Zan a rei telh telh a, mut erawh a chhuaklo telh telh thung. Ni e, tunah chuan zinglam a ni tawh a, mut erawh a la chhuak hlawl si lo. Khumah chuan ka let ka let a; ka chhungte erawh tui takin an muhil vek tawh a. Kei erawh nunhlui ngaiin ka kíu vawng vawng thung a. Kha ka tawrhna ka hmangaih ber ka nupui ni thin tunah erawh thlan khur hnuaia min zal ta kha ka ngaihtuah chhuak miau hek le!
Hlimlai nite..
Hmanah chuan nupa kawpchawi niin hlim takin kan khawsa dun a. Kan inngaia, kan inthlahlel ngawih ngawih a ni ber mai. Khawiah pawh kal dawn ila kan inzui a; a mei ka ni ber a, ani pawh ka mei ang maiin kalna apiangah hmuh tel ve ngei ngei tur chiangsa ang kan ni a. Khatih hunlai khan he khawvel hi kan pahnih tan chuan a parmawi lai tak a ni a. Kha aia parmawi kha ka la tawng leh lova, tawngleh thei pawhin ka inring tawh lo!
Kan hlimna tizual turin ka nupui chuan fa a han pai a. Fa kan nei thuai dawn tih kan hriata kan hlimdun zia te kha tuna ka fanu ka hmuh hian ka lubur chhungah hian kan hlim thawm kha a lo lang chhuak leh thin a, mitthlaah hian kan che vel zawng zawng kha ka la hmu fo mai.
Theihtawpin kan fa lo piangtur hmakhua kan ngaihtuah a. Keiin pa tha tak, nupui fanau tana chenfakawm nih ka tum a. An hlimna turin hna pawh ka thawkrim sawt hle. Ka nupui pawh chuan nu tha tak nih a tum ruh ve hle a, inchhung chet vel pawh a bu ang thlap a ni a. Kan urlawk nasa a sin aw!
Reiloteah kan nu nau neih chu a lo hun a. Fanu tha tak mai a hring tih ka hriat a ka hlimzia kha tangka suma lei tur nise a man a tam khawp ang. Tunah chuan chhungkua kan ni ve ta. Keipawh ‘Pa’ tia min ko tu tur an awm ta a Pa tak tak ka ni ta. Khatih hunlaia khawvel nawmzia kha ka tawn ang tawng tawh hi chuan inhrethiam mai awm e.
Chhungkua nih chinah chuan puitlin a lo har khawp mai. Tihtur lo tam zia ka han hre nghal pang mai a. Mahse kan chhungkaw tan a nih avangin hlim takin ka ti thei zel a. Kan hlim em avang khan mi pawhin min awt ve thei hle a ni.
Buaina chhum chu..
Khatia hlim taka kan awm khan lungngaihna chhirhdup kan thleng tep a lo ni a. Tlaikhat chu ka thian hluite nen inhmukhawmin zu kan inho a. Chumi tlai chu ka rui ngei mai. Kan ina ka haw pawh chu kan nupui buaipui ngai khawpin ka awm a. Ka nupui chuan a tukah min khak nghe nghe a. Mahse, zawm a hnekin ka in zing telh telh a. Pa ber chet atana mawilo khawpin ka awm ta fo mai. Kan chhungkaw hlimna chu tunah chuan vawmbo ang duak a ni ta.
Chutia ka khawsak dan ka nupui chhungten an lo hriat chuan min rawn pawt then ta tlat mai le! Ni e, pa berin inchhungkhur aiin zu ka thlang tlat si a. Tunah chuan kan chhungkaw inzawmkhawmna chu chhut chah a lo ni ta!
Beiseina thamral chu
Ka thiltih pawizia chu hrechhuakin zu in chu ka sim a. Nuntharin ka nung leh ta. Chutia nun pangngai ka zawh leh takah chuan palai tirin hruai haw kan tum leh a. Mahse, a chhungte chuan an lo phal lo nasa mai a. Tihngaihna awm tawh heklo, inruk kan tum ta ringawt mai a.
