A hun a thleng ta. Vawiin (dt 8th February 2011) hian Baptist Higher Secondary School, Serkawn Lunglei chu kum 50 a tling ta. Lawmna hun hranpa siam lovin KL. Rokhuma Hall (Conference Hall) leh Jubilee monument hawnna hunah hman a ni.
Dt 8th Feb. 1961 khan he school hi din niin Rev. R.F. Tucker chu Principal hmasa ber a ni. Kum khat vel chauh a awm hman tihin a retired ta a, Pu KL. Rokhuma chu Principal niin a pension ni 1990 thleng he hna hi a chelh a ni. Zosapten Pathian hruaina nena an din a nih avangin he school hian kawng hrang hrang malsawmna pawh a dawng nasa hle a, chhim lam school lar leh lian ber a ni ta hial a ni.
A din tirh lai, Serkawn Kristian High School tih a nih lai hian zirlai 26 nen bul an tan a, Christian High School Serkawn, Christian Higher Secondary School tih hmingte a rawn put chhoh hnuin tuna a hming Baptist Higher Secondary School ti a koh a ni ta a, Zirlai 1400 vel zetten Nursery – Class XII an zir mek ani. Tunah hian Higher Secondary section ah Stream hrang hrang – Arts, Science, Commerce, Computer Technique leh Medical laboratory Technique an kalpui mek a, staff 80 zette mahni hna theuhah nitin an bung luih luih bawk a ni.
Golden Jubilee hi exam buai lai tak a nih avangin lawmna pui tak siam a ni lova, main celebration chu 2nd week of May hian neih a ni ang.
Block II building, morning line up
Junior section
Block-1 building
Jubilee lungphun chu Rev H. Lianngaia GS, BCM chuan a hawng
KL. Rokhuma Hall hi Rev C. Ngurhnema AGS i/c Service Deptt in a hawng a, Pathian hnenah a hlan bawk.
KL. Rokhuma Hall hlan a ni dawn ta.
Similar Posts:
- MBSE HSLC 2013 Result
- HSSLC Result a chhuak ta e
- HSLC 2007 Result
- HSLC 2012 result Top 10
- Art & Culture Minister-in KHSS Lungphum phum
Ka tawn...
February 8th, 2011 at 5:46 pm
E khai, a va ropui ve Pu Muante. Golden Jubilee lawmpuina chibai ka buk a che u. Kumtluanin a lawmna in nei dawn ngei ang maw. The utmost for the highest maw.
…khrum
February 8th, 2011 at 6:00 pm
A ropui e. Golden Jubilee lawmpuina ka hlan e.
February 8th, 2011 at 6:19 pm
Pu Rokhuma hi ka descriibe ve thiam dan: pa thinnel, english thiam tak, mi ti zawk2 lo,pathian tih mi a ni. Zahawmna pianpui ka ti mai.
February 8th, 2011 at 6:27 pm
Mizoram a +2 zirna keng tel school ho Higher Secondary School tih duah hi a tullo lutuk. Khawvel ram dangah pawh year 12 thleng zirna hi HIGH SCHOOL an ti deuh vek! A hming bula Govt tih dah kher pawh hi a tullo.
Entirnan Gov’t Higher Secondary School ai chuan Mizo High School tih kha a mawi zawk.
Baptist higher etc ai chuan Kristian High School emaw Helen Lowry HSSSSSSS ai chuan helen Lowry School tih kha a mawi in a dik famkim zawk bawk. :-$
February 8th, 2011 at 6:31 pm
Thlalak a nalh hlawm hle mai. Hetiang sikul hlun, a hmunhma thianghlim bawk si, zirna hmun tha tak ni bawk si hi, tu ne an principal ni ang le? Pa ropui tak anih ka ring hial mai, a enkawl zawh hmel em mai. BHSS Golden Jubillee lawmna (ruaitheh) ah chuan tel ve ngei ka tum ang.
February 8th, 2011 at 6:32 pm
Happy 50 years of God’s guidance!
Ka ngaihtuah fo thin..tum khat chu BCM Head Quarter Office bula hian ka ding ren rawn a. Biakin awmna leh Zirna in awmna kha ka compare ta alawm le. Biakin kha hmun chep deuh hlek kawm kar deuh ah a awm kha a ni a. Chutih lai chuan Zirna in te erawh kha chuan hmun tha lai tak mai kha a chang tlat thung mai.
