Hummer, Winbody, FarStar … kan han nuihzàt thlaràwk a, “Bawng kai Cigarette” kan ti àwl lo va. Winbody a nêm, Hummer a rù hret, FarStar chu a rù hàk mai! Mitthi lumennaah pawh zànlai pelh fê hnuah an la thle dual dual mai zawng a ni a … a tih-chì ngawt asin, a man sènso a lo tlêm hret bawk nèn!
Tichuan, bawng kaih hi a namai lo. Hna hautak tham a tling. Mihring ni khat kal leh bawng ni khat kal hi a intluk zèla a huhova kal a ngai a. Ni sensa hnuaiah leh ruahpui vànàwn hnuaiah pawh kal lai a phèt chuang bàr si lo. Tum ram thlen ngei a ngai si! DEAD or ALIVE!
Nevada State khawi’maw laiah khuan beràm rual tam tham tak an rawn khalh phei a. Vut a khu mup mup mai a. Car rual an tlàn hlei thei lo, an dìn muangchàn a ngaih phah a. “Khaw’nge beràmte hi in hruai dâwn, SLAUGHTER HOUSE-ah em ni?” tia zawhna chu, beràmpu pakhat chuan a beràmte chu lainat takin, “Kan hnung lamah khian tui tha leh hnim hring tha a awm tawh lo va, SLAUGHTER HOUSE-a kalpui kan tum lo. Kan hma lam hla taka khi tui tha leh greener pasture a awm a … kan panpui mèk a ni,” tia a chhànna hi, ngaihtuah zui a nuam veng veng hle.
Tuirial hnâr lam Paikhai Road/Khûmtung-Muallungthu Road an tihah i kal tawh em?
He lai hmun hi Tuirial a ni. TANTIA leh TIA lote pawhin tui thianghlim chawina hmun bera an neih a ni. Lei pawh a hnâr lam hnai tèah hian dawh tan mêk a ni ta.
Chu mai a ni lo — bawng kaitute’n he lai hmun hi riahbùk an sualna hmun remchâng tak a lo ni. Chhùn ni sensàt zual lai phei chuan bawng kaituten tuipuisùthlah hnuai daihlìmah hahchawlhna hmun an zawng a, li thùk laiah an inchhèk ri pùrh pùrh a. Vau-kamah a thenin hâng an lo so bawk a. Bawng rual lah he lai hmunah hian –za rual teh meuh an tlattîr a. Hnim-hnah lah a hnianghnàr si! Tu ram tak ni maw? An chîlphùl ve mah nà!
Ka kal pèl thei mai bìk lo va … zawhna engemaw tal zawh ka chàk a.
“Khawi lam atangin nge in rawn kaih?”
“Vaphai atangin.”
“Kawng pumpelh in rawn zawh zar zar nge? Kawngpui dungah hlìr hian in rawn chhawm thla?
“Kan tithang tawh a, pumpelh-kawng kan hre hneh hle tawh.”
“In kal hnai leh tawh em, Aizawl lam panin?”
“Kal hnai rih lo. Kan bawng leitu tùr hian tukin zîng khân ration supply min rawn pèk pahin bawngtuai 3 vèl chu 407 Truck-in a phur hàw ta rih a, Aizâwl-a bawng a la tam avàngin he lai hmuna ni sarih vèl emaw zet awm tùrin min ti.”
“Chuti? He laiah hian in châm reng mai dâwn em ni? Riahbùk in nei sà em ni?”
“Châm reng mai dâwn e, Aizawl-a bawng a la tam laia bawng za-rual kan khalh luh chuan hlàwkna tùr a kiam nasa lutuk ang. Bùk chu … vai tàwmbùkah te pawh kan riak ve mai, kan sual chawp kher a ngai hran lem lo.”
“In va IDEA reuh ve … hetiang hian in lo ti thìn a ni maw?”
“Bawng rual hian ram an tichereu phian lo’ng maw? Ni sarih zet he laia in chàm khawfual chuan, in bawng tlatna hmun hi tu ram nge ni rèng rèng?”
“Tu ram nge a nih kan hre chuang lo … mikhual kan ni ve mai a! Bawng hmui kan phuar hlei ne’m!”
