Mahni inpha dai chungin kan pawnto tir ngang mai teh ang, a lang miau siah. Siamthatna lam hawi(constructive critism) a nih erawh hre tlang ila, kan in chah lawm lawm bawk. Tin, tun tumah chuan thui tak chai rih lo ila. Damdawi hi a kha tlangpuia, nat zual phei chuan inchiu hial a tul thin a, dawih deuh tan phei chuan huphurhawm thin tak a ni.
Kan chutih avang chuan he pâwl(YMA) ropui leh chak tak hi a dam lo ta e kan ti a ni hlei lâw, a dam thain a hrisel vâk e kan ti na hek lo. Thenkhatin ka chala chil hnawm tak in nap anga, luhchilha zir zuitu erawh an khi ver ver ang tih ka ringhlel hauh lo! Thu puarpawleng maia ngaitu tan chuan chhiatna hlauh. Puak thawr mai teh ang.
Sorkar chak loh vang nge ngilneih vang zawk ni, thuneihna nei miah lo tur hi thuneihna min pe chawp tak lawp lawp a. Amaherawhchu kan hmang thiam viau thin a, tunah erawh chuan kan hmang thiam ta lo tawp. A zia ta lo khawp. Kan huang pawn lamah chuan he pâwl hian thunneihna vai tur leh kalpui tur a nei ngai lo a, nei ngai miah lo se a tha zawk.
Chuti si chu mi hnawtchhuak thei, mi in kalhsak thei, mi thunun thei, mi sawisa thei, kutthlak thei, mi in dapsak thei, mi bungraw theh chhuak thei, lu meh kawlhsak thei leh mi chunga leng ang riakah inngaih chang kan nei thin em âw tih turin kan kal fo a, kan khawsa bawk thin.
Tuna kan kalphung atanga thil lang fiah tak mai chu, YMA rorelna atanga chhuak a nih tawh chuan engkim ti thiang, khawih thiang, pal thiang nia inngaihna hi memberte hian kan nei lian hle a ni. Kan hruaitu thenkhat phei chu mite rawngbawlsaktu nihna aiin, mi chunga lêng leh rorelsaktu nia inngai chunga hruaitu nihna kalpui an tam tawh. Tlawmngai pâwl ropui tak hi ‘rorel pâwl lian tak’-ah kan chhuah mek zawng a nih tak hi. A din chhan nen a inkar hlat lua e!
Kristian nun dan tha ngaisang leh chawisang chunga, hun hmang tha tur kan nih inzirtira, Zoram hmasawnna ngaihtuaha ke kan pen meknaah hian, kan tihtur chin leh zuan luhna tur chin hre ran chunga, fing tak leh remhre taka ke kan pen thiam a va tul ta em! Tanpui ngaite tanpuitu kan nihna aiin mi rikraptu leh mi chunga roreltu ang zawngin thangtharte rilru-ah hmun kan chang lian zawk ang tih pawh hlauhawmin.
Kan kalphung en vang vang phei hi chuan kan hlat tawh miah lo tlat a ni. Naupang pakhat hlauh nei tap, ‘enge I hlauh’ tih an zawha, ‘YMA ka hlau’ a ti an tih te pawh a awihawm ta rum rum mai. Sim hlauh chi. Thlan laih leh mitthi in kal thu hla-ah lah hian, Biak in kawng zawh ngai lem lote zarah kan mawi mai thin ni hian a lang ta fo, ringtute in enfiah a hun ta. Kan piangthar der a ni mai lo maw tih awl tak a ni.
Rawngbawlna hna aia lal hnaa ngaihna hian hruaitu inchuhna pawh a thlentir niin a lang. Politics rim nam rum rum khawpa hruaitu nihna inchuh leh campaign thawm rite hi hriat ava hahthlak ta em! Hruaitu nihna inchuh thawm phei hi chu zualko thawm ang maia hringnuna chhiatna thlentu a ni. YMA-ah hruaitu chanvo chelh chuan sorkar leh dan mit atangin thil tisual theilo tluka inngaihna hian kan hnam nun hi a ti piangsual mek a, hri chhia angin min eichhe mek a ni. Sorkar pawh hian he pawl kan en dan hi kan thlak a hun ta a ni lo maw?
