Mizote hi kan pi leh pute a trangin kut hnathawk a ei zawng hnam kan ni a, kan nu leh pa/kan pi leh pute khan ni tin kawla ni chhuak chhiara hna thawkin nupui fa nau an chawm a, hawp khawp thar chhuah loh hlau reng rengin hna an thawk thin. Chu tiang reng renga rim taka hna an thawh thin a vang chuan a n tu leh fa te chu hna hram thawk lova nuamsa ve deuha ei an zawn theihna a nih beiseiin lehkha a n zirtira, an fuihna ah pawh’ “Lehkha i thiam loh chuan hna i thawk ang” tiin emaw, ” Nakinah i thiante puak i la phur mai tur a sin” tiin an fuih thin.
Hun a lo kal zel a, kan UT sawrkarah kha chuan Tlema lehkha zir sang deuh kha chuan sawrkar hna an hmu mai zel lah taka, Matric pass tan lek phei kha chuan eng department-ah pawh khan LDC hna kha chu duh leh duh loh a ni ri ngawt mai a ni. Ama’rawhchu hun te a lo kal zel a, sawrkar hna te duh ang anga thawh mai theih a lo ni ta lova, nu leh pa ten lehkha thiam tan cjhuan kut hna thawh loh tur anga kan lo inzirtir nasat tawh a vangin lehkhathiam nia inhriate kha chuan kut hna thawh chu a tumin kan tum ta lo tawp ni berin a lang ta a ni. BA, MA pawh zir sela, mahni kut kawiha hna thawha inchawm ai chuan khawi office-ah emaw MR a thawh a thla khata cheng 3000 vel hlawh theih hram chuan kan lawm tawk em em tawh niin a lang ta. Kan nula office hna thawk tam takte hi chu an incheina hi an thla khat hlawh in a daih lovang tih hial tur te pawh an awm.
Mizote hi hmasang a tang rengin hnam thatchhia kan ni ngai lova, mahni nupui fanaute kham khawp thar chhuah loh chu pa mualphona a ni a, chuvangin khamkhawp thar chhuak lo an awm ngai lo tih theih a ni. Tun thleng pawh hian kan kut hna thawktute pawh hian an thawh phu tawk hlawkna an hma dawn nia an inhriat phawt chuan a thim a var thlu lovin hna an la thawk peih a ni. Tunah erawh chuan kan politiciante tawngkam takin’Chawm hlawm state’ kan lo ni ta. Ram intodelh kan lo nihleh theih nan eng tianga hma han lak tur nge ni anga, khawi atrang hian nge kan tan tak ang le?
.
Similar Posts:
- MGNREGS at Lawngtlai
- Kan tè bik lo e!
- Mizo zia rang ( a thawi feih feih in…)
- Mizo zia nge keima zia?
- Thawhlawm
May 10th, 2009 at 4:03 pm
“Lehkha i thiam loh chuan hna i thawk ang” tiin emaw, ” Nakinah i thiante puak i la phur mai tur a sin” heihi zirtirna diklo a ram leh hnam kan piansual phahna bul zinga pakhat ah ka ngai.
Kuthnathawk te chawikan nan kan scheme lah hi a fuh rih si lo. Kut-hna rimtaka thawk lo hi kan ramah hian sawrkar hna thawk mi 60000 an zarzo nupui te mi 40000 chuan mi nuaikhat chu kan ni phawt. Sumdawng ho kaihnawih leh an driver leh anmahni puibawmtu leh kuhva dawr thlengin chhiar telin 100000. Chuan mi nuai hnih hi chuan kuthna rim takin kan thawk lo. Mahse mi nuai 2 te hian kan hna ah kan TAIMA em tih lamah chuan taima lo tih hi chhanna a nih duh hmel.
Zirlai hi taima lo fe fe mi nuai 2 vel an awm bawk. A thawkrim ber sum lalut tlem ber chu kuthnathawk mi nuai 3 bawr vel hi an ni. Anni pawh hi an thatchhe tawlh tawlh, Populist scheme avangin, “Ka Tuikuk/Burma-mi etc etc” buh kan tuh tir hlo kan thlawh tir. Lehkha kan zir suau suau thiam erawh kan tlem si – kan tum ber kuthnathawh avoid.