Bawng rual hi tum khat chauh rawn kaih a ni lo va, kumtluan tak meuh meuhva rawn kaih a ni. An kal pah leh chawlhna hmun tùr chu han dâwn chiang teh. Bawng tân pawh làm hla tham kal nân chuan an kein a tuar phah a, a thente phei chu SLIPPER an rawn buntîr a, an bai sulh sulh a. Hnimhnah a filh rel rul lo hi kan la vànnei zàwk teh e. Bawng thenkhat chu an lo kawlh ve phian a, a thente lah an mei herh ngawlh ngawlh ngai khawpa kal tha duh lo te … motor hlauva lîm ta chiam chiam te, a thente lahin mahni pute an lo phìn thut châng a awm râwl nèn —zànah lah thlun kim vek sèn ni hek lo, a then an lo kal fâl hla èm èm thùl.
Huan-Lo-Ram neituten bawng rual ‘kâr tluan tluana an chawlhhmun a ni tih hre tak maw? Nevada State-a beram rual an hruai kawi dàn nèn chuan a inpersan hle mai maw?
TANTIA chuan Muallungthu atanga Tuirial thleng thuakin kawng chhuat a màm titih tawh a. Tuirial hi tui làk nân tak an hmang nasa hle a, bawng rual kaitute pawhin chawlhhmun remchângah an hmang a. An riahchilh a, an hnènah vàntirhkoh èm zawng an la rawn inlâr lèm lo a ni ang! Bawng rual khàr-chhàwngtute leh Tuirial kam tuak huan-lo-ram neitute hi inhre thang tawh leh inremsiam ni hlawm tak maw?
NGAIHTUAH ZUI PEIHTE TAN!
April 25th, 2011 at 9:03 pm
Bawng ka1h hi sumdawnna hlawk ve fe chu anih hmel. I thlalak ho chu a va nalh zek ve.
April 25th, 2011 at 9:04 pm
chhiar ila
April 25th, 2011 at 9:10 pm
I ziak ngaihnawm thiam hle mai.
I sawi ang hian bawng lo kharchhawngtu (407 a phur tu) khan khalai ram neitu te alo biak fel sak nge niang aw han ti dawn ila, a bawng kaitu ten engmah an sawi loh danah khian inbiak remna chu a awm chiahlo anih hmel e.
Engpawh nise, nakin thlenga hman atana hmun rem tha anih chuan a ram neitu te nen inremsiam sela, avan tha dawn em. A ram neitu te tan pawh an remtih chuan pawisa hmuh ve theihna tur alo ni leh zel thei dawn anga, tha vek tlang anni mai lovang maw. Mahse an remtih leh tih lovah ainghat ang chu. :-S
Kan hriat atana tha ka tih pakhat chu, Mizoram mai nilo, khawvel ram zawng2 ah chaw leh sa eitu kan pung zel a, eitur erawh a tlem tulh tulh tih hi kan hriat a pawimawh. Chumi vang chuan ran vulhna hmunpui siam ang te, thlai ilo hmun sumdawnna tham tak3 siam hi avan chakawmin siam kan va han mamawh tak em vele aw! (Y)
April 25th, 2011 at 9:13 pm
nawm hmel khawp mai… (H)
April 25th, 2011 at 9:13 pm
Bawng kai ho nena kawng dunga intawh fuh hi chuan a steering khauh zawk hi chu an buai thei ve khawp mai. Bawng kai ho nin ber chu Motor, Driver nin ber chu Bawng rual 🙂
April 25th, 2011 at 9:15 pm
Ke phah ral dawna khalh a ngai dawn nih chu.
Misualah hian ka mikhual bik lo turah ka ngai a, comment lem lo hian ka lo chhiar ve nasa a
Engpawhnise. Coment naah chuan a hmasa ber a ni e.
April 25th, 2011 at 9:19 pm
Bawng leh a ram vel khi an inngeihtawn a va ang zawk ve! Bawng hovin an ekin an chawm a, hnim duah lutuk tur an control nghal bawk a, an in draw vel a ni mai lo maw? (H)
April 25th, 2011 at 9:21 pm
Thlalak ka la hmu ve thei lovah…..
