Tukin zinga (23.7.2011) ka thil tawn chuan ka ngaihtuahna a tithui hle mai. Chiang lo nuaiin lungawi lo takin kan post nuaih teh ang. Treasury Square Traffic Point leh Dâkin pui inkara kawng rawn chhuak (khawilai veng rawn chhuahna nge pawh ka hre lem hlei lova) atang hian Car pakhat man tlawm tak chu a ni lo tih hriat tak hian Dâkin pui gate bula maia nû berh ve tak pakhatin a intunnun nan a rimtaka a thawh chhuah ni awm tak a thlai rah leh hnah zawrh a pho ve te chu a rawn chil pêr phei hmiah hmiah mai a. A zuartu nu chu a te chul a, Car chu a ding ve mai bawk a.
Car atanga rawn chhukin eng emaw tal a rawn sawi dawn a maw tih nak laiin, a Car chu an hnung tawlh leh a, thlairah thenkhat leh a neitu nu in a la pho chhuah loh ip-a a dah te chu an hnawl phei leh a. Midang zing bazar lo awm ve te nen chuan ding hrih tur chuan kan han au a. A zuartu nu in hmanhmawh taka a thlai a chil chhiatsak leh a him la awm chhunte a huikhawm lai chuan ngaipawimawh lo tih hriat tak hian hma zawngin a car chu an kal tir leh hret pek a. Nu thenkhat bazar ve mek te chuan la ding turin an hrilh leh a. A neitu nu in a thlai vel a hui khawm zawh chuan Car chu muang changin an kaltir a. Ngaihdam dila thuphachawi chu khawila engmah thleng lo ang maiin a zuartunu leh a thil chil chhiatte pawh chu en miah lo chuan a tlan nal nal zuk nia.
Ka ngaihtuah a, eng ang mi tak ni ang maw? Amah ka hre lo a, a car hming pawh ka hre chuang lo. Kum 50 bawr vel, mipa puitling tawh chhia leh tha hre rual chu a ni tawh tih chu ka hria. Eng tia thupha pawh chawi lo a tlansan mai thei nge maw a nih ang aw? Nge vawi tam tak khalai bawrah khan thil zuar lo turin an hrilh tawh ang a, an sawt loh avangin a rawn ti lui zawk niang? Chu pawh chu nise, inrinni zingah bak te chuan an inzuar awm chuang si lova, bakah mihring kan tam tawh a, bazar inpho chhuahna tur pawh kan indaih tawh lova, rethei te te ten an intunnun nana an thlai an zawrh ve theihna hun zing khat lekah te chuan hriatthiam ve mai awm te ka lo ti ve mai mai a. A eng pawh chu nise ka ngaimawh tak ber chu khatianga a chet tawh hnu pawh a en pawh en lo leh tawngkam khat pawh nei lova a tlansan thei kha a ni. Dinhmun inchen lo tak pawh nise mihring ve ve, mizo ve ve lehnghal; milian leh mitê te inkar hi a lo va inthlau tawh awm em em ve tih te ka ngaihtuah thleng ta zel a nih hi.
Kha pa kha i pâ emaw, i pû emaw a lo nih hlauh chuan maw, eng ang a thiamna nei tha leh milian pawh nise a chet dan leh a mizia atang khan mi awhawm lo tak a ni tih i lo hrilh dawn nia. Amah ka hre lo a, ka hre chak bawk hek lo. Ka ngaihdan chuan kha pa kha maw ‘Mi lian thaw uih’ an tih hi a ni ngei ang.
Similar Posts:
- Eizawnna neite hi mi zahawm an ni.
- Rahpuah Bomb
- Kawng kam chawhmeh bazar.
- Mi Dang Tẩn Krismas
- Kan damdawi leidan hi!!!!
July 23rd, 2011 at 12:50 pm
thi nghal roh se cu pa cu. A motor darthlalang cu in vawm keh lo nia.
July 23rd, 2011 at 12:50 pm
.
July 23rd, 2011 at 12:51 pm
hei zet chu…. Mirethei a hmusit hle a nih hi… Eng ang a mi lian pawh nise keini mirethei ho pawh hian mi chapo hi kan ngaisang chuang bik miah lo…
July 23rd, 2011 at 12:53 pm
Engtin nge in chhuah tawp theih a?
