Chepahakhata hi tunge a pa a nih a, tunge a pu.. Israel thlah a nih leh nih loh lam te. A hmel eng ang nge a nih a, a vun rawng eng ang nge a nih lam ka chhui ve lova. Ka hriat zawng chu a nupuiin Lalah a siam tih mai a ni.
Lal a nih hma chuan a awm nuamsa vaklo niin a rintheih a. Lal a nih hnua a khawsak dan en khan mitha fa erawh a ni kher lovang. A leng a haw lawk theihloh avangin vakvai turin a nupui leh a fanu chuan an tlanbo san a nih kha. Nawmchen duh luat vang hian a lo tlakchhiat theih hle tih min zirtir ni berin a lang.
He kan nun theuh hi i bihchiang teh ang u. Tlemin kan khawsak a lo ziaawm a, hah lutuk lova kan lo awmtheih chiah hian thenkhat chuan nuamchenin an hun an hmang tan thin. He thil hi thil pawi tak a va ni tehlul em. Talent khat dawngtu anga tihpun tum lova kan thil neih kan dah chiah hian a ni kan retheihna a intan thin ni!
Tunlai kan ram hi han en teh ang u. Thawhrimna atanga hausakna hi lo awm a ni tih hre lo kan tamin in hre ve thin em? Fate duh dan dana herkual theih nu leh pa kan tam dan te hi kan khawlai nun atang hian kawng tam takin a hriattheih a ni. Hetianga kan awm reng chuan lungngaihna ruam kan thleng thuai dawn e.
Vahvaihna ruam atangin..
Khatia nuamchen ringawta chepahakhata a awmlaia a nupui leh a fanuin an tlanbosan atang khan a thil neih chu vawmbo ang duak a ni a. Ani pawh vakvai a lo ni ta.
Chutia vakvaia a awm chu a fanu chuan khawngaihin ‘Belte phai theilo’ a pe a nih kha. A vahvaihna ruam atanga chhuah theihna turin malsawmna a dawng ta..
Nangmah han inngaihtuah teh le. Mangang leh lungngaiin, lungngaihna chirhdupah tangin i inhria a maw? Engtikah mah hlim thei tawhlo turah i inngai a ni maithei. Mahse, thinghnah chu thalah a tlakawlh a, nipuiah zik a rawn chhuah leh thin. I nuna harsatna leh manganna awm kha i tuarchhuah theihna turin i rilruah khan Pathianin englai maha chhe ve theilo ‘TUMRUHNA’ a dah reng a sin.
Tuarna pawh hlawkna..
Chepahakhata chuan a Belte hmang chuan a rahbi tleuh tawh chu siamthain a nun chuan ngai a awh leh tan ta a. Hma lam panin lungngaihna ruam atangin a chhuak ta.
A vah velnaah hawtu a neih avangin thingkungah zeh a ni a. A tawrhna chu hrehawm hle mah se amah mai ni lo, midang tana hlawkna a ni hial a. Vakul nupa titi a tanin atanga a ngaihthlak avangin mizoten vaiho lakah fing zawk nih kan hlawh phah ta a ni.
Nangpawh eng emaw harsatna lian takin a tlakbuak che a ni thei e. I tawrh kha i nunah hnual rawihna tur khawpin i nun a khawih a ni maithei e. Mahse, ngaihtuah chiang teh.Kha i tawrhna ata kha midang thleng pawha hlawkna ni thei turin a eng lam thlir la. I tan mai ni lo, midang tan pawha kawng pawimawh tak sial tu i ni thei dawn a ni.
March 3rd, 2011 at 2:20 pm
Lawrkhawm chepahakhata nilo mo?
Report this comment
March 3rd, 2011 at 2:21 pm
A va tha thuai thuai, paradoxical khawp mai!
Report this comment
March 3rd, 2011 at 3:07 pm
tha hle mai…
Report this comment
March 3rd, 2011 at 3:25 pm
Sermon tha tak a nih hi le.
Report this comment
March 3rd, 2011 at 3:30 pm
Chepahakhata chanchin atang pawn sermon darkar 1 vel chu i hlap thei hrim hrim !
Report this comment
March 3rd, 2011 at 3:38 pm
Report this comment
March 3rd, 2011 at 3:38 pm
Tha reuh hle mai.
Report this comment
March 3rd, 2011 at 4:08 pm
He thawnthu hi ka Pi in min hrilh thin tak a sin mawle….
Nia ngaihtuah chian chuan zirtir nei thawnthu tha tak a ni a sin mawle
Report this comment
March 3rd, 2011 at 5:37 pm
KT-a thuziah hi chu a original bik raih thrinna hi ka duh bik na.
Report this comment
March 3rd, 2011 at 5:43 pm
Report this comment
March 3rd, 2011 at 7:20 pm
Ka chanchin in lo sawi a ni maw? hehehe
Thlawh fuh hle mai.
Report this comment
March 3rd, 2011 at 7:50 pm
He paws chu min fuih tu tha tak anih hi. Synod Choir hla “Pathian Hmel” tih kha min ti hrechhuak e.
Report this comment
March 3rd, 2011 at 8:36 pm
I rawn thlawh fuh lutuk ‘TUMRUHNA, ‘BEISEINA ENG’..hmalam hi thlir i la beiseina neih reng i tum teh ang u.
Report this comment
March 3rd, 2011 at 9:41 pm
Sermon tha tak a ni a, hetiang dinhmun a ding a, tun hma an tih ngai loh tha tha(chhia chhia) ti ta pawh sawi tur ka hre nual….. ka mit ngei a ka hmuh leh hriat ka kawm ve te pawh an awm a ni…. chuvangin hetiang nun han thlen chiah hian fimkhur a ngai reng a ni….
Report this comment
March 3rd, 2011 at 11:11 pm
Chepa-ha-khata…..lung a va ti leng ve aw…kan inkawm thin a sin…han ti mai ila’h.
Tak tak-a, a hming chu hre ve thin mah ila, a thawnthu hi ka lo chiang tawhlo a, a lawmawm hle mai…awmze nei tak leh zirtirna tha tak neiin i rawn chhawp chhuak a…i ti hlu thiam e
Report this comment