Hman deuh tawh khan ‘Indian Kan Ni Si’ tih article hi ka ziak tawh a. Ka zawng hmu zo der lo mai a. Zawlbuk.net lamah kan chhuah tawh ngei mai a, mahse, kan website chiang lo chho vel nen, a lo bo daih mai a. Kei lahin ka khawlthluakneiah hian ka lo dah tha hauh lo mai a nih hmel. Mahni ngaimawh zawng zawng i han puahchhuah pui leh teh ang.
Kum sarih dawn lai kal tawhah khan chanchinbumi pakhat hian Mizoram a tlawh a, chuta a thuziakah chuan, Mizorama ‘sardar’ pakhat mah a hmuh loh thu te leh, chanchinbumi pakhat a kawmin Indian intih harsa a tih thu a lo hrilh thute pawh a tarlang bawk a. Ka ngaihtuahna a luah deuh reng thin a. Tin, tunhnai lawkah misual.com-ah tuemawin Mizo Nationalism leh Indian Nationalism chu thil inkalh tlat leh indo tlat niawmin a rawn tarlang leh bawk a. Thil nihphung hi nguntaka thlirho leh a thain ka hria a, ka han ziak ve leh a ni. Thuhmahruai atan chuan a sei tawk ta viau mai. Thupuiah lut ang.
Mizote hian zalenna kan sual laia kan tawrh nasatzia leh India sawrkarin dim lo baksaka min sawp hrep mai dan kha kan theihnghilh hleithei lova. Na kan ti a. Na ti awm ngawih ngawih pawh kan ni reng a ni. Mahse, kan ngam loh kan zuam sual a, kan at huai vangin kan tawrh loh tawp tur kan tuar a. Mifel thisen khati zozai chhuak lo pawh khan ‘state’ hrang neih leh, Assam atanga indan kha a harsat awm loh tehreng nen hian, kan mawl luatah kan tuar ta hrep a. Inchhirin awmzia a nei lova, a ni lo zawnga infuihpawrha, India ram huat ngawih ngawih lahin lukhawng eng teh vak a nei tawh hek lo.
Ngun takin kan dinhmun hi bihchiang ila a tha hlein ka hria. Tute emaw, thil hrechiang mang hlei lo, data engmah behchhan nei hlei lova, ‘Mizoram hi a hausa’ ti-a iak iak ho hi an hawi harh ve deuh a hun tawhin ka hria. Han inbihchiang ila, India ram state-ah a rethei ber pawl kan ni a. Hei hi en ila – agricoop . A zirchiang peih chuan, mahnia inrelbawl thei kan nih lohzia hi phat rual lohvin an hre thei ang.
India sawrkar laipui pawhin min ngaihsak viau a, kan politician te hi fing ve deuh phei se chuan tuna kan dinhmun ai ngawt hi chuan kan changkang let fe tawh tur hi a nia. Sum tlem azawng an hmu dek dek a, tam an ti em em ringawt zel a. Economics lama hriatna nei zau em em lo ta na chuan budget siam dan leh hmuh hnem dan pawh an hre meuh lo chu a nih hi. India sawrkar laipui dem ringawt hi a fuh berin ka hre lo.
Tin, kan duh emaw, duh lo emaw, Mizorama kan lo pianchhuah rual rual hian, Mizo kan ni ang bawkin Indian kan ni nghal a. Mainland India lama chengho inhuattir zawng leh a herh zawng ngawta inzirtir hi a fuh ber em tih hi kan ngaihtuah a hun khawp mai. Indian kan nihna-ah hian lungawi mai ila. Kan theihtawkin Mizoram hmasawnna atan hian bei ila. Inner Line Permit te pawh kan duh chuan khauh zawk pawhin kan lekkawh thei a lawm. Mipui sawrkarna ramah kan cheng a, kan duh loh thil engmah hi India sawrkar laipui hian min barhlui dawn lo tih hi hre reng fo ila a thain ka hria. Tute emaw intizawlnei ti tuai, thil nihphung hrechiang mang hlei lova rak rak ho hian, thil nihphung hi bihchiang ve se, rilru hel reng ringawt mai tan chuan hmasawnna chan pawh a harsa let fe a ni tih te pawh hi hrechiang ila a tha ang. Kan duh emaw duh lo emaw, Indian kan ni tho thova, a intineitu thiam thiam leh a inti Indian thiam thiam hi mi vannei chu an ni mai.
