Tunlai hian TV ah Sales Boy/salesgirl, Staff Nurse, GNM, Laboratory Technician etc hnathawh tur Singapore-ah a awm a, a duh tan dil theih a nih thu kan hmu thin a. He thil buaipuitute hi Aizawla mite an ni. Hei hi thil itawm tak angin lang mahse, mi tamtak buaina zakhua thlen thei thil a nih avangin fimkhur a ngai em em a ni.
A chhan chu thawk khat lai khan Singapore-ah Hotel Management zirna tha tak a awm tiin sawi a ni a, hna pawh pek ngei turin an tiam bawk a, zir man hi cheng nuai thum vel a ni.
Hotel Management hi kum khat leh a chanve zir tur tih a ni a, hemi beisei hian nikum kum tir atang khan Mizo nula/ tlangval mi 30 lai chuan an ngaihven a, zir man hi advance a pek vek a ngaih avangin inhmun te dahkhamin Bank loan te la chawpin a nuai tel chu an thawn hlawm a. Chutiang chuan kal mai tura an inngaih laiin kum hnih dawn a liam hnu pawh hian kal tih reng a awm thei ta lo a, an Loan lakna Bank lamin a pung nen an rawn thing ta mai bawk si nen tunah hian an buai hle tawh a ni.
Pawisa lo thawn tawhte chuan lak let an dil a, mahse, a theih tawh loh thu bak hriat zui an nei lo.Thil an han chhui chian chuan a tiveltute hi Firm lem, Singapore sorkar registration nei lo an lo ni a, an buai ta a ni. Tun thleng hian an kal thei lo. He thil Mizoram atanga buaipuitute bawk hian Singapore a hnathawh tur an buaipui hian ngaih a ti tha lova, engang pawhin sawi thiamin sawi rinawm mahse, mitin i fimkhur ang u.
Similar Posts:
- Min pui thei in awm em
- Sawi lawl lawl mai awm.
- Hotel Management chungchang
- Manager in 10% dil thin ?
- Cover Girl
July 7th, 2010 at 1:51 pm
A bengvar thlak 1st hle mai. Ni e, Mizote hi kan state dinhmun hniam avang hian zirna leh hnathawh avangin hmundang kan pan nasa. A chhuak zawng2 te erawh hi chuan hna/zirna belh tlak tak2 an hmi vek lem lo, ngaihtuah ti thui fe fe chu an awm.
Fimkhur viau hi a tul reng ani. A pawng a taka hmundanga hnathawh/lehkha zir in tihhmuh pawh a tha lem lo.
Report this comment
July 7th, 2010 at 2:12 pm
Ka thiante 3 poh an tel ve.. Mase 1 chu a kal tak2.
Report this comment
July 7th, 2010 at 2:52 pm
Singapore a han kal, zir chhuak thlap, Hotel/Restaurant a OJT tizo rawn haw leh tawh pawh an awm nual tawh e. Anni ho pawh hian eng eng emaw sawi tur chu an nei maithei.
Report this comment
July 7th, 2010 at 3:09 pm
E, Inbumna thil mai mai a ni leh mai thei, fimkhur tlang teh ang uuuu. Bumin awm suh u.
Report this comment
July 7th, 2010 at 3:11 pm
Nia i fimkhur theuh ang u.
Report this comment
July 7th, 2010 at 3:19 pm
Foreign ah hnathawk tur hian Work permit neih ngei a ngai chu chu ram hrang hrang tihdan a inang lo hlawm hle.
Hetiang hna hniam lam ho hi skilled workers leh unskilled workers tih te poha thren an ni. India ram atrang hian hetiang ang hnathawk tur hi an thawnchhuak nasa hle. Chutiang thawnchhuaktute chuan india ramah Employment agent registration mumal tak an neih a ngai. Chu registration nei ngeite chu Singapore Company te hian an aiawha recruitment titurin emaw an mihring mamawh zawn sak turin an tih kher a ngai. Chutiang neilo te lakah chuan fimkhur hle a ngai.
Singapore ah hian Employment Agent kaltlang kher lo mahse hna pe thietu ten Singapore sawrkara foreigner rawih phalna an lak ngat kaltlangin Work Permit direct in an pe thei bawk. Hetiang hian ka farnu ngei pawh kum 5 chuang Singapore ah hian a thawk ve tawh.
Mizo zingah hetiang employemnt agent nei hi tlem an awm maithei. Ka hriat chhun chu Churachandpur lam chhuak kan Hmar unaute an ni Delhi ah office neiin an awm thrin kha. Mahse ka hriatsual loh chuan an ni kha Middle east lampang an deal deuh hmel.
Foreign a lehkha zir hian hna hmuh hi a awl lem lo mihring ah a innghat zei leh zeilo inkar chu lei leh van ang ani. Chuvangin hetiang ang license nei mumal lo te an nih chuan uluk taka chik a thra. Fimkhur tluk a awm lo tih hi kei misual ngaihdan ani e. Ka lawme
Report this comment
July 7th, 2010 at 3:24 pm
Fimkhur tih ngawt pawh a ni lo, tumahin zawm loh hmiah mai tur. Chu chu a him ber mai.
