Mizo Icon, Idol, Zo-Star, Hmarthlang Lelte, Lunglei Idol leh The Hunt thlengin kan thlang a, chumai nilovin Super Model thlengin kan nei ta. Hetiang boruakin kan thalai te rilru leh ngaihtuahna a luah zawh mek lai hian India sorkar ropui tak chuan kan ram chhungah ngei rel kawng luh tir a, kan ram pal tlanga Look East Policy hlawhtlin tir tumin hma a la vut vut tawh mai bawk si a. Chuvangin he Zoram hi chimrala a awm loh a, India ram state dangte entawn tlaka kan chhuah theih nan leh Globalization avanga Zoram hi a ral loh nan Mizo Superstar thlan chhuah hi a ngai ta ani. He inelna hi chu zaithiam emaw, pianmawi emaw lam ani tawh lo anga, Lehkhathiam, hriatna zau, India foreign policy leh international politics thlenga tui pui phak te in elna ani thung ang.
Tute nge tel thei ang : He inelna ah hian eng subject pawha graduate chin an tel thei ang. Idol emaw Icon angin a dilna form siam ani ang a, chutah chuan eng subject nge he in elna ah hian a tel pui dawn tih chiang taka ziah lan tur ani ang.
Engtianga in elna chu kalpui tur nge ni ang : A hmasa berin written exama in eltir tur ani. Judge tura ruat ten subject tina atan question siam se (Written exam atan chuan MCS syllabus te pawh hman ni ta se), chuta tang chuan cut off mark e.g 60% hmu phak chin te chu live interview hmachhawn turin an tling ang. Heta tang chiah hian in elna chu a pawimawh zual dawn ta ani.
Live interview ah hi chuan mahni subject chauh bik ni tawhlovin, hriatna zau lamah te, India ram politics leh policy mai bakah international politics a an ngaihdan thlengin Judge ten zawhna an zawt tawh ang. Contestants te pawh hemi atan hian an inbuatsaih that hle angai dawn a. Mahni subject bakah lehkhabu hrang hrang leh News paper hrang hrang a bikin National News paper te pawh an bih ngun a tul dawn ani. Chuta tang chuan a titha zual sawm (top ten) thlan leh ni se. Tichuan top ten te chuan interview kaltlang bawkin inelna nei leh se, duh leh Icon/Idol ang deuhin a tichhe zual pakhat zel tla ve ta se. Tin interview hi English a tih ni se, amaherawhchu Mizo tawng a lo lettu awm thung se. Contestants ten zawhna an chhan danah te, English an lam dan leh an tih dik loh lai thlengin Judge ten huai takin comment pe thin se.
Lawmman : He inelna a a titha zual 5 te chu a pawisa faia lawmman pek aiin UPSC exam-a an tlin theih nan Coaching an kalna tur ngaihtuah sak ni ta zawk se. Coaching kal duh lo an awm anih chuan, a aiah top ten tling te kha an tih that dan a zir a koh ni ta se.
Tute nge Judge ah tang ang : Jugde atan hian subject tin atangin expert pakhat an tel ngei chu a ngai anga, chubakah IAS, IPS, IFS leh service dang dang a mi pension tawh emaw, tanglai emaw awm bawk se. Civil / Central Services a lo tling tawh te experience hi contestants ten an hlawkpui em em dawn ani.
Eng vangin nge he inelna hi a pawimawh : Hetiang inelna hi zoram hian a mamawh a, kan thalai te hian an mamawh tawh ani. Icon leh Idol thlan en ringawta kan naupang School kal rual ten hun an hman ai chuan hetiang in elna hi thlir tam ta se an rilru ah thiamna lama in elna a va pe nasa dawn em. Kan duh emaw duh lo emaw rel kawng hian kan ram a rawn lut dawn a, chutiang bawkin ‘Globalization’ hian min kal pel dawn lo. Chuta tan chuan kan ram hi kan buatsaih a ngai a. Chutiang huna kan ram a ral loh nan kan thalai te hi kan hruala, kawng kan kawh hmuh a ngai.
Tun hma kum 30 liam ta khan Mizoram chu IAS her chhuahna khawl ang hiala ngaih ani thin. Tunah erawh IAS emaw IPS/IFS lam emaw eng service ah pawh hian Mizo thalai lut an va tlem ta em. Kan thalai te hian ‘competitive mind’ an hloh ta ani. Chuvangin kan thalai te rilru ah Competitive mind kan tuh leh a, India rama hna pawimawh ber ber hi an vawn leh theih nan hma kan lak pui a pawimawh ani. Hmasawnna kawng kan pawh dawn apianga kan la inpeih lohna rilru hi kan paih a, kan thalai te hi khawvel hmachhawn ngam tura chherchhuah a hun tawh ani.