Similar Posts:
- Pu Zawma’n UPA a thlawp tur a ni
- Mizo = Indian
- Mizoram zin leh Indian visa chungchang
- Mizoram Nursing College building permission chungchang
- Tangkaipui kan awm takin…
:-D
November 29th, 2010 at 1:16 am
Phek thar hi han hawng ve re re ila. Comment tur te kan la awm takin…….
Report this comment
November 29th, 2010 at 1:24 am
@loneeagle26016,
min barh luih avangin a lom INDIAN kan ni hrih kan tih reng…
chuan Indian society/culture/language bik hi khawngaihin min lo hrilhfiah???
Report this comment
November 29th, 2010 at 1:26 am
Report this comment
November 29th, 2010 at 1:27 am
Komen ve hrim hrim teh ang.
Report this comment
November 29th, 2010 at 1:27 am
East Zone..Kolkotta ah mah khuan ‘foreigner’ a min ngaih tlat loh leh min hmu ‘bahadur’ a te thul…Indian history ah hian mizo tih hi a chuang lo reng2…mauruangi erawh chu vai lal nupui ah khan a awm ve a…duhlo eng ang mah ila, min nih luihtir a, indian kan nih mai lohin..min awpbet tlat alom…han inti Indian engang mah ula maw, an society ah khuan an pawm miah lo che u..an hmuhdan che u chu ..untouchables ang vel chauh mawle…Mizo kan nia, mizoram hi india hnuaiah a awm rih avangin chulai ‘sense’ te chauh chuan indian kan ni e… :mrgreen: :mrgreen:
Report this comment
November 29th, 2010 at 1:30 am
#205_____ AMEN
Report this comment
November 29th, 2010 at 1:31 am
Wonderboy, Indian culture/indian history velte kha lo en ngun mai2 teh o, i hriatduh chuan i hre khop ang. :mrgreen:
Report this comment
November 29th, 2010 at 1:48 am
https://www.indiaparenting.com/.....ndex.shtml
Report this comment
November 29th, 2010 at 1:59 am
205 keipon Amen.
Report this comment
November 29th, 2010 at 2:01 am
HV, moral assimilation hi lo awm thei dawn khop mai a hei ! “Emaw’ kan inti tan tawh a van ang veee :mrgreen: :mrgreen: 8O
Report this comment
November 29th, 2010 at 2:01 am
#205 amen double sawt dawp dawp :mrgreen: :lol:
Report this comment
November 29th, 2010 at 2:03 am
Indian ka ni tawps mai kei chu. Mi in an hriat chian belh duh leh min zawh zauh deuh erawh chuan mizo ka nih thu leh Indian original ka nih loh thu erawh ka hrilhfiah mai. An tui zel dan azirin ka sawi thui in ka sawi thui lo mai.
Indian passport erawh chu ka nei peih hlawl tawh lo va ka thlak daih. Indian embassy chu khawi ramah pawh awm se dawr an khirh tho tho, ka in hauh pui peih tawh lo. Mahse India ramah awm lo mah i la ka pian ka seilenna Mizoram hi India chhung a awm a nih tlat avangin leh Mizoram hi India lak a a independent hmâ chuan INDIAN ka in ti reng bawk ang.
Report this comment
November 29th, 2010 at 2:10 am
#212, duhlai elcee…ni e tiroh ! Kan CM meuh pawhin ‘racial discrimination’a toh thin chuan… sawi loh chu ahar ve thin anih hi !…. :mrgreen:
:lol:
Report this comment
November 29th, 2010 at 2:19 am
@loneeagle26016 kei ma duhlai zak nih kha o mai mai.
