Tun tum chu chenna ngai loh ram Kanpur pana ka zinkawng chanchin ka han hlui teh ang che u.
Vanneihthlak takin kum 2010 Technical Entrance Exam kha ka inziak tling ve hlauh mai a, kan chhungkua pawh kan lawm ve dar dar hle. A bikin midang aiin kan lawm fal emaw tih mai pawh awl tak a ni. A chhan chu exam pawh tum lem lo, college kal chunga coaching pawh kar hnih emaw vel lek kal chunga ka tlin ve mial vang a ni.
Tin, eng eng emaw buaina avanga result vawi thum lai mai tar nawn hnuah leh hlauthawng thinphu dep depa awm hnua tling chho zinga ka tel vang a ni bawk. Tichuan le, councelling te kan han nei a, GSVM Medical College, Kanpur chu ka zirna tur atan intithei takin ka thlang ve ta luah mai a nih chu!
Rei tawk fang kan nghah hnuah Allotment letter a rawn thleng ta hlawl a, kal thei dinhmuna ding ka ni ta reng mai. Khatih laia rilru a nawm zìa kha aw! Thiante leh chhungte tlawh kual khan ka hmanhlel a. Inah pawh ka awm khat hle a ni. Tihfel ngai kan tihzawh thawkhat hnu tlai khat ka leng haw chu ka piin, ”Insiam rawh, naktukah i kal dawn.” a ti ta mai. Ka bangboin ka buai ta khawp mai a, zankhua pawh khan ka insiam zo thei dawn lo emaw tih hnuah ka zo ve ta hram a.
A tuk zingah chuan inthlahna te kan neih zawh chuan kan chhuak tan ta. Thil engkim mai chu rinloh leh beisei loh dan deuhvin a thleng ta zel mai. Kawngpui kan chhuak chho chu Santro car nalh deuh mai hian min lo nghak a, a hma pawha ka la hriat ngai reng reng loh ka cousin te kha a driver a lo nia. Ka la hriat ngai reng reng loh ka pi teho an lo thu fur mai a. Kan han inchibai leh hnuhnawh a, kan chhuak tan ta a.
Bus station lam min panpui ang chu tih nak alaiin Lengpui lamah kan liamthla ta vut vut mai a. Ka mangang hman dawn viau a, mahse ka hriat lohvin chhung leh khatten thlawhtheihnaa min chuan tir an lo tum chu niin! Ka thil tawn chu mak ka ti ta tulh tulh mai. ( Ka chhungte khan min surprise tum vang hrim hrimin ka hriat lohvin engkim an lo ruahman lawk vek a ni.)
Tluang takin Lengpui Airport kan thleng thla ta a, inla confi takin trolley-ah ka bungrua ka han dah a. Chenna ngai loh ram ka fang tan dawn ta! Airport Terminal ka han lut chu ka bo angreng hle a, mahse sign chhiar nachang ka hre hlauh va, ka mualpho lo hram hram a ni.
Engtin tin emaw ka invai kaw chhova, ka bungrua an check ta! Ka bag ah khan mamawh takin tiin chemte te, Lighter te ka lo pai si! Khang kha thlawhna ah an lo phal awzawng lo chu niin! A thawktu ten zaidam takin min hrilhfiah a, ka vawikhatna a nih vang leh chinchang ka hriat loh vang a nih thu ka hrilh ve luam a.
Darkar chanve vel kan thu ta tihin kan thlawhna tur Air India thlawhna chu alo tum ta ruau mai , ka helhhawlh tan ta! Khaw lum karah khan vawt tih vang ni miah lovin ka khur nia! Thlawhna chhung kan han lut chu ka rinai daihin alo te a, air hostess chhe lo leh zei tak takin min lo chhawn ang chu tih nak alaiin vai nu upat hmel deuh deuh, thau deuh deuh hlir an lo awm ta mai si. A nuihzatthlak duhin a hrilhhaithlak letling zawk hle a ni.
Tichuan le, seat belt hren dan etc chu ka bula mite tihdan ka entawn ve zel a, ka buai em em bik lo. A chuang tur ang ang kan chuan fel hnu chuan kan thlawk tan dawn ta a, chak tak maiin a tlan a, a thlawk tan chiah chu ka insep dawrh mai a, thinphu a rang a, ka au chhuak teuh kher mai. Mitkhapkar lovah chhum chungah kan awm ta. Lei lam ka zuk thlir a, Mizoram pelin vai ramah, hmelhriat pakhatmah awm loh na panin ka kal a ni tih ka inngaihtuah chhuak a. Ka lung a chhe kher mai.
