Kan thalai/ thangtharte zingah tleirawl tha zat nei lo, tha za awmzia pawh a hriata hre bau lo, kaw nä ang mai kal zawi hnak hnak an va tam ta em!
Enge a chhan? A bul ber chu chhungkua kan inenkawl dan leh inkaihhruai danah hian dik lo leh fuh lo a awm a ni. Hei hi a bul-thum atanga chhuichhuaha bul kan tan that a hun takzet ta. Tuna kan inkaihhruai dan leh inenkawl dan dim-dem ringawt hi chuan he hnam hian “khawvar hun” athleng ngai lo ang. Kan chhehvela hnamdangte aia kan induat uchuak em em ziate hi… fate pachan aiin pangchan kan zirtir zu ni hawt a! Aia upa-te zahthiam… chu sawi loh nu&pa-te ngei pawh zah nachang hre hlawm hek suh (min vauin min vin khur khur tawh).
Thawh chhuah har zia hrilh hre loin an duh apiang kan tih saka, inren tul zia zirtir loin an ngen apiang kan lei sak bawk a. Taima tura zirtir a hnekin duh duh a an tirh theih tur awmpui kan la luta, an tih tur zawng zawng kan tih tir a, an underwear nenlam an suk sak a. Rilru puitling pu thei lo lèkin ‘naupang’ a la nih thu kan sawi chamchi a, chu chuan pangchanna a hring chhuak a. Ngaihzawng ringawt buaipui leh an eng eng emaw a hmul ve chhap thlengin “a ni hi chu kan nautè a nia…” te kan la ti ta dah a. Rual el nachuang hre lek loin kan neih bak leh puk chawp nenlam thil chhuakthar leh tunlai ber berin kan thuam a. Tlawmngaihna zirtir loin tlawm lohna kan zirtir daih a, thlan lai tura tirh(luih) ai chuan thlanlaih huna tui taka an muhil lai hmuhnawm kan ti hlauh thung.
Zoram nu&pate hian fanau enkawl kawngah tih tur leh tih loh tur kan va ngah em, zir tur kan va la ngah em! Heng thute avang hian zoram hi harh lo mahse, keini mi(sual)te tal hi chu i harh mawlh teh ang u. Heti ringawt chuan “Zoram khawvar hun” kan tih fö hi kum sangkhat pawh vei leh mahse kan tawng hauh lo ang. Tuna kan tu leh fate kan enkawl dan leh kaihhruai dan hian zoram khawvar hun tur a hril si a.
Similar Posts:
- Ìtna leh Awhna
- $60 Million(2008 Mizoram Budget). Tunge hmang ṭangkai zawk ang?
- Zoram ah khua a var tawh em?
- Mizoram hi i hmangaih ang u aw
- Chhungkaw khata mi panga kanghlum
....
February 5th, 2010 at 12:06 am
naktuk ah a var dawn chiang reng :lol:
Vur pawh tla leh mai thei
j/k
[Report abuse]
February 5th, 2010 at 12:15 am
A tha lutuk he post hi, ka lawm zawng tak leh ka vei zawng tak a ni, chhungkaw pawimawh na kan hre lo lutuk hi kan buaina a ni. Lalbuaia te chhungkua hi kan ni deuh vek mai. Chhungkua atana inzirtirna tha kan thanlenpui loh chuan puitlin hnuah chuan har tak a ni, haw u misual ho hi harh ang u,
[Report abuse]
February 5th, 2010 at 12:16 am
A va han dik tak em ve leeee… Sitting room-ah TV remote hum pah in Hniangi te ho, ‘tui min lo suah,’ ‘ka mawza lum kha min lo lak’, ‘ka handset, khum bul ami kha…’ ti zet zet mai fa te kan han nei ta a ni a leh…!!
Ka mu daih dawn !!!!
[Report abuse]
February 5th, 2010 at 12:19 am
Ziak tha leh hle mai,bro kawlhawk,i theihna zawng zawng hmang in ka misual pui ho tan tih in thu leh hla tha tha min lo ziah sak thin avang in Admin te hming in lawm thu ka hrilh a che :wink:
[Report abuse]
February 5th, 2010 at 12:19 am
Vur keini poh a tla kan awmna ah chiah chuan a tla ve lo ruah a tla thung.
Para 2 hnih khi a dik tho dik chiah lo bawk.Chhungkua ai mah in RAm kal phung a pawi mawh zawk daih in ka hria.
Ram kal phung chu dik se chuan chhungkau kal phung poh atomatic in a rawn dik ve mai ang.