Ka rilru ah ngaihtuah na tam tak a lo lang a ni. Sap Upa kha alo fin zawk vang nge ni emaw Zirna kha an lo ngai pawimawh em em. A lawmaw em a sin. Tunah pawh hian kan ngaipawimawh tih a chiang i tang zel ang u.
Kan lawm em em e ka Pa Vana mi…… 🙂 🙂
February 8th, 2011 at 6:36 pm
E hiau, a lo chhuak der tawh a ni maw, a va lawmawm ve!!
@Aryan sawi hian awmzia a nei khawp mai.
@Khumchikthei & Pa_khat…..in jubilee chibai chu lawm taka dawn a ni e
February 8th, 2011 at 6:41 pm
muante, avan lawmawm vele. Leadership nei tha ten tun thlenga an kaihhruai avang te pawh aniang chu. Hoorah (Y)
Aryan sawi khi ka ngaihtuah ve neuh2 thin tho a ni mai. :-S (Y)
February 8th, 2011 at 6:50 pm
Secondary tih hian class 10 sawina a ni tlangpuia. Secondary certificate tih chuan 10 level Certificate tihna a ni. Higher Secondary tih chuan Class 10 chung sawina a ni a. Higher Secondary School tih chuan Class 10 chunglam chiah a kawk daih a a, Class 10 hnuailam awm tho si Higher Secondary School kan ti hi chu a dik chiahlo in ka hria.
February 8th, 2011 at 6:52 pm
A lawmawm hle mai, Mizoram pum huap Science Exhibition ah te khan kan va kal ve lawp lawp a, a nuam khawp mai BHSS hi. Hmunhma a nuama Teacher te an fel in an thiam hlawm bawka.
Tin sawi hmaih theih miah loh, an va han zaithiam hlawm tak em.Kum 50 chhunga he Zoram tana a hnathawh hi a ropui ngawt mai.
February 8th, 2011 at 6:54 pm
#4, Aryan…thil hi chu a hun lai mil hian her danglam ve zel a ngai alawm..i duh chuan Pre-university pawh lo ti la thra vek tho lo maw??.a hun mila her danglam anih avangin a hming pawh an thlak fo alawm.
February 8th, 2011 at 6:55 pm
ka ngaihtuah let hian ‘Ka school kal lai’ tih ka sawi ve apiang hi BHSS deuh zel hi a lo ni..BHSS dam reng rawh se
February 8th, 2011 at 6:58 pm
BHSS chhuak hi misual ah hian an awm nual in ka ring. Han in sawi zel teh u, a chanchin hi thiante atang ka hre ve fo mai…an fak thin khawp mai. 🙂
February 8th, 2011 at 7:00 pm
chemtatrawta #11 High School tih chuan 12th grade/class 12 thleng anih avangin, Higher secondary a kawk sa tawh hrim2 alawm.
High school is the name used in some parts of the world, to describe an institution that provides all or part of secondary education but not in Mizoram 🙂 NOI
Wiki:
http://en.wikipedia.org/wiki/High_school
Ram dangah hi chuan, Elementary, middle, high school tiin an then.
February 8th, 2011 at 7:01 pm
Ni e, school hming chungchang hi ngaihtuah chian chi tak a ni. Elementary, secondary, higher secondary ti a then a ni a.
Jubilee kan han thlen meuh chuan thinlingah Pathian min hruaina a lang chiang zual a, lawmna tu hlir a lo ni e.
February 8th, 2011 at 7:05 pm
muante, Khalam ka awmlai nise, rawn thlir de de ka van chak vele aw 🙂 A ropui khawp mai.
February 8th, 2011 at 7:08 pm
Pu HV,ni pawh ni tho mai.amaherawhchu, ramdanga an tih kha kan tih ve kher a trul lem emawni..keimahnia a chian dan ber hian a thra mai lo maw. Pensil,guitar,sikul, adt pawh hi kan remchan dana kan hman mai chu ania. Higher secondary school tih avanga bo kan awm em loh chuan, mizo trawng kan ti hausa zawkah ka lo ngai mai asin…NOI.. 🙂
February 8th, 2011 at 7:14 pm
HV, chemtatrawta: Han sawi chiang deuh teh u khai. Duhlian tawng ngeiin.
February 8th, 2011 at 7:15 pm
#15, Jubilee chibai ule. Kum 50-na hian hma lam panpui zel che u rawh se.
