Tin, Pilatan a hnenah, “Chu, lal i ni elo?” a ti a. Isuan, “Ni e, lal ka ni asin. Thutak hriattir hi ka pian chhan leh khawvela ka rawn kal chhan a ni. Tupawh thutaka mi apiangin ka thu an pawm thin,” a ti a. Pilatan a hnenah, “Thutak engnge ni?” a ti a (Johana 18:37,38)
Isuan a hnenah, “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo…..” a ti a(Johana 14:6)
Khawvel ah hian sakhua(religion) tam tak awmin zirtirna in anglo tak tak ni hlawm mahse mihring nun a inkaihruaina tha neih duhna avanga lo piang vek an ni hlawm. Eng sakhaw rinna pawh hi zawm ila lei malsawmna dawn theihna khawp thatna nei vek anni a tih theih awm e. Pathianin khawvel hi chhandam lo mahse thil tha tih duhna te, hmasawn duhna te, rinawm duhna te hi hnam tinah a awm vek tho in a rinawm. Israel fa te a bika Pathian enkawl annih lai pawhin Gentile te ah khan nun kawnga inzirtirna tha tak tak an nei vek tho a nih kha. A hausa zawk te anni a, finna kawngah pawh a hre ril ber ber te anni bawk a, thil ti thei leh chak zawk Pathian tello a hneh theihloh te anni hlawm a ni, mahsela an hnenah Thutak (Pathian)in a chenchilh ve hauh chuang si lo.
Lal Isuan roreltu Pilata hnenah “Thutak hriattir hi ka pian chhan leh khawvela ka rawn kal chhan a ni” a tih khan Pila chuan mak a ti em em a ni. ‘The Passion of The Christ’ movie kan en chuan Pilata khan a hriatthiamloh avangin “Claudia, Thutak chu engnge ni, an sawi lai i hre tawh em?” tiin a nupui a zawt a ni.Thutaka mi a pian loh chuan tumahin Pa hmel an hmu dawn lo a ni tih Lal Isuan chiang takin min hrilh bawk a.
Thian fel tak tak te kan nei a, an nun a mawiin an hna ah rinawm leh thahnem ngai taka thawkin malsawmna te pawh an dawng ngeia amaherawh chu Pathian lam thu ah an ngawngin Isua min tlanna reng sawi tur hre si lo hi a awm ve theih chawk a ni, Thutakah an la piang lo tihna a ni. Ngaihsan pawh an hlawha, entawn pawh an hlawh em em ang. Amaherawh chu mihring nunah hian engnge awh awm lai ber kan thliar thiam hi a tul a ni. Footballer hmingthang Ricardo Izecson dos Santos Leite (Kaka) chuan “Miten ka thih hnua ka chanchin an sawiin Football thiam tak a ni min tih aiin Isua ringtu a ni min ti se ka duh ber a ni” a ti a ni. Thutaka awmlo hian mi ngaiha fel tak, sawisel kai lo mi hi a nih theih tho a ni, mahse chu chu he khawvela Lal Isua rawn pian chhan kha a ni mawlh si lo. Thatna te, felna te leh dikna te chu Lal Isua kawng lo ah pawh hian sawi tur a tam ang mahse Pa hnen thlen theihna chu Lal Isua chauh hi a ni.
Pathian Rorelna hmaah chuan thil tha tih sawi tur nei tam tak an la ding ang, nimahsela chung felnaah te chuan Pathian a lungawi zawh tawh loh avangin leh Isua avang chauha thiam chang tur kan nih avangin “Mi te hmaa mi tan apiang ka Pa van ami hmaah ka tan ve ang” tiin ama kawng chu Thutak kawng awm chhun a ni tih min hrilh a ni. Lal Isua kawng chu tuarna in a in tan a, a let tam tak malsawmna leh thlamuanna in a tawp a khar thin. Kan tu kan fa te kawng tha kan kawhhmuhnaah hian Thutak hi i zirtir tel ang u, Isua tello a an tlei theih hunah chuan zirtirna dik (Isua tuarna) kawngah an beng an chhungawng tlat tawh anga an ngaitheiloh hun a thleng ang tih a hlauhawm a ni.
Similar Posts:
- Chhandamna Thu
- Keima’n ka chawlhtir ang che u
- Rem thu leng rawh se
- Thil chiang em em chu!
- PIANTHARNA
February 7th, 2011 at 2:35 pm
A ni mo?
[Report abuse]
February 7th, 2011 at 2:36 pm
Ni e.
