He dil hi Mizo te rilru ah hian a langsar khawp mai an chhungte thlarau in kaltlang ngei a an rin avangin ani a,tunlai kan rindan a thihna luipui kai kan sawi ang te pawh a ni ang chu. Kum 2006 khan excursion in Saiha atangin kan pan vang vang ani. A hmunah hian darkar 2 vel kan awm a, kan tawngtai a thla te kan la ho a ni. A kam vel ah hian dum nasa tak a awm a, ka chapal chu chirh ah ka ti tang tlat mai a, chhar ka tum chu ka pil tual tual mai si ka chhuak ta vat ani ka nunna ka chan teuh hle asin. A kam ah hian Buddhist ho pathian biakna a awm a, a ep chiah ah Rihkhawdar a awm bawk ani.
2.Phawngpui Tlang
Phawngpui Tlang hi Mizoram a tlangsang ber ani a, he tlang hi National Park ani nghe nghe ani. He tlangah hian heng hi a awm Cheu hnar ngaw(hetah hian hruizik kheh in ka riak ve tawh), Areopaggi (heihi a tlangsang lai tak a khawthlirna sap ho hunlaia an siam kha ani, kan kal lai in leihlawn awm loh avangin thir pipe ah 7mts vel kan uai chho ani). Tialpari puk (he puk hi a mak dangdai ve khawp mai,mihring in a ker chawp te pawh a ang hial ani. Lai lal fanu Tialpari a paten pasal neih tir an tum duhlova a tlanchhiatna ani a, tunah hi chuan a min then tawh a, enkawl ngai tak ani), far pak (hei hi hmanlai a far kung khat dinna ani, a nuam hle ani).
3.Reiek Tlang
Reiek tlang hi hmun nuam tak ani a, a tlang bulthut ah hian tourist lodge tha tak a awm nghe nghe a a bulah hian tourism ho siam model typical village a awm nghe nghe ani. Tlang a lawn tur hian thui tak chhoh a ngai thin a, kan kal lai hian sipai motor kal kan hmu remchang a, kan chuang chho ani. A hmun hi nuam ve tak ani in tlawh tu pawh an thahnem ve hle ani.
4.Champhai
Rih dil kan tlawh haw lam ah hian ka ni te hnenah rei tak ka cham a. Hemi chhung hian Chanem,leilet phai ah te,leh Lianpui khua ah te ka kal ani
5.Lungtian
He khua hi Hmanlaia Chinzah lal Hausata khua ni thin ani. Hausata hian Halkha Lal fanu a nei a,inngeihtak a an awm laiin tumkhat chu a khawtlan ta daih mai a.An nu ko haw tur hian palai an tir a,anni chuan anlo duh awkawng lo mai amirang(sap emaw mingo) lu inlo ken loh chua inhruai haw thei lovang an tih tlat avangin Hausata leh a unaupa Dokulha te chuan Rangmati atang a lokal survey hotupa Stewart te chu va thawng thut in an lu an lo la a an nu koh nan an hmang ta ani.Hemi hnu hian Hausata hi a thi zui ve nghal a ni awm e.Lungtian ka kal lai hi kum 2007 khan ani a,a khaw luh dawn ah vaube leh fartuah te nauban te an lo par vul chuk a hmuh a nuam hle ani.
6.Fungkah
Fungkah tih hi a hming awmzia hrelo kan awm takin fung tih hi lai tawng a tumpang sawina ani a,TUMPANG KAHNA TIH NA ANIH CHU.
Tunah chuan Fungkah khua hi a awm tawhlo a ramhnuai mai ani ta.Kum 2001 a ka kal ve lai chuan Lungpher khua atang ke ngatin kilometre30 vel a hla ah a awm ani.He khua hi kum 1995 kum khan a min vak a an thlan te pawh a min tel in a thlang chhimtuipui ah a zu khuap ani.Hetiang anih vang hian sorkar remruatna angin Siachangkanah an pem ta vak a,hemi hnu hian in 30 vel chu pem duhloin an la awm lui a,mahse motor in a pawhloh avang in an awmsawn ta vek ani.He khua hi Lai history ah leh Mizote history ah chuan hmun a luah zau hle kan ti thei ang.Chinzah lalram hmunpui anih thin avangin.An lal Dokulha kha mi rorum tak ani a,vaitawng leh mizo tawng pawh thiam tak ni a sawi ani.Indona avangin British ho khan an man a Andaman ah an tan tir hial ani.Hemi hnu hian a chhuah alo hun a,tang rei a inti bawk a niang kutsil nan tiin guard pakhat chu a vawhlum a,a damchhungin a tang hlen ta ani.
