Chu ka mumangah chuan, kan zoram hi a lo buai hle a, chu buaina lo chhuahna chhan chu; Thalai lehkhathiam hna hmu lo Sawrkarin a ngaihsak loh leh, eizawnna tur kawng mumal kawh hmuhna a neih loh a vanga, thiamna tha pui pui, chhawr tangkai loh a awm thupte lungawi lohna vanga lo chhuak hi a ni a.
Mipui an mang ang, buaina hlauin an in thiar fihlim sup sup a, naupang hlau lah an tap , chu buaina chuan tharum thawhna a lo keng tel a, Silai a ri ta pheuh pheuh mai. Nakinah chuan thawm chu a kiang duak a, Khawlaiah chuan Police leh Sipai an kat nuk a, mipui lam chu hmuh tur pawh an awm meuh tawh lo.Buaina siamtute pawh khawi laiah nge an awm pawh hriat lohin, an bo duak a, boruak erawh a ralmuang teh chiam lo hle a.
Veng leh khaw hrang hrangah chuan, sawrkar bungrua tihchhiat leh sawisak hmuh tur tam tak a awm bawk.Chutia buaina a reh tak hnu chuan kei pawh chu khawlaiah chuan hlau chung chung chuan ka vak chhuak a, hmun khatah hian lehkha in tar ka hmu a, chu leh kha ah chuan “ Kan ram leh hnam dinchhuahna leh siamthatna turin, keini lehkhathiam rualte chuan ram hnuai kan panta. Mipuite a tul anga min puih zel turin kan sawm a che u” tih hi an lo ziak a.
Ka kal leh deuh a, hmun pakhatah chuan dak lehkha ni awm tak hi ka hmu a, ka chhar a , tu ta nge tih a neitu hming pawh inziak a awm loh a vangin, a ka hawng a ka chhiar ta a, chu lehkha ah chuan hetiang hian a lo in ziak ta kalh mai a; “ Keini Lehkhathiam rualte chuan kan ram siam that nan nunna hlan turin ke kan pen ta, heng hi kan thil tumte chu a ni:
1. Kan ram sawrkar kalphung dik tawhlo hian nghawng a neih chhoh zel a vang hian, chumi siam tha a a tul ang a hma lak.
2. Mizoram chhunga lehkhathiamte an thiamna, chhawr tangkai thei tur leh, hman tlak an nih theihna tur a, theihtawp chhuah.
3 Kan ram eirukna ti bo tur a, eng hmanrua pawh hmang a a tul ang zel a hmalak leh ram hruaitu dik chherchhuah.
4 Kan ram chhunga miretheite chawikan leh tanpui.
5. Kan ram mihausa leh retheite inkar zau lutuk siam tha tur a a tul ang a hmalak.
6 Kan ram hmasawnna tur a eirukna liam tham a vanga kan hlauhte a chhan leh vang chhui chhuak tur a a rang thei ang ber a hmalak.
7, Sawrkar kan hi kan do lova, dik lohna erawh kan do, kan thih thlengin kan dovang,
8. sawrkarin ram hmasawnna kawnga hma a lakna tetih hlawhtlin a nih theihna tur a theih tawp chhuah a a tul angzel a hmalakpui.
9. Hnam in pumkhatna tur a hmalak.
10. Kan ram leh hnam humhalh. kan ram mipuite minchimral tum a hnamdang kan ram a lo kalte an chunga a tul dan angzel a hmalak.
11. Kan hnam nunzia hum halh tur a theih tawp chhuah.
In tiamkamna” Keini lehkha thiam rualte, kan ram leh hnam din chhuahna leh siamthatna kawnga hma kan lakna hrang hrangah kan ram tan ka nunna ka hlan a, a tul a nih chuan ka chhungte, leh unaute pawh kan ram leh hnam tichhia leh tihmingchhe zawnga an chet chuan, eng hmanrua hmang pawhin an chungah ro ka rel ang, kan ram leh hnamin hma a sawn a a lo din chhuah theihna turin,ka nunna ka hlan a, he thutiam hi ka bawhchhia a nih chuan kan hotuten min hmuhna piangah min that thei ang tih hi ka in tiam e” tih hi a lo in ziak a, ka en leh thin a mak ka ti hle mai.