Chutia inruk kan tum chuan a chhungten a awmdan atangin an hrethiam a niang ven takte hian an veng tlat mai a. Kan thiltum chu a hlawhchham chiang hle mai. “Chutiang em em a min duhlo tu chhungkua chu engah nge chhungkhata siam leh ka tum tehlul ang” tiin kumkhua atan ka mangtha ta a. Amaherawhchu ka hmangaihna erawh chu engtikah mah a ral chuang lovang.
Tleidang runah a lawi.. mahse
Chutia ka ngaihsak tak lohah chuan hrehawm pawh a ti hle a. Mahse, ngaihsak pawh ni mah ila awmzia a awm thei chuang si lo. Ngaihzawng dangte ka neihsan a, ka awmdan zawng zawng a hriat takah chuan beisei chi ka ni tawhlo tih hriain ani pawh chu a hlimna tur a zawng ve ta a.
A hnua ka hriatleh dan chuan an khuaa sorkar hnathawk pakhat nen an inzui nasa hle a, a hnuah neih pawh an innei ta hial reng a. Ka tana hriat hrehawm tak chu ni mah se a hlimna a nih chuan ka lawmpui hle a.
A pasal nen chuan nupa hlim tak anni tih ka hriat phei chuan ka lo lawm ve khawp mai. A chhan chu ka nei thei tawh dawn chuang lova, mitha tawng tal se ka ti em a ni. Fa pawh an nei leh nghe nghe a.
Hlim takin an awmzel dawn emaw ka tihlaiin thil duhawmlo tak maiin a tlakbuak tlat mai le. Minu ni tawh mah se ka la hmangaih reng chuan thisen cancer a vei tlat mai le! A ni theilo, ka hmangaih chuan reiloteah a natna chuan hnehin thlan khurah a hnuklut ang maw? Bei a dawng a, ka rilru a na a, a pasal leh an fate leh ka fanu ka ngaihtuah a, thlamuang taka awm a har a ni. Mihring nui thawm ka hriatin min tilungngaia, sava hlim taka infiam ka hmuhin tha a tikhur tlat mai. Ka hmangaih, hlim tura ka duh em em chuan reiloteah a kumkhaw hmun tur a pan dawn!
(A thui dawn tlat! Kan chhunzawm leh mai dawn u nia..)
Similar Posts:
- Kan thawnthu II
- Tu hmangaihna nge thuk ber ang?
- Mahse…
- Nghilh Ni Reng Ka Nei Lovang
- Thikthu tel lo hmangaihna !
April 16th, 2011 at 11:31 am
Hlawhtlinna formula: Zing thawhhma, thawh rim, beih ngun’ — John Paul Getty
Lo chhiar chiang the. I mamawh ka ring tlat mai.
Report this comment
April 16th, 2011 at 11:37 am
Para tawp ber paih khian post 1 ni phawt se ngaihtuah a va tithui lehzual dawn emm…thingtlangpa hi chu i thu leh hla a mawi thei ngei mai. Lungril hi a fan ngawih ngawih bik lah tak a..
Report this comment
April 16th, 2011 at 11:41 am
sop sop sop
Report this comment
April 16th, 2011 at 11:48 am
He thawnthu tak tak hian ka hnuk a tih ulh tlat pek chu.
https://i55.tinypic.com/2zzs4z4.jpg
Report this comment
April 16th, 2011 at 12:08 pm
Kei erawh nunhlui ngaiin ka kíu vawng vawng thung a. Kha ka tawrhna ka hmangaih ber ka nupui ni thin tunah erawh thlan khur hnuaia min zal ta kha ka ngaihtuah chhuak miau hek le! thuziakah poetical word hman chu a fuhmawh ee (ti ve khanglang)
a gaihnawm reuh ee
p.s ka bold ve thiam la
Report this comment
April 16th, 2011 at 12:17 pm
A va tawp uih awm ve mawle
Report this comment
April 16th, 2011 at 12:34 pm
‘…ka chhunzawm leh mai dawn u nia..’ ‘u nia’ tih tawngkam hi ka vawi khat hriatna.
A tha e.
Report this comment
April 16th, 2011 at 12:36 pm
#6, pangtichawr, uih leh awm i zawm loh khian a meaning a dang daih..tuaitea vawih post comment ni awm tak zawk a ni..ti khi chuan
Report this comment
April 16th, 2011 at 12:39 pm
‘…ka chhunzawm leh mai dawn u nia..’ alo nih tak hi maw le awww, i fun that tehreng nen i bilh pawr hlauh mai a
Report this comment
April 16th, 2011 at 12:59 pm
#chemtat,,ka tling lo ani
Report this comment
April 16th, 2011 at 1:13 pm
‘…ka chhunzawm leh mai dawn u nia..’