TAIMA hnathawktu mi maktaduai keimahni mi ngei kan va mamawh em!! Sawiho zel ang u tiin kan hawng nise
Report this comment
May 10th, 2009 at 7:37 pm
“Kuthnathawk te chawikan nan kan scheme lah hi a fuh rih si lo..”
Ka ngaihdan ve chuan, a fuh loh vang ani lo, kan sawrkar-in a eiruk vanga thu a hlen loh vang ani zawk e.. “Sawhthing” an tia, a hralhna tur an ngaihtuah leh thei si lo, buara bag 1 Rs.5/- ten an hralh ta mai mai.. chutah “Ai-eng” an ti leh thul, tunge mahni tha leh pawisa hmanga bawhzui ngam tawh ang? Khawpui te angin pawisa a tam ve si lo..
Report this comment
May 10th, 2009 at 8:02 pm
Rich Dad Poor Dad by Robert T. Kiyosaki with Sharon L. Lechter, C.P.A hi kan chhiar ve tawh hlawm em aw. Chhiar ve mah teh u, ngaihnawm tak a ni. Kan topic hian min hriatchhuah tir zawk chu le.
Report this comment
May 10th, 2009 at 8:11 pm
Kan thianpa chuan,”Huan ram ka neih loh na chhan chu nu leh pa thu ka awih vang a ni,Lehkha in zir that loh chuan ram hna in thawk ang,an ti a,lehkha ka zirtha a,sorkar hna ka thawk a,ram neih chuan ramhna ka thawk dawn si a,chuvangin nu leh pa thu awihin ram ka nei lo mai” atih fiamthu kan hriatchhuah zawk chu!Mahse lehkhathiam ten kut hnathawh uar ila, hlawk zawkin kan thawk thei ngei ang tih hi ka rin dan a ni e,ka lawm e.
Report this comment
May 10th, 2009 at 8:22 pm
Kawnga, nikum lam khan ka lo chhiar ve tawh asin. TV a a show neih pawh ka en tawh, a ngaihnawm in a bengvar thlak ka ti khawp mai. A dik a ni, helam tuimi chuan chhiar ve ngei chi ah ka ngai.
Report this comment
May 10th, 2009 at 8:27 pm
Xaia< i sawi hi ka pawm zawng tak a ni. Bakah, thil dang deuh hlek…. kan ran vulh ho te hi…an ran vulh te hi an insure em le aw, ka ti thin. Mi thenkhat ran vulh a eizawn tum…chhe leh rup ka hre tlat. An ran an hrisel lova an thi vak mai a… an chhe der mai a ka khawngaih khawp mai. Insure seng chuan engmah an chan lo mai tur ania. Kut hnathawh hi nuam ka tih zawng a ni a, ka dam zel a, bul tanna te ka khawl chhuak ve thei a nih ngai chuan Mizoram a kut hnathawk a eizawn ngei a ni ka tum ber ni.
Report this comment
May 10th, 2009 at 8:28 pm
Sawithiam a har hle, kuthnathawk a eizawng ten taima takin thawk zel se, hna engmah thawh nei lo, lehkhathiam bawk lo ,awm mai mai ten Hnam Run leh Bhavan ah pheichham man tum lovin chempui leh tuthlawh lak zir se, Lehkhathiam in hna an hmuh hma inzir se, hna nei tawhin exer atan kuthna thawk bawk se ,Sorkarin kuthnathawkte hmakhua thlir takin hmachhawp nei se, tun a NLUP pawh hi ‘A tlar hma in thingpui an dawng ang’ an tih ang hna ah chhiar lo se, kuthnathawktute hnen ngei thleng se , Kuthnathawktute pawh in thil dang thil dang ‘job card dawt a tam’ tih vel leh ‘chu party nen kan thawkho ang’ tih vel hi buaipui lovin an mahni hmakhua ngai takin ‘NLUP dawngtur kan thlang tur a ni’ tih lam hawi te buaipui se, kuthnathawktute nen a inzawm tlat -RD Deptt,Agri & Allied deptts ten dawhkan ah engkim ti fel tawh lo se, kan hotu lian ten’ supply’ tih lam reng reng ah mengphawk hru tawh lo bawk se, kan intodelh a nih loh pawn chu lam hawi chuan kan pen tihna a ni phawt ang.
