Hmangaih i nei ve tawh em? Nge, hmangaihna awmzia pawh i la hre lo zawk? A nih loh leh hmangaih nikher lo duh deuh te i nei ve tawh reng reng em? Kei chuan hmangaih ka nei tawh a sin, duh deuh pawh ka nei tawh. kei zawng a hunlai na na na kha chuan la na ve ngang ngang thin deuh mai ka nia, ka tlangval chhuah tantirh khan duh deuh hi ka nei ve a, a hunlai kha chuan ka hmangaih niin ka inhria, a hming chu Muanpuii a ni.
Hmeltha chung chuang hauh lo mah se a nung chang leh miza a aw mawi tak te khan min fan zo ngei mai, a kiang a awm reng kha ka duh a, awm ta reng chu anthenawm ten ka hming an lo phuah a Day & Night-a min lo ti ve tawp a, a lawmawm dan a dangdai khawp mai. Pawi chai lo thil dang ka ngaihtuah thei tlat lo Muanpuii kha ka thinlung Lalnu a ni miau a ni, a tello chuan darkar khat lek pawh kha a va rei em, ka engkim ka hlan phal a, ka pek theih tha ber hi pek ka duh a ni.
Kan veng atang chuan an veng kha a hla em em a, bike paw’n chawl miah loin darkar hnih vel tlan a ni, petrol a va hek thin teh lul em, chutah eitur neuh neuh len a piangin ka ken ve ziah bawk nen sum chu a hek thin ngei e, mahse a pawilo Muanpuii tan a ni tlat.
Muanpuii te in kal kawng : Kan veng atang chuan a hla ka tih tawh kha mah se khawilai hmun nge ka sawi dawn lo, ramhnuai deuh te tlan pelh a ngai a, a thim thei si, a ngaw khup lehnghal a, kawnglakah zu rui hawk lak chak deuh deuh a tlan tawh tur an la tam em em zui, zan lama an in a len dawn chuan thih ngama len a ngai a ni ber mai. Chuti chung chuan zantin deuh thaw ka la leng peih tho nia, ruah pawh sur raw sek sek rain coat a awm.
An in kal kawng vel chu ka hlau deuh thin a, mahse a bulah chuan ‘hlau nâng’ tih a ngai tlat. Bike a tlan vu vu pah chuan ka’n sermon ta tak tak thin a, ka au ring thei a sin aw.. Pathian thu ka hriat ang chhun chhun beitham tak tak chu ka sawi thin a, a chang leh Pathian hla ring tawk tawkin ka sa a, mi an lo awm deuh chuan ka ngawi leh hmak mai a. Ekhai… min chhawk ve viau a nia, chutia Pathin hla te ka sak a ka sawi mek lai te chuan ka bike hnungah hian rawn chuang ve awm tlat te hian ka hria a, chuveleh rest vak pahin uar thei ang berin ka bei leh ta a, a ziaawm ve thin khawp nia, ka hrawk ana vek zel.
Ka sermon te chu han ngaithla ula chuan thiam min ti ngawt ta ve ang. Ka hlauh leh chu kawnglakah khan ka bike kha a chhia ang tih kha ka’n hlau thin khawp a, kan in atanga ka tlan chhuah dawnin ka Garage-ah bike vuan ngei maiin hunserh ka hmang phawt zel, chuti lo chuan leng ngam thak nang aw… Chutiang reng reng chuan zantin deuh thaw amah hrilh chi miah si lohin hun ka hmang thin a ni.
Ka inpum pek e : Tum khat chu Muanpuii chuan a Alovera a thih thu a sawi a, a ui khawp lehnghal a, chuveleh Alovera chu pek ka duh ta a, ka pek tur thu pawh ka sawi lawk chuang lo. Tu nge nei ang, khawi a lei chi nge? ka’n zawng kual deuh a, ka nu in pot-ah mawi hnai tak maiin a lo khawi reng chu niin, a roh teh reng nen a pot chawp chuan ka’n ru hmiah mai a, Muanpuii chu ka pe ta a, kan hlim dun khawp mai, ka nu ta ka ruk tih pawh ka hrilh duh thak nang.
