Min hmangaih em em tu Ka Nu hriatreng nan – Dr Mahminga Sailo
Kan thupui han en khian mipa ziak ni awm lo tak a ni awm e. Tin ‘Hmeichhia’ tih khi tu te emaw chuan an helh deuh awl awl mai thei bawk. Ka inthlahrung ve deuh hlek bawk…, mahse Bible lehlin hnuhnung ber thlengin ‘Hmeichhia’ a la tih tlat avangin ka huai leh lawi si a. Chuvangin, ‘Hmeichhia’, kan ti zel tawh mai ang chu…
Hmeichhia han tih bawl bawl mai hi chu, a dik chiah chuan a no fahran lo khawp mai. Mahse thlakna thumal dang (vantlang pawmtlan) kan la nei thei silo a. Mithenkhat enghelh leh thlak an chak pawh a ni reng a, inhnialna pawh kan neih fo thin hi. ‘Minu’ tih duh pawl an awm laiin, thenkhat in: “Minu’ tih te chu hmeichhe sawina nilo in, mipa, pa famkim lo sawina a ni”, an ti ve thung. Nge, vawksa pawh sapin Pork an ti a, a tuina a dang chuang hlei nem tiraw? Tin he thumal pahnih hi ka sawi tum ber pawh an ni law. A duh in ‘Hmeichhia’ lo tise; a duh in ‘Minu’ lo ti raw sek sek, ka pawi an sawi lo! Ka sawi tum erawh chu…
Lengi tello chuan…
Chhuihthang vala chakna thahrui hian a daih rei thei lo a. Inkhawm a phurawm ngailo a, College kal lah a nuam hek lo. Tlangval in, “I thawmhnaw chu a va nalh, I va’n in hmeh”, a tih aiin nula in he thu ngai tho a sawi hi a ngaihnawm in, a ngaihthlak a nuam fe zawk thin. Chutiang bawkin hmeichhia pawh mipa tello chuan an awm thei bik lo a; in mamawhtawn a siam kan nih tlat vangin. Ama’rawhchu tun tum ah hi chuan hmeichhia te kan dah pawimawh bik ang. An tangkaina leh an thatna ka fak ang a, tin ka fuih in ka zilh anga, an tlinlohna leh an fellohna ah te ka hau ang a, a hua hua sih hlawk ah…
Mizo tlangval fiamthu…
“….Hmeichhia leh Uite a chul nel peih peih; Hmeichia leh palchhia te chu a thlak theih”, ti zut zut tlangval hi tlangval luck an ni ngailo. Hmangaihna tak tak hrethiam lo, engemaw beisei vang a nula be lawr dun dun, an ni duh. Tin an in sawi luck ang in an luck lo tlangpui bawk. He tlangval (keipawh) fiamthu hi thu tak khukpui vak chi a ni lem lo a, fiamthu a nih ang in a hua pawh kan awm lo tur ah ka ngai.
Mi a tak ngial pawh in, ‘Ka a’, a ti duh bik lo a. Chutiang chiah chuan tlangval luck-in ‘Ka luck’, a ti zut zut ngailo. A lo luck a nih pawhin a thian hnai te’n, “Nang hi chu I luck bik ngawt mai …”, pawh lo ti se, mizo tlangval chhanna chu, “Ka luck em ni?, nang ni zawk a lom luck”, tih a ni daih ang. Chuvangin Mizo tlangval te fiamthu pakhat kum tlemte kal ta a MHIP in an han khap vel te kha ho ka ti. Fiamthu an haw ngailo. Tin ‘Hmeichhia leh Uite’ tih hla an huat lai a sa lartu ber lah kha an hmeichhe pui tho a ni lehnghal!
‘Hmeichhia leh Uite a chul nel peih peih’ an tih hi kei chuan ti hian ka ngai. Min hmangaihtu leh kan tan a engkim huam a min duh ngawih ngawih tu, an hun seng a min vil leuh leuh tu lo duh loh hi sual ka ti! Joyce Meyer-in January, 2009, Bangalore Peace Festival-a an nupa chungchang a sawi kha ropui ka ti. A pasal in a hmangaih a, a tan hun a sen tam zia leh, thil a duh ang a tih sak nasat zia te kha, a tirah chuan ani (Joyce) chuan a induh khum vel a.