Bawng kai tute hi mi taima an ni…
April 25th, 2011 at 9:22 pm
Ngaihnawm hle tak mai a. Nevada State lama mi pawh khi um zui la a ngaihnawm hle bawk ang.
April 25th, 2011 at 9:23 pm
muante #7 i sawi hi Mizoram hmun tamtak, hnim tan vak ngai lohna hmunah chuan tha deuh asin. Chiang taka a lanna chu North Vanlaiphai khi a ni awm e.
Tun hma ran chhuah an phal lai kha chuan an phul te hi rawt/tan mam ang maiin a bul tawi mawi hlawm thei hle thin. Tun hnu ran an khuahkhirh hnu khi chuan an phul te khi mihring chen dawn dawn anni ta mai. A ram mawina tur pawh a hliahkhuh ta hle mai.
April 25th, 2011 at 9:23 pm
Hnim tan… Ah chhum tih a dik zawk maithei..whatever 🙂
April 25th, 2011 at 9:25 pm
Pig farm tam tak chuan an vawk talh pumpui chhunga chaw la awm te kha a dam dang an pe lehchhawng thin. an cost control ve dan ania.
April 25th, 2011 at 9:27 pm
Thlalak ka hmu thei ta…
I hi.. bawng thenkhat chu Beram an va ang e…. (H)
April 25th, 2011 at 9:28 pm
Bawng rual hi tawh an buai thlak khawp mai. a driver an awm hnung thei sia. Mel nga ruam ah khup pilh phungin ka tawk tawh a, a driver te khan mi nuih zui ta in ka hria.
April 25th, 2011 at 9:33 pm
Nikum fur lai khan kan nau 1 thlah turin Gypsy in kan phei a, Serchhip han kal kan duh avangin Thenzawl bul atanga peng chho in kan chho a. Ruah baw hawk kha a rawn sur tak2 mai a, motor pawhin zawi te te in kankal thei tawk a..chutih lai chuan Bawngkai ho kan tawk..ka va han khawngaih tak…damloh vak a awl ngawt ang….. :-S
April 25th, 2011 at 9:36 pm
Burma atang bawng an rawn kaih ho te hi khawngaihthlak deuh an ni, hah takin an thihna tur an rawn pan chu ani mai si a. lol
April 25th, 2011 at 9:40 pm
bawng za rual teh meuh mai chuan a vaiin ke 400 an lo nei anga..,,..two wheeler khalh ai chuan a har deuh ngei ang aa.. 😉
April 25th, 2011 at 9:43 pm
Bawng khian thlai an pet chhia tihna mi le? Phairuang chawrna leh ramhnim hnah nem mai mai nih chuan pawi em em dawn a mi aw!
@Comrade #6: Rawn inthlahrung vak duh suh, chiau-au em em pawh beisei lo la, i ngaihdan kha mi ngaihdan a ni kher lova, mi ngaihdan kha i ngaih dan a ni kherlo thei bawk…………..te lo ti vel ta luam che ila 😛
April 25th, 2011 at 9:45 pm
#16 chhunzawmna..
Kawlbawng khawngaihthlakzia chu..an han piang…chhawr rual an nih atangin an chhawr ta ngat2 a, chuan chhawrtlak tawh loh khawpa an tar hunah talh turin mizoramah an rawn kaithla leh dam2 ta thin a…lainatawm tak a ni.
Zika nen khan ka khawngaih dan a inang reng kei chu.. 🙂
April 25th, 2011 at 9:51 pm
Tun lai chu chawnghilh a rawn che tha tlat. Pic a te lutuk a bawng leh motor ka thliar hrang thei lo 😛
Bawng kai hmushsitna tawngkam ni awm takin ‘bawngkai sikret’ te kan han ti ve thla ngawt a, kan thalai chawmhlawm, nu leh pa te thawh chhuahsa ringa inti changkang ve ngawt te hian an han zu duh lo ve khanglang emaw ni. An ni ho ai hi chuan hetianga hah tak chunga bawng kaia eizawng te pawh hi an ngaihsanawm zawk ka ti, vai thirchhe zawng tiamin
April 25th, 2011 at 9:52 pm
bawngkai tak ai chuan lei sak tu te khi an hlawk zawk daih ang a te ka lo ti mai mai a kei misual hian.. 😛
April 25th, 2011 at 9:53 pm
HV, Sialsuk Hmunchung tlang (Ngei Ngei tlang an tih mai) nuam tak pawh khi Bawng an tlat tawh loh avangin hnim a sang hlawm a, a nawm tur ang pawhin a nuam thei lo.
