Puithuna chi hrang hrangin kan mizo nun a lo chiah hneh hle thin a; an nun pawh a chep viau. Han sawi nep ka tumna lam ni lovin a chhan han zawn ka tum mai a ni a, mimal rilru atanga chhui zauna a ni e.
Lasi thang: Ramhnuaia awm hrui kual a ni a, ram chhuah/vahnaa an hmuh chuan sah chah zel tur, awh palh a hlauhawm. Ram hnuaia han kal chang hian inpalthluk a hlauhawm em a mi dang zel tan pawh chhah mai kha a tha a, chuvang chu a ni ang.
Sa kahthluk Tuibura phuh tur: Sa an kahin val upa berin tuiburin a phuh/thian thianghlim hmasa thin. Hri hlauh vang a ni ber, tin, hri ai mahin sa hrik hlauhah a tha a, tin, sa rim han tawn vak hi a mi ngei a na hle bawk a, ram chhuahnaa thil rimna an pai ber chu tuibur anih vang pawh a ni mahna.
Mangchhal ni: Lo vata an kalin a ni hmasa berah an riak ngai lova, chaw an fun duh lo. Zimte an vat a an haw mai thin a, an zan mumang an ngaichang thin. A lo chhuahna nia ka rin chu leilung enna atan an hman vang anih ka ring. ‘Lo en’ ni chu awm thin mahse han a leilung tha leh tha lo han zir chianga kut thlakna tak tak tur anih leh nih loh thual nawnna ni a ni ang. Tin hmeichhe lam tan pawh pasalte lovata an riak tur lo inbuatsaihna ni atan a tha hle ang.
Thlam namthlakah riah chu phungin a bawh duh: Sakei leh sa dang hlauhawm laka invenna atan anih a rinawm ber.
Hringhnawl: An ram chhuah dawnin a mu tel lovin silai khaw lam hawiin an kap thin. In mangthana chi khat leh intihtlangthanna mawihawih tak a nih vang a rinawm ber.
Kawn khar, kawr hnar leh kawr kana in neih a tha lo: Hriselna leh himna lam thil a ni ber ang. Kawr bawr vela in neih chuan fur ruahtuiin hnawm tin reng a rawn len khawm a, a hrisel lo hle thin. Tin, tlang ramah chuan tui len hlau ve lo mah ila Sabereka khuangkaihte hi a hlauhawm hle thin. Kawn khara in neih pawh thli kawng a khar avangin a hlauhawm chawk. Kawn hi ramhuai liamnaah an ngai ve hrim hrim bawk.
Kawmchar lam kawt lama sawn a tha lo: A chhan azira anih hmel mang e. Mi rilru nghet lo khapbehna atan a tha hle ang. Tin, thenawmte ti hlei thei lote tan pawh ani ang. Inthenawm khawvenna hi an dah pawimawh hle thin reng a, thenawmte venthawnna chi khat atan a tha hle ang.
Pu zawnte kawmthlanga in neih a tha lo: Pu zawnte thli tlana khawsa rengte hi mi ding chhuak an vang an ti thin reng a. Inhnaih taka awm hian pu zawnte tana tha zawng zawng sen a awl hle. Tin, thu chhia/thaah mipa an zalen lo thin. Mahni kea ding tura infuihna tha tak a ni, pu zawnte bel chiam mai mi chu mahni kea din harsat chi an ni hrim.
Thenawmte chawhmeh pek kawnglaka tem chu vanduaina: Thianghlimna/tuihnaina lam kawng inzirtirna a ni a, rinawm tura invauthaihna a ni bawk ang.
Chhuatdap phahin a chang leh chang inzawn a tha lo: An ti puithu hluai anih ka ring ber. A chang leh chang a inzawn hi chuan a khawng tha lova chhuatdap a tlo lo thin. Han inkalthelh sela a khawng tha ber.
Chawkilho kham rual a tha lo: A that loh chhan chu tui hmunah an intawklawi a, a buaithlak. Kham rual loh khan a fel fai ber.
Zin turin chhungkua atang chhim leh hmara inthen a tha lo: A that loh chhan hi thil dang anih a rinawm loh, tute chhiat tawk emaw an chang thlan a ni ang. Mahse a that lohna chu rilru a pherhsarh a, in nghakte tan rilru a nuam lo zual. Hmanlai phei chuan mi kawlh sa kawlh karah a ni bawk si. Tin, chhiat tawh thulhah zualko a har duh bik. Tih loh mai kha a rilru hahdamthlak ber.
