Kan hnâr thin na chhan chu kan thawkna dawt a zim vang te, kan mut dan position dik loh vang te, kan hrawk a tissue awm ho chak tawk loh vang te a ni tlangpui thin…
Naute atanga puitling – putar, pitar thleng mai hian hnâr thin hi kan awm ve hrim hrim mai a. Muthlih apianga hnâr ziah thin te leh engemaw chang chauh va hnâr thin te pawh kan awm awm e. Mutpui/chenpui te tana muthilh theih loh khawpa hnâr ring te kan awm a, zawi te tea hnâr ve sêk sêk te nen…
Hnâr ring lutuk avanga chhungte/mutpuite an muthilh theih thin loh hian a inthlahrun awm duh hle a. Inthlahrun avanga room danga mahni chauhva riah hran daih lah chu hnâr rehna/damna a ni der bawk si lo!
Kan hnâr lai hian ka âng huau in nge kan hnâr hmui chip in tih te, zangthalin kan mu nge kan saisir tih te hriat hmasak a tha hle. Hemi hre tur hian kan mutpui/chenpui te hnenah kan hnâr laia kan hnâr dan te, kan awm dan te lo chik/chhinchhiah tura kan hrilh a ngai awm e. Hei hian hnâr ve satliah mai mai nge kan nih natna emaw, hrisellohna emaw kan neih avang hnâr thin kan nih leh nih loh hriat nan a pawimawh a ni.
ENGVANGA HNÂR THIN NGE KAN NIH?
1. Hmui chip chunga kan hnâr anih chuan kan lei (tongue) vang ani.
2. Ka âng huau chunga kan hnâr anih chuan kan hrawk a tissue thenkhat chak tawk toh vang te a ni thei a.
3. Zangthal chunga kan hnâr anih erawh chuan kan mut dan thlak danglam ila a reh ve mai thin bawk.
4. Kan zangthal emaw, kan sai sir emaw, eng ang position pawhin mu ila kan hnâr tho tho anih chuan hrisellohna engemaw tak kan nei te pawh a ni thei.
Heng ho bakah hian chi inthlahchhawng zelah thawkna dawt zim sa hrim hrim kan nih chuan hnâr thin chhungkua anih theih a. Tin, kum a lo upat hnu hian thawkna dawt te alo zim chho ve zela hei vang pawh hian a hnâr theih tho a ni. Hmeichhia aiin mipa ho hi kan thawkna dawt a zim hreta, hei vang hian hmeichhia aiin mipaah chuan hnâr na chance a tam zawk thei bawk awm e.
Kan tarlan tawh ho bakah khian kan hnâr na chhan tamtak sawi tur a awm a, han sawi belh ta zel ila… Allergies, asthma, hritlang, emaw sinus infections emaw kan neih vangin a hnâr theih bawka. Kan thau lutuk vang te pawhin a hnâr theih a, sikret, zu leh damdawi ti nasa mi kan nih chuan kan hnâr thei bawk ani.
HNAR TIH REH/TIH ZIAAWM DAN CHI HRANG HRANG TE:
1. Zangthala mut thin vanga hnâr thin i nih chuan i mut dawnah Tennis ball hi i kekawr kawngah a dah na tur thui la, tennis ball dah chungin mu zangthal thin rawh. Hei hian zangthala mut a ti hrehawm anga, i saisir lo thei lo anga, saisir zawnga muthilh i thiam vat mai ang. Tichuan i hnâr chu a zia awm ang 
2. I thau lutuk emaw i overweight emaw a nih chuan i weight reduce la i hnâr a zia awm ang.
3. I khum lu lam 2 – 4 inch ve ve in emaw kam sang la i hnar a zia awm ang.
4. Mut hma a thil ei teuh te, zu in te emaw mutna damdawi emaw ei ching lo la i hnâr a zia awm ang.
Kan tarlan tak ang zawng zawng pawha i hnâr ala reh thei lo anih chuan doctor- Otolaryngologist (ENT), emaw Dentist emaw rawn a tha ang.