212, duhlai elcee i soi dik fuuuu.
Report this comment
November 29th, 2010 at 2:44 am
“Mizo kan nia, mizoram hi india hnuaiah a awm rih avangin chulai ’sense’ te chauh chuan indian kan ni e”…chu bak bak a indian kan nihna tur dang a awm chuang em ni aw ka lo ti ve mai mai a, an society ah min pom lo tih vel te chu…..India ram hi ram zau tak, hnam leh chi hrang hrang awmna a ni a, kan cociety leh kan eng kim tradition te, sakhua te,etc a hrang theuh hlawm a ni. kei ni pon vai chu kan society ah kan pom bik chuang hlei nem. Indian kan nih avang in ze khat, hnam khat kan ni vek e tihna lam a ni lo. mizo, naga, asamis, leh hnam hrang hrang te hi indian tih hian min khai khawm vek jok a ni. kan vai in Indian kan ni……
Report this comment
November 29th, 2010 at 3:19 am
Nuih in ti za tlang e ka tih chuan patling phanchang kei ka ni in ve lurh tawh thukhawchang nuihsawh ka ang ang tih ka hlau bok sia,a enga pawh chu lo ni se ‘i sawi zawng in i nih na a lang’ tih thu hi ka beng ah a rawn ri nawn awn awn ..
Mi comment lo chhiar hi nuam ve hranpa khawp a,tun post phei chu ka chhiar chhuak dap mai ka ti..hun a heh kher mai!Thu awmsa sawi belh vak ngai lo rualpawl tawk a lehkha zir ve ngawr2 tan pawh a sawi buai vak ngai a ka ngaih lem loh in rawn sosanpui chiam mai hi a ngaihna hriat a harsa…Intih hriat chian tum bik vang nge hnial hrat hrim2 vang..nge chiang chiah lo chiang a inngai ..tang laklawh …huizzz…
Chhungpui pa ber in enge maw hlek a ‘Pa ber ka nih hi’ a tih tun2 reng fo chuan Nu zawk hi a lo pawng viau tawh thin an tia..Mipa in ‘MAN’ ka nih hi thawkaphet a an tih fo te hian an ‘insecure’ hmel ngawih2,a nih loh vek chuan Mipa kheuhbeuh rorel thlahlel deuh an ni chawk.Tunge kan nih,enge kan nih hi sawi2 ngai lovin keimah ni ah kan chiang..sawi zui vak emaw sawi fiah tum vak a tul tawh lo.
A tawp nan, Kei erawh zawng I’m proud to be ‘MIZO’ and I’m ‘INDIAN’ !!! :wink:
Report this comment
November 29th, 2010 at 5:10 am
Indian nih hi passport-ah leh ramdanga kal chiah hian Indian kan inti tlangpui. Indian delegates hian foreignah tum 3 ka kal ve ta. Marathi, Tamil, Kerelite, Bengali, Assamese, Malayalee Sikimese etc etc kan intih vek avang hian “Tu hi nge Indian nita ber chu – hnam bil zawng hian kan inti hrang theuh si a – kei vang hian National Integration pawh a ngai ani” tiin November thla hian a week pawh 1985 atang khan hman ani ta ziah ani lawm ni:?:
Chutih laia keini lo inti Indian riau bik emaw ‘dian lo riau tura inphutna hi chu a rampum hri vei chhoh mek ani zawk mai lo maw :?:
Report this comment
November 29th, 2010 at 5:56 am
India khua leh tui (Citizen) in nih chuan Indian in ni tho tho
mizo Burma rama awm chu Burmese an ni. Mizo USA citizen chu American, Mizo UK Citizen chu British. Mizo Australian Citizen chu Australian. Chutiang zelin. :roll:
Report this comment
November 29th, 2010 at 9:01 am
Mizo Nationalism kan sawi hian technically/constitutionally a Indian citizen kan nihna hi kan clash tir kher lemlo tih hria ila;chutihrualin, Indian kan nih avangin Indian nationalist kan ni tihna pawh a ni heklo. ‘Indian’ ni a kan insawi hian Indian Nationalism ah kan tui viau tihna a ni lemlo tih hriat a tha khawp mai. British awpna atanga zalenna sual laia Indian nationalism thlipui kha Independence hnu hi chu a tleh ta meuhlo chu a ni e. Mahse, mipui tangruallo kan nih theih avangin National Integration pawh a theih chen chenah kalpui a ni reng bawk a. Mahse, Indian Nationalism represent-tu tak tak hi an awm tawh chuang emaw ni chu aw, ka tihna a ni.