Report this comment
July 7th, 2010 at 3:27 pm
Rintlak loh an nih chuan a ti tu te hming leh address hi hriat chian ve va chak awm ve, thil hi zep deuh si hian kan sawi lang lawi a a buaithlak, a chiante chuan sawi bawrh bawrh hi nge maw pawina awm le ka ti ve mai mai kei ve te hian, dik lo palhah a lo inven ve theih anga !!
Report this comment
July 7th, 2010 at 3:34 pm
Singapore lamah hian han zir mai hi chu thil har a ni lo. Mahse hna thawk nghet tur chuan a buaithlak khawp mai. MOM lamah pass neih a ngai a, India mi/ ram dang thenkhatte chuan Hotel vela thawkin thla khatah $1800-2000 vel an hlawh a ngai a, hei aia tlawm hian Chinese, Malaysian etc ho an chhawr thei bawk si. Indian tan chuan hna nghet thawh a har khawp mai.
Tin, Singapore ah hian work permit nena thawh theih tawk hi a hniam deuhva Skilled Pass nen erawh chuan hlawh tha tawk tak a hmuh theih thung. Skilled Pass/ work permit nei tur pawh hian agent kal tlanga tih a ngai thung. Buaipui tur chu a tam ve khawp mai.
Ka sawi duh ber chu– Sawi leh sel tur chu tam tak a awm ang, mahse, inbumna hlawm tawp erawh a ni lo. A hrechiang duh chuan min rawn zawt keuh mai teh u :smile:
Report this comment
July 7th, 2010 at 3:43 pm
Hmanah khan Singapore a lehkha zir a lar hluai tak kha le, seminar te pawh an awm kha, khami te ho khan an hre chiang ber ang, an sawi dan kha chuan kum khat course a nia, chumi zawh thla 6 work permit an nei te an tih kha mawle….
Report this comment
July 7th, 2010 at 3:54 pm
@muantea ka va hrechiang chak ve, tihian ka rawn zawt keuh che :smile:
Report this comment
July 7th, 2010 at 4:31 pm
@muantea: kan zawt luai luai che :smile: tah hian min chhang mai ta che?
Report this comment
July 7th, 2010 at 9:09 pm
Ka hresual em ooo, a titute hi Pi Veronika Zatluangi te ho an ni em? Higher & Tech. Edu ho, an director hoin a buaipui tu te zing ah an tel bok em? Hte director phei cuan zirna in hrang2 tloh kual in ‘Sibngapore ah chuan YMA an din tep toh’ tih vel te, ‘Mizo thalai an chhoh tam lutuk don avangin Aizawl ah thalai an rem duak don’ te poh a ti vak vak ni om in an soi bok em? Rintlak se, kan thalaite hian an mamoh si a, a rintlak lo thin hian lung a ti zing a ni ber mai
Report this comment
July 7th, 2010 at 9:17 pm
Phuahchawp Burma Dr. I va reh ve :lol:
Report this comment
July 7th, 2010 at 10:03 pm
kamrang, keimah maw (hu hu mai a!!!), ka buai ve nasa tunlai chu, ka misual hman meuh loooo
Report this comment
July 8th, 2010 at 12:17 am
he post hi tha ka ti lutukss..thil tangkai a ni tlats..he he post hian min ngaituah tir chu…thil dik lo hi glorify chiam lovang u,,
Report this comment
July 8th, 2010 at 1:28 am
Phuahchawp leh inbumna mai chu nise zir chhuak ta an awm lovang. Felhlel ka tih deuh hlek chu a awm. Helamah Pi Veronica leh Vai thenkhatte buaipui a ni a H&TE lam pawh an tel. Singapore lama lo buaipui bertu ka hriat hi agent mumal tak erawh a niin ka hre lo. Helam atanga fee thawn thenkhat bo thlau deuh ta pawh a awm niawmin ka hria. An han zirna hmun hi khi lamah pawh lar lem vak lo a ni. Amaherawh chu zirlai hnathawh tur nei lo an awm lem lo. Singapore lama an guardian hman deuh ber Jeremy erawh khi chu a fel khawp mai. Aizawl ah pawh a rawn kal in ka hria.
Report this comment
July 8th, 2010 at 1:33 am
Tun dinhmun erawh chu ka chiang tawh lo. Pi Vero-i hi chu a fel khawp mai. Thil dik lo ti turah chuan ka ngai lo. Engpawhnise, khawi hmunah pawh hian fimkhur a ngai a, uluk taka lo zirchian ve zel hi a tha.
Report this comment
July 8th, 2010 at 11:40 am
Thil reng reng hi buk thiam a pawimawh khawp mai, hna tha tak zawn sak thei tiin, mi sawm enrollment-ah pawisa cheng 10000 theuh charge ta se, paruk ti zu zi in mi pali kha an tiam ang takin hna tha tak hmuh sak theih ta ang se mi pali te kha chuan hna zawn sak tu te kha an fak ngei ang, chutih laiin mi paruk te tan khan enge an nih ve ang. Hetiangah hi chuan mitin hi fimkhur a tha ber mai awm ma nge, hna zawng khan eng security nge a neih tih nachang te hria se pawisa a sen hma khan.
A engapawh nise awareness tam tawk leh tha tawk kan neih hi mizo te hian kan mamawh ber mai e, India rama lehkhathiam tamna ber dawttu kan nih rual hian!!!
Report this comment