Kan Aizawl khawpui kawng chhe lutuk leh traffic jam ninawm zia hi titi ah pawh kan sawi tam ber pawl a ni awm e. Mi zawng zawng hian kan vei emaw tih turin kan sawi luai luai a, hmalakna leh a taka thawh erawh kan sawi tam avang hian hmuh tur a tlem khawp mai!
A bik takin Bawngkawn leh Zemabawk inkar kawng hi a chhe zual em em bik reng mai a, enkawltu awmlo te pawh a ang rum rum thin. Kan kawng chhe lutuk hian traffic a ti jam a. Kan motor a chhiat phah a, kan hun hlu tam tak kan khawhral phah a, sum tam tak kan khawhral phah a ni! Kan kawng enkawltute hian compensation min pe se a tha ang!?
Tlang ram hmun rem loah kan khawsa a, India ram khawpui dangte chu tehkhin rual an ni lo. Chutih rual chuan a remna lai apiangah kawng thar kan reh belh vat vat hi a ngai tawh a ni. Elevated road an tih ang pawh hi junction lun lai ( Sikulpui kawn, Khatla kawn, Tennis Court, Mizofed Petrol Pump Junction, Zodin Junction, Chanmari kawn, Bawngkawn – Sairang road junction, Vaivakawn junction,etc. ) ah tal hi chuan siam thei ila chuan kan ziaawm phah viau in ka ring.
Tin, khawpui zauh lam hi kan thuneitute hian an ngaihtuah lo lutuk a, a lai lum tawt lutuk laiah thil pawimah leh hmun pawimawh kan dah belh zel a, tuna Assam Rifles awmna tura Zemabawk Zokhawsang ram an chei mek te saw sorkar department, mimal in office atana luah zawng zawng thiar chhuah nan leh sorkar hnathawk quarters hmun atan han duang zawk se, kan hlawkpu zawki ang mawle! Mi tam tak tan eizawnna an siam sak a ni ang a, chu bakah motor tlan dan a pawt fan ang a, traffic jam a zia awm phah bawk ang.
Kan ADA lam pawh hian mi harsa zawkte in sa tur umzui umzui ringawt lo hian mihausa te’n an duh duh dana in an sak te hi khap ngam rawh se. A ti thei te’n duhna lai laiah Market building leh Hotel, parking pawh nei miah lovin an hawng leh ringawt zel! Tu khap tur leh khuahkhirh tur hi nge ni ang le? Hengho hi traffic ti jam-tu pakhat an ni.
Motor khalhtute pawh hian kawng sir atanga kan tlan chhuah dawn leh kan din dawn hian motor dang tlan lai tibuailo thei ang bera hawihhawm taka motor khalh dan i zir theuh ang u. Traffic Police-te pawh hian dan zawmlo leh polite lo lutuka motor khalh te hi chu tu pawh ni sela man ngamin chawi tir ngam rawh se. Mipuite pawh hian motor tlan tibuai lo thei ang bera motor kawng sira kal dan leh rang tak him tak sia motor kawng kan dan i zir ang u. Kan kawng a te si, motor a tam si, mipui kan pung chak si, kan inzir tlan vek a ngai a ni.
A tawp berah chuan kan kawng neih ve ang chhun chhun hi a enkawltu department-te hian mut mawh hnar mawhah neih in an in leh an motor an chei hnum ang tal hian han chei se chuan kan phun kan phun hi chu a reh deuh ang mawle. Fur ruah sur laia kawng siam lo hian thal intan veleh a hna tan nghal thei tur te hian inhmakhawsuih se, chhun laia mipui leh motor tlan ti khaihlak zawnga kawng siam lo hian zan rehahte kawng hi siam peih sela, kan aizawl khawpui hi chu a nuamin nunphung a ziaawm phah sawt ngei ang. Kawng khuar lai leia hnawh ngawt te hi sim a tha. Reilote ah vaivut ah a chang a, a khu a hrehawm lutuk. Ruah a sur a kawng a tidiak duh bawk si. Mipui hian thil tha kan neih na tur daltu leh thawk peihlo te hi i dem ngam ang u. An thawh tur dik tak thawk tur hian i nawr chhuak ngam bawk ang u.
