Hmanah engmah nei loa ka len laiin– Cheng sáng-1 tal nei ve ila aw… ka ti a, karlo-ah Cheng sáng-1 chu ka nei ta a. Síng-1 tal… ka ti leh a, síng-1 chu ka nei leh ta mai a. Tin, ngai teh, Nuai-1 a rawn lang leh ta! Ti chuan, rim leh hah taka thawkin, tunah hian Cheng nuai-1 chu ka nei ve ta ràn mai.
Hmana Cheng sàng-1 ìt-a awt em em khan– Cheng nuai-1 lawih lo nei ve ta chu, lawma duhtawk tawh mai tur ka nih hliah hliah laiin; hei, tunah nuai-5 tal ka tih leh tàk hi…!! Nuai-5 chu lo tlin ta tehreng pawh ni ila, nuai-10 ka awt leh tho dawn tih a chiang. He mihring- chinlem nei loa duhamnaa khat tlat hian– Khawvel leh a chhunga thil awm zawng zawng hi a pûmin nei vek mah sela, chu chu duhtawk mai loin, khawvel pawn lama thil awm zawng zawngte nenlam, neih vek tumin hma a la duh hial ta ve ang.
Chuti anih chuan, kan neih loh apiang kan ìt a, kan phak loh apiang kan awt zel mai bawk si a. ‘ìtna leh awhna hi sual a ni’ tih thu te a lo ri vei bawk nen, tuna kan neih tawk leh thlen chin hi kan duhtawk mai dawn em nia’ng? Ítna leh awhna reng reng nei tawh loin, kut kuangkuahin kan awm tawh mai dawn em nia’ng? A aia tam neih tum tawh lèm loin, a aia sâng thiam tum kher loin, a aia tha hriat belh pawh tum hek loin kut lukhumin kan thu-thluang zùi tawh mai dawn em nia’ng? Hnai lo e!!
Khawvel billionare tawntawte mahin tha thlah loin huang an zauh sauh sauh a, Mifing chungchuangte mahin thiamna thar neih tumin an la bei fàn fân anih si chuan– tuna ka thlen chin aia sang thlen tumin, kan thiam chin aia sang thiam tumin, kan neih sa aia tam neih belh tumin, ìtna leh awhna thinlung pu rànin, (mahse, thianghlim leh dik tak siin) kan bei suah sauh tur ani zawk dawn lo’m ni. Ìtna/ awhna hi a tha zawnga hman thiam chuan- hmasawnna, changkanna leh hlawhtlinna thlentu ani a, min tichaktu ani chàwk. Ítna/ awhna rèng nei lo mi chu- mi à ang mai ani a, atan hmasawn ngaihna a awm lo a, hmalam pana pen a har viau ta ve ang.
Chutih rualin, tuna kan thlen chin leh neih tawk, kan dinhmunah hian lawm thiam ila, lungawi zir bawk ila. Mahse, chù lawmna leh lungawina chu- hmasawn zel tura min tithuanthutu leh mi titladahtu ni lo hram sela, kan lawmna chu LALPA-ah lo ni zawk rawh se!!! Kan thlen chin atanga hmasawn zel tur leh finna/thiamna/hausakna neih belh zel tumin, khai le, mimal tin hian i bei sauh sauh zel ang u. Mimal, Chhungkua kan intodelh a, kan fin a, kan hausak tik ni-ah he hnam hi hnam intodelh, hnam fing, hnam hausa kan lo ni mai dawn si a.
Similar Posts:
- Councillor 19-te hausakna belhkhawm nuai 318.41
- Hmasawn
- “Baffacos” zawhna tam takin Boss den a ni
- OPD tharah cheng nuai 135 bo?
- Meikhuin Mizoram a bawm mup mup mai!
September 30th, 2010 at 12:10 am
Nia, kei chu current lo vanghin mut a ngai ta e.
IR chanchin pawh zing ah aw…
…..ba ba re…
Report this comment
September 30th, 2010 at 12:27 am
Damlo maw tia va ziak tha leh si ve a
Report this comment
September 30th, 2010 at 12:36 am
Chantawka lungawi thiam piang hi khawvel a mi vannei ber te an ni mai.Nitin hmasawn kan tum tur ani a, mahse Pathhian theihnghilh phah erawh a tlo ngailo.
Report this comment
September 30th, 2010 at 12:47 am
A va dik tak em! Awhna hi sualna kawngka hawngtu zawng a ni ngei mai. Mahse a tha zawnga hman thiam chuan hlawhtlinna min thlen theitu a ni ve tho.
OT deuh reuh, ka sawi chak tlat si : Dam lohna-in a tlak buak vang a ni ngei ang kawlhawk meuh paw’n ziak zawm loh tur zawm a nei ve hlek hlek nia. ‘Lovin’ tih aiah ‘loin’ tih ho khi chu a tum ve rengah ka ngai mai. Lo sawi zui ve awih loh
Report this comment
September 30th, 2010 at 12:51 am
Chantawka lungawi thiam hi a tha. Mahse, hmasawn tum siin.
