Thlam bang nghenga Nehru-a kan rel lai khan tu khawkhain va hre suh; chu achhapah tu thengthawngah a luh kan hre lo; tunah zawng kan kut zungchal vawikhat phut hian kan ngaihtuahna dum leh varte chu khawvel a den chhuahtir nghal a, thuthmun kan rem fel hma hauhin hming mak pui puiin min kil nghal tuau mai a nih hi.
Rawlthar nih lai khan mut hmunah rizai kherh chuatin ‘naktuk zanah chuan chuan ka sawi tawh hrim hrim ang’ tia thinlung committee thutlukna kan siam hnuah pawh, kan D ruk-ite kawngkhar kik tur ringawt pawhin zahfakah lu em chhum suh kan ti tan nghal a; an tapzawla lungthu tlawha an chhemthei han sum meuh kha chuan kan inbuatsaihna te kha chu tui hum ang maiin a thamral leh thin. Tunah zawng hmaizah tur awm ta hek lo le, muangleia duhtawkin kan han phuah kual a, edit leh vek hnuah zak map lovin kan thawn hem hem zel mai tawh anih hi.
Chu khawvel dawhsanah chuan ka pawnto va, thu hawng leh kal lam khun taka ngaihtuah chuang miah lo hian min fuihpawrhtu an awm phawt chuan a tuartu ber ang hrim hian kan khek chiam chiam a. Ram, khawtlang leh kohhran inrelbawlnaa kan lung si lo deuh a awmin min vuipui turin midang phungbawmah kan sawm ta dahrual a, a rana rana lova min thlawp duh lah bus nam lum tham zet hi chu an lo awm ve leh mai dahrawl nen. Hmaizah tur awm tawh hek lo…
Thil tha tur nia miin an hriat leh hma an lak tha kan tih ve loh vanga kan diriam chiam chiam hian kan lo tha lo zawk deuh nge nge tih hi hringnun kalphung pangngai a ni. Mi thain a thil tha hmuh, la pawm duh ve lotute a hnehna hmanrua chu thil tha bawk hi a ni. He media huaisarna khawvelah hian vantlangin tha nia kan hriat duh lotute au thawm hi a ring awl hle. Vaiho hian kirton an nei a, zan khuaten an zai thin a an thawmah chuan an tam hmel hle thin a, va en ila pahnih khat bak an lo ni ngai lo. Thil tha duh lova, tha ve dang zuar zuartute hi mi tam an ni lem lo, an bengchheng thung.
Individualism thlipui a lo tleh a, a rawn hmuh mawh hmasak ber chu collective responsibility hi a ni. Chutih laiin kohhran, khawtlang leh ram chu collective responsibility-in a lo inhung khap mai bawk si a. Hmana chhungkuaa kan duh loh zawng zawitea kan inhrilhruk thin kha mi huaisar intiin kutzungchalin an rawn kawk ta sawk sawk mai a, fing takin mipui min inhnialtir ta hlawm a nih hi. Kohhran leh politics chu a tuar nasa berah an tang zui ta reng a, khawngaihthlakin.
Kohhran hi Pathian ta ani a, a enkawltu mihringte hi mi famkim lo awm khawm kan ni tih hi hre turin eng degree mah lak a ngai hauh lo. Khuai rau ang a ni a, a then hnung lam hawia thlawh chang a awm a,a then hma lam an pan chang a awm. Chutiang chuan chatuan ram lam panin kan in tial tual chho ve mek zel a, siamthat ngai chu rilru thianghlim tak leh dawhthei taka siamthat chi a ni, pawl dang a ang lo. A neitu a thianghlim avangin he kohhran pawh hi a thianghlim a, rilru thianghlim tak nen lo chuan sawisel chi pawh a ni lo. Finna, thiamna leh changkanna hmachhuana kohhran sawisel hi mahni lu chunga meiling chhehkhawlna ani a, kan rilru chu Pathianin a hria.
Media thang mek leh finna sang chho mekah hian pum taka kan inhrualmum chhoh thiam loh chuan kan pherh chhe hle thei. Freedom of speech kan neih vang ni miah lo, media hmanga sawi a remchan zawk vang mai hian mitmei veng lo leka tal chiam a awl dawn hle. Midang zai ngaia thurawn pek leh fin chhuah hi a tlo hle si a…ngaihtuah a ngai e.