Chutah ka nu in a Alovera roh em em a bo tih a hriat chuan a zawnga a hmu zo si lo, ka zawnpui a hmuh chu har ve tawh tak a ni. Phone a kan inbia te hi kan han inbe rei thei laileng khawp a, darkar hnih te hi chu kan inbiak dan tlangpui a ni a, bill chu chawi hnem thei tak ka ni, mahse pawi lo Muanpuii tan a ni tlat. Phone sa vung vung leh Battery low thak khawp ten kan inbe fo mai, ka pa hian mi’n fak khawp a, a chhanchu khatiang em em a rei phone a sawi tur ka hre thin kha mi fak thlawt a ni.
‘Rawn leng la’ a tih tawh hi chuan e… tuma dan chi ka ni lo, lei hi ka rap ve det det chauh niber hian ka hria. Vawi khat chu chhunah ‘Rawn leng rawh’ a ti a.. ‘Dar 1:00 ah rawn thleng ngei ngei tawh ang che’ tih kha Queen of my heart order a ni miau bawk si, kan tlan ta tak tak a traffic-in min lo la man zui, ‘Khawnge i License?’ ‘Keng nang’, ‘Document?’ ‘Keng chuang lo’, ‘I nei hrim hrim em?’ ‘Nei e, In ah ka dah’, ‘Va la rawh’.
Bike chuan let leh mai ka tum a, ‘khaih khaih bike kha dah rawh’, tihvakngaihna awm tawh hek lo le, ke chuan ka’n tlan ta, mi chuan min en duh khawp lehnghal a, License chu ka va la, chak tawkin ka tlan let nghal vat a, ka thlan chu a far zawih zawih tawh nghe nghe a, ka zep lo ka van hah tehlul em, engtin tin emaw ka chhuak thei ta a, traffic-in min hmu pha lo ta maw tihveleh a chak thei ang berin ka tlan lehnghal a, ka tlan chak bawk a ni, an in pawh thleng hman ta lo chuan ka la accident zui a, Khaw kar kawngah a ni si, tumah an awm mai si lo, a na lutuk chu, kan au nghek nghek a, tumah an rawn kal thei chuang si lo, ka thinrim bawk si, ‘Muanpui nangmah vang vek’ kan ti tuarh tuarh a, mahse reilo teah ka na te pawh chu a zia ve mai a, bike chu ka’n tinung dawn a, a la nung thei lo khanglang zui a, ‘Mai mai chuan ka leng awm tho em mai a’ ka ti a, ke in ka kal chhunzawm a, ka bai sawih sawih a, ka pilh phung bawk a, ka kekawr a la thler zui, darkar khat vel hnuah chuan ka hmangaih Muanpuii te in chu ka bai lut ve thei ta hram a ni. Kan sawi chu min khawngaih lutuk a, min duat phah sawt nghe nghe a, a nuam a sin aw… A tan a ka inpumpek zia thu kan fah zui chu(h), a thin a rim lo khawp mai.
Min lo kawp khanglang : A bialpa hlui nen an lo inbe tha leh chu niin ahnu daihah ka hre ta, ka len loh laiin ani chu a lo leng ve thung a, len hun kha Muanpuii khan a lo siam rem vel thin chu niin. Ka thin hi a va’n rim tak em… ka hriat tirh kha chuan ka bulah awm se zawng ka thuai thal tawp duh maithei a ni.A bialpa chu ka hmu a hmelchhe dum ve tak hmai bawl nasa bawk si… ka thin hi a rim zual a, ani ai chuan ka tha zawk a sin mawle aw… Phone chuan Muanpuii chu ka hau hrep a hau tih piah lam a ni, an la pha ve khanglang zui a ka chian em a vang chuan a pha thei ta lova, min duh zawk thu chu a sawi mawlh mawlh a abân nghal tur thu pawh a thunawn berah a hmang a.
Aw… a tan chuan engkim ka huam a sin mawle… ka duh em em a, ka hmangaih ni paw’n ka hria, ka hau na bawk a ni atap nghe nghe a, tap eng ang mah se a theih tawh loh ka duh em em na chu huatnaah a chang zo tawh tlat, kan inbe zo chu darthlalangah ka in en vang vang a, ka inrin lawk hmain darthlalang chu ka’n hnek pawp pek a, kut chu a thi tha duh kher mai. Chutah ka pa in buh zu a um chu a rukin ka in ngheka ka rui viau a ni, Muanpuii vang vek.