7.Lungpher
He khua hi khaw pawimawh tak helai tuichhak bial awptu doctor thuthmun ani a,middle sikul 2 leh high sikul 1 a awm ani.He khua hi Dokulha fa naupang zawk Suichhuman kum 1918 a a din ani a tunah hian in 260 vel awm in mihring pawh 1500 lai an awm ve ani.Lal rorel lai kan Phawngpui tlang hi (a sang lai ber) Lungpher lal awp chin ani a,Fungkah nen Minlui ah an inri a,Mara ram nen Tuilehluang ah an inri a,Bualpui Ng nen Ramri luiah,Vawmbuk nen Siachang lui ah an inri a ni.Lungpher khua hi Phawngpui tlang bulthut a awm anih a vang in scenary a nalh hle a,chawlutar tih chu PHC atang a nalh hle ani.
Similar Posts:
- Highest Cyber Cafe In The World
- Vailen thlalak thenkhatte
- ‘Lung-khaw-sa’ hi i hre tawh thin em?
- Phawngpui Tour Album leh Ring Of Fire
- Mizo landmark #2
March 19th, 2011 at 8:36 am
Ka hmasak ve teh khiah chu le…!!
Report this comment
March 19th, 2011 at 8:42 am
Thil dang daih : Ka ngaimawh pakhat mizoram a Mobile tower an dahna hmun hming vai ho in a an duh duh a an thlak hi ka ngaimawh deuh riau mai. Heng.. Zarkawt – Jarkot, Serchhip – Serchip, Thuampui – Thuampai tiin ah Service information ah khan a lang a…. Ka ngeng a chhun riau mai..hehehe
Report this comment
March 19th, 2011 at 8:47 am
A then chauh khi ka la kal, tlawh kim ve a chakawm khawp mai…
Report this comment
March 19th, 2011 at 8:48 am
Kan hmun pawimawh te hi theih ang ang tlawh chhuaha thla te lak theih chuan lak zel bakah, a chanchin chiang thei ang bera hriat zel tum hi tha ka tih zawng tak a ni. I post tha viau nangin thlalak han telh zeuh zeuh phei la chuan mitthla te pawh a nuam zual ngei ang. Ti pawh hian a lawmawm tawh hrim hrim.
Ka sawiselna ni lovin, i thil sawi pakhat,Tialpari puk (he puk hi a mak dangdai ve khawp mai,mihring in a ker chawp te pawh a ang hial ani. Lai lal fanu Tialpari a paten pasal neih tir an tum duhlova a tlanchhiatna ani a, tunah hi chuan a min then tawh a, enkawl ngai tak ani) i tih hi enkawl angai ngei anih hmel e. Mahse, Mizo ten enkawl kan tih hian concrete nen emaw a tih danglam a kawk tlat thina ka hriat avangin chutiang lam chu tha ka tih miahloh thil a ni. Enkawl that lam aiin tih chhiat zual lam a kawk tlat avang a ni.
Hetiang hmun hlu leh ramro tling te hi chu khawthlang lam leh khawchhak lama an enkawl thin dan chuan, khawih an phal lo bur a, khawih chuan lei chawi theih anih bakah a thenah chuan lungin thlenga tan theihin dan te annei felin an vawng khirh hle a ni. Chutianga kan tih ve chuan kan ram ro neih ve fahrah te te te hian kan tuchhuan tam tak min daih ve thei ang.
Tun anga Thasiama seno neihna te anga kan cheibawl hi kan tichhia a ni zawk tih kan inhriat a pawimawh.
I sawi te hi kalo kal ve tawhna te anni hlawm. Fungkah ihan sawi hian Pu.Lalneihsanga (fam) min hriat chhuah tir a, lung aleng duh hle mai. Fungkahah hian Ui kan lei a, anni chuan, “In uicho chu engzatin nge in lei a,” an ti sek hlawm a, Pu.Neiha chuan, “Uicho ti kher suh u, keipawh Pawi pa ka nia, ka ti biklo. A tuiloh hmel zo vek,” a tih kha min hriatchhuah tir.
Report this comment
March 19th, 2011 at 8:49 am
phawngpui hi kei ka la kal miah lo nia!
Report this comment
March 19th, 2011 at 8:53 am
remruata_01, #2 Information pisa ah report thehlut ula.
Report this comment
March 19th, 2011 at 9:01 am
Reiek tlang chiah ka la kal chu le! Tlangchhip hi ke ngei a lawn chhoh tur, short cut ah khan kan kal ngam lova a thui zawngin kan la hel tiah tiah zui.