Van ni a sal e: Kut ni vang thla leh awm ni khama thiltih a awm ve duh lo chu van ni a sal e an ti thin. Mi kawi leh luhlul, mi kheuhbeuh leh inlahrang vantlang zah lote vauthaihna a ni. Tin, tanpui an ngaihin puitu an nei lo an mal tlat thin avangin-a hniak tam lam zawh hi hmanlai nunah a him ber reng a.
Mi zawnna hlang chema phelh loh tur: An zawnte nunna leh a hlang kha inzawmah an ngai emaw tih theih a ni. A lo chhuahna nia ka rin chu hman leh duh takin hnang pawh kha sat chat lovin phelh ni se, an zawnte kha thi thutin hmun danga zawn leh pawh a ngai mai thei. Tin, mihring/ dam lo zawnna dim lova hlawi hmawk hmawk ai chuan dim taka khawih kha a mawi zawk hle bawk vang anih a rinawm ber.
Thingzung tuahin hritlang a leng duh: Thingzung hi a alh duh lo hle a, a khu(smoke) a tam hle bawk. Tin, lei a pawm avangin han tihchet hian a khu(dust) hle bawk. He thil pahnih hian hritlang a siam thei ve ve- hritlanga chhungkua an nat tawh chuan inhnaih tak tak awm leh inkawm reng reng mizote kha chu khawtlang deuh thawin an hritlan ngei ngei a rinawm.
Sapui hualin chaw fun loh tur: Himna lam thil a ni. Sapui an hualin chaw fun se, chhun chaw fak hun lai vel kha sapui riltam hun leh a hualtu inthlahdah hun a ni ve chiah a, a hlauhawm a ni.
Chak la chawpin Thlam ni khatah sak zawh a tha lo: Fimkhurna leh ulukna lam a kawh ber a rinawm. Hmanhmawh avanga chet sual pawh a veng thui hle ang.
Sawntlung pawng hma phelah an nei ngai lo: Hlo thlawh hun lai hi fur lai a ni ber a. Sawntlung hi furah a nal hle bawk. Lawn reng hi tluk sual a hlauhawm bakah a hnahnih ve a, hma phel nana hman loh kha a finthlak ber.
Lo kawh a tha lo: Mi pakhat lo a neihin a karah Lo dang lo tlazep se, lo pahnih chuan inzawmna nei lo se lo kawt a ni a, piputen an inzawmtir hram thin. Inzawmna a neih loh chuan mi thlawhhmaah an vak an vak dawn a ni a, mi thlai an tichhe lo thei lovang, mahni thlawhlaia kal tura kawh loh kha a tha ber reng a ni.
Buh chi thlak ni hmasa bera riah a tha lo: Hei hi buh chi lukhama riak an ti, an duh lo. Ti hian ka’n zeldin teh ang- Hmanlai chuan Lo tin engemaw zat hmun an vat a, buh chi ringawt pawh phurh tham tak meuh a ni. Buh chi phur lut chung chuan ram riah thawmhnaw leh tul dang a ken hleih theih loh. Chuvangin an riah paw’n buh chi an lukham mai mai ang a, chu chu buh chi tan a tha lo a ni ang. Buh chi hi a hum a keh chuan a tiak tha thei bawk si lo. A chi dah ni atan an ngai anih a rinawm.
A tlai chu ka tlai, a kham erawh ka la kham lo; a lian tha tha, a ki sei sei lo lawi leh rawh se: Mi sa kah/awh sa an eia an sawi thin a ni. Mal insawmna chi khat a ni a, ngaih a ti tha ve.
Vamur sawisak hian thlipui a na duh: Vamur hi chenna inah bute an siam thin a. Dithlifarfem karah bu lang loin an siam thin. Vamur man a sawisa tur hian a bu hmuh a ngai a; a bu hmu tur chuan thliin a chhem lan a ngai a, thli naran lo tak a ngai bawk. Thli kha a na sa tawh a tih theih, khami kum kha thli nat kum a ni hrim hrim dawn a ni. Tin, mihring chenna ina cheng ve savate hi duat turin an lo inzirtir thin a, vauthaihna chi khat anih a rinawm.
