Hming hi a mak ve ngawt mai kan khuaa pa tawi ber hming chu Pu Sanga a nia, a dawtah Pu Vana. Pu Sanga ka han ti tak nain tlangval hnahkhat ngat a la ni a mahse, kan khua-ah chuan mi zawng zawng ‘Pu Sanga’ a ni tlat. Nu leh pa, pitar putar leh naupang thlengin ‘Pu Sang’ tih kha kan koh dan ber a ni mai.
Amaha awm niin ,a pa chanchin hi keini rual chuan kan hre pha meuh lova a nu erawh middle school kan kal tirh (ni tain ka hria) khan a boral a. A tunu (a u fa) nen an awm a , ani pawh chuan pasal a neih tak avangin amah chauh chuan a parawl ve naw naw a.
Kum dang ang bawkin Krismas hun hlimawm tak hmang tur chuan kan khaw lam ka pan ve leh a. In chhuih bah palh nei miah lovin tluangtakin ka thleng a. Kan in thlen hma chuan Pu sanga in kal tlang a ngai a. Ka thleng tep tihin Pu Sanga chuan a kawtah thing a lo ek tauh tauh a. Ralkhat atanga min lo hmu chu a thing eh lai dah meuhvin min rawn thlir a.
Hlim hmel tak puiin min rawn pan hnaia “ E , mama i lo haw thei maw, i va ngaihawm ve.. Krismas nge nge kan dam a kan inhmukhawm leh thei ta a nih hi ti raw? Khawi maw insat-kak i la” tih pahin min chibai a. “Aw, ka dam, kha.. i la tlangval tha hle mai, i hmel a la thain i hriselna pawh a tha a nih ka ring” ka han tih chuan a hlim hle a ni tih hai rual a ni lo. Zan lama kan ina rawn len a tum thu te min hrilha, ka kal san ta a.
Krismas chu a ni telin a hnai telh telh a. Boruak pawh a thengthaw nuamin thingtlang khua tih takah han hawi ila dai vel te chu Tlangsam par leh Zapan hlo parin a bawh vul chuk a. Chhungtin te pawh an phak tawk theuhin an inbuatsaih a. Kawtzawl leh kawng puite phiat faiin an in te an cheimawi a. Khawpuia lehkha zir lai te pawh rawn haw khawmin, thenkhat pi leh pute khua tia krimas chungkuaa rawn hmang tawk an awm nawk bawk. Kan khuaah chuan a khual leh khual lo kan inzat hial awm e.
Hetih hun lai chuan khawi hmun dang hi kan awt lova, kan hlima kan thinlung hi a thawveng hliah hliah a ni. Mikhual nula hmeltha deuh krismas rawn hmang an awm phei chuan tlangval tan chuan a nawm zia kha sawi-in a siak lo. A ni, hemi hun chhung na na na chuan zozial atangin cigarette-ah kan kaisan ve ngei thin kha maw le.
Chutia hlim taka kohhran leh khawtlang a inbuatsaih mup mup lai chuan.. Ka haw hlima min chibai hmasa ber tu Pu sanga kha rilruah a rawn lang a. Eng tin nge he hun ropui tak hi a hman ve ang? Mitinte chhungkaw kima hlimtaka an phut suau suau lai hian a inak khawhar takin amahin a awm awm si a. Krismas kawrthar leisaktu a nei ve ang em?, thil thar nei pawh nise lawmpui tu a nei dawn em ni! Tlangval a ni ve a urlawk zana nula leh tlangval Ar kang pawh a hmuh hmaih bik hauh lovang. Khawtuala naupang ho hlimtaka an infiam a hmuh changte chuan pan lai nun a ngai lo bik dawn em ni?
Kut sa hmehin thenawmte an chiar noh noh anga, ani erawh Kut sa mahni chauhvin maw a kil ang! Krismas tuka mite’n hlim taka chungkaw thla an lak te chu thlir liam mai loh chuan atan eng nge tih theih awm.. Krismas chhangban chu amah chauhvin maw a ei dawn…Mahni chauhvin tapchhakah indawm kun lapin, nunkhawhar em emin hun a hmang dawn a ni si. A tan chuan krismas hun hlimawm tak chu lungngaihna hapta, khawharna kaichhuak tu a va ni chiang dawn em.
Krismas tuk a lo thleng ta a. Mahse, ka rin ang a ni ta hauh lo mai. Pu Sanga chu a neih chhun nen nalh thei ang bera inbelin zing karah khawlaiah a tei lauh lauh a. A hmuh apiang hnenah krismas chibai bukin, “Chungnung berah Pathian ropui ber rawh se” tih chu a tlangpui a. Veng kil khawr ber thlengin a tlawh kual a. Tlangval senior , mi zawng zawng ‘Pu’ ni tawh mah se khami tuka a hmel that zia kha.