Mahse amah hmangaihtu tak tak chu a induhkhum rei theilo, a hmangaihtu nen chuan inneiin tun thleng hian khawvel nupa a lar ber pawl an ni. Tin Joyce Meyer-i paw’n rawng a bawl theihna chhan chu a pasal amah hmangaihtu kha a ni tlat. Hetiang chiah hian min hmangaihtute induhkhum a lo inlak khum ai chuan lo hmangaih let ve hi a tha zawk fe lo maw? Uite mai maiin hmangaihtu leh lainattu, kawmneltu a hriat chuan hmeichhia te ngat chuan hre lehzual tur in ni.
Hmeichhe finin tuikhur ral a kai lo…
Kan la ti tak deuh deuh…Chauhthubarawh mai mai a ang ta…Kan khawpui chhung Office lut ila, nula leh nu an tam a, dawr ah nise hmeichhia dawr nghak an tam. Tin tlangval dawr nghak ai chuan nula min lo chhawn tu awm hi chu a phurawm zawk fe bawkJ Lehkha zirna lamah nise a ti tha zawk an ni chho zel ti tih a. Kan khawtlang nun ah an dinhmun a sang chho zel a. Kan mizo hmeichhia te an chhuanawm tak zet.
Mi thenkhat in ramhruaitu MLA atan hmeichhia kan duh, an ti erawh hi chu a dik ka ti lo. A chhan chu MLA nih duh chuan Party ah an in hmang a nih loh vek leh MLA ni thei turin theihna an neih phawt chuan nawr ngailo in an tling thei. Central sawrkar ah reng hmeichhia hruaitu lawk tak tak an tam. Tin kan ram ngei ah pawh Secretary te pawh an awm chho zel a. An duh phawt chuan dinhmun sang chu an chelh thei, nawr kher a ngailo.
In tawngkam…
Nu vin tak leh thinawrh tak chenna inchhung a chen hi a nuam ngailo. Nu ber a vin reng chuan midang pawhin tawngkam vin an hmang lo theilo a, chu chuan chenhona boruak a ti chhia a. Mahni inchhungkhur pawh nuam ti lo a in fate an awm hun meuh chuan tunlai tawng takin Future a bright lo ve khawp ang.
“Chhanna nem in thinur a tikiang” tih hi a dik fo thin. I pasal thinrimin vin khur khur mah se I thinrim pui ve tlat loh chuan an thin a rim rei thei lo; mi thinchhia hrim hrim a nih ngawt loh chuan. Chhungkawpa ber a thinrim a, nu ber a thinrim ve ngat chuan…##??**!!..a ni mai.
Thufingte 12:4…
“Hmeichhe khawsak tha chu a pasal tan lallukhum a ni”, a ti a. Chhungkaw zahawmna leh mawina in kut ah a awm a, Tin Thufingte 14:1 phei chuan, “Hmeichhe fing zawng zawng in in an sa”, a ti deuh deuh. Mizo hnam kalphung ah, insa turin hmeichhia an thawh chhuah ngai kan hrelo. Chuvangin Home sweet Home-a cheng thei tur chuan NU in pawimawh. An sawi fo thin: In lian leh ropui, a chhung a cheng te in ngeihlohna chu ‘suamhmang puk lianpui’ ang chauh a ni an ti thin. Chuvangin inchhung chenna nuam leh hlimawm, khawilo kal chhuah pawh a haw nghahhlelh awm tak a siam thei tur chuan chhungkawnu te hi in va pawimawh em!.
Bible atanga bawkin…
Hmeichhe rinawm leh entawntlak chanchin tam tak kan chhiarin kan zir thin a. Mahni hnam tan a himna sualchhuak thei fahrah nula, Lalnu Estheri te; hmangaihna hmasa bansan duh lo a, pasal-a nu hrehawmna karah pawh vuan tlat a, a tawp a Isua Krista thlahtute zing tel ta Ruthi te; Nula thianghlim Mari, Mihring sual a tlu tawh te tana chatuan nunna kan neihna kawng min hawnsak tur a Isua hringtu ni ta te leh mi dang tam tak kan hmu. An fakawm in an nun ah hian zir tur tam tak a awm.