Darkar 1 tling lo deuh kan thlawh hnu chuan Kolkata Airport kan thleng ta a. Engkim hi alo danglam khawp mai a, ka chuanpuite tihdan chu ka en ve zel a, ka bo em em bik lo. Lengpuiah khan Pu Lungmuana (MP hlui Pu Zawma nau) hi a fanu MBBS zir ve tur tho hi keini aia darkar khata tlaiah Kingfisher thlawhna in an rawn thlawk ve dawn a. Ka chhungte nen keimah min kaihruai turin a hma daihin an lo inbia a ni awm a. Airport-ah khan min hrilh chawp a, hmuh erawh kan inhmu hman ta lova. Ka bungruate ka lakfel zawh chuan anni chhungkua nghak chuan keimahin ka lo thu ta ngar ngar a.
Airport Terminal-ah chuan mihring hi an lo tam khawp mai a, an vei nuai nuai mai a, hmelhriat hmuh tumin ka mit ka len ruai a, mahse, an vang kher mai. Ka bulah hian Meitei nu ni awm tak hi a thu ve a, a phun leh niah niah thin a. Tawng lah chu kan inhre tawn der mai si lova. Kan innuih leh ringawt mai thin. Ka ning em em mai a, ka kalsawn ngam bawk si lo, thlawhna lo thleng an puan apiangin ka beng ka lo chhi tang hru zel a, chutia ka awm chu chatuan tluka rei ni hialin ka hria.
To be continued……
Similar Posts:
- Chenna ngai loh ram fan thu – Part 2
- Terrorist Plot Foiled
- Which airport….???
- Fimkhur a lo va ngai em – tlemah tlemah
- Munich tunnel
(Y)
January 28th, 2011 at 10:30 am
(Y) Chhiar tan ang.. Ngaihnawm hmel tlat…
I ziak ngaihnawm thawkhat e!
January 28th, 2011 at 10:54 am
A ho angreng…. Part II ka lo chang reng nia 😉 NOI
January 28th, 2011 at 10:58 am
PArt II la awm dawn chuan ka nghakhlel lem lo.Blog i nei te nih chuan blog ah dah zawk ta la.
January 28th, 2011 at 11:10 am
(Y)
January 28th, 2011 at 11:13 am
ngaihnawm viau mai…
January 28th, 2011 at 11:16 am
@ Fugitive : Khawgaihin i email rawn tlangzarh ta che. Ka va contact duh che ve.
January 28th, 2011 at 11:23 am
Kanpur kan la thleng loa a chanve Calcutta Airport chauh alawm la ni, engemaw takin min la rawn thawng thut thei, kei chu ka lo chhiar zel ang….
Airport chhunga Coffee man to zet kha ka lo khilai ang che (C) tluang takin i kal dawnia
January 28th, 2011 at 11:37 am
kanpur hi air pollution a nasa tia an sawi ka hre ve a, kan khua (lucknow) nen a danglam vakin ka hre chuang lo.
I senior Jacinta-i te, ngaihzuala te kha ka hria.
Kanpur 2010 batch ilo ni reng elo? In khua ah kha chuan kan rawn zin zeuh zeuh reng 🙂
January 28th, 2011 at 11:45 am
Kanpur Train station-a mihring han tam zia kha aw!! Khawvela ka hmelhriat loh zawng zawng hi an kim ni berin ka hria.
January 28th, 2011 at 11:45 am
A ngaihnawm khawp mai. Thlawhnaa in thlawhchhuah thu vel ka chhiar laiin ka leng ve diai diaiin ka hria! A tawp laklawh lutuk a, i rawn chhunzawm vat loh chuan a chhunzawmna ka chhiar tawh lo hrim hrim ang! 😀
Nakinah thlaa ka zin thu ka la rawn zuar ang mawle..!
January 28th, 2011 at 12:05 pm
Ziak thiam hle mai.. Tin a rehbun hun i hre hle bawk.. 😛 Hetiang a nih chuan i thil zir pawh ngaihnawm deuh a i ziah zel a beiseiawm 😀 Han ziak zel teh..