April 25th, 2011 at 9:55 pm
@comrade: misual ah hi chuan a tawng chak chak leh a inti thu thu an thu a nimai. Mahse admin te hlauh tur 🙂
April 25th, 2011 at 9:55 pm
chemtatrawt,,bawngkaih ai chuan an senso khi TNT te pe zawk se ti raw,,ha ha NOI
April 25th, 2011 at 10:09 pm
in sengso lovin bawng ka kai dawn em ni te a ti vel
April 25th, 2011 at 10:09 pm
@pangtichawr…Zika music video ai kha chuan a thleng teuh hrim2, hrang 2/3 tal chuan a thleng long maw, khing bawng te khi talh vek ta se??? 😉
@comrade, i nick atang hian zualbonez a hnenah ka refer che kei chuan… 😛
April 25th, 2011 at 10:14 pm
#chemtatrawt,nia ti raw,bawng mei hi a tui khawp mai,
April 25th, 2011 at 10:18 pm
facebook lamah chuan misual.com lovers ah Zika music video(amah lang lem lovin) sawiseltute chu an kap na khawp mai..ka va comment ve leh kha..min chuk rawn nasa leh khawp ang….hairehai
April 25th, 2011 at 10:25 pm
Chemtatrawt,,zika nen hi chuan in inmil thei thlawt lo ani ha ha
April 25th, 2011 at 10:31 pm
FarStar hi chua a rû lutuk a, vawnchhan tha tawk neihloh chuan ka zu ngamlo ani e 😀
April 25th, 2011 at 10:42 pm
An bawng kaih tam tak hi Aizawl a thlen hma in kan khua ah te pawh kan lo lei thin.
April 25th, 2011 at 10:42 pm
farstar (Y)
April 25th, 2011 at 11:27 pm
Chu mi hmunah chuan an bawng lei tuten an rawn hmu thin a nga.
An bawng lei lo tu te pawhin an rawn hmu bawk a nga.
????????????????????????????
Bawng kai tawnhriat nei thian ka nei ve nual mai!!!!
April 25th, 2011 at 11:39 pm
Kawl bawng khi ei zawh sen mai mai chi a ni lo, mi 1 pawhin bawng sang fe an vulh thin an ti. Tak2 ni maw..
April 25th, 2011 at 11:52 pm
Bawng kai tu tam tak hi chu Burma mi an ni ngei ang a,khitiang zat bawng nen khian eng tin nge mizoram an lo luh theih?!
April 26th, 2011 at 12:01 am
Bawng hi ka kai ve nasa tawh. Kolasib atang te, Tlungvel, Saitual tih vel, exer chu a tha duh khawp mai.
Ninawm ber chu post tupa zawhna ang chi hi. Vawi tam kan chhanga; chu zawhna bawk chu midangin min lo zawt leha. A nihlohleh, engzatmannge? tu bawng nge? tih hi a ninawm hle bawk.
Tumkhat, Bawngkawn, Sairang peng, traffic point bul, kawnglaiah tak mai hian kan bawng kaih a’n bawk tlat mai kha chu(h). Kut hnathawh ka zah ve tum tak a ni awm e.
April 26th, 2011 at 12:09 am
E leee…ke in an rawn kal maw le.. he he he 😛
@hrmizo: I hriat sual hmel :-O , Bawng sang chuang fe vulh anawm awm ka hre ngai lo.Khawte lamah hian a tam zawkin bawng pa3 / 4 an vulh e tih mailoh chu.
A rual a vulh hi chu vai (gorkhali..??) ho hi an nitlangpui.Chung ho pawh chuan a tam berah 100 vel bakan vulh lo vang.100 vulh pawh ka la hre ngai lo. Bawng 20 – 40 vel an ni tlang pui.
