BHSS Golden Jubilee

February 8th, 2011 5:42 pm by muantea

A hun a thleng ta. Vawiin (dt 8th February 2011) hian Baptist Higher Secondary School, Serkawn Lunglei chu kum 50 a tling ta. Lawmna hun hranpa siam lovin KL. Rokhuma Hall (Conference Hall) leh Jubilee monument hawnna hunah hman a ni.

Dt 8th Feb. 1961 khan he school hi din niin Rev. R.F. Tucker chu Principal hmasa ber a ni. Kum khat vel chauh a awm hman tihin a retired ta a, Pu KL. Rokhuma chu Principal niin a pension ni 1990 thleng he hna hi a chelh a ni. Zosapten Pathian hruaina nena an din a nih avangin he school hian kawng hrang hrang malsawmna pawh a dawng nasa hle a, chhim lam school lar leh lian ber a ni ta hial a ni.

A din tirh lai, Serkawn Kristian High School tih a nih lai hian zirlai 26 nen bul an tan a, Christian High School Serkawn, Christian Higher Secondary School tih hmingte a rawn put chhoh hnuin tuna a hming Baptist Higher Secondary School ti a koh a ni ta a, Zirlai 1400 vel zetten Nursery – Class XII an zir mek ani. Tunah hian Higher Secondary section ah Stream hrang hrang – Arts, Science, Commerce, Computer Technique leh Medical laboratory Technique an kalpui mek a, staff 80 zette mahni hna theuhah nitin an bung luih luih bawk a ni.

Golden Jubilee hi exam buai lai tak a nih avangin lawmna pui tak siam a ni lova, main celebration chu 2nd week of May hian neih a ni ang.

Block II building, morning line up

Junior section

Block-1 building

Jubilee lungphun chu Rev H. Lianngaia GS, BCM chuan a hawng

KL. Rokhuma Hall hi Rev C. Ngurhnema AGS i/c Service Deptt in a hawng a, Pathian hnenah a hlan bawk.

KL. Rokhuma Hall hlan a ni dawn ta.

61 Responses to “BHSS Golden Jubilee”

Pages: « 1 [2] Show All

51
nghasih Says:
February 9th, 2011 at 12:15 am
Congrats Pu Muante,Serkawn H/S ah hian kum 4 ka kal ve a Pu KL Rokhuma principal nihlai Pu Pahlira vice principal nih lai khan. A hmun hma chuan hmanlai a ang tawh lo hle mai.Duhsakna sang ber ka hlan a che u
Report this comment
52
H.Vangchhia Says:
February 9th, 2011 at 1:00 am
He post hi tunlai hnai te a post puitling awm zeuh2 te zinga puitling pawl tak niin ka hria. Tin, Muantea sikul hi an fakawm ka ti khawp mai. hoorah
Report this comment
53
TuaiSialA Says:
February 9th, 2011 at 1:53 am
Bethsy Lalrinsangi sikul lo kal tawhna a nih avang ringawt pawhin ka tlawh châk.
Report this comment
54
mzvision Says:
February 9th, 2011 at 4:32 am
Kan misual pui leh misual zinga ka U en tak thawhlawk em em na a ni. hetiang hun a thlen nana mithahnemngai te ka lawmpui tak zet zet.

Kan ram hian thiamna hi kan rinpui ber ani thin ani zel dawn tih hi kan hriatchian a ngai hle. Thiamna kan tihah erawh kan huam zauh tira chutiang zirna thiamna institution chu kan hawn zel tul zia erawh kan man fuh a ngai hle.
Report this comment
55
spa jongte Says:
February 9th, 2011 at 6:02 am
50 yrs den chhen in BHSS staff zawng zawng leh a bik in kan classmaster hlui sir Marema duh sakna sang ber ka hlan a che u….
Report this comment
56
feeder Says:
February 9th, 2011 at 6:10 am
1989 khan Kriatian HS anih lai khan ka kal ve tawh.. chutih lai chuan Pu KL Rochama kha kan Principal ania… Sap ho sak ngei hostel ah khan ka awmve khiau tawh
Report this comment
57
caribou Says:
February 9th, 2011 at 9:55 am
@spa jongte: Sir Marema chuan a aia hna tha zawk leh sang zawk a hmuh avangin BHSS a chhuahsanna a rei tawh alawm (2005 or 2006 vel kha a niin ka hria).
Report this comment
58
muantea Says:
February 9th, 2011 at 10:11 am
Feeder, KL Rokhuma zawk alawm.

In va han fel liam liam tak em! Hei hi alawm misual nih nuam ka tih nachhan. Lawmnaa kan inlawmpui a, phu loh fakna han dawnte hian tu huan thlai mah a pet lova, phur tharna leh hlimna ril tak min pe zawk thin.

Thiante u….ka lawm lutuk e.
Report this comment
59
he pa Says:
February 9th, 2011 at 7:34 pm
BHSS hi zawng nuam ve mai mai tak a ni. Lunglenthlak tak a ni. Teachers te an friendly a, a hunah an zahawm leh tho bawk si. btw Congratulations Sir Muante,,,
Report this comment
60
b_reza Says:
February 9th, 2011 at 8:03 pm
Keizawng, Christian High School Serkawn anih laia lut ve hman ka ni ve a, 1992-1994 chhung ka lut ve hman a. Pu Pahlira (RIP) kha Principal a ni a, ahnuah Pu VL.Ngena a ni ve leh thung. He School-in a keimaha a thil thlen tam tak te hi a ropuiin, he School chhuak ni a inchhal ve theite zinga ka tel hi ka va han lawm tak em. BHSS damreng rawh se….
Report this comment
61
Charice_mizo Says:
April 6th, 2013 at 9:13 pm
Hei chu a van lunglenthlak ve aw! Tucker Hall hawnnaa kan zai laite kha a van ngaihawm ve. BHSS ah hian ka damchhunga ka hriatreng tawh tur thil pakhat ka tawnga, Academic parade kan neih tum kha. Khatiang chawimawina kha ka damchhungin a tluk ka tawng tawh lovang. To God be the Glory ka’n ti tlai khawhnu ve lawk.
Report this comment