January 28th, 2011 at 12:17 pm
kolkatta airport a in la tlawmngai deuha mi phone(mobile) hmang duh lo a, local phone hmanga chhungte biak kan tum lai te kha min ti hrechhuak…. 😀
January 28th, 2011 at 12:31 pm
Mitin hian life experience kan nei theuha,heite,i kum ngaihtuahin tawngkauchheh i dek nalh phian mai…i chanchin a ngaihnawmin la ti ve tur tan a tha ang…part two chu lo nghak phawt mai teh ang….I lo hawn hunah LENGPUI Kurtai nen Terminaltualah ka lo hmuak ang che… (C)
January 28th, 2011 at 12:52 pm
air hostess chhe lo leh zei tak takin min lo chhawn ang chu tih nak alaiin vai nu upat hmel deuh deuh, thau deuh deuh hlir an lo awm ta mai si. A nuihzatthlak duhin a hrilhhaithlak letling zawk hle a ni….ka va han nui nasa em….
– airlines ah chuan kingfisher , go leh indigo ka duh ber …an female cabin crew ho lah hi an flirty reuh phian 😀
January 28th, 2011 at 1:01 pm
Fugitive : uaiizzz@gmail.com ah hian min rawn contact zeuh teh aw.
January 28th, 2011 at 1:25 pm
Ti hian ni zawk se —
…ka kalsawn ngam bawk si lo. Thlawhna lo thleng an puan apiangin ka beng ka lo tùn hru zel a,…
A tawi mah mah, Part – II han thret vat teh. Dr. leh Thu ziak mi nih kawp i lo tum a ni maw (Y)
January 28th, 2011 at 1:49 pm
@zualbonez airhostess ah chuan frankfinn inst. ho hi an hmeltha tha tiro!! 😛
January 28th, 2011 at 1:55 pm
@ uaizz. .i va ngaihsan hmel ve a lal fugi-a chu!
Ziak thiam reuh em bawk a nih hi (Y)
January 28th, 2011 at 2:33 pm
e, in lo kawmen ve luam a. A lawmawm e. Nia, ka ziah tirh pawh khan hei chu a ho angreng e ka ti deuh va. Delete leh daihte ka tum thut thut a. Mahse, a thu ken ai mahin a thu ziah dan style hi zir nasat a ngaiin ka hria a, plot a tha em? Story a inlalawn chho tha em? Mizo tawng hman a dik em? Tawngkam a naupangchhia lutuk em? Etc etc. Ka thuziah in lo sawisel a, a dik lo siamthat ngai te in lo sawi a, hmasawn zelna atan a tangkai ringin ka rwn ti ve leh tawp mai a ni e.
E, hei, rooney.opa@gmail.com ah hian rawn ti zawk mai ta che. Vawiin ka lo class daih a, ka post poh ka lo vil hman lova. Zia lo khupz mai.
January 28th, 2011 at 3:05 pm
Thian duh takte, ka thuziak min lo hlut der sak a min lo fak der thin avangin ka lawm e. Mi puitling awmkhawm tih takah keini ang duang chuan awmngaihna kan hre dawn lo lek lek mai. 🙂 .
Chuan he thil hi, ni e, thenkhat sawi ang khan a mimal chungchang em mai a, lawm tak chungin part 2 lam chu ka rawn chhuah tawh lo mai ang e. Duhtlan loh leh lawm tlan loh thil hi chu a ninawm duh. Literature hian alo huamzau em em mai a, kan duhzawng leh tui zawng pawh a dang thluah dawn a. Chuvangin midang tui loh thil chu ka rawn ti tawh lo mai ta’ng e. 😉
January 28th, 2011 at 3:45 pm
E, chhunzawm e a. Nghakhleltu tamtak kan la awm e.
