Dt 8th February 2011 zing dar sawm pakhat velah Speed post Office, Bangalore St Thomas Town Post atang chuan ka chhungte leh ka thiante percel va thawn tur chuan ka in line ve vang mai a, naupang rubber sana tih vel chu niin Rs 5500 man hu vel a ni a, a sana hi 55pieces vel a ni. KG khat pawh a tlin chiah loh avang chuan a thawn man chu Rs 111 a ni a. Ngaihthat lohna pawh nei lem lo chuan ka thawn a, ka haw san ve leh mai a. In lam atang erawh a thlen thuai thuai ka nghahhlelh avangin an website atang a track na ah chuan ka track chhen a.
Ni 15 a lo nih chuan ka thawh hlimah ka tih dan pangngaiin ka thil thawn chu ka han trace leh a, Aizawlah an received thu leh BAG is Opened a lo in tih avang chuan ka thianpa chu call nghal in lo ngaihven turin ka ti a, ani chu va kal nghalin a hmun atang chuan min lo call a, an hmuh zawh mai loh thu te sawiin a bawm awmdan te kan han inhrilhfiah ngial a. Rei tak an zawn hnu pawh chuan an hmuh tak mai loh avang chuan manual a an thawn chhuah a nih an ring a, ka thianpa chu a phone number te dilin tlai ah an biak tur thu an lo hrilh a. A bo ang tih ngaihna reng ka la ring pha lo.
Tlaiah chuan an lo phone tak si loh avangin Ningani thleng chuan a va ngaihven zel a, an han zawng ngial hlawm a, an hmu zo ngang si lo, ka thianpa lo hman lo ve bawk si chu ka thianpa dang chu lo ngaihven turin Zirtawpni chuan ka han ngen leh tawp mai a. Ani pawh chu a bei a dawng hle a, an sawi dan ngai bawkin a phone number an lo dil a, an lo biak tur thu an lo hrilh ve leh mai a. Inrinni pawh chuan thuthar engmah a awm tak si loh avang chuan Dt 22nd, Thawhtanni chuan a va kal leh a, An pu ber chuan a beidawn takzet thu te, tih ngaihna ngang a hriat loh thu te, amah ngeiin a zawng a, a ngaihna a hriat loh thu te, an record zawng zawng, lut leh chhuak ah a lang si loh thu te, a bag ah hian an rawn thun hmaih a nih a rin thu te, an register zawng zawng ah a hmuh loh thu te a lo hrilh a.
An danah chuan a thawn man let an pek thin mai thu te a lo hrilh a. Tin, ka thianpa hnenah chuan,”Hetiang hi ka awm hnu ah ka la tawng ngai lo a, rawn ti fel hma ula ka duh khawp mai” a lo ti nghe nghe a. A bag ah chuan lo tel lo pawh ni se a lut leh chhuak chu an record ve thlap ngei chu ka ring tho va.
Chung thu ka han hriat chuan ka rilru chu a hnual deuh rawih a, kar khat chhunga an chinfel theih loh chu thuhran, Rs 5500 man vela a thawn man let Rs 222 min offer bakah tifel thuai tura min hrilh chu ka lawm lem lo hle a, an website atanga track na ah pawh Aizawla received a in tih kalh tawh avang chuan an thiamloh niin ka hre ve tlat si a. Kan ngawih bo pui mai chuan a item ka ui mai bakah nakin lehzel ah midang zel tan pawh a tha ber lova ka hriat tak avang in ka chhung te chu ka nutei te thenawm advocate chu lo be rawn turin ka ti a, an ni chuan 23rd Feb zing karah lo zuk be rawn in, ani chuan FIR thehluh mai a chi ang tiin FIR chu alo draft sak nghal zung zung a.
Ka nu chu Police station a kal hma chuan ka thianpa thurawn angin Post Office lam chu a va be ve leh ta hrim hrim a, ani chuan, “Mi tan chuan tam tham ni lo mahse keini tan chuan a tam riau a, mahni dinhmun a chanin in hriat thiam tho ka ring”, ti chungin FIR a thehluh dawn thu chu a va hrilh a, a ni chuan,”Rs 1000 te chu ni se kan han thawh khawm mai tur ani a, Rs 5500 em em chu a tam deuh si a, tin chu bakah Bangalore lamah lo claim tum chhin teh u” a rawn ti a, ka nu hnenah chuan,”Thehlut lo phawt teh, helam ka thawnna ah kan kal ve leh hrim hrim ange” ka ti a, min lo la nghak a. Ka thianpa bula Rs222 chu Rs 1000 ah a kai ta anih ber chu.