Hetih rual hian Evi vangin Adama chu sual a thlemin a awm a, Pathian anchhia a dawng hial! Lalnu Jezebeli suahsual vangin Lal Ahaba’n sual rawng a bawl a, Solomona lal ropui leh fing pawh a nupui te vangin Baal biain Pathian a hawisan hial bawk.
Kan hriat tawh leh kan vawn hlui tawh te chanchin ka sawi pawh a ni thei. In pasal te’n an hmangaih avang che u in, in tan theihtawp chhuah a in hlimna leh lawmna siam sak che u an duh. Chuvang tak chuan in pasalte kawng dik leh kawng diklo in zawh tir thei. Thenawmnu thil neih ang hlawhin a phak si loh i it a i sawi i sawi chuan, chhungkawpa ber tan chuan phak tawk chuang liam a sum thuaikawi tur zawn mai a awlsam ngei ang. Thahrui nei tlem zawk ni mah ula in nem leh in no poh leh thil in ti thei mai si a. Chuvangin chhungkaw entawntlak, vantlang leh ram siamtha tur a bul tantu ni tura hma la zel turin ka sawm che u a ni e.
Similar Posts:
- Mipa ve thung
- kan hmeichhiate..
- Pui thei in awm em?
- Mizo hmeichhia ten hnam an hmangaih a hun ta!
- MHIP DAY pualin Mizo Hmeichhiate chibai u le.
....
January 28th, 2011 at 5:05 pm
Hmeitha
[Report abuse]
January 28th, 2011 at 5:11 pm
“Hmeichhia leh Uite a chul nel peih peih” tih hi a dik duh leh proof na min zawt ru ka sawi teuh thei.
A dang chu in lamah ka chhiar ange, hun ka nei tawhlo
[Report abuse]
January 28th, 2011 at 5:15 pm
“Hmeichhia leh Uite, a chul nel peih peih” tih hla hit ve deuh kha nula pakhatin demand channel-ah a thun a, MHIP in an kam khat e an ti. (Tak tak ni maw)
[Report abuse]
January 28th, 2011 at 5:17 pm
@ 2…
i sawi dik hmel khawp mai.
kan vety doctor chu thu leh hla pawh i lo thiam kher mai a….i melancholic ve hrim2 ka ring
[Report abuse]
January 28th, 2011 at 5:19 pm
It is just another statement. Engemaw an lak nat em em viau reng le.
[Report abuse]
January 28th, 2011 at 5:29 pm
Hmeichhia tih lo lana viau te chu Feminist Theologian ho bak an ni tak tak lo ange aaaa…
[Report abuse]
January 28th, 2011 at 6:04 pm
A tawp lam chu ngaihnawm deuh deuh mai, ka duh aiin alo pawl hma ta thut sia ka chhiar rang lutuka ka ui leh hnuhnawh vel
[Report abuse]
January 28th, 2011 at 6:10 pm
‘Hmeichhia leh uite’ tih hla satu kha han birh tlut tlut mai ilah. A duhloh zawng mi kan nih hlauh chuan a hla hi a hrechhuak nasa teh ang chu.
[Report abuse]
January 28th, 2011 at 6:36 pm
Post tha anih hi.
[Report abuse]
January 28th, 2011 at 6:43 pm
Zualbonez, thil hote vanga facebook ah add ve duh tlat lo nen hian in ang thei mai em heti lai hi? lolz
‘Hmeichhia leh Uite a chul nel peih peih’ an tih hi kei chuan ti hian ka ngai. Min hmangaihtu leh kan tan a engkim huam a min duh ngawih ngawih tu, an hun seng a min vil leuh leuh tu lo duh loh hi sual ka ti! Joyce Meyer-in January, 2009, Bangalore Peace Festival-a an nupa chungchang a sawi kha ropui ka ti. A pasal in a hmangaih a, a tan hun a sen tam zia leh, thil a duh ang a tih sak nasat zia te kha, a tirah chuan ani (Joyce) chuan a induh khum vel a.