January 28th, 2011 at 3:48 pm
Fugitive, a ngaihnawm alawm le! inthlahrung duh reng reng suh! Part – II chang kan tam hi! han ti leh hram zawk teh! (C)
January 28th, 2011 at 3:57 pm
Mai mai a! Fugi, ka thu ngai la, part – II chu rawn vawmlut leh vat rawh. Ka lo ngaichang reng dawn che nia… (Y)
January 28th, 2011 at 3:58 pm
Kanpur vanga Ganga bawlhlhawh zia hi aw . Ganga lui kanpur a luang luh hma leh a luang luh hnua tui a pollutants (organic matters, chromium, sulphide ammonium etc etc) awm zat an teh chu inthlau tak ani, a let maktaduai velin an inthlau (N)
kanpur hi british hovin an sipai te boot, sakawr jean etc. supply na hmunpui atan an din ani bawka tanneries chu a tam hem hem khawp mai.. tenawm lutuk NOI..
P.S. tunah ka comment an answer danin BJP leh VHP ho chu an hriat ma ang 🙂
January 28th, 2011 at 4:00 pm
maisek leh chhana te, ka lawm e. Thiam leh thiam lova ka’n rawn ziah ve te miin ho an tih a, an duh loh chuan han chhunzawm zel hi a nuam chiah lo mawle.
Keima pual hian blog te han siam hman ziazang ka la ni bawk si lova. Ni e, feedback te uluk takin ka’n analyse ang a, ngaihdante kan siam leh ang chu.
January 28th, 2011 at 4:04 pm
ni e. Kanpur balh zia hi chu aw! Industry hmunpui a nia, Ganga lui hi a ti dum kuk thei nia! A khua hrim hrim hi a bal em em ringawt. Khawvelah a langpha hial, balh lamah!
January 28th, 2011 at 4:05 pm
zualbonez..nia indigo leh kingfisher hi chu airhostess an flirty phian nia 😛 .kingfisher Kol-Azl a duty thin pakhat kha chu biak nuam khawp mai (Y)
January 28th, 2011 at 4:11 pm
Aizawl-Kol service-a Indian Airlines ah vawi khat chu hostess mizo tawng thiam (mizo/manipuri) a awm ve a, a chhe lo zek lehnghal. “Tui i duh em” min ti a.
January 28th, 2011 at 4:15 pm
Muang changin ka han chhiar chhuak a chhiar a nuam parh parh hle mai a. I ti tha e. Tlin lai kha a nuam lai ber a ni ang maw…Tunah chuan ‘Al iz well’ tive reng ngei ang. Chuan nangmah in i zir a nih ka ring bawk a mi duh sakna i dawng a a tha em mai…Han ti zel teh. Khawhar hnem a han Misual keuh hi a tha ve a lawm.
Part -ii chu lo ti chhuak leh rawh. Hei tak hi misual site i tan tangkaina a ni dawn a lawm. A then in i rin loh deuhin anlo comment ang a a thenin lawmawm tak mai in. A chang phei chuan tel chak tawh lo hial in a awm mai thei. Mah se heng zawng zawng hi nakinah commitee hunah te i chhuah tauh hawng hawng loh nan te. YMA President i nih palh hunah mi ngaih dan i lak thiam nan te etc etc i hmang ang chu. Lo post leh rawh. Pafa Sabengtung zawn thawnthu kah i hre ve em? Mi zawng zawng a tih lawm theih loh zia entirna kha… Hma sawn zel tur kan ni a lawm..
January 28th, 2011 at 4:18 pm
@ 26 fugitive …mahse a nawm ve na chhan chu maw…non veg tui tak tak ei tur a tam (Y) lucknow nen..
@ natycool….aisle seat somewhere in the back hi ka fav seat 🙂
@ sillyboy…cuan entin nge i chhan, “i duh lo ” i ti ami 😀
January 28th, 2011 at 4:19 pm
(Y) he heeee
January 28th, 2011 at 4:25 pm
2000 khan silchar-kol flight ah mizo airhostess a lo duty a, amah kha vai ang bawk nen, kal pelh pah in ka thianpa in “van itawm reuh” a ti zauh a. Take-off hnu ah eitur a rawn sem chuan..mizo tawng ngei mai in..”khawnge in kal dawn?”a rawn ti ta mai a,zahtlak ve duh tak a ni.Kan khaw awmna ah an base a lo ni zui. 😉
January 28th, 2011 at 4:29 pm
@ 32,….nastycool…zei lo e mai…zah tur ani ngailo…opportunists ho chuan james bonds a style deuhin opportunity ah an chhuah leh zawk thin :hriatvehmel: eh
January 28th, 2011 at 4:31 pm
Ka bula thu ka thianpa thutna zawnah tak ‘Emergency exit’ tih a lo in ziak ve chiah bawk a, ka thian pa chuan fiamthuin, “Rikrum thilah heta tanga zuanchhuah pawh chu a va safety awm lo,” a ti a, kan nui kan nui mai maw le.
