Kan Kristian hlabu No.338 Lalpa ram lak tumin khawvel ah hian tih chang thum na thu hi a mak ang reng riau mai a thian thenkhat te nen kan inhnial chiam tawh a.A phuahtu Pu.Zahlira hi Chhimthlang lam Tuikuk leh chakma ram vel ah Kum 30 chuang Gospel hmangaih a lo pen tawh ani.A dam lai khan ka lo ngaihtuah chik lem lo a.A phuah chhan leh a awmzia te lo zawt ila a tha tur hi ania le.
Misual, thu leh hla lam a tui mi te khan han sawifiah dawn chhin teh u.
Ka hmabak tih tur min lo buatsaih ta;
Gospel la hmangaih lo hruai turin;
He ta” Gospel la hmangaih lo hruai turin” tih hi,Gospel lo dawng(recieve) nge Gospel la hmangaih ve ngailo. Enge misual ho khan in ngaih dan.
Similar Posts:
- Mak ka ti!
- Rahsi: Enge a awmzia?
- Happy Republic Day
- What is Love? What does it mean to me?
- Greek Hmangaihna Chi hrang
September 8th, 2010 at 1:33 pm
la dawnglo niang
[Report abuse]
September 8th, 2010 at 1:36 pm
keipawh la dawnglo nih ka ring…
[Report abuse]
September 8th, 2010 at 1:38 pm
“hmangaihlo” tih khi ziah zawm keuh se a chiang mai lawm ni
“Those who haven’t known the Gospel” tihna ang a niang chu a saptawng chuan
[Report abuse]
September 8th, 2010 at 1:53 pm
A la dawng lo tihna a nih hmel, CHakma leh Tuikuk ram bawr vela a awm laia a phuah a nih chuan.
[Report abuse]
September 8th, 2010 at 1:55 pm
Gospel tih hi chanchintha tihna ah kan pawm a nih si chuan chanchintha la dawng ve lo tih emaw chanchintha la hmangaih ve lote tih hi a awmzia dang daih mahse a phuahtu zalenna atangin tum inang, kawp ve ve ah ka ngai tawp mai. A pahnih a a huam hian a phuahtu han chhuidawn pui la i la, gospel a thlen zauna tur a buatsaih ni ta chu la hmangaihlo emaw la dawng ve lote tan chauh ni lovin an pahnih tan a nih ka ring ve tawp.
[Report abuse]
September 8th, 2010 at 2:04 pm
Inhnial phah em na tur chuan a thu khi a kawngbo em em in ka hre lo..1 leh 2 te leh a dang dangte ang hian Chanchintha la dawnglo te tihna mai anih hmel.
[Report abuse]
September 8th, 2010 at 2:14 pm
‘Lo’ tih hi chu a hranga ziak tur a ni. Punctuation pawimawhna a nih khi. Hmangaih lo, emaw, hmangaih, lo hruai turin. . .
Comma awmna khian a hril thui a nia.
He he
[Report abuse]
September 8th, 2010 at 2:35 pm
aduhi Says:
September 8th, 2010 at 1:38 pm
“hmangaihlo” tih khi ziah zawm keuh se a chiang mai lawm ni
‘hmangaih’ leh ‘lo’ hi ziak zawm loh zawk tur a ni e. Ziak zawm anih a vang hian noun-ah kan siam ta hluai a ni chuang lo.
Poetic license hi a pawimawh khawp mai. Poem hi chu spontaneous overflow of powerful feeling an tih ve bawk hi maw. A phuahtu thinlunga a rik nat dan ber khan a rawn chhuak ta thin a, chutah tak chuan a phuahtu khan thu a nei ta em em mai a ni.
Tin, tun hma deuh kha chuan Gospel tih tawngkam hi an hmang rim viau reng a ni. Thlarau bote/ Lal Isua chanchin la hre lote hruai chhuak turin tihna tlukpui atan ‘Gospel la hmangaih lo hruai turin’ a rawn ti ta hnap mai a nih hi. He hla hi sak mai mai chi pawh a ni meuh lo, keini ang rinna chak lo deuh tan chuan :smile:
[Report abuse]
September 8th, 2010 at 2:44 pm
A ziakzawmlo tlat a, ti khi chuan, ‘ gospel la hmangaih reng/tana la rinawm reng ‘ te a sawina/tihna a ang ka ti . Eg..’i tana rinawm lo zawng chhuak ang che’ tih leh ‘i tana rinawmlo zawng chhuak ang che’ etc…a phuahtu hian mizotawng a hmangthiam chuan ka ring si a..