February 8th, 2011 at 7:20 pm
HV, ni e tiraw. Main celebration hun laite hian awm ve thei la ka ti hle mai.
Mapui, i tilawmawm e.
February 8th, 2011 at 7:22 pm
@PimPom_Pu Hv a dik e, High School tih hian a kim vek. Secondary is equvalent to matric, Higher = Chung zawk, therefore Higher Secondary School = Higher matric School 😉
Vai ramah pawh hian School hminga High School tih dah tel Class 12 thleng awm a awm nual.
February 8th, 2011 at 7:22 pm
PimPom #18 muantea mit a kham em lo ang chu maw. An sikul ka sawi chhan chuang miahlo ania (tak zet)
#14 ka sawi khi chu, “High School tih awmzia chu secondary education/higher secondary zirna hmun koh nana ram thenkhatin an hman a ni,” tih a ni mai.
Ni e, chemtatrawta sawi ang khian mi tih ang apiang kan tih ve dan a ni kher tur a ni hauhlo. India ah kan hman dan ani ve mai. Khawthlang hoin Eggplant/Aubergine an tih pawh India ah chuan Brinjal kan tia, kan sawi tum kan hlah chuang lo e. (Y)
Khawthlang lam ramah te chuan college/University a lut te pawh hian, “Sikul ka kal,” an ti mai thin. Mizoramah chuan BA chin hi chuan, “College ka kal,” an ti tlangpui maithei… awmna hmun a zirin sawi dan adang a ni ve mai. College ka kal an ti kher lo, keipawh tunah sikul kala kal thin… hairehai. Tin, city pawh hi ziakah chuan hman ni mahse, “My town/this town/that town” tiin an sawi mai thin.
February 8th, 2011 at 7:29 pm
Mi pakhat ngaihdan hian ram leh thil kalphung hi a awm ngai si lova le!
Misual.commers tamtak hi a hun lai a PUC pass kan ni ngei ang, a systemin khatih lai khan zirna rahbi khat kha PUC a ti miau a ni. Tunah pawh Systemah High school kan nei a, a transition chu higher a ni. Hei hi chhan hran hran vang a categorised a ni ngei ang. Education stream te, infrastructure, staff requirements etc etc, chuvang chuan ti hian high in lo higher zel phawt mai teh se.
…khrum
February 8th, 2011 at 7:31 pm
#4, Aryan, tuna SSA kalpui danah hi chuan:
Elementary(Primary & Middle 1-8), Secondary (High School 9&10), Higher (Higher Secondary 11&12)ti-ang deuh hian a ni. Elementary-ah hian standard 1 to 8 an dah tawhin ka hria.
February 8th, 2011 at 7:34 pm
Asteric & Hv: In ti lawmawm e. Thil engpawh mai hi a dik ve tho, a hman theih ve tho ang a…tih vel ai chuan a nihna tur leh nih dan tura hman hi a tha zelin k hria.
He thuah erawh ngaihdan k siam mai thei chuanglo.
February 8th, 2011 at 7:38 pm
A bengvar thlak hle zel e.
February 8th, 2011 at 7:48 pm
Pathian min kaihhruaina a ropui e!He school a Kum sawmpakhat lai thawh ve na hun Pathian in min siam sak avangin Pathian hnen ah lawmthu ka sawi e!!” THE UTMOST FOR THE HIGHEST”
February 8th, 2011 at 7:49 pm
Pu Muante! main celebration chu a va nghahhlehawm toh ve!!!
February 8th, 2011 at 7:54 pm
Ekhai, Pu muante, ava lawmawm em!!! Hall tharte in lo nei a, kan sikul chu rawn hmuh leh te pawh chakawm ve le aw! BHSS (Y) (Y) (Y) (Y) (Y) (Y) (Y)
February 8th, 2011 at 8:02 pm
Serkawn Sikul hi 1903 July thla a din kha niin ka hria, Kha an din tanna hmun kha khawi lai tak nge hria in la awm em?
February 8th, 2011 at 8:07 pm
muante,
He Skul hlun tak hian i thahnemngaihna leh i uapna hnuaiah nasa takin hma a sawn tih ka hria, ka chhuang a che. (Y)
Nang ang, mahni hnaa inpe zo leh tihtakzeta thahnemngai mi, thinlung taka naupang/ zirlaite hmangai mi hi he ram leh hnam hian kan va mamawh em!