Pawl zahawm leh ropui, chanhai leh lusun fate hnemtu hi a than mawi zel kan duh theuh ang. Kawng tam taka kan sulhnu leh kan thiltih thlirkir ila, mite’n zep nei hauh lovin YMA an hmuh dan tarlang ngamin sawi chhuak duh ta se kan ngaithla ngam meuh a ngem? Mite’n YMA hi an zah vanga fak nge an hlauh tlawn tih thlengin inzawt nawn fo ang u. Khawvela tawngkam duhawm ber mai “YMA takin aw” tih te hi kan ti hmelhem ang tih ava hlauhawm ta ve le. “ YMA-in mi an vaw leh dawn, an dawp leh dawn, mi in an dap leh dawn, mi an rikrap dawn, in an kalhsak dawn.
Sorkar atangin sum hnuhchhuah an tuma, politician te’n an hnial ngam si lo” tihna-ah te an lo ngai palh ang tih a hlauhawm ta. Chu boruak chu kan lo kalpui reng tawh lo maw? Mualtina YMA te I inbih chiang ang u. A dintute, a din chhante, tun hmaa a lo kal tawh dan te kan hria, a ropui a, he pâwl hi pâwl zahawm a ni. He pawl zahawm tak hi pawl ‘hlauhawm tak’-ah te hian kan lo chhuah tep tawh lo maw? Zawhna awm thei a ni ta.
Tih tak arpa tuihalah chuan YMA hi kan ram pangpar mawi, hmasawnna kungpui nghet, inpumkhatna vawngtu pawimawh, mi chhiate thian, chanhaite dawmkangtu, beidawngte beiseina nung siamsaktu a nia sin. Hawh u, tuma’n YMA hi chirh thehin belmang I tat lovang u. Kan lo tat a nih ngat chuan tih sa loh loh kan ti a ni ange.
“Pâwl zawng zinga chungnung lûr YMA, hming mawi chuang e seifa khua vêlah. Chanhai, riangvaite hnêmtu, kulhpui iang, chuai lo te’n vul zêl dawn he lei chînah”
Similar Posts:
- Kan Sorkar Chaktak
- Pawldin uar hnam Mizo
- Eizawnna neite hi mi zahawm an ni.
- Eiruk vs Chhiah pek
- OFFICE-ah Hmeichhia !!
chawlhna nuam kan thlen hma...
April 15th, 2011 at 6:11 am
Chhiar phawt ang.
Report this comment
April 15th, 2011 at 7:26 am
A tha khawp mai,nia fimkhur hi a ngai hle a ni.Tih lutuk a hlauhawm a,mahse kan hnam vawnghim tur chuan a la rintlak ber lawi si a.
Report this comment
April 15th, 2011 at 7:42 am
Kei chu YMA sawi hian MTV,SRS leh hrang (ghost) hlauhawm tak tak, hmeithei in thiah saktu, mi car hal tu, hleih nei tak angin image an nei hlen tlat tawh.
LPG cylinder hralh chungchanga thu an lo neih tirte hi a mak ka ti. LPG Gas harsat chhan hi transport cost san vang niawm tak ani a, heti anih chuan a man hi control lovin lilam (auction) in hralh mai sela. Mobile phone pawh an subsidise bik lova, eng vangin nge LPG an subsidise bik ang? Phurh man pawh ani lovang. Silchar ah a duh duhin a lei theih an tih kha. Policy maksak vanga YMA lo in luling anih chuan hnam vanduai tak kan ni der mai.
Report this comment
April 15th, 2011 at 8:09 am
#2 khi ka ring mai ange.
Report this comment
April 15th, 2011 at 8:26 am
Thrianpa hrmizo(hrzomi nilo in) chu ziak tha kher mai.
Report this comment
April 15th, 2011 at 9:41 am
YMA kalsual hlauva thahnemngai taka lo chelh hram hramtu in awm thin hi a lawmawm ngawt mai.
YMA hlau tlat ho hi chu mi pangai tak an nih ka ring lo!
Report this comment
April 15th, 2011 at 9:41 am
#2 rin a fuh ber,,.
Report this comment
April 15th, 2011 at 9:44 am
Post tha hle mai..