Report this comment
March 19th, 2011 at 9:10 am
Kei pawh Reiek tlang chiah ka la kal. Ka kal ngai lohna hlirah i kal bawk alawm mawle.. Ka kalna ziak ve ila chuan ‘khimi zingah Reiek-ah chiah ka la kal’ i ti ve mai ang! Hehe. A bengvarthlak khawp mai.
Report this comment
March 19th, 2011 at 9:11 am
I hmun sawi zingah khian champhai leh reiek tlang chiah khi ka kal. I post chu a bengvarthlak hle mai, thil ka hriat ngai loh ka hriat phah e.
Pu HV a sawi #4 khi ka thlawp e, kan hnam ro leh hmun pawimawh te hi kan humhalh tlat a tha a, chutih rualin a humhalh dan erawh kan thiam a tha khawp mai. Farkawn Fiara tui pawh khawilai thingtlang khaw VCP contract tuikhur siam ang maia an zut char bur mai khi, khi khian a hlutna a tikiam mai a ni lo a tibo.
Report this comment
March 19th, 2011 at 9:24 am
Reiek tlanga step an siamah khuan ka kal duh thak lo, den em mai, tlak palh dal atan a vawn ban tal siam awm tak a nia, step khu rap sual palh ta ila, kan petek palh vaih chuan khuuuu tah a ni mai
Report this comment
March 19th, 2011 at 9:25 am
Rih dil–la kal lo.
Phawngpui–la kal lo.
Reiek–kal tawh.
Champhai–kal tawh.
Lungtian–la kal lo.
Fungkah–Kal tawh.
Lungpher–kal tawh.
56% vel ka score e.
Report this comment
March 19th, 2011 at 9:26 am
Khi mi ho zingah khian’Champhai’ chiah ka la kal, ka la tlawh tlem ve hle mai – a then chu a hming ka hriat vawikhatna te pawh a ni a…..a bengvar thlak e.
Report this comment
March 19th, 2011 at 9:42 am
a thu hi ka edit hman loh avangin a bulchhum deuhin chhiar aa har deuh mai thei tih min lo hriat sak ula.@pu H vangchhia chu Mizoram chhimtawp thleng in ilo kal tawh a,ilo dai zau angreng khawp mai.Puk hi enkawl tih hian Rennovation lam ai mahin a chhe zel tur vena ngai ka tihna lam zawk ani.
Tuichhak bial an tih bik chhimtuipui chhaklam khaw 19 te hi a tamzawk (chinzah lalna) ho hi tunhma atang a Mizo tawng hmanna anni hlawm a. khawthenkhat chu an la hniam ve hle a,tourist tan pawh helai vel hi a hmun mawina avang hian tlawh chi tak ani.
Khawchhaklamah Zawlsei khua(khawbung bul,selesih hmun hlui) hi ka pa te khua ani a ka la kal lo a,a chanchin chu min hrilh ve thin ani.A bul vel ah hian Mizo history a hmingthang tak tak Farkawn,Dungtlang tih vel te a awm.
Report this comment
March 19th, 2011 at 9:52 am
@covenanter i duh ang zana i edit hnuah chauh pending ah lo dah tawh la tiraw? Thil hmanhmawhthlak deuh te a nih loh chuan
Report this comment
March 19th, 2011 at 10:02 am
covenanter, Saiha ah chuan tunhma chuan thian tha tak2 ka nei ve thin alawm.
Tawngkawlawng AO tlangah pawh, “Kan zo tlangdung sei” kan sa hlarh hlarh tawh asin. Lawngmasu a Pu. David VCP lai khan “Churu” te kan lo zuk pui ham ham tawh bawk…Ke ngata kalin. Chhimtuipui, Lungmak an tih lar tak atang te khan ngun pilh nianin ka zuangthla ve khut khut hahahaha.
Adventure club program vang hian khua ka tlawh hnem phah viau a, keipawh hian ka hrat hrim2, nuam ka ti. Pic rawn bonus leh hnahnawh teh a
Kan zo tlang dung sei : Kan zotlang ram nuam kha , an VC in a hriat sual a, a sawi dan anih hi. “Nichina in sak, kan zo tlangdung sei kha i sa leh ang u hmiang,” a rawn ti. Program kan tan dawnin hla a thlanga.
Churu : Churu hi Lawngmasu a Churut an lam dan a ni, lam a awlsam phian.
Report this comment
March 19th, 2011 at 10:05 am
Mobile-phone atangin ka comment a lut thei lo khanglang, compuer kher khera tih a’n ngaih chu le! Phawngpui tlang chhip ka la kal lo, a dang rawn tarlan hi chu ka tlawh ve nual tawh awm e.