Hetiang ang sorkhar kal phung hi kan la tih zel dan tur a ni si a Khua zawng a la var mai lo tawp ang.
Office ah trhut trhup table works rongawt kan kal pui chhung chuan khawvar tih ni hmu leh tukhum hmuh chu kawi lam ah tih ang vel ani.
@Kawlhawk i ziak trha trhin e ram i vei bawk a trha ti zel rawh .
[Report abuse]
February 5th, 2010 at 12:28 am
Chhungkua hi naupang first school a ni a, an awm tamna ber a ni bawk a.DL Moody khan ‘khawvela nu zawng zawng hi ka nu ang hi ni vek se jail awm a ngai lovang’ a ti. Thing kung kawi tak hi a len tawh hnu chuan kan siam danglam thei hauh lo, a tet lai erawh chuan a thang ngil lo tur erawh kan veng thei. Chutiang chiah chu a ni e.
kawlhawk, nang hi thu i pai tha zet mai :smile:
[Report abuse]
February 5th, 2010 at 12:31 am
Tunlai thalai te kan tlaw zia hlir hi kan ngaithla in kan chhiar a, he topic hi chu tha ka ti khawp mai. Thalaite hian hetia awm ve mai2 ringot hi kan duh vang a ni lo. Nu leh pa te hian min enkol dik loh zok a ni e. In thiamloh ah keini thalai te min puh let hlauh thung.
Insual film ka enlakloh lai a nia ka komen a rum don tlat duh toh ang! Naktuk ah post hi a liam hman loh chuan contd ang!!
[Report abuse]
February 5th, 2010 at 12:33 am
“Work-work-work and pay the Bill,” han ni ve chiah sela chuan, kan zawmthaw lo khawp ang le!
Mizoram chhunga dar vaw ria inkohkhawmna chi tinreng an FAIL chian hlawmzia i khawrh chhuak thiam hle mai! Kawlhawk, i thla kha thawm nei tham takin han zap ri huau huau zel teh :cry:
Nimin khan vur zang chi kan nei, a mawi bawn tawp. Zirtawpni leh Inrinni hian nasa tham takin kan nei leh ang. Dawm lum veng veng tur lak khawl a ngai!
[Report abuse]
February 5th, 2010 at 12:33 am
@wonder. i dam maw?
in ron comment zel te chuan ka mu thei naaaaaaaang :lol:
[Report abuse]
February 5th, 2010 at 12:35 am
Shailendra : Tlaivar teh mai! ka beer neih hi STONE’S a ni, i in tawh ngai em? Jamaica chhuak!
[Report abuse]
February 5th, 2010 at 12:40 am
@chawnghilh. ka ti thei ta mangbar lo e. ka zin kawng a sawh-gear hlir a ni a, kan chahthlak san zawk mai teh ang che u… Vangchhia post lo chhuak turah hian i sawi zawm chak tur a tam a nia aw.. ka hriat zawng zawng ka la phawrh lo bawk. Mizo History. Naktukah ka rawn zawm ve mai ang che u. please..
[Report abuse]
February 5th, 2010 at 12:53 am
Kawlhawk hi post tha thin ngei mai. A thluak hi tha ka ti ta riau mai.
[Report abuse]
February 5th, 2010 at 1:03 am
chawnghilh: i beer sawi chu ka vawikhat hriat na.
[Report abuse]
February 5th, 2010 at 1:06 am
pu kawlhawk an sìsen hnen ah a next a lo chuak leh ang a tih kha lo chang char char a hehe..a tha thei khawp mai thil zir thar tur ka ngah ta khawp mai keini tlangval tan tir tan chuan:-).pu shailendra chu ka mu dawn i tih na rei tawh mang e!i mut chuak lo nih kha lolz..i post tur kha first tumin ka chang ran a nia..hehe..
[Report abuse]
February 5th, 2010 at 1:11 am
Khua a var ngam ang em? Mizoram mi rethei zualten an chatuan ration Cheng Nuai khat an dawng tep! A bak awm tawh si lo, peipung thei lo chawhna chatuan ni thei mai tur hi ka ngaingam lo!
[Report abuse]
February 5th, 2010 at 1:18 am
#8 “Work-work-work and pay the Bill,” Zoram zawh loh {phurh Zawh loh nghawl-kawl(?)} a nih hi! Sawithui ka va’n chak emmmmmmmm!
Hnam lungphum chu ZIRTIRTU an ni, tu hi nge zirtirtu pawimawh ber chu tiin ka in zawt daih, Khaw-var nghak in!???
