Ni 8 June khan Prism buatsaih discussion ka va chhim ve a, Corruption chungchang sawihona a ni deuh ber a. Chutah chuan mi zahawm leh fel tak takin thu an sawi a, chumi zingah chuan Prof.Lianzela (MZU) thusawi hian min deng na riau mai a, ka ngaihtuahna a kal chhunzawm zel bawk a, he post hi a lo piang ta a ni ber e (Inlarna lam em chu ani hran lo 
)
Pu Lianzela chuan MZU in LDC hna tunhnaia an lak tur chungchang a rawn sawi a, chumi atan chuan mawhphurhna pawimawh tak a nei ve a, mahse a rin loh takin mi zahawm pui pui, Pastor leh Kohhran upa te thlenga inleng a neih tak thu a sawi a. An fate/naute/chhungte hna dil an awm ve vanga lo hriatpui tura ngen an ni deuh ber a. Hna dil dawn apianga insawipui lova tling thei lo tura inngaihna leh, a kalphung tur ang maia kan nei ta chu pawi a tih thu, a bik takin kohhran lam puipa te hial pawhin hetiang tih an hreh ta lo chu mak a tih thu a sawi chhuak a ni. (Ama phalna dil thlapin he thu hi ka rawn post a ni!)
Corruption hi a hming chuan kan haw hlawm em em a, mahse ti thei dinhmunah ding ni ta ila kan ti ve tho ang em? Medical reimbursement te hlei hlei hi a rapthlak….damlo pakhat phei chu MR an bill na turah a tupa in entirna telh ve an duh avangin a tupa investigation tihna apiangah a hming dah tir te an tum nia (He a damlo ber hi sawrkar hnathawk Senior Officer, an kohhrana Sunday School Secretary ni lai ani lehnghal!)
Misual ah hian mi chi hrang hrangin thil an post a, corruption chungchang phei chu kan huat hmel hlawm fu niin a lang, ka lo chhiar ve zeuh zeuh atang hian. Mahse heng ang te hi kan lo ti ve mial em? Kan chhungkua kan fihlim em? Kan lo ti palh anih pawhin kan inthiam lo em? Kan thianpa pakhat pakhat phei chuan engineer ho a huatna chhan min hrilh chu (an vai a tihna erawh a ni hauh lo) “an eiru a, an hna a chhe bawk a, mahse zahna an la nei chuang hauh lo, chutih a hnekin an la inchhuang a, an insawi thei bawk hi ka huat lai ber chu a ni” a ti. Kan sawrkar doctor ho lah Non Practising Allowance la chungin clinic an hawng fur a, a then te phei chu an awmna kohhranah rawngbawltu an la ni ta deuh deuh…
Corruption kan hua anih chuan keimahni inenfiah hmasak hi a va pawimawh em! Ka fihlim em? A ti thei dinhmunah ding ta ila ka ti lo ngam ang em? Ka chhungte zingah hetiang tih ching an awm anih chuan ka khak ngam ang em, ka sawisel ngam ang em? tih hi inenfiah nan hmang thei ila a duhawm ngawt ang. Mi diklote sawisel hi kan tih tur anih rualin keimahni kan inchian hmasak a pawimawh hle mai…..chuta tang zawk chuan midangte teh i ching tawh ang u hmiang ka han ti ve ani e.
“I’m Starting With The Man In The Mirror
I’m Asking Him To Change His Ways
And No Message Could Have Been Any Clearer
If You Wanna Make The World A Better Place
Take A Look At Yourself, And Then Make A Change”
(The Late Michael Jackson)
Similar Posts:
- Zu zawrh nge corruption do ngai zawk?
- Kan thiam theihloh thil pahnih
- Tunge Zawhte chu thi awrh tir ang le
- Malsawmna Nge Anchhia?
- Ka ngaihtuah mai mai a..
Kan inhnial zel anga chuan in Annual Magazine- Chhemdamthliah khan in lo tel dawn alawm. Tak takin ka ho tlat zanin hi.. mi dang ka fiam dan angin ka lo fiam che u a nih kha. In fel e. Doctor ropui in lo ni e….. 
July 10th, 2011 at 11:02 am
An tha ve tho alawm PRISM ho hi chu, mahse…..