Leiruangtuam,Thinglubul,Fangfar,Thingzungkai,Thingsaihrua, Zawng lu ro leh Satlaw awmnaah Lo neih loh tur: Leiruangtuam, Thinglubul, Fangfar, Thingzungkai, Thingsaihrua ho zawng hi chu an rap vang anih a rinawm ber. Leiruangtuam-te pawh a len viau chuan a rapawm thei ve hle reng a ni. Zawng lu ro erawh hi chu an thlawhhma ei chhetu tur zawng a tam dawn em a, zawng rama Lo neih chu a hlawk vak dawn lo. Satlaw chharna hmun pawh Sapui/sa hrang ram a ni tih a chiang a a him lo.
Sawi tur a tam: Tawk hrih teh se.
April 11th, 2011 at 3:29 pm
Superstition lamah ka innghat lo khawp mai!
April 11th, 2011 at 3:34 pm
Kei pawh, puithuna hi engah ka ngai lo na a, mahse kan ti teh ang, upate thu sawi ngaih pawimawh leh zawm thiam hi chu a finthlak ka ti. Prove tum ang hrima a kalh zawnga awmte hi an vanduai leh châwk thin.
A ni deuh ti raw???
April 11th, 2011 at 3:41 pm
I sawi nêp thiam khawp mai! Tam tak khi ka la hre ngai lo zawk. Ni âwm tak takte pawh a nih hlawm khi a. Puithûna kan tih hi inzirtirna a ni hlawm a; a lo rei deuh a, an lo ngai puithû ta tial tial a nih ka ring. A dang pawh rawn ti zel rawh. (Y)
April 11th, 2011 at 3:45 pm
Ha ha ha….. @3 TuaiSialA 😀 😀 😀 😀
April 11th, 2011 at 3:46 pm
Zawhte ki nei hmu chu an thi duh, hmu lo pawh an thi. Ha ha ha … puithu urhsun vak lem lo eeeeeeeeeeeeeeeeeee! Chhim leh hmar zawng hian kan zinchhuak rual zing tawh, Chunglam khian kan puithuna hi a la thutak lo chiang vaw vaw!
April 11th, 2011 at 3:54 pm
I hrilhfiah dan chu a nih hmel hlawm riau mai a.Puithuna hi chuan mihring nun hi a ti chep ve deuh hrim hrim a ni.
Good paws
April 11th, 2011 at 4:04 pm
Mi chaw ei laia va len chu dam rei nan an tih hi tak tak nise ka ti, Jewel te chaw ei lai ka tawng zing em mai 😀
April 11th, 2011 at 4:19 pm
I rawn sawifiahna chu ava han ngaihnawm ve le. Tak tak ni awm deuh/ rinawm deuh a i chhuah vek chu. (Y)
April 11th, 2011 at 4:23 pm
Tunlai Mizoten ‘Kawmiti’ an koh chhen hi puithuna atthlak ani mah zawk..
April 11th, 2011 at 4:25 pm
Interesting khawp mai. ‘Van ni a sal e’ tih hi ka hrethiam lo.
April 11th, 2011 at 4:31 pm
#bmw : Van ni a sal a ni mai! Puithu tak pawhin! 😛
April 11th, 2011 at 4:32 pm
Kan mizo pipute puithuna (at thlak) hi ka awih zawng a ni lo. Tuna mi pawh hi ka hriat loh thil a ni a, a bengvarthlak. Mahse, ka awih chhete lo. August thla a nupui neih hi thiang lo niin an sawi a, nupui ka neih ve hun chuan August thla a neih luih kher hi ka chak tlat nia. SUPERTITIOUS :-S
April 11th, 2011 at 4:35 pm
#sillyboy : Khawi khaw nula pakhat pawh tlangvalin an ru ve a, atuk leh lawkah an rawn dah kir leh a. “Engati nge i va rawn lâng leh hma ve?” tiin an lo zawt a, “Ka pai lawk kha bum thei turah ka inngai rawk a, a lo hre si a!” a ti heu mai zu nia!
April 11th, 2011 at 4:35 pm
kan inah vamur 1000 rual velin bu an chhep …tih chhiat ka phal lo… (Y)
April 11th, 2011 at 4:37 pm
Funny-a room tukverh bulah puithu takin parva an fu thin.