July 23rd, 2011 at 12:55 pm
Pu R.Tlanghmingthanga te in panna kawng, Venghlui road a nih chu i sawi chu.
Chuti khawpa ngaimawh chu a bul ah engmah i sawi chuang silo, i hlau ve deuh a ni lomaw 😉
July 23rd, 2011 at 12:56 pm
Hnamah a chiang lo a nih ngei dawn khi (N)
July 23rd, 2011 at 1:02 pm
Thaw uih’ tih lai tak hi inhnaih tawkin ilo inhauh pui anga a thawk khum hem2 che anih hi ka lo ti don hman alom le ….
July 23rd, 2011 at 1:03 pm
ekhai ooo.. Chu engmah ti lovin in en liam mai2 a maw.. a va mak ve..kei chu han awm ve i la chu aw.. ka en liam ve mai2 thovang. Haha.
July 23rd, 2011 at 1:06 pm
A motor number tal lo chhinchhiah tur che alawm. Heti ringawt chuan phun lungawi bak tihtur dang a awm chuang lo.
July 23rd, 2011 at 1:15 pm
Tuten emaw chu car number chu an lo chhinchhiah ang chu maw. Eng emaw taka example pek a ngai anih chu. Kum 15 lungin tantir nge Ni 75 damdawiin ICU ah kan dah ang?
July 23rd, 2011 at 1:18 pm
I sawi hmang khian thlai te khi chil luih tum hrim hrim a ang ka ti. #9 ang khian lo ti ta ula, Police lam tal hriattir awm tak a sin mawle. “Tlem back la..” case ang vel tho kha a nih hi.
July 23rd, 2011 at 1:20 pm
(N)
July 23rd, 2011 at 1:21 pm
A car thla tal chu lo la hmanin rawn post chuai chuai mai la tha tur…
July 23rd, 2011 at 1:23 pm
Sports news: China 1-2 Laos,an chawl mek. China-in extra time-ah mawi takin goal an khung. Kan ram paw’n zan dar 9:31-ah UAE kan khelh dawn kha aw…
July 23rd, 2011 at 1:24 pm
A hrim hrim ah khawdang hi eng kan ang ka tihna nilo in Aizawl ah hi chuan khawdang zawng aiin hausa leh rethei inkar hi a zau zual bik emawni aw.. a tih theih.
July 23rd, 2011 at 1:33 pm
Kristian ram kan ni miau alawm le
July 23rd, 2011 at 1:34 pm
A zakve chem chem ang chu aw, ala har chiahlo a nih dawn chu. Rs.1 pawh chawilova intlanliamtir ringawt chu inthiamloh a ni. A post tupa ka dem che.
July 23rd, 2011 at 1:35 pm
‘Aw misual fing leh rilru chak tak te u, chhantu neilo ten an au a che u. Huai takin “Kei chu misual alawm ka nih” tiin i ri pawp ngam dawn lo em ni’
😉 😀 😛
July 23rd, 2011 at 1:37 pm
Vawih khum ila that don chu
July 23rd, 2011 at 1:40 pm
Mi lian thaw uih diktak anih dawn chu! Nakin zelah pawh a tluang biklo twp ang. Tiang rilru pu ho hi chu pathian in an phu tawk hremna a pe duh chawk….
Engpawh nise keichuan chu pa chu ‘mi anglo’ ah ka ngai….
July 23rd, 2011 at 2:04 pm
Vai thlavang hauha mizo hmusittu a nih kha…han ti mai ila…phunin awm zia a nei ve mahna le
July 23rd, 2011 at 2:07 pm
a hmalam boruak kan hre lova, ngaihdan siam har ka ti deuh. ‘Ka dawr hma kalna dip deuh mai hian burma underpant, disc, phone bawm, charger…adt. an lo pho leh hung thin, hmanhmawh deuh chuan kal velna a dipin ninawm tih chang ka ngah mai. tute emaw anga ‘ka dawr kawtah chuan ka phal lo,midang dawr kawtah.. ti a han ‘hnawhchhuah’ ngawt lah ka biak pathian thu nilo deuhin ka hre sia. ka rap palh hreh lo zeuh zeuh.
July 23rd, 2011 at 2:23 pm
Engtinmah in tilo a nih pawhin a motor number tal lâk tur alawm maw le post tupa. I sawi dan hmangah hian a tlan liam nghal mai lo a nih hmel a, lo chhinchhiahna hman chu a awm asin maw le.