July 10th, 2011 at 11:09 am
Mizo te pawh hi a nawlpui hian kan dik tawk tawhlo a nih hi..MR Bill lem siam hrehlo kan tamzia hi chu ka hrechiang khawp mai, private hospital a ka thawh ve zawk lai te pawn khan ka hmu nual mai..Lalpa kan ram ti dam leh rawh ;-(
July 10th, 2011 at 11:11 am
Chhiar lova comment chuan an comment thelh duai zel dawn a nih hi a!
Kohhran rawngbawltute hian pulpit-ah corruption an duh loh thu an tlangaupui chiam chiam a, pawn lamah an khiti keh thin si a. Kohhran rawngbawltu atana sorkar hnathawk kan hman tawh loh hunah corruption chungchangah kohhran a mualpho tawh lovang.
Prof. Lianzela inlengte chu a hmelhriatte an ni ngei ang. Mizote hian kawng engkimah hmelhriatte hman tangkai kan tum thin si a. Hmelhriat ngah hi chakna atan kan hmang mek a nih hi.
Kei leh ka chhungte chu corruption-ah kan fihlim e. Chuvangin corruption do pawl, PRISM hi kan haw lo va, kan thlawp tlat a ni.
July 10th, 2011 at 11:13 am
Mimal kan corrupt a, KTP leh YMA etc te pawh hi corruption hian a tibuai tawh a nih hi. eg. Inkhawmpui lian, hautak zet a awm dawn a, a venue buatsaih nan sawrkar resource tam tak pawh pen a ni, heng te pawh hi corruption tho a ni. Scholarship application form ah chuan officer leh sumdawng hausa te chu FARMER te an lo ni vek bawk a!! Ration card ah lah naupang pawh kumtling in kan ziak a,kan family member ni chiah lo te pawh kan ziak tel a!! ..a tam lutuk..Chhungtin te kan in enfiah a pawimawh hmasa ber a nih hi. Practice what you preach π
July 10th, 2011 at 11:15 am
Very good post.
Corruption chungchangah hi chuan kei leh ka chhungte chu kan fihlim e.Kan haw em em bawk. (I)
July 10th, 2011 at 11:31 am
Post tha lutuk. Doctor ho NPA la chunga clinic hawng titawp thei tu hi chu mipui hi kan va ni chiang. Hawh u mipui hian an private clinic ah i pan lo ngam ang u. corruption a kan ngai rau rau anih chuan hei aia mipui tan tih tawp awlsam corruption a awm lo π
July 10th, 2011 at 11:35 am
Ration card ah kan awmpui kan hnena kum rei tak awm tawh a chuang tlat! Engtia tih chi nge le, ka va thiah tir mai dawn em ni ang…corruption a ni ve si chuan..
July 10th, 2011 at 11:51 am
MR hi,voi khat ka ti ve toh,mahse keima hming liau2 ani,ka damdoi cash memo poh ka la ti bo then mah2,tih theih chuan min phuhruk ve khop mai..
corruption hi chu, do hi kan tihtur a ni..kan chung ah lo tla ve ta se,hetiang hi ni ve ta ila adt.. kan trang rei thei angem tih eroh in xot xeuh2 ila…Ei ru kan soi sel a,kan haw viau,a tha..mahse eiru thei dinhmun a din ve phot a,eiruk loh theih hnu a soisel ngam te hi an fakom lehxual,,pol 3 chhuak manglo in a pawl tawpkhawk xir chhuak toh te soisel vak2 chu min ngai poimoh lo ve thei tlat,ei ru thei eiru lo in eiru te soisel se an zak ngei ang π
July 10th, 2011 at 11:56 am
@dog: mipui nawrna vang(nileng2 a opd a intlar ve hman lo eg. Hnathawk, school kal adt.) a ni a, tih dan tha dang awm se chuan a ti tawp thei tu chu mipui kan ni chiang mai. mahse.. Hman deuh a, sorkarin an tih tawp deuh pawh khan ‘khawngaihtakin..’ ti a an quarters kawngka kik tu tho kha kan ni.
July 10th, 2011 at 11:59 am
Ni khawp asin. A tam zawk hi chu kan phak tawk te te ah kan corrupt vek a, kan aia eiru tam theite thikna hian corruption min huattir ni in a lang.
July 10th, 2011 at 12:02 pm
Engineer leh Doctor te entirnan ka rawn hmang hrih mai ania, ngaih loh lamah an la em lovang chu. Kan vengah hian education lam mi officer lian a rawn pem thar a (kum khat vel chu ni toh ang), a nei rem rem fu mai. Reiloteah kan kohhran chuan sunday school zirtirtu ah an ruat nghal hmaks!