He inelna avanga kum tin IAS emaw IPS emaw IFS emaw, central service dang engemaw talah pathum tal kan thalai-te an hlawhtlin theih chuan a va hlawk dawn em. A hlawkna tel tu tur chu kan Zoram hi a ni dawn ani. Icon leh Iol kan thlang, a ropui e. Amaherawhchu Icon leh Idol hian zoram pelin hmasawnna atan min zuan pui dawn lo ( Icon leh Idol ka sawisel chuang lo). Central in Look East Policy a buaipui lai leh ‘Globalization’ in kan ram a tuam mek tawh lai hian kan thalaite hi a thlir liamtu ni lovin a lungphum pawimawha an tan a hun tawh ani.
Indian Foreign Service ah hian mizo tlangval ngei hi 20 tal pawh awm se, India Foreign policy chu Zoram tlangval ngeiin an kuai lek mai dawn ani. Chutiang bawkin State tina Chief Secretary emaw Central-a department pawimawh tak tak khu Mizo tlangval IAS ngeiin a enkawl hnu leh law and order kengkawh tura IPS, Mizo tlangval ngei India ram hmun tina an awm tawh hun chuan Relkawng avanga inchimralna hi kan hlau tawh lo anga, Globalization hian eng ang pawhin min nuai mahse, India ram hotu lawk lian liana Mizo ngei an thut ther fuk hnu-ah chuan Mizoram hi a nghing hek lovang. Hnamdangin in population hmanga min chimral an tum pawhin keimahni zawkin kan thiamna hmangin India ram ropui tak hi kan chimral tawh zawk dawn ani. Khaile Kan visual media te khan heti lam hawi zawng hian tan han la leh teh u. LPS nge Zonet che hmasa dawn le. Zoramin tun hun atan a ko che u a, Zoram thalaite hian in hmalak hun an thlir e.
Similar Posts:
- Mizo Idol Top 7
- Reality Show ka hmuh dan
- Mizo Idol top 5 puan a ni
- Pafa ka ngaihsan Saiawi pafa
- Lelte “2007 News Maker Of The Year”
June 5th, 2011 at 4:17 pm
Thlang ila
June 5th, 2011 at 4:19 pm
2nd 😀 (delete su aw)
June 5th, 2011 at 4:19 pm
th2a phian tak ang,mahse hetiang a mi bright te hi chuan lawmman thra ltk a kengtel a nih loh chuan antel leh duh silo ang a
June 5th, 2011 at 4:19 pm
tha phian ang a .chhiar phawt i la .
June 5th, 2011 at 4:20 pm
Jennifer …hahhahahaha “th2a phian tak ang ”
😀 😀 😀
June 5th, 2011 at 4:24 pm
A sei deuh bawk a,chhiar nghal char char ang.
June 5th, 2011 at 4:28 pm
Midang tih turah i dah ni awm tak a ni. I ngaihtuahna leh thahnemngaihna chu a tha ka ti khawp mai. Mahse, i rawtna a hlawhtlin theih nan emaw, a hlawhtlin tak tak emaw i duh chuan nangmah vëk kha i chêtchhuah a ngai ang.
June 5th, 2011 at 4:30 pm
#5,i phakar kan inang chiah a, Aduhi i star mai vangin i ni hmasa joke a nih kha 😛
June 5th, 2011 at 4:32 pm
TualSiala ka vote nghal e..
June 5th, 2011 at 4:34 pm
Tha khawp mai. Kan ram atanga Central Service-a lut an tlem tawhna chhan te chu Mizoram sawrkar hnuaiah Direct-in Group-A a luh ve theih tho a, Quota lah a tam na rawh e. MCS-67%, MES-65%, etc. Hei hi sawrkar pawhin a enfiah a ngai.
June 5th, 2011 at 4:44 pm
Rel kawng lo luh avangin chimral kan nihngawtna chhan tur ka hritnawh. Rel kawng ai chuan ‘Zu’ a hlauhawm zawk. Thatchhiatna leh dawngdahnaa min hruai lut a, kan huan, in hmun Lo ram, ramdang, hnamdanga laka min chantir thei tu a ni.