Chuan mizo mize nen a in mil deuh -stevia(hna thlum) hi ching vak ila, a rah hun lawh ngai lo , a hna chawr a piang lawh zel tur a ni mai a, hnah na na na chu a tlawm deuh pawn hralh zel mai ila .
Report this comment
May 10th, 2009 at 9:44 pm
@.H.Vangchhia:Vawk hi an insure vaklo a,bawng hi an insure nasa,bank loan an lak hian bank lamin insure an ti deuh kher a.Mahse Vety dept.hotu te sawi danin tunah hian bawng insure na a tan central scheme,insuarance premium fee zatve(50%subsidy)tumsakna tur pawisa tamfe hman loh an nei a,farmer lam in an ngaihsak vak lo an ti!Kan la changkang zel ang chu maw!!
Report this comment
May 10th, 2009 at 10:14 pm
i beisei ila
Report this comment
May 11th, 2009 at 2:16 am
Kum tin lovah a,hawp khawp ngawr ngawr thar ai chuan ranvulh hi kei pawh ka rilruah a awm ve thrin.Kan vety doctor-te hian farm lian tawk han nei se sorkara luh kher tum lo hian tihte ka ngaihtuah ve mai mai thrin a…ka hmuh danin mizote hi kan thatchhe hran lo va,kawng dik kawhhmuhtu kan mamawh ni maiin ka hria..
Report this comment
May 11th, 2009 at 2:36 am
Zemabawk Dai-ah khian Tawngtaina hmun a awm a; April/May Flower par pawh heta rawn tarlan a nih hial tawh kha … zinmiten tawngtai nan an hmang a …kei erawh hi chu mi danglam ka ni tlat a, ka tawngtaina erawh chu tuna SLAUGHTER HOUSE an sakna kawn phei lai khi ka tawngtaina hmun a ni bik a. SLAUGHTER HOUSE an sak hma daih tawh atangin!
Ka sawi duh chu … SLAUGHTER HOUSE an han sa tak nain, an hmang zui em? tih hi a ni ber mai! Slaughter House zawnah khian thisen khar rimchhe hmen hmun rim hi a awm tal tawh em? An hmang tak tak em? tih hi chu a bulhnaia miten an hre chiang khawp ang le!
Thil hi chu a hming maiin kan han ti tak na a; kan ti tak tak vak lo a ang hian a hriat tlat! Vets-ho chu kan nei fel hlawm viau; pisaa thawk atan an SMART!
Report this comment
May 11th, 2009 at 3:04 am
Kuthnathawh tih hian eng chin chiah nge maw a huam le?hriat ava chakawm ve…Eng hna poh hi kut loh chuan a thawh theih dawn em ni chu aw te ka ti vel mai mai a
Report this comment
May 11th, 2009 at 3:07 am
‘Thatchhia’ tih lai tak hi ka chhut ka chhut thin a, Mizo te hi hnam thatchhia chu kan niin ka hre lo. Kan taihmakna kawng a inang lo mai niin ka hria. Entirnan, football khelh te hi mi tam tak tan chuan minute 90 khelh hi hahthlak tak a ni. Mahse, kan thalai tam tak chu nileng pawhin an inkhel peih. Carrom tam tak chuan darkar khat pawh kan pen peih lo. Chutih laiin thenkhat chuan tlaivar zakin an pen peih thung. Kan tlangval tam tak pawhin an Bike te chu nilengin an chei peih a, ni tin uluk takin an tifai peih a ni. Keimahni hrim hrimah chuan kan tuina lam chu kan ti peih viau, kan thiltih tam tak hi kan insawiselsak a, kan ngaihsan leh ngaihpawimawh vak loh thil a nih khan ‘thatchhia’ ti zawngin kan insawisel mai mai a nihna chen a awmin ka hria.
Lo neia ei zawngte pawh hi an taima thlawt. Mahse, lo lama an tha leh hun sen ngaihtuah hian, an hlawk lem lo khawp mai. Mahni in lum chhuahsan meuha puanthuah nena lo lama an riah hun zawng zawng hi ngaihtuah ila, kum tawpah phur 50 te emaw an thar chuan an lawm viau a, mahse, ngun taka chhut chuan a hlawk lem lo. Thar chhuak tam tur leh hlawk tur zawnga kalphung thar tha zawk kan dap a ngai khawp mai.