He ka thuziak hi tute emaw va dem em em tumna lam ni lovin, thahnem ngaihna leh insiamthat duhna; hmasawn duhna thinlung atanga ziak a ni.
Similar Posts:
- Chief Secy. Car leh Bike insu
- Private motor intlan chhawk tir tum a ni
- Traffic police-in zana bike-a intlansiak thinte an veh dawn
- Traffic police an thu ber?
- Lungleng zual deuh tan.
:-D
January 24th, 2011 at 5:10 am
in va reh 1st ve
Report this comment
January 24th, 2011 at 5:19 am
Reh hle mai tak a,ka rawn zawm che, Aizawl kawng chang lo pawh mizoram kawng chu thalai atam vak em ni?
Report this comment
January 24th, 2011 at 5:46 am
Chuhhelh lo takin/ hmun chepah inlehpelh phet tum hlawmlo sela, lirthei kal dan zulzuiin (traffic flow) ang zelin motor khalh ula, a zia deuh ngei ang.
Traffic dan kalha che apiang warning pek hnua an tih leh chuan chu pawisa chawiin (fee awmin)a tir atanga traffic rules in zirtir that zel ni sela. Tichuan, license dil te khirh takin test kimchang pe bawk se, chumi hnu chauh chuan license pe sela. Hetiang an tih theih chuan kawng buaichuar/traffic chhe lutuk hi a zia phah hawk chuan ka ring alawm mawle.
Eng councellor pawh khan kawng an zauh tak2 thei tawh chuang lovang,mi in sak an sah hek sak ngam a nih loh chuan. CHuti pawh chuan traffic rules hrelo leh khalh thiam lo tak2 an nih tho chuan a chep kumkhua ang, kawng zauh pawn awmzia a nei thui hran lo tawp ang.
Signal light hi kan kalna tur lam midang te hriattirna TUR anih laiin, “Min lehpel rawh” tih nan kan la hmang tut mai ania, angaihna a awmlo. Seat belt hren te hian nunna tam tak a chhanhim tih thlenga awareness kan neih angai bawk.
Report this comment
January 24th, 2011 at 6:05 am
#3 ka rindan mai mai
Report this comment
January 24th, 2011 at 6:07 am
Pu Hv i ti dik lutuk awareness campaign tur a tam khawpin ka hria. Khawpui han thianfai tur chuan Municipal commissioner chak leh thil ti thei kan mamawh khawp ang. Maharastra a ka awm ve lai ka thi hriatleh tawn ah chuan Arun Bhattia IAS val huaisen tak mai kha ka ngaisang thin. Central minister nilai Suresh Kalmadi restaurant te khan kawngpui an encroach a, zan khat thil thu ah JCB leh tipper nen a thian fai vek mai mawle zing lamah chuan kawng a lo var huau mai chu mipui an lawm mai mai asin aw
Report this comment
January 24th, 2011 at 6:13 am
Ram thatna tur chuan mi engemaw zat tih thinur angai fo ang, Kha2 mi tam zawk lawmna tur leh ram tana tha tur anih chuan tih hreh loh luih ngam angai ang. Politicians te hian atak ram an ngam lovang vote zawng an ni tlat. Sawrkar hnathawk huai deuh, dan hmanga huai an awmin, transfer an ni a, chu2 an hlau leh bawk si.
Hna duh chuan khawi hmunah pawh thawh hi hreh loh tur asin mawle, Mizoram a zim teh lul nen. Hna diltu te pawh hi an dilna formah, “Khawi hmunah pawh min dah dawn se hreh miah lovin ka kal ang,” tih notarised thlapin dah tir zel sela. Tin, politicians te pawh hian dik taka hnathawk te chu an hmelhriat te avang emawin hmun hreawm zawkah sawn kher tum bawk lo se, fuh tur mawle. Hetiang chuan engtin nge kan ram athat theih ang.
Report this comment
January 24th, 2011 at 6:42 am
Report this comment
January 24th, 2011 at 7:14 am
Aizawl khawpuii kha chhuahsan la,thingtlang kawngah han tlan teh – tunlai tak hian. I tah loh pawhin i zah hial ka ring – Mizoram mi i nih vangin.( A chhan chu he ram hmangaihtu pakhatmah an awm lo tih i hmuh dawn vang ania).