[Report abuse]
February 7th, 2011 at 2:37 pm
Ehrmmm…k ciar zo ta, AMEN e. Last para khi a thra lehzual e.
[Report abuse]
February 7th, 2011 at 2:45 pm
E khai,Asteric chu rawn bei tha thuai thuai vee..Amen Amen
ka rawn haw hunah min la sermon khum la a tha ang. 
[Report abuse]
February 7th, 2011 at 2:53 pm
Keichuh…tu emoni a article ziah duh zong leh a titi duh zong in opposite tawp k sia a..lolx lolzz :^D
[Report abuse]
February 7th, 2011 at 2:56 pm
Nun tak, nun nghet, nun Krista nei apiang, chu mi chu mi vannei te an ni.
[Report abuse]
February 7th, 2011 at 3:00 pm
@Rempy,kei pawh ka lo ti deuh a..
[Report abuse]
February 7th, 2011 at 3:02 pm
[Report abuse]
February 7th, 2011 at 3:04 pm
Kristianity hi sakhua{religion} ani lo ka ti thin.
[Report abuse]
February 7th, 2011 at 3:54 pm
Ava ropui em. Ka nun tiharh huaitu thu ropui tak a ni. Hetiang lam hi rawn post zel teh u.
[Report abuse]
February 7th, 2011 at 4:29 pm
Off topic ni chiah si lovin,
Tin, Pilata’n a hnenah, “Chu, lal i ni elo?” a ti a. Isuan, “Ni e, lal ka ni asin. Thutak hriattir hi ka pian chhan leh khawvela ka rawn kal chhan a ni. Tupawh thutaka mi apiangin ka thu an pawm thin,” a ti a. Pilatan a hnenah, “Thutak engnge ni?” a ti a (Johana 18:37,38)
NI E, LAL KA NI ASIN tih khi lehlin dik loh-ah ka ngai nghet bur, tawng bul lamah chuan, “Thou sayest that I am a king …” tih a ni thung.
Han melh ve liam liam teh u, he ziak dum hian phek ropui a luah rei tawh teh asin!
Isuan a hnenah, “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo…..” a ti a(Johana 14:6) tih thu-a bold letter bik pawh hi tawng bul lamah chuan “no man cometh unto the Father …” tih a ni a, “Pa hnenah an lo kal lo,” tih ni zawkmah awm!Isuan hnena rawn kalte kha Pa hnena kalna tur a nih miau avangin!
[Report abuse]
February 7th, 2011 at 4:34 pm
” Thu chu hril rawh u, a hunah te, a hunloah te pawh bei zel rawh u ”
[Report abuse]
February 7th, 2011 at 4:35 pm
[Report abuse]
February 7th, 2011 at 4:48 pm
#11 chawnghilh_ Ka sawi tum ber nilo mahse i ti tha e. (Johana 18:37,38) khi i sawi ang khian lehlin sual anih hmel a, Mizo Bible lehlin tharah chuan an rawn thlak danglam tawh a.
𝘗𝘪𝘭𝘢𝘵𝘢𝘯, “𝘊𝘩𝘶, 𝘭𝘢𝘭 𝘪 𝘯𝘪 𝘮𝘢𝘸?” 𝘢 𝘵𝘪 𝘢. 𝘐𝘴𝘶𝘢𝘯 𝘢 𝘤𝘩𝘩𝘢𝘯𝘨 𝘢, “𝘕𝘢𝘯𝘨𝘮𝘢𝘯 𝘭𝘢𝘭 𝘮𝘪 𝘵𝘪 𝘢; 𝘬𝘦𝘪 𝘤𝘩𝘶 𝘵𝘩𝘶𝘵𝘢𝘬 𝘩𝘳𝘪𝘢𝘵𝘵𝘪𝘳 𝘩𝘪 𝘬𝘢 𝘱𝘪𝘢𝘯 𝘤𝘩𝘩𝘢𝘯 𝘭𝘦𝘩 𝘬𝘪𝘩𝘢𝘸𝘷𝘦𝘭𝘢 𝘬𝘢 𝘭𝘰 𝘬𝘢𝘭 𝘤𝘩𝘩𝘢𝘯 𝘤𝘩𝘶 𝘢 𝘯𝘪. 𝘛𝘶 𝘱𝘢𝘸𝘩 𝘵𝘩𝘶𝘵𝘢𝘬𝘢 𝘢𝘸𝘮 𝘤𝘩𝘶𝘢𝘯 𝘬𝘢 𝘢𝘸 𝘢𝘯 𝘯𝘨𝘢𝘪𝘵𝘩𝘭𝘢 𝘵𝘩𝘪𝘯,” 𝘢 𝘵𝘪 𝘢. 𝘗𝘪𝘭𝘢𝘵𝘢𝘯 𝘢 𝘩𝘯𝘦𝘯𝘢𝘩, “𝘛𝘩𝘶𝘵𝘢𝘬 𝘦𝘯𝘨 𝘯𝘨𝘦 𝘯𝘪?” 𝘢 𝘵𝘪 𝘢.