Mahse lawmawm ve deuh chu hepa fate hi voikhat thlan laihnaah an tel ve a, tlangval anmahni la hre lo te khan a pa chu a corrupt vanga hause anih an rin thu an sawi bawng bawng mai a, an zak ngawt ang…hetiang te tal hi ching fo ila a ziaawm deuh mahna.
Lawmawm leh bawk chu comment tu zingah “kan fihlim” ti ngam in awm hi a ni. Kan la chhe vek love….baal hmaa thingthi ngai lo in lo la awm teuh ani tih hriatin a thlamuanthlak hle mai (Y)
July 10th, 2011 at 12:06 pm
@9 i sawi dik chiah. Mahse mizoram a doctor sawiselna hian NPA la chung a private clinic hawng tih hi a tel ngei ngei.Chuvang chuan a ti tawp theitu mipui kan nih angin kei chuan tih tawp a tha ka ti.
July 10th, 2011 at 12:08 pm
Corruption hi a hming chuan kan haw hlawm em em a, mahse ti thei dinhmunah ding ni ta ila kan ti ve tho ang em? …
mitin he zawhna hi inzawt ang u,keini leh kan chhungte hi kan lo tel ve reng ang e…
July 10th, 2011 at 12:12 pm
Corruption sawisel fo chung hian educational age, electoral age,ration card age, diving liscence age te hi kan lo nei hrang thliah ange..a zung chawpin in en dik chiah ila,kei chu ka fihlim hrih e, tun thleng chuan.
July 10th, 2011 at 12:17 pm
Misual.com a controversial issue kan han chai ho laih laih thin hian, hmel inhmu lo mah ila, kan mizia awm ang tlangpui hi chu a inhriat theih vek. He topic a “kei leh ka chhungte chu kan fihlim” tingamte pawh hi chhete mahin ka ringhlel hlawm lo. A chhia leh thalo an tam ang tho hian, awihawm loh khawpa mi dik hi an la tam tih ka hria e. A tlangpuia lak erawh chuan kan tunlai culture hi chu a corrupt a, sual kan ngaizam bawk.
July 10th, 2011 at 12:21 pm
#15 (Y)
July 10th, 2011 at 12:23 pm
Ngaihtuahna a ti thui khop mai…βkei leh ka chhungte chu kan fihlimβ ti thei theuh ila corruption hi a hranpa a do a ngai lo mai tur…. (Y)
July 10th, 2011 at 12:34 pm
Pkfanai a lo lan hi chuan ziro lam rilru ah a lang ruih zel a, a tha lo. corruption hi a hluar ve em khalam ah?
July 10th, 2011 at 12:42 pm
Mihuaisenin huai taka thu in ziah hi chuan chhiar a manhla bik thin. Eiru thei dinhmuna din ve hi chu a chakawm thin. Ka neih phak loh thiltha chi hrang hrang an nei thei a, “thla ral lam” in a tibuai ve si lo. Sumah an buai lova, thenrual an ngah a, Kohhran leh Khawtlangah an challang duh hle. Mahse “eiru” an ni miau si..
July 10th, 2011 at 12:45 pm
Bawngin buh a chil laiin a hmui phuar suh …., tih ziak a ni ve bok e. Miin mi rethei chanai leh development sum a eiru fai vek a, a thlenna tur hmun a thlen hmain a lo hupbo, chumi kha mi project sum chu a bo tih te leh doctor ten NPA la chungin clinic an hong, naupang mathe choh nan paper a humhaw tih te hi inangkhat a ni lova tehkhin chiah poh ka ngai lo. Doctorte hian an service tibuai lova clinic an enkol thei a nih phot chuan midang tana malsomna an ni, an taimak rah an tel. Hetianga kan tehkhin kual vel avang hian a lom eiru hausa ho an huang tau.
July 10th, 2011 at 12:52 pm
Dik tak in kan awm a, kan sum lakluhna erawh chu eirute hnen atang a ni leh tho si a..buai thlak khawp mai. A ran talh duh lo a, a sa ei duh te pawh kan ang a ni. Kan Ei tlan dial2 theihna tur kan ngaihtuah chu a hun tawh khawp mai.
July 10th, 2011 at 12:54 pm
ka sawi thin, ka sawi leh dawn. Coruption kan sawi hian, development sum leh mirethei fairel bel a mi tur ngawih2 sum eiru te leh peon, paper hawn ru; kum ziak dik lo. adt. Te huang khata kan khung thin hi a fuh ka ti lo. Kan bible pawh hian ‘thihpui tham sual’ kha a sawi hrang deuh em kha. (ka hre ve vak lova..)