Sorkar hnathawk vau khur khur leh phak ang tawka intihhausak bak kan politicianste hian thiam hek lo le.
Report this comment
January 24th, 2011 at 8:16 am
Kawng, electric leh tui hi han tha phawt se, a pawimawh ber hian ka hre mai! A dang chu heng ho hian a keng tel vek!
Report this comment
January 24th, 2011 at 10:35 am
Thu ziak tam lem lo mah ila, kan ram kawng ka vei zia hi chu ka ziak ve ta fo mai. A thinrimthlak a, tin a veitu nih chuan a hahthlak bawk. Thil pakhat: Rawngsen a ‘REV’ tih ziak, kawng sir building a ka hmuh thin ka hriatthiam hma te kha ka ngai zawk thin. Ka hriatthiam hnu ah dan zawmlo an lo tam zia leh, dan kengkawhtu lah in an kenkawh ngam loh si zia ka lo hre ve ta!!!
Aizawl kawng a chhiat phei chuan NH-54 chu engti fakau a chhia ni ang maw…?
Heti chung a kan ram hmasawnna a suk leih leih lai si hian Kan hotu te lah hlawh tam zawk la turin an zak miah lo. MINISTER RETHEI LUTUK (??) kan nei hi a pawi ngawt mai..!!!
Report this comment
January 24th, 2011 at 10:52 am
Sorkar office, mahni building neilo,mimal inluah zawng zawng, Bawngkawn to Kulikawn a awm awih loh, a awmsa pawh sawnchhuah hi ka sapawt ltk
Report this comment
January 24th, 2011 at 11:31 am
He post chu ka LIKE e.(Y)
‘Assam Rifles awmna tura Zemabawk Zokhawsang ram an chei mek te saw sorkar department, mimal in office atana luah zawng zawng thiar chhuah nan leh sorkar hnathawk quarters hmun atan han duang zawk se, kan hlawkpu zawki ang’ – ka ngaihdan ve chiah a ni. Assam Rifles sawnchhuah ai chuan kan hlawkpui zawkin ka ring.
Report this comment
January 24th, 2011 at 1:19 pm
Aizawl khawpui hmawrah rau rau chuan hmar lam aiin chhim lam an changkang fé. Kawngpui pawh a tha zawk. A inthlau lutuk. Amen.
Report this comment
January 24th, 2011 at 2:15 pm
Aizawl aia kawng chhia a tam zawk….. tih te ka lo ngaihtuah mai mai, Aizawl hi kan hmangaih lutuk ta em?
Report this comment
January 24th, 2011 at 2:32 pm
Aizawl kawng mai pawh a ni lo, Mizoram hrim hrim hi kawng a chhe lutuk. Aizawl to Tuirial te hi chhe tak a ni chhe tak, enkawl ngai loh tih hriat reng reng. Vawikhat Bus in kan kal a, kan lâm(dance) tluan parh hi a ni ringawt.
Report this comment
January 24th, 2011 at 2:33 pm
In motor kha garage ah dah tha ula….and walk or use public transport…no other wayty
Report this comment
January 24th, 2011 at 4:39 pm
‘A thling bawhawkin’ tih tawngkam hi kan hmang teh chawk a, tawngkam dik ber chu a ni lo mawle. ‘A ruh langin’ tih mai hi a tawk a, a thling a buak tawh chuang ruangam pakhat mah a awm tawh lo asin.
Kan road tax pekte hi road maintenance atan hian hman theih ni ve se ka ti thin.
Report this comment
January 24th, 2011 at 4:52 pm
#16 a dik ang, simple solution a ni mai.