A va mak em hei hi kan ram hian kan lo tawng ta a ni maw tiin, chu leh khachu ka chharna ngai ah chuan ka dah leh ta a , ka kal san ta a.Thil tam tak ka ngaihtuah a, hetianga ram hmangaihna rilru nei thei thalai fing zawkte an lo che chhuak hi a ropui ka tiin, a tul ang a tanpui zel ka in tiam ve ta a.Tun ah hian khawilai hmun ah nge an awm ang, tiin ka ngaihtuah a.
Mahse Sipai leh Police lamte an hlauh a vangin ram hnuai khawilai hmunah emaw chuan an awm ngei chuan ka ring a, heng ho hian tunah hian eng hmanrua nge an in chhawp ve ang; tih te chu ka ngaihtuah a, a tul angin, enghmanrua pawh hmangin hma kan la ang an tih a vang khan, hman rua chu an nei chhe hauh lovang tih chu ka ring a ni. Lehkhathiam rual an nih a vangin, Thiamna hmanga ralthuam lam siamchhuahte pawh an thiam ngei turah ka ngai a.
Ka awmna lai chu a him tawk lova ka hriat a vangin, i lam pan chuan ka haw ta a, in ka thlen dawn chuan kan inah chuan tute nge an nih pawh hriat loh hi an lo awm khawm teuh mai a, pawnah chuan Mipathum hian min lo nghak a, “ I lo thleng ta maw, kan lo nghak reng che a sin, inchhung lamah kan hotuten an hmu duh che a” an ti a. Sipai hotu an chiah in min lo lawm a, Salut min lo pe thuai thuai a, inchhungah chuan ka han lut a, ka luh chiah chuan zahna entir nan an lo ding rual thup a, a ngaihna hre lova ka din renglai chuan……….
Similar Posts:
- Mizote leh kuthnathawh
- Thuamluaia mual chu hei..!!
- Lehkhachaih (Kite)
- Mizo-Khasi buaina chhuak, students evacuated!
- Nuih hi
An mut hlanin Scientist ropui tak kan...
November 26th, 2010 at 11:02 pm
Kh1ah ma1 a
chutiang thalai thiam pui pui chu misual mai se
Lekha thiam rual tih a va tam em he post zet chuuu
[Report abuse]
November 26th, 2010 at 11:09 pm
#1 “Lehkhathiam rual” tih chu a tam tak2 a mi? Tawngkam dang a vang deuh aniang a :mrgreen:
[Report abuse]
November 26th, 2010 at 11:19 pm
#2, he mumang ah hian lehkha thiam ve lo te tan tel ve a inthlahrun awm dawn e, ka tel ve chak sia
[Report abuse]
November 26th, 2010 at 11:21 pm
I mumang a ni bawka anlo dah pawimawh hle che nimaw
An sawi zeuh zeuh na a, rammu tawk lo awm pawh ni se under graduate hlir an ni thei mai ang a..NOI
[Report abuse]
November 26th, 2010 at 11:24 pm
#3 :mrgreen:
:mrgreen: :mrgreen: :mrgreen:
[Report abuse]
November 26th, 2010 at 11:33 pm
Kan rilrua awm,kan vei te kan mang chawk.Nge phuah chawp zawk?Lehkhathiam pawh ni ila thawh hreh neihloh hmasak phawt kan ngai.Kuthnatawk 80% vel chu 50 n above kan ni tawh.