Post hlui lamah “SLEEP APNEA – SLEEPING DISORDER” tih ka post tawh ah khan a treatment chi hrang hrang chhiar belh tur a awm e.
Similar Posts:
- Sleep Apnea – (Sleeping Disorder)
- North East India ah lir a nghing dawn em ni?
- Nula te hriat atan
- YMA Camping
- Mizoram a sawrkar hnathawk – 2005
April 26th, 2010 at 2:08 am
Ka hah zual chang hian ka hnar ve thin a ni awm e, chu tih lovah chuan kerh kerh ve thin lai khan.
Zan dangah “i hnar” min ti ngailo 
Report this comment
April 26th, 2010 at 2:21 am
Hnar hi a mak khawp a sin, Zu ruih hnar te, pianken inthlahchhawn a vangte pawh a ni thei, ka hriat ve tawh ah chuan, ha thial chiam2 te, au ual2 te pawh hi hnardan chi khat an tih mauh pek chu.
Report this comment
April 26th, 2010 at 2:57 am
BP normal loh vanga hnar hi ka kaitho chawt chawt fo mai.
Report this comment
April 26th, 2010 at 3:00 am
ka hnar ngai ve der lo mai!Hnar ring deuh deuh ho bula mut ai chuan tlaivar thak ka thlang zawk. Kan veng pa pakhat phei chu a hnar ring khawpa …an chhuat a tlir dar dar thei nia… a thi thei mai ang a ..tih hlauhawm khawp a ni.
Report this comment
April 26th, 2010 at 3:04 am
Ka hnar nasa thei an ti; mahse, ka hnar tih ka hre ngai reng reng lo. Ka hnar ri ka la hre ngai vak lo bawk. Hmeichhe ang zat meuhvin nge min ning ru tawh ang aw?
Ka hnar dan chanchin sawitute hian an uar lek lek deuh emaw ni chu aw ka ti rum rum fo. Mahse, tak tak a nih ka ring ta riau, Outdoor Camp-ah pawh tent dangah min riahtir hial thin a, min hre chiang. Ka thawm an sawi ngaihnawm thei khawp mai. Kei ber ber hian ka lawm vel zu nia!
Sipai raldo tur atan hian hnar bur bur mi an tlaktlai ngai lo! Ramhnuaiah riak ta se, hmelmaten an rawn sai nalh nalh mai dawn a ni.
Red Indian (Native American)-ho hi an SNORE ngai vak lo, sentet lai atangin an khabe leh chhip suih zawmin an mutthilhtir thin, NASAL ngeia boruak hip luh leh thawk chhuah hi a lo pawimawh hle a nih ber chu!
Ka hnar ring nasa thei a, ka bula nula tlaivar chak hrim hrimte chu riak turin ka sawm e, an tlaivar chiang thei khawp ang. An sawi dan phei chuan ‘helicopter thlawk chhuak tur,’ min ti hial! ha ha ha :lol: BMW hi ka bula tlaivar atan ka awt, skimi’n thik lo se!
Report this comment
April 26th, 2010 at 3:05 am
ka mu tawh dawn..mahse ka hnar leh hnar loh ka in record thlap dawn :lol:
Report this comment
April 26th, 2010 at 3:07 am
Pu chawnghilh chu le(h)!Thriah thriah mai dawna…luck awm rapss!
Report this comment
April 26th, 2010 at 3:47 am
Kan khaw weather warning hi ropui lo fia fia. Tunah tlai dar 6:15 a ni a, dar 7 thleng Tornado warning a awm bakah, rial (hail) ping pong tiat tiat a tla dawn an rawn ti heps mai…TV/Radio ah
chhungte an van ngaihtuah awm vele. “everyone is advised to hide in a safe place right away…”
Report this comment
April 26th, 2010 at 6:30 am
ka thau ve tak deuh hnu hian ka hnar ta tlat mai. Cher chhe zet zet hnar ring tak tak ka hre nual tho bawk. Thau vang ringawt chu ani lo ni tur ani.