Nangmah, i zirlai zawng2te leh in Skul tan, hun lo la awm turah hlawhtlinna ropui tak pawchhuak ngei turin duhsakna ka hlan a che u.
February 8th, 2011 at 8:30 pm
Chawng-hminga, i va ngaihawm ve le! In dam zel ka duhsak che u. Main celebration ah chuan kan lo beisei dawn che u a nia.
@ozima..family member chuan family an ngai thin alawm.
@lushai_er. 1903 kuma din kha chu schoolpui an ti a, sorkarin a la ta a, tunah chuan naupang tlemte neiin an la kal ve hram hram. Serkawn a Indoor stadium chhakah a awm e.
@Kawlhawk..e khai, i lo Dr. leh tawh a ni maw? 🙂 I mi duhsakna chu a lawmawm hle mai..mahse a chung lam khi chu ka phu lo.
February 8th, 2011 at 8:31 pm
van lawmawm ve
February 8th, 2011 at 8:36 pm
A va han lawmawm em em ve le ! BHSS DAM RENG RAWH SE. Muante lung a va han leng ve le. sawi tur , sawi chak ka ngah ve lutuk. Mahse, 2o mins. chiah hun ka nei si !Thlalak te, sikul te Pu ROKHUMA ! THE UTMOST FOR THE HIGHEST a sawifiah thin lai te, MY BEST FOR GOD-Hostel motto min hrilhfiah thin dan te ! E KHAI ! DAL IS STRENGHT kan tih thin lai te. THINLUNG KHAWHAR TAK CHUNGIN, LAWM SIIN, LAWMPUINA DUHSAKNA he hmun khawhar atang hian ka hlan a che u.
February 8th, 2011 at 8:43 pm
E Khai… Hlim taka Jubilee dar in vuak ka duhsak a che u. Hmasawn zel turin kohhran te, a thawktute leh zirlai te tang sauh sauh rawh u le… (F)
February 8th, 2011 at 8:45 pm
Benny.. i lung a leng a nih ngei hi.
@shailendra..i tilawmawm e.
Khawnge maw mama-B te ho hi le?
February 8th, 2011 at 9:06 pm
@30 : Tuna BHSS Junior section awm taknaah hian 1903-a SIKULPUI kha chu a awm thin a, Sorkarin a lak takah khan Serkawn primary school chhakah BOYS’ M.E SCHOOL hming puin a awm leh a, an chhuahsan tak school ngei chu SERKAWN KRISTIAN HIGH SCHOOL hming puin 1961 ah hian din a ni ta. Kohhran school ni ta fam chu a hming hian Serkawn ta a ti ang riauva hriatna a awm a, a hnu ah Assembly meuhvin Christian high school, serkawn tiin a thlak a, 1996-a Higher secondary school a lo nih khan Christian higher secondary school tih a ni leh zawk a, a kum leh, 1997 ah khan Assembly bawk hian tuna a hming hi a sa leh ta a ni e.
Vawiin khan Kohhran lama hruaitu leh puipa chan chang engemawzat leh chanchinbumi lam te, First batch student kan hrilh theih ang ang te nen staff-te’n Jubilee Celebration bul tan nan posttupa sawi ang hian hun hman a ni a, 1st batch students zinga mi 6 lai an rawn tel bawk. Ropui tak a ni.Pathian hnenah lawmthu awm rawh se.
February 8th, 2011 at 9:06 pm
School tha tak chu anih hmel e. BHSS nena inkaihhnawih thilbik pawh ni lemlo ka veizawng han sawi mai mai ila. Lungleiah hian College 2 (3?) leh High/Higher School phei chu tamtak a awm a, chutih laiin Zirlaite puitheitu lehkhabu zawrhna dawr hi a awmthalo em em mai a. Lungleia Zirlaite hian an Zirlai piahlama puitheitu lehkhabu tha an chhiartamlo tihnaah a ngaihtheih. Demand a awm chuan supply hi a awm mai thin kan ti ani lawmni kha. Helam kawngah hian Muantea te hian tan han la se ka ti hle mai.
February 8th, 2011 at 9:13 pm
awmawmpui..a tidik e (Y) Lehkha chhiar lamah hian hma kan sawn a ngai khawp mai. Electronic khawvelah hian internet lamah pengin lehkhabu chhiar lamah kan tlahniam tual tual niin a lang.