[Report abuse]
November 26th, 2010 at 11:42 pm
lehkhathiam inti hna ka hmu theilo tia lungawilo ho hi ngati nge an lungawiloh ngaawt le,thiam tak tak se hna atam teh reng nen,mizoram chhungah chauh lo pawh hian interneta job site ah hian han lut ila kan qualification in a phak tawk ang chu hna a awm ten tun reng apply tur,thiam tak tak tan chuan hna hmuh loh tawp chu har deuh a ni,civil service,SIPAI etc.etc.. te lah entrance a awm ve reng bawk nen,phu loh hna hmuh/thawh kan tum te a ni ve thin lo maw.lehkhathiam lo mahin an phutawk hnathawh tur an hmu teuh ania.Sawrkar puihna chauh leh sawrkar hna chauh hi i aim lo te ang u(n)
[Report abuse]
November 26th, 2010 at 11:50 pm
@ 7 kawlnicolney…there would be jobs for everyone if our society and developemtn wer not so skewed….IAS ping e es ti vel lo hian holistically in lo in develop chu ni ila
[Report abuse]
November 27th, 2010 at 12:29 am
@8 zualbonez i coment hi keini lehkha thiam lo tan chuan kan hrethiam phak ve lo. .mizo i nih cu k la ring tho!B-)
[Report abuse]
November 27th, 2010 at 12:32 am
:mrgreen: @ 9…. hriatthiam loh chuan i chhiar atan ka comment lo ah ngai mai rawh …manghta
[Report abuse]
November 27th, 2010 at 12:35 am
@10 manghta. . .mangtha
[Report abuse]
November 27th, 2010 at 3:32 am
Lehkhathiam,hna hmu lo,tih hi ngaihtuah ngun a ngaiin ka hria.Kan ram zimte ah hian eng subject ah mah cial bikna nei si lo,Pass tawk tawk,out-look zim bawk si hi kan tam mai.Heng zawng zawng tan hian -Sawrkar hna a awm vek lo a,Demand pawn a tlin lo.A thiam filawr hi chu hnaruak tlemte ah hian an tling tlangpui.
Office a hna hmuh chauh hi hnaah i ngai tawhlo ang u…
Kolasib ah khuan chhungkaw pakhatin hmunphiah hmun an siam a.A tirah ram an vat a,an phun bak chu-Thal a kangmeiin a man lohnan a ramri tihfai(meikawng sial) kha a ni deuh mai a.Tunah hian mahalder hnena commision ei tum hovin an bawr tan der tawh.Demand a sang si.Kumtina an in-come tur hi turu tak a ni..Hengte hi Vanglai hian thawh nachang hria ila.Ramchhung mai pawh nilo,vairam a thawn turin kumtinin/season tin hian Forest Dept. in Mahal permit pe turin tender an ko thin.Vai ramah a lut thla ruih ruih a.An sawi ka hriatdan phei chuan kan ram hmunphiah hi a tha an ti.
Infuih dan hi tidanglam tawh zawk ang u hmiang.
Mumang i neisei tha khap mai.
[Report abuse]
November 27th, 2010 at 3:44 am
Mi pakhat,lehkhathiam miah lo-USA a hnathawk-Helai officer lian kan tih ho hlawh aia sang hlawh ka hria..A tumruhna leh a hlawhtlinna hi ngaihnawm tham a tling a.USA a a kal dawn a support na a dawn chu-Rs.600 chiah a ni zui.A tum tlat a.A kal mai a ni.Pathian puih tlak a ‘tum’ neih te hi tul tak a ni.
Tu te puihna a zar a hna nghet hleilo thawh tum a thalai tam tak vei suau suau hi zah nachang kan hriat a hun tawh.
Khawvar a hnai a,ka inthlahrung lo mai a nih hi.
A man rem a tihna ka nei tawh a,Pathianin rem a tih chuan-kan ram thalaite chhiar tur a a chanchin hi ziah ka tum a.Ka ngaisangin chhuanawm ka ti hle a ni.OT..OT
[Report abuse]
November 27th, 2010 at 4:47 am
mumangneia chu i mumang chu Pu Laldenga (fam) in 1960s vela thalai lehkhathiam rual hnathawh lai nei leh neilo ho a khawma, nihna turu fe fe an invuah hnua volunteer an dina,an so hluta Independent an puanga kum 20 zet an rammu kha min hriatchhuah tir. Khang hunlai kha chuan Independent country din an buaipui. Tuna i mumang hi chuan thalai lehkhathiam rual independent lam hawi deuh si mahse sawrkar zar chauh zo tum chumi phena sualna tinreng do tela HEL lam a hawi hmel riau mai.
Hetiang hi Manipurah leh Assam-ah an tam mai – kei chuan tha ka ti lo khoops. Kan ramah hian leadership nei deuh te’n hetiang i muamng ang hi an la tihlawhtling maithei copy tur kan thenawmah an tam em mai.
Mahse heti zawnga kal ai chuan ramhnuai lam atanga do lovin overground ngeiah Change thlen turin kawng dap lam i man leh ngei ka beisei.