Bangalore lam dak in ah chuan ka va kal leh ta a, a chhung ka lut post master hmuh ka dil chiah chu ka phone a rawn vibrate a, banga “switch off your mobile” tih intar ka hmuh avang chuan ka tlan chhuah pui a, ka thian pa, ka han address ber a chuan, “Hei an hmu a, rawnlam rawh u min ti” a rawn ti ta heu mai a. Ka lawm em em tho chu thuhran ni se, ka nuih a za deuh tlat a, “FIR theh luh dawn meuh chuan an va hmu rang lawi si ve, niminah Mama kha an lo chhang beidawng riau si a” ka han ti nghe nghe a.
Tichuan lawm tak chuan an va la ta mai a. Ngaihtuah chian chuan nuihzatthlak riau in ka hria. Hetia ka ziah chhuai na chhan hi anmahni ka va beihna ngawr ngawr ni lovin, Speed post te hi kan ram tan a tha em em a, mipui tamzawkin kan hmang tangkai a, hetiang thil thleng te hi awm ve leh zauh zauh thin a, a tam zawk chuan kan ngawih liampui mai thin a, mahse nakin zelah midang la hmang tangkai tamtak te tan, a thawkte lo fimkhur zual theih nana rawn ziak ka ni e.
Source: http://xauz24.blogspot.com
February 24th, 2011 at 8:12 am
A va mak nawk nawk thin ve! Kan chhiar kat nawk nawk mai lawm!
[Report abuse]
February 24th, 2011 at 8:26 am
ka chunga mi chuan a speed comment ni maw..a dik khawp mai..kei pawhin dak kaltlang hian thil ka tibo tawh a, tihngaihna a awm lo duh khawp mai..
[Report abuse]
February 24th, 2011 at 8:31 am
Speed post a thil thawn hi chu a him lem lo,i vanduai khawp mai.Tun a tang chuan courier i lo hmang ve tawh zawk dawn nia,i thil a bo pawn rangtakin an chinfel sak che nga,a thleng hma bawk ang. Mahse speed post ai khan a thawn man a to fe zawk tih i hre mai mai dawn nia
[Report abuse]
February 24th, 2011 at 8:38 am
Haha…nuihzatthlak ah ka experience kan sawi ve a nge. Hman ah speedpost ah Rs2500 ka thun tel a.poisa ka thawnthu tlem ka ziak bawk a. Lehkha a 2500 ka ziah bak chu an hmu lo chiang khawp mai. Ka fun uluk nen engtinnge maw an hriat ni. phal a ni lo a ka claim thei bik silo a.mahse an hawn kha chu a thiang bik lo chuan ka hria.
Thil thawn a kal muan chuan complain ziak in theh lut ila.ziak ngei in an mahnin min chhang se FIR theh luh dawn pawn proof neih nan a tha khawp mai.
[Report abuse]
February 24th, 2011 at 8:43 am
Hman ni chu ka u delhi a mi Phone ka thawn a,a rang ber nge i duh karkhat vel a thleng tur in min ti a a hman hmawh thlak awm loh bawk a karkhat vel a thleng tur in ka ti ta mai a,mahse ka thawn a tang a ni thum ni ah zuk thleng nghal a maw le,,
ka pa ten speed post in bible leh thildang tlem min lo thawn ve a.thlakhat hnu ah ka hmu tawk maw le..
[Report abuse]
February 24th, 2011 at 9:30 am
kei pwh Bangalore GPO atang tun thla ni7 khn mixoram ah speedpost n k thwn v a..tun thleng an la hmu lo!!!ka track v jiah a ni17 atang khan a inupdate twh lo a..bag opened thu pwh wm lo…rs1000 man vl nia thwn nan rs111 tho k chwi a..k ngai a tha twhlo khwp mai
[Report abuse]
February 24th, 2011 at 9:59 am
I post chu a ngaihnawm in a bengvarthlak tel ka ti
, i thil tawn ngei i rawn ziak hi. Zep loh ah chuan Mizoram ah hian Speed post a kal muang khawp mai, an pending nasa nge, Postman te an zelthel, speed post te hi kar thum/4 te zu thang thin a mawle. Tan lak deuh dan a awm ngei ang, flight canceled awm ngub phei chuan chu ti hlauh… 
[Report abuse]
February 24th, 2011 at 10:06 am
Hman deuh khan ka thiante DVD ka thawn a, an dawng miahlo. A hoh tehreng nen movies leh software ringawt ania, a bo takah chuan a uihawm ve tho.
Speed post chu ka hmang duh tawhlo.
[Report abuse]
February 24th, 2011 at 10:08 am
An va nikhualo ve aw…an vawikhat tihna anih ka ringlo top mai,,F.I.R. thehluh tum vang chauha an hmuchhuak anih chuan lo tumlo ta ula in hmuh ka ring tawh hauh lo mai…Hetiang tawng chuan i ngoih bo pui mai2 lo ang u…i POst tha hle mai…Private post aiin Govt. post an rintlaklo leh ta,,hui hamzz..
[Report abuse]
February 24th, 2011 at 10:11 am
Heng hi chu an hming te nen chanchinbu ah chhuah chuai2 thrin toh teh u, an lo inenfiah a an sim theih nan…speed post bo chu soi tur ka hre ve nual thriante thon.
[Report abuse]
February 24th, 2011 at 10:11 am
i ti tha hle mai..Police/ukil ruai dawn lo la chuan thinur deuh in i bungrua i chan mai awm si a….midangte hriata i rawn sawi chhawng leh zel te hi a tha khawp mai
[Report abuse]
February 24th, 2011 at 10:12 am
nikum khan keini poh Rs 7.7 lakhs AICTE MODROBS scheme atanga research grant kan hmuh a bo rigot mole, kan buai nek phah affidavit te siam in kan dong lo tih kan hrilh a a top ah a dang min issue leh ngot aicte in, account payee leh nghal mole…
[Report abuse]
February 24th, 2011 at 10:13 am
A tha e. I experience min rawn theh sak a.
Tak a, kei pawh lehkhabu pawimawh tak mai, Australia atangin ka beisei mek a sin. Kal kawng a a bo vaih chuan a pawi dawn mang e…
[Report abuse]
February 24th, 2011 at 10:13 am
ka va ten hlawm ve..kei pawh ka hria, bag lo thar a hlui a lo thleng ru dak lam thawk ka hria ansawi, mahse anlawmloh em vangin a thleng let leh
[Report abuse]
February 24th, 2011 at 10:16 am
Speed Post hi ka hmang ve fo tawh a, kei chuan in sawi ang harsatna ka la tawng ve lo.
[Report abuse]
February 24th, 2011 at 10:26 am
Hei chu post leh comment pawh a kat nawk nawk hlawm mai a. (a then chu, pu shaia, funny etc tiam lovin). # 6 phei khi chu Mizo Tawng ziah i zir a ngai hle mai! ‘Aw’ leh ‘o’ hmanna te hi i thliar hrang teh ang u. Hmana ‘Jeny Mizo Nula’ tih rawn post tupa tawng buh nuai te pawh kha a ang ka ti! Tawngkam hi uluk deuh deuh ang u, ka ti ve a ni kei misual hian!
[Report abuse]
February 24th, 2011 at 10:27 am
Engtin nge sana chu i thawn theih zawk a? Battery awm chi hrim hrim leh khawl thil hrim hrim hi Speed Post ah hian a thawn theih loh. Thawn theih dan ber chu bnattery lak chhuah a ni mai.
Parcel a in hawng an tih rual khan engmah dang ngaihtuah loin Police ah kal nghal tur a lawm, i receipt nen.
[Report abuse]
February 24th, 2011 at 10:29 am
5 yrs back khan ka UTI mutual fund cheque Aizawl Post office atangin a bo hmin hmiah tawh. Aizawl Post Office pawh a lo thleng ngei a, dak pu in mi a lo thawn chhawng vel ni ta berin a lang. Ngaihdam min dil nasa mai, ngawih sak mai loh chuan dak pu kha disciplinary action an la dawn bawk si a.
Harsa takin, formality tam tak hnu thla 2 hnuah cheque min rawn thawn thei leh hram. Fimkhur se la tha khawp mai Snail Mail ho hi.
[Report abuse]
February 24th, 2011 at 10:40 am
Speed post ah hian keipawhin engmah ka la tibo love, ka va vannei em!
Mahse, tum khat chu, a dakpu zawk thiam lohvah ka buai zek. ATM Card ang kha ka duh ve sia, SBI lamah ka buaipui ve a, a chhuah hunah dakah kan rawn thawn mai ang an tia. A rawn chhuah chuan dakpu chuan keimah min pe lovin kan venga mi ka hming pui tho pakhat a pe roh pek a, anni lah chuan an lo hawng, password nen an lo en, a hnuah a card chauh min rawn pe leh. Ka address ka ziah chian tehlul nen khan aw! House no. te nen lam khan ka ziak chiang bawk sia. Hahthlak asin.
[Report abuse]
February 24th, 2011 at 10:40 am
kan hnungkar ah khan ka chhungten hla bu pakhat leh, CD pakhat a rawn thawna, a to hle mai. a received ka en Rs550 vel a nia, S10 chuang a ni. a rawn thleng rang khawp mai, karkhat chiah chiah a ni. mahse he ta tiang hian ka thilthawn hi a bo ziah mai hi, mak ka ti.
[Report abuse]
February 24th, 2011 at 11:00 am
Speed post man hi a tlawm khawp mai.. mahse a thleng har thei khawp mai, speed post ve lem si
satel pawh sazupui aiin a tlanchak zawk tih hriat tur nia 
Bawng pawh hian tan la ta vak se sakawr hi a umphak lo ang tih tunge sawi thei 
#21 ‘ kan hnungkar’
champhai chhaklam pang tawngkau chheh khawp mai a 
[Report abuse]
February 24th, 2011 at 11:08 am
Speed Post hi thil thawn nan ka hmang duh tawh reng reng hlei nem kei chu.
Ka lehkhabu a bo nual tawh a. Ka lehkha pawimawh (form) pakhat pawh chhui ngaihna awm lovin a bo hmiah tawh bawk.
To deuh mah se courier hlirin thil thawn tur ka neih chuan ka thawn tawh.
A thuhrimin, Post Office-a thawk ho hi ka nel lo. NOI
[Report abuse]
February 24th, 2011 at 11:11 am
Thanks guys. Ka thiante kan biak rawn hlawm pawn hetiang tawng hi an lo awm ve nual tawh hlawm a, speed post hi a tlawm a, keini mirethei tan a tha em em si a, chuvang chuan hei aia service tha zawk an neih phah hlauh in tiin ka rawn ziak ve ani e.
[Report abuse]
February 24th, 2011 at 11:18 am
Ngaihnawm ti taka ka’n chhiar chu a.
[Report abuse]
February 24th, 2011 at 11:22 am
Keipoh hmana tu emo ni te te letter k thon in mini-disc leh ring k dah tel a, lehkha karah… Post lama thok ho in an lo hong dar vek…..
an lo phallo aniang.. 
[Report abuse]
February 24th, 2011 at 11:26 am
# 24 chu a kat tawh love. I improve chak hle mai!
.
[Report abuse]
February 24th, 2011 at 11:26 am
[Report abuse]
February 24th, 2011 at 11:30 am
Keipoh hamanh speet post in ka passport size photo ka thawn a… A bo miah lo. 10 vel ka thawna an hmu kim vek. Hmel a chhuanawm vaklo nge ni Tuman ruktlakah an ngailo aninag
[Report abuse]
February 24th, 2011 at 11:33 am
Speed post hi a tha ka ti kei chu, ka thil ala bo vel lo…Xuaz huaz weight leh hmel zir te pawh aniang a..va zawt chiang teh
[Report abuse]
February 24th, 2011 at 11:50 am
Speet post a thil thawn bo leh bolo hmela zir anih chuan #29 pawh khi hmelthat vanga bo lo zawk ngai leh mai ang.
[Report abuse]
February 24th, 2011 at 11:57 am
Kha daih kha sin POD…thirlian mang kheng coconut kung leh kuhva kung lawnna pawh ka thawn tawh…thirchhia atan an la miah lo
[Report abuse]
February 24th, 2011 at 12:08 pm
Fonz nen hian ka thu rual thei ngei mai.hming/nick thar ka neih hma pawn ka thu a rual toh.
[Report abuse]
February 24th, 2011 at 12:15 pm
A remchan deuh avang khan AIRCEL ka hmang ve a, a chhe lutuk hran lo va, a tha ber lem lo bawk a. Friday last atang vel khan tumah ka message thei lo va, tumah ka call thei hek lo va. Call leh message chu ka dawng thei lawi a. Hetianga rokhawlhna tawk ve in awm em? Thawkkhat laia pre-paid hmanghoten kan RENEW-tir thlap kha a nih vei nen … AIRTEL, BSNL leh Vodafone-ah buaina a awm pawh ka hre mang si lo. Lungleng fe fe an tam tawh a nia!
[Report abuse]
February 24th, 2011 at 12:22 pm
khai a,delhi lama ka thil thawn te kha a bo ve riau riau palh ang ka ti.
in ti thra hle mai
[Report abuse]
February 24th, 2011 at 12:31 pm
#34
[Report abuse]
February 24th, 2011 at 12:32 pm
letter/card ang nilo,a kawm chhah chi ho chu inhawng loin voikhat mah dak atangin ka la dawng miah lo,thil hlu an tih deuh phei chu awm se a bo ngei ngei ka ring tlat.
[Report abuse]
February 24th, 2011 at 12:57 pm
I lawmpui awm hle mai, Dak hnathawk tu emaw in a chanpualah lo fanghmano ei hmaks a tuma Police lam in sawi rik takah chuan an Boss in Aizawl dak hnathawk ho hnenah thukam hnih khat a neihpui hnu ah an in zep leh ngam lo anih hmel e.
Dak hnathawk, a bikin sorting (lehkhathawn leh parcel etc thliar tu ho) hi rukruk hmang awm khawm an nia. Ram changkang lo apiang ah a bo thlau nasa ni in a lang.
Speed Post a thil thawn a bo hlauhawm chi chu insure zel tur. Insure man hi a to hran vak lo.
Greetings Card/ Birthday card vel pawh India rama thawn chuan a kara gift, pawisa etc zeh an beisei vang aniang an hawng sa zel. An tenawm hlawm ania ( ti ila sawrkar hnathawk tam tak pawh an ni ve thova) Mizoram/ India ram hian rinawmna a tlachham ani ber e. A bulpui ber chu mi tamzawk retheih vang ania, midang thilneih it leh awt ngawih ngawih vek an ni bawk sia a, a buaithlak.
[Report abuse]
February 24th, 2011 at 1:00 pm
@ 32 fonzzz. saala
[Report abuse]
February 24th, 2011 at 1:00 pm
@ 32 fonzzz. saala…fedex leh DHL pawn thirchhia ah chuan an ngai biklo
[Report abuse]
February 24th, 2011 at 1:49 pm
Tun hnaiah Speed post hmanga thil thawn pahnihin ka kut a thleng lo ta. Dakin lama hnathawk te hi an fimkhur a tul. An taihmak pawh a tul khawp mai. Mipui hian khinlet nachang kan hre lova, kan sepui ruah tuar tlawk tlawk thin anih hi. Ka thil pawimawh dawn tur, ka kut thleng zo ta lo pahnih avang hian ka buai asin aw……
[Report abuse]
February 24th, 2011 at 2:40 pm
Hmanah ka thianu Pune a awm, a nu ten english-mizo dictionary, puanchei tih vel speed post-in aizawl atangin an rawn thawn a, a bo daih.Wai-wai tihvel chu a dawng a, mahse dictionary leh puan a bo. Vai ho lak chu a nih hmel chiah lo. A lut lam leh chhuak lam a chingpen ve zeuh thin a ni maithei ni.
[Report abuse]
February 24th, 2011 at 5:20 pm
kan ziak ve hrim2 teh ang, keipawh hetiang deuh bawk hian nikum august thla khan chennai atangin Aizawl bawngkawn a thleng turin thil ka thawn a, mahse tun thlengin ala thleng chuanglo.. ka ngawi bo ta vel mai2 a…. @xauz, i ron ziak hi tha khawp mai, nidanga an fimkhur zawk nan…
[Report abuse]
February 24th, 2011 at 8:48 pm
Nikuma ka thil tawn kha ka kan sawi ve nge,mi(sual).com ah hian ka post ang ka ti zeta mahse ka pam tul leh ta kha nia.
Card thenkhat phei kha chu lawngtlai lama thawn phei turte kha a nia a zialo khawp mai. Kan dak in puia thawkte leh hmundanga an chekawite hi tun ai chuan an tan a ngai. Ka card thawn dawngtute kha chu lawm viau mahse an lawm dan kha a kimlo deuh tlat mai… 
Nikum dec 16 khan krismas card vel hi aizawl kulikawn a thleng turin ka thawna. Nitin ka track ziah a, ni 21 ah aizawl a thlenga mahse a dawngtu tur tak kha chuan jan 7 ah a dawng
[Report abuse]
February 24th, 2011 at 9:18 pm
Thawh ṭha khawp mai. Hetiang hi ka la tawng ve chiah lo na a, mi sawi ka hre zauh zauh tlat. Register ngei mai hi a him ber maiin ka hria, a thang rei thei deuh tih mai loh chu!
[Report abuse]
February 24th, 2011 at 9:56 pm
Min lo chhiar sak tu te zawng zawng chungah ka lawm e, a thawk te hian rawn hre pha ve ngei se ka duh khawp mai. An zavai in an thawk tha lo ni lovin, pahnih khat lo enge maw avang hian an hming hi chhe ve bawk si ani.
[Report abuse]