Kum za zen zawn Kristianna-in kan ramah ro a rel hnu-in Zonun kalsiam chu a chhuanchhe zawngin a her muai muai a; thatchhiatna te, dawngdahna te, eirukna te leh sualna tinreng te chuan hlet rawn chhuahin Phung velh ang maiin a rawn in-se-hawr tup tup a, lo dova lo daltu tur te chu kan tha a thum in kan tawlh duai duai zel mai thin anih hi maw!!.
Taimakna-in kan nunah hmun a chang zo tawh lo a, kan zik a nguiin kan zam a zal zo tawh a, hna kan thawk tui thei lova kan mut leh kan chaw ei a tui hlur mai a nih hi! Zirlaite zingah thiamna tak tak pawchhuak zo si lova a thatchhe tawk chauha inzir fing kan tam ta.
Ngurchuaia lehkha zir dan hi han en teh: Lehkha zir tur inchhawp hnawk nuai e ti lo chuan zan dar ruk velah a tei ruk ruk a, dar sarihah hla a han sa rih a, dar riatah a riat vel mai mai a, dar kua a thlen meuh chuan,”Ka inzir kawthalo zo dawn”, tih leh mut a rual a, tuk tin delh hlum sa ei a la tum ziah lehnghal.
Hetiang mi hi kan tam avang hian a lawm kan ramah hian IQ aia BP sang, rilru aia pumpui chak, knowledge aia ka reh zau chu Utum vuak ang maia kan pung tak tual tual. Exam result a han chhuaka keimahni bu zawlah ngei hnam dang kutzungtang thliaka chhiar tham lek te chu a ti tha tha-ah tangin ‘Top Ten’-ah an intlar thla leh thluai thluai thin a, a ram leilung fate erawh chu a ‘Tawp Ten’-ah kan inhnawh khawm leh hung thin a nih hi.
Result chhuah dawna Pass Pass ei leh ngawt thin hi pass-na a ni ber lo tih tlai khawhnu-ah kan hre ve leh chauh thin. Zirlai Maths exam dawna chawh chi ka zir theihnghilh daiha ti thin, ball chawh thiam si lo Maths chawh peih bawk si lo tan chuan Cement chawh te phei chu khawilam riangvaiah! Doctor chawh loh damdawi ei kan hrat viau ringawt ang a, kan chawh tawlh tawlh ang tih a hlauhawm!
Zuk leh hmuam leh ruihtheih thil-ah lah kan tlan nasa.
Jerusalem aiin zu leh sa lem kan thlahlel zawk a, Kalvary aiin kuhva riin min ko kal tawh zawk a, Sinai Tlang aiin Chinai tlang kan hre lar tawh zawk a nih hi. Vaiho leh vaihlo tel lo chuan nikhat te pawh kan hmang tumtla thei ta lo. Damlo tena dam nana an hman ‘Damdawi’ lah chu a dam tha pangngaia ten thihna atan ‘Famdawi’-ah kan hmang duh ta zel a nih hi maw. Kan thalai te zingah lah chuan ramthim vei aiin ruihhlo ngawl vei an pung tual tual a, hetianga kan kal zel chuan kan thalai William-a te ho hi kan Uiliam-in kan Vuiliam reng mai dawn anih hi!
Kan thiamna aiin kan incheina a sang tawh zawk a, thawhchhuah nei lo Eithladuaki leh Inthladuaka te ho hi incheina duh tui tui kan ni ber awm e. Kan ram retheihzia entirna ni awm takin cho loh Dardawni teho chuan kawr tawngchham tak tak lai lang kawr an ha a, chhuihthang Valmawla teho lah chuan kan ram hnufualzia entirna ni awm takin kekawr kapfual tak tak an ha a, chhungte tel lova meialh en mai tur te hian chhungte thawhchhuah sa a tlaran zawngin kan lo khawsakpui a ni ber e. Dehchhuah aia dehral nei tam zawk ram hian ram dang kuhmumah par kan chhuang a, choak arawn chang tawn ang chauh niin chinghne beram vun sin nen kan lem chuang lo.