January 28th, 2011 at 4:33 pm
Haha..kan inhmelhriat zui ta a, kan senior kulikawn a mi chass alo la ni zui (I)
January 28th, 2011 at 4:36 pm
Emergency seat bula vai putar lam pang an thut hian, stewardess in emergency routine an hrilh tum hian , nin hmel deuhin a tam zawk chuan ‘young lady, i have flown more than 5000 miles …etc etc…an han tia an han hau let vel hi ka nuih a za thin….enga thlawk zing pawh ni se SOP chu SOP 😀
January 28th, 2011 at 4:37 pm
Gulf lam atang indian workers ho haw tur plane chhung an lut an thu fel phawt chuan female cabin crew an ko phei…”didi, bas eeek bacardi ..” na han ti lolzzzzz
January 28th, 2011 at 4:39 pm
@Fugitive, I chhunzawm zel ang chule, kawng chanve chauh alawm ila thlen. Film pawhhi a thenin Part I aiin Part II hmuhnawm duh zawk an tia lawm. Kolkata to Kanpur vawi 1 pawh la kallo tan a ngaihnawm emaw nawmloh emaw kalve hlauh takin expirience min pe ve thei a sin. :khadaih kha: 🙂
#29 khi (Y) uluk li khan chhiarla 😀
January 28th, 2011 at 4:44 pm
Zualbonez, Ka pate a fanu hi Singapore-ah hnathawkin a awm a. Air India flight-a haw chuan Vaiho in Zu an lam nasa thei lutuk, an bengchheng si, an chuh helh bawk si a ti thin.
January 28th, 2011 at 4:47 pm
ni e, krista. A ni khawp mai. Mahse midang nin zawng chi han ziah hi a inthlahrun awm em a. A zir pawh hi a nuam khawp mai. Senior-te hi an fel a, engkimah ka tlinlohna ah te, a, engkim ani mai. Min pui nasa lutuk. Mi(sual) hi an chhiar ve thin a, hemi kaltlang hian lawmthu ka’n hrilh nghal daih teh ang.
A bikin comment hmasa lama an rawn sawi Ngaihzuala an tih mai kha, kha phei kha chu u nih mai bakah nu leh pa nih a fawm a, kei ka lo thawveng awmdan mawi pawh hre mang lo hi min enkawl thiam khawp mai a, a chungah ka lawm tak tak a ni
January 28th, 2011 at 4:50 pm
@ sillyboy….he he he a dik lutuk….thil free re re chu hap a hap tur….chuan airlines changkang deuh (eg risk, emirates, lufthansa, British Airways) ai chuan thing deuha (kenyan airlines, china air, ethiopian airlines) chuan hian zu lam belh kan huai zawka min pe duh zawk bawk anti 😛
January 28th, 2011 at 4:51 pm
@ fugitive…bawiha , ziak zel rawh i ziak thiam lutuk…mahse hming vel khi thup la, hming ziah lang an lo duh lo maithei asin he he NOI
January 28th, 2011 at 4:52 pm
@ zualbonez, nia. Eitur lam chu a tha khupz mai. Gumti no. 5 ngei maia ‘Chilly chicken without chilly’ te kha a tui. 😉
kanpur ah hian vawksa dah vawh, khawng ur mai, elhbun chawp ngai pawh a awm. :khi vun vun:
January 28th, 2011 at 4:54 pm
u zualbonz, nia tiraw. Mahse an fel em a. Part 2 kan tih leh dawn phei chuan an fel zia kan hria ang a, lawmthu sawina hun remchangah ka ngai mai mawle.
January 28th, 2011 at 4:58 pm
Fugitive#44 very ingaitlawm 🙂 Ram hnuk/thil khawih thil ti an nih a i sawisel anih loh chuan mi lawmzawng lamah inthlahrung ngai suh. Mi rilru ana ang tih pawh ngaihtuah hmanlo khawp a thuduh pawh an awm laia lawmthu leh hlimna lam i sawi chu a hahdam daih alawm. 🙂 (Y)
January 28th, 2011 at 4:59 pm
@ 44…fugitive…ok as you wish 🙂 ha ha vawksa elhbun ngai ka la taste lo hrim hrim …rel track bul vela tawp tawka tla ho hi an lo talh thin hi ania nge…lolzzz
January 28th, 2011 at 5:02 pm
A va ngaihnawm dawn em! Naktukah Part – 2 ka lo beisei ang. Real life experience hi chu a ngaihnawm dan a dang teh a nia.