[Report abuse]
January 28th, 2011 at 6:45 pm
@ 10 fonz…ka la tawng ve vak lo case pahnih khat vel animai…lolzzz
ummm…sual i tih chuan sual ani mai
[Report abuse]
January 28th, 2011 at 6:51 pm
‘Thahrui nei tlem zawk ni mah ula in nem leh in no poh leh thil in ti thei mai si a’ Hei hi a dik!
[Report abuse]
January 28th, 2011 at 6:54 pm
@Maisek Chu experience tawh awm hle maia
A expert line a rawn thur nalh mai 
[Report abuse]
January 28th, 2011 at 6:58 pm
“Mipa leh uite” ve thung hi…
tak taka mipa nena tehkhin chu Uite ho tan a thinrim thlak lutuk ang. ‘FAITHFUL’ lo hlom tlat
[Report abuse]
January 28th, 2011 at 7:00 pm
12
Maisek Says:
January 28th, 2011 at 6:51 pm
‘Thahrui nei tlem zawk ni mah ula in nem leh in no poh leh thil in ti thei mai si a’ Hei hi a dik!
Tu nge tui kawt hnem thei zawk nangni?
…solly, sawi lo thei lo ani e lolzz
[Report abuse]
January 28th, 2011 at 7:11 pm
“Hmeichhia leh Uite a chul nel peih peih; Hmeichia leh palchhia te chu a thlak theih”, ti zut zut tlangval hi tlangval luck an ni ngailo. Hmangaihna tak tak hrethiam lo, engemaw beisei vang a nula be lawr dun dun, an ni duh. Tin an in sawi luck ang in an luck lo tlangpui bawk.
heheheh tumah inngaihbel awih loh aw!
Tha let tawp tawp. Post of the week ah ka puang e. Post tupa kha i lawmman
i duh chuan kan misual celeb te pawh 
i lakpui thei e
[Report abuse]
January 28th, 2011 at 7:17 pm
Uite hi a chang chuan hmeichhia aiin an rinawm zawk theilo maw ka ti hial a ni!!?
Muah
[Report abuse]
January 28th, 2011 at 7:47 pm
I post a ni bawk a ka chhiar chhuak leh ta dap e. I sawi tha hle mai ka rin aiin. Hmeichhia hi ngaihthah ngawt hi a fuh vak lo deuh reng a ni. Kan la ti fo a nih chuan kan la hmanlai rih deuh zel a ni mai.
Mizoramah pawh hian Sorkar hnathawk zingah ka duh ber te thlang dawn ila-Pu C.Lalrosanga(Doodarshan Kendra) leh Pi M.Zohmingthangi(Tuna Lunglei DC/Tun hma a Transport enkawl tu kha) te hi ka duh ber te an ni. Mipa tam tak zinga tha ka ti tel hi a awm ka ti em em thin.
[Report abuse]
January 28th, 2011 at 8:08 pm
Kan sawi tha ve lawk te’ng. A va han tha em em ve le han chhiarthlak zel hian. Thitihna reng reng ah hmeichhe tello a mipa han phur nep zia hi aw..
[Report abuse]
January 28th, 2011 at 8:20 pm
ka chhiar hman rih silo a… A chul nel peih peih!! ka ron ti ringot mai..
[Report abuse]
January 28th, 2011 at 8:21 pm
hmeichia leh
[Report abuse]
January 28th, 2011 at 9:48 pm
@4… Uite hming lanna awm tlem te zinga mi ka’n hmang ve thawr a nih khi..:-p
@16… ka lawm lutuk e…
@18… Min lo chhiarchhuah sak vangin ka lawm takzet.
@ all misual… Vety doctor thu leh hla min lo ngaih hlut der sak leh in fakselna hi ka tan hlu…
[Report abuse]
January 28th, 2011 at 10:39 pm
Dr. Nang hi i duai lo ru riau! I nu hriatreng nana i post hi vawi za ka
e!
