Tukin chu ka nuam meuh lo. Hmeichhia ni ta ila..tai na leh kawng na chhuanlamin ka awm mai mai nileng duh hial ta ve ang.
Eng eng emaw mai mai sawiho hi a nuam ve hrim hrim a. Mizo chawhmeh, kan ei thin ngei ni si, tui lo leh tenawm ka tih thenkhat ka han tarlang mai mai teh ang. Ngainat zawng leh ngainat loh zawng sawihona’n hman chhunzawm ta ila.
(1) NGHAPIH : Mizo chawhmeh zinga lar ve si, tunhnai maia lar ni tain ka hria, tenawm ka tih chu NGHAPIH hi a ni phawt a. Enchiana, bih chet chet a dawl lo khawp mai. Piring tetak te te hmuh tur a awm nual thin a. A uih lutuk hrim hrim mai a. Ka ten ber pawl a ni.
(2) SAZU: Sazu sa hi ten chung chungin ka temchhin tawh a. Ka luak phah nghe nghe. Damchhunga ei loh ka duh. A tenawm ka ti ngang mai.
(3) SILKWORM : Hei hi pangang khawi kan intihhmuh hnu lama kan ei thin zinga mi a ni. Ka ten a ni satliah lova, a tihbaiawm ka ti. Pangang hlau chi nih nak a laia, a eia lo ei chu ‘ka ha se’ a ni ringawt!
(4) BALUNG : Hei pawh hi mi thenkhat chuan a nung chung pawhin an hmawm hmiah hmiah mai. A tem pawh ka tem chhin duh lo hrim hrim.
(5) KHUAINO : Khuaino hi ka eichhin tawh. A hang phian a. Mahse, balung nen kal khat-ah ka dah a. Ka za deuh tlat. Ka ti hleithei lo. A dang anga tenawm chu a ni lo. Mahse, hre reng chung chuan ei ka tum tawh lo.
(6) UCHANG : Ka ten khawp mai. Chil a haw tlat. Ka ei loh theih pawl ami a ni.
(7) MAIPAWL: A hrisel an ti. A tenawm hran lova, a tui lo a ni.
TIAUHMI: Thlangdar chikhat a ni a. Lui phai ruamah a awm thin. Eisual vanga damdawi ina lut ta hial pawh an awm nawk mai. Pakhat pawh ka la ei chhin lo. Ka ten khawp mai.
(9) A tawpna atan : Nuam hrehawm mai mai chu – Khaw lam hla taka ngaihzawng nei ni ngei mai ila. Thlasik tlai ni nemah, tlang thengthaw nuam deuhvah mahni chauhvin thu ila. Sakhi sa rep fip deuh tawh khel mai mai ila..haha
Similar Posts:
- Balung !
- Chaw atan bal
- Zoram Today Sex Research
- Reiek cowboy
- Mihring nge ramhuai pawh hriat loh che thin!
November 4th, 2010 at 6:57 am
@shailendra,#172: Thanks.
Hreh deuh chunga ka ei zingah chuan thing nget, vual ang deuh, var ngiak nguak hi tui ka la ti ber mai. Hetiang pakhat hian belpui khat (a len zawng phei chu an sawi lem law) pawh a han zove an tia lawm. Hang tui ve tak chu a ni.
Report this comment
November 4th, 2010 at 8:11 pm
Double Century siamnan ka’n comment ve ange:
NGHAPIH: Tlabunga ka zin tumin an Kohhran upa pakhat hian zawng a kap a; Aizawl lam atanga zin phei ta chu chaw eiah min sawm a; kha sa kha nghapih nen an bai pawlh nuai mai a nih kha. A tui leh tui loh pawh ka hrelo. Ka it loh ngang avangin ka chaw ei a tuilo kher mai.
SAZU: Ka la tem chhin lo. Tem loh hlen ka duh.
MAIPAWL:Hmingteate hnena ka khawsak lai hian Tel Aviv khawpuiah rin loh takin fanghma lian zet mai ka hmu nawlh mai. Mizoram fanghma tiat lai a nih avangin ka lei a; ina kan phel nak chuan maipawl a lo ni daih.
SILKWORM:Ka hre ngailo.
BALUNG :A tui. Mahse, mi rap deuh roh. Ka it ta lo khawp mai.
KHUAINO :A sen chu a tui. A len hnu (balung a an lai) hi chuan ka ei ngam lo. Mi rap tlat.
UCHANG :Sa tui tak a ni. Ka la ei chak reng.
TIAUHMI:Ka hre ngailo.
Report this comment
November 4th, 2010 at 8:22 pm
ui khuaino…ka ei chak..nghalpui no ngat…
Report this comment