April 11th, 2011 at 4:38 pm
hahah nih duh hmel hlawm hle mai, ti tha thin e. “artui leh bekang a inhal’ an tih te pawh hi hman laia an chawhmeh tha neih vang mai mai lo ni reng a 😀 😀 😀 aar chhuang chu zaithiamna – a tuuiloh vang 😉 😉
April 11th, 2011 at 4:40 pm
good post.. (Y)
April 11th, 2011 at 4:49 pm
Puithuna lam ni lovin, Zu leh fanghma hi a inhal an ti a, tak tak a ni em, Badboy
April 11th, 2011 at 5:12 pm
#sillyBoy : Zu leh fanghma hi a inhal lo. Zu leh fanghma lem pawlh hi a thawk na uchuak deuh a ni mai, rin phak bak —puithu tak leh puithu lo tak pawhin! Ruih a na duh deuh a ni ber e.
April 11th, 2011 at 5:13 pm
Puithu takin daiah kava kal teh ang 😀
April 11th, 2011 at 5:15 pm
Ar ngum ei chu phunchhiarna, ar ke ei chu tlan chakna … nu leh paten economy daw-rawm laia naupang min biakbum dan chi khat mai mai maw le, a sa tui lai lai an ei loh hlauh vangin! “Chaw-kang ei chu vangvatin a zuk duh,” te an ti vel! “Ar chhuang ei chu zai thiamna,” … ka la zai thiam chuang lo!
April 11th, 2011 at 5:40 pm
pasal te ram riak tur urlawk nan…lolz (Y)
April 11th, 2011 at 5:45 pm
#10bmw van ni a sal e tih hi a literal chuan ni a ngai pawimawh lo e tihna a ni a, tunlai tawng chuan kan programme a ngai pawimawh lo tihna niang.
#chawnghilh,.puithunaiii Kan dah pawimawh vang ani lo nia aw. I Chhiar chiang lo deuh em ni chu le.
Puithuna dah pawimawh eih lo chu takna an nei der lo, puithuna hi a tha lama her erawh a tul. Sakhuana nen ril takah an inzawm.
April 11th, 2011 at 5:46 pm
Nupui te rai laia ran/nungcha sawisak, tihduhdah, an chunga ngilneihlohna hian naute-ah nghawng tha lo tak a nei thin tih hi engtia sawifiah chi nge ni ang?
Sawi tur ting chuan han ngaihbel tur pawh hi ka hre nual a, mahse keimahah chuan a dik lem lo, chhungte phalloh leh hriat lohvin ar ka talh zauh zauh tawh! Upa lam hi hemi kawngah hian an la puithu khawp mai…! Hetiang lampang case hi sawi tur in hre ve hlawm em?
April 11th, 2011 at 6:01 pm
zawng lu ro tih khi zawng lu tak2 sawina ani emaw i ti em ni le??
April 11th, 2011 at 6:57 pm
Thlan ruaka zan riah a tha lo tih hi chu ka tawng tawh.. Shillonga hmana ka awm laiin. Engah vak mah puithuna kha an lo ngai lo aniang chu. Mitthi lo thleng tur kha a thlan an lai lawk a, midang a lo thi hman daih. Sawi tur ting chuan a awm ve nual asin. Keichu test dawn lo reng reng…. 😉
April 11th, 2011 at 7:10 pm
#25 el. Zawng lu ro chungchang khi i hriat dan rawn thawh la ka va duh ve. Upa ka zawh chuan’ zawng lu ruh ro sawina’ a ti mai a.
April 11th, 2011 at 7:12 pm
I han sawi dan phung chu a va tha em! ‘A thiang lo’ tih leh ngawt hi a fuh ber lo. Pipute kha kawng hrangah an lo fing ve khawp mai, i sawi ho pawh hi a lo chhuahna bul a nih duh hmel khawp mai. tin, pipute kha an lo nep hauh lo, astronomy lamah pawh arsi hming an phuahsa chauh kan la sawi zuah zuah a, an khaw awmdan thlir pawh kan la ring zel a nih hi.
Hnamtin hian puithuna kan nei vek. Hnam changkang ho pawn an nei. Puithuna atthlak erawh bansan a hun laiin puithuna zawng zawng mausam hmak erawh zawng van ni an sal duh ngai e. Puithuna thenkhat hi chu nunphung nena inzawm tlatte pawh an ni ve bawk a nia.
