mi(sual).com

August ni 13 a ni a, ruah a sur deuh chiar chiar a, ka nu’n min rawn kai tho a, i pa te khua a kal turin an rawn sawm che a, in exam zo tawh bawk a zuk kal ve la a tha ang, thlai thar hawn tur a tam, rawn kal ve rawh se an ti che a, a rawn ti a, mut a nawm vei nen ka hnial ngam si lo a, hreh tak in ka tho ta a.

Chaw eikham lamah chuan zin chhuak tur chuan ka han insiam tan ta a, ruah lah chu a la sur deuh reng bawk a, peihawm loh duh ngei mai, dar 9 velah kan chhuak ta a. A tir lamah chuan kawng te a tha bawk a a nuam tho mai. Mahse ka pate khaw peng kan han thleng chiah chu kawng chu metal loh, Motor lian chilna khuar dek duk vek mai a lo ni a, thlarau nun a lo la chiang lo nen hlauhthawn a na duh ngei mai.

K.M 18 vel lai mai kal a la ngai bawk si, ruah lah chu a tam tulh tulh mai bawk nen, ka lo kal kher kher chu ka inchhir rum rum mai. Rei pawh kan kal hma chuan kan hma ah chuan lei a lo la min zui a, ke a han kal nan chuan a la hla ang reng bawk si nen, thenfai mai chu an rel thlu ta a, hnathawh khat nen a in mil lo ngei mai, ruah sur hnuai ah lei chu hmanraw tlem nen chuan kan han ti fai ta a, motor kal theihna awm kan thenfai hnuah chuan kan motor chu kan nawr chhuak ta hram a. Kan kal leh ta a, darkar 2 vel kan han sawh leh auh auh hnu ah chuan ka thleng ve ta der mai le.

Ruah pawh a han tan ta a, a la thingtlang ve bawk a, buhdengkhawl a ri chuah chuah a, lung te pawh a ti leng ve lek lek a. Ka pi te in kan han thlen dawn chuan kawt laiah mi an lo hmuak thap a, mi an lo chibai ve liam liam hlawm a. In ka han lut chu mobile batery a lo zo tep tawh a, charge ka han tum a, current an lo nei lo nghal pang mai le.

Vengthlang lam neih ni a lo ni a, veng chhak lam chu a lo thim vek chu lo ni in, chutah a awm chhun chhun in ka chass ve deuh hnenah ka thlen tawh thu hrilh ka han tum a, signal pakaht mah a lo la awm lo zui, Signal chu High Sikul Tlang ah a awm an ti a, a hla ang reng bawk nen ka kal peih mai bawk si lo a. Tihngaihna awm hek lo le, ka off ta ringawt a..

Zan a lo ni a, a thim ngei mai, current kan neih loh zan a nia, an ti mai a, engah vak mah an ngai ve der bawk si lo a, hrehawm ka ti rilru ngei mai. Chhun lamah ruahsur hnuaiah lei kan paih hrep vang kha ni ngei ang, ka chau em em a, sil lo lai pawh a awm in ka hre lo, hma tak ah ka muhil ta daih a.

Zing lamah lah chuan an han tho hma hlawm em em khawp leh nghal a, khua a var chuan an mu thei tawh hlawm lo, in lamah dar 8 vela kaihthawh ngai thin kha loh theih loh avangin dar 5:30 ah ka han tho teh reng a nih kha, a hma duh et awt ngei mai, ka va chhuak phei chu thingpui sen thlum fahran mai leh vaimim chhum min lo chhawp a, tui ti tak chuan ka han ei ve mai a.

Chaw eikham lamah chuan Khua pawh a thiang ta vuk mai, lo lamah feh turin min sawm a, hnial lah chu a mawi der si lo a, ka kal chhuak ve ta hnawng hnawng a, an feh kawng chu an hnim em em khawp leh nghal a, chu mai a la ni lo, vangvat ram emaw tih mai tur khawpin vangvat an lo tam leh ta nghal a, a hlauh chu ka hlau miah lo, mahse ka ten deuh tlat a. Nileng hun chu ka va hmang ve a, mahse eng vak mah chu ka tihpui leh ta chuang lem lo a.

Tlai lamah chuan kan haw ta a, current kan neih ni te a ni bawk a, ka phone ka dah mai mai chu ka han charge ve ta a, signal a la awm chuang lo.. battery a full veleh High school tlang lam ka pan chho nghal a, signal tum 2 a rawn awm ve mai bawk a, Ka ngaih em em chu ka han phone nghal a, mahse a la thei leh ta tlat lo mai, vawi 3 vel a ring zawh thak thak hnuah chuan message pa 1 a rawn thleng a, “min ngai pawhmawh lo emai min ngai pawimawh tur dang ka lo zawng mai a nge, Mangtha” tih zawng hi a lo in ziak a, ka phone nawn leh dawn lahin switch off a ti nghal bur mai le.

Tih ngaihna dang awm si lo chuan ka thu tum hmuk a, thingtlang ah chuan kal lo ila chuan kan inthen awm si lo a, tiin ka in ngaihtuah lungpuam a, Ka Mittui a tla ta hial a. He ni hi ka theihnghilh leh tawh ka ring lo.!!

Similar Posts:

• Teirei kam leiletah zankhat…
• Ka vei thenkhat
• Mizoram chhim lam a thim thuap mai.!
• A hrehawm!
• Broadband Mizoram in kan mamawh

Recent Posts:

• Some of my works – I
• Hepatitis C (HCV) tana hmelma thar!
• Nun tihlimtu
• Thiltih chi a ni angem?
• Bairabi khawdai Police Checkgate bulah buhfai dan lo a phurh a ni

This entry was posted on Wednesday, May 25th, 2011 at 7:00 am and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.