[Report abuse]
February 5th, 2010 at 1:59 am
Ram kal phung dik nge pawimawh hmasa, chhungkaw in rel bawlna? kei ka lo thlir ve dan ah chuan chhungkua hi pawmawh hmasa in ka hria. Chhungkaw in rel bawl dan adik na na chuan khawtlang ah, ram ah a lang chhuak ngei ang.
[Report abuse]
February 5th, 2010 at 2:15 am
@vlchinzah : Chhungkaw zahawm leh entawntlak an tam ang, Sorkar kalphung mi ram anga khawng hi nei ngat ila chu a kalphung a fel deuh duak chuan ka ring.
Kum 20 dawn lai liamta atanga Huau Huau Sorkar leh Kit-hnawk Sorkar kan neih tawh thinah te pawh hian —thil kalphung chu a fel zo tawh ngang lo a nih hi le—Juda-te pawh, Daniela leh a thiante mi duhawm leh thianghlim kha mi dangte avangin saltannaah an liam tel ve tho!
[Report abuse]
February 5th, 2010 at 4:08 am
Kohran tinah Nu leh Pa te kokhawmin hetiang lam hawi seminar hi neih a ngai. Awareness Campaign neih a trul hle mai. Kan next CM atan chuan awmpui nei ngailo thlang hial ila ka ti. Tunlai thralaite sualna hi nu le pa vang ani tih hi chiang ila, a hnukah siamthrat i tum ang u.
Zawlbuk Seminar ah khan Mizote Value System Zorunpuia paper ah khan hetiang lam hi a awm. Mahse sawihona-ah khan Independent lifestyle thrat loh zia sawi kha an awm nual mai. Kan fate kan chher puitling lova min eihlum thrak dawn anih hlawm hi le. Manganna chang la hre lo lah kan tam.
[Report abuse]
February 5th, 2010 at 4:11 am
An sawi tam, kan hria… Kawngkwh hmuh tu mizo thalaite hian kan van mamwh ve…
[Report abuse]
February 5th, 2010 at 4:11 am
An sawi tam, kan hria… Kawngkawh hmuh tu mizo thalaite hian kan van mamawh ve…
[Report abuse]
February 5th, 2010 at 4:52 am
Kum 18 tling tawh ho hi college an kal anih loh chuan nu leh pa te hian hnawt chhuak zel sela, sap ram ang deuh in kum 18 an tlinin nu leh pa te responsibility as a parent hi a tawp a, thalai hovin helamah chuan hna an thawk nasa a sin.
Puitling kum tling tawh nu leh pa te thlazarna hnuaia khawsa reng te hi an hmusit a , an nuih sawh bawk a, fiamthu thawhnan an hmang nasa hle bawk. eg “fat loser living in his parent’s basement” lol
Fa naupang ber te hi nu leh pa enkawltu tur tih ani a mizo custom ah chuan, mahse nu leh pa ten an thih hma, tarkun khup bih an nih thlenga an fa te tana in hmang zo hi an tam khawp mai.
[Report abuse]
February 5th, 2010 at 5:40 am
[Report abuse]
February 5th, 2010 at 6:07 am
Thalai thatchhe ho chu chhuanlam siam pawh an chak zat zat hlawm teh mai ania. :lol:
[Report abuse]
February 5th, 2010 at 6:13 am
midang tan nilovin keima tan he post hi ava thra em, pu kawlhawk dam reng ang che.
[Report abuse]
February 5th, 2010 at 6:16 am
OT leh loks… Misual fans ah hian engtin nge in register tur, min lo hrilh ve teh uuuuuuuuuu.
