Kristian tan chuan kan hun pui ber lo thleng tur hi a nghahhlelh awm thin hle mai a. Nu leh Pa tam tak tan chuan a huphurh awm ang reng bawk si.Kumpui linglet a hna thawk in chuta thawhchhuah tlem te chu khawl ve keuh keuh in he hunpui lo thlen hian naupang lawm lei nan an hmang ral leh thin a.Chutiang neih loh hlau chuan hah pawh sawi thei lovin a sur a sa hnuaiah hna thawk in hun tam zawk an hmangral thin a ni.
Engpawhnise, he hun lo thleng tur hi chhungkaw damtlang in kan hmang thei dawn em tih pawh hre lovin kum tir atangin kan er ber a ni nghal a. Damtlang taka chhhungkua a kum kan han hmangral leh mai thin te hi a hlu in Pathian kaihhruaina leh awmpuina vang liau liau a ni tih hi kan theihnghilh ang tih a hlauhawm a ni.
Hetiang tak maia kan nghahhlelh hian a hun hlutna a tizual in a ti nuam bik thin a.Amaherawhchu, awmlai vei leh chhungkaw kim a hmang thei ta lo a he hun chuangkai te tan erawh Krismas hun hi lungngaih tahna mai a ni thin si.Chuvangin a hlutna hrethiam a he hunah hian chhungkaw damtlang a hmang thei tan chuan Pathian hnena lawmthu sawi mawlh mawlh hi kan ba ni.
A tawp ber ah chuan Krismas hun lo thleng hi a hlim hlawp bawl zawng a thlir lovin midang tanpui nan te hmang zawk ta ila. Fa te kawrmawi ilo etc. leh krismas ruai thawhlawm tur takngial pawh neih lohna avang a miharsa zawk te tan lungngaihna hunah a chan mai loh nan theihtawp i chhuah zel ang u. Engpawhnise,Krismas kan hmuah thlen tum dan hi a tha zawng leh mite tana kawng engemaw tal a malsawmna ni thei turin mitin i inbuatsaih thar leh ang u.
Similar Posts:
- Ka Hmangral Leh Thin
- Krismas leh kumthar vuakvet hlimthla…
- Ka dawn sei ngamlo e
- Krismas lo thleng tur hi…
- Krismas engtia hman nge i tum?
December 12th, 2010 at 4:37 pm
A van tha ve a, A tawpna i rawn tarlan ang khi kan rilru ah awm vek thei se a van tha ve aaw rawn ti zel teh khai.. chhiar a manhla tlat
Report this comment
December 12th, 2010 at 4:38 pm
Krismas hi kan tana Lal Isua lo pianna ni anih ang ngeiin keini a hnungzuitute pawh hian kan theihtawk ah theuh midangte tan a nun kan hlan hi pawimawh khawp mai…
Report this comment
December 12th, 2010 at 4:47 pm
krismas hi mahni tana in hai vur nan mai a hmang lova, midang tana kan luan chhuah ve theih hun anih hi maw! Chumi tura tan lak chu thil pawimawh tak ani reng ani. Good post! :happy:
Report this comment
December 12th, 2010 at 4:48 pm
“2010 Krismas – Midangte tan” tih thupuia hmangin thawhlawm bawm kan hung kha a ni a, he post nen hian a inhmeh asin. Kan tana A lokal dan te, a chhan te hrerengin keini pawhin midangte tan hmang ve hram thei ila…
Report this comment
December 12th, 2010 at 4:59 pm
Tha lutuk tlatz. Ziak ropui..Ka Krismas chibai misualdotcommers tan phot.
Report this comment
December 12th, 2010 at 4:59 pm
Nia a tha khawp mai i post hi!Midang tana thil ho te kan tih hian kan Pathian hi a lawm hle dawn si a chuvang chuan midang tanpui i inhuam theuh teh ang u!!!!
Report this comment
December 12th, 2010 at 5:22 pm
Misual.com christmas charity hawnna inkhawm ah he post hi chhuak khawpa mawi anih hi. Kan bawm hun chhan ber pawh a ni lawm ni?
Report this comment
December 12th, 2010 at 5:39 pm
Thu ziak thiam deuh in han chet hi chuan hmin sa pawh hi kan hmin leh zual thin. Midangte tana luangliam Isua zuitute hi kan luan liam ve zawng a ngai khop mai
Report this comment
December 12th, 2010 at 5:55 pm
Post tha khawp mai, Kumin Krismas thupui atan ka rawt nghal e.
Report this comment
December 12th, 2010 at 6:00 pm
9: ka thlawp e
Report this comment
December 12th, 2010 at 6:02 pm
#10 Ni teh se. Keipoh sapoot
Report this comment
December 12th, 2010 at 6:16 pm
Kan banner (headline) Misual.com tih hnuaiah hian “Krismas midangte tan” tih admin khan han dah belh teh u. Hei Krismas thupui a thlangtu leh thlawptu kan awm nual a nia…
Report this comment
December 12th, 2010 at 6:29 pm
Vawiin thlengin charity kha ka la thawh ve thei lo a, rilru a nuam tawh chiah lo. Remchang a awm theih ngang loh chuan Pu As Khiangte khan min lo thawh kep mai se… ba ka ngaihsak leh ngaihsak loh a test nghal a ni mai :lol:
Report this comment
December 12th, 2010 at 6:31 pm
Lunglei lamah chuan kan charity thupuiah ‘2010 Krismas – Midangte Tan’ kan lo thlang sa tawh a, mi(sual) pumpui thupui atan kan hman theih chuan a tha khawp ang.
Midangte tan ka ti dawn a nih chuan charity bawmah khan tam lua awm lo tlem lua awmin han thlak chur chur ,ai teh ang u.
Report this comment
December 12th, 2010 at 6:33 pm
Va tha ve………..
Report this comment
December 12th, 2010 at 6:34 pm
@ninja, ka Aizawl kal ka lo pen theihnghilh daih mai a, kal leh hunah ti mai teh ang, i thawhlawm tur pawh chu ka lo ken sak nghal dawn che nia Pu As-a sum bat sak ngai lovin :smile:
Report this comment
December 12th, 2010 at 6:56 pm
@ muantea hahaha :lol: bat a phal viau kan ring thla ngawt a. :lol:
Report this comment
December 12th, 2010 at 8:32 pm
chanhima5 a rawn dik dak lo chu avan lawmawm em.
Ni e, Krismas kan hman thin dan hi ngaihtuah chian a pawimawh hlein ka hria.
Report this comment
December 12th, 2010 at 8:37 pm
HV, in chhungkua a in lo ngaihthlak atan
https://www.youtube.com/watch?v=PdKl-SQOT2g
Report this comment
December 12th, 2010 at 8:38 pm
bmw i ti lawmawm e, kan nu hla duh
Report this comment
December 12th, 2010 at 8:40 pm
A thupui aṭang ringawt pawh hian a ril nghal ruih mai. RIlru a hneh nghal tlat.
Report this comment
December 12th, 2010 at 9:34 pm
Post tha tak ani e,ngaihtuahna ti thui khawp mai.
Report this comment
December 13th, 2010 at 12:04 am
@caribou, tam dah tur nei lo mah ila in bawm hun a thlak ve theih dan tur min rawn hrilh thei em? (from klb dist.)
Report this comment