[Report abuse]
September 8th, 2010 at 2:48 pm
Gospel la dawng lo te leh dawng tawh, mahse la hmangaih/pawm si lo te chu hruai an ngai ve ve ang a, a pahnih hian huamtir mai a tha lo’m ni?
[Report abuse]
September 8th, 2010 at 3:07 pm
@ mamipa chu i va lo ch,k bik ve! ‘ lo dawng’ nge ‘ la hmangaih ngai lo’. Zawhna ang hi chuan chhang ta ila, hmangaih ngailo, a nih ka ring.
Amaherawhchu, la dawnglo nge, la hmangaih ngailo tih ni ta sela, a phuahtu rilru tur han dawnpuiin; ‘dawng’ leh ‘ hmangaih’ khi, thumal hrang tum thuhmun nei a ni ang. Tichuan, ‘chanchintha la dawng ngailo’ a nih ka ring.
‘lo’ hi, prefix leh suffix- ah awmze dang daih a ni a. Suffix- a hman a nihin’ negative sense a siam a, ziakzawm tur a ni zawkin a lang. E.g: kal, kallo. Tin, coma hian thumal emaw thu hi an awmzia a tidanglam daih bawk tih chu kan hriattlan kha.
[Report abuse]
September 8th, 2010 at 3:14 pm
Min lo pui teh u:
Ka Computer hi a hma chuan Windows XP(Service Pack-3 final edition) kha ka hmang a, chuan Windows-7 ka load ve chhin a, Computer ka on a ka hman reng lai hian in off silo hian a thim thut a, a lo lang leh thin a. Partition ka check chhin a, alo buai ta vek mai. Partition Magic atanga ka en chuan a eng vekin a lang a, Partition pawh engmah a inthenlo. Mahse, Computer run pangngai chuan partition a awm hrang vek tho a. Windows thar a load tlang thei ta lo a.
Chuan Hard Disk ka format vek a, Partition ka siam thar vek a, Windows thar(XP Service Pack-2) ka load tha a, mahse, Bios pawh a tihlan theih loh a, Computer a start chhuah chiah a, Desktop a lo lan hian a thim thut a, a lo lang nawn leh thin a, Hiren atangin Partition ka en theilo bawk a, Hiren tools engmah ka hmang theilo a, Ka Windows load thar pawh chu ka backup thei chuanglo.
Engtia tih chi nge ni ang le? Khawngaihin minlo pui hram teh u.
[Report abuse]
September 8th, 2010 at 3:19 pm
watever a phuahtu ber a ziaktu pa sawi ang khian awm tawh mang silo a, kan ngaihdan treuh khan kalpui mai ang u…tiang lam hi chu han khel chi vak pawh niin ka hrelo, a rillllllll ltk aaaaaaa
[Report abuse]
September 8th, 2010 at 3:21 pm
he hla hi sak a nuam ka ti
[Report abuse]
September 8th, 2010 at 3:45 pm
#11 Benny chu leh…Mizo tawngah “lo” hi suffix emaw ‘fix lo emaw pawh ni se ziak zawm loh thin a ni e. Dan siamtu phei chu ka ni lo a.
[Report abuse]
September 8th, 2010 at 3:49 pm
#10 na ngaihdan khi ka pawmpui e.
[Report abuse]
September 8th, 2010 at 4:01 pm
MamiPa chu i buai lohna turah i buai a ni maw. Lo buai tawh suh, Khi khian kan literature KHRUM zia a tichiang an ti a nih chu.
Ka lawm e.
…khrum
[Report abuse]
September 8th, 2010 at 4:10 pm
Chanchintha la dawng lo chuan a hre lovang a, a hriat loh chuan a hmangaih tura pawh tunge tih a hre bawk lovang. Chuvangin a pahnih khian a dik thei ve vein ka hria.
[Report abuse]
September 8th, 2010 at 4:39 pm
Sonju-a awka chhuak hi ka Amen pui e..
[Report abuse]
September 8th, 2010 at 5:03 pm
chanchin tha (gospel) la dawng ve lote tihna a ni mai lawm ni ?
[Report abuse]
September 8th, 2010 at 5:17 pm
mipakhatin thil sem tur in tlangval ho a tir a,”in thil sem la duh apiang chu ka hnen ah rawn hruai ang che u,lawmman dang ka pek belh dawn e” a tih na ang chi ani thei lo maw.
Gospel lo la(lo ring duh te) ama hnen lo hruai tur in.