Keima mimal hian puithuna riau han neih hi nuam ka teh tlat nia.
April 11th, 2011 at 7:20 pm
‘Van ni sal’ tih hi hmuingil lo/tluang lo sawina a ni bawk e.
@El, heta Zawng lu ro hi Zawng/Bandar/Monkey thi tawh luruh ro sawina a ni.
April 11th, 2011 at 7:35 pm
A va han tha em!!!
kan pi leh pute puithuna i sawi nep ni lovin an lo ril si zia i rawn thai langah ka ngai hmiah kei chuan..
HALLeLUIAHH
April 11th, 2011 at 7:45 pm
A ngaihnawm kher mai, ka hriat ngailoh pawh a awm nawk mai. A bengvar thlak thin mange.
Khawngaihin ziaktu’n ka tawng lo hawlo hram sela, khing te khi Lusei ho ramhuai hlau puithuna thil anih ka ringhlel hauh lo. Mizo han tih tawp hian Mizoah hnampui 7+ kan awma, chutah chuan a tepeng kan la awm teuh bawk ania. Lusei lalna khuaa awm te tih loh chuan mahni lal leh sakhaw hran neiin ramhuai an hlau veklo tih te kan hriat a hun tawh.
A thuhrimah, Lusei ho khan Lusei nilo te kha Hnamchawm= ‘hnamchhia’ tiin min sawi hlawm, an tlanchhe aw pawh ani mahna, Pawi leh ramhuai hlau reng renga thlangtla ta diai duai chu! Mivam thlah Berhvatea fa Saivate leh Chunthang fate ho chuan zeldin thu (superstitioin) hi hlauh turah an in zirtir ngailo. Hetiang hi Mizo hnam thenkhatah an awmve nawk tho ka ring!
April 11th, 2011 at 7:53 pm
#30 ka post chhan min man fiahsaka ka lawm e. Pipute khan thiang lo hi chhan leh vang nei lovin an lo sawi mawh khawp mai. An ril ka ti takzet. Thil tha tak tak hi puithuna tam tak kan hnawl rual rual hian kan hnawl ka phal miah lo kei chuan.
Pu muante van ni a sal e tih hi a meaning tak i rawn sawi dik hle mai nang nge nge.
April 11th, 2011 at 7:58 pm
Pipuite puithuna hi zah tur a ni. ‘Marawhchu tunlai khawvel nena inmil hleitheilo erawh a awm ve thei maithei.
1. Chhim leh hmar pana zin chungchangah : Aizawl-Kolasib leh Aizawl-Serchhip sumo service nei ila, ka fapate khalh tir ve ve ta si ila, a buaithlak ve fu thei.
2. Raipuarin luipui kan a thra lo: Seling nu-in Durtlang damdawiina nau neih a duh chuan Tuirial a kan ngei ngei a ngai. Chutiangin Lengpui nu paw’n Tlawng a kan ngei ngei a ngai bawk. Nau nei tura heng luipui kan tawhte hian eng harsatna nge an tawh tawh aw?
A dang pawh a la tam ang.
April 11th, 2011 at 8:07 pm
e he, kan pu hv-a darbenthek kan lo khak ri palh e, a puma naute a che dat mai. Tha lutuk, ngaihdan chu sawi mai tur.
Lusei chu an dawih a, mahse history lamah khan an lo fing hmasa deuh nge ni mizo culture an capture deuh thaw reng a, an tawng pawh an ti pawimawh thiam tlat.
April 11th, 2011 at 8:13 pm
vakul, #34 huatah i la lova ka lawm e 🙂 Kan thlahte pawh hian puithuna (superstition) lampang hi chu Sechhun kha thlahual nan angreng an lo hmang ve thin a, chu bak khitiang serh leh san vak kan neilo. Pu Vana kha malsawmna an dil thin tih kan thlahtu te chanchin ziakah chuan a awm ve; ramhuai hlaua inthawi te kha kan nei ve ngailo.