Similar Posts:
- Eng Sakhua hi nge dik ber?
- Mi thil tih sualah I lungngai ngai em?
- Enkawl ngai ka ni em!?
- Current awmloh hi tunge dem tur??
- Tunlai khawvel celebrity lar thar Susan Boyle
An mut hlanin Scientist ropui tak kan...
November 28th, 2010 at 11:02 am
Ngaihtuah ang u… :roll: I thuziah kalhmang hi a VNT(Lengzem)…
[Report abuse]
November 28th, 2010 at 11:21 am
Thu har leh tawng upa zeh tel hnem lutuk hi hriat a ril tih a hriat rual rual in, a ti ngaihnawm lo (hmaizah tur awm heklo, sawi pawp pawp mai ang
). Tunlai tawng tualleng te zeptel thiam hi an thuziak ngaihnawm ka ti zawk
Keichu ka thiamloh vang nge ni, vawi 2 ka chhiar chhuak a, a rawn sawi tum ber ka man thiam tlat lo! Thil tamtak chu a sawi a, enge ngaihtuah ngai lai ber chu nita le? Nge tawngkam hriat a rawn thai kual nuai?
[Report abuse]
November 28th, 2010 at 11:33 am
thu tha tak ani e..
[Report abuse]
November 28th, 2010 at 11:33 am
Ngaihnawm thlawt e……
[Report abuse]
November 28th, 2010 at 11:34 am
Rosang, tawng upa a telh lem loh khi mawle, Vai changkang angin English a hmang zawk niin alang :mrgreen: NOI
[Report abuse]
November 28th, 2010 at 11:44 am
Misualdotcom hi in register lova lo chhiar hmaih lo ve reng ka ni a,keimah ang hi an tam mai.He website hi tlawhtu tam ber pawl (Mizo ah) a nih ka ring a.Mizo tawng leh Tawng Upa,thangthar zel a bopil tur vawn nunnan a hman hi tha ka ti a.A thiam leh hria hi chuan hmanluih deuh zel nise,kei ni angduang tan hian a hlu ka ti.
Post tu pa,i ngaihtuahna leh i thusawi hi ngaihtuah chian tul tak a ni.Kan tunlai Nuna hi midangte zahpahna a bo nasa tawh hrim hrim in ka hreve thin.
[Report abuse]
November 28th, 2010 at 11:45 am
@H.V, Tunlai naupang zirlai a tawng upa an tih ho hi en ta la tawng upa ti a an zir zing ami chu a awm ve 2/3 chu. Bakah mizo tawng tluangtlam pangai lo tam lutuk hi a ti hausa ti chu an awm leh nuk dawn a (a post tupa rawn sawi ang deuhin…) mahse intihsiak te a ni lemlo bawk a, article pangngai atan chuan chhiar a ti nuam lo ka ti ve tlat.
[Report abuse]
November 28th, 2010 at 11:50 am
@2. . . Ka support e, ka sawi tum tak ani.
[Report abuse]
November 28th, 2010 at 11:53 am
Collectivism a humhalh tumna a ni lo maw? Collectivism vs Individualism debate neih ka rawt e.
[Report abuse]
November 28th, 2010 at 12:03 pm
“Finna, thiamna leh changkanna hmachhuana kohhran sawisel hi mahni lu chunga meiling chhehkhawlna ani a, kan rilru chu Pathianin a hria.”
AMEN!!
[Report abuse]
November 28th, 2010 at 12:13 pm
Zonet-in FAKSELNA a chhiarchhuak thina, chutiang bawkin LPS-in MIPUI AW.. Fakna aiin selna hlir emaw tih theih mai tur a ni. Hei hian kawng tam takah mipui rilruah a hruai sual theiin, helna rilru a tuh thei a ni.
Fak tur tam tak a awm laiin sel tur kan thur chhuak nalh nalh a, a thawm pawh a ring nge nge. Fak turah erawh kan ngawi leh hlauh thung si.
Chutihlaiin, a sel tawk lo awm ve hi a khalhngil tu atan a tha ve tho si.