Ka IDOL chu kan mithiamte hi an ni, i thlang chiah ila. (Y) chiahmi, ti tak tak dawn mi.
June 5th, 2011 at 4:59 pm
Ngaihdan tha tak a ni. Han huaihawt vel ta la a tha ang a
June 5th, 2011 at 5:01 pm
Kan thlang sauh sauh anga, ama tana ei zawnna tlak taktak si lovin bus chuan, gas bur put, thlan laih, hnatlan, peon hna thawh vel a peih lo tingtang si ang tih a hlauhawm.
June 5th, 2011 at 5:12 pm
He post hi ka thlâwp e. Zaithiam thlan leh ngaihsãn intihhmuh hi ka kham ngawih ngawih tawh. Anni ho hnen atang hian ram leh hnam tân hláwkna hmuh tur a tam lo.
June 5th, 2011 at 5:16 pm
zofate hmasonna tur leh thatna turah cuan zonet cable tv hi an athuai ngam.. Puipate lo soipui teh u.
June 5th, 2011 at 5:27 pm
ka support e
June 5th, 2011 at 5:31 pm
han thlang chiah ila chuan a tel peih an vang awm em mai a. A tha viau naa a hlawhtlin pawh ka ring lo. He thil atana qualify tam tak hian an ngam ngut dawm em mawnile te ka tia. Bakah direct a seat an hmu dawn lo te nih chuan inelna mai2a tel te chu an duh dawn emni le!?
June 5th, 2011 at 5:54 pm
matik pass thar lawm hnam ah hian miin M.A a pass aiin matrik a pass in lawmpuitu a ngah zawk, mzp,mhip,yma, eng pawl2 emawin lawmpuina chi hrang2 anpe a, zunin a inthiar thin hnam kan nia awm tho e.. chuan zo super star hi ka rilru ah awmna arei tawh a, idol/icon teng hneng tak2 chawimawi ai chuan mi hrat khawkheng, zanrei pawisalo a lehkha zir thin ho hi ngaisang teh ang u khai…..
June 5th, 2011 at 5:56 pm
Thlang chiah ila. En pawh a chakawm khawp ang hei chu… Mahse lawmman hi i rawn chhawpchhuah hi a te tham mah2 ka lo ti ve mai2…
June 5th, 2011 at 6:05 pm
Who will bell the cat?
June 5th, 2011 at 6:08 pm
#18 hi tha khawp mai. i huaisen a, mahni ngaihdan i dinpui ngam tlat maia, tin mi fing tak2 te pawn kan thlawp reng che ania,
June 5th, 2011 at 6:10 pm
Tha khawp mai,full support.. Nia zaithiam thlan leh rigawt poh hi ni berlo tunlai ah. A hman2 in zaithiam an thlang leh ngawt zela… Hetiang tunah ilo sawi ang te hi thlang ila,ngaisang ila,chawimawi ila.naupang,thlalai tamtakin nih an chak ve anga..lehkha kan/an zir nasa lehzual sawt anga…Ava ropui dawn em!
Thlan tak2 dawn chuan keipoh ka tel ve ang. 🙂
June 5th, 2011 at 6:13 pm
In phur dawn tak tak chuan ti ang u hmiang. Ram leh hnam tan vawi khat na reng reng chu at i so tlang ila.
June 5th, 2011 at 6:21 pm
Kei ka thlan chhu “mapuia. Zephyr, a thluak hi a tha ka ti bawn
June 5th, 2011 at 6:59 pm
Ka thlawp e. @ Doc_lib rawn huaihawt la, kan lo thlawp ang che….
June 5th, 2011 at 7:06 pm
Written exam tih vel khi hmanlo an tamin ka ring.
June 5th, 2011 at 7:13 pm
Misual.com hian huaihawt i la. LPS/Zonet kan hmang tangkai ang a.
June 5th, 2011 at 7:16 pm
Rawtna la awm ngai lo a ni a. doc_lib hian ngaihtuahna a rawn seng peih a, a lawmawm ngawt mai. A taka tih puitlin chi a nih chuan tih a pawilo ang. Ka dodal lo ve….
June 5th, 2011 at 7:19 pm
Rawtna tha tak a ni. (Y)
June 5th, 2011 at 7:23 pm
Tihtheihloh tur thildang pawh phur deuhin kan comment peih tho bawk a, ‘a idea chu a tha khawp mai’ tal kan ti ve teh ang.
Lehkha zir leh thutak lamah kan than a ngai tihna te pawh a ni thei ang chu.