British ho lo kallaia an tawh hmasak te kha Lusei lal an ni tlat alawm. Chin Hills ah Lai (Pawi) lal ho chutiang zelin, Manipurah Meitei ho. Lusei lal ropui te aia Mizo hnam dang ropui an tam lutuk. British rawn luh tirha in ropui ber pawh Vuangtu lal in alawm. Sailo lal ropui nge lala i rin, Reng lal Lersia te kha? Kan historian hmasa (inti) te kha an hawi zim em alo ni, a pawi khawp mai.
April 11th, 2011 at 8:13 pm
Bengvarthlak hle mai, ka hriat ngai loh thil tam tak ka hriat phah e.
April 11th, 2011 at 8:45 pm
HV. British ho rawn luhtirh lai chu ni chiah lo mahse Vuttaia in kha in ropui bera chhal thin a ni. A dung hlam 100, a vang hlam 10 niin kawrte 7 a sa kai an ti thin. Vuttaia hi chu 1790 vel laia piang a nih duh hmel.
April 11th, 2011 at 8:47 pm
Tunlai puithuna ka nin em em chu kan han kal khawm hlek a hunserh hman tih reng mai hi… (N)
April 11th, 2011 at 8:54 pm
A rawn post tu hi mi in chhiar zau tak a nih ka ring. ka hriat ngai loh a awm nual mai. A bengvar thlak hle mai. Misual.com chhiar ti nuamtu…. rawn tang zual sauh sauh teh u.
April 11th, 2011 at 8:55 pm
muante, Mizo ka tih hian Lusei chauh ka sawilo ania 🙂
Heihi ania Vuangtu Lal in chu (1800’s):
http://i55.tinypic.com/sw6a2s.jpg
Hei erawh chu Lungleng lal Khamliana in (1906 a sak zawh):
http://i56.tinypic.com/24mrk9x.jpg
April 11th, 2011 at 8:56 pm
awmawmpuia #38 mitthi ral/khawhar inleng Pathian thu leh chanchin sawi teuh ho te hi (N)
April 11th, 2011 at 9:00 pm
#40 pic hnuai zawk khi ZG lak a ni e (Y)
April 11th, 2011 at 9:02 pm
HV, I thlalak chu a va hlu ve le! Nia, Mizote hi Lusei chauh kan ni lo alawm.
April 11th, 2011 at 9:06 pm
muante, min ti phur tlat 😛 fb ah ka rawn pe nghek dawn che hahahaa
April 11th, 2011 at 9:08 pm
HV..ka duh ve, fb lamha min pe ve teh
April 11th, 2011 at 9:08 pm
Ka tawngkam la hriat ngai reng reng loh, ka hriatthiam nghal si chu ‘invauthaihna’ tih khi a ni. Nalh ka va han ti em!! (Y)
April 11th, 2011 at 9:09 pm
ngawi teh u, mizo chungchang thu hran ni se, thil tih khawm nikhuaa hun serh awmte hi a hlu a sin. Pathian hnena han inkawltir hi tih makmawh a ni, thenkhatte vanga sawisel kher hi a tha lo vee.
Lu han sunte hlei hlei hian. Pathian thu sawite hi an lo hlu duh, tawk chin erawh awm se.
Tunlai thalaite hian tak deuh leh khun deuh hi nin loh pawh kan nei em ni, ka ti deuh.
April 11th, 2011 at 9:20 pm
khawhar ina sermon thlak vak emaw, an in hmelhriat dan sawi vak ho hi duhtawk tawh tura hrilh tawp mai hi atha tihna ka nei. Anih loh chuan hunserh pangai chu ka sawisel lo. Chanchin/sermon ching ho hi thinlung anti changel hmun.
April 11th, 2011 at 9:35 pm
hv. Tak taka nang aiin a na zawngho hi chu ka ning maithei. Thurin tualto te te hi an rawn mathaia ziak sawi a, awih tawk an lo awm bawk si. Ka veina a rei tawh, pahnih ka khap tawh bawk.
April 11th, 2011 at 9:40 pm
#49 (Y) 🙂
April 11th, 2011 at 9:59 pm
Chhiar a manhla hle mai,ka hriatloh thil deuh vek zawk ani,puithu tak in ka bengvar phah nasa e
April 12th, 2011 at 12:31 am
Bengvar thlak hle mai.Kan pipute puithu na tam tak hi pawngpaw palzam ngawt hi a thalo.An expi. atanga lo chhuak anih a rinawm.Entir nan…Leiruangtuam ah chuan eng hnim mah a to thei lo,a ro ruut ani mai,chu chu a chhan ni thei awm chu a hnuaiah Uranium emaw elements dang enge maw a awm tihna ani mai.Proof tur in hma lak nise a va tha vele……..