Pa takin le : A mak ka tih chu ka hmangaih emaw ka tih kha ka lo hmangaih lo tawp nge ni! Khatiang em em a ka duh chung paw’n leh ani pawhin ka duh zia a hriat hnu pawh a, khatiang a ka chunga a ti thei kha ka hrethiam thei thlawt lo a ni, ka hmangaih emaw ka tih kha ka duh ringawt ni ta berin ka hria, hmangaih i la chuan ngaihdam theih awm tak chu a nia, ka ngaidam thei lo hrim hrim a ni. Kan inhmuh leh chang pawh hian ka hmelhriat loh kal pel hmiah hmiah a, min biak paw’n ka chhang ngai lo hrim hrim a ni.
Mahse, tun hnu a ka ngaihtuah leh hi chuan ka la na lutuk kha a at thlak mai mai mange aw… ka ti a, a zahthlak deuh reuh te pawh hian ka hria, ka darthlalang hnek keh te pawh kha ka thian ten fiam nan tak min hmang lehnghala a zia lo khawp mai, khami hnu kha chuan bialnu ka neih leh paw’n ka la na ta lo reng renga a lawmawm viau zawk a ni. Mahse, a hunlai kha chuan hawi kir thei ka ni tawh lo ‘pa takin le’ a ni tawp mai a ni.
Similar Posts:
- Bike accident ah mi pakhat boral
- Traffic police-in zana bike-a intlansiak thinte an veh dawn
- A dik in ti em??
- Chief Secy. Car leh Bike insu
- Mizo Chawhmeh Tenawm Ka Tih
kan hnial lo mei ang...
March 9th, 2011 at 7:40 pm
Nia
March 9th, 2011 at 7:47 pm
na na na na na na na na…. chhiar tham awl a ni e… i han chhiar teh ang hmiang…
March 9th, 2011 at 7:51 pm
kan chhiar ve dawn teh ang
March 9th, 2011 at 8:00 pm
ngaihnawm e. Muanpuii te chu Melthum vel Saikhamakawn velah an awm duh hmel, Ngaizel phei velah i zai vak vak duh hmel
March 9th, 2011 at 8:03 pm
Ngaihnom ve deuh tho.. 🙂 a hlimom.
____________________________________
” every rose has its thorns ” (W)
March 9th, 2011 at 8:07 pm
(8) Hmangaihna ka la na na na…” (8)
…keipawh a la na chi ka nia ka trap vak zel… (H)
kan ta tur chu Pathianin min ruatsak ve em ang a, kan la zawng chhuak ve mial mahna, hmeichhia hi chu lian se, hmeltha se, fel bawk se a tawk chiah, a bak a ngai leus… (Y)
March 9th, 2011 at 8:10 pm
Chhiar e. Alovera hi eng/tunge? 🙁
March 9th, 2011 at 8:11 pm
A va ngaihnawm ve mawle..! Thu han thluaithlum vel a awm lo va, chhiar a nuamin a hahdam khawp mai.
‘Bialnu hmelchhe ve deuh neiha min lo kawp ve khanglan hian a thinrimthlak duh lutuk!’ badboy-a’n a ti.
March 9th, 2011 at 8:13 pm
Kawp nge i duh ban? 😛
Mi kawp ching ho chu hmangaih duh reng reng loh tur, nep e mai… Hmangaihna hi a lo mak khawp mai.. sawi zui vaklo mai ang.. 😀 — ka lo vah vaih pui ve tawh thin a sin—
March 9th, 2011 at 8:16 pm
Pu HV, Aloe vera plant. 🙂
March 9th, 2011 at 8:23 pm
Moral of the story:
Nu te plant trick a chass te pek deih chu a tluang ngai lo 😛
(OR)
Mipa hmelchhe deuh, hang bawk si, hmaibawl bawk nih tum ngei ang che. An luck duh lutuk…mi bialnu pawh an chhuhsak nalh² thei!
March 9th, 2011 at 8:26 pm
True story anih hmel hle mai. Kei ka tlangval laia vannei ka intihna em em chu ka ngaihzawng apiang kha ka hmangaih em em zel kha ani.