Post bengvarthlak tak a ni, rawn chhawp chhuak belh zel teh. Covenanter, Siaha lama awm i ni maw? Ka chhungte sung leh chhawng pawh i hriat ka ring.
Report this comment
March 19th, 2011 at 10:07 am
OT lawk. Tunah tak hian Jay Leno show ah Alice Cooper in “School’s Out” a sa mek. Lung avan tileng vele hairehai ♫ ♫
Report this comment
March 19th, 2011 at 10:20 am
@16 Saiha khua kan ni a Siaha ni lo vin.Saiha hi ka pianna tak ani lo ani.
@h vangchhia rawn tih te pawh kan la tum dawn nia
Report this comment
March 19th, 2011 at 10:29 am
@Covenanter : Original deuh chuan SIAHA kan tia lawm … SAIHA tih hi chu a duplicate tawh zawk. Saiha Tlangpui pang sira motor kawng inzam kawi chho nguai kha a photo han telh teh a, ka hmu chak teh tawh a nia, ka hmuh lohna a rei ta deuh, 1996-a ka hmuh bak ka hmu leh tawh lo.
Report this comment
March 19th, 2011 at 10:45 am
@ chawnghilh:1996 vel a kawng kha tunah chuan an hmang tawh lo a kha kawngah ngei khan 1998 ah ke in ka kal ve tawh a..tun a kawngthar hi chu motor kal theihna tur in tlang a inthlep chho ngut ngut a ni ber.Saiha ah hian ka awm rei ve tawh viau a,mahse Mara tawng hi ka thiam thei lo.Thiante min zirtir ngial thin a a ngaihna a awm hlawl lo ani……….
Report this comment
March 19th, 2011 at 11:28 am
Vangchhiaa ka han kal ve chu hlawkthlak ka ti khawp mai. Laituma nu lunglen tlang, Kawtchhuah ropui, Tuaisiala buanhlumna hmun, Ralven Puk, etc. history ruih mai. pic ka post thiam si lova. Posttupa ‘mirang’ i tih khi Vangchhe hovin mirawng an tih nen a inang lo maw? Mirawng ho sulhnu a tam khawp mai, an ti. Kalkawng ni awm taka lung an phah te chu pui tak ani. km 100 chuang te a ni hlawm awm e. (Helai hmunah hian lung a vang hle an ti) Ka en hman ta lo, ka kal leh ang, dam chuan. Ka’n ziah ve tak teuh chu!
Report this comment
March 19th, 2011 at 11:30 am
Fungkah ka kal lo.
Report this comment
March 19th, 2011 at 11:33 am
@HV, #4
https://i.imgur.com/mzuL6.jpg
A hlutna ti nep vek hian ka hre thin.
Report this comment
March 19th, 2011 at 11:34 am
mirang tih hi lai tawng ani a,a dik takah chuan rang chu var tihna a ni a ngo pawh an ti tho e………
Report this comment
March 19th, 2011 at 11:38 am
1.Rih Dil
Kal tawh
2.Phawngpui Tlang
kal tawh
3.Reiek Tlang
-Kal tawh
4.Champhai
-kal tawh
5.Lungtian
-kal tawh
6.Fungkah
-kal tawh
7.Lungpher
-kal tawh
Report this comment
March 19th, 2011 at 11:54 am
shai, Chhimtuipui a Li sei/thui ber, Pualthawhli (Mel 7 vel) chumi awm chhan (ti maiang) Minpui kuma leimin vakin a khuah tak chunga khaw awm a ni. An khawpum hian sawrkarin chhuahsan tura a tih anni nangin awmlui an la awm nual. An khaw chhung pawh hi a khi tiak tuak.
Kum tin, fur anihin helai lei hi a che nasa thin hle. Pualthawhli thlanga suar ropui tak awm pawh hi a suar luan dan a inthlak kual kumtin reng a ni. A chang leh ral lehlamah a suar a awm a, a chang leh khaw hnaih lamah lui chu aluang leh daih thin. Lei tawlh sawn dan a zirin lui pawn aluan dan athlak mai thin.
Heihi Minpui kuma Pualthawhli siamtu a khuaptu suar chu anih hi:
https://www.youtube.com/watch?v=qah6mmFEaaU
Report this comment
March 19th, 2011 at 11:54 am
Keipawh lungpher chungah chuan ka kal tawh!