‘I HMELMATE HMANGAIH RAWH’ tih thupek te chu zawm aiin zawm lovah kan ramtang a, intikohhran mi tak tak chawlhni-a a kawm dum nena Biak Ina lawi thin tha ngawlvei hote lah chu mi zilh tur awm sela a kut za za leh a kut thak thakah an tang duh khawp. Mi tumlum tak tak, kuttum, lungtum leh talhtum (thenkhat phei chuan ‘chemtum’ lek pawh an hnial ta lo) nena tum bur chunga mi tum ri dum dum thintute zingah hian kohhrana intifepfu leh intipachuau tak tak an inrawlh ve thin nia! Mi in sak a thlawna pui peih mang si lo hi intunnunna atana zu zuar hmeithai in thiat tur chuan kan in pang-aw-zial leh tup tup thin a nih ber hi maw! Mi in thiahsak nana ngaltha tihchak viau leh mi zilh nana kut tihzat viau hian eng kori mah a tu teh chiam lo a sin.
Eirukna lah chu kan kawtkaiah rawn innghatin kan inchhungah bu a rawn khuar a, tihbo tum tak a ruangin khualtha thlenin kan lo thleng hmiah hmiah tawh mai a ni. Dikna kan hlamzuihtir a, felna diriamin kan cheksawlh a, thatna hnuaichhiahin kan mausam a, rinawmna nen kan inchemhar zo ta. Thamna leh eirukna sum hmanga mahni sahmim hnawhpuar thin hote lah chu hnualsuat tak aruangin kan intlawnsiak a, kohhran leh khawtlangah nihna leh chanvo tha tha kan lo papeka an tello chuan sera mu kan thur thei ta meuh lo.
Thu sai sa leh thu satel lu tak tak pawh sawi sela a Lal hla thluam-in kan hre tawh a, I-he lovin kan lo ram chang pawm leh hmiah hmiah mai thin a ni. Pate eiruk zara Car khalh zar zar thin Zara te ho hian Czar emaw ka nih an inti tawh a nih ber hi le. Hetih lai hian dikna tantute erawh chuan entleu, ensan, nuihsan, hransan leh phatsan an hlawh thung a, hetiang renga kan kal a nih chuan kan ram ‘Democracy’ ram ti-a kan chhuan em em hi ‘Plutocracy’ (neihchawngte chemhrah lalna ram) ah kan la chhuah mai ang tih a hlauhawm.
A hausaa te deh loh sakei huai len taka an len a, muvanlai tlang chawia an len delh delh lai hian a rethei ate vek chuan lal loh kawr nen rethei bakberhin kawla ni chhuak an chhiar a, pawisa erawh chhiar tur an nei lo. An bianga thlantui luang leh an lungngaihna mittui luang chuan rah tha a chhuahsak chuang si lo. An beiseina neih ve chhun lah chu sa tah chhuak pek ang chauh a ni a, an tan lawmna chhan tur a awm lo a, Zunteii-nu siam ang chauh an ni leh si thin. Keini ang mi sa lengdawr chuan hnuai, mi hausa pawh ni lo mi ho-sa tan phei chuan nunkhaw chhuah chu ralpui phiar taka kan phiara kan beih a ngai ta.
He kan ram tlu chhe mek tung ding a, din thar tur hian nang leh kei hi kan pawimawh ber a, midang ko-a nghat mai lovin kan kutah nghatin phur tlang thei ila chuan he kan ram hian ‘Chhawrpial Run’ a iang leh thei ngei ang le. He ram kan pi leh pu ten thisen, thlantui leh mittui senga an lo din loh hi chu ram dang nang leh kei hian kan nei lo tih hriain ram leh hnam hmangaih hi a bata kan bat a ni tih thu hi I hre thar leh thin ang u. Ni e, ram hmangaihtu thinlungah chuan Vairama lunghlu ai chuan Zorama lungte pakhat pawh hi a hlu zawk si a……
By C. L. Lalremruata (Terema)
a tha khawp mai
March 11th, 2011 at 8:34 pm
Ziak tha hle mai
Hijack tumvang pawh nilovin hre deuh in lo awm takin kan zawt lawk. In hmun mi in loan lak nan an hmang hi loan an rulh zawh hma in hralh ta se, an hralh zawh ah loan hi rul zo duh ta lo se in hmun hi Bank in a neitu thar te hnen atangin a chhuhsak mai dawn tihna ami? Chuti ni se a neitu thar te hian Pawisa bakah ram an chan (chan double) vek dawn tihna ani em le?