[Report abuse]
September 8th, 2010 at 5:19 pm
KA HMABAK TIH TUR MIN LO BUATSAIH TA,
GOSPEL LA HMANGAIH LO HRUAI TURIN;
SUAL RAL LIANTE CHU KA TAWN ZEL ANG A,
MIN HRUAINAAH KA KAL ANG.
ka thawh tur min siamsak chu Isua tlanna chanchintha hmangaih nachang la hrelote chanchintha hmangaih ve tura hruai turin.Sual pawhin min tibuai mahse Pathian min hruaina, ka tih tur atana a ruat chu ka ti zel ang.
tihna a ni mai dawn lawm ni..
[Report abuse]
September 8th, 2010 at 6:10 pm
Gospel hi a laka lak (la) a ni lem lova, a dawnin kan dawng a ni.
Chuvangin chanchintha la dawng velote hnena hrilh chu he hla phuahtuin ‘tihtur’ a tih hi a nih a rinawm.
Hla thu tluang pangngai tak niin ka hria.
[Report abuse]
September 8th, 2010 at 6:14 pm
Kan hmabak tih tur min lo buatsaih chu, Gospel la hmangaih ve lo te hruai….ni mai..
RINGHLEL LEH HLAU LOVIN KA KAL
Ringhlel chungin kan kal tihna ani chuang lovin ka hria.
[Report abuse]
September 8th, 2010 at 6:37 pm
‘lo’ hi suffix a hman a dik lovin ka hria. Amaha awmze nei (negative meaning) nei a nih avangin @MamiPa sawi hi dik theiin ka hre lo.
[Report abuse]
September 8th, 2010 at 6:38 pm
A Sawitum a Fiah Tha alawm le…? “Gospel (Chanchin Tha)” a tih lai tak hi “Lal Isua” a sawina a ni a, “Lal Isua la hmangaih (pawm) ve thei lo ten, Lal Isua an Hmangaih ve theih nan Pathianin Tihtur min pe a, Min Dotu (sual rallian) awm mahse, Lalpa Min Hruaina anih avangin ka kal zel dawn” a tihna a ni.
[Report abuse]
September 8th, 2010 at 6:49 pm
kan comment ve dawn uk a, The Doctor ‘comment’ khi ka ring ve mai zawk ang e…
[Report abuse]
September 8th, 2010 at 9:10 pm
Mamipa… hlabu ka keu chiah lo na in, gospel a hmangaih lo hruai turin tih a ni zawk lo maw???? gospel la … tih hi chuan awmzia a nei lo in ka hria.
Ka sawi ang khi a nih chuan (Italic khi) Gospel ah a hmangaih lo hruai turin tihna a nih ka ring…
[Report abuse]
September 8th, 2010 at 9:12 pm
Tunah khan ka’n keu a, i sawi ang ngei a ziak a ni e.
chuan ka sawi tawh ang in awmze neilo niin ka hria, typing mistake a nih ka ring, hetiang mistake hi a awm ve fo a nia….
[Report abuse]
September 8th, 2010 at 10:39 pm
@ hlatekhua, i ti lawmawm e. Khawngaihin mizotawnga miril zawkte e.g Dr.Laltluanglianate, Pu C.Chhuanvawrate, Pu B.Lalthlenglianate leh midangte lo zawt chiang deuh teh. Kei pawh a dik zawk dana hman chu ka duh a. I awmna ka hre mailo nain kei aia i hnaih tak hlauhvin.
[Report abuse]
September 8th, 2010 at 10:51 pm
Chanchin Tha la hrelo tihna niang a. Chuan, “Eden parmawi chul hnu” tih hla, chang 3-na leh chang 4-na te hian an hla tlar 3-na leh tlar 4-na te hi inthleng se a fuh zawk hmel lo maw? A phuahtu phuah dan a ni ang em ka ti thin. Lo en ve teh u
[Report abuse]
September 8th, 2010 at 11:20 pm
#30 Benny, Mizo tawnga miril i tih te khi ril ka ti ve awzawng lo a nia (an ril lo tih ka hria, ka ti zawk tep a!). Pu C. Chhuanvawra khi chuan a hre deuh mai thei e. Kan sawi chiang ang e, ‘lo’ tih hi zawm loh tur a ni e. Mizoram ka hnaih vak bik lo tlat, Delhi atanga khawthlang zawnga thlawhin darkar 7 chuang thlawkah ka awm a.
[Report abuse]
September 9th, 2010 at 7:12 am
Meant for UNREACHED! That’s all folks!