March 9th, 2011 at 8:27 pm
Hemi lai kha avan nuam tak em http://www.youtube.com/watch?v=kOxUg5VSQhQ
March 9th, 2011 at 8:38 pm
:-S :-S :-O
March 9th, 2011 at 9:25 pm
A post tupa champhai khua i ni em? Nihloh pawn District?haha.
March 9th, 2011 at 9:45 pm
Ngaihnawm hle mai…kan va in ang teuh em. Ngaihzawng neih ka duh miahloh kumin hmangaihna ka han la na ve tak2 mai chu, nangmah angdeuh hian ka hun leh ngaihtuahna zawng zawng ka pe vek hi ni tawp. 😀
Misual hmeichhia ten lo haw lo sela, hmeichhia chu kawp thei reng rilru pu in ngaizawng ila a nghet duhzawk in ka hria. Kan duh nasat pauh leh min duhlo zawk amawni tih tur a ni. Hei tak hi hmeichhia ka dah hniamna pawh a ni 🙂 NOI Kohhrana a lu ber Pastor nihna chelh phei kha chu ka pawmlo lehzual….lolzzz
March 9th, 2011 at 10:19 pm
ka ngaihzawng laknat lai tak tak min ti hrechhuak uai uai mai.aaa…. kei pawh hi ka la thin teh a nia.Asteric hi ka support e,kan duh lutuk tih an hriat chuan mi an induh khum ziah,an mawl tak tak a ni.
March 9th, 2011 at 11:01 pm
#11 (Y) Thumbs up(a va lang thei lo ve).
Aduhi sawi khi ka’n belh, nang chu saron veng-Muanpuiite chu Saikhamakawn…nih duh hmel- chuan Bazar Bungkawn traffic police-in an lo man che, ke-a i tlan thlen leh mai danah.
Posttupa hmangaihna i la na lo, kawp i la na a ni zawk, Muanpuii hian hmangaihna chu a lak nat zawk hmel.–dam ve leh mai ang,.a ngai thei lutuk che a lunglen hnawhkhah nan an thenawm arngengte pu kha a lo be tha ve mai mai alawm.
#16Asteric Hmeichhe mi zia i sawi lo mihring hrim hrim zia i sawi a ni zawk. Mipa pawh, min duh lutuk chuan kan ho der tho a ni lo’m ni?
March 9th, 2011 at 11:10 pm
Hmeichhia ah chuan thinlung in ro a rel a, mipa ah chuan thluak in….a fiah zo lo, hmeichhia ah chuan the heart decides, mipa ah chuan the brain decides an ti. Hei vang hi ania hmeichhe rorel chu a bias fo zawk thin ni… ala na na chuan la na na… 😉
March 9th, 2011 at 11:30 pm
i alovera pek chu lakir leh rawh. A zakthei lo awt awt e mai.
March 9th, 2011 at 11:40 pm
hahaha: he post chu. Lolz. ka thianpa minti hrechhuak zawk.
A rei tawh bawka ka’n sawi mai. Hehe (kum 10 vel a liam tawh thova, aman lo chhiar fuh pawhnise a nui vur vur thovin ka ring)
Khatihlaia ka thianpa kha a’n inno thei khawpa. A sas in mi pa nen alo kawp deuh tih a hria a, “Ka ti tau duh angem le?” zu ti a. 😀
Lehkhazir peih deuh tlut chi, chhas lama zeilo ve tak ania, he nu a bem dawn pawh hian sawi tha taktak duh silovin hmeichhe bem dan vel min zawt min zawt a, kei lah kalo zeilo ve bawknen, “Hmeichhe bula zah tut techu an ngainep zawk, in awm fal hunah a inrinloh laiin fawp tawp rawh.” Ka’n ti ve ngawt a. Lolz
A fawp ta thut ani ber ang chu an ni zui ve chu ania. A hnu a ka fiam leh pawh hian a nui vur vur zel. 😀
March 9th, 2011 at 11:49 pm
#18@vakul_ Hmeichhia ah hian atam, mipa min duh em em hian induh khum ngaihzawng dang neihsan daih chakna hi a awm ve chuang kher lo, an chungah kan thinchhe viau emaw kan hnuaichhiah viau emaw zawk thin. Hmeichhia chu kan duh em em chuan min kawpna tur midang an zawng phet zel …lolzzz 😀 NOI
March 10th, 2011 at 12:03 am
Mi thenkhat chu, hei, anmahni ron beisei leh ron atchilh top te hi lo hnar top harsat leh ngamlo ve chi an om a, an sual leh lerh vang bik em2 poh a ni hran lo, kawp hmang angin an lang duh… Love affair ah hi chuan rilru nat poh inhuam sa tur., a reh leh mei., it will all get better in time 🙂
March 10th, 2011 at 12:07 am
Mipa in hmeichhia nasa leh lutuka an ngaihzawn hian, hmeichhia hian an induh khum ani lova, an ning thin zawk alawm! A tawk hi a awm ani ngai e! (L)
March 10th, 2011 at 12:29 am
tawnhriat nei tlem deuh chu ngawih i chuh mai ang aw….. 🙂
March 10th, 2011 at 12:47 am
Tuman hun kal tawh an kokirin bul an tan tha theilo, mahse tupawn bul tan thain nakin hun tha tak an siam thei.