Inkhawmnaah nise a kal hmasa berah a tang a. Inkhawm banah khawi kal kawi lovin, zaikhawmnaah thingpui no dawm hmasa ber a nih ziah thin. A krismas hmanna hmun chu biakin leh zaikhawmna in a nia, lamtualah nise a chhuak hmasa ber ziah. Lun sun khawhar chhung te tlawh kualin tawngtaina hun a hman pui thin. Thu tam a sawi ngai lova, thusawi thiam lah a ni hek lo. A nunin Pathian a chawimawi a, a zaithiam emaw thiam lo emaw a awrawl tawpin Pathian a fak mai thin.
A ni, Krismas avanga thawmhnaw thar neihah a buai lova, Krista silhfenin a inthuam a ni. Nalh tak taka mite’n an in an cheimawi chu a awt lova, a in khawhar tak chu thlarau thianghlimin a luah khat tir zawk a ni. Thihna avanga a khawharna zawng te pawh hnehin a thinlungah ‘Lal thar’ a pian tir zawk a. Parawl niin mal takin inhre mah se Krismas neitu Isua ngei kha a kiangah a awm reng tih a hai lo. Mite angin ro thil hlan tur nei lo mahse a neih chhun a thinlung a hlan si.
Tlangval laia ‘Pu’ title nei pha ngat, a hming ‘Lalsanga’ ni mah se kan khuaa pa tawi ber, Pu Sanga krismas hman dan hi a ropui ka ti a, pianphungah kei aiin tawi mah se krismas ka hman thin dan nen ka khaihkhin hian Pathian tehna atang chuan kei aiin ava sang rua dawn em!
Similar Posts:
- Krismas Midangte Tan
- Krismas Thuchah
- Advent nge Advance Christmas?
- Chaw duh vanga Kristiante leh Krismas
- Ka dawn sei ngamlo e
November 25th, 2010 at 1:47 am
Naktuk zinga comment atan !
[Report abuse]
November 25th, 2010 at 1:49 am
Tunlai posta thui thei khawp mai chhiar lo in coment mai teh ang :roll: :oops:
[Report abuse]
November 25th, 2010 at 1:52 am
2STATE 1 STATES ni tura thurawn ka pek a kha nilo ve tlat mai, hei ham hui ham, leng tar law law ang, eeeeee khai 3 ve tum ang hmiang ka chhiar dawn e
[Report abuse]
November 25th, 2010 at 1:56 am
Mumang lama chhiarah dah tha tawh mai teh ang….ka mut a OUT tawh tlat….
[Report abuse]
November 25th, 2010 at 1:57 am
hman ah Krismas lai in ka pheikhawk meilum aina ah ka ti kang vek a, ka bek sam ka ti hmui chum chum bawk, nuih zat tur ni miah lo, ho e, Krismas, apiangna ngeiah hman tum ve ang,ka tleirawl la mawlh kha , sawi ang u nun hlui lunglen kai tho tu ah
[Report abuse]
November 25th, 2010 at 2:00 am
zanin chu D_aua peih chen chen ka peih, mut chhuak thei hek lo le.
[Report abuse]
November 25th, 2010 at 2:04 am
@As_Khiangte, mutchhuak toh mut tum ham cho tlat mai chu, keiinka cho che, tin, charity fund hi lung ti leng em em nia, nang ve le
[Report abuse]
November 25th, 2010 at 2:04 am
Thianpa, a ngaihnawm khawp mai!
[Report abuse]
November 25th, 2010 at 2:06 am
@Keimah Thingtlangpa, ve em a che, i chhiar pawh ka ring lo e
[Report abuse]
November 25th, 2010 at 2:07 am
@ngente, kei pawn ka cho che, charity fund hi chu ka phur tawp, lung phei chu a ti leng em em lo a
kan dam anga nikum aia pui deuh tak khan kan ti ang chu mawle.
[Report abuse]
November 25th, 2010 at 2:14 am
@As_Khiangte, ka tlom leh si, dah mai aHV a ang a inhnial hrat ka ni lo e, ka tlom katlom mahse charity hi chu nikum ai chuan pay pawh sang ni lom ni kha? hei ka cho lo che nia
Post tu pa hi a hnah a tla kolh ve thin em le, a hmign atang ngot chu……..