Report this comment
September 30th, 2010 at 1:20 am
A dik khop mai. CHantawka lungawi hi cHu a harsa a nih hi. Mahse Pathian hnena in hlan tawpa, tawngtaina nen, tlawmna thinlung nen a kuta innghah tawp hi a thlamuan thlak ber mai.
Tawngtaia Pathian hnena in hlan mai chu a har lo, mahse tlawmna nun nena rilru leh tihtak zeta “Nang in min dahna hcu ka tan a tawk rengsi” kan tih takzet theih hunah tak hian a ni chhanna kan dawn thin ni. Chu ti a nih chuan engkim hi a lungawi thlak thin…
Report this comment
September 30th, 2010 at 1:48 am
@kawlhawk, comment hrang2 atangin i damlo, dam leh ta tih te ka lo hre ve a, a hmasa berin i damleh avangin ka lawmpui a che. I damloh i hmang tangkai nge i post chu solitude mental traveloque chhulchhuak rim a nam ram ram mai, nangmah leh nangmah inhnialna inphumru pawh hmuhtur a awm alawm. Tha khawp mai.Nia, engpawh mai hi extreme a lak loh hi a him fo.
“Tangka sum ngainat hi sual tinreng bul ani”
“Ngainat loh lutuk pawh retheina hmahruai”.lol.
Report this comment
September 30th, 2010 at 2:01 am
“Nawmsakna thlahlel chu mirethei an ni ang a, uain leh hriak ngaina mi chu an hausa lovang.” (Thuf. 21:17)
Report this comment
September 30th, 2010 at 2:03 am
nizanah i dam lo kan na tur vel kan lo sawi a. .i ziak tha thin khawm mai,chhiar a nuam thin e. .
Report this comment
September 30th, 2010 at 2:18 am
@kawlhawk : A chanve vel chin zawng ka chhiar laiin na fe a hnial che ka tum a, ka chhiar zel a i lam ah ka trang leh roh si, ka advice i zawmlo hi ka lawm lohna awm chhun a ni. Subject dah tawh rawh ka tih kha! :lol:
Kan thlen chin zel ah hmasawn tur kan nih thu leh Mihring hi Duhamna a khat kan nih thu i sawichhuah thiam dan hi.. i thluak sample hi scientists ho hian an mamawh thut mai ang ka ti! :mrgreen:
Report this comment
September 30th, 2010 at 3:21 am
Tangka ro sum lam-ah hian chuan han sawibelh vak tur ka nei lo, mahse engkawngah pawh hian hmasawn zel tur kan ni. Thawhrim rah chu mitaima chuan a seng chho zel thin.
He post ka chhiarhma a thupui chauh atanga ka rilru awm chu ITNA tisa chakna lama opposite sex itna hi ani, eitur it lam ni lovin.
AWHNA hi he post ka chhiar vek hnu hi chuan mahni chantawka lungawi em em te hi an awhawm ka ti ngawt nia kei misual hian
Report this comment
September 30th, 2010 at 6:01 am
A dik khawp mai.
ITNA/AWHNA hian min ti changkang a, ITNA/AWHNA vek hi min ti chhetu a ni bawk.
Report this comment
September 30th, 2010 at 6:45 am
@pu kawlhawk, i damlo chung pawn i rawn thawh tha khawp mai
Report this comment
September 30th, 2010 at 6:52 am
Damlo chung pawn hawkdak phian! Huk2
Report this comment
September 30th, 2010 at 7:05 am
Post tha tak ani. Awhna sual a awm a, chuvanga rilru hreawm an awm. Chantawka lungawi thiam te hi awhawm ka ti.
Report this comment
September 30th, 2010 at 7:59 am
It is always wise not to measure the height of a mountain until one has reached the top! It is only after reaching the top that one could see how low it was! but treasure your visions and your dreams and strive to do your best because they will act as the blueprints of your ultimate achievements! Kawlhawk, i ziak tha dap dap hle mai!
Report this comment
September 30th, 2010 at 8:47 am
Hmalam pan zel hi kan damchhung a kan thil tum a ni si a le. Mahse a lo a luakchhuak a pen hi chu a tha lo. Mahse a harsa si a nih hi maw.
Tlai lam chaw chhum tur thawhchhuah tum a tul tak awm laia, Thlawhna lei tum a a man tuak tauh tauh te nen khawvelah hian kan cheng ho vek a ni si a le…
Report this comment
September 30th, 2010 at 9:39 am
RUALAWHNA a awmloh chuan TUMRUHNA a awm thei lo; TUMRUHNA a awmloh chuan TAIMAKNA a awm thei lo; TAIMAKNA a awmloh chuan HLAWHTLINNA a awm thei lo.
