Thiltha tite leh Siamtu duhzawng a awmte hi chu malsawmna dawngtlak ngawih ngawih an ni a, mahse thatna leh mite tan tangkaina reng neilo te tan hian eng malsawmna nge maw awm ve ta angle tiin ka ngaihtuah mai mai thin a.
Ni e, iti ve tho mai thei han ngaihtuah chiang teh. Thenkhatte chu an nu leh pa te pawh kohhran leh khawtlang ah pawh a kul atai a inhmangte an ni a. Chutiang chhungkua atanga lo piangchhuak a, tette lai atanga nu leh pa, pi leh pu ten nundan tha tin reng nen a an kaihhruai, chhungkaw khawsak chungchang ah pawh mite neih ang chu harsa em em loa neive thei zel mai te an ni bawk a. Zirna runsang an han kai chhohna ah pawh a rualpawl tawk chunglam ni thei zel khawp an ni leh zel bawk nen. Nu leh Pa te kohhran khawtlang a milar anlo nihsa avang in an tan pawh kawng chu a eng sa khawp mai.
Naupangte an nih lai atanga naupang thuawih ti a tlangval ho zinga lar thin, anlo thanlenna zelah pawh tleirawl sual em em pawh neilo te tan hi chuan kawng hi chu a engsa em em hian in hre ve tho ngei ang. An vanneihna a kaltluang laklawh emaw tih mai tur in zirna sang zawk te pawh chhungte zarah School tha tha ah an kal leh zel thei bawk a. Chu an zirna hmunah pawh chuan Zirlai hruaitu te thleng thleng in an han ni chho leh zel bawk nen. Mite hi anva hmelhriat vak hi angai tawhlo, anmahni hmelhriat chak hi an tam zawk emaw tih tur hial an ni ta mai lehnghal a. Sawrkar hruaitute leh mi challang deuhte dawr a ngaih chang pawhin an thehchhuah ber anla ni ta fo mai lehnghal, kawng ava eng em an tan chuan.
Master degree hial neiin eizawnna lamah ke an han pen tan a, sawrkar hna pawh an thuvuak thlak pawh sangtak chinah an in thun thei leh ta zel mai a. An thiam bik em em vang pawh ni chuanglo in nu leh pa te zarah leh hmelhriatte zarah heng dinhmun hi an chang thei ve tho bawk chu nimahse an nihna in alo tlinve tho bawk vang pawh a ni ange. Tlukloh en a en tu chu mitam zawk an ni ta der mai.
Sorkar hna nilemlo sumdawnna lamah pawh nu leh pa te lo inkhawlsa atangin sang tak atangin bul an tan theih avangin hlawhtlinna pawh an tan chuan ban phak mai ah a awm a ni. Tunlai intlansiakna sang tak ah pawh a chak pawl an ni leh zel bawk a. Miten harsa taka an thawh chhuah kha anni tan chuan harsa lutuk loin an nei mai thei zel a ni. Naupangte in mite zah anlo ni der mai….
Khawvel nawmchenna lamah tlan em em loin, sualna kawng ah phei chuan mite hriatloh na lamtak an ni lehnghal. Kohhran leh khawtlangah pawh an han in hmang ve dek dek a, an in hmang nilo in kohhran leh khawtlang hian a hmang zawk amaw tih zawk tur hial a ni. Rawngbawlna lamah pawh an thleng sang chak hle mai, naupangte in kohhran Upa an ni der mai. Khawvel hi an tan ava nuam dawn bik em…..
Tun a ka han sawi tak mi angte tan hi chuan hriatthiam ava har dawn em kan thupui hi. Malsawmna dawngtlak an ni ngawih ngawih iti ve ngei ang. Mahse a lehlam zawng in han ngaihtuah teh le. Nu leh pa, pi leh pu te atang pawh a Lo lamah pawh khaichhuah ngai fo chhungkua, khawvel lo changkang hretah pawh BPL kalsan hleitheilo chhungkua atanga lo piangchhuak a, lo seilian tan chuan ava beidawnthlak tak em.
Khawvel eng an rawn hmuve tawh laklawh si, “Survival of the fittest” tihna khawvelah hian beih ava ngai nasa dawn bik em. Anlo thanglian ve deuh a zirna run an rawn kai tan ve tih in, thlahtute atang tawha lehkha thiam chhungkua nilo sa bawk nen “Simple Pass” hi an chan tawk a ni nghal ringawt mai. Chu a karah naupang thuawihlo deuh, luhlul deuh, bal bawk si anla nizui. Thiante velh hrat deuh mi nu leh pa ten an zilh fo, an lo len deuh pawh a Valupa leh YMA ten an zilh ngai fo anlo ni chho leh zel bawk nen. Hmalam hun kawhhmuh thiam nu leh pa nei ve heklo. Nu leh pa pawh ziak leh chhiar thiam tawk tawk an ni chauh bawk nen. Ava beidawnthlak tak em….
