Miruang kan inchuh kha!

February 17th, 2011 2:04 pm by Keimah Thingtlangpa

A bul tanna

Kan khaw pa pakhat chu khaw thenawmah chi seh vel lamin a kal a. Vanduaithlak takin a va kalnaah chuan a boral hlauh mai a. Tunhma pawha nuam kan tih thin em em ‘mizawn inchuh’ tur kan awm avang chuan tlangvalho pawh kan chhuak thahnem khawp mai.

Ka pu Vawma tui bulah!

Kan khaw tlangvalho chuan kan khaw ramri pelh deuhah chuan kawnga kaltlang theih lek lo turin leh thenawm khua te ram chhunga miruang chhuhsak turin Pu Vawma tuikhur an tih bul, tlema hmun hnawng deuh bulah chuan kan lo nghak ta ran mai a.

Come on..FIGHTING!

Khai le, khaw thenawm tlangvalte chuan an ramri pela zawn ngei an tum tlat si a. Ruang inchuhna thubuai ni bawk, infiamna ni bawk chu tan a ni dawn ta. Khatia kan inhrosa vel kha a mitthia khan hmu ve se hmuhnawm a ti ve ngawt ang le…saw le! An inphih tan.. pakhat kawngthlangah a liamthla ta.. tang ang ule..

A changtupa ka che dawn e..

Chutah keipawh thatho takin ka han che ve tan ta a. Ka hmaa khawdang tlangval leh kan khaw tlangval lo inbeite chu engmah hre hrang tawh heklo an pahnihin kawngthlangah an liam thla ta zel a. Ka hma chu a eng phei duai duai a ni ber mai.

Ka ngaihtuahnaah chuan Achillesa’n troy tuipui kam a lak te kha ka han ngaihtuah chhuak a. Nuam ve vet vet ta a ni. Ka harh zawk mai! Het! Hepa hi khawi a mi nge? Ring chungah lut dun ila chu buk tha turin ka ti leh ang tihtur khawpa palian hi ka hmaah a lo ding thut mai a. Han tal pawh ni ila ka tal hneh dawn loh nen, min pawm bet ang ang chuan ka awm mai mai a.

Hriatloh lamtluangah!

Midang ka lo vawrh tawhna lamah chuan min pawm kang a..min vawrh ve ta. Nia, han inkhuainuai pui aichuan inthiarfihlim san kha a tha zawk a, a finthlak zawk bawk a ka hriat avangin ka lawm rilru hle a. Mahse..mahse..

Mahse, min vawrh thlakna ber kher chu a fu lo ngei mai. Hmundang a tam tehlulnen chingit kung tawk tur kherin min vawrh thla tlat mai! Chingit kung kan kap zut thla chiah mai chu(h)! Lei ka thleng chiah hi ka keu nghal sawt sawt a. A vanneih thlak nge vanduaithlak pawh ka hre tawh lo! A thip tuk tawh mai a ni.

Miruang inchuh kan zawh a, miruang kan inhlan hnua kan khaw tlangvalin an zawn hnuah pawh kan la kal kak tawi tawi thei hram a!