March 10th, 2011 at 12:58 am
Mizoram ka mitthla nghal a…
http://www.facebook.com/notes/jewel-misual/who-lives-in-a-house-like-this-soon-the-world-will-know-/116815251728215
March 10th, 2011 at 1:15 am
Saron veng atanga Saikhamakawn hi bike-in chawl miah loa darkar hnih kal a tling lo ang, speed pangngai chuan…chu aia hla fe tur chu a ni!
Thluaithlum vak lo-a hetianga thuziak hi chhiar a nuam phian. Thuziaktu thenkhat hi chuan an thiam show an tum emaw tih mai tur hian tul lo pui pui an zep tel teuh ta thin a…
March 10th, 2011 at 1:41 am
Mut dawn hnaihah a thutlangpui chhiar zuai ka tum a, ngaihnawm ti deuh a kan chhiar zawh vek chu a. Tawngkam khunkhan tak tel miahlo a ngaihnawm taka ziak thiamte hi ka ngaisang zawk, an thuziak pawh chhiar nuam ka ti feeee zawk. (Y)
Aizawl atanga ni ta se darkar 2 tlan tur chuan alo berah kawnpui/sialsuk/lengpui/seling vel chu angai, speed pangngai takin tlan tase. Chuvang chuan muanpuii te veng a sawi ah hi chuan ka hmin chiahlo deuh. 🙂
March 10th, 2011 at 1:43 am
(^) :-S all the best 🙂
March 10th, 2011 at 1:46 am
zualbonez..i star ka lo star ve hi a va pawi em!! 😀
March 10th, 2011 at 1:52 am
lrpa..ha ha ha i video lo pho chhuahah kha chhuan a chhiat loh reuh kha …
irish puba guiness in pahin irish chhas i ti2 pui emaw kan tih laiin nangchu utube ah paite chhas i zawng dun dun zela 😀
March 10th, 2011 at 2:01 am
ha ha ha ka chhiar zo chiah…an in i pan dan meuh khi ani…my laughing loving very much (Y)
March 10th, 2011 at 2:12 am
hets…lazualbonez!!paihte pawh ani bawk lo!..irish pub a irish nula tawng thei satliah kherawlai pui hi kar hmasa atang khan a bansan tawh.. 🙂 ka bansan hlen ange maw.. 😛
March 10th, 2011 at 2:22 am
Love lamah hi chuan keima tana problem solve thei silo hian ka guru khawpmkai. Lolz 😀
Tuna ka awmna ah hian vai pathum chuan min rawn tawh. Lolz. Aizawla ka awmlai khan min rawn tu an awm nual thin bawk. 😀
Miin min rawn anih chuan ka ngaihdan hi kalo sawi ve mai thin na in, ka advice ang zawngin ka sawi ngai lemlo. A chhan chu keimah problem ber pawh ka solve thei chuang silova. Lolz.
