TUNLAIA KA NGAIMAWH THENKHATTE - Hmingtea Sailo Lecturer, Computer Technique, Govt. Republic HSS
A. Civil Hospital, Aizawl leh Septic Tank thli: Civil Hospital chungchangah hian sawi neuh neuh a tam hle a. Tui thianghlim a awm mumal loh dante, a hmun leh a vel tawp dante nitin chanchinbu ah tarlan a ni thin a. Kawng lehlamah chuan hetia mi thahnem ngaite au thawm hi a thlawnlo a tih theih ang. Chuvang chuan tunah pawh hian duhthawh takin hethu hi ka rawn ziak ve a ni e.
Civil Hospital Compound chhung, Nursing Hostel bul, Lab Technician Pu CL.Thanseia te chungkaw chenna chhaklam atang khian Septic Tank leak a awm a. A thli rimchhiat zia chu turu tak a ni. Ka sawi thiamtheih dan ber chu- misual hrem nan hmang se, a rimchhiat em avangin an thiltihsual an sim ngei ngei ang.
Hmanah khan Pu CL. Thanseia unaunu ruang chu helaia ka sawina hmunah hian lak a ni a. Hnahlan lamah thawnchhoh a ni. Hemi zan hian Septic Tank thli rim chu ka hre ve a. Inchhungah pawh a thut hleih theihloh. Chuvang chuan kan Hospital thuneitute leh hma lathei tute hian ngai pawimawhin, a rangthei ang berin helai Septic Tank thli rawn luangthla thin hi tihtawp vat a tul a ni.
B. Sumo/ Taxi chhunga Zial zuk leh Tuibur hmuam: Ka ngaihpawimawhna a rei tawh khawp mai. City Bus- ah chuan mi a ngawih ngawih tihloh chuan an ching tawh ngailo na a, Sumo leh Taxi ang chi- Passenger phur Motor angah hian Zial zuk leh Tuibur hmuam hi khap a la nihloh avang hian a ngampa riau.
Khualkhua- a han kal chang ni hian Sumo leh Motor dang dangahte kan chuanglo thei thin si lova. Motor rui thin tan phei chuan hethu kan sawi mek hi chu huatthlala tak a ni. Sumo chhungah Zial an han pak khu luih luih mai te hi aw.. ‘a zu tute khan kan ruih ai rui thei se’, tih vawng vawng a awl khawp mai!!
Zial hi ‘Silent Killer’ an tihna chhan pawh a zu ve lo, mahse a zu bula awma a rim leh khu lo hip luhve avanga natna neihphah an tam avang a ni. Kan Motor chuanpuiten an zuk a, kan zuk ve siloh chuan Zial zu mite hi anlo ngeiawm duh khawp mai.
Sumo Driver thenkhat hi chu mahni Passenger- te care nachang hria- zial zulo ngam an ni. Heng mite hi an fakawm ka ti hliah hliah. Thenkhat vethung chuan, ‘Minlo tan teh’, an tichhen a. A khat tawkin an Passenger- te hipluh turin Zial an han petkawh vel a! Ka thinrim deuh chang chuan Zial ka lei ve a, ka zu nghek zel!! Tin, Driver thenkhat chuan Tuibur an hmuam ve bawk.
Meizial khu leh Tuibur rim hi a zu velo leh a hmuam ngailote tan chuan a rimchhiat dan chu turu tak a ni. A zu leh hmuam chu an thaw rimah pawh an hriat a. An taksa rim ah pawh a hriat. School naupang zialzu ru thinte pawh hi an rim atang hian a hriat khawp mai. Tukkhat chu ka Student pakhat hi Zial rim a nam ka tikhawp a. Ka zawh chuan, ‘Thianten min zukkhum a,’ zu ti a!! Awih awm loh loh!!
Taxi leh Sumo Driver te hian an Passenger- te Meizial leh tuibur hmuam tur hi khap thin se tun ai hian zin veivah a nuam zawk ngei ang mawle. Tin, chutiang anga Zial zu lo leh Tuibur hmuam lo theilo ang chi chu phurlo ngam se a lawmawm ngawt ang. Hetiang ang kawngah hian Driver fel leh mahni Passenger- te ngai pawimawh chu an hriat khawp mai!!
C. Kawngpui sira lehkha leh Poster tar: Kan Khawlaia bawlhhlawh tla chauh ngai pawimawhlo hian kawngpui dung sira khawi emaw laia lehkha tar a, thianfai lem lova kalsan leh daih thin hi Mizo mipuite hian kan bansan a ngai a ni.