February 8th, 2011 at 9:17 pm
e khai,lung a va’n ti leng ve aw, duhsakna chibai ka buk tak meuh che u. kan school hi chu ka chhuang a nia (Y) (Y) (Y)
(ot tep) vawin chu BHSS-a kan luhlaia kan thiannu SAIRENGPUII SAILO (RIP) kha ka hrechhuak nileng,awm ve se nuam a tiin a hlim ve dawn asin mawle.
February 8th, 2011 at 9:26 pm
Kan school kum 50-na champhaa lawmpuina leh duhsakna min hlantu zawng zawngte in zaa chungah kan lawm em em e. Kan ram siam tha turin theih tawpin Pathian chakna ringin ke kan pen zel dawn.
”The Utmost for the Highest”
February 8th, 2011 at 9:34 pm
rose malsawmi, i duhsakna chibai lawm takin kan dawng e.
February 8th, 2011 at 10:29 pm
Kum 50-na – A ropui e!!
muantea, I enkawlna hnuaia(h) tluang tak leh chak taka hma in sawn zel theina turin ka duhsakna sang ber ka hlan a che u. (L) (F) (G)
February 8th, 2011 at 10:38 pm
Ka hmingpui, Principal nih lai ngei a kan school-in Golden Jubilee a thleng chu a lawmawm dang dai hle mai 😀 (Kan hming ang tak hi ka hre tam lo em a 😛 )
Sir Muantea, Miss Dinpuii, Sir Hmaa, Sir Jona, Sir David,..sawi vek chuan a thui awm si a 🙁 , in zirtir ka ni hi ka inchhuang a, in rawngbawlna tha leh tangkai zawk zelin he he Golden Jubilee hian pe vek che u rawh se..
“THE UTMOST FOR THE HIGHEST”
February 8th, 2011 at 11:04 pm
@ muante, naupang i va ngah ve le,he skulah hian ka lut ve chiah lo na a, 1981 khan a tualah hian kan inchai thin, main celbrationah min beisei ve em…lolz, ha ha ha hai, beisei tlak om loh
February 8th, 2011 at 11:06 pm
@ Dr. Mahminga – PG kha i zo tawh em? Enge tih tak zel le…?
February 8th, 2011 at 11:23 pm
hemi sikul chhuak hi misual.com ah hian an tam hmel ka ti…a diklo e tihna ni lo in.
February 8th, 2011 at 11:39 pm
BHSS ‘The place where i was born’..
To God Be The Glory (Y)
February 8th, 2011 at 11:42 pm
Kan Zirtirtu te zah nan,lawmthu sawi nan in hming kimin-
SirKL Rokhuma,Sir KL Vangaia,Sir Chema,Madam Novi,Sir Khara,Sir KL BIakchungninga,Sir Zaia,Sir Muantea,Sir Manunmawia,Sir Biaka,Sir Rinmawia,Miss Daisy,Miss Tetei,Miss Mapuii,Miss Madini, Miss Magie,MIss Thazulai,Miss Priscilla,Miss La-i,Miss Avalyn,Miss Rinawmi,Miss Ruati,Sir sanga,Sir Chawnghminga,Sir Hriatpuia,Sir CT-a, Sir Zuala, Sir Marema,Rir LRK-a,Sir Chhana,Sir MST-a,Sir Rova,Sir Makima,Sir Muana,Sir Maneiha,Sir Thiana,Sir Davida,Sir Mabiaka,Sir Arema,sir Beia,Madam Puii,Madam rami,Madam Ramteii,Miss Pari,Miss Partei,Miss Tete-i,Miss Ramliani,Sir Rodinga,Sir Marina,Sir Zosanga,Sir Zawntea,Sir elisiana,Sir LCha,Miss Helen,Miss Maziki,Miss Rinpuii,Miss Dinpuii,Miss Nunhlimi,Miss Matlani,Miss Rita,Sir Mama,Sir Tlantea,Sir David,Sir Hmachhuana,Sir Jona,Sir Hmangaiha,Sir Premjit,Sir IB-a,Sir SK-a,Sir Sangzuala,Sir mohindro,Miss mathani,Miss MImi-i,Miss Nanoi,Miss Zuali,Miss Kimkimi,Miss Esther,Miss Maseni,Sir Masawma,Sir Sammy,Sir Chhante leh Sir Marka te kha vawiin Jubilee ni Pathian hnena lawmthu sawi ni ah hian Zirlai zawng zaawng ai awhin Pathian avangin in hnenah lawmthu ka rawn sawi e. Pathian in veng zel che u rawh se.