Hmanni pheichu, kan mess an khar a, (thla khatah sunday khat hi tihfai nan breakfast leh lunch hawngin dinner leh evening tea an khar thin) restaurant a ka hma a thu ka thenawm pa hian a ngaihzawng neihloh thu min hrilh ringawt anih chu. Han tih vak ngaihna a vang duh khawpmai, “keipawhin ka nei bik hleinem engahnge i worry a.” ka ti ringawt.
Thil interesting deuh chu, he pa hi JNU chhuak, heta PhD rawn ti ania, JNU mipa ho zeiloh zia min remind. Lolzzzz 😛
March 10th, 2011 at 2:29 am
Funny, mipa te chu zei vak ngai hlei nem. Hna tha deuh han thawk phawt mai ula, nula zei deuh² in an rawn pan mai dawn che u lawm! Saprama in awm phei chuan aizawl nula in duh² ni mai….an ti! 😀
March 10th, 2011 at 2:30 am
Funny..i awmna te kha chu hmeichhe ho an in lak high viau kha..ka hmuh ve zuaiah pawh han namnul theih mai an awm nual mai!! 🙂
Hawn ve chhin hrim hrim teh a..hehe
March 10th, 2011 at 2:40 am
bmw, funny hi zei hrit deuh deuh mai ania, an nu kianga a chetla ka mit ngeiin ka hmu tawh a, an rawngbawl pawh ei tawh ngat ka ni hairehai 😀
March 10th, 2011 at 3:58 am
Pi BMW, PU HV & Tv. lrpa. 😀 Uang lutuk lovin sawi ta ila. hehehe 😀
Tlema ka feel bad ve deuhna thin chu, ka hmelhriat thenkhat te hi north east mi lo hre tawh te anni tlangpuia…
Ka comment #35 a ka sawi pawh hi JNU a north east lo hre deuh thin ani a, chumi avang chuan min nel hle nghe nghe. Mahse nula lamah ka zei a ring nghal tawp nitur ani. Heihi ka rilru takah chuan JNU-a north east mipa ho aimahin, hmeichhe ho a observe thin avang anih ka ring.
Ka thianpa pakhat Mysore lam chhuak hian, an engineer zirna ah mizo mipa 3 a hriat thu a sawia, football an khelh thin leh ngaihzawng lama an zei zia vel bak chu sawi vak tur a hrelo. North east hmeichhe sexy zia tihvel tehi fiamthu in a sawi thin, sawi mualpho a tum vang ni hauhlo in a hmuhdan ani lawi si…
Chuan football hi ka hunawl neih deuh lai khan ka khel ve thina, thian pawh ka nei hman nuala, chumi ka thian pakhat chuan, engineering college a a kal laia north east ho football thiam chungchang vel a sawia, a sawi lai vek chuan zirlai lama an lak tlakloh zia a sawi tel zauha, kan thianpa pakhatin, “Chutiang techu mechanical te lak tur alawm.” Alo tia, a hming ka sawilo mai ang, chupa chuan, “Mechanical pawh an tan chuan a hard lutuk.” Ati zui.
(mechanical hi engineer lamah chuan line awlsam ber pawl alo ni amawni.)
Engineering line hi keini ang general science aichuan a har tawh hrim hrim a, graduate ro ro ah an degree pawh hi a sang bik a, mahse hmuhsit vang ni miahlova north east zirlaite an hmuhdan hi chu a nice lo ve khawpmai. NOI
March 10th, 2011 at 4:58 am
Hmunphiah (cleaning) pawh zir ila, thiam taka kan zir chhuah chuan a tha. A awl leh harsat lam kha engmah a ni hranlo. Mahni tuina line theuha kal a fuh ber. Tumah insawisel emaw innuih emaw hi a tul ka ti miahlo. Mi mawngek hru faia inhlawh pawh ni ila, ka hna tlin taka ka thawh chuan nihna sang chelh eiru aiin ka rilru chhungril a hlim zawkin ka ring tho2.
Mihring anga seilian, an nihna chhuanga emaw, an lehkha zirlai sang tak tak ringawt sawi sek ang chi te hi an kiangah kei zawng ka awm peih derlo mai. Nihna leh zirchhuah lam titi a inkawm ai chuan inkawm loh ka thlang zawk.
Entirna pakhat: inti piangthar sass neiha Pathian thu hlir min ti ti pui tum ang te hi hlawkna aiin ninawm kan tel tam zawk fo.