[Report abuse]
September 9th, 2010 at 7:45 am
@ hlatekhua, kei aiin i hlat daih zawk a nih chu! Zofate zingah chuan kan miril ka tihte khi ‘ril’ ber berte an ni a sin. An aia thiam emaw ril zawk pawh an awm mai thei. Tin, ‘ lo ‘ hi thumal dang nena hman pawlh a nihin, ziakzawm leh zawmloh in a hman theih. Engtiklai pawhin ‘lo’ hi ziakzawmloh tur a ni tih hi mizo tawng ziah dan a ni chu a dikhlel deuh lo maw ? ‘ lo’ hmanna chi hrang hrang kan nei si a.
[Report abuse]
September 9th, 2010 at 12:25 pm
I miril tih te khi ka hre hnaivai hlawm riau a, ka hriat chian lutuk vang te pawh a ni mahna, Mizo tawng chungchangah na na na chuan ril ka ti lem lo hlawm tlat. Ralkhat atangin an ril hmel a nih ka ring, hriat chian loh phei chuan a ni thei viau ang. ‘lo’ tih ziak zawm tur nia i hriat te chu han sawi chhin la, i hre fuh lo te a lo nih tak hlauhin. Mizo Grammar bu te lo keu ngun deuh ta bawk la.
[Report abuse]
September 9th, 2010 at 12:53 pm
Gospel(chanchintha/Lal Isua) la hmangaih lo hruai turin… tih ni na nana-a ‘dawng(recieve)’ zawnga ngaih phèt in tum le? ‘lo’ hi ziah zawm atul chang a awm. Eg: damlo, chianglo, lawmlo, etc…
[Report abuse]
September 9th, 2010 at 1:29 pm
@kawlhawk i failed! I eg. khi a dik lo vek :smile: :lol: ‘lo’ hian negative meaning a neihna hmun, a thu awmzia a tihdanglamna hmunah chuan a mal din tur a ni tlat. A mal din theih lohna hmun/hun eg lokal, englo etc..ah hi chuan prefix/suffix angin a awm mai zawk a ni.
[Report abuse]
September 9th, 2010 at 2:33 pm
#37 muante, “lokal” tih pawh khi inzawm lo tur bawk a nia… “lo kal” tih tur.
[Report abuse]
September 9th, 2010 at 3:03 pm
Muante, ka thangah i àwk! Nang nge nge… :lol:
ka ‘eg’ khi a dik lo vek tih ka hria a, ka hmang ngai lo. :tifuh:
Sawi zau ka chak deuh vang a nia, zan lama sawi ho ka lo rilruk a…
[Report abuse]
September 9th, 2010 at 3:10 pm
Mizo tawngah hian ziak zawm leh zawm loh hi a har lai ber a ni maithei.
Ka la buai rengna pakhat chu “nachang, nachhan” tih hi a ni. ‘Kal nachang a hre lo’ nge ‘kalna chang a hre lo’? kal nachhan nge kalna chhan?
[Report abuse]
September 9th, 2010 at 3:46 pm
engtin pawn lo ni sela kan khua ah chuan” Gospel la…”ka ti thau thau
[Report abuse]
September 9th, 2010 at 3:54 pm
hlate, a nachang hria chuan ‘kal nachang’ kan hria. :lol:
[Report abuse]
September 9th, 2010 at 4:02 pm
#42 kawlhawk, ka lawm e.’nachang hria’ tih chu engnge a awmzia ni ber ang le? hmangchang hria, rem hria tih te nen a inang reng em ni ang?
[Report abuse]
September 9th, 2010 at 5:10 pm
hlatekhua-ah In a kang a, a alh hluah hluah a, thelh nachang hria an awm lo. In neitupa a chhungah a tawm tlat a, tlan chhiat nachang a hre lo a, hlauh nachang pawh a hre lo. Luh-ka zawng2 a alh vek tawh si! Kawmchhak lam thingzar atangin mi tlawmngai tak pakhat a zuang lut thei hlauh a, a va chhan ta a. A nachang a hre teh a sin! :lol:
[Report abuse]
September 9th, 2010 at 5:15 pm
Ku Kawlhawk hi chu i va han hneh zet zet tak em :ngaisang:
[Report abuse]
September 9th, 2010 at 5:37 pm
Ka la hre thiam chuang lo re re…haha!! thanks, kawlhawk! Extempore speech tih vel i thiam phian dawn a nih hi (a hman lai tiah tiah, College Week te min tihrechhuak uai uai).
[Report abuse]