Mi fa tu tute emaw cassette release tur hriattirna leh sawmna te, tute emaw huaihawt Concert neih tur thu inziahna kan kawngpui dunga tawp tak taka rei tak thleng intar terh tuarhte hi kan ngaihtheihloh hunah chuan tun ai hian ka kawngpui sirte hi hmuh a nuam zawk ngei ang.
Entirnan, Civil Hospital bula City Bus Stand Shed bangah sawn lehkha tawp tak takin a intar thin a. Tin, Zarkawt- a City Bus Stand- ah te, Khatla- a City Bus Stand angah te., etc. Heng hi a tawp a, hmuh a nuam miahlo. Khawlai kawng hrula lehkha kan tar leh tuarh mai thin hi engvang nge ni ang a, engin nge maw ni mawlh hlawm ni?
Hawh teh u, i bansan teh ang u.
D. Tuihawk luankawr: Aizawl khawpui kawngpui chhiat hma nachhan pakhat chu Tuihawk luankawr kan neih thatloh vang a ni. Kan Sawrkar hian hei hi tun ai hian ngai pawimawh leh zual se, Kan khawpui chhunga kawngpui dunga tuihawk a luan dul dul lohna turin Side Drain tha tawk hi vengtin, khawtinah siamchhuak vek se a lawmawm ngawt ang.
Similar Posts:
- Ka ngaimawh zual thil paruk te
- Sumo chesual-ah mi 3 thi
- Ngaihsam
- Aizawl-Lunglei Sumo Accident ah 2 thi
- Zuk leh hmuam
November 10th, 2009 at 6:46 pm
@Hmingtea: Post tha khawp mai. Pawimawh em em bawk. A veiawm mai piah lamah thuneitute beng thleng ngei se a va tha em!
Report this comment
November 10th, 2009 at 6:51 pm
Dik hlawm hle mai..
Report this comment
November 10th, 2009 at 6:53 pm
Hospital ber berin tuithli a nei uih a, Celebrity-ten khawpui kawngpui dung an titawp a, Sumo leh Taxi-ten NO SMOKING an nei ve lo va, kawng a chhiat bakah tuihawk luankawr a awm fumfe lo … Pulpit atangin Corruption hi do hlawhtling ngam sela, corruption a luah luhna hlawhtling ber chu Kohhran-ah a ni si! :mrgreen:
Thli-uih neih a tul a nih chuan Vairengte-in Lailapur thli thla sela, Celebrity-te pawhin Beraw Tlang-ah chauh an intihlarna Poster tar tawh sela, Sumo leh Taxi-te pawhin meizuk leh tuibur hmuam khap sela, an thei lo a nih chuan Cigarette package leia zuk khum ve nghek ni hlawm se … Corruption sum hi a luankhawm lehna Kohhran-ah ni tawh lo se … :roll:
Tak taka na … NGAIMAWH hi kan nei a, kan ngaimawh hi a secondary daih tawh a. Tuithli uih ai chuan tuithli uih rawn chhuahtute, Kawngpui dunga poster tar ai chuan a tartu Celebrity-te chethmang, a TITUTE chat chat hi pan chilh an ngai.
Report this comment
November 10th, 2009 at 7:04 pm
A dik lutuk…
Report this comment
November 10th, 2009 at 7:08 pm
i septic tank soi chu a rim a na hle tak mai a. i ron post rual chiah pawh khan mi(sual).com ah poh tlem chu a ron nam lut deuh hak alom le
Report this comment
November 10th, 2009 at 7:12 pm
A va ngaimawh awm hlawm ve mawle. Kan khua a lian/pui tulh tulh a, kan tawp lian tulh tulh mai a ni maw!?
Kawngsir zun, chil chhak phurh phurh, hnap hnit mai te leh hrawk tih thiang rik hruih hruih te/ a then phei chuan an la chhak zui… hi a mawl thlak ka ti
Septic tank leak misual hrem nan hman dan tur lai tak khi, hnim tir ta se a tihna aniang chu maw?
Report this comment
November 10th, 2009 at 7:14 pm
Septic tank leak rimtui tak ka la hre ngai mang-raih lo! :oops:
Report this comment
November 10th, 2009 at 7:19 pm
Tunlaia kan ngaimawh zawng a va in ang lo awm ve a!!haha. Tho la thawk ta che!! Tu tih ah nge i dah a?!! Hma hruai la kan zui ang che!!