[Report abuse]
January 28th, 2011 at 10:57 pm
I post hi a tha khop mai, ka ‘like’ e….
[Report abuse]
January 28th, 2011 at 11:21 pm
@23 & 24… Ka lawm tak zet e.
[Report abuse]
January 28th, 2011 at 11:54 pm
Mahminga chu misual minu ho lakah brownie points score nasa chur² viau ang!
Good post 
[Report abuse]
January 29th, 2011 at 1:07 am
“Hmeichhe finin tuipuiral a kai lo” an ti em ni kha? Ka ngaihtuah a piang hian ka nuih a za deuh thin. Tunlai khawvelah mipa, hmeichhia a zâwng a mawl leh fin lam teh hi chu a hmanlai thlak eee. Hmanlai a mizo ten Mizoram bak an pelh tak tak hma a sawichhuah a nih hmel.
Tunlaiah chuan hetiang a hmeichhe hnuaihnun zia hi fiamthu thawh nan pawh a nuih zat thlak tawh lo! A chhan : Khawvelah hian hmeichhe thil ti thei tak tak, bright etc.. an tam lutuk, chu tih rual chuan awiiii, mipa mawl fe fe hi an va han tam teh lul em!!
Hmeichhe hnuaihnun zia fiamthu nan a hmanna hmun, nuih pui huar huarna hmunah i awm a nih chuan i awmna a changkang lo hle. Tin, nang pawh in i nuih pui uar uar thei a nih phei chuan nang ngei pawh kha i hawi zau lo hle tihna a ni bawk
[Report abuse]
January 29th, 2011 at 1:27 am
“Hmeichhe finin tuipuiral a kai lo” tih ni lovin “Hmeichhe finin tuikhur ral a kai lo” tih niin ka lo hria a, hei hian finglo emaw finna tawi emaw a kawk kherlo mai thei bawk. Hmeichhe fin tih chuan hmeichhiate thiam thil leh an mawhphurhna entirnan ladeh,tuichawi, thingtuah lak, buhden, eirawngbawl, inchhungkhur enkawl etc etc heng hmeichhe mawhphurhna, mipate aia an fin zawkna kawng ang chi reng reng hian Tuikhur ral a kai love tihna ni zawk in ka lo hre thin a. Heng zawng zawngah hian mipa an kep vek thin. Mipa fin, tuikhur ral kai entirnan rammut, ram chhuah, lovah leh ramlama hna rorum angah te hi chuan mipate’n hmeichhia an kep ve thung thin. Fing lo emaw dawntawi emaw lam aimah chuan awmnem leh venhim ngai an nihna sawina lam a kawk zawk. Ama’rawh chu a hmangtu hman dan dan a ni ber awm e.
[Report abuse]
January 29th, 2011 at 1:48 am
A lo ni maw?
A nih leh “Hmeichhia leh Chakai in sakhhua an nei lo” tih hian enge a sawi tum?
[Report abuse]
January 29th, 2011 at 1:52 am
elcee, an pasal te sakhua an zawm tur tihna niang
[Report abuse]
January 29th, 2011 at 1:58 am
Chakai kher lo pawh sangha,kaikuang, satel..etc te pawh hian sakhua an nei kher bik emaw chu le?
Hmeichhiain pasal a neih in a pasal sakhua a zawm ve mai tur tihna ni mai lawm ni. sakhaw hrang(hnam hrang) inneih pawlh in hmeichhiain a pasal hnamah sa a phun loh chuan sakhaw serh leh sang a zawmpui thei dawn silova, a sakhaw vawn a thlak a ngaih thin avanga sakhaw neilo anga sawi a ni.
[Report abuse]
January 29th, 2011 at 2:11 am
Elcee mah se a thu in a awm a. Mizo mipa te pawh hian deuh sawh deuhin kan la lam hlek hlek a;mah se kan ni tawh lem lo a nia. Hmeichhia in sang zel e. Mipa te pawh kan harh zel a.