Anlo lian ve deuh deuh a, ruihtheih thil thing deuh deuh ti nasa sa anla ni zui leh zel a, High School kal lai phei chuan School tlanbo te chu a hrat hrat an la ni zui, ava buaithlak em. College pawh kal mumalloin zirna chu anla chawlhsan zui bawk nen. An pumrua alo len ve uiah a vangin an chhungte lah chuan hnathawk atan anlo awt ve em em tawh bawk nen an tan chuan a awmve tho bawk a.
Kan khawvel hmasawnna kalzelah hian engtin tak hmalak zel tum ang maw..? Sawrkar hna lah chu van a rah ang a ni mai si an tan chuan, sumdawnna lamah han kal dawn se nieh neisa tan lo chuan hlawhtlinna lamtluang zawh ava huphurhawm tak em. Kuthnathawh ringawt emaw, mi hnuaia thawk ringawt chung chuan engtin nge nupui fanau neiin he khawvel hi an hmachawn tak ang le?
An hun kal tawh a an nundan te chuan in ngaihtuah nasat tir viau mahse in siamtha turin khua a tlai tawh ting tang bawk si. Anlo nundan ngaihtuah chuan malsawmna dawngtlak pawh an inti bik kherlo ang.
Pathian thilsiam ropui zia te pawh min hriatchhauh tir hial zawk in ka hria. He kan khawvel hun tawn hmawr tawh tak, Jordan Lui dai kai tawh nun ah hi chuah malsawmna hi kan thawh chhuah a ngai alo nisi a. Kan thawhrah liau liau hi kan seng dawn si a. Han ngaihtuah ve teh tawngtai tawngtai ringawt hi ava tawk tawh lo em. Nangmah kha han inngaihtuah la engvangin nge ila dam reng ni? Mi tamtak rapthlak tak tak a an thihna leh chhiahna rapthlak tak tak thlenna ram ah hian enge I dam chhan? Eng vangin nge ala zuahve reng che ni? Ngaihtuah chung zelin I nun kha siamthat han tum teh. I thiamna te kha nangmah siamtu tan hian han hmang ve ta che. Tunge maw I nih a a hriat reng che le….?
Similar Posts:
- Setana hi a biak tlak tak tak em?
- Kum thar, hun thar; RUAHMANNA i siam fel tawh em?
- Malsawmna Mak!
- Lal Ka Thlang
- Thlasik Malsawmtu
November 28th, 2010 at 8:34 am
I ziak tha e
Report this comment
November 28th, 2010 at 8:42 am
Ngaihtuahna a kal thui hle mai.
Chhandamna hi chu kan thawhchhuah a ni hauh lo nachungin Malsawmna dawng tur chuan malsawm tlak a thawh a ngai khawp mai…mahse he tia kan nung ringawt pawh hi Malsawmna chu a ni hrim hrim e.
Report this comment
November 28th, 2010 at 8:45 am
Mizoramah hian mi hausa hmasa te kha thingtlang mi, rethei ve te te, nasa taka tan lak vanga milian ta te an ni hlawm. Tunlai kan milian thar tam takte erawh chu mipui pawisa tur chheprelha intimilian emaw, vantlang thil tur tha taka siam lova a siamna tur mahni tana chheprelh hmang, mipuiin diriam aia kan tlawn lehlin te an ni hlawm thung.
Para #6 naa, “Rawngbawlna lamah pawh an thleng sang chak hle mai, naupangte in kohhran Upa an ni der mai.” Hemi hian ka thianpa min ti hrechhuak kher mai.
Ka thianpa chu tlangval tantirh atangin zungawlvei a ni. Kan hun ve laia Mizoram phak tawka nawmchenna khawvel a theih patawpa tlan thin a ni bawk. Zan khat chu kan thianpa pakhatin a pa a sun avanga kan tlaivar zanin vawi engemaw zat zu vangin a chiri. No khat tal in tura kan nawr pawn a in duh miahlo. Pathian hnenah in tawhlo turin a intiam tlat vang a ni. Kum leh ni te a liam zela, tual upa ah thlan niin kum tam a liam leh hmain Kohran upa ah Mizoram a ordained naupang ber a ni ta a ni. A ni hi, an neihnun vang ni lovin, a phu reng vanga thlantlin ngei niin ka hria. Thalai engzat zurui nge an kiangah fiamthu thawha, zawi zawia Isua hnena a hruai tawh ang aw. Kohran upa dang te chuan zu ruih hmang chu an enliam mai lovang maw?