“Kan duh tak tak a nih chuan vei ringawt lovin a tih a kan tih a ngai” ……. Ka fiamthu mai mai a nia!!!
Report this comment
November 10th, 2009 at 7:20 pm
Huat awih loh.
A ziaktu khian a motor (a neih chuan) hma ah a nihna khi a tar tel mai lovang maw?
A lehlam ah chuan a tih dan khi a tha viau bawk. “Hetiang hi keimah ka nihna chiang tak a tar langin ka sawi chhuak ngam a ni,” a tihna ah ka ngai lawi a!
Report this comment
November 10th, 2009 at 7:23 pm
Hetiang post hi a tha ka ti lutuk. @hmingteas, ka support che.
Chhandamna campaign kan ngaih pawimawh ang bawk hian Clean Air/object Campaign hi Kohhran pawh hian ngai pawimawh ila,Pawl hrang hrang (YMA,MHIP,MZP,ZDU, etc.,) te hian helam hi “var pawh” bawk ila a tha awm e.
Report this comment
November 10th, 2009 at 7:24 pm
HV & chawnghilh: septic tank leak hi kawngna zut nan sapramah an hmang thin an ti a. tak tak a niang ti ro?
Report this comment
November 10th, 2009 at 7:26 pm
Tai-te, Karimganj design a ni ve tlat lo…tra la la la la
Report this comment
November 10th, 2009 at 7:31 pm
@Deedeei Pa: “i fiamthu mai mai maw?” … i fiamthu mai mai khan min rawn khawih thuk khawp mai ka ti! Zir tur pawimawh tak ka chhar hlauh chu … copy n paste hmakz … ka lawm e
Report this comment
November 10th, 2009 at 8:49 pm
Kei, ka ngaihmawh leh ka nin em em mai pakhat chu “Noise Pollution” hi a ni.
Kawngpui an-ah kan awm a. Zan reh leh zing reh pawh a awm tak tak thei tawh lo. Zan rei tak thlengin Bike, Exhaust Pipe (Silencer) modified an tlan ri tuar tuar a. Zanlai pelhah Truck lian Full Load rawn inzui duah duah, kawngkawi bulah Brake an han rap kiu ruai ruai bawk a. Kan phu zawk zawk reng a. Engemaw changa zurui au pawr ri hriat tur awm zeuh zeuh bawk nen!
Traffic SP hian Two Wheeler Side Mirror vuah lo buaipui vel mai mai ai chuan ‘Bike’ ri bengchheng lutuk hi buaipui ta se chhawrtu kan tam zawk daih ang maw le. Nge ni, kawngpui an-ah an awm ve lo a niang e!
Tin, zan chu sawi loh, zing hma tawk takah Arpa khuang thlaktu kan ni e ti niawm fahranin Vengchhung Information Horn a ri tuar tuar reng bawk a! Veng 3 inrikhawmna bula awm kan ni bawk a, pui dep dep tak a ni!
Zoram Khawvar hunah chuan Zawlkhawpui-ah hian ka va awm lo rua em!!!
Report this comment
November 10th, 2009 at 8:52 pm
ka leng lo anih ber hi maw – kei bawlhhlawh hi
Report this comment
November 10th, 2009 at 9:02 pm
Ka ngaimawh ve thenkhat te.
1 Tuai
2. Engkim maia “Pathian,” tih kan lam sek hi. Ringtu chuan, mi hmuhah a nunpui zawk tur ah ka ngai.
3. Eiru te kan ngaisang hi! Kan hmusit ngamlo!
4. A taka ram hmangaihna politician kan nei lo thin hi.
5. Zuk leh hmuam, chapo, mi hmuhsit, intih vei kan ching hi.
6. Inti changkang si a kan tawp lutuk hi.
7. A hlauhawm em tih ngaihtuah miah lova, in kan sa vak vak mai hi.
8. Incheina kan buaipui lutuk hi.
9. Inkhawm turin Bible leh hlabu an keng kher hi. Tet te atanga inkhawm tawh chuan Hla thu te chu hriat ve tawh awm tak, intih vei na lam a hawiin ka hria.
10. Excise, police leh sawrkar rel zut zut a, a taka nawr/pui peih miah loh. YMA etc te hian an duty peih ang hian sawrkar hi nawr ta selang chuan police leh excise te tun aia tam duty tur an nawr chhuak thei ngeiin ka ring tlat. Kristian ramah dan lova khawtlang duty insiam hi a mawi ka ti hlawl lo.