A hming chauhin blog hi ka siam ve e ka ti a, tunlai chu ka chetchhiatna lam pholan a thain ka hria a ‘Ka inpuanna’ ka publish mek, inpuan zel pawh ka tum bawk. Phur thut chuan misual lamah pawh hian ka rawn inpuang zel mahna.
January 28th, 2011 at 5:08 pm
0T : Ka nuih a za thut mawle :khi_sûng:
January 28th, 2011 at 5:21 pm
@Fugitive, Tlangpanga thing chu Ruama thing aichuan a tlo zawka hman trangkaina tam zawk bawk. A chhan chu thlipui leh ruahin ruam pilrila awm aiin a nuai nasaa chumi karah chuan chhel takin a din chhuah vang a ni.
Duat taka hmun lairil ber petu che hian i tlo/chhelna leh chakna i hmuh ve na tur a dal a, a hlimthla tello chuan i awm thiam tawh lo ang. Thlipui anga nuaia, ruah sur ang maia dengtu che hian i thihna em a thlen loh chuan chakna a pe che a, mahni inrintawkna a siam che a. Hmangaihna chuan khawdurin bul a tran thin.
Sawi chhiat i dawn te kha Lalpan i chakna turah a pe che ah ngai la, fakna i dawn tekha Setanan chapona tlangah a hnuhluhna kawng ah ngaiin, lawm mahla chu fakna trawngkam chu hre reng suh angche, a faktu che erawh hriat reng a tha zawk ang. 😉
January 28th, 2011 at 5:28 pm
Kanpur train station khu.. a uih hum hum in ka hria zing riltam lai a darkar khat chuang mah rel nghah nan chuan ka tlin mang lo a ni e (N) 😉
January 28th, 2011 at 5:54 pm
a post tu pa chu tun kum chhungchu h.anatomy ninawm zia i sawi i sawi dawn chiang mai
[Report abuse]
January 28th, 2011 at 5:58 pm
Gross anatomy
https://en.wikipedia.org/wiki/G.....%28film%29
[Report abuse]
January 28th, 2011 at 6:05 pm
@ wonderboy, anatomy hi ka fav asin. Viva ah pawh 15/20 aia tlem ka la hmu miah lo. :intithei:
mahse biochem hi ka ning lutuk
[Report abuse]
January 28th, 2011 at 6:09 pm
@Zualbonez, h = human… airhostess cc an sawi a i phur leh ltk my!
[Report abuse]
January 28th, 2011 at 6:14 pm
aw! In va han fel hlawm tak em! Ka tah te pawh intichhuak. Ka phu lo. :men puai puai:
tin, ka thil ziah ve hi a thatna ringawt sawi lovin siam that ngai lai, helai chu a nalh lo deuh, chuti zawk chuan ti zawk ta la. Etc etc pawh ka beisei. Mahse, advice nilo, indeuhsawhna ang chi chu mena thlak dan ka lo zir char char ang e.
[Report abuse]
January 28th, 2011 at 6:15 pm
a bu pumpui in zirchhuah hnuah chuan in aw….le leee le leee!
[Report abuse]
January 28th, 2011 at 6:26 pm
@ 54 wonderboy
[Report abuse]
January 28th, 2011 at 6:29 pm
Frankfinn in tia mi a?
[Report abuse]
January 28th, 2011 at 6:31 pm
Ngaihnawm khawp mai, rawn chhunzawm zel teh khai. Thatakin i rawn zir chhuak anga, ram leh hnam tana mi tangkai nih i rawn tum ngei dawn nia.
Indian Airlines ah Air hostess atan nu upa lampang an hmang hi a thlamuan thlak ka ti deuh tlat mai, mamawh te han sawi ila zai dam, nun nem, aw dam thluam mai a min han chhang te hi, mahni Nu bula duh zawng dil hi ka chan deuh hlek thin.