15 Responses to “Miruang kan inchuh kha!”

1
ReMpY_ScisSoR Says:
February 17th, 2011 at 2:14 pm
ka lo comment??
Report this comment
2
ReMpY_ScisSoR Says:
February 17th, 2011 at 2:18 pm
sianpa mapuia chu i lo va MAN ve o!! ngaihnawm e.
Report this comment
3
ReMpY_ScisSoR Says:
February 17th, 2011 at 2:21 pm
ot nghal…banner chu a va HIT ve le!!!
mahse, “arse” tih kher!! ARS or ASN would b better?
Report this comment
4
Zodin_RM Says:
February 17th, 2011 at 2:30 pm
I tel dawn lo tih chu hre tho mah ila, a ngaihnawm e. Tak tak chu ni se i tlanchhe nasa awm?
Arse=Arshole
Report this comment
5
Benny Says:
February 17th, 2011 at 2:40 pm
I kal kak tui2 lai chu hmui a va tikau duh har2 ve!
RemPy scis. chu thei pap2 ve!
Report this comment
6
chemtatrawta a thru lang Says:
February 17th, 2011 at 3:06 pm
admins te chu side in va nei chiang..hahah.. bakchehi chu thei pap2 ve
Report this comment
7
Lersia Says:
February 17th, 2011 at 3:12 pm
Mizâwn inchuh ti in ka hre thina, Miruang inchuh ti hian anlo hmang vetho animaw. Thil hi ka lo va hrelo tak em. I thuziak hi a sei i hlau lutuka a ngaihnawm tur angin a ngaihnawm phalo deuh. Engpawhnise a tha khat e.
Report this comment
8
H.Vangchhia Says:
February 17th, 2011 at 4:28 pm
Tha viau zel e…
Report this comment
9
Ozima Says:
February 17th, 2011 at 4:30 pm
Mizawn inchunah chuan american footballer ho hi an tha ngawt ang. Chutia inchuh vak ngailo khan miruang lem zawn ula, pumpelh lamah miruang tak tak zawk chu kal puiin an khaw thleng rawk a zawn mai tur che u lawm.

#7 Keipawh ka hriat thin dan a nia, miruang inchuh pawh ti se ngaihhai tur awm chuang hlei nem. Kan veng pa paw’n an nu period lai hi “Lalnunnemi thiin a luak” a ti ve mai
Report this comment
10
mate ainawn Says:
February 17th, 2011 at 6:02 pm
Engpawn nise, i post lunglen thlak thin hrim hrim a, thu i thiam hle bawk.Khawtin mahni ramri pelh tir kha chu an duhlo hle a nih kha.
Report this comment
11
shailendra Says:
February 17th, 2011 at 6:37 pm
Nikum mai khan, Champhai piah lawk, Ngur khaw daiah khian, Hnahlan kan kal haw lam hi, a thim thet thet tawh a, meichher chhi hian mipui hi an rawn inzui dul dul a. Kan va pawh hma deuh hian kan thianpa pakhat hi kan tawk a, chumi nen chuan kan in be zawk a. Kan inbiak lai chuan kawngthlang lamah, rawn i zui ho chu an peng ta daih a. Kan kal leh dawn chuan a hnu khawi a kal chu engnge an tih, tih ka zawt a. Hlangin mitthi ruang an lo zawn a, Burma lama an kalpui tur thu min han hrilh mai chu… Thlalakna keng reng chung si a an thla ka la lo kha ka va han ui tak emmm…
Report this comment
12
H.Vangchhia Says:
February 17th, 2011 at 6:51 pm
shailendra, Darlawnah khian ruang zawnnaah ka tel ve tawh. Ruang zawn tih ah khua leh khua kan inchuh lova, a zawn tu te kha kan inchuh nasa a ni. Rei tak ka silawng alawm.

http://henryvangchhia.blogspot.....ife-3.html
http://henryvangchhia.blogspot.....ife-4.html
Report this comment
13
ChhawnBura Says:
February 17th, 2011 at 9:55 pm

Report this comment
14
PayableOnDeath(Zrma_C) Says:
February 18th, 2011 at 11:26 am
Kal kak tui2 chung chuan ruang zawn chu va harsa duh awm ve aw… Ngaihnawm mahse a tawi deuh anih hi..
Report this comment
15
lushai_er Says:
February 18th, 2011 at 1:08 pm
Mizawn inchuh hi hmanlai thil deuhvah ka lo dah tawh a, tunlai hian an la ching em ni aw???

Kei ka la tel ve miah lo, tha zat lai chuan a nuam ngawt ang. Tunlai hi chuan ‘Bialtu MLA’ mawhah kan dah mai ni te hian a lang.
Report this comment