Report this comment
March 19th, 2011 at 11:56 am
Hei pawh Funngkah ram minin a khuah, Pualthawh suar…:
https://www.youtube.com/watch?v=TE4SxCi9MsU
Report this comment
March 19th, 2011 at 12:03 pm
1.Rih Dil
Hleuh tawh
2.Phawngpui Tlang
Lawn tawh
3.Reiek Tlang
lawn tawh
4.Champhai
Lei let tawh
5.Lungtian
Remtha tawh
6.Fungkah
kah thelh tawh
7.Lungpher
chem tat tawh
…khrum
Report this comment
March 19th, 2011 at 12:28 pm
@28 hmuhnawm khawp mai…….a dang pawh lo tizel teh.
Report this comment
March 19th, 2011 at 12:35 pm
covenanter #26 ah a awm khi
Report this comment
March 19th, 2011 at 12:41 pm
@h vangchhia tunah chuan fungkah ah hian inthum chauh an awm tawh.Ka thiannu pakhat pawh ala naupang deuh a,he khua tho a piang hi ani mahse a pianna khua hmu loin a la awm…
Report this comment
March 19th, 2011 at 1:20 pm
Rihdil en tura in lokal hunah misual ho chu Champhaiah ka lo thleng vek dawn cheu nia.
Report this comment
March 19th, 2011 at 2:11 pm
Post tha tak a ni e
#4…
Chuan, Pu HV, Keipaw’n ‘Uicho’ han tih kher hi chu a taimakthlak deuh ka ti…:-D Sawi tak zelah chuan, hmanni khan facebook-ah ka thianpa pakhatin chalrang (Manipuri??) Ralleng (Naga..??) ti lamin a sawi a. Heng hming hi rilru tha leh duhsak taka an phuah chhuah a nih hmel si lo a. Mizo chu engtin pawh lo phuah ve pawh nise; kei chu Naga chu Naga, Manipuri chu Manipuri ti a sawi hi ka la duh zawk…
Report this comment
March 19th, 2011 at 10:41 pm
covenanter #32 kan kal hnuhnun ber kha chuan in 10 vel emaw tur chu ala awm kha mawle. An rauh san dawn tak2 tawh te pawh a ange.
Fungkah ram velah hian Khanghu ang chi, Khanghu pangai, Khangpaw/Khangzam etc atam khawp mai. Tumkhat chu luite pakhat Chhimtuipui fintu vuak kan rawt a, Khangpaw leh Khanghu zar kan han inhrilhfiah fe hnu chuan Khangpaw (Rû) la turin kan chhuak ta sang2 a. Kan han inhmukhawm leh chiah chu, Khanghu rim anam ta riau mai pek a. Kan han enchian nak chuan a tam zawk khan Khanghu an rawn la hnur chu lo niin hairehai
Report this comment
March 19th, 2011 at 11:22 pm
@h vangchhia thian te ho min ti ngai e a,lui ah ru vaw tur in kan kal thin a,nuam ve thei deuh ani.Lungpher leh Fungkah inkar ah khan lui pakhat minlui a awm a,tui kan cheng ve thin .chumi thlang ah chuan mitthi khawhkham te ala awm a,kum 9 vel kan nih laiin a entur in kan kal ve thin…………
Report this comment
March 19th, 2011 at 11:45 pm
Covenanter, a bengvarthlak hle mai. Fungkah chuan lung a va tileng ve. Uicho, sa tui, man tam tihte pawh a lar thin viau kha mawle!
Report this comment
March 20th, 2011 at 4:23 am
post tha tak ani e
la kal ve hlawm chakawm khawp mai…Reiek tlang chiah ka la kal…kekeke…keini pawh kan kal trum chuan sipai motorin min phur chho a…tih zia reuh tak tak..khuangchera puk kha luh ve kan tum nen..kan hun neihin a daih ta lo a..ka ui tak tak..
Report this comment
March 20th, 2011 at 1:57 pm
@fellington hi tetea ini em aw……..
Report this comment
March 20th, 2011 at 2:15 pm
ehh…covenanter tunge aw…min hria mi…
Report this comment
March 20th, 2011 at 2:47 pm
aha le
Report this comment
March 20th, 2011 at 8:24 pm
hminga ka nia Reiek tlangah khan kan kal ho ani lawmni….hetah hian min lo tlawh teh aw…https://www.google.com/url?sa=t.....q5Aao3xUKw
Report this comment
March 21st, 2011 at 1:35 am
ehh…thenawmpa lo ni reng che in…hahaha….reiek kan kal tum kha chu ngaihawm reuh khawp mai..thian ho kha in hmu khawm leh thei tak ang maw…
Report this comment