Mizo Nationalism hi Mizo hnam leh Mizoram hmangaihna, khawvelah hnam anga kan rallohna mai piahlama kan dinchhuah ve theihna tur atana theihtawp chhuah duhna thinlung ka ti mai. A chiang em ang chu maw!!!! Hetihrualin, Mizo tiha lungawilo zohnahthlak chipeng zingah an awm tho avangin Mizo Nationalism hian Mizoram leh a chhunga cheng Mizote ka huam tir deuh a, chu chu Zofate hi Insuihkhawm kan nih tak tak hma chuan a tulin ka hria.
Indian Citizen ka ni a, chu chuan Mizo hnam leh Mizoram hmangaihna thinlung ka put hi a dip reng renglo. Mahni theihna mual theuh atangin theihtawp chhuah ila; Mizo hi hnam angin dingchhuak ve ila tih hi ka duhthusam a ni ber. Chumi hlawhtling tur chuan hma kan sawn viau erawh a tul ka ti.
Hmasawnna (development) han tih pawh hian a himlo zawng atanga lo thlir phet tum loin engtinnge hmasawnna ruhrel lo kalte chu hmang tangkai tura kan inbuatsaih ang tih thlirna tlang atangin Mipui leh sorkar hi zirtirna pek a tul hle bawk ang.
Indian Citizen nih avanga intih vaitingtang viau erawh a tul ka ti lo tawp thung. Khawiah pawh hna thawk ila ‘Mizo’ ka ni mai, ka thawhthat leh Mizo tan hnam angin a hmingthat thlak, ka zelthel erawh chuan Mizo dangte tan a zahthlak ang; tuma’n Indian anga kan performance atanga min teh loh avangin. Hnamdangte pawh hi an lo ni tho mai, abikin South Indian, Oriya etc te hi. Foreign ramah pawh zin ila “I come from India, but I’m a Mizo” tih hian a zawhna min zawttu te a chhang fiah viauin ka ring.
Report this comment
November 29th, 2010 at 9:05 am
shabito, cool… i sawi hi tih dan tur reng a ni.
Report this comment
November 29th, 2010 at 9:32 am
#219 chabeto chu ka amen thlaps e…
Report this comment
November 29th, 2010 at 9:32 am
#219 chabeto chu ka amen thlaps e…
Report this comment
November 29th, 2010 at 10:33 am
@coolsoul09 vairam ah thangkhat lian pawh i la awm tling lova i va in ti Indian em em ve, Khalai a i Sikul zir tir tu pui te tihlawm nan khan ami i tih reng reng a. I thuiziak te hi vawitawng in let nghe nghe teh ka ti, I vai pâk na hmanrua chhe te vang hian, kan Mizo tam tak ril ru i seng in ring duh suh… Ka Pa thisen a au a, A tul chuan Vailu kan la leh ang … :evil: :evil:
Report this comment
November 29th, 2010 at 11:03 am
India ram company lian hotu pawlah te hian thu ve thei ila, PM te hi Mizo ni thei hial se, kei chu tha ka ti mai. Tun ang laiah Tharum thawh a, intih chak vak theih a ni tawh lo a, thluak indona a ni zawk a, kan fate hi lehkha thei patawp a thiam tir tluka tha hi aawm lo. Tribal quota zawng zawng mai hi Mizo fate hian an hauh vek thei mai ila chuan, kan changkang ang maw le.