‘Lehkha i thiam loh chuan kut hna i thawk ang’ tih pawh hi, tun hma khan lehkha zir tura an infuihna pakhat chu a lo ni mai thei. Mahse, khatiang hlira infuih anga kan sawi uar ta lutuk hi a dik chiah em aw ka ti. Ka pa pawh kha lehkhathiam hmasa, 1939 kuma Matric pass a ni a, a hna thawhna apiangah a thatchhe ngai lo. Kut hnathawh phei chu nuam a ti a, a office chawlh apiangin rim takin kut hna a thawk thin. Ama rualpuiho, lehkhathiam hmasa zingah khan thatchhe tak an awm mang lo. ‘Lehkha i thiam loh chuan kut hna i thawk ang’ tiin an infuih thin tih thu pawh hi tu ziak emaw atanga kan sawi punlun, a nih baka kan sawi uar zui tak chiam a ni ang em aw ka ti rum rum thin.
Lehkhathiam chuan a ngaihna a hria ang a, hna a generate thiam tur a ni tih hi ka ngaihdan a ni. MA val chuan, thingzai khawl a lei ang a, mistiri thiam tak tak a chhawr ang a, business lian tak a siam ang a, a hnuaiah mi tamtak thawkin, chhungkaw tam tak tan eizawnna a siamsak tur a ni. Lehkhathiam lo ai chuan lehkhathiam chuan employment generation lamah a thawh hlawk zawk tur a ni tih hi ka ngaihdan a ni.
Tuna kan piansual takna ber chu – lehkhathiam hian employment generate dan tur kan hre ta mang lo tlat mai hi a ni. Kut hna an thawk bawrh bawrh thiam lo a nih pawhin, management, organisation, work force, etc., an huikhawm thiam tur a ni dawn lo’m ni? Lehkhathiamlo kuta cheng 10000 awm ai chuan, lehkhathiam kuta cheng 1000 awm chu a hman danah, a peipun danah a hlawk zawk tur a ni.
Tuna kan Education system hi reform a ngaiin ka hria. Vocational Education ang chi te hi tihtakzeta kan kalpui a tul ta khawp mai. Vocational stream kher lovah pawh, kan thalaite hian skill an neihna turin kan education kalphung hi kan tihdanglam a tulin ka hria. Entirnan, High school leh Higher chinah te hi chuan Horticulture ang te pawh tel ta se, a practical-in huan te neiin, mahni in lamah te pawh practical-a an thawh zui tur te awm se. Labour hi suma chantir theih dan tur chi hrang hrangte zirtir ta ila, thla kipa sorkar atang hlawh lak ringawt ni lovin, thawhrimna atanga sum siam dan ang chi te hi inzirtir ta ila, kan economy pawh a tidanglamin ka ring.
Report this comment
May 11th, 2009 at 4:34 am
Lak kawi duh vang kher kher niloin mizote hi kan history ka hriat ve theih chinah,hnamdang nena tehkhin chuan ‘hnam thachhia’tia sawi theih tur kan niin ka hria..Hmanlai kan pipute huna pialral kal an chakna chhante,mizo thawnthua Chhura’n sekibuhchhuak a thlanna chhante,kan kristianna vawn chhante pawh kha Christian-te Pathian kan rin chuan ramhuai hlauh angai toh lo anga chuan buh leh balah malsawmna tamtak kan dawng ang tia zirtirna kan dawn vangte khan kan Kristian ve mai anilo maw te ka ti thrin..kan pipute(ancestor)kha taima tak chu ani ka ti theilo.
Report this comment
May 11th, 2009 at 4:56 am
Kan ram Education System pawh thlak danglam na tur tamtak a awm in ka hria.Kan School/College vel ah hian “.Hnahthawh”. na tur chi hrang hrang zirtheihna tur in Workshop kan neih a ngaia ramdang te nen kan in compete theihna tur in leh ramdang a Hna kan thawh theihna tur in Worker Skill kan ma mawh in kan School/College vel ah in ziritir na tur trha tawk tak kan duan a ngai awme.