(post tha tak a ni… a tha zawnga ruahawh hi kan tih tur a ni)
Report this comment
September 30th, 2010 at 9:51 am
Post tha tak a ni. Kawlhawk, lo dam zel ang che
Report this comment
September 30th, 2010 at 10:14 am
A va tha kher êm.
Report this comment
September 30th, 2010 at 10:45 am
Pawl 3 kan han exam a, pass ve hram ila kan han ti a. Pawl 10 kan han exam a, pass ve hram2 ila kan ti a, chutiang zelin zirna lamah pawh duhtawk a awm thei chuang lo !
A tlang kawmna khi a dik lutuk, chhungkaw tin kan intodelh chuan hnam intodelh/ram intodelh kan ni mai dawn a. Dignity of Labour hi in zirtir thar leh chu kan ngai..
Report this comment
September 30th, 2010 at 10:52 am
Tunlaia ka hringnun a nih hi a.
Report this comment
September 30th, 2010 at 11:26 am
Chantawka lungawi thiam hi a har a ni, a tul thin bawk si a le!
Nihna leh awmna ngaia Rih ar tui phur anga kan la sawh tlut tlut hi chuan kan thanglo ni mai lovin hnungtawlh tana ka inngai thin. Duhamna leh duhthawhna vang ni hauh lova, mihring thanglai, khawvel thang mek a khawsa kan nihna in a min phut chin hi chantawka lungawi ran chungin hlen tum ta zel ila, a ZIAAWM NEP DEUH mahna.
…khrum
Report this comment
September 30th, 2010 at 11:37 am
he itna/awhna hi hmanthiam chuan hringnun kaihruaitu leh hmasawnna kawnga ke min pen tirtu ani tlat.A sang zawk leh tam zawk awhna hi chu mihring kan nih chhung chuan a tawp dawnlo.Bill gates a pawn adang a duh zel.Vanah chauh hei hi chu a tawp ang.
Report this comment
September 30th, 2010 at 1:13 pm
#4 muante, a lo nih hlek hlek tak khi. Phone-ah ka type pawp2 a, ka submit leh tawp a. ‘loin’ khi- ni e, ka hman ve dan reng a ni. ‘v’ ka hman ve ngai loh avangin…
Report this comment
September 30th, 2010 at 2:21 pm
Kawlhawk rin ang ngeiin maw,a ropui e,chhiar aman hla e,Solomona meuh pawn, ka hmaa jerusalem lo awmte zawng zawng aia nasain,Tangkarua leh rangkachakte leh,Lalte ro leh ram bial ro tha bik te ka la khawm a,Amit it zawng pawh a hlah lo,A tlangkawm na, khawvel hi engmah lo mai alo ni e.
Report this comment
September 30th, 2010 at 2:34 pm
albaldes, nimin lama i comment- (min fak derna) ka hmuhin, ka lawm a. Tunah pawh hian ka lawm e. :lol:
Report this comment
September 30th, 2010 at 2:52 pm
kawhawk, biak lawk che ka va duh ve aw! I contact no mzvision ka dil a, a reh daih mai a.
Report this comment
September 30th, 2010 at 2:59 pm
E thianpa Zer0, i dam maw? Eng lam nge ni ta? Pu shai no i nei em kha? Lo zawt mai ta che. Ka lo ngaichang che
Report this comment
September 30th, 2010 at 3:11 pm
Itna leh awhna hi thil thuhmun, a hmanna hrang si ani.
aniang..
Report this comment
September 30th, 2010 at 3:17 pm
pu mzvision number chauh ka nei. pu shaia no pawh ka nei lo. 9436449914 ah i no rawn sms mai teh. (He no hi ka hmang ngai chuang lo a. ka rawn post ta mai
) Thil ho te. Ka rawn tibuai lawk dawn che a
Report this comment
September 30th, 2010 at 8:46 pm
Ne. Adik khawp mai mahse thil pakhat chiah helh deuh chu itna/awhna nei lo chu ‘mi a’ i ti daih kha ania. itna /awhna nei lo baka mifing hi an awm angem aw ka ti ve thung. chung mi chu mahni chan tawk a lungawi thiam te hian an hnaih ber chuan ka ring. Mihringah chuan Isua khan anei lo ngei anga abak chu an awm ka ring lo ve mai2 mawle kei misual sim tur la ngah tak hian.
Report this comment
October 1st, 2010 at 2:52 am
Post tha tak anih khi Kawlhawk nge nge i vawrh tha dap dap thin ngei mai.Ni e kan neih tawkah lungawi zel ilangin khawvel thang zelin a ken tel hmasawnna um zel chungin midangte tan harsatna siam silovin kan thawhrim rah hman tangkai dan thiam thung ilang uikawm em em chuan si lovin te ka ti vel mai mai.
ITNA tih tak mai hian chhas itawm tak tak han hmuh hi chuan sawi tam lo mai teh ang.
Report this comment