Mumang i nei edit ngai hle mai bawk i harh thuta i type nghal char char anih ka ring
[Report abuse]
November 27th, 2010 at 6:49 am
Pu Mz- a dik chiah mai,rammut a pawisawilo rikrap tumna hawi a infuih ang deuh a ngaihtheih a nih vaih chuan-a kristian lo ngawt ang le.Mi dinhmun it a thawhrim tum chuang miahlo ho hi kan awm ve a nia.
‘Corruption’te hi kan sawi tam tawh.A sawitute/a uar uar ho hian thil ho te a tang hian han inbih chiang ila,sawrkar sum nuai tam eiruk tluka tenawm hi kan inchhung khurah kan lo pairu reng lawng maw.Sum aia Hun(Time) kan corrupt hnemzia te hi i ngaihtuah ang u.
Officer lian hausa tamtak hian mipui chan ai an eiru kher lo a,an dinhmunah hian ding ve ta ila..fihlimlo tur..Greedy lutuk mizia hi kan tam khawp mai.
Mi nihna/dinhmun sawi hi chu a awl khawp mai..Mahni mita khanchhuk hmuh hi chu a harsa tlang a nih hi.
Thangthar, lehkha thiam a inngai ho pawh hi in enfiah kan tul.Engkimah survive tura tih tak zet a hun tawh zawk a ni.
[Report abuse]
November 27th, 2010 at 7:01 am
Non-violence hmang ram siam duhtuten zaninah ‘mumang’ kan nei ve ang.
[Report abuse]
November 27th, 2010 at 7:11 am
Keini chu reality lam, pre-misual charity intawhkhawm (PMCI) lam kan buaipui ta. Vawiin tlai hian zanriah kilho pahin Hotel Grand lamah charity kan han sawi hot ang e…kan phur tawh teh mai a nia!
[Report abuse]
November 27th, 2010 at 7:13 am
mak ve deuh mai chu mumang hi ka nei ngai ta reng2 lo hi ani…. :mrgreen: :twisted: Ka ngaihtuahna bak hi engmah mumang poh ka nei ngai ta lo…. :mrgreen:
[Report abuse]
November 27th, 2010 at 9:54 am
mumang mak tak chu a nih lem loh khi le..ka mumang mak tak tak te chu sawichhuah ve thiam chi a nilo, alphabet a ziah chhuah theih poh a nilo, symbols vel nena tih par chhuai ngai ang. My dreams make no sense at all..ni mai.. :mrgreen:
[Report abuse]
November 27th, 2010 at 9:56 am
i sawi tum a thra, a ngaihnawm khop mai. A revolutionary lek lek em? :mrgreen:
[Report abuse]
November 27th, 2010 at 6:17 pm
I post khi a thring ka ti..i dream a ni lo maw…Lehkha thiam ho hian hetiang tharum thawh an ngaisang lovang.An cool raih a,understanding an nei asin.Thingtlang atanga zirchhuak, saptrawng thiam si lo, sawrkar hna hmuh duh i nih duh hmel.Hel lam tihchhuah tumna a ang ka ti.Sim hmiah rawh.
Misualdotcom hi ka lut ve fo a,An Class awm hi ka thren hrang thei.@ Mahminga.comment ah pawh i vang khawp mai.Educate tak tak hlir awm khawmna emaw ka lo ti a,mi post te hi comment ve tho la.
Revolutionary full tawp.I post khi thra ka ti lo.
[Report abuse]
November 27th, 2010 at 6:26 pm
ellysailo says
:mrgreen:
zahngai! 
[Report abuse]
November 27th, 2010 at 6:47 pm
Ti vak vak biklo ula hihi :mrgreen:
[Report abuse]
November 27th, 2010 at 6:56 pm
nia..ka soi ve fo toh chu post kan mil loh deuh chu a diklohzia tarlang ila, emo a post content ah khan comment pe mai ila..a post tu brush tel vak hi chu a tha lo eee…omjia omlou…
[Report abuse]
November 27th, 2010 at 7:02 pm
ka mumang ve thungah chuan nula hmeltha deuh deuh hian misual.com an lo hmang a
[Report abuse]
November 28th, 2010 at 6:12 am
[...] Mumang mak tak ka nei a! | mi(sual).com [...]
[Report abuse]
November 29th, 2010 at 11:09 pm
Tun mai khan hnalam ka buai lai mekin, ka awm ang chiah chu mumangah hmu tawh tlatin ka inhria… dejavu ngei a nih hmel hairehai :mrgreen:
[Report abuse]