Nu leh paten fate an puitlin theihnan zirlai kum 16 a chin chunglam hi chu Hna an thiamtheihna tur in hna chhe te te chelhtir in Partime te te tepawn thawh tir hi hreh tawh lo ila. Kan ram kan hnamhma sawnna tur ani nge ang, ramdang zirlai te zir pah a mahni kutkawih a in chawmzo an tam tawhzia te a trang hian in zirtir na thra tak kan duan chu a hun hle in a lang.
Officer fanu fapa ten hna an thawhmu mal duhloh na chhan ni awmtur pawh hi an nuleh pa ten, ka fanu/fapa chu hna thawk lo in inzir rawhse ti ten in fuihnan an lo hman thrin a vang hian chhungkua an in siam rem thei tak tak lo fo. Ka hriat nge ngeah, Mate, I pa officer ani ve tho a nang chu hnathawh i ngai hlei nem zir trang trang rawh omz, ti in an fa te an han fuih chiam trhina, zir thra tak tak chuangsi lem lo in an hun nawmna ah an kan liampui tam lutuk leiluat a vang in hmasawnloh na ah an in chhuah phahfo.
Tiangkhawp a mi rethei kan la nichhung hian”.Officer”. Inn vel ah han lenchan hian “.Awmpui”. hi an lo neifer fur hlawma an awm puiten an fa te thawhtur an thawhkhalh/sak vek a anfa ten hnathawh an thiam thei der lo.
Ramdang a hnathawk tur in an fate an duh em em lehthosi mahse an Qualify thei dawn der lo in a lang, an tuar a zua in Skill an nei lo hrim hrima ramdanga han in zirpah a hnathawk tur chuan an tlin dawn meuh lo ani. Awmpui neihte hi uar lo in mahni in kan hnate hi chu thawk thlap thlap i la tun kan nun ai hian kan khawsa zia pawh a nuam deuh ang.
Thlakhata Rs 40000 over hlawh chin te kan in la Lianhma lutuk trhinna hian retheihna ah min pawtkir leh fo trhin. Hnathawh hi kan hrehtlat maizel, in en nawn deuha taimak chu kan ngai ani. Hnamdang te nen kan hnathawh hi chu tehkhin chi tur ah ka ngai lem lo kan lo la thachhia em mai.
Report this comment
May 11th, 2009 at 6:01 am
@Aputea
“Tuna kan piansual takna ber chu – lehkhathiam hian employment generate dan tur kan hre ta mang lo tlat mai hi a ni” ka ei khawp mai ni lovin khawvelin an ei i thu ang hi a tihchian nan
1)Australia an ramah chuan mi 50 vel tan employment generate thei ngei turin scheme nei la, i sum neih mek in tlin bawk sela, an ram mi nihna citizenship an pe nghal ang che.
2)USA ah pawh chuti tho
3)Europe ah pawh chuti tho
Employment siamthei (mi hlawh mumal taka ruai) tuna Mizoram-a kan neih ho chu Private Hospital te, Workshop te (vai an ruai nansa) Handloom (Kawl an ruai nasa) Tyre retread (vai deuh vek) Agarbati stick making (mizo deuh vek) Dawrkai leh Damdawi zuar lian hian dawrngak ah Mizo deuh vek an ruai Call Centre Thuampui ami Mizo deuh vek.heng belhkhawm hi a tlem em em ani.
Rawtna : Mi 100 ruai thei chin kum thum tal lo ruai tawh hi Diar chawimawina No nen pe ila mi 1000 ruai chin kum 3 tal hi Thangchhuah puan leh Rangkachak a luan No pe in chawimawi ila. Hnamdang Sap Vai Japan tupawh employment create thei tan FDI hi open vak mai ang u
Report this comment
May 11th, 2009 at 11:33 am
A tlip nan… nge,,….. Mizote hi hnam taima anga chhâl kan ni thin. Mahse tunah chuan kan taima tawh lo. Thawh tur tih pawh kan hriat loh, kan peih loh hnamdang hian kan Zoram chhung ngeiah hian thawh tur an va hmu tam si ve. Kan retheih ngaihtuah hian awm mai mai kan ngaisang. Thawk lova hmuh theite kan tlawn a, an thawh phu lova neite Kohhran ten kan ngaisang… Ka sawi na deuh mai thei. Mahse a dik. Kan inti changkang lutuk, thawhchhuah mumal nei lo pawhin handset(mobile) 5000/6000 man chuang kan duh, chutah top-up / re-charge na tur kan chhungte kan la dil zui. A man tlawm deuh hmang kan hmu hniam deuh tlat zel. Khawvel changkangah hian mite thiltih leh inthuamna te kan la chhawng ve zel a, an ei ang erawh kan ei pha dêr si lo. Hei zawng hi Mizo zia chu a ni rihin ka hria….