[Report abuse]
February 5th, 2010 at 6:32 am
Ka chhiar chhuak leh tlapa, zoram a kan officer threnkhat te Inn chhungluh chana Awmpui in Thingpui mi an lo pek ziah khi ka hre chhuak ta rum rum mai. An fanu fapa te zirna lamah an hnufual tawhzia te pawh a langa, an pa/nu te Nihna rinchhan in thil an lo tithei bawksi nen khan zirna kawngah an tlak chhiatphah nasa hle in ka hria. Trum khat, Phairam a trang in, ka lenluhna pa, a fa nu chuan a lo phone a, ” A pa, ka phone hi a thar in thlengka duh a tia”. A pa chuan, Mate, hlawh ka la lasi lo va poisa thawn maitur a va awm lo ve ti in a chhanga. A nupui chuan, mate-i pa, Officer lian i nia, i fa tia rualawt chuan awm tir mata che, naktuk ah ka lo thawn ang che ti rawh ti in a tihkhum meuh chuan, pa ber pawh chu a luangliama an nu in a tihtir ang nge chuan a ti ta. Tah Cash han phor maitur a neita si loa, ka hminglam meuh in, chu zat chu mi lo puk zuai mai la, Bank ah ka va withdraw anga ka rullet leh ang che mi a tia, kei pawh chuan ni e ti in in ngamtlak tak in ka pe ve maia. A tuk lo thleng rulh awm ta rih lo, a kar a liam, thingtlang lam ka zin a ngaitawhsi. Ka zinsan, azl ka lo letleh tah pawh chuan a lo la phorh chhuak ta chuangsi lo. Dil pawh ka dil ta chuang lo va, tlai chaw ei mi a sawma, an harsat thu velmi a fah ta mial mial mai. Chhan let ngaihna leh dil ngaihna tur awm lo khawp in mi a fah ta daih. In thlahrung tak in, zinna tur ka la neih leh ka mamawh ve tawh thu ka fah ve ta, tah chuan a zan a zan in mi dang puktur zawng in a chhuak a a va hmu ve leh maia mi a pe let ve leh. Ngaihtuah a ti thui ve ania. Mizoram, kan ram ka vawikhat zin/hawn trum hian thilmak sak deuh deuh ka tawka Article pawh ka ziak ve ngea, ti chhuak tur in ka la duh deuh chiah rih lo ani.
[Report abuse]
February 5th, 2010 at 7:06 am
Engmah hi vei vak2 a ngai lo,silchar kawng khu ping lo sela,buhfai leh dailuah man hi to lutuk lo sela.Inrinni zing ah tual vawksa lei tur a awm leh awm loh hi hre thei riau bawk ila,a tawk!!
[Report abuse]
February 5th, 2010 at 7:37 am
ka in register fel ve ta e…
[Report abuse]
February 5th, 2010 at 7:39 am
He thil hi a pawimawh ani, kan fate kan rohlu ber anni; khawvel huasakna zawng zawng hian lei min dil tase phal kan awm lovang.Mahse; ava har tak em; mite tih dikloh hi chu kan hmu a kan sawi zuah zuah, mahni ko a fanau enkawl te hi ala tla dawn ani tih ngaihtuah lawkin nulat tlangval laiin tumah kanin zirlawk ngai silo, pawimawh berfo a ka hriat chu hnathawh zirtir hmasak hi ani; hnaber an thawh thiam loh chuan kutke kimin lo piang mahse fa piangsual kan nei ani tih hi chiang ang u.
[Report abuse]
February 5th, 2010 at 7:44 am
“Zoram Khawvar hunte chu” Minister Pu Lalsawta hovin …maw le! Tun hma khan “Zoram Khawvar Hun,” tih kha a sensitive teh mai thin asin!
[Report abuse]
February 5th, 2010 at 8:06 am
Khua hi a var tak dawn lo a niang ,kan zawlnei inlarna hmu ho lah hian thim chhah mup hi an hmu thei riau leh nghal.
Congress an lal leh ta a,khua an var tir thei ang em?dekhei ga!Pu Hawla pawh thrutna nuam ah a thru leh tawh a,A hawi leh voh2 tawh mai.Pu zorama thawnthu sawi in rawn post kha a thra hle mai bawk!(thumu hnu mah nise).A ni hi threnawm pa nise la,khawhar in thingpui lumna vel a ti ti han sep vel a ka awhna hi a lo rei tawh a,state khat hruai tu ber a tan chuan nui/khi reng ringawt hi chu a fel lo deuh.
[Report abuse]
February 5th, 2010 at 9:24 am
Amah #####Aryan sawi khi a dik a lom mahse kan ram kal phung sorkhar system kan thlak loh chuan hnawhchhuah rikngawtin awm zia a nei rih lo tlat .Thawhtur awm hek lo chu.Tin thawk lo a awm theihna chhan pawh an mimal in sorkhar ah tax an chhun a ngaih loh avang poh in an in thlahdah bawk niin a lang .
Helam ah chuan thla tin kum 18 tling tawh chu thlatin insuarance,health care ,leh phone bill etc kha an account atrang khan an cut hmak hmak zel a .
Pitar putar nise penson an dawng vek a faten an enkawl a ngaitawh lo.