Tun Mizoram dinhmun, hnam naupang zia, sawrkar sawngnawi, dan leh hrai ngaihnepna hmun a YMA a lo awm hlauh hi chu..a va lawmawm em, YMA vang hian beiseina eng a awm ve thin. Hman lai Mizo nundan mawi chawisan ngawt tum loin Mizoram hmasawnna tur a tan thawk muah muah yeh se..
Mizoram leh Mizo te tan hmabak eng a awmtheih nan te, Mizo mipuite humhalhtu leh a tungdingtu a nih zel ka beisei.
Report this comment
April 15th, 2011 at 10:09 am
Pawl reng reng hi a hruaitute a zir hian a kal mai thin. CYMA hruaitu hi politics khelha kan khelh chhung chuan a kal fuh mawh khawp ang,heng aia thil thalo pawh hi a la thleng lo ang tih pawh a sawi theih loh.
Hmanlai chuan midang tana mi tangkai leh mi tlawmngaite, val upa an lo ni a, YMA din tantirh pawn a ni a. Tunah erawh political platform atan kan hmang ta, a neinung leh thiltithei ten anmahni interest a khawih pawi loh chuan pawi an ti lo. Chuvangin, mipui pawh kan inhmuhchhuah a ngai ve ta, kan vote lovin hruaitu an thlang thei si lova.
Report this comment
April 15th, 2011 at 2:15 pm
YMA lam hi zomi tih leh mizo tih vel ai chuan vei ila kan hlawkpui zak ngei ang le..
Report this comment
April 15th, 2011 at 3:24 pm
mizo te’n society kan hlau lutuk hi ka va’n hne tak em!!!
Report this comment
April 15th, 2011 at 3:51 pm
@ #11 Ekhai.. mihring nun hian society in kaihhruaina hi a mamawh a nia eng emaw chen chu… mahni nun te chu kan thu thu alawm.. duh duh in kan nung thei. Bakah india ramah society hlau lo ber pawl kan ni zawk lo maw?
Report this comment
April 15th, 2011 at 6:43 pm
Ziak tha kher mai.
YMA hi a chang chuan an “Over” mah mah emaw ni te ka ti thin..Nge a lo over fal bik pahnih khat vang hian a hming a chhe thin zawk?. Hruaitu fel tak tak an la awm zel em ang chu!!
Report this comment
April 15th, 2011 at 8:06 pm
YMA hi an thra.. an tlawmngai a, ram leh hnam humhalh anduh a ,ZORAM hmasawnna anngaihtuah a vang hian ankuanglo nawr ten kan hre mai mai a ni, Zoram hmasawnna anngaihtuah vang vek a ni.
SORKAR leh a hnathawktute hian antihtur threuh diktak leh rinawmtak, taima takin ti se chuan YMA lo inrawlh a ngailo ang.
Report this comment
April 15th, 2011 at 8:15 pm
@jeniffer#14…ni e tiro, chu avang chuan kan inrawlhnaah hian kan fimkhur loh chuan chu thli chhia chuan min chhem darh ve mai ang tih erawh a hlauhawm tiro….
Report this comment
April 15th, 2011 at 8:44 pm
@jeniffer#14…ni e tiro, chu avang chuan kan inrawlhnaah hian kan fimkhur loh chuan chu thli chhia chuan min chhem darh ve mai ang tih erawh a hlauhawm tiro….
Report this comment
April 15th, 2011 at 8:45 pm
hetss kan comment nawn chhu lee
Report this comment
April 15th, 2011 at 10:25 pm
Hrmizo! I thuziak hi dik leh tha ka va han ti chiang em!!
Report this comment
April 15th, 2011 at 10:32 pm
@elcee#18..ka phuahchawp vek nih khi
Report this comment
April 15th, 2011 at 10:36 pm
I phuah chawp mai mai maw lo ni a? te ti vel i la
Tak tak a, Ka phuahchawp ni awm tak a nih vangin tha ka lo ti ve ringawt a nih hmel 
Report this comment
April 15th, 2011 at 10:37 pm
thil tha hi chu a tha nia, entirnan..Act fast..
Report this comment
April 16th, 2011 at 11:49 am
Mama nang chu kal ve lo mai roh tia fate tlawmnagihna hlamchhiah tura in zirtir nu leh pa poh hi kan tam ta khop mai
Report this comment
April 16th, 2011 at 11:53 am
@eddie…a zia hian a daih tawh lo nih hi tiro
Report this comment