Khawvelah hian lungawina zawngin hlimna kan beisei thin a, kan beiseite a lo thlen vek theih siloh avangin lungawi dan thiam a har thin. Lungngaihna hian kan nunah hun a chang tam zawk fo anih hi. Kan nuna bet tura kan duh loh, beisei tlak ni lo, ngainat reng hlawh bawk lo lungngaihna hi a nunrawng ngawt mai.
Lungngaihna ruamah hian pan tur bik hre lova vahvaih a awl a; hlimna kawng zawh kan tum pawha min dang tlattu a awm thin. Chantawka lungawi hi hlimna chu ni teh meuh mah se, kan chantawka lungawi tur chuan kan beiseite’n kan hnen a rawn thlen hmasak phawt a ngai thin si a!
Hmanah Adama leh Evi-te’n hringnun an bawhchhiatna chhawm zeltute tan hian, lungngaihna ruam atanga kalbo turin thlarau khawvelah riah run kan rem phawt a tul a. Kan hmuh theih thilte hian khawvela kan awm chhung chuan kan chungah thu an nei dawn tlat bawk si.
He khawvel eng kan lo hmuh atang hian mi pangngai chin chuan induhsak tawnna te, inlainat tawnnate leh inhmangaih tawnnate neiin, kan kum leh taksa lo danglam ang zelin kan nun pawh kan thlak danglam thin a. Amaherawhchu, hengah hian lungngaihna chu a tel ve zel thin.
Hringnuna lungngaihna min thlentu hi mitin chungah a inang vek lo. Hei vang tak hian alawm lungngaihnate hi hneh thei turin Misual ka lo nih le…
Similar Posts:
- Engtikah nge ka hrilh ang che?
- Kan sawi ve lawk!!
- Beiseina…!
- TAWNGTAINA
- Mi Lungngai em ema saw. (Passion night pual)
April 11th, 2011 at 1:34 pm
Chh1ar ang le
Report this comment
April 11th, 2011 at 2:13 pm
dik khawp mai
Report this comment
April 11th, 2011 at 2:33 pm
Lungngaih hun chhung hi rei lo te pawh ni se, a rei duh phian! Teh thiam a har. Teh fet a sawt zeng si lo!
Report this comment
April 11th, 2011 at 2:44 pm
Lungngaihna hi Setan-a hmanraw pawimawh tak a ni. ”Intilungngai lutuk duh suh, thil tihsualah i tlak dah ang e” tih ang deuh Sam ziakah khan a awmin ka hria.
Report this comment
April 11th, 2011 at 2:56 pm
Lungngaih loh hi Setana hmanraw tha tak a ni, complacent taka khawsakna hian chhiatna a thlen nasa teh tawh asin!
Report this comment
April 11th, 2011 at 3:05 pm
Lungngaihna hi a hlu ka ti e! Hlimna a rawn thlen huna kan hlimna tisangtu a ni. Chumi tur chuan chhel taka paltlang erawh a ngai. A tha tawi e.
Report this comment
April 11th, 2011 at 3:09 pm
Kan huntawng ang zel kan dawnsawn dan azirin kan hlimin kan lungngai mai thin a lo ni. Hlimna hi kan ban phak maiah a awm laiin lungngaihna pawh kan ke pen khat dan maiah hian a awm. Chantawka lungawi apiang te hi mihlim ber an ni kher lo maithei, mahse an lungawi zelna chuan hlimna a rawn thlen nge nge thin.
Report this comment
April 11th, 2011 at 3:12 pm
#6 Dik khop mai. Lungngaihna hi Pathian min auh tam tir tu leh min hnaih tir tu ni tlat asin, hlim lai chuan Pathian a tluk luh reng a har.
Report this comment
April 11th, 2011 at 3:20 pm
F. Laltuaia leh Laldika Sailo te kha Gospel Camping-ah an lut ve ti-tuai a, “Mangan pawh in mangang na nge?” tia an Speaker-in a vau-thaih chiam chung pawhin, “Kan mangang thei lo hi, kan mangan …” tiin an chhang. Lungngaih loh hi a lungngaihthlak thei tho awm e.
Report this comment
April 11th, 2011 at 3:20 pm
Lungngaihna lo awm tranna chu Evi’n huan lai taka thei rah a ei vang a nih hmel.
Kan lungngaihna leh kan buaina tam takte hi kan vanduai hrim² vang bakah, keimahni insiamchawp; kan fimkhur loh vang leh tih loh tur kan tih avanga lo awmte an ni bawk thin…
Report this comment
April 11th, 2011 at 3:23 pm
He topic hi a sangin a thuk lutuk…khel mai mai chi pawh a nih lo. Kan lungngaihna chhan thenkhat ka hriat ve te:
1. expectations san lutuk thin vang
2. kan pessimistic lutuk vang
3. rual awh lutuk vang
4. thihna vang
5. Pathian kaihhruaina kan ignore/reject vang.
…etc…etc…
Lungngaih velah he hla hi ngaihthlak vat tur!
https://www.youtube.com/watch?v=57LH78WrEcw
Report this comment
April 11th, 2011 at 3:34 pm
#7, 8 & 11
# 9
Report this comment
April 11th, 2011 at 5:30 pm
Evi leh Adama sual ka chhawmve ani tih ka hriatchhuah chang hian ka thinrim ziah…
Mahse lungngaihna hi hlimna siam tu ani ve bawk si….
Report this comment
April 11th, 2011 at 6:08 pm
tluanga i post tha thei hle mai. nia, lungngaihna hi ringtute hmelma a ni mahse beiseina lo thul tel leh law law la, ava’n kim dawn em!
Report this comment
April 11th, 2011 at 6:43 pm
A ni khawp mai ti raw. Beiseina hi lungngaite tana chaw tha a ni si. Chutihrualin, beiseina hi beidawnna min thlentu a ni ve leh tlat thei. A enga pawh chu ni se, lungngaihna hi hlimna tehchhuah nan hman kan tum tlang mai aniang chu.
Report this comment