Report this comment
March 11th, 2011 at 8:35 pm
Hmmm….ziak dan tê chu..lomom. Skillful reuh khop mai..chhiar a nuam.
Report this comment
March 11th, 2011 at 8:39 pm
A thupui hi enge omzia?? min han hrilhfiah sak teu. Nunkhaw chheu chu enge le?
Report this comment
March 11th, 2011 at 8:42 pm
@ 1….collateral a an dah tlat avangin a neitu tharte chuan an rulh vek angai…same goes for vehicles purchased for which full repayment of loan is not done..chuvangin hetiang lei dawn chuan an loan documents te enchiang tur
Report this comment
March 11th, 2011 at 8:48 pm
# 4..mahse a oppose dan a awm ve leh tho..midanign sawi phawt se chuan nakin lamah ka sawi ve dawn ania
Report this comment
March 11th, 2011 at 8:59 pm
zualbonez a hian thil hi chu a hre zut zut mawle, tlema hmeltha ve deuh ah a it awm.
Ani aia bright lo leh zeilo ho hian nupui tha tak tak an neih san chu ani sia leh. 
Report this comment
March 11th, 2011 at 8:59 pm
ziak thui in thlung khawm fuh thei viau mai a.
Report this comment
March 11th, 2011 at 9:03 pm
Chheu tih hi engnge a awmzia?
Report this comment
March 11th, 2011 at 9:03 pm
Kan ram hi a tluchhe mek hi in tih leh ringawt thin a tun dinhmun ai a ropui lai hi kan nei tawh reng reng ami?
Report this comment
March 11th, 2011 at 9:03 pm
ka chhiar chhuah hun chhung let sawm zet chu a ziah nan hun i hmang ngei ang a!
Report this comment
March 11th, 2011 at 9:05 pm
A thupui hi, “Kan nunkawng chheh dan hi.” tihtur ni awmtak ani.
Keyboard ah hian U leh H hi a in hnaih ema a hmu phir velin a HIT sual aniang.
Report this comment
March 11th, 2011 at 9:06 pm
thumps up
Report this comment
March 11th, 2011 at 9:08 pm
Report this comment
March 11th, 2011 at 9:09 pm
ka va duh reuh e thu ziah dan chu…a dik bawk si….
Report this comment
March 11th, 2011 at 9:14 pm
Thil tha sawi hi chu a awl khawp maiah
Report this comment
March 11th, 2011 at 9:15 pm
van thra em!!
Report this comment
March 11th, 2011 at 9:15 pm
Funny hi a ek a chhuak leh tawh a mi, a awmna hria chuan hetah hian rawn theh thal thruai teh u
Report this comment
March 11th, 2011 at 9:15 pm
Patlinga pumpa pawn Terema in inti duh tlat tawh maia, tlachhe tak kan ni
Report this comment
March 11th, 2011 at 9:17 pm
A tha hle mai.
Report this comment
March 11th, 2011 at 9:17 pm
kan nunkhua kan hman dan tihna a nih hi…nunkhaw chheu hi tunlaiah chuan kan khawdang sial hmuh hu tawh a nih ber hi maw..:-)
Report this comment
March 11th, 2011 at 9:26 pm
Chheu hi Zualbonez te tawng ani lo maw?
Report this comment
March 11th, 2011 at 9:34 pm
Lalramhluni hlaah pawh ‘Chheu dun ang’ tih a awm kha
Report this comment
March 11th, 2011 at 9:35 pm
sap thufing chuan,’when wealth is lost nothing is lost,when health is lost something is lost, when character is lost everything is lost’, a ti a; chu vang chuan kan nungchang ber kan hlauh tawh chuan kan tluchhia tihna a ni ber zawk lawm ni te ka ti mai mai a..:)
Report this comment
March 11th, 2011 at 9:39 pm
a lo nih tak chu………!!!!!
Report this comment
March 11th, 2011 at 9:40 pm
Chheu tih hi Mizotawng ve reng a ni. RemPy te ho chuan an hre lo mai thei! 80s hnu lamah chuan hman rim vak a ni tawh lo
Report this comment
March 11th, 2011 at 9:49 pm
He post hi a bengvakthlak vei riau, kalo hriat ngai lemloh word leh phrase a awm nual. Ziah zawm tur leh tur loh lamah erawh chuan a confuse ve tho mai (niin a lang).
