Mahse…

March 25th, 2010 10:15 am by kawlhawk

Keimah
Unau 4, Hmeichhe 3 leh Mipa 1 kan ni a, Fapa mal ka ni. Tunah hian Kum 30 dawn ka lo ni ve ta a, Nupui te pawh ka lo mamawh ve ta! Heng Nula 2 te hi min hmangaih em em tu, Palai ka tirh ruala ‘Yes’ ngei ngei turte an ni tih ka chiang a, a tu zawk hi nge ka thlan tàk ang le?

Mambawihi
Chhungkaw harsatna avanga pawl 9 thleng bak zirna Rûn kai thei lo, nulat tlangval/ hmangaihna lamah pawh daihriat la nei lo leh zeilo tak a ni. Mahni that that-a tha, mi va tih lawm leh han tih hlim vel pawh tum lem lo; Ka chhungte- (Ka nu&pa, ka farnu te) leh keimah ngei pawh min hmangaih viau e ti lo chuan mi han kawm seuh seuh emaw, han tih lawma inlak fel/ polite vel emaw pawh tum lem lo a ni. Hmeltha tak ti a sawi tur ni lo mahse, a chhe lo!

Thuam changkang leh hmai hnawih eng eng emaw tel lo pawha hmanlai Zokhaw nula hmeltha an sawi ang maia belhchiana a thatna zual zel, tha chet chet, nula duhawm leh ngaihnobei tak a ni. A rilru put hmang mawlh mai hi… Hmangaihna a ngah a, a zaidam em em a, ka chhungte pawh thinlung takin a hmangaih tih ka hai lo! He a hmangihna thinlung te; a ngainatna mitmeng te hi ka chhungte zawng zawng pawhin an hai bik hauh lo, mô a tan an it em em reng a ni.

Jennifer-i
Hei erawh… Lehkhathiam, MA zirlai a ni a, nula hawiharh leh lu zo vah mai, thian kawm thiam tak leh mi ti hlim thei tak, nui sâng reng mai a ni. Khawi hmunah pawh mahni inhaikaw thei tak tur chi a ni a, a hmel leh kimtlang rèng sawisel bô a ni. A ti-tuai a nalh em em a, Val tamtakin neitu nih tuma an hel luih luih reng a ni. Zep loah chuan tisa thil tak pawha ka it ngawih ngawih a ni a, ka hmangaiha, ka thlahlela, ka duh takzet a ni! A ni pawhin min hmangaih em em a, ka tan a neih/ rohlu ber pawh a ui lo, ka tan a engkim a phal! Mahse, ka nu&pa, ka farnu te a en dan leh a han biak duh dan vel erawh ngaih chu a tha chiah lo. A hmusit a nih loh vèk pawhin a ngainep a ni tal ang.

Ka buai a ni…
Ni e, ka buai a ni! Fapa mal ka ni a, chhungkaw innghahna leh nu leh pate en ber ka ni. Nupui ka thlan fuh dan a zira kan chhungkua hma lam hun hi hlima lungngai thei, lawma tap thei kan ni tih ka hria. Ka Nu leh Pa, Ka Farnu te min hmangaihpuitu nge ka thlan dawn ka hmangaih?

Mambawihi thlang ta ila chhungkua chu kan hlim ngei ang. Mahse…

Jennifer-i thlang ta ila keimah chu ka hlim ngei ang. Mahse…

128 Responses to “Mahse…”

1
shailendra Says:
March 25th, 2010 at 10:18 am
e hiau… sawi a va har dawn ve le… uluk tawkin kan ngaihtuah ang e…
[Report abuse]
2
grady Says:
March 25th, 2010 at 10:20 am
ni e, kei pawh ka buai em mai, comment hrih lo phawt ang!!
[Report abuse]
3
lushai_er Says:
March 25th, 2010 at 10:24 am
A 3rdna hi thlang mai rawh!

Pahnih inkar a fel chuan a tawk a ni mai lawm ni…Ka chhungte chuti khati tih te chu a hmeichhe thu dawn deuh lo maw! A hmangaih tak2 che a nih chuan i lawm zawng, i kawm ngeih zawng, i duh zawng chu a hre vek ang ka ring!

Tin, complex i nei chiang bawk a..Thrian thra tak tak i nei lo niin ka hria. Thrian bul tak neih tum rawh…chu chuan a chhawk ang che.

Kan in la expi ve viau ringawt a, tak tak a …. mosolmanah inlet la nupui 2 chu nei la ni mai lawm… lol (NOI)
[Report abuse]
4
sillyBoy Says:
March 25th, 2010 at 10:25 am
First para chu, ka nihna dik tak i rawn sawi emaw ka ti hman tep.
[Report abuse]
5
badboy Says:
March 25th, 2010 at 10:27 am
Eheu, kei pawh Unau 4,kei a upa ber kanau te hmeichhia 3, Fapa mal ka ni ve bawk, chuan I Duh loh zawk zawk khi ka lo chang daih anga, i buai na chu chinfel ani ang (FB Profile nen va inper san ve)
[Report abuse]
6
Jennifer Lo Says:
March 25th, 2010 at 10:27 am
E hiau My Name pawh chu anva lo copy nasa ve ‘et tu, Brute’
My name i sawi thratna zz nei(hmelhmangah) leh Mambawihi thratna zz(rilru puthmangah) nei kawp Nula dang zawng daih teh chutia ANRILRU PUTHMANG i hrechiang thei tak zet a nih chuