Thla 3 kal ta atang khan kan nu hi a ‘V’ tawh lo a, a vawi – 3 nan Nau a pai tih kan hre mai a. Ti chuan, Dr. kan pan a; tunlai thiamna – Khawl changkang tak tak hmangin kan nu nau pai chu a en ta a. A result lo chhuak chuan min barakhaih nupa kher mai!
“A pawi hle mai… In nau hi a lu a lian uchuak lutuk a, lo piang chhuak ta pawh nise rilru lamah ‘mi ang lo/ rual ban lo’ a nih theihna chance hi 98 % zet a ni a, 85 % pawh hi chiang tluka ngaih a ni. Hetianga nau, lu lian uchuak pai ho hi kan lo buaipui nual tawh a; huaisen taka pai tlang tum ho pawh hi a neih hun hmain pum na em em, nauchhiat, thi put nasa, etc… te avangin an buai tlangpui. Thih phah hial te pawh an awm nual. Thurawn ka pe ang che’u a, thuthlukna erawh in thu. Nau a hràm lutuk hma leh a tlai hmain, in nau hi tithla mai rawh u” tih chu a result leh thurawn kan dawn a ni.
Kristian pachal ka ni a, kan Dr. rawn erawh Hindu pachal a ni. Nau tihthlak hi sual satliah pawh ni lo, tualthahna rapthlak tak a ni tih ka pawm a, a do nasa ber te zinga mi ka ni. Mahse, hetiang tehhrep kan nih tak siah chuan rilru a buai duh map map hle. Kan nau pai, thla – 3 mi hi lo pai zel ta ila, kan nu/ a nu chungah eng ang harsatna nge lo thleng dawn a, eng ang natna leh tawrhna nge lo thleng dawn tih lah kan hre si lo. Tin, tha te tein lo hring thei ta mial ta pawh ni sela, mi ang lo/ rual ban lo anih tur lah a chiang reng mai si.
Ti chuan, nau tha pangai tihthlak chu duh hauh lo mah ila, a nu nunna atan nakina la hlauhawm thei tur leh, naute lah rual ban lo tur tih a chian viau si avangin, hreh tak leh lungchhe tak chungin — Nau chu kan titla ta a! Zep lovah chuan tualthat zawng kan ni ngei e! Eng anga piangsual leh mi ang lo tur pawh nise, mihring a ni miau si a. Chutihlaiin, dam tein lo piang ta pawh ni se, a tan khawvel hi hremhmun tluk zeta hreawm a ni thei a, a nun chu lungngaihna leh tahnaa khat a ni thei a, mite hmusit/ bawl leh nuihzat hial a ni thei si a. Chumai ni lovin, keini nu&pa, u&naute tan lah phurrit a ni ang a, chhungkaw retheihna mai a ni dawn si a.
Aw le, hetianga reh tak leh mittui hial sênga nau kan titla ta hi, nulat duh vang leh nau tithlak pawisakna reng nei lote nen mihring ngaihah chuan angkhat kan ni lo ngei a; Chung lamin engtin ngai maw? Duh reng vanga nau titla a, tum lawk vanga tualthatte nen huang khatah min dah ang em le???
Similar Posts:
- Motorcycle Taxi ah a tha angem?
- Mizorama haw hlen
- Mizo in Sawnpai kan tih hi…
- Dawrpui Veng an la buai zel e
- Engtin tui cheng ve ang maw?
(Y) 
February 23rd, 2011 at 11:52 pm
a va paw1 ve aw…kan chhiar nawn leh teh ang
February 24th, 2011 at 12:07 am
I zawhna chu keia lo chhan ve chi a ni hauh lo mai. Titla tura decision siam har turzia ka ngaihruat thiam, a va hrehawm dawn ve!
February 24th, 2011 at 12:12 am
i dinhmun hi ngaituahna akal thui hle mai,pa ka la nilo na a,ka chan ah kan in dah a,ka dem hauh lo a che….engtin nge chunglam rorel dan chu ka hre lo na a,atul navang zawka ti in nia,lo pai tlang in i sawi ang in lo dam ta pawh nise engang chiah in nge in rilru a nat chhoh ang,..?hurherh vang leh lepchiah vanga titla an amwa,mahse nangni chu rilru hrehawm ngawih2 in awm a…pathian pawn pawnlam aiin chhungril lam a duhzawk an tih kha maw…a aia tha a pek a,malasawm ngei che u ka duhsak tak meuh2 a che u….
February 24th, 2011 at 12:15 am
He thil hi chuan rilru chu a chawkbuai chiang hle mai. Mercy killing(euthanasia) chungchang ah hian hman ni ah seminar kan nei a, tah pawh chuan thutlukna kan siam hlei thei ta lo.Kan siam tur a ni pawh in ka hre lem lova.Ram thenkhat chuan an hmang ta e.
Nunna hi Pathian siam a ni a, kan duh emaw duh lo e maw, thih leh dam chungchang ah hian chuan kan thu lo khawp mai.Mihring te chuan dan te kan siam chawp thin mahse Pathian dan erawh a lal ber tur a ni. tih hi ka sawi ve duh chu a ni e.
Post tu pa
February 24th, 2011 at 12:23 am
I dinhmun angah ding ve ta ila chuan i tih ang tho hi ka tih ve ka ring. Ka va lainat che em aw!
February 24th, 2011 at 12:28 am
Pathian in in chunga hrehawmna/phurrit dah a duh loh avangin nau chu ti tla mai turin dr.hnenah thurawn pe turin a rawn ti a ni ang.Bel vawtu chuan a duh duh danin bel te chu a siam/vaw keh thei alawm,Pathianin mihring hmangin Ama Thu in naute chu leia hrehawma a awm phal loin,a hringtu te hrehawm pawh phal loin Ama hnena cheng turin ala ta mai zawk ni awm tak ani
February 24th, 2011 at 12:29 am
Einstein-a pawh kha a tet lai chuan a lu a lian bik antia sin… Engah chuan nge maw ilo thah ngawt le.
February 24th, 2011 at 12:30 am
Thianpa, hun i neih chuan Joba kha a thui lemlo bawk a uluk takin han chhiar chhin teh a.
Pathian siam mihring te kan inenkawla kankhawtlang roreldan a fuh zawk nan khawvelah sawrkar dan (law)a awm. Chu dan (law)chauh chuan mihring nunna a la thei a ni. Mimalin mi nunna kan lak a thiangin ka hrelo.
Mithiam ten nausen la pianglo te hian nu pumchhung atang hian thil an lo hre viau tih an hria. Kan bible ah pawh Luka 1:41-44 ah chuan, “Tin, heti hi a ni a, Elizabetin Mari chibai a buk chu a hriat veleh, a pum chhunga naute chu a che a; tin, Elizabeti chu Thlarau Thianghlimin a lo khat ta a;” tiin.
February 24th, 2011 at 12:31 am
@kawlhawk, i rilru chu a buai ang, he i buaina ang hi ka tawng ve trep.. mahse Pathian hian hetiang hunah hian mihringte hi a lo siam ropui khawp a, in thutlukna siam kha a dik chiah… chutih rual chuan inthiamlohna i nei tel pawh kha a dik leh zual.. Nunna i ngaihlu tih a hriat e. Rilru dam takin awm la, Lalpa’n a pe a, Lalpa’n a la leh ta. In chanpual khuanu ruatsa chu tuman an laksak lo ang che u. In Nu kha enkawl thra hle la, rilru dam takin awm ang che u. Mahni rilru hreawm khawp a i Nupui Nunna i hlut sak avangin Malsawmna i la dawng ang.
Chhungkaw hlim tak lo ni zel ang che u
February 24th, 2011 at 12:33 am
In lainatawm hle mai,Pathian pawhin a ngaihdam ngei che u ka beiseiin ka ring tlat bawk.
February 24th, 2011 at 12:37 am
I dinhmun hi ka dinhmun ni ta se, itih ang hi ka tih ve tho ka ring… mahse, engkim hi Pathian ruat loh a awm lova…mihring nunna thu ah sawi theih neilo mah ila..Pathian remruat ah ngai rawh u, Pathian in fa tha tak ala pe leh mawlh ang che u..
February 24th, 2011 at 12:38 am
Sawi tur ava vang em… Kristian tan chuan sual chu a ni in ka hria a. Mahse i dinhmunah chuan a confusing ka ti khawp mai.. Hman kum ah pawh Pu Hva te ram lamah Mercy killing avangin an inhnial vak tawh in ka hria…. Thlarau neih hun dan ah pawh anla in hnial a…
Pathian leh kan inkar a pawimawh dawn a nih hi.Thlarau Thianghlim awmpuina nen…Kan awm dan tur hi A thu ruat leh zirtirna hi hriatchian vek hi a har thin si a…
February 24th, 2011 at 12:41 am
A pawi hle mai. Chung lam ngaihdan zawng hriatthiam a har. Mihring ngaih a misual, amah nen an khen beh phawh kha, ‘Vawiin ah ka hnen ah i chawl ang’ a ti daih nih kha.
February 24th, 2011 at 12:42 am
In comment changin hei ka la meng ve kar e. Uluk takin ka chhiar a, in zaa chungah ka lawm takzet e.
February 24th, 2011 at 12:43 am
John Milton-a pawh kha a mit a del dawn tih hre lawkin doctor ten a nu bulah khan ti tla turin han thlem lungawi ta sela chuan khawvelin “Paradise lost” hi a hre miahlo ang.
February 24th, 2011 at 12:51 am
KKK, i ti tak tak nge, thil ni thei i rawn sawi le?
…khrum
February 24th, 2011 at 12:52 am
Krista #12 USA te chu Kristian lo lo aw a ring alawm. A bik takin Juda, mawngkawhur ho leh hmeichhe awmherh chhungte.
February 24th, 2011 at 12:53 am
Pu Kawlhawk i thiannu i hmangaih zia pawh alo lang uar uar e iti tha hle mai a..mah se pawi kalo tiru deuh e. Pathian leh nangmahni inkar a tha chuan a fel turah ka ngai. Han ngaihtuah thuak chuan han paing hram sela chu tha kava ti deuh em. I decision siam chhan tak hriat a chakawm e…
February 24th, 2011 at 12:55 am
@Pu HV(#17): Chuti alaw. Chiang fek fawkin lo comment ve teh a…
February 24th, 2011 at 12:56 am
@kawlhawk, ka comment #9 khi ka chhuang tawp, ka comment of the century ah ka puang bawk!
February 24th, 2011 at 12:58 am
funny, suangtuahna i tithui viau e. Mahse, keini chu pianphunga rual ban lohna lam ai mahin, ka sawi ang khian rilru lama rual ban lo tur an ti tlat si alawm…
February 24th, 2011 at 1:01 am
He issue (abortion), hi medical communityah pawh inhnialna ti tam tu a ni. Chung lam chuan a thiam hauh lo ang. Dan erawh chuan a thiam.
A hrezau duh tan hei aw.
http://www.mohfw.nic.in/MTP%20Act%201971.htm
…khrum
February 24th, 2011 at 1:06 am
Krista #19 a thui duhawm em mai tihian kan kaitawi mai ang e.
United States of America founding fathers ten constitution an siam atanga behchhan theih chhuanlam fahrah te te siamin an RIGHT an auchhuah pui vak vak a (right to freedom of Speech awm hek).
Juda ho vangin sikulah Lal Tawngtaina sawi an khap a, Merry Christmas tih aiah Happy holidays tih hman a ni ta zawk a. Mahse USA ah hian engkim khar (totally closed)zirna/dawr/hnathawhna awm chhun chu Christmas leh Thangsgiving ni chiah hi a la ni hram e
IN GOD WE TRUST (Christian God) tih anih laiin Pathian duhloh tawp, same sex marriage chu constitution a behchhan tur an hmuh hlauh avangin an au chhuah pui vak vak a.
Constitution atanga chhuanlam tur an dap chhuah chu au chhuah pui lehin, naupang sawn pai etc etc te avangin ( ani ber ang chu!) Roe v. Wade, Supreme court ami chuan, “Hmeichhia zawng2in an naupai chungah thu an nei e,” tiin “right to privacy” an tih bawk chu a phal ta a. Mahse state tin den an mahni dan ang zelin tlem tlem erawh sawi hran hret2 chu a ni ve tho.
February 24th, 2011 at 1:10 am
E he Pu HV ava ngaihnawm teh reng ve le. Kristianna chu lo dingchang zel rawh se….
February 24th, 2011 at 1:15 am
Hriamhrei nena tualthatte nena huangkhata dah chu a rem chiah lo. Tualthah rau rauah pawh mihring ngaiha pawi leh pawi lo a awm chiang e. Min chawmtu, mahni pate thah ai chuan, nakina kan la chawm tur, chhia leh tha pawh la hre lo…………. ka type peih tawh lo….
February 24th, 2011 at 1:19 am
Saitawk, a dik! I komen ka hmuh tawh azawngah ropui ka ti ber a, khitiang chen komen i type lah ka hmu ngai hek lo. A ropui e
HV, Joba chu naktuk lamagj uluk takin ka lo chhiar ang e.
Khrum, tak tak!
Krista @18, Ka lawm e. Mahse, inchhirna ruamah min hnuk lut dawn!…
Ramhuai7, cza, van damme, muante, bbney, Fugi, buhchangrum, zodin, kawlni etc… Ka lawm e.
February 24th, 2011 at 1:28 am
@kawlhawk, i Nupui i nunna i hlut tluk chiahin i fa lo piang tur nunna i hlut a, rilru hah leh mangang in i awm a, i rilru hahna kha ka ngaisang lutuk.
Hei erawh hrereng la.. decision in siam suallo ah ka puang e.
February 24th, 2011 at 1:37 am
Kan hnung lai vel khan ka hman lo a tunah ka hman ta cheng a mah se inlo comment tha duh emaw ni le..hehehe.
A reh riau hian ka hria. Zante pawh a rei tawh aniang e…A topic hi tha mawle. Sawi belh tur pawh tam. Nghawng pawh ngah thei asin.
February 24th, 2011 at 1:59 am
Nunna a nih hi chuan chunglam rawn zel hian thil ti ila. Kohhran hruaitu te rawn zelin tha ber tura kan ngaih hi kal tlang pui mai ila (kohhran hruaitu tih ah hian zir chhuak, Kohhran Upa ni lo).
Kan tih tawhah hnunglam hawi kir tum lo bawk ila, kan nunga hmalam pan tur kan nih hriat reng a pawimawh ka ti.
February 24th, 2011 at 2:03 am
@kawlhawk, a taka tawng ve tu nilo mah ila i thil tawn hautak tur zia ka hriatpui che. Thutlukna siam har tak ani e. Engpawh nise i thutlukna siam kha ngun taka i inngaihtuah hnu a i siam anih kan ring ngawt a. Chumi anih chuan thil engkim i dawn vek hnu a tha ber nia i hriatah thutlukna i siam ka ring a.
February 24th, 2011 at 2:07 am
Nunna hi a hlu ber tih kan hre tawh awm e. Amaherawhchu, he thilah hi chuan ka dem lo che. Sual ka sawifiah ve thin danah chuan Miin i thiltih avanga a rinna lama chaklohna a neih phah chuan sual a ni. Mi tana daltu (stumble) nih hi sual a ni bawk..
Post tupa
February 24th, 2011 at 2:10 am
India danpui pawn hetiag case ah hi chuan nau tih tlak a phal ani lawm ni kha?? Pathian lakah pawh thiam I chan tho ka ring pu kawlpui! Good post. . .
February 24th, 2011 at 2:11 am
Ka ngaihdan ah chuan i tihtur dik tak i ti ka ti a. Naute kha titla lo ta ula i nupui khan nakin zel ah a la tuar thei dawn a. Tin, nau kha chhiat leh theih tho a ni a. Chuvang chuan i thutlukna siam hi ka pawmpui che. Mahse kan ngaihdan ang hi Pathian ngaihdan a lo nihloh hlauh chuan aw…. Rorelna ni ah chuan i chawh ve ngawt ang.
February 24th, 2011 at 2:14 am
Hetiang hi mahni chunga a tlak loh chuan decision siamtu dinhmun hriatthiampui tak tak hleihtheih a ni lo. Thil harsa tak a ni ngei ang.
Mahse i decision hi kei chuan ka thlawp hmiah. Ka chunga thleng pawh ni se hetiang hi ka tihdan tur a ni tih ka chiang…ka inngaihtuah rei vak lo ang a, ka rilru pawh a hrehawm viau lem lo ang.
Chunglam ngaih dan tur erawh chu tuman kan hre tak tak lo e.
February 24th, 2011 at 2:32 am
#8 pu vangchhia,dan kan neihte hi Pathian duhdan ani vek agem aw ka ti thin,dan bikah hi chuan,i thlirdan emaw min hrilh theih chuan ka lwm hle ang
@kawlhawk,A khirh hle mai,mahni ka in chan a,i tih ang hi ka tih ve mai chu ka ring…adik leh diklohna tur ka hrethiam ve lo..Pathianin awmpui che rawh se.
February 24th, 2011 at 2:40 am
Hawkte, ka hrilh dawt ang che…in nu nena Pathian rawn chunga in decision siam kha a pawimawh ber. Midang, in dinhmun anga la ding ve lovin an sawi hi a pawimawh ber lo. Pafa sabengtung zawn ang deuh khan, midang ngaihdan lak nasat lutuk chu buaina. In nupa leh Pathian indawr tawn danah i lungawi chuan a tawk. Ka lo tawngtaipui ang che u. Hei in nu tan
February 24th, 2011 at 2:44 am
He post chuan kan chhungkaw chanchin sawi a chawh hle mai.
Ka nau, ka chhang chiah hi ka nuin a pai laiin a hnute that loh avanga a damdawi eiin a thluak a tithang lo tih doctor ten an hmuchhuak a, rilru kim lo sa a piang tur a nih avangin titla mai turin an ti a. Mahse ka nuin a phal loh avangin an titla ta lova.
An sawi ang ngei ngeiin a rilru chuan mi pangngai a pha ta lo ngei a. Miin an chhaih nawmnah changte hian kan rilru a lo na thin teh asin! Theih ang angin kan enkawl a, rualbanlo sikula kaltir pawh phal lovin sikul pangngaiah kan kaltir lui a.
A tirah phei chuan an zirtirtute pawh an beidawng titih a, mahse beidawng duh lova kan zirtir avang leh chhungkua leh zirtirtute tan tlanna avangin tunah chuan ziak leh chhiar pawh a thiam ve sawih sawih ta hial mai.
Tunah chuan kum 18 mi niin pawl 6 a zir mek. A mi an lohna avang hian rilru na avangin vawi tam ka tap thin. Lehlamah chuan a rilru thianghlim lutuk, pawisawi lo rilru hi ka awt letling thin.
Pu Kawlhawk, i thutlukna hi ka dem hauh lo che. Pathian pawhin a ngaihdam ngei che u ka ring tlat.
February 24th, 2011 at 3:06 am
Ngaihdan lakhom tur a ron post chhuak i ni bok a,.. (with all due respect) in tisual let der tih hi ka ngaihdan a ni ve tlat.
he nau vanga in hmabak lo thleng tur in lo hisap lok dan chu
in tawn tlang ngam lo a, in duh dan in in kalpui a ni ta ber a. Siamtu in eng angin nge rem a lo ruat lok sak cheu in hrelo.
Nu hriselna poh a poi phah theih hlauin in titla ta, nu hriselna chu a tha zel don em in hre chuang miah lo.
(hriselna chhuanlama insiam ta tamtak hrisel lo lehzual ta ltk te ka hrechhuak)
k comment hi ngun taka k ngaihtuah hnua k ngaihdan ve mai.. I really meant no offence.
Pathian in awmpui zel cheu roh se..
February 24th, 2011 at 3:18 am
hawkbawiha hian a thil tawn tak tak a rawn ziak teuhlo, a tawngkam thiam kual kawi vel mai mai ani ang. Hmanni ah pawh nupui chan ang deuhin lung kuai deuhin a rawn ziaka, alo chan leh tawp silo. Te ti vel ila. hehehe
February 24th, 2011 at 3:30 am
Tak takin, hetiang situation ah hian ding ta ila chuan tual that ah ka in ngai lovang.
Hetiang tih aichuan misual ni a kan hriat, drugs addict emaw, rukru emaw tihvel vaw hlum tu mifel YMA nih a par thi awrh ka hlau zawk
February 24th, 2011 at 5:23 am
best #35 Ka thlir dan han tih chuan thlir dan chu ka nei ve e.
#8 2nd para khi ka hmuh leh thlir ve dan chu a ni mai a, tawng ve ila enge ka an ang erawh ka hrelo. Thil hi han tawn hian a boruak hi a dang duh khawp !
February 24th, 2011 at 6:19 am
Dan a vang in sual a awm…..Mizoram ah zu i in chuan sual,dan bawh chhiatna a ni,eng vang in maw??Ele total prohibition bawh chhe tu kan ni tlat a lawm le(hell tla tur
)..
USA ah kum tling(21) kan nih a zu kan in chuansual ani lo,an ni chuan sual ah an ngai lo in, an open tlat si a lawm le…
chu vang in ka ngaih ve dan chuan india dan ah chuan?????
Hnung lam a thiltih te thlir let reng lo in hma lam eng pan hi a tha zawk ngai e.famkim loh na khawvel a ni miau si a le.
February 24th, 2011 at 6:57 am
Pathian duhloh zawng nia kan hriat chuan, Ama hnena tluk luh mai hi kawng ṭha ber a ni
February 24th, 2011 at 7:22 am
Ka van khawngaih che ve aw..Thiante hnenah i phurrit tak i rawn share a ni a. A hria leh thiamin thurawn an pe che a, commitment i siamah khan inchhirna i neih pawn, i dam na tur chu Bible ah a ni. Khawvel hrehawmna hi thlir la, lo pai puitlingin a Nu pawn tha takin hring mahse..Hmangaiha enkawl tu a Nu leh Pa khan engchennge in dampui dawn kan hrelo. chuti zawng chuan thlir la, rethei leh hrehawm tuar a a pian ve ai chuan, chutiang mi tur a ni tih hrilh hre tur che in Dr. in a hun takah advise a pe che ah ka ngai deuh.
February 24th, 2011 at 7:29 am
ka hmuh ve dan chuan Khawvel i hmachhawn ngamlo niberin alang,mase i hun tawn turin hrehawmna a thlen maithei si che i hlauhvangin i duhthlanna ang chu iti ta a..kan hma hun engmah kan soi thei siloa..hei aia hrehawm zawk poh hian nakinah inla khawsa thei tho..khawvel chankanna hi kanlo tel zela..Doctor hi in entir ta lo ula engmah inhre dawnlo nia…Pathian Doctor hmang pon nagmahni ah thildang a rawn sawi pawh nitheia,nagmahnin decision fel tak insiam theih nan..chu2 inlo titla ta ang pawh nitheia lehlamah chuan a sualna ka hrelo..lehlam zawng chuan Pathianin in duh vang bik niloin Naute chu lo piangsual pawh nise enkawl tur che u in alo duh che u pawh nitheia..hei chu khawvelah mihring hian nun hi awlsam takin nuntur tih a awmchuanglo..mihring hi kan nundan in angvek theiloa..tumah vannei vanduai bik kan awm chuanglo…enge tha ber chu ka hre hauhlo..a tawp nan in huntawn hi ka chungah tla se..decision ka siamthiam bik hauhlo ang…
February 24th, 2011 at 7:33 am
# 45 chu a va mak nawk nawk ve!
. NOI
February 24th, 2011 at 8:18 am
Misual.com a post ka submit tawh zawng zawngah tuntum, he post a comment ho hi ropui ka la ti ber. Uangin ho hle thin mah ula, a hunah chuan thutak in lo va pai tha hlawm tehreng em! Misual.com vul zel sela, misual ho dam reng rawh u.
funnyte @39,
February 24th, 2011 at 9:14 am
@ Kawlhawk.. Kan nupa in kan tuarpui lutuk che u.. Nunna chunga thuneitu kan nilova, a pe theitu kan ni bawk hek lo.
Duhthlanna leh thutlukna siam a zawngah chuan a har ber ang. Pathian rawn chungin dil leh ula fanau malsawmna in chan theih ngei keini chhungkua chuan kan duhsak takzet che u a ni.
February 24th, 2011 at 9:28 am
Kawlri, Amen! Ka lawm e!
February 24th, 2011 at 9:58 am
Thufing mang kheng leh tha bawk si, sei tawk in ka type a, mahse signal mumal loh vang in comment ka submit chhung in a lo in log-out leh hman ta pek. Ka chhu tha leh peih tawh lo. Chuvang in, tawi te in – Science thiamna leh finna i chhawr, i ti tawp mai teh ang
February 24th, 2011 at 10:02 am
A tawng tu tan chuan mahni ril a rah ngei hetianga an awm chuan a na ve duh ngaih ngaih khawp ang.
February 24th, 2011 at 10:29 am
a khawngaihthlak hle mai maw!! aa engpawh chu nise a chesual a ni ve mai a lom. Pathian pawn a hrethiam em em ang che..
February 24th, 2011 at 11:36 am
Tuartu lo tan lo ‘judge’ ngawt chi pawh a ni lova. Ka lainatin ka tuar pui takzet a che. Uire den hlum tur pawh ngaidamtu kha chuan rel dan dik a hre ber ang.
February 24th, 2011 at 12:07 pm
E,Kawlhawk in thiltih khi a tha lo,in huntawng tur in huphurh a vangin tual in that a maw,a siamtu Pathian inring lo a ni,a ni chuan in tan a tha lo turin a pe lo ang che u..a siamtu che kha ringla chuan tuna i rilru hahna kha i nei lo ang a,ring ula in nung ang.In naute pawh a thi lo ang. In awkhlumte nula nau titlate,heng zawngte hian,an huntawngtur an tawng huphurh avangin heng thil hi an ti mai a ni,,mahse heng zawng zawngte aia hrehawm an thihhun ah an la tawng ngei ang.Tualthat vanram an kai chuan in kai ve mahna.
February 24th, 2011 at 12:10 pm
Mosia dan kha la lekkawh reng lai chu ni se, kawlhawk-te nupa chu kan denghlum dawn a va ang ve le! Another ZIKA is stoned to death tih caption lian tawk front page-ah a inziak kuau dawn a ni mai!
Tak tak ana, ka pian hian ka lu len vang ni lovin, ka lu hi chik keha phawrh tura thutlukna siam tawh a ni a, miracles avangin damin ka rawn piang ve ta hlauh kha chu C. Saizawna (Serkawn) kha civil mite zinga ka piangchhuak lawmpuitu ka nu leh pain an tawn hmasak ber a ni.
Hmathlir neiin in lo tihlum ta thung a, Pathian hmaah pawh in inthiam lo va, Pathian pawh ngaidamtu Pathian a ni a; sual kan tihte haidera theihnghilhtu pawh a ni. Chutiang taka Pathian tha a nih vanga ngampat khum chi erawh chu a ni lo hulhual thung. Fa in neih leh hunah pian tha, fuke kim leh mi dang tana malsawmna tur a pe tawh ngei ang che u.
February 24th, 2011 at 1:08 pm
Kawlhawk, i van ziak thiam thin tak! Post tha tak ani ti ila ka duh tawk mai teh ang! (i thil tawn rawn ziah hi tak tak anih chuan…..a rei ve tawh ngawt ang!)
February 24th, 2011 at 1:46 pm
Pu Kawlhawk, i thil tawn chu a va rapthlakin i va khawngaihthlak ve le. Mihring nunna chungah hian thub kan nei lo hle na a, mahse i nupuiin a tawrh ai chuan la piang ve lo ina a tawrh chu a pawi lo zawk e. Inthiam lo duh reng reng suh. Patling i ni a, i thu thu a ni. I thutlukna ah i lal ber, lo sawi ve tur kan nei lo. Tin, Pathian ina a ngaihdan turah pawh sawi ve phak kan nei lo reng reng. Mahse ngaihdamnaa khat Pathian ani tih erawh a chiang khawp mai.
February 24th, 2011 at 5:23 pm
Avan paw ve… mase kristian ve thoka ni a,I case hi exceptional case a ni,hetiangah tak hi mizo kristianten kn rilru kan tih zau ve a hun tawh khawp mai… Eng emaw hlek hi sualah kan pawm bur mai… ka chan ni se la ka tih ve tur tho a ni.. in thiam lohna pawh ka nei hran lo ang… mi ang lo ringawta pian ai chuan atan pawh a that zawk ka ring asin… May his soul rest in peace (an ti em ni khaaa)…. ka khawngaih khawp mai chee…. mahse i thil tih hi a dik e,Pathian ka ni hauh lo a,a rorelna ka hre phak hek lo,mahse thiam loh a chantir bik che u ka ring thei lo,ka ring phal bawk hek lo…
February 24th, 2011 at 5:28 pm
Pathian thu lo deuh atrangin…
Indian Medical Termination of Pregnacy Act,1972 beh chhan in..
NU a raia kar 20 a ral hmachuan medical thil e.g naute piansual vang etc. avangin nau tih tlak phal a ni.
hetiang hi tualthat a ni lo..
kan torh pui che.. Best of Luck next time