Report this comment
March 11th, 2011 at 9:49 pm
‘Chheu’ tih hi ‘chheih’ tih tur zawk a niang,typing mistake a niang..ka ringsss!!(leh lo)
Report this comment
March 11th, 2011 at 9:50 pm
“Chheu” tih chu “Chen/leng/pal…” tihna a ni a, duhlian tawng dik tak a ni e. Hringnun ka chen(chheu); Vanglaini i chen/lengdarh (chheu) dun ang; I tawngkam han chhakchhuah(chheu) dan chu a va fel ve. etc.
A ziaktupa chu i ril reuh hle mai. a awze tawng takin i creative takzet a ni. FAK MAWLH MAWLH….
Report this comment
March 11th, 2011 at 9:56 pm
A tha hle mai.
Report this comment
March 11th, 2011 at 10:00 pm
tawng kam i va han thiam/nalh e aw….ramthar venga mi kha i ni em?
Report this comment
March 11th, 2011 at 10:00 pm
rascal #17: hahaha, kan thiapa minti hrechhuak.
Hmnah kan thianpa te inti buai deuh kha a pa in a rawn thelh dawna, a pa ani tih hre heklo khan alo keuh thal tawp. A pa rawn thawh leh kha chuan a pa ani tih a hre tawha, che zui ngam heklo, a pa in an beng mai chu a pai chawn chawn.
Report this comment
March 11th, 2011 at 10:06 pm
OT:
Bangladesh hian England hi an hneh mai dawn e lo maw? Funny te ngaihdan!
…khrum
Report this comment
March 11th, 2011 at 10:12 pm
Word play i thiam riau mai a…
CHHEU hre lova hei tiat thang lian pawh kan lo la awm nual a ni maw 
Post-tupa chu Chhakchhuak ve bawk i ni a, Mizotawng pawh i thiam viau a nih dawn hi tih nak alaiin #23 ah khian ‘hloh’ tih turah ‘hlauh’ i tih leh ngawt khi!
Mitdel Sai hmu ang deuhin kan thlirna tlang azirin kan ram hi chu kan hmu chhiain kan hmu tha mai chu a nih hi.
Report this comment
March 11th, 2011 at 10:15 pm
OT leh,
Kha maw, Bangladesh an chak der. Hmuhnawm hle mai. KKK an a en ve lehpek em ni le.
…khrum
Report this comment
March 11th, 2011 at 10:18 pm
A game a tang khawpmai, rin lawk thiam a har bawk, baller ah pawh bat lama last choice an ni tawha tuna bat hi chu, vanneih chuan run siam thei tho anni bawka…
comment ka type laiin 4 a rawn hit a a ho der. hehehe, ka comment hi ka dah ta tho. Lolz
England hi an che chhe thei reng reng Ireland tekha an han hnehlo ringawt a, cricket khawvelah an han in lar hleih nen.
Report this comment
March 11th, 2011 at 10:23 pm
OT ve lawk:
Google page ah ti hian a lo inziak a:
Tsunami Alert Waves expected across the Pacific region, caused by 8.9 earthquake in Japan
Report this comment
March 11th, 2011 at 10:23 pm
In lo hre tawh hlawm em, nge keimah hian ka hre tlai jokes….
Report this comment
March 11th, 2011 at 10:24 pm
Home ground a ni bawk a tailenders pawn an mei an vaw hot ve hrim hrim anih kha.
England te chu a. Footballah pawh eng a nih theih loh hi.
Ireland hi chu previous ah pawh khan an che tha tlat.
Post tupa, OT hluai a, sorry.
…khrum
Report this comment
March 11th, 2011 at 10:30 pm
A post hi a zahawm ve bawksia, tunlai chu cricket lam post tehi awm ve sela, han sawi ho tepawh a chakawm ve khawpmai.
India captain MS.Dhoni hi a chang hi chuan a khelh dan hi, pawngpaw hit pawp pawh duh chi, a thalai rilru riau ten ka hre thin. Hman deuh IPL ah pawh khan vawikhat 6 a hit nawna an chak phah lai vel an han focus khan a hmuiphun khan, “mother*****r” ti a ang riau, a tih ka ring.