2GBDG!! 🙂
February 8th, 2011 at 11:45 pm
This is my school! Kum 30 dawn thaw a lo ni ve ta reng mai, zanin chu ka lung a leng ve hle mai. Pu KL Rokhuma te Pu Pahlira te an va ngaihawm ve.
Muantea leh i thawhpui, leh student zawng zawng duhsakna sang ka hlan a che u.
Hming sawi takah chuan Aryan sawi ang deuh hian ‘Christian High School’ tih kha a tawk mai sain mawle, a inclussive riau ka tia. Baptist telh kher leh Higher Secondary telh ngaihpawimawh em em mai hi thil ropui a niin ka hre lem lo. A reng rengah Baptist institutionho, HATIM, AICS tih vel duahte hi NGO hming lamtawi ni awm zawk tak a ni. Mizoram Technical College, Mizoram Theological College tih mai ni se ka va duh tak em.
February 9th, 2011 at 12:15 am
Congrats Pu Muante,Serkawn H/S ah hian kum 4 ka kal ve a Pu KL Rokhuma principal nihlai Pu Pahlira vice principal nih lai khan. A hmun hma chuan hmanlai a ang tawh lo hle mai.Duhsakna sang ber ka hlan a che u
February 9th, 2011 at 1:00 am
He post hi tunlai hnai te a post puitling awm zeuh2 te zinga puitling pawl tak niin ka hria. Tin, Muantea sikul hi an fakawm ka ti khawp mai. hoorah
February 9th, 2011 at 1:53 am
Bethsy Lalrinsangi sikul lo kal tawhna a nih avang ringawt pawhin ka tlawh châk.
February 9th, 2011 at 4:32 am
Kan misual pui leh misual zinga ka U en tak thawhlawk em em na a ni. hetiang hun a thlen nana mithahnemngai te ka lawmpui tak zet zet.
Kan ram hian thiamna hi kan rinpui ber ani thin ani zel dawn tih hi kan hriatchian a ngai hle. Thiamna kan tihah erawh kan huam zauh tira chutiang zirna thiamna institution chu kan hawn zel tul zia erawh kan man fuh a ngai hle.
February 9th, 2011 at 6:02 am
50 yrs den chhen in BHSS staff zawng zawng leh a bik in kan classmaster hlui sir Marema duh sakna sang ber ka hlan a che u….
February 9th, 2011 at 6:10 am
February 9th, 2011 at 9:55 am
@spa jongte: Sir Marema chuan a aia hna tha zawk leh sang zawk a hmuh avangin BHSS a chhuahsanna a rei tawh alawm (2005 or 2006 vel kha a niin ka hria).
February 9th, 2011 at 10:11 am
Feeder, KL Rokhuma zawk alawm.
In va han fel liam liam tak em! Hei hi alawm misual nih nuam ka tih nachhan. Lawmnaa kan inlawmpui a, phu loh fakna han dawnte hian tu huan thlai mah a pet lova, phur tharna leh hlimna ril tak min pe zawk thin.
Thiante u….ka lawm lutuk e.
February 9th, 2011 at 7:34 pm
BHSS hi zawng nuam ve mai mai tak a ni. Lunglenthlak tak a ni. Teachers te an friendly a, a hunah an zahawm leh tho bawk si. btw Congratulations Sir Muante,,,
February 9th, 2011 at 8:03 pm
Keizawng, Christian High School Serkawn anih laia lut ve hman ka ni ve a, 1992-1994 chhung ka lut ve hman a. Pu Pahlira (RIP) kha Principal a ni a, ahnuah Pu VL.Ngena a ni ve leh thung. He School-in a keimaha a thil thlen tam tak te hi a ropuiin, he School chhuak ni a inchhal ve theite zinga ka tel hi ka va han lawm tak em. BHSS damreng rawh se….
April 6th, 2013 at 9:13 pm
Hei chu a van lunglenthlak ve aw! Tucker Hall hawnnaa kan zai laite kha a van ngaihawm ve. BHSS ah hian ka damchhunga ka hriatreng tawh tur thil pakhat ka tawnga, Academic parade kan neih tum kha. Khatiang chawimawina kha ka damchhungin a tluk ka tawng tawh lovang. To God be the Glory ka’n ti tlai khawhnu ve lawk.