Mahni mahni ani tawh a vang in thalai ten hna thawh zel zir bak tih tur awm hek lo le.
kohhran khawmpui lian leh te YMA khawmpui lian leh te chumi kha mi pol commette awm hman tawh lo.
Kawngka lu chunga Nu leh Pa ber hming in tar bak a Prsident chumikhaimi association ,Secretary ,etc etc chi hnin thum vel a in tar chhung chuan KHUA A LA VAR MAI LO TAWP ANG.
[Report abuse]
February 5th, 2010 at 9:37 am
Part III ka nghakhlel
[Report abuse]
February 5th, 2010 at 9:52 am
Ka comment seiin ka uluk tehreng nen…ka han click a, “WordPress error” a tia, a tihbo vek chu le!! Ka va thinrim ! :mad:
@Aryan #22, i ti dik lutuk!
@flying #27, i thil sawi khian ngaihtuahna min va neihtir thui ve le! He pa ang hi Mizoramah hian pa (leh nu) tam tak, mahni fate duat sual mek leh duat sual hlen tawh an va tam awm em!
Sava, rul tui awp keu kan an duh hmel! Kan fate duata sa lohvin kan duat hluau hluau a, an lo lian a, kan ngam lo mai pawh ni lovin min ei hlum lo chauh hlawm chu a nih hi!
He tiang nu leh pa ho hi chu kan chawh ngawt mai ti tawh mai ang!
Enge mahni pawh kan an dawn chu ka hre lo va, mahse hetiang thu tha hian a hminga fa lo nei tawhte phei chu min va fuih tang nasa em! @kawlhawk leh comment puitling tak tak pe tute, in chungah ka lawm e.
[Report abuse]
February 5th, 2010 at 10:31 am
@kawlhawk i va han hre dik chiang ve aw…point paih tur awm lo re2. Kei chu ka harh nghal e…
[Report abuse]
February 5th, 2010 at 11:24 am
Mahni fate tipiangsual zingah ka tel inchhirin ban a chen tak zet zet. Mahse hun kal tawh a kohkir theih loh. Chuvang chuan Aryana rawtna anga huai deuh maia kan kal anih loh chuan Parents paid veka khawsa nula tlangval hrisel tak tak hi an vak nuaih nuaih reng mai dawn anih hi le :!: Fate mahni ke-a ding thei chherchhuak lo chu kan chawh tlawk tlawk dawn anih mai hi le.
Mahse indona puang ang hiala he kan dinhmun hi address anih chuan kan la tlai chhe lo. Eizawnna ngelnghet neilo ho hi, thatchhiat zirna hnatlang inhlawhna lian taka kalpui mek NREGS atrang hian nge niang Skilled work force develop a trul. A truah in a truah tawh.
USA ngei pawh khu an Community College khu an skilled work force chherchuahna turu ber ani. George W Bush a phei chuan USA Economic growth a contribute nasa ber chu Community College ho hi anni a tih kha.
[Report abuse]
February 5th, 2010 at 1:22 pm
Part 1 atangin ka chhiar chhuak phot anga ka comment ang.ka misual regu hmanloh aiah.
[Report abuse]
February 5th, 2010 at 3:14 pm
Thalai rual zingah pawh hna zawngtu nih aia ‘hna siamtu’ nih a pawimawhzia kan inhrilh hriat a hun tawh viauin ka hria.
Kawlhawkte, i va han sawi dik thei tak em! Nu leh pate hian kan fate threuh mahni kea ding tura a nawra kan nawr a pawimawh, hemi rual hian a kawng kan kawhhmuh theih phei chuan a tha hlei hlei. Tin, nu leh pate hian thla khata kan sum lakluhzat leh kan hmanral zat te pawh hi kan fate hrilh hriat ve a pawimawh, chutia kan tih chuan thil man to tak tak an ngen ngawt te pawh hi a zia ve deuh mahna.
[Report abuse]
February 5th, 2010 at 3:21 pm
hnathawh chuangchangah chuan tunlai thalai te zingah hian hnathawk an tam lutuk, hlawh tlem te te a an han thawk tehi an khawngaihthlak zawk ngawt in ka hria. mind set a dik tohloh chuan tih tak tak theih chuangloh, phaiah lehkhathiam miahlo pawhin hna an zawng tawk tawk a, fel tamtak an awm laiin a then techuan vai tihvel an ngaihzawng tenen an chen vel mai mai.
[Report abuse]
February 5th, 2010 at 4:43 pm
A va thra leh ta pek em, a lomom e.
Dare to discipline James Dobson tih te kha chhiar a tha ve mai2.
[Report abuse]