July 10th, 2011 at 12:55 pm
Eiruk rual tlan berna ram ka la ni zel dawn niin a lang.
July 10th, 2011 at 12:55 pm
Ngatinge eiruk chungchang sawi apianga ‘Ti thei dinhmunah ding ve ni ta ila kan ti ve tho ang?β¦’ kan tih ziah aw ka ti. Misual hoah hian sawmna ka siam duh e. ‘Eiru thei dinhmunah pawh ding mah ila ka eiru lovang ti thei zawng ban phar ang ule’ Kei ka PHAR NGHAL E.
July 10th, 2011 at 1:01 pm
#20 & #22, (Y)
July 10th, 2011 at 1:01 pm
#22 ka like (Y) e. Huang khata khungluih vek kan tum avang hian eiru hausa ho inthiam chopin an huangtau phah
July 10th, 2011 at 1:04 pm
Er. ho LIC leh eng eng insurance a crore dah theite an awm a, kan sawrkar official lawk 10 crore neite..ka sawithui peih lo..
Engkim hi a tha vek mai e, kan ram ah hi chuan..lo eiru mai mai teh se!
July 10th, 2011 at 1:08 pm
Misual rual ah pawh rilru zau tak tak an awm e. A lawmawm e. OPD a in entir ve hman lo te tan kan mizoram doctor ho chuan clinic chu lo hawng zel leh si rawh se, amaherawhchu an clinic in an duty hour ti buai lo se. ( Kei chu ka hawng peih tawp nang, ka thatchhe vei rauh fu π )
July 10th, 2011 at 1:22 pm
Mipui kan corrupt ang em? tih fo hi ka chhanna chu mipui an corrupt thei lo. Thuneihna an chelh loh avangin. Prof. Lianzela inlengte pawh hi an corrupt lo, Unoversity a hna petu annih loh avangin. Hna pe tu, appointment siamtu chiah kha corrupt thei dinhmun a ding ani.
Sorkar hna kan inchuh nasat em em na chhan hi an hlawh tam uat vang ani. An hlawh hi tuna mi 50 percent ni sela, hei ai em chuan a fair ang.
Mizoram ah hian chhungkaw dik, sorkar hna fair lo taka lak tum lo an awm tan tawh. Sorkar hi a tawng khawp a, mi fel tak pawh sorkar hna a thawh chuan a moral leh character a hloh vat. Thawk duh lo dinhmunan ding ni la ka duh ber mai.
July 10th, 2011 at 1:30 pm
18. doc_lib, ka adopted state hi ka hmangaih tawh riau a, Mizoram hi pawn lama a hmingchhiat ka phal lo ang bawkin A.P. Pawh hi an mawi lohna lam hlim lan vak hi ka ti lem lo. Central atangin Development sum a lo luang lut hnem a, a fing var chìn an la tlem si, mitmei ven tur an awm ve si lo. I hrethiam mai ang chu. Tunah chuan kristian an tam ve tawh a, a zia awm e. Ka sawi vak chuan nangmah ber kha i rilru ana leh si ang. Comments a tha hlawm hle mai. 26 khi adik ka ti.
July 10th, 2011 at 1:37 pm
Corruption chungchang sawi apianga family ration card, scholarship form adt. tih vel lo lang ziah hi a ninawm. Corruption pawi tham, nghawng nei nasa bik a awm a. Chutih laia thil tΓ«nau lo sawi chhΓͺn mai hi a buaithlak ka ti. Sorkar hnathawk leh ram hruaitute an corrupt chuan mipuiin kan tuar a, family ration card-a kum tling lo, kum tling anga ziahte an awm hian tumah dangin an tuar lo. (A tha e ka ti chuang lo.) Kan chhungkua hi kan fel bik aniang! Chutiang han sawi tur ka hre hauh lo…hihi.
July 10th, 2011 at 1:41 pm
30Pkfanai nge maw ka rilru a nat ngawt ang le.Corruption hi chu he khawvel awm chhungin a bo dawn lo. Mahni theuh fihlim tum ila, midang nun ah buai lo ila,nakinah chunglam in a rel fel duak mai ang.
