawm takin ka lo ‘aw’ ve mai a.
A kar lehah chuan chutiang bawk chuan an rawn call leh a, Bangalore ah phone chu repair tura an thawn thlak thu leh a part a la thlen loh thu min rawn hrilh leh a. Ka lung a awi tawh lo hle nangin a phone ber Bangalore ah a awm chuan tiin a kar leha lam turin kan intiam leh a.
Hun tiam a lo thlen leh chuan lam turin ka in siam a, kal thlawn loh nan tiin confirm turin ka va phone leh reng reng a. Anni chuan Bangalore ah a la awm a, naktip ah rawn lam rawh ,min ti leh a. Ka han chhutin courier pawhin rawn thawn se, weekend ania, naktip ah chuan a rawn thleng dawn lo tih ka hre chiang bang maia. A hmunah ka va kal a, an manager hmuh ka dil ta a. Ani chuan, ‘Kan siam mek a’, a lo ti a. Ka awih lo lutuk chuan tunah hian ka phone chu min pe rawh u, siam suh u ka han ti thawr a.
Bangalore a siam lai mek nia an chhal chu, minute 5 vel a office ah a va lut a, a rawn keng chhuak ta mai a. Ka bulah hian Vai nupa, ka tawn ang tawng ve chu an lo ang hrep bawk a. Kan 3 chuan an manager chu kan han hau barh barh a, a bak chu tih theih em em awm hek lo. A thinrim thlak duh khawp mai. Ka phone pawh chu hei a la chhe reng tho a…
[Report abuse]
November 5th, 2010 at 7:41 pm
A va zia lo ve.
Phone, laptop, desktop computer vel an hralh dawn hi chuan an phur viau. Vairam nen a in an lohna chu software te, hla tha tak2 te, duh leh games te min thunsak nghal thei a, a leitu tan a lawmawm duh. Mahse warranty awmna ah, a chhe siam hi an phur lo thei ngawt tak mai.
Nokia care chu ka rin an ang lo kher mai. Rawn thleng mang si lo, Vawi hnih ngawt mai a rawn thleng tawh tia dawt han inhrilh chuh! An sawi ni la la chuan nangmah ngei kal thei tawh la. Tin, a rawn sawitupa hming pawh kha zawt ang che.
[Report abuse]
November 5th, 2010 at 7:45 pm
Heta ka awmna ve thungah hi chuan nokia care an fakawm khawp mai. Hmun hrana ka thiante Nokia phone chhia pawh min thawn thin. Hmanni phei chu battery charge na, ka phone a mi a pin te hi a bung hlauh mai a, ka va kal pui a. An siam lai pawh darthlalang chhanah min entir thlap a. A part engmah an ruk loh zia an show ve na ni hmiang ka ti mai. An siam zova, ka haw pui leh nghal hmak.
[Report abuse]
November 5th, 2010 at 7:53 pm
I kal thlawn leh chuan an dawr kawtah midang a kal thlawn lo nghak la nakinah in kal ho anga in chilh rawn hrep dawn nia
[Report abuse]
November 5th, 2010 at 8:03 pm
niaaa….thenkhat ah chuan an efficient viau tho asin!
Desk-a lo awm vel nena intawng vak vak ai chuan a head lam deuh hnena complaint thehluh dan zawn mai a chi zawk ang a..? An hotu lu te’n an hnathawh dan hi an hriatpui kilh kelh kher lo ang..
Thildang deuh..hmanni ah keini poh network chhe ltk vangin customer care centre kan call chhen mai a, a tawpah chuan pakhat khan beidawng deuhin, min hrethiam rawh u, hetah hian kan thru ve tawp a, engmah technical lam kan khoihlo a, Anmahni’n min ron inform loh chuan engmah kn hrebiklo, a ti tawp!! Lolz… Inbiakna hi an record thrn geiin k hre sia, a sawi ngam k ti zok khop a, mahse ka khawngaih reuh ltk a..
[Report abuse]
November 5th, 2010 at 8:06 pm
Alo nih hi.
[Report abuse]
November 5th, 2010 at 8:18 pm
Nokia hmangtu kan tam hle a. A chhia pawh a tam ber. A zuartu te hian an siam ve thiam tho anih chuan siamtir nghal mai a fuh ka ring.
Nokia ah hian duplicate part a tam duh hmel.
[Report abuse]
November 5th, 2010 at 8:35 pm
Nokia Care hi keipawh ka ring tawh lo tawp. Hmanah phone kan dah pakhat an siam theih loh hnu ah Cell Care ah awlsam te in an lo siamtha a. A dang pakhat pawh software problem vangin ka dah a, an flash na ah an lo tichhe ringawt a, an siamtha leh thei tawh lo zui. Ka buai hrep hnuah siam thei ka hmu fuh hlauh.
Warranty vang chu ni lo se vawikhat mah ka dawr tawh lovang.
[Report abuse]
November 5th, 2010 at 8:41 pm
Nokia Care rinawm loh vang ani lova, khalai local vendor (Nokia Care, Chanmari) te inthlahdah vang anih zok kha. A Nokia Care tak te hi chu an service a thra, warranty awm chhung nanana chuan. Tuna i sawidan hmang hi chuan Nokia Brand hrim hrim rinawm lo a ang tlat.