Engnge a motor no. neih chu a tangkaina? i ti maithei. Court ah emaw kalpui ni dawn lem lo mahse, a motor no hi misual.com ah te, chanchinbu leh fakselna lamah te pawh vawrh chhuakin a tihmualpho theih a, a effective ve em em tho tih hriat tur a ni.
@ keipawh pc-a iângin ka DEM che.
July 23rd, 2011 at 2:25 pm
Mi chapo, misual a nih chu. A Car leh amah an damrei ngutna maw. Inrinni-ah chuan Dak Inpui atanga City bus stop thleng hian an in zuar thin.
July 23rd, 2011 at 2:26 pm
“Zawng hmai eng zah mah ana” an tih laia mihring hawihhawmna nei miah lö mihring hi anlo va tam ta em!a hmai chhan ah khan han zilh hlak la tha tur nia.
July 23rd, 2011 at 2:28 pm
Tunlai mobile phone ah camera a awm zel tawh a, i mobile khan a thla tal lo la hman la a zia tur a ni le…..heti chuan action lak ngaihna ka va hre bik lo ve aw…. 😛 😛
July 23rd, 2011 at 2:29 pm
WC qualifying result: China leh Laos inkhel an zo ta. A hmuhnawm rem rem khawp mai. Laos pain China pa goal khung tur a man beh avangin card eng a chawia; China-in penalty an hlawh phah. Laos ho an lungawi lo. Refree an hnial luih luih vela; card eng dawngtu a khan card eng dang a hlawh leh phahin an hnawtchhuak hmek. Minute 45 chhungin Laos-in mak tak maia goal hniha hma an hruai laiin China-in si sarih ngawta thungrulin phuba an la. Vawiin hian match dang pawh a la tam a nia…
OT lawk a nih hi, thinur thu sawi sawi ai chuan min ti hlim zawk mahna…
July 23rd, 2011 at 2:54 pm
A motor number ila lo nia! Ila a, i ziak tel ngamlo zawk nge ni…i neih chuan han tarchhuak la, khawpui chanchinbu ah pawh tlawmngai takin han chhuah tir law law teh khai.
Ka huaisen hranlo, mahse…. avan pawi e aw (N)
July 23rd, 2011 at 3:36 pm
ava rapthlak em..a veng awmna vel chu a chhui zawn theih ka ring..tih mualpho ngei2 a ngai,thil a zir a ngai.. Aizawl lam misual Rothap tak2 te khan han investigate teh u… Vuak sim a ngai…thinrim thlak tlat..
July 23rd, 2011 at 3:37 pm
A motor no lo hre hlauh la ooo…ava che mak ve MIZO ve si chu
July 23rd, 2011 at 3:44 pm
I mobile phöne-ah camera a awm lo a mi le?
July 23rd, 2011 at 3:54 pm
Hetiang hi ka naupan lai in kan tawng tawh a, kan thlai thar kan thutpui a, mi dawr kawt ah, a dawr neitupa alo kal a, min rawn hau tak2 mai a, van zahthlak duh tak e aw, tun a, bazar highmast bul, mobile zawrhna opposite ami khu ania. Ka theihngilh thei tawhlo reng2,
July 23rd, 2011 at 3:56 pm
Vai ramah chuan nise milian thawuih pa hi an deng hlum thak ang
July 23rd, 2011 at 3:56 pm
Kan ngaihtuah nawn leh thin a, khita thlai zuar khi ka lainatna a zual tawlh2 mai ka ti.
Post tupa, tunge anih hriat lo tum hram teh a! :-S
July 23rd, 2011 at 3:57 pm
Dog lip a rawn lut ang a, a ui hmui or hnar hmangin a hnim zeuh zeuh ang a, a rawn chhuichhuak leh vek mai ang.
July 23rd, 2011 at 4:03 pm
a motor number tal hriat a, lo post tel tur alom le.khitiang chuan a chhungte/thiante pohin an hre nang.