[Report abuse]
January 29th, 2011 at 2:17 am
#30 & #31 in thu hi ka rwn pawpui che u, a bikin mizo hmeichhia te hian abikin hnamdang pasal nei ah sakhua naah chuan kristian a hruai lut chu ½% pawh an pha lo ang, mizo a in ngai ve ringawt chu 99% percent vel chu an hring awm e a.!
[Report abuse]
January 29th, 2011 at 2:20 am
Mi a tak ngial pawh in, ‘Ka a’, a ti duh bik lo a. Chutiang chiah chuan tlangval luck-in ‘Ka luck’, a ti zut zut ngailo. A lo luck a nih pawhin a thian hnai te’n, “Nang hi chu I luck bik ngawt mai …”, pawh lo ti se, mizo tlangval chhanna chu, “Ka luck em ni?, nang ni zawk a lom luck”, tih a ni daih ang
Keichu ka luck lo ltka,Mi(sual) mipa ah poh hian ka luck lohber ka ring….:-D
[Report abuse]
January 29th, 2011 at 3:26 am
@ 31 “Hmeichhiain pasal a neih in a pasal sakhua a zawm ve mai tur tihna ni mai lawm ni. sakhaw hrang(hnam hrang) inneih pawlh in hmeichhiain a pasal hnamah sa a phun loh chuan sakhaw serh leh sang a zawmpui thei dawn silova, a sakhaw vawn a thlak a ngaih thin avanga sakhaw neilo anga sawi a ni”
Hei hi mak ka ti deuh. Eng sakhaw dang teh vak nge mizo te hian kan neih le? Christian kan nih hma in kan zavaiin lungbul, thingbul,etc. kan bia a ni mai lawm ni? Tin, Muslim pasalah kan nei te a nih loh chuan hmeichhia in a pasalte sakhua a zawm ngei ngei a ngai lem em le? Tin, he thu sawi chhuah a nih lai hian mizo zingah sakhaw dang chanchin hre vak kan awm dawn em ni? Ngaihtuah a ti thui reuh tlat!
“
[Report abuse]
January 29th, 2011 at 4:34 am
@elcee #35: Mobile-ah ka type teuh tawh sia a lo luh miah loh chu le, type tha leh dawn ang hmiang.
Kan pipute khan thing bul-lung bul kha an be chiah emaw ni le? Ramhuai an hlauh tlawnna mai mai a ni zawk lo maw? an inthawina kha khuanu hnena malsawmna dilna inthawi a ni deuh ber a, Ramhuai hlauh vanga tihlungawi nan inthawi erawh an nei ve tho bawk. khang huna sakhaw dang tih kha hindu,muslim te ang hi ni lovin hnam peng hrang theuh khan sawkhaw hran an nei tihna zawk a ni e. Puithiam pawh a hnam hrang hrang khan a hran in an nei a, an inthawina sa kha sa serh(sa ei tlak loh lai lai ni leh nghal) tih loh chu an ei zel a, hnam dang erawh chuan inkil pui thiang a nilo. Hnam in unau leh hnai vai deuh erawh kil za thei an awm, ‘dawi sa kil za thei’ tih an ni a, puithiam pawh an inhman tawm thei.
Mo pawh nise, pasal chhungte dawisa ei pui ve ngawt kha thil thiang a ni lova, a sakhua kalsan in, pasalte sakhua a vawn phawt a ngai, saphun lo chhuahna a ni. Hmeichhia chuan pasalte sakhuaah sa a phun tawh chuan sakhaw serh leh sangah a tel thiang a, malsawmna inthawina chi hrang hrangah pawh a tel ve thei tawh ang. chumi avang chuan hmeichhia in mahni sakhua kalsan a pasalte sakhua a vawn thin avang chuan “Hmeichhia leh Chakai in sakhhua an nei lo” an ti thin. Tunlai hunah pawh hian hmeichhia in mahni kohhran lawina kalsan a pasalte kohhran zawm mai hi ala fin thlak, sakramen leh kohhran rawngbawlnaah a remchang bawk.
[Report abuse]
January 29th, 2011 at 9:51 pm
“Hmeichhia leh Uite a chul nel peih peih” kei pawn atakin ka tawng.
[Report abuse]