Nokia ho hnenah complain thehluh na chang i hria engem? An website-ah khan complain na tur a om kha. I mobile IMEI number, model, date purchase, Nokia Care Chanmari te address leh service number etc. I phone chu anti bo aniang, chhuanlam an siam ngun danah.
Vawikhat battery ka lei ve tawha, an zinga pakhat khan lo nghak lok rawh a tia, pawnah a chhuak vang vang hnu ah a ron keng lut a, “Hei le” a ron ti ngawt. “Pawna mi ka lei duh loh vang alawm hetah ka ron kal, original ngei ka duh” ka ti tlat. Ori nilo ori price-a min lei tir phet ala tum zui, hmelchhiat thlak ltk. Ka chhuansan vang vang, ka dawr leh tawh ngailo ang..
[Report abuse]
November 5th, 2010 at 8:56 pm
Ka var uar uar mai..Nia hun hi ka neih tlem avang hian midang ka tir thin a. An lo pe mai ang chu ka’n ti thlarawk a, rin ang an lo ni lo em a ni. Vawi khat chu keimah ngei pawh ka kal ve tawh a, “A la thleng lo,”..an tih takah chuan tha takin ka chhuah san ve leh mai a.. Ka harh chhuak hawk e..
[Report abuse]
November 5th, 2010 at 9:41 pm
Post tupa a va zia lo ve le….
Kei pawh han ti ve zel ila, kumin kumtir lam khan N96 Warranty awm tawh lo ka siam tir a, phaiah kan thawn an ti a, thawn man min chawitir phawt (an thawn ka ring lo khawp mai), a thar pawh siam chhuak theiin an siam tha thei lo kha mak ka ti nawn leh phawt, kei chu inhnial ka hrat deuh a niang ka hnial hrep.
A hnu fe thla 2 vel ral hnuah min rawn phone leh a, rawn dah leh teh an ti a, phur tawkin ka dah leh an siam tha chuang lo ka lung awi lo ve teu teu khawp mai
[Report abuse]
November 5th, 2010 at 9:55 pm
Electronics lam reng reng chu a chhia an siam laia ka awm loh chuan ka ngaih a tha theilo khawi hmunah pawh nise. A hrim hrim ah mizo leh mizo inbum hi chu a thing uih sumdawnna lamah ngat phei chuan. Chandmary lam thian ka nei nual a ka lo sawi pung ang, ka vuipui khawp mai che
@Adminte u, ‘Solfa leh kungfu’ chungchang post kha ka thiante’n an chhiar ve duh a ka hmu zo derlo, in delete tawh a mi o…. Hetiang hun hi ram leh hnam tana ‘ kungfu’ hman tangkaina tur chu ni awm tak a ni
[Report abuse]
November 5th, 2010 at 10:45 pm
Nangmah ngei han kal la, sawi tam lovin – i duh ber han thlang ve mai la….
[Report abuse]
November 5th, 2010 at 10:48 pm
mahni thil chu mahni ngei hian buaipui ila a fel mai. Nangmah va claim tura kal lovin Midang i tir a i buai lohna turah i buai phah ani ve thei tho mai lo maw.
[Report abuse]
November 5th, 2010 at 11:10 pm
Kan share ve teh ang che u. Keipoh hmanah phone ka lei chu a chhia a. Ka lei naah ka dah a, thla 6 hnuah a lo la thleng lo a, mahse an ta ka la lui..batery chu a lak theih loh, i rawn dah laiin battery a awm lo an ti a, mahse ka dahna ka hre lo ka ti tlat a, ui tak chungin battery nen chuan min pe a…keipohin ka suffer a, an ni pohin an suffer ve turah ka ngai hmiah.
Ka laptop hi a thar , May/June 2010 a ba a Trade Centre a ka lak a ni a, August 2010 khan trekin a deng a, Trade Centre te chu ka thon phei a, kan siam chhung chu kan ta pakhat hi i lo hmang mai dawn nia min ti a, ka hmang ta char2 rih.a model in ang chiah, a rawng thlenga in ang chu ui miah lo in min hman tir nia maw le…sumdawng te hi an lo in ang lo hlawm mai mai tih kan sawi duhna a nih chu.
Tin, dawr nghak ho hi biak hi an har thei lutuk a..a tam zawk chu thla khatah cheng 2000 vel hlawh a an chhawr mai mai a ni sia..ka hmuhsit vang ni lo in, an nihna an hai nasa thei ka ti em a, kan sawi lang hram a ni.
Dr.Rosangluaia Clinic a in entir tura ka kal chu thingtlang mi, rethei tih hriat ngawih2 hian damdawi dawr hrang2 kha khawnge Dr.Manghaka Clinic an ti a, damdawi dawra thok nula ho khan khulaiah khuan ti ngawtin an chhang a,an hre thei si lo a, ka khawngaih lutuk a, a hmunah ka zuk kawh hmuh ta ringawt a.khang damdawi dawra thok ho kha damdawi dawr neitu te chhawr lai mai2 kha an lo ni a.ka huat pui khop asin aw.