April 26th, 2011 at 12:59 am
E heu!! Hman a ka riah ve lai kha chuan motor kawng hi a la awm lovin ka hre tlat. Zu rui hovin kan bawng an han pet vel kha chu thin a rim thei teh e…
April 26th, 2011 at 1:12 am
Cowboy ho an ni maw?
Thil ho te ziak ngaihnawm thiam fu mai a Pu Chawnghilha hi!
Chawei tur an neih thatte chuan thlahnih khat te champui se, Aizawl hoin bawngsa thau tha deuhte kan eiphah mai thei asin!! 🙂
April 26th, 2011 at 1:18 am
pa pakhat in bawng a khalh chan chin a sawi kha ka hre chhuak . ‘zan ah ni a sa lo a kal a sawt deuh ang ka ti a, kawng pui dung ka zawh pui a .truck nen kan in tawk thut mai chu,a then kawng ko ah an tlan lawn a then kawng thlang ah.bawng tlan chhe lo ber kha a kal zawm nget nget mai a. kawng thlang awih lai a pan phei zel si a .ka va um.motor light in a mit a ti vai a, khua a lo hmu lo niang cu a liam tak ngial dawn a .a mei ah ka pawt ka brake hneh thlawt lo a. a ri thla rum mai. a tia lm
April 26th, 2011 at 1:27 am
A lo ni maw? Khi lai kawngtum an rawn zawh chu ka lo la hre ngai miah lo a. Motor kawngtum awmsa an rawn zawh char char turah ka lo ngai ve ngawt thin a. Tin, khi lai kawngtum khi ka la zawh ve miah lo bawk. Luidung leh a kam vel a han chawlh hahdam chu a nuam an tih ngawt dawn chu.
Nevada State a beram rual chu hnimhring hmunah chuan an tar thi mai dawn em ni ang le :-S
Bawng kai i han sawi takah chuan tunhma deuh a mi pakhat sawi ka lo hriat tawh kan hriat chhuah leh zawk chu a. Pa pakhat hian ramhnuaiah thingzai tur in mi engemaw zat a riahluh pui a. An chaw ‘menu’ chu Buh leh Dailuah, chi leh hmarcha. An hne tawh an phun an phun hnu khan Bawng kai an rawn kal a. Bawng la tuai deuh pakhat kha a ke a na a, a kal tha thei vak lo a. Chu chu man tlawm deuh in a lo leisak a, an talh ta a. Kar khat chuang meuh, thingzai ho chuan an han ring ta mai chu an phun an phun leh a ni awm e. Dailuah ei leh chak in 😛
April 26th, 2011 at 2:32 am
He post chu alo chhuah hma hauh atang khan ka lo chang ran ran tawha, ka ziah ve tur ni awm taka hriatna lai ka nei ve a. Post tu @chawnghilh chuan i rawn ti tha khawp mai.(thlalak erawh ka hmu ve theilo)
Aizawl ah chuan hre pawl tak chu ka ni ve in ka ring, a chhan chu a lo khar chhawng thin hi keimah ni chhung kan ni a, heng Vaphai leh Champhai atang te a Bawng rawn kai te hi kum tluana kan mikhual te anni. Ni 7 atanga ni 9 hi an rawn thang dan tlang pui a ni a, vawi khat kaih ah Bawng 50 aia tam an kaih hi sawi tur a awm mang lo. A kai tute hi Mizo deuh vek anni a, pawi Bawng kai kan tih bik hi a hran in an lo thleng ve zauh zauh a mahse a khat khawp mai. Ngaizel leh Zemabawk ah sawn an rawn tawp thin a chutah chuan a khar chhawng tu nen a man an inrem thin a ni.
Chuta tang chuan keinin kan lo chhawk thin a, kei ngei pawh ka tel a, Aizawl veng Bawngkaia ka kaltlang lohna hi kut zungtang thliah tham lek a ni ang tih tur khawpin ka kal kim tawh viau chuan ka hria. Zahthlak tak tak tawhsual tawh sawi tur ka ngah khawp mai.