Report this comment
March 11th, 2011 at 10:30 pm
I tawngkam han chheh kual vel dan chu, dek nalh fu ni!
A tha lutuk. ‘intipachuau’ i tih tak erawh khi chu, kei pachuaupa hian negative sense in i hmang em ni? ka’n ti deuh a ni!
Report this comment
March 11th, 2011 at 10:31 pm
@33,muantea i sawi dik khawp mai..kha kha ka tih palh liau liau a ni..comment ka lo submit lak lawh tawh si a, k sent hnu a ka en leh khan ka hre chhuak nghala engtikah tak rawn hmuchhuak hlawm ang maw ka ti reng a ni..
Report this comment
March 11th, 2011 at 10:32 pm
@25, ninja, Nia, 60s ah khan kan hmang nasa a, mahse a rei tawh a kan kum alo tam ta bawk nen kei chu ka theihnghilh ta tlat alawm mawle.
Report this comment
March 11th, 2011 at 11:39 pm
word play ah chuan talent i nei fu ni, rhyme chu ani chiahlo nang a, a thluk nei deuh a thinrim deuh a chham zuah zuah a inhmeh hmel…yo…yo….
A thulaimu hi nitin chanchinbu a uar uchuak deuh taka inziak chin,deep root taka chhuina awm mang silo kha ani mai a, thudik ah ka pawm lemlo. A philosophy pawh ka amen lemlo. A chhelam hi kan tlangaupui vak zel a, kan chhehvel tlangmi te nen a inkhaikhin phei chuan hnamdang ho hi ka awt hauh hleinem. Tin, a thim zawng a thlir a, a damna kawhhmuh leh mang siloh hi chu….a….TUR ani ringawt.
Hla phuah erawh i thiam ka ring e.
Report this comment
March 12th, 2011 at 12:02 am
sawi vak ngaihna pawh ka hre lo…hringnun tawlailir chu i khalh ngil e…
Report this comment
March 12th, 2011 at 12:35 am
@43 chu ka lo ngaihtuah lai tak. Rap hla thui tak tak phuah se a lar chak phian ang ka ti. NOI
tih tak hi chu ka hriatngailoh anih pawh ka ringlo. Eng ti tiha remdun ta mai nge maw i nih aw ka la ti vawng vawng mai.
1-na ah chuan mi pakhat chiah a awm theih a, a titha ber pawh pakhat chiah anih theih si a, intihsiaknaah chuan a titha ber bak chu ti thalo anni vek tawh a, a tichhia an tam na na na chuan sawi pawh an hlawh zawk ang chu.
Hmanni NET exam ah pawh maths ah mizo tlangval in 100% percentile a hmu e an tih kha maw. mihring maktaduai khat atanga mi pakhatin mi tluklehdingawm awmnaa thalai te a a khum vek thei chu awm zen zen lo mahse a lawmawm viau ani
Report this comment
March 12th, 2011 at 9:42 am
A sei nanga ka kham hauhlo mai, Bible tiah lawih law law in ziak la, chawnghei a chip char char ka chak chiang ang le.
Kawmen ah i tum ang i hmu letlo a nih pawn vui suh, i ziak tha lutuk a sawi belh tur thlawt kan hre tawhlo ah ngai mai rawh.
Report this comment
March 12th, 2011 at 9:56 am
Thuziak thiamin in han ziah hi chuan chhiar a kal zaih mai. I thuziak ka
tawp. Mahse, a êng zawnga Mizoram leh Mizote chanchin ziah hi kan la hmu tlem zel a nih hi maw..
Report this comment
March 12th, 2011 at 9:59 am
Ngaihnawm phian mai
Report this comment
March 12th, 2011 at 12:17 pm
I thuziak trawngkam bungrua chua a in la lawn nalh hlawm hle maia, i ziah ah khian nangmah chu i tello tur ah ngai ang
.Thu chu i thiam hle mai, hla chham mi pawh i phuah thiam viau ka ring e. 
Report this comment
March 12th, 2011 at 1:12 pm
Ziak tha khawp mai, Chuan ‘se hawr’ leh ‘se hmur’ hi a hman na a in ang tho em le ?
Report this comment