A post tupa i mizo tawng han thleh kawi dan vel chu a nalh hle mai….
[Report abuse]
November 28th, 2010 at 12:37 pm
Tawngkam bungrua a ngah hle mai.
kirton chu a nuam asin kan lam tleivar thak hnuah,a uar zualpui in kawng an zawh leh thin.Lung i ti leng…3 para
[Report abuse]
November 28th, 2010 at 12:39 pm
Kohhran leh NGO dang hruaitute hian mawhphurna an nei. Nihna duh vang ringawta hotu (hruaitu anni miah lo)tehian an pawl hmnig an tichhe thei hle. Mahse Ministerte, officer te, engineer te hi chuan mawhphurna satliah lo an nei. Chhiah petute sum hmanga mipui rawngbawl tur anni a. An lo rinawm lo laileng thin si a, kan dim lo bawrh bawrh ani. NGO lam nen tehkhin theih anni lo.
[Report abuse]
November 28th, 2010 at 1:16 pm
@ainawm,#6: Ka rilru ang pu mi i ni, tunah tak hian
[Report abuse]
November 28th, 2010 at 1:34 pm
Tawng upa hman a tum ve a:
Vawiin chu bawar curry kan hmeh
Siar telescope in kan en
Bahsam suk nan shampoo ka lei
Sakhmel a hnawih tur cream nen
Ka chawnban a kham
Chhawrthlpuia lawn hmasa ber hmnig ka theihnghilh
[Report abuse]
November 28th, 2010 at 1:54 pm
Ziak tha hle mai,tawngkam bungrua pawh nei hnemin hmanna poh i hre laileng e. Kan inselna hian hmasawnna a chhuah chuan hmantlak tak ania mahse a nazawnga a hman hman in Kohhran te kan han sel ta luih luih hi chu ngaihtuah ngai tak ani.
[Report abuse]
November 28th, 2010 at 2:12 pm
#2 Rosanga D, a sawi tum ber chu a tawp ber para ah khian a awm khi. ka lawm e.
[Report abuse]
November 28th, 2010 at 3:32 pm
Tawng upa hi hman thiam chuan a chhiar a nuamin a thusawi tum a fiah zawkna tam tak a awm,mahse tunlai thuziak kal hmangah chuan kan ngaina vak lo niin ka hria. Thenkhat tawngkam hman thluaithlum tum luatah an thlepkual nasa leh lutuka,a ngaihnawm lova a tum a thelh fo thin.Misual.com a thu post reng reng hi theih hram chuan tawngkam tha leh mawi, dik leh nalh ni zel sela, a theih hram chuan Mizo tawng ngeia ziak/comment pawh nise ka ti, A fiah zawkna tur leh kan thil sawi tur atana tangkai tak anih chuan english/ hindi han telh pawh a tha ve tho.
Tawngkauchheh ah chuan a tha viauin ka hria a, a sawi tum leh duh erawh a sawi harina lut tlem mah mah em aw ka ti ve mai mai.
[Report abuse]
November 28th, 2010 at 4:07 pm
Sawi tur ka ngah lo em alawm. A tawp para hnih khi ka sawi tum chu nia. #9 Collectivism vs Individualism, Democracy vs Autocracy/Dictatorship, Presbyterianism vs Episcopal hmanga debate neih chu i phur viau ani maw? Burma vs India hi ni mai alawm.
[Report abuse]
November 28th, 2010 at 9:32 pm
# 19: phur viau e tihna lam ni teh hlurh lo ve. Eng ve ve pawh thatna leh that lohna an nei ve ve. Chu chu constructive tak leh rilru zau tak pu chunga sawihona neih theih chuan a hlawk thlak thei mai ang em tihna lam aniang chu. Chubakah a hmangtu leh nunpuitu society a zir pawhin a tha zawkin a tha zawk lo ve thei ve ve ang chu.
[Report abuse]
November 29th, 2010 at 12:19 am
Hei hi ania ka beisei em em chu,thil kan sawi nikhuaa (a bikin kohhran) destructive criticism-a kan kalpui mek lai hian hei aia pawmnahawm leh constructive deuh hian a sawi theih ka ring tlat, kan thatpui zawk bawk ang.
[Report abuse]