Vawikhat chu kan makpa nen zan rei ah Thakthing a mi inrinni talh tur Bawng pa 4 kan va la a, Treasury ah rawn chhuahchhoh puiin Vanapa Hall lamah kan pheia, chutih lai chuan motor chak lutuk in alo tlan a, kan Bawng kaih pakhat kha alo kal kawnglai bawk si nen a lim ta a, a hnar hruiah ka dawm a a chat ta thut maia a tlan let ta vang vang maia. Bawng dang pawh an darh ta sung hlawma, kan kaihpui chuan a dang pa 3 chu alo buaipui a keiin a tlan let chu ka um vang vang maia. Tuikhuah tlang chho thleng kan in um zuia, ka chau ve tawh hle a. Aizawl Radio station Area ah a tlan lut a ka va um lut zuia, a kawlh tawh si a man a har khawp mai (hlauh a sawi theih tawhloh). A hnar hrui la uai de de chu man tum in ka hual zel a, kan in chai rei khawp mai. A hnar hrui ka man chuan ko sangah a zuang thlaa kan tla dun a vanneih thlak takin ka na lutuk lo hlauh. Hlau miahloa ka tih takah chuan ka thunun ve leh mai.
Hetiang hi sawi tur neuh neuh ka ngah khawp mai, Ramthar Sihpuiah mi dawr chhunga in khalh luh palh te, mi siting room ah luh te pawh kan tawng zauh zauh.
Bawng hi kawlh tak pawh nise, hnar hrui an neih chuan tih dan dan ala awm a, hnar hrui neilo a ki a thlun/ a nghawnga thlun kawlh hi chu chelh hneh ngaihna a awm lo. Kawlh deuh hlek pawhhi an hnar hruia hnai taka nghet taka chelh chuan an tal zui lo tlangpui. Tin, motor a kan tawh chuan din a light hi tih thim hmak a him, a thim viau chuan tih det zauh zauh tur, a nihloh chuan motor rang thawt khawpin an su chawrh duh a nia, light eng kha an sut keh a hlauhawm zawk.
April 26th, 2011 at 3:45 am
@vangchhia #3 ni e sa a eizawn hi chakawm mai mai ti peih ho an vannei zel dawn e Sa demand asang si tiro!
@asteric #42 inthlahrung lovin ziak teh a ngaihnawm dawn lutuk sumdawn dan hetiang in bawng rate tlangpui, akaitu ten engzat nge an hlep, atalhtu ten engzat ge an hlep kg engzat nge chhuak? Aizawl mipui ten bongsa kan duh em ? Atalh tu tan ahlawk em? Englai nge hahthlak? Akhawi lai sa nge an duh ? Engtik ni nge hlawk? alu ake achek tihral dante atam mai ilo ziak dawn nia kalo chang ang riltam lai in kalo chhiar bok ang.
Bawngkai kan lawm khop mai
April 26th, 2011 at 3:51 am
@vangchhia comment #3 ni e sa a eizawn hi chakawm mai mai ti peih ho an vannei zel dawn e Sa demand asang si tiro!
@asteric #42 inthlahrung lovin ziak teh a ngaihnawm dawn lutuk sumdawn dan hetiang in bawng rate tlangpui, akaitu ten engzat nge an hlep, atalhtu ten engzat ge an hlep kg engzat nge chhuak? Aizawl mipui ten bongsa kan duh em ? Atalh tu tan ahlawk em? Englai nge hahthlak? Akhawi lai sa nge an duh ? Engtik ni nge hlawk? alu ake achek tihral dante atam mai ilo ziak dawn nia kalo chang ang riltam lai in kalo chhiar bok ang.
Bawngkai kan lawm khop mai
April 26th, 2011 at 3:52 am
Comment @vangchhia #3 ni e sa a eizawn hi chakawm mai mai ti peih ho an vannei zel dawn e Sa demand asang si tiro!
@asteric #42 inthlahrung lovin ziak teh a ngaihnawm dawn lutuk sumdawn dan hetiang in bawng rate tlangpui, akaitu ten engzat nge an hlep, atalhtu ten engzat ge an hlep kg engzat nge chhuak? Aizawl mipui ten bongsa kan duh em ? Atalh tu tan ahlawk em? Englai nge hahthlak? Akhawi lai sa nge an duh ? Engtik ni nge hlawk? alu ake achek tihral dante atam mai ilo ziak dawn nia kalo chang ang riltam lai in kalo chhiar bok ang.