Report this comment
November 29th, 2010 at 12:38 pm
Keini Indian tih vela kan buai laiin kan mizopui Manipur (Churachanpur) vela awmten Mizo nih an lo claim ve ania.. “Mizo ramah han kal ila Mizo ah pawh min ngai ve lo,kan tawng tlema a dan deuh avang nge….mahse mizo kan ni tho tho… kan thinrim a rim ve khawp…” tiin phone call ka dawng a.Mizo ngei pawh hian kan Mizopui thenkhat te chu Mizo ah kan ngai biklo tih a chiang ve tho mai ka ti. Mahse kan ngaih leh ngaihloh in kori a tu vak lo, Mizo an ni tho tho.
Report this comment
November 29th, 2010 at 12:53 pm
a ho tawh emai, thil nihdan hi kan comment avanga danglam thei pawh ani silo haha..
Report this comment
November 29th, 2010 at 1:00 pm
Tun hma, Indira Gandhi hun lai ni tain ka hria, khatih laia sawrkar slogan kha ka hre chhuak rum rum! “Be Indian, Buy Indian!”
Inti “INDIAN” em em ho hi chuan tun atanga hun rei loteah chuan VAI nih pawh pawi in ti lo mai ang tih ka hlau deuh roh! Vai music kan han ngaina a (kei pawh tiamin), Vai incheia inchei te hi a lo nuam phian a, Vai Puja han hmanpui lawp lawp te hi anmahni an lo lawm ve em em bawk a, Vai chaw te lah a tui hlei hlei,Vai tawng thiam phei chuan an zia kan la ve thuai a…hengte hi thil pawi a ni ka ti lo. Amaherawhchu, kan fimkhur loh chuan nakin lawkah Vai sakhua thlengin kan pawm ang a, Mizo zia chu hmusitin Vai zia kan sawimawi hun hi a hla tawh lo hlein ka hria. Tuna inti MIZO ho hi ka rin dan chuan Ram Buai hre phak chin kan nih ka ring a, han ngaihtuah vang vang ila,@coolsoul-a te rual thangthar zawkte sukthlek dan chu a chiang tawh hle a nih hi! Tun atanga kum 10-ah chuan “Josefa hre lo lal dang” tih ang deuh khan Mizo hnam rilru pu pha tawh lo thangtharin min rawn thlak ang a, …ngaihtuah ngam pawh a har ta!
Pu ZG sawi ang khian, LALPA chakna chauh lo chuan kan MIZO hnam hi chhan ngaihna a awm lo thuai mai awm mang e tih hi ka hlauhthawn rilruk ve chu a ni.
Report this comment
November 29th, 2010 at 2:06 pm
He Post, nizana ka comment (#163) ah khan ‘bold’ ngatin ka thil ngaih theih loh deuh mai ka han tilang a, chu chu Indian kan ni tho thova, a intineitu thiam thiam leh a inti Indian thiam thiam hi mi vannei chu an ni mai tih lai tak khi a ni a.
He thu Post-tupa’n he thu a ziahna thinlung hi enge ni ang aw?.. tih hi ngaihtuah tham a awm a, he lai tawngkam tawite hi a te lo hle. Kan hnam awmdan zel turah a tha lo zawngin nghawng lian em em a neih theih tlat avangin, ka han tuihnih leh hram teh ang.
A hmasain zawhna thenkhat ka siam duhte:
1. Engtin nge kan intih neitu thiam ang a, engtia intih Indian thiam tur nge ni le? (Kei pawh hian Passport/Indian Driving License/etc. te chu ka ve duah a, hei bak enge tul le?)
2. Kan intih Indian thiam avanga kan vanneihna tur chu enge ni le? (Heti mai pawh hian khawvel documents ah chuan Indian kan ni ‘rih’ a, hei baka vanneihna tur dang awm chu enge? Midang thal ve theih loh tuikhur a awm em ni le?)