“Ka chhunzawm sak leh mai dawn che u nia” tih ni zawk se a mar deuh zawk lo maw.
Ngaihnawm ti deuhin ka chhiar chhuak. I nupui ruk tum hlawhchham chungchangah hian i nupui hlui hian inruk a duh tak tak lo a ni lo maw, mihring thil tum hi chu inven har deuh mai a nia,an phuar bet emaw, a kalna a pianga an zui zel emaw a nih loh chuan chance vawi khat tal chu hmuh awm tak ka ti deuh. ‘Nge nangmah hi i bei a dawng hma lutuk zawk
A chhungte pawh khi an timak reng reng, in duh leh induh chu inneih mai tur a lawm, a neitu pawh ni hlei lovin la dan tlat te chu a, an che hmanlai ka ti. An house No min lo hrilh teh ka’n khawih hnang hlawm teh ang
Report this comment
April 16th, 2011 at 1:22 pm
I chhunzawm leh hun tur ka lo chang reng u nia.
Report this comment
April 16th, 2011 at 1:40 pm
Keimah Thingtlangpa hi a phakar riau a nia. Thu a post a, kan comment liam liam a, a post-ah takngial pawh a comment tha duh lo. A post-tu an awm hian comment a nuam a ni ngai.
Post danga comment loh chu thuhran.Report this comment
April 16th, 2011 at 1:50 pm
Ngaihnawm khawp mai. a tawp thleng a chhiar law law a va chakawm ve .
Report this comment
April 16th, 2011 at 2:26 pm
Laklawh khawp mai, mahse, a ngaihnawm e
Report this comment
April 16th, 2011 at 2:29 pm
Thawnthu a tling thin bik ngei mai.. KT a ziak nge2..
Report this comment
April 16th, 2011 at 2:32 pm
Khavela thil thleng tak2, a hriat ve ang ang a rawn tar chhuak anih hi.
Report this comment
April 16th, 2011 at 2:33 pm
Rempui, thawnthu tak tak a ni e.. A tak behchhan nei
Report this comment
April 16th, 2011 at 2:40 pm
Nupui i la nei om si lo a, ka ti..hehe..nge nei ve juais toh zok?
Report this comment
April 16th, 2011 at 2:43 pm
Ka thian pakhat nen kan inkawm atanga ka ziah a ni e..
Report this comment
April 16th, 2011 at 2:44 pm
i thu phuahchawp anih hi….pro prohibition team lam ini hrim hrim…i zu in chhoh dan i sawi te khi experience neilo mi sawi atanga thil hria no practical tlat…timai khi ani ngailo
Report this comment
April 16th, 2011 at 2:49 pm
Phuahchawp ni tho mah se he khawvela thil thleng tawh a ni e thenkhat chu
Report this comment
April 16th, 2011 at 2:53 pm
Zu Zu Zu sawichhe reng mai a MPC emai….
In group KTP drama chan tur script ilo pho chhuak a ang e mai
Report this comment
April 16th, 2011 at 2:53 pm
@KT, nia, fiction ah i categorised toh reng ani. Ron chhunzom vat teh a..hehe..previous story hi kan lo theihnghilh leh hman thin a..
Report this comment
April 16th, 2011 at 2:56 pm
@23 Brig. hi chu lal deuh mai an nia..(kan khawpa tihdan, a MPC phah)
Report this comment
April 16th, 2011 at 4:03 pm
Ngaihnawm ve pangngai.
Report this comment
April 16th, 2011 at 6:16 pm
A ngaihnawm hle mai,hanziak zel rawh khai.
Report this comment
April 16th, 2011 at 7:04 pm
Ziak zo law law la….. la comment ve rih lovang !
Report this comment
April 16th, 2011 at 9:09 pm
a va ngaihnawm reuh e
Report this comment
April 16th, 2011 at 10:14 pm
zuala #21 thawnthu tak tak atanga a phuah ngei a ni e.
Report this comment
April 16th, 2011 at 10:17 pm
Ka lawm e.
Report this comment