Report this comment
May 11th, 2009 at 1:55 pm
Tiang hi lawm ka vei thin em em, Comment thenkhatah pawh ka thai lang tawh mai thei. School naupang kan hrem dan te hi a dik lo. Homework an ti lo emaw, hrem ngai in an awm hian hnathawk zawng a hrem kan ching, Ek-in khur lah tir etc. ten kan hrem thin. Naupang rilru ah chuan kut hnathawh kha hrem na a ni tlat. Hei chauh lo pawh hi sawitur a tam mai. Zoram thanmawhbawk bul tran na i lo thai lang ah ka ngai e.
Thlidan dang ka neih ve chu “mahni nupui fanaute kham khawp thar chhuah loh chu pa mualphona a ni a” i tih ang khian Mualpho hlauh vang chauh a taimak hi a awm thei. Tin, kan pi leh pu te duhthusam kha “Pialral a faisa rin” kha a ni ve tho mai! Ka nghaih dan chuan thawk lo thei lova min nawr tu a awm chuan tun a thangthar te pawh hian thawh hreh an/kan nei chuang lo. Mahse chu loh theih loh na hmet mit tawk lek in naupan lai a kan in zirtirna hi a dik lo a ni.
Report this comment
May 11th, 2009 at 2:36 pm
@stifLER:
Kan pipute kha thatchhiaa i ngai tlat a nih chuan ka hnial hran lo chee. Amaherawhchu, an pialral concept vel avanga thatchhia i ti hi chu ka pawm lem lo. American hote pawh Utopia tih concept te an nei ve thova, an thatchhiat vang ni lovin, harsatna te, thawhrimna te, lungngaihna te awm tawh lohna kha an dream a ni mai. Kan pipute pawhin chu chu an phak tawkin an dream ve a ni mai. Ei chawp chauh chauh thlo chhuak ngawr ngawr an ni chung khan, ei sen loh neih kha an dream ve a, chu chuan pialral suangtuahna a hring chhuak ta a ni mai.
‘Sekibuhchhuak’ te, ‘Rairahtea Bahhnukte’ te hi a ropui ka ti asin. Scientific fiction chhungah ka khung ve duh hial thin. Sapho chuan awlsam taka boruaka thlawh chungchang te hi thawnthu angin an lo sawi thin a, an thawnthuah hian ‘magic’ te pawh a tam a, superpower, entirnan, ‘Superman’ te, ‘Phantom’ te, ‘Batman’ te, ‘Spiderman’ te hi thawnthu phuah chawp, Sekibuhchhuak leh Bahhnukte ang maia power danglam tak neih chungchang vek a ni. Heng hi mi thatchhe suangtuahna a ni lova, awlsam zawka thil tih dan, awlsam zawka hna thawh dan ngaihtuahna hmahruai mai a ni. Kan pipute paw’n Sekibuhchhuak leh Bahhnukte thawnthu an lo nei te kha ropui deuh asin.
Report this comment
April 15th, 2010 at 1:45 am
Kan pipute kha chu kawla ni chhuak chhiarin thawklo teh seeeeee…….. khawia mi nge an ei ang.. eiruk tur leh hlep ruk tur awm hek lo, taima lo deuh tan pawh riltama thih ngamlo tan chuan thawh leh thin ngai miau a lawm….. an value system thlir khan hnam taima a han chhal ngamah chuan ka ngailo,
kan education system chu siam that ngai khawp mai, mahse kan value system hi siam that a nih hma chuan kan zirlaite zingah quality education chu ala hla deuh ang. eng quata emaw avanga min hamthatna a chan hian, mi pakhat chauh in hamthatna a chang a, mitamtak moral a ti chhe thung….
Vocational educationah(SCERT enkawl mek hi) pawh hi self employment tih vel ai chuan mark hmuh that kan inzirtir zawk mah lo maw aw te ka lo ti mai mai a………
Report this comment