In sawipui awih loh tih i la telh lo 😀
June 5th, 2011 at 7:24 pm
Huiha ka duty a ngai tlat. min lo hrethiam teh u. post ka vil hman dawn lo. A in ti thu thu he post ah hian in thu a ni mai. 🙂 🙂 🙂
June 5th, 2011 at 7:26 pm
Inngaitlawm tel duhlo an awm nawk ang.
June 5th, 2011 at 7:29 pm
A exam khi hautak awm eeee… SSB hmachhawn nen a in ang thuak dawn a lawm le :-O A lawmman lam a chu ti tehlua bawk si lo a.
June 5th, 2011 at 7:35 pm
A post tupain a in ti thu thu a ti bawk a. kan leng tak tak teh ang. (@) t(^)
June 5th, 2011 at 7:44 pm
Nadal leh Federer bawk maw lo final leh a. Ninawm. ^
June 5th, 2011 at 7:48 pm
Ka comment mai2 chuh, chhiar lemlo in ka type pop a lolz
June 5th, 2011 at 7:52 pm
@littlerascal.. Hahaha (vai film-a misualpa nuih danin)
June 5th, 2011 at 7:56 pm
Civil/Central service a lut chak, talent nei tha bawk si te tan nasa takin a pui thei ngeiin ka ring tlat.Tin bakah sum leh pai harsatna a vanga coaching pawh kal ve thei lo,civil service lut chak si te tan a hlu dawn em a sin.A kal kawng emaw, sum leh pai harsatna avang a exam ve thei lo,talent nei tha si kan hai chhuah theih ka beisei tlat.
June 5th, 2011 at 7:58 pm
37# tuaisial phi chingiauh ka kaphlum chr
June 5th, 2011 at 8:20 pm
Ngaihdan tha, hmasawnna keng tel a ni. Ti tak tak ila, hei hian Mizo thalaite zingah a constructive zawngin hna a thawk ngeiin ka ring tlat.
June 5th, 2011 at 8:45 pm
A ngai lo! Vanlalpianga kan nei sa reng alawm! 😮
June 5th, 2011 at 10:09 pm
41# lol
June 5th, 2011 at 10:18 pm
Ka tel hman awm chuang silo thlanglo mai rawh u. lawmman a tam dawn em? Hna nghet, sang thawkhat min offer loh chuan ka duh dawn emaw ni le? 😀
June 5th, 2011 at 10:33 pm
MPSC te tih ah dah ta mai ila.. 🙂
June 5th, 2011 at 10:38 pm
Mi turu kan hriat leh an chanchin te evidence nen tar chhuah vek a, chuta tanga vote tawp anih loh chuan exam khi a hlawhchham ngeiin ka ring. Mithiam leh mi turu tam tak tello tur an awm nawk ang. 🙁
June 5th, 2011 at 11:32 pm
ngaihdan tha tak a ni. A tirah hlawhtling lo mahse, awareness a siam chuan a hlu alawm le.. (Y) (Y)
June 5th, 2011 at 11:36 pm
That hmel viau mai.
Zaithiamah chuan kan intodelh khawp mai. Kum 5 chhung zaithiam hi chhuak lo mahse kan la intodelh khop ang.
June 5th, 2011 at 11:51 pm
Thil tha chu a ni e, mahse hetiangte chu thil tak tak a ni a (Icon/Idol thil tak tak a ni lo ka tihna ni lo vin) hetiang inelna a tel ngam chin te chuan a tak ram(IAS/IPS,etc..) a tum chat an thlang zawk lo maw ka ti deuh.
June 6th, 2011 at 1:31 pm
Va tha dawn e………idea tha tak ani… 🙂 🙂 (Y)
June 7th, 2011 at 1:34 am
Ti tak2 ta se A rawn post tu hi a in contest v ngam ngem le? 🙂
June 7th, 2011 at 2:10 am
A that viau hmel rualin a utopian mah mah lo maw i rawtna hi. Hetianga a chhip thuai lam ai chuan a bulthut lama tan laka Central Sawrkar hna lak zawng zawng innghahna NCERT syllabus zir nachang kan hriat ve hunah chuan hma kan sawn ve em em ang. Phaia tette atanga sikul kal ve thei lo tan chuan NCERT lehkhabu ring ho han el chu a har ve bawk a ni. Thil tih hup hup leh lar zawnga promote kan tum zel chuan kan value system hi a chhe tawlh tawlh zawk angem le?