Report this comment
January 24th, 2011 at 4:58 pm
aizawl te chu ke a kal tham vek…shortcut/steps tam ropui si…veng hla tak te kan nih chuan public transport hmang mai tur, chuan zu lak dawnin pvt personal vehicle (:fiamthu:)…motor khalh chhuah vek hi kan tum maia a tha ngailo….aizawl waistline survey hi nei ta ila …fitness fail kan tam viau ang….BP/sugar/cholesterol hlauhawm ropui si …car tha kan neih te hi status symbol ah ngai tawh lo ila
Report this comment
January 24th, 2011 at 5:07 pm
zualbona hi i sawi dik thluam mai hairehai. A dik chiah a ni, Aizawl te chu ke a kalna tham lek a ni. Kulikawn atangin Chanmari west thlanmual thlang ami te alawm nula kan rim thin le hairehai
Ke a kal peih loh pawh in public transportation hman nise chuan kawng pawh a thawl sawt ang. Tichuan, pate dulkiar ho pawn an dul zuah a thep sawt sawt anga, cholesterol/BP leh Sugar sang problem thlengin a su kiang/tizia thei bawk ang. Mahni motor ken kher hi ‘intih engemaw’ nan kan hmang niin ka hria. USA ah meuh pawh milian/hna sang tak2 chelh ten a ni metro hmang thin ni. Pawisa a hek lova, traffic jam velah an buai zualpui a sukiang daih a ni.
Report this comment
January 24th, 2011 at 5:17 pm
kum 10 liam ta khan indian council of medical research (ani in ka hria) in survey annei a , mizo te hi india ram puma heart disease nei tlem ber min tia (a chhan tak an hre lo puihnam ei vang te pawh ani mai thei an ti), mahse tunah chuan ani tawh lo chiang bal ang chu
…kan lifestyle a inthlak e mai…
Tuna Sawrkar in taxi a hreng ang deuh hian pvt motor te pawh hi running days pe ve se a tha ang
Report this comment
January 24th, 2011 at 5:22 pm
#14 Mahni lu nghahna khua nge nge chu mi khua ai chuan kan hmangaih deuh chu a nih hi!
Report this comment
January 24th, 2011 at 5:24 pm
#16 Public transport a chuan pawhin a chhiat ngaiin a chhe tho. Kea kalna tlak pawh a ni chuang lo.
Report this comment
January 24th, 2011 at 5:29 pm
#17 A thling a buak hawk tawh chinah hi chuan a ruh lang ringawt ai chuan kan ngaihsak deuh lo maw?
Taksa pangngai nena ngaihbel dawn chuan a ruh lang tih pawh hi a dik ber lo mai thei.
Report this comment
January 24th, 2011 at 6:32 pm
bawng thling ei hi tha tak ani
inkherawlai lampang chu a ngaihtuah awmloh ang 
Report this comment
January 24th, 2011 at 7:15 pm
Highway hi chu toll tax la se chu chuan maintain mai sea tha ngawt zawk ang mawle
Report this comment
January 24th, 2011 at 8:48 pm
Khawlhring chamz, ka sawi aia chiang zawkin, ‘a thling bwhawkin’ tih phrase hi tunhnai mai a hman lar a ni. Thu uar kan tumna lamah ‘a ruh langin’ tih mai duhtawk lovin a thling baw hawk kan ti ta mai mai a ni. A ruh lang hian a nihna zawng zawng tarlanna a sawi chiang tawk hle a ni. Kan thu uar duhna lutukah ‘a lo a luat’ tih mai turte hi ‘a lo a luak chhuak’ te kan tinawi ta mai zawng a nih hi.
Report this comment
January 24th, 2011 at 10:48 pm
Tunah hian Bawngkawn Red Rose kawng hi siam tan mek a ni a, tuna a lan dan mai ah chuan an hmanraw hman hi a that tawk loh hmel khawp mai. A bula awmte hian an phiatfai peih viau ang a, an phiat ral vek ang tih a hlauhawm. Ti daih ila, kan naupan lai khan kawngpuiah te khan alkatra hi a luang zeih zuih thin kha a nia, kan khawih a, kan thial a, kan kawrah te khan a kai nei nuai zel kha a nia. Tunlai hian alkatra hi a vang ta viau ni tur a ni, kawng black top zawh hlim pawh hi a paw phuk vek mai a, a thil surh vek mai a nih hi. Tin, Mizorama kan kawng siam dan hi tui hawk paih zung zung thei tur hian kan ruahman thin lova, a zawl put loh leh a lai a khuar a, side drain awm lohna lamah te hian a awn leh huh thin. A siam a chhiat tawh nak alaiin, tui paih tha tura design deuh hlek hi chu nise a tlo hret tur ania…
Report this comment
January 24th, 2011 at 11:00 pm
#27, Thu uar kan tumna lamah ‘a ruh langin’ tih mai duhtawk lovin a thling baw hawk kan ti ta mai mai a ni… a ni awm mang tak e…!!! ‘a lo a luat’ tih tawngkam erawh khi chu ka lo hre ngai lo thung. ‘A lo a luak…’ ti char char in ka lo hre thin a…
Report this comment
January 24th, 2011 at 11:16 pm
‘A thlîng baw hawk’ tih hi tawngkam thar a nia. Thu sawi pehhel lo mai ni lovin, a ruh langa thu sawi aia na zawka sawi a ni. A thlîng chu a ruh chhunga awm a ni a, a thlîng baw tur chuan a ruh lang mai ni lovin a ruh tliak a ngai a nih chu.