March 10th, 2011 at 5:32 am
Inhmangaih tawn hi a nuam.. Inkawp leh inthen hi a inhmuhsitthlak, a nuam hlawl lo.
March 10th, 2011 at 5:37 am
40
Pu HVa chu thil pakhat min hriat chhuah tir zawk mai…
JF Kennedy te unau kha, a pa in a fuihna chu…” Eng hna pawh, hna sang emaw hna hniam emaw thawk rawh u..hmunphiat (Sweeper) hna pawh thawk rawh u, a pawi ka ti lo…mahse, hmunphiat hna in thawk a nih pawhin, khawvela hmunphiat fai ber nih in tum tur a ni..” a ti.
A ropui ka ti khawp mai. Hna sang thawk a mahni hna a rinawmlo ai chuan, hnahniam thawk, mahni hna rinawm tak a thawk hi an ngaihsan awm zawk fe tih min zirtir (Y) (L) (W) (G)
March 10th, 2011 at 6:42 am
(Y)
March 10th, 2011 at 9:37 am
A va tha thuai thuai ve! Laknat theih tak a ni hmangaihna hi!
March 10th, 2011 at 9:45 am
Ka chulmam hman vak lova, a chhiar a hrehawm deuh maitheini… phur thut post nia.. (H), Misualah hi chuan a tawi thei ang ber hi a ngai a, thluai thlum hman vak pawh a ni hran lo. 😉 Muanpuii te veng khi khaw dang daih a nia.. a then a tak tak, a then phuahchawp deuh te pawh a ni e.
March 10th, 2011 at 11:00 am
Nang hi, thu han thual kual vel lah i thiam. Thual lem lova tluangtlam, hlimawm, ngaihnawm taka ziah lah i thiam. Mi pakhat i ni e! (Y)
#45 a i sawi ang khian, punctuation hman dik loh a awm zeuh2. (,) hmanna tura hman loh te, (.) hmanna tura (,) hman tak te… 😀
March 10th, 2011 at 11:05 am
A tak2 hlang amaw ka lo tia, ka lo khawngaih tehreng che nen..mittui tling puau in ka lo chhiar ve asin le ;-(
March 10th, 2011 at 11:16 am
TuaiSialA pawh hi, a bialnu te hian ankawp tlangpui, a changlo zawk ah hian atang tlangpui bawk 😛
March 10th, 2011 at 11:36 am
46@ Kawlhawk… Keipawn ka hmu leh theuh mai hei, ka ip chawi2. edit tha tawh viau ang :-S mi i fakna khi ka va phu lo ve.. tuaisiala hlan daih teh ang.. ani ka thianpa duh tak a nia 😛
47@ Nunhlimi Chhangte.. min khawngaih tho la, ka khangaihthlakawm tho lawm le…
48@ Badboy.. Tuaisial tih awmzia hi ril deuh a nia, a awmzia tak2 chu tuai(Gay)sial tih na nia.. 😀 😀 😀
March 10th, 2011 at 11:43 am
badboy chuan hmangaihna a tuar zo lo. a khua sik ur ur zel 😛
March 10th, 2011 at 11:53 am
Phek thar atang hian, hmangaihna la na fe2 ho kha han inpuang teh u le.
March 10th, 2011 at 12:19 pm
Frost pawh hian hmangaihna hi a tlun pui fo a nia
March 10th, 2011 at 12:21 pm
mahni chanchin an rawn ziah atang chuan TuaiSialA khan a laknat hmel thei ber in ka hria
March 10th, 2011 at 1:49 pm
A hun lai kha chuan a hman pawh i lo hman ve reng2 a ni hi…! I taimak na te i fakawm thlawt. Kei chu ka hlau chuan thawm ka nei ngam lo reng2.
March 10th, 2011 at 2:33 pm
fawnte atangin chhiar ang…
March 10th, 2011 at 9:11 pm
#11 blackmagicwoman says “Mipa hmelchhe deuh, hang bawk si, hmaibawl bawk nih tum ngei ang che. An luck duh lutuk…mi bialnu pawh an chhuhsak nalh² thei!”
Khitiang nih khi a tum hran angailo, a pianpui sa vek !!! akekkkkkkk