Report this comment
April 26th, 2010 at 7:25 am
Hnar hi inthlahdah luat vangte pawh aang kati..thosi thlawk ri avang pawh a harh zawk thei tanchuan mi hnar thlurh thlurh bulhnaia muthilh tum chu thil harsa tak ani.
Ka hnar ngailo a..Hnar thin ho tumah ka thik lo bawk..hahaha
Report this comment
April 26th, 2010 at 7:37 am
Ka hnar nasat avang hian ka harh hlawl hlawl fo mai. Ka ang thin a nih ka ring a, ka dang a ro vek thin bawk. Ka ning khawp mai. Naupang ho excursion ka kal pui tumin ka hnar ri kha an lawm lutuk a,an lo record vel!! A lawm berah ka la tang zui mawle :smile: Ka nupui fanaute hi chuan ngaiah an nei tawh a, ka awi mutui zawk tawh hial asin!
Report this comment
April 26th, 2010 at 7:38 am
muante, dang mawn phe hlawrh hlawrh in ka ang phuau khan i hnar aniang chu mawle
I rial rei thei char2 hle mai.
Report this comment
April 26th, 2010 at 7:45 am
Ka kerh kerh chang chauh hian ka hnar thin chu poh chu zeuh zeuh choh a ni…keipoh ka thianpa hnar ka record thin :lol:
Report this comment
April 26th, 2010 at 7:50 am
Huatthua lak chi lah nilo mi hnar ve tlat te,#muantea chu in hlimpui phian ava ang ve..hahah:-
Report this comment
April 26th, 2010 at 8:47 am
Tumkhat kan khawhar in riak, kan thianpa pakhat hi a hnar bengchheng luttuk a, kan thianpa pakhat hian ‘pipe a awm em?’ a rawn ti a. ‘Ngatinge?’ kan han tih chuan, ‘A bengchheng luttuk, pipe a hnarah vuah ila pawnah a pipe hmawr lehlam i dah chhuak teh ang u’ a ti heu mai a. Han ngaihtuah chuan a nih duh hmel. Pawnah a hnar ri hlarh hlarh mai dawn a.
Hnar bengchheng chi bul a mut dawn chuan mut hilh san vat vat chi :lol:
Report this comment
April 26th, 2010 at 9:18 am
hnar bengchheng deuh hi chu an pum ah na deuh hlek in han chum awk ila a reh ve mai :lol:
Report this comment
April 26th, 2010 at 10:37 am
Hnar thin deuh hi chu an awm,mahse hnar ngai lo pawh an lo thau lutuk hian an hnar duh riau an ti.
Report this comment
April 26th, 2010 at 11:37 am
‘Hnâr’ hi kâ leh hnarkua atarng te a lo ri chhuak a, Hnar chi hnih hmuh theih leh hmuh theih loh lo awm reng nia!!!
kan komchhak pa hnar ring lutuka 100m vel trang pawn la hriat phak maw leeee… an kawmthang Tuikhur tuichawi ho hian an nuih thriah2 thrin, mak vel tak chu ni!!! :lol:
Report this comment
April 26th, 2010 at 12:09 pm
#16 A bengchheng laiah tak chuan tuilum chial leih luh pawh a thra, a so bawrh bawrh a an hnar tawp ve mai thin
Report this comment
April 26th, 2010 at 6:59 pm
Keipawh ka kerh kerh chiahin ka hnarin ka hria,chupawh ka inhnem changin.
Report this comment
April 26th, 2010 at 8:59 pm
Keipawh ka lo thau ve deuh hnu hian ka hnar thin tlat mai. Khual khua ah a zahthlak.
Report this comment