Para #8 naa, “Chu a karah naupang thuawihlo deuh, luhlul deuh, bal bawk si anla nizui. Thiante velh hrat deuh mi nu leh pa ten an zilh fo, an lo len deuh pawh a Valupa leh YMA ten an zilh ngai fo anlo ni chho leh zel bawk nen. Hmalam hun kawhhmuh thiam nu leh pa nei ve heklo. Nu leh pa pawh ziak leh chhiar thiam tawk tawk an ni chauh bawk nen. Ava beidawnthlak tak em….”
Hetiang hi ram changkangah chuan, sikul lamah leh in lamah ‘abuse’ an tawrh nasat vangin engmah puitlin theihna rilru pu tak tak thei tawh lovah (awlsam zawngin) an chhut fo mai, a dik na chen pawh a awm ka ring.
Report this comment
November 28th, 2010 at 9:46 am
Ziak ṭha khawp mai.
Kan dam khawchhuah theihna chance hi a inanglo thei khawp mai. Ṭhenkhat tana ho angreng tak, an nitin nuna bet, ngaia an neih hi, a hmu pha ve lo leh chen pha ve lo tan chuan bei fe a ngai. Tam tak phei chu damchhunga neih theih loh tur te a ni.
@H.Vangchhia,#3:
Keipawh hetiang hi ka kham khawp mai.
Report this comment
November 28th, 2010 at 9:47 am
A va han tha em!!!
Report this comment
November 28th, 2010 at 9:58 am
@ HV ..reuh che hian,i outlook hi mak ka ti fo thin..
Post tupa,a va ngaihnawm ve aw..tuna i thuziah hi hmaichhana ti ti pui che ka chak.I sawi ang deuh Background atang a lo seilian khi ka ni.A bikin hmeichhiaah chuan,tlakna leilung hian min her danglam vek thei tih chiah hi kan hrilh ang che.Mi dangte hriatthiamna thuk tak nei tur chuan expirience hi a ngai reng a ni.Ka Nuna ka inzawh fo thin,i thupui hman khi-Engmah nilo,kei hi Pathian hian min hre reng tih ka hriat hian,ka lawmin mak ka ti thin.Tawngtai saktu Nu leh Pa ka nei thin kha ka lawm a ni.
Report this comment
November 28th, 2010 at 10:04 am
Ziak tha hle mai…. In enfiahnan a hmang thei chuan hman chi a nih hi
Report this comment
November 28th, 2010 at 10:46 am
*I hrethiam phak lo em ni? Hmanah chuan zik no hring mawi tak te chu chhuah ve thin mahse, lei tha, tui tha dawng lova seilian hian parmawi rimtui chhuah tur kan neih ve theih loh hi…*
Report this comment
November 28th, 2010 at 11:05 am
Nu leh pate thawh chhuah sa ring lova, an mahni thiam leh taimakna vang renga ni leh ram an din a tha zawk. Fate tana sum leh ram tha tawk hnutchhiah a awl maithei. Mahse anmahni khera an thawh chhuah theih loh chuan a daih rei lovang. Don’t give a man fish. He will be hungry again tomorrow; but teach him to fish so that you don’t have to give fish to him every day.
Report this comment
November 28th, 2010 at 11:20 am
I ziak tha ka ti khawp mai. Pathian hian tu pawh hi- mirethei emaw mihausa emaw pian chhuahna tha emaw tha lo emaw lehkhathiam emaw thiam vak lo emaw luck deuhte luck vak lo te, hmelthate hmelthalote, mi sulate mi thate leh ka sawi bak zawng zawngte pawh min hre vek a ni. PATHIAN MI HRIATRENG NIH A LAWMAWM RUAL HIAN A MI HRIATRENG NA HLAUAWM ZIA HI I NGAIHTUAH HMAIH NGAI LOVANG U. A ruktea kan thil tih ker ker pawh a hria e… hui ham
Report this comment
November 28th, 2010 at 12:50 pm
Ni e….Pathian mihriat reng tlaka nun pawh hi ava pawmawh em…min hriat rengna chhan hi kan thlang thei asin..a tha lam i thlang ang u…
Report this comment
November 28th, 2010 at 1:52 pm
i ziak tha hle mai.. rawn ziak zel teh!
Report this comment
November 28th, 2010 at 3:44 pm
“tunge ka nih? eng ti turin nge ka lo pian ve?” pawimawh khawp mai.
Report this comment
November 28th, 2010 at 4:30 pm
a khai a! Post chhe lo khop mai. ka’n chhiar nawn leh ngat teh ang.
Report this comment
November 28th, 2010 at 6:02 pm
Tha hle mai mahse duhthawh na hi a nasat lutuk te chuan a tha nang mawle :lol: ……..reality kan tih chin a hi enge ni ang? i reality tih hi worldly pleasure in a kaihruai lutuk a ni thei a ngem?
Report this comment