Bawngkai kan lawm khop mai
April 26th, 2011 at 3:54 am
#43 tihsual
April 26th, 2011 at 3:57 am
Phai bawng a hang tha.
April 26th, 2011 at 4:04 am
post tha hle mai,pic pawh a nalh, thawnthu ziah i thiam hmel,a ngaihnawm,bawngkai hi cowboy an ni ber lawm ni,a rawn kalna a hlat em avangin…..phuah chhunzawm teh un
April 26th, 2011 at 6:06 am
Bawng rual tawh changa buaina chak chak a thlen chuan RODEO chi khat kan hmachhawn a ni ve mai, kan inla-pa ve mai tur a ni. Bawng kaite hi Lasso lam an thiam tel vak lo emaw ni chu le? In comment a ngaihnawm chi kim. MI changa seh hmeh atan a iaiawm loh teh asin. Bawng kai dum dum e ti lovin, dal leh hnephnawl vai chawp an hmeh duh phian, an zin kawnga ken tur zangkhai deuh thil nen. Zoram rawp an rawn hai lo. Sabbath serh ten sa an lei loh ni hi, mi tam zawkte SA BAT ni a ni thung.
April 26th, 2011 at 9:05 am
Manipur bawng (kan hre hrang em aw) kan tih ho lian pui pui, thau eng tha zet zet hohi an thin (heart) a chhe deuh vek zel nia. Heihi enge a chhan niang le?
April 26th, 2011 at 9:33 am
MLA inthlan lai vel hian an bawng kaih mawngah, pawisa chawitirin campaign nan MNF tih te rawngin an chhuttir a, Bawngkaiho side income ve a nia!
April 26th, 2011 at 12:43 pm
Ekhai… Muallungthu, Darkhuang ram leh Tuirial thlalak te hian lung va kuai deuh ve o! chawnghilh chu Tantia hnuaiah contract i thawk a ni maw?
Tuirial kama nul siam thin te khan pu Phillip-a hnenah chhiah an pe thin a, ama ram a ni mai awm mang e!
Bawngkai ho kha Baktawng atangin Chawilungah an chhuk a, Lamchhip-Hmuifangah an rawn chhuak thin kha a nia, Khumtung lamah an kal leh tawh a ni maw!
April 26th, 2011 at 12:46 pm
@asteric: Manipur bawng farm nei ho chuan a thau nan leh a thran duh nan damdawi an pe emawni dawn le..chutia thau leh lian pui² an thin a hrisel loh tlat chuan. Ka nu hian sa thin hi a hrisel loh chuan ei miah loh tur a ti ve ziah thin. Mizoram ah pawh 90s vel khan vawk thau nan burma lam atanga lak luh, ‘damdawi nupa’ an tih mai vitamin an pek thin kha.
Mi sitting room a bawng khalh luh chu va in thlahrun loh thlak bawk ve mawle!!
@chawnghilh: i photos hi i dah te lutuk a..a lian a en a chakawm teh reng nen. Nangpawh hi i lukhum en chuan bawng khalh vel chu i hnehsawh hmel
April 26th, 2011 at 3:05 pm
#53 @BMW_ Chu chu a nih keini pawhin kan ring ber. Manipur bawng te, Phai bawng te, Shillong bawng te hi thunun an har em em leh nghal. Kawl bawng erawh hi chu an dam deuh thlup a, thau eng hlui khawpin an thau ve ngai lo mahse bawng dang zawng zawng aiin a sa hang zawk an ti.
Nie, bawng lungmawl tih takah kalna en mang lo a kal ngil awt awt hi an lo awm thin a, pawisa chawi hi kan ngah teh a sin. A chang leh motor te an lo sut rang tir thul, hna hahdam tak chu a ni lo khawp mai
Hei Kum engemaw zat chu ka awm bo san tawha thil tihdan leh kalphung erawh a dang ve hret hret tawh a, ka buaipui lai ang em em kha chuan an buai tawhlo niin ka hria.