July 10th, 2011 at 1:43 pm
NPA an lak tawh ber te chuan clinic hawn awm loh tak alawm ka ti ve tlat! Sawrkar sum eiru pawh hian an eirukna tur sum hmuhna atan project lem te pawh an siam thei tho va chung ho pawh chuan an project lem siam hah man an tel kan ti ve mai dawn em ni?.. π
July 10th, 2011 at 1:46 pm
Terema kan thu i man lo. Kei chuan corruption ah kan ngai anih chuan ti tawp se ka ti.Tin corruption ah kan ngai a nih rau rau chuan corruption tih tawp awlsam ber a niang, a chhan chu mipuiin pan lo ila, an thu reng peih teuh lo mai. Amaherawh chu OPD hunlai kal ve hman lo, zirlai te, hnathawk mi te..engtin nge ni ta zel ang.
July 10th, 2011 at 1:51 pm
Nehemia ka hre chhuak thin, a ni chuan, ‘Lalpa tihna avangin chutiang chuan ka ti ve lo.’ a ti. Joseph pawh khan, ‘ Engtin nge LALPA hmaah he sual lian tak hi ka tih theih ang.’ a ti bawk. Ve ta ila…… a kan buai chuan, inenfiah kan ngai a ni. MIIN LALPA TIHNA AVANGIN SUAL A KALSAN THIN.Thuf 16:16.
July 10th, 2011 at 1:53 pm
NPA avang hian an hlawh pawh an level-pui officer dangte ai khan a sang khan ka lo hre ve mai mai a, a nih chuan NPA hi la lo law law se la a ni mai alawm! NPA la tho si a, clinic an hawng a nih chuan a chhawrtu zah lohna a ni mai lo maw??
July 10th, 2011 at 1:55 pm
Sorkar berin thawk khat lai khan a ti tawp a,a phun zawk chu mipui tho kha an ni sia, sorkar pawh a in thlah dul leh zawk anih ber kha
July 10th, 2011 at 2:06 pm
Mipui awmkhawm chuan lu nei tam viau mah se ngaihtuahna erawh chu an nei tlem thin an ti thin em ni khah! (fiamthu fiamthu)
Kohhran pawh hian coruption a do ngam lohna chhan pawh eiru ho tello chuan Biak in ropui thei hek lo le! Sakawlh pawisa pawh hi an it hlawm fur a nia ka rin ni! Kohhran pawh hi zu tel lo chuan a ding thei na meuh mai, mahse eiru ho sum tel lova kal hi chu an zuam ngang lo a ni ber zawk awm e. Clinic hawng ho hian NPA hi la lo ngam se la ka ti khawp mai. NPA hi awm lo law law zawk se!
July 10th, 2011 at 2:08 pm
Terema, an la lo deuh fur tawh zawk ang clinic hawng ho kha chuan. A chhan chu NPA la duh leh duh lo option an pe vek tawh π
July 10th, 2011 at 2:14 pm
Doctor, NPA thubuai sawimawi kan awm elo???? Dr Loncy V Lalzarliana hi lo entawn thin rawh u. A thiam bawk a, a dik a nia.
July 10th, 2011 at 2:20 pm
Chuti chung pawh chuan NPA la chunga clinic hawng lui an awm talh tho mai lo’ng maw.. π
Eiru ngei ngei pawh chhuizui an nih lohna ramah hi chuan meng leh meng inbum tum reng reng an la insulpel nuai nuai a nia ka rin ni!
Dikna ngaina khawpa dikna duh, dikna tan ngam khawpa huaisen kan vang a ni ber zawk awm e! Examnaa entawn duk duk thin ho hian eiruk an hreh ka ring miah lo bawk, tlemte chunga rinawm chu tam deuh chungah pawh a rinawm turah ka ngai!
July 10th, 2011 at 2:23 pm
Chuti chung pawh chuan NPA la chunga clinic hawng lui an awm talh tho mai lo’ng maw..:-D
Eiru ngei ngei pawh chhuizui an nih lohna ramah hi chuan meng leh meng inbum tum reng reng an la insulpel nuai nuai a nia ka rin ni!
Dikna ngaina khawpa dikna duh, dikna tan ngam khawpa huaisen kan vang a ni ber zawk awm e! Examnaa entawn duk duk thin ho hian eiruk an hreh ka ring miah lo bawk, tlemte chunga rinawm chu tam deuh chungah pawh a rinawm turah ka ngai!