Tin, ‘a lova luat’ tih hi a dik zawk e.
Source: Tawng un hrilhfiahna by James Dokhuma.
Report this comment
January 24th, 2011 at 11:29 pm
Engtinnge maw elevated road te kan siam ve ngawt ang le. Kan kawngpuiah hian ft 5 vela lian ban phunna khawp a van em hi. Tin, a chunglamah lah mihausa ho in te hi kawng lamah an rawn poh al vek bawk si. Mi hausa ho in za tel hi Mizoram Sorkar hian a thiat ngam lul lovang.
Report this comment
January 25th, 2011 at 1:48 am
@Tuaisiala, i rawn sawifiah a i fel hle mai
. ‘a thling bawhawk’ tih tawngkam hi chu ka la pawmzam hlei thei lo. A thling a buak hawk tawh chuan engmah a awm tawh lova, a chhe vek tawh zawk a ni. A ruh lang erawh chu engmah khuhtu awm tawh lo ‘lang sa ut’a ni tawh zawk a.
Report this comment
January 25th, 2011 at 7:10 pm
@awmawmpuia, Ka sawi ang khian hmun zawng zawngah chuan siam ngaihna awm love. Mahse, junction lunlai thenkhat, motor jam tamna laiah hian one-way turin thiam tak tan chuan a design theih ngei ang. Entirnan pakhat chauh lo sawi dawn ta ila.
Bawngkawn-Sairang road chungah sawn elevated road siam dan a awmin ka hria. Chaltlang Tourist Lodge peng chhak deuh kawng kual lai atang khian chhuk thlain a zawn thlang atangin ramhlun road lam atangin a rawn chho ve bawk anga, a rem laiah an insuihfin anga. Tin, a ban tur chu chaltlang road leh ramhlun road inkarah leh, ramhlun road leh ramhlun kawnghnuai ruad inkarah phun phei ni sela. Tichuan, Bawngkhawn High Mass bul velah khuan zuk chhuak se. A hmanrua atan hian rod leh cement insak nana kan hman ang mai mai nilo, metal structure rinawm tak leh cement tha chi hman nise. Zemabawk leh Durtlang lam atanga rawn tlan LMV chin zawng Chaltlang lam leh Ramhlun lama tlan tur zawng zawng hetah hian kal tir vek nise, a bak zawng chu kawng pangngaiah hian kal tir se, helai junction traffic jam reng hi chu a zia sawt lovang maw? A rem loh dan tur kan ngaihtuahnaah a len zawk tlat chhung leh theih loh ni a kan hriar tlat hi chuan engmah kan ti thei lovang. Kei mimawlin hetia ka han ngaihtuah maia theih ni a ka hriat hi a zir thiam leh fing ten chik zawkin han ngaihtuah se chuan thil theih a nih hi ka ring tlat a ni. Eng nge i ngaih dan le???
Report this comment
January 25th, 2011 at 7:26 pm
Khawlhring chamz, awmawmpuia (No 31) sawi ang hian a ban phunna tur a vang viau asin. Ram ruak emawa langte hi Aizawl mi hausa emaw officer lian tute ta emaw a lo ni zel a, anni hian mawilo khawpa tam zangna dawmna an phut leh ngei ang a, eng tikah mah elevated road, metro tih vel kan nei ve lovang.
Report this comment