Johana 14:6 erawh lehlin hmasa ang thoa dah leh a ni. “..𝗮𝗻 𝘁𝗵𝗹𝗲𝗻𝗴 𝗻𝗴𝗮𝗶 𝗹𝗼..” tih leh “…𝗮𝗻 𝗹𝗼 𝗸𝗮𝗹 𝗹𝗼…” tih chu parallel word ah a ngaih theih mai loh maw ka ti deuh. I rawn quote tha viau e.
[Report abuse]
February 7th, 2011 at 5:37 pm
@Asteric : When thou comest into thy kingdom — “I lalrama i lo kal hunin” tih nge dik zawk ang “I ram i thlen hunin …” ??? COME = THLENG ??? Parallel chiangkuang meuh em aw?
[Report abuse]
February 7th, 2011 at 6:12 pm
#15 Bible chang dang lehlin i rawn belh leh chuan ka thiam in a phak tawh hauhlo haha…
Rinna kawnga ngaihdan a sawhsawn thei anih i rin phei chuan post dang siama sawi zau chi a nih hmel hi.
[Report abuse]
February 8th, 2011 at 12:30 am
Arteric..ka chhiar chhiar hman vek lo a..mahse i thil post hi chu rintlak viau tur ah ka ngai a..
What is the ultimate truth?
Hei hi chhan a har khawp mai! A chhan chu religious belief tang lo chuan a chhan theih loh!
Keini Christian tan chuan hei hi chhan a har lo..kan Pathian hi engkim a engkim anih avangin..
Pathian ropui zia leh thiltih theih zia hi hrechiang tur hian keini mihring finna hian a phak lo ani..
Kan Pathian hi a ropui rapthlak em mai a..!
[Report abuse]
February 8th, 2011 at 12:48 am
A va han ropui tak em asterik nge nge bei tha thin e.. nakinah comment belh leh ang
[Report abuse]
February 8th, 2011 at 1:49 am
@lrpa: I ngaihtuahna tha e. Khawvelah hian sual ni si lo thil tha tak, Isuan Thutak a tih ni si lo hi tamtak a awm. Pilata buaina pawh kha awm tak a ni.Lal Isuan “Kei hi kawng leh thutak..” a tih leh “Thutak hriattir hi ka pian chhan” a han ti deuh tlat mai pawh kha, Bible hian thil tha zawng zawng a ziak kim vek lo, thutak kawng chiah a chhui a ni. Khawvel finna sang zelah thil tha thutak kawng nilo hian thutak kawng hi dodal mek a ni.
Isua thil mak tih zawng zawng a ziah kimloh thu Johanan a tawpah a sawi bawk a.
Thiamlo leh famkimlo taka ka ziak in comment na zawng zawngah lawmthu ka sawi e.
Isuan a
vek che u
[Report abuse]
February 8th, 2011 at 3:07 am
Ka chhiarchhuak chiah. Heti lam hi ka hulna kawng tak a nih avangin han comment belh vak ngaihna ka hre lo; a tha hle a ni tih erawh ka hre thei. Ka lawm e.
[Report abuse]
February 8th, 2011 at 3:18 am
TS, i link ka hmulo, lo dah tha leh teh
[Report abuse]
February 8th, 2011 at 3:29 am
Ka dah tawh e. Pu Chhama min hrilh angin ka dah a nih kha!
[Report abuse]
February 8th, 2011 at 5:22 pm
Ziak tha thak2 hle mai. Ni e, kan felna, thatna leh tling ve tawk nia kan inhriatna te hi PA hmaah chuan chhuan tlak reng a ni dawn si lo. Keimah ngei pawh Thutak/ Chatuan nunna thu ngaihsak duh si lo a, mihring mihrinnaa ‘fel ve tawk’ nia ka inhriatna hian thiam loh min la chantir ngei dawn si a.
[Report abuse]