July 10th, 2011 at 2:39 pm
Keima mimal nunah chuan kut tling lova SUM it na hi ka la nei miah lo. Mahni thawh chhuah ngei hi a hlu ka ti. Mahse ram pawn atang hian kan dinhmun hi a lo chiang deuh nge ni a veitu tam zawkte hi ram chhung a thawk ni lo, ram pawn lam mi deuh vek kan ni mai.
RTI a awm hnu phei hi chuan corruption hi a kimki sawt viau chuan ka hria. Generation 2 te a liam chuan kan zia awm tawh hrim hrim ang.
India ram kan nih avangin Mizoram chhung kan sawi hian a zung aiin a ler lam kan sawi thin em aw te ka ti ve mai mai thin. Central-ah hian mi tam zawk hi corrupt viau mahse corrupt lo hi an awm ve nual tho, Lok Pal Bill an enact theih hunah phei chuan hma kan sawn nasat ka beisei. Chung hun a lo thlen hma chuan a LAIR lam hi chu sawi vak lo law law teh ang.
July 10th, 2011 at 2:42 pm
#40, Dr. Loncy i sawi chuan a pa hi Er. (PWD) fel tak a ni. Hetiang lam ti lo tura zirtirtu pawh a nih ka ring.
July 10th, 2011 at 2:45 pm
#44: Nia, apa chu CE pawh ni tawh Pu V. Lalsiama(L) ania. Sikul tha lemlo tak Lunglei Venglai High School atanga Matric topper ni thei ngat kha a ni bawk a. Entawn tlak khawp mai.
July 10th, 2011 at 2:48 pm
Loncy khi chu thiam poh a thiam chiang ania. Mahse ani pawh khi kan chan mai ang tih a hlauhawm ka ti. Sorkar hian a hmanraw duh ang leh ward a mamawh ang pe thuai thuai rawh se, kan chan leh hma in
July 10th, 2011 at 2:50 pm
Corruption hi sawi mai aiin ataka pho ro a har fu ni tur a ni. Zung a kaih thukin a nghet tawlh tawlh ni zawk mahin a hriat tlat mai.
Chutih laiin Mizo-in corruption huang chhunga kan khung thin thil thenkhat hi chu malpractice a ni zawk mah awm asin.
July 10th, 2011 at 2:59 pm
Kohhran hian a pongatakin eiru ho sum hi a itin a mamawh hran love. Eiruk sum tel miah lo pohin khaw/veng khat tangrual hian Pathian puihna a zarah Biak pakhat na na na chu a sual chhuak thei. Hetiang ngaihdan kan neih sa run vang hian lo’m eiru ho an huangtau. Doctor tamzok hi chuan sum/hlawkna um ai mahin mipui mamawhna phuhruk tura clinic hong an ni ang. Chumi rilru nei thei tur chuan i fuih ang u.
July 10th, 2011 at 3:07 pm
Kohhran hian a pongatakin eiru ho sum hi a itin a mamawh hran love. Eiruk sum tel miah lo pohin khaw/veng khat tangrual hian Pathian puihna a zarah Biak pakhat na na na chu a sual chhuak thei. Hetiang ngaihdan kan neih sa run vang hian lo’m eiru ho an huangtau. Doctor tamzok hi chuan sum/hlawkna um ai mahin mipui mamawhna phuhruk tura clinic hong an ni ang. Chumi rilru nei thei tur chuan i fuih ang u. Er. Te poh hian office hour piah lamah mi inte sak sak ve ta se. Construction hnate thok ta se. Comp. Er. Te pohin instn. Hong bok se. Chung an kut hah man te chu tunge soisel tehlul ang. Service conduct rules kalh theuh2 ah khan tu poi mah an soi lo tur a nia leh…..
July 10th, 2011 at 3:12 pm
Corruption hi haw lovin a ti thei ho hi kan thik emaw chu ti a ngaihtuah chang hi ka nei fo thin ani. Politician ho ngat phei chu mi fing, mahni dinchhuahna tur chuan a tul ang ang ti mai thin an nia chuvangin mipui rilru mil pui leh duh dana kal mai loh chuan an career a tawp ani maia chuan mipui in an beisei angin an kal mai thin mahse a tawpah hian mahni in thiam chawp nan hian kan politician te hi kan han mawh leh tawp thina. Sorkar hnathawkte pawh hian sorkar siamtu mipui huat zawng tak hi chu an tih ngam bik hi ring bawk lo ila. Chuvangin sorkar siam tu mipui zinga keimahni mimal tin hi in en let theuh ila chuan a siamthat ngai ngai te in siam tha ila corruption hi chu kan do hneh thei em em ang.