[Report abuse]
November 6th, 2010 at 12:09 am
@Post tupa, Nokia X3 hi lei ka tum rilruk deuh a ni a, zawhna tlem ka’n zawt lawk che. X3 hi lei ta ila a inchhirthlak ang em? Camera tha pangngai a ni em? Sound eng nge a an? Net browse nan a tha em? Nokia 5233 nen ka buk a, thutlukna ka la siam thei lo. Min suggest theih chuan…
[Report abuse]
November 6th, 2010 at 1:51 am
Ofis poisa in Rs 6500 laiin handset thlahnih kalta khan ka lei ve a, NOKIA…( a dawr hming sawi lo mai)… mahse a display a buai ta tlat mai..ka leina dawr a ka va hrilh chuan Canteen kual a repair centre min lo kawh hmuh( ka lei lai kha chuan Guarantee/warranttee an sawi na sa).. an nin Cell care etc a kal turin min lo kawh hmuh leh… cell care bul A! cell care a ka va kal chuan a repair theih loh an ti hmak…ka question ber chu he ti khawp a NOKIA lar chu service centre changtlung deuh te neih ve awm.. Ka leina Dawr a ka va hrilh leh lahin Rs 1000 vela lei tir turin min lo rawn vel..
[Report abuse]
November 6th, 2010 at 5:58 am
@42 ka mimal experience chu ani hauh lo a,ka nau hian X3 chu a lei ve ngei a, thlakhat emaw vel lekah a software a buai a,siam tir tha ve leh mai,amaherawhchu a nei dang ho pawh hetiang a buai hi an lo awm ve nual ani awm e. Chu te mai chu.
[Report abuse]
November 6th, 2010 at 6:08 am
Nokia Care, Dawrpui ah hian ka phone tui ah ka tihuh deuh nel nual avangin, (a chhe miah lo hlauh)ngaihthat nan min tih ro sak teh u,tiin ka dah a. Ka lam leh chuan a camera a lo awm reng2 lo mai a, an dawr ka chhuahsan hma in ka hmuchhuak hlauh a,min vuah sak ve leh mai. An tihluih chu anih ka ring hran lo,mahse an fimkhur tawk lo viau in ka hria. A lens velah bawlhlawh an ti kai teuh leh ta nghal
[Report abuse]
November 6th, 2010 at 6:56 am
#44, chuti chu lei lo ila a that dawn chu
[Report abuse]
November 6th, 2010 at 9:22 am
A chhe siam pakhat rinawmlo ka hria. Ka mobile a chhia a, siam tir turin ka dah a. Memory card 1gb ka phawi theihnghilh daih a. Ka va zawh leh chuan memory card a awm pawh kan hre lo min lo tihsak a. Ka tlawm ngai khawp mai. La duh tawk hi an awm ve zel tho a nih hi.
[Report abuse]
November 6th, 2010 at 9:43 am
@ sisen : X3 hi a tha vak lo niin ka hria camera nigthmode a awm loh avangin zanah a hman tlak loh tawp..chhunah chuan a tha khawp mai.Net browse nan chuan a tha ve e. X3 hi duhthu a sam lo niin ka hria..
[Report abuse]
November 6th, 2010 at 10:34 am
Va’n mak ve..ka dawr ve ṭum chuan an polite lutuk. A bula Airtel zawk saw..????..ka la kal nawn leh lo a(h)
[Report abuse]
November 6th, 2010 at 5:09 pm
Huiham!!!!
[Report abuse]
November 8th, 2010 at 1:01 am
Tuilet hnu ata tawh vawiin thlenga tu pa fa mahin an la thlen phak loh leh an la hmuh ngailoh he phek thar duhawm tak thleng thei leh hawng thei tur a ka la nung ve zel hi malsawmna a va ni tehlul em..chutih rualin hringmi leng zawngte’n zanthim trihbaihawm tak chu khuanu remruat dan anga mutmu an tuahsan bawrh bawrh laia nghate rep ang mai a kan lo la men tlet ker zawngin zan vak ramhuai ho te nen kan inchapchar dah hlauh ang e…laikhum ah chham ang i zal ar ar mai tawh tengs..
[Report abuse]
November 8th, 2010 at 1:09 am
Bakcheh chu va mu har e
[Report abuse]
November 8th, 2010 at 1:12 am
zanvak ramhuai pakhat phots!
[Report abuse]
November 8th, 2010 at 1:14 am
Ala muhil lo ka ti,ka ril a tram chwthring ka ei dawn mawnle
[Report abuse]
November 8th, 2010 at 1:19 am
Awi! Pangti! In min ti ngai ee! Inah kha cuan zan rei deuh thleg2 thriante kan kom a, movie te kan en a, riltram hun2 ah chaw kan ei thei aaa….lungleng..huihams..
Ka mu mai..mangtha au!
[Report abuse]
November 8th, 2010 at 1:26 am
Sorry, ka hawn sual a ni maw! ka kal leh nghal mai e, chhunzawm hmiah hmiah mai ru, ck lohna post dangah ka va comment ang e
[Report abuse]