Puithuna tam tak hi chu khawvel changkannain a hliahkhuh tawh rual rualin a thente hi chu Science lam atanga pawha dik chu a tamve tho mai.Pawngpaw palzam ngawt chu a dik ber mai lo thei e.
April 12th, 2011 at 12:56 am
post tha khawp mai…
Hringhnawl erawh khi chu a awm zia dik tak chu an ramvah dawn emaw an ramchhuah dawn emawin kawtchhuahah an innghak khawm thin a, an kim ta maw tihah i sawi an khian silai mu tel lo khaw lam hawi-in an kap thin a ni. Hei hi a chhan dik tak ni-a an sawi zawk chu KHAWHRING-in a zui loh nan an ti a ni..Hringhnawl tih pawh hi Khawhring hnawl tihna mai a ni. Khawhring hi a awm ngei a, Faktea rawngbawlnaa piangthar ta Buddhist puithiam ramhuai 7 zawl khan a sawi ka hre tawh tlat a ni. A ni khan Khawhring nei mi 3 ka tihlum tawh a ti a, mahse an danah chuan Khawhring nei khan mi 3 tal pum an tih nat phawt loh chuan an khawih thei bik lo niin a sawi.
Puithuna hi chu awih vek chi ni chuang lo mahse hnawl bur chi chu a ni bik lo.
April 12th, 2011 at 7:47 am
He post hi ava tha em..puithuna kan tihte a logical reason a rawn sawi tel hi ava tha em..pi leh puithuna a pawnga puia hnawl ringawt hian, a bikin tunlai thangthar nun a tidal ve thei viau. Thenkhat chuan puithuna hi a scientific lo kan ti mai thei…mahse, tunhnaia puithuna pawimawh zia, sawichhuak a, promote tu chu, social scientist te nilovin, environment lama scientist te zuk ni daih a…Khawvel sorkar thenkhat leh UNO pawhin puithuna hi a pawm hmiah a, dan hialin a venhim pui mek a ni. Ram thenkhata indigenous Sacred ecology /sacred sites te pawh, danin a humhalh tlat mek a ni…
Puithuna hrim hrim hi hnam mawl zia anga ngaih chu a dik lo, khawthlang ho pawhin, tunlai thlengin an la ngah em mai..No.13 an hlau te, urban legend mak tak tak an nei teuh te, mihring zia a ni mai zawk…tin, mIzo khawtlangah chuan, lesson or knowledge atan an hmang tel thin a ni.
A relevant na lai kan hriat chian a pawimawh, hmanlai puithuna ngau2 thil kaltawh revive tum erawh thil trul a ni lo. Amaherawhchu, puithuna thenkhat moral atan pawimawh kan la vawn him erawh chhunzawm a tha ka ti…
April 12th, 2011 at 11:58 am
Leiruangtuam etc hriat loh ka va ngah ve ka hriat belh aiin ka hriatloh belh a tam zawk dawn alawm mawle haha
U taitea comment hi a chu ka thlawp qawp mai
April 12th, 2011 at 4:10 pm
kan online thei lawk loh chu le…
Pu HV @#31 A thuhrimah, Lusei ho khan Lusei nilo te kha Hnamchawm= ‘hnamchhia’ tiin min sawi hlawm,
Hei hi chu a dikloin ka hre ve tlat mai.Hnamchawm chu lal leh an thlahte ni lo zawng hi Lusei pawh nise hnamchawm an ni maiin ka hria.Lusei ni ve lo erawh chu Awzia/Awzemi tih kan ni
June 7th, 2011 at 11:52 pm
Buai lai a ni bawka he post hi ka lo hmaih a nih hi mawle. I sawifiah tha khawp mai.
National Council for Science & Technology Communication (NCSTC) ruahmanna angin kum 2004 khan Year of Scientific Awareness India ram pumpuiah hman a ni a. Khami tum khan puithuna lam hi hrilhfiah vak chuang silo khan atthlak lutuk ang zawnga in zirtirna kha a awm zuai a tha lo ka ti khawp mai.
Sikul naupang chhiar atan a awhawm mange.