[Report abuse]
November 25th, 2010 at 2:20 am
@ngente ka cho hluah2 bik kher hlei nem che
pay sang chu thuhran ni se (pay ka nei ve lo a) Epis-a post khan rilru a hneh riau a, kumin chu midangte tan tih lam rilru kha a ni ber.
[Report abuse]
November 25th, 2010 at 2:21 am
post tupa hi fb a mi kha a nih chuan a thlak kawlh loh hmel, hmulphurh ngah ve tak a ni hmel
[Report abuse]
November 25th, 2010 at 2:22 am
misual charity chu zaithiam hruai in ti em? or super model, officer’s choice-i hruai ti ula :mrgreen:
[Report abuse]
November 25th, 2010 at 2:26 am
@ fonz… super model chu i duh duh hunah min hruai thei
[Report abuse]
November 25th, 2010 at 2:36 am
zaithiam/super model hruai tur ngaihtuahtu tur inruat ta ila, tunge misa deuh ber ang aw?
[Report abuse]
November 25th, 2010 at 2:38 am
officers choice-i i chiah ania sawm ka tih ..midang chu ka suggest lo
[Report abuse]
November 25th, 2010 at 2:48 am
kan sawm ngei ang chu ani a tel chuan khua te a vawt lo deu ang chu
[Report abuse]
November 25th, 2010 at 2:51 am
@Fonz, ka fb hi home page pawh a lang thei lo ka fb thei der lo, Javascript is disabled on your browser a inti kuau a hei vang hi a nia ngem?
[Report abuse]
November 25th, 2010 at 2:59 am
chhiarlo pohin a comment theih tho bawka, comment phwt ila, nakinah chhiar ang, k mu dawn
[Report abuse]
November 25th, 2010 at 3:02 am
Pu Sanga chu he khawvel hlimhlawp leh tlereuh in a Masi boruak a tibuai lo hle mai maw. “Chungleng sava te hi enteh u ….” Pathian min siamtu nasa taka fak thei te hi an awhawm khoops.
keini zawng materialism hian min tiabuaia hlimpui chhung lah a rei silo min delha kan helh awl awl mai zawng anih hi
[Report abuse]
November 25th, 2010 at 3:11 am
As ..a nih hmel a
[Report abuse]
November 25th, 2010 at 3:16 am
Fonz, thiam a tlem si zin naa hetiang problem neih chu a nuam lem lo khop mai, firefox download ka tum lahin security settings in a phal bawk si lo, bthlak.
[Report abuse]
November 25th, 2010 at 3:26 am
ngente #11, inhnial (argue) ni lovin inchhang (discussion) kan nei zawk niin ka lo hria asin, min van chhuah chhe reuh ve a Thangbawih, hairehai :mrgreen: NOI
[Report abuse]
November 25th, 2010 at 3:44 am
Pu Sanga chuan nupui han hmu zo ve hlauh se ka va ti em! I ziak tha hle mai. Pu Sanga chanchinah hian zirtur kan ngah khawp mai. Kumin chu Krismas thuchah ang tur tha tak tak kan ngaithla nasa bawk a misual ho chuan masi hlimawm leh a hman dan tur dik takin i hmang teh ang u khai.
[Report abuse]
November 25th, 2010 at 4:01 am
@ ngente, a ziak ngaihnawm em alawm
[Report abuse]
November 25th, 2010 at 6:12 am
ngaihnawm hle mai.
[Report abuse]
November 25th, 2010 at 8:28 am
Miller of the Dee te pawh min ti hrechhuak e,pu sanga chu.
[Report abuse]
November 25th, 2010 at 11:16 am
A ngaihnawmin zirtir a nei tha kher mai. Pu Sânga ang hi kan khuaah pawh a awm ve e.
[Report abuse]
November 25th, 2010 at 11:22 am
Khitiang khi Krimas kan hman dan tur chu a ni reng ani…hlim thei ang ber in kan lungawilohna leh thinrimna te dah tha in Lal thar lo piang chu kan thinlung ah pian tir ila,khawvel hi a lo mawizual thin ani..
Ka pa ka hre chhuak thin..Krismas ni hi chuan engvang pawh nise,inhauh leh in ti thinrim hi a phal lo bur thin…kumin chu an zingah ka hman hmel si lohva ka ngai dawn khawp mai…
[Report abuse]
November 25th, 2010 at 11:53 am
A tha hle mai, i thuziak hian min hneh e
[Report abuse]
November 25th, 2010 at 2:51 pm
True story ngaihnawm tak a nih hi. Pu Sanga chu Krismas hmangtu DIK tak a nih chu le. A nunah chuan entawn tur tamtak a awm ani.
[Report abuse]