11. Kan kianga awm ten an ning em tih ngaihtuah miah lova mei zu khu luih luih, sahdah hmuam, tuibur hmuam, chil chhak phurh2, khak chhak etc.
Khing te khi ka ngaimawh zual te zing a mi an ni. Ka fel bik e ka tihna erawh a ni chuang lo
Report this comment
November 10th, 2009 at 9:07 pm
@HV: “Amen” ka pe e. Thil 1 OT lok. Kha lamah khan ‘Bai’ (chawhmeh bai) hi eng ang nge in ve thin? A buaithlak em?
Report this comment
November 10th, 2009 at 9:12 pm
kan zoram khawvel a hnamdang vai ho nuam ti lutuk(hnamdang hmusit leh pawngpaw huat ringawt lam ni lovin) leh Mipa te hmeichhia aia kan thatchhia hi vei awm ber ka ti.
tuai leh kohhran tih vel ka vei hman lo
Report this comment
November 10th, 2009 at 9:20 pm
Z_G, Zawngtah thlengin a awm ve vek alawm. Chingit hi chu Azl atangin chhungten min rawn thawn mai thin, kan tlachham ngailo. Saum pawh ka nei tui lutuk yum yum…
Report this comment
November 10th, 2009 at 9:23 pm
a dik chhiah mai,thianghlimna leh kal dan phung tha hi a pawimawh khawp mai.Khawvel ram changkang apiangah an ngai pawimawh.
Report this comment
November 10th, 2009 at 9:25 pm
kan ram chuan hmasawnna tur a la ngah hle mai maw.
Report this comment
November 10th, 2009 at 9:28 pm
@HV: a that nasat chu. Vawiin tlaiah Tumbu Bai leh Maian Bai tui em em mai kan hmeh a. Chaw ei an siam laiin Tumbu Bai kha a tui hmel si a, ka rawn hre deuh che a, pic ka la vel maw le
Kan chhungkua hian chawhmehah chuan Mizo Bai hi kan ngaisang ber a, an siam thiam bawk. Bai tello vin chaw kan ei ngai lo tih ka rawn OT pui mai mai a nih chu. Kar hla danah 
Report this comment
November 10th, 2009 at 9:32 pm
Mizoram a kan ei thin ang tho, Mizo chawhmeh pangai ti mai ang, kan siam dan a siam bak kan ei ngai lem lo. Chawhmeh chi hrang hi Mizo hian kan neilo em mai pawh a. Hmar-bai tih vel thak tak maiin ka hawp hluam hluam thin alawm.
Report this comment
November 10th, 2009 at 10:41 pm
Ni e, uih khawp mai.
Report this comment
November 11th, 2009 at 1:40 am
ok
Report this comment
November 11th, 2009 at 8:10 am
Septic tank leak Vel hi chu sawi ve lo law2 mai ang.Tlem a heng ho ai a minor case(?) ninawm tak mai chu, kawtkai vel a ui an rawn E ziah hi a nia ka nin!Ui chhuah khapna dan te kha kan la nei a ni lawm maw ni le!Threnawm hnai ui nei ho lah hian hei chu kan ui ek a ni lo an ti thlazen zel bawk sia,Threnawm in hmuh thiam loh phah hlauh nen kan thra awm vel mai2 a ni.
Report this comment
November 11th, 2009 at 8:48 am
Aizawl a vei hle nih hi! Clean Aizawl member a nih duh hmel
Report this comment
November 11th, 2009 at 10:52 am
Nimin khan Health Minister hlui nen kan damlo kan a in ang. A bula ka awm laia ka ngaihtuah ber chu ‘health minister ka nih lai khan Civil hospital thianghlimna tur hian ka lo thawk nasa tok lo hle mai a’a ti ve angem le!Ni e, Minister in civil hospital an tloh hian thoktute’n dinhmun tha thei ang ber an lo entir thin si a, layman annih ve photloh chuan kan Civil Hospital dinhmun dik tak hi an hre thei kher lo ang. Health Minister anih leh hun chuan nimina a thil experience khan CHONA thar pe mawlh teh se.
Report this comment
November 11th, 2009 at 11:49 pm
‘ka ngaimawh’ ti lovin ‘ka ngaihmawh’ a tih loh avangin ka comment lovang, a ze rin rian em mai :lol:
Report this comment
November 23rd, 2009 at 3:03 pm
I tidik khop mai
Report this comment
February 23rd, 2010 at 7:11 pm
In Comment- ah ka lawm e.
Report this comment