Tin, intih Indian thiam em em avanga vanneihna chang tura he Post-in min offer hi eng te nge ni ang tih han ngaihtuah hian, lo lang nghal chu: sum leh pai te, hmasawnna te, dinhmun changkang zawk te, etc. a nih hmel a, nawmsakna te nen. Aw le, chungte chu kan duh theuh ang chu.
Mi(sual) thiante u, keia ngaih chuan hei hi thlemna itawm tak, hnam pawisawina leh Pathian laka hel tura inkawhhmuhna-ah ka ngai lo thei lo a ni. (Emaw, ngaihtuahna fim tak hman loh vang)
Mizoram hi, tunah rih chuan kan la rethei hle a. (Nakinah erawh, Zoram Khawvar hunah chuan ‘a mei lam ni tawh lo vin, a lu lam’ kan ni dawn) Kan rethei ‘rih’ avang tak hian sum leh lai lamah pawh khaw hmu lo lekin kan tlan suau suau a ni a. Sum leh pai leh hmasawn duh lo kan awm lo, amaherawhchu, duh luat vanga intih Indian kherna chuan kan nun a hruaisual ang a, kan chhungkuain a tuar ang a, kan ram leh hnamin a chhiat phah bawk ang a, a tawp-ah phei chuan Indian hovin min chimral mai dawn a ni! Chu chu kei chuan ka phal thei mawlh lo a ni! Intih Indian thiam hle avanga vanneihna hi chang tur ni tak tak ta ila, mi tam tak chuan kan Mizo identity te, kan Kristianna te hi chu kan palzut ngei ang, chu chu a pawi rapthlak dawn a ni! (Tunah pawh thenkhat chuan an pawisa ta lo viau em ni aw?)
Tin, Hnam feeling chungchangah, Israel te lakah khan Pathian thikthu kha a chhe tak zet a, Hnam dang tih ang leh hnam dangte awm anga awm ve pawh a phal lo bur a nih kha! A ni, hnam tin awmna min khamsak tih pawh Bible-ah kan hmuh kha! He ri kham hian leilung ramri mai a ni lo, tawng leh culture thleng a huam mah mah a ni. Pathian min siam danah hian lungawi mai tur, intih Indian kher hi kan Pathian hian min phut lo vang!
India rama ‘la cham rih; kan nihna laiah erawh chuan India lakah hel hi a tul hran lo. India rama ‘kan cham rih chhung’ hi chuan India dan kan zawm ve mai hi a finthlak a. Israel fate Babulon rama an saltang lai khan Babulon lal thu awih turin Pathian pawhin a tih kha! Ni e, vanneihna te pawh chu a awm ve bawk e. Kei pawhin Central Schemes and Project te buaipuiin, khulam pawh ka dawrkual ve zut reng a, kan la indawr dawn chuah bawk a. Mahse, ka zuk inti Indian kher ngai lo. Vanneihna chu LALPAN min la pe zel rih e.
Engpawhnise, kei chuan, intih Indian viau avanga vanneihna chan a, Mizo dal tak nih ai chuan Pathianin kan hnam min phut anga taka, ngun taka ‘A AW’ ngaihthlak a, a thuawih hi vanneihna leh kan ram leh hnam damna leh din khawchhuahna tur a ni zawk tih hi pawm dan a ni a, Indianship-ah ni lo vin LALPA ah a ni, kan mamawh zawng zawng chu a awm ni ka ti a ni.
ZORAM KHUA A LA VAR DAWN SI A!
Report this comment
November 29th, 2010 at 2:23 pm
@ coolsoul09, I understand your point man.
we’re coming from two different perspectives thats all.
you are trading your pride n dignity for riches but thats fine man, upon your judgement no one can’t really make decision for you but personally KA TEN CHE i nu or i pa Vaichia!!!
Report this comment