July 23rd, 2011 at 4:05 pm
Tuaisial kei chu awm ila, tha hrui ngahlo te pawh ni mah ila, ngawi reng in ka enliam lo tawp ang… :-S
Chu thlai zuarnu chu ava lainatawm ve aw… 🙁
July 23rd, 2011 at 4:24 pm
Mizorama misual leh sualna an zalen lutuk mai hi chu aw…a vei awm mang e. Hnam huaisen kanni em? Tih zawhna ka thinlungah a lo ri leh ta tlut tlut mai.
July 23rd, 2011 at 4:38 pm
Ava’n che uih tak ve, a video/pic lo la la tha tur ania.
July 23rd, 2011 at 5:06 pm
the other side: motor keng lovin ka bazar a, kan chhungte damlo, hmanhmoh taka damdoiina hruai ngaih thu call ka dawng. Hmanhmoh takin ka haw a, ka kal pahin motor a chhuah lok ka ngaih thu hrilh pahin motor leng turin a thil zawrh ka pawh sawn pui. (bokbon bag leh tomato percel kha ka put sawn sak a ni) chuan ka chho ta a, a lo pawt pharh leh a nih loh chuan ka leng chiang tih ka hria. Muangchangin ka kal. An au thawm ka hria a, ka ding. Hma lamah dahsawn ngai a awm aniang tiin ka back. (darthlang ka up vek avangin an sawi ka hre lo) brick bungin min lo dal. (nangni’n chawhmeh bag in ti) chuan.. muangchangin ka kal leh ta a. Ka motor rah tur chin ka chiang. Ka dahsawnpui thlap. A lo dah darh leh kher a nih ka ring. Aa, engpoh nise, ka damlo hruai tur kha ‘stoke’ vanga tlu a nia, a hmanhmohthlak em a tin ni, min lo hrethiam teh u. pawi ka khawih tih hria ila, tawngka tal chuan ngaihdam ka dil em em ang.
July 23rd, 2011 at 5:16 pm
Sammoo poh hi a tidik ve khauh thei tho mai …
Zion Street velah phei chuan Veng hruaitu ten kawngkal tan a hlauhawm tia inpho an khap a an au an au chung pon an thu lui a , kawng a ti chep bok nen voi2 vel chu kawngkal motor in a tai phah toh (an na lo hlauh) …
July 23rd, 2011 at 5:39 pm
sammoo teh duah chu, enge a awmzia, i harh maw.?
July 23rd, 2011 at 5:40 pm
#41 ni tho mai, mahse thupek kenkawh hi mimal a lo kenkawh ve ngawt chu dik lovang, upper bazar velah pawh khian police te’n an khawm sak nawk nawk chu ka hmu thin a, chil chhiat sak kher kher chu a run thlak deuh a lawm le, Vainu ho angin tinge chapal a an vuak zui hrep loh.
July 23rd, 2011 at 5:41 pm
Eye witness ngei in an sawi chu a awih awm e.
He pa hi a sual hle mai. Pathianin a zirtur tak a hun takah a zirtir em em ang.
July 23rd, 2011 at 5:44 pm
saint sampoo: Iva hriat chian hmel lehsi ve, nangmah ilo ni reng lo maw. 😛
July 23rd, 2011 at 5:47 pm
@pc: ka harh. post i chhiar lo mi? Ka harh leh harh loh chu Henry-a post ka komen khi chhiar la..hehe (fiamthur)
July 23rd, 2011 at 5:49 pm
sammo..ngaihdam chu han dil mawlh te khai (Y)
July 23rd, 2011 at 6:16 pm
Sammoo rinthu hi a dik theihna chance hmun maktaduai khatah hmun .5 chiah a awm.. 😛
July 23rd, 2011 at 6:22 pm
@ts: hmun 12 vel tal ti ve la…
July 23rd, 2011 at 6:37 pm
Chu pa chu a thaw uih mai nilo in, a tho a tel deuh a ni lo maw? Zan lamah an nu nen an service tha vaklo a ni ang. 😛
July 23rd, 2011 at 6:45 pm
Sammoo hi a comments hi a consistent lo thin khawp mai a, midangin an hman sak leh ani mai thei. A lo dik anih pawhin, kan ngaihdam adil a, a glass up leh ruaibut lutuk avang a, a thil tih pawi pawh a hriat loh thu a sawi bawk. Mahse, Misual courtah FIR theh luh ani ta si a. Ka ngainat berte zing ami ni mah la, Justice in thian a hre si lo. He thlai zuarnu hnenah hian thil awmzia sawi fiahin ngaihdam va dil rawh lem Tin, a thlai i chil chhiat sak hu vel chu pawisa i pek a tha ang. I tan chuan mi 1 inentirna fee ang chauh a niang. Chuan, kan inkawm leh dawn nia.