[Report abuse]
January 28th, 2011 at 6:39 pm
@ wonderboy
[Report abuse]
January 28th, 2011 at 6:43 pm
@ 59…maawma….Indian Airlines ah Air hostess atan nu upa lampang an hmang hi a thlamuan thlak ka ti deuh tlat mai, mamawh te han sawi ila zai dam, nun nem, aw dam thluam mai a min han chhang te hi, mahni Nu bula duh zawng dil hi ka chan deuh hlek thin…”
hei hi ka tawmpui lo che, an induh si biak an har si an nelawm bawk silo…
a hrim2in passenger tan a danger tlat, senior deuh deuh thau deuh deuh annia , natna eg. BP vei te anni thei a , on the air ah lo buai ta se passenger tan a thlamuan thlak loh…cabin crew ho hi chu naupang, smart, mawng zang, biak nuam , hrisel leh fit tak hi ni se a tha ber….
[Report abuse]
January 28th, 2011 at 7:00 pm
@Zualbonez: an that na lai hmuh thiam hi a tha ve lawm. Nakinah i la tih danglam tir dawn nia
[Report abuse]
January 28th, 2011 at 7:05 pm
zualbonez an alo sawi tawh tho nang in…Indigo ho hi an zei, min duh ve deuh emaw te pawh kan ti lek lek zel mai dawn alawm le
..vacation hmang tur/haw rilru hlim lai nen chuan
[Report abuse]
January 28th, 2011 at 7:22 pm
Rel ah pawh sleeper class hlir kan cut lai a, air hostess hmelthat leh that lovah te in lo buai le!!!
[Report abuse]
January 28th, 2011 at 7:25 pm
@ 64….hmel lam kan sawi vak lo, fitness leh a behbawm ani kan sawi zawk
Indigo leh go airlines hi chu ka duh khawp mai..very professional and always on time..
Indigo ad hi a va hna tha tak emmeme:
https://www.youtube.com/watch?v=VDLG6_jT-xA
[Report abuse]
January 28th, 2011 at 7:27 pm
Ti daih ila, Rooney Opa (zonet fans zone) ami kha i ni em? :meng phawk hru:
[Report abuse]
January 28th, 2011 at 7:33 pm
Fugitive chu ziak tha hle mai. Part II rawn ziak ngei la ka va duh em!. I zirna ah i hlawhtlin zel ka duhsak a che.
[Report abuse]
January 28th, 2011 at 7:36 pm
@64 zualbon . .inhnial ka peih rih lo vawiin chu!ha
[Report abuse]
January 28th, 2011 at 7:43 pm
@ kawlhawk. Ni e. Zonet fan zone-a tawngthei deuh kha. Engtin nge i hriat a? :ang deuh phuau:
[Report abuse]
January 28th, 2011 at 8:08 pm
Fugi, Chelsea fans ruhkawl zingah khan ka fapa leh ka nau an awm a, fans zone boruak alh lai kha a ni bawk a, an sawiin an en peih si a hriat loh theih ni hek lo. Hy fil a an inkhelh te khan i kal ve em? Chawei khawmnaah te khan…?
[Report abuse]
January 28th, 2011 at 8:17 pm
inhnial ka va chak eee
:kuttumonkutphah:
[Report abuse]
January 28th, 2011 at 8:23 pm
Tute nge? Drogba Huma maw? :nui vak vak: inhmuhkhawmah kha chuan ka kim vek. Chaltlang field-a inkhelh te, High field ah te, Pu PL-A te ina chaw ei te, Juliet Hnamte te ina chaw ei te. Etc etc. :intithei:
[Report abuse]
January 28th, 2011 at 8:27 pm
@ 71, zualbon, vawksa elhbun ngai chu duh ve em?
[Report abuse]
January 29th, 2011 at 3:46 am
Chutia i mi nghah te i nghah lai chuan (i ning viau bok sia)in tet laia school bang in kawrphelha AKSHAYYY in tih thrin ang khan Meitei nu hma ah chuan kawrphelha tih leh taawp mai tur alawm. In hmelhriatna ni bawk hun kaih tawi na ni bawk…thra dawn lutuk. Part II ah chuan ti tawh ang che
[Report abuse]
January 29th, 2011 at 4:11 am
haha.
mak a ti hmel tur chu!
[Report abuse]