July 23rd, 2011 at 6:45 pm
Hmun 12 chu a tam mah mah. He milian thaw uih hi a thaw chang a uih ka ring lo.
July 23rd, 2011 at 7:19 pm
ka ruih deuh hi chuan a hniak tam lam zuia a nawlpui kalkawng tanga han pen deuh hi ka chak tlat thin a lawm maw le. Pk. Ka ngaihdan dik tak tur chu i hriat tho ka ring. Fiamthu ah min lo ngaihsak hram dawn nia. ngaidam.. ngaidam..
July 23rd, 2011 at 7:25 pm
53. Pheww, what a relieve.
July 23rd, 2011 at 7:39 pm
Ngaihdan mumal nei manglo leh mi ak ruala ak ve mai mai, a lehlam thu(tur) pawh ngaihtuah pui mang lo (eg. ¤¤-a) te chuan ka post thar tur hi an helh ngawt ang. Chapo rawh, incheina duhtui suh, tawngtai ngawt suh..adt. tih lampang a nia..
July 23rd, 2011 at 7:48 pm
Vawiin lamah ka post ka lo enkawl hman lova ngaihdam ka dil e. Ni e, insawi ang khian eng mah ti lova ka lo en liam ve rigawt chu zahthlak ka ti khawp mai. Mahse, aia upa nu leh pa zawk bazar ve te pawhin eng tin mah ti bik hek lo, ka lo en liam ve ringawt lawm le. Tin, car no, a motor thlalak tih vel kha chu ka lo ngaihtuah thleng lo re re lawm. Chawhmeh zuar pitar hmel khawngaihthlak ringawt khan mit a la tawh zawk a. Engmah information kim chang ka pe thei lo che u chu pawi ka ti khawp mai. Kan inpha mar vel a ni e.
July 23rd, 2011 at 8:00 pm
a reng rengah misual a post a awm hian ngaihtuah chiang mang lova komen vak kan ching riau. Eg. mi pakhatin a nupui a vua…adt. A nupui chuan vuak a phu reng a niang, a nupui thiamloh zawk a niang a, ka nupui pawh nise ka vaw em em ang. adt.. Tih pawh ngaihtuah thleng lem lo. Tawngkam chhe tak2 a lo komen ve vak2 kan tam. Ngaihtuahna i hmang zau deuh ang u.
July 23rd, 2011 at 8:12 pm
@kiddo…a car rong tal i hrelo ami…(la t hram)..heheh
July 23rd, 2011 at 8:33 pm
@jAf, a hring dal, a pâwl lek lek:D
July 23rd, 2011 at 9:31 pm
Mizo pa ngaihdan tlanglawn ah chuan Car nalh deuh leh building pangai ve deuh hi ‘ego boosters’ pawimawh ber anni. Hetiang nei chin hi chuan fing ber emaw an inti ringawt mai thin. I car khalh tupa han sawi pawh hi a ego a boost tha tawh ber ber em a nih hi. Chuan hetiang chi hi chu an tam ve phian ang zawlkhawpui ah hian.
July 23rd, 2011 at 10:05 pm
phal lohna hmuna in zuar mah ni se a chet dan chu a dik zan lo khop mai…a Mizo lo hle mai ti teh agg…
July 24th, 2011 at 5:20 am
khawi aww
July 24th, 2011 at 11:13 am
a motor no. leh a car model tar lang tel ula
July 24th, 2011 at 12:22 pm
a va han sual ve! nge motor khalh a zir zawk? i chiai hma lutuk a nih chu mole.a color in sawi hmang khian A-star nih duh hmel.ka tthin a tirim tlat.
July 24th, 2011 at 4:09 pm
35 TS Khupchong khawngaih takin min provoke zawngin min rawn hmer tel tawh lo ta che. I post leh post dangah vawikhat mah ka la rawn hmertel ngai loh lai chein tun tumah mi rawn hmer tel leh nalh mai a. A vawi 2 na.
July 24th, 2011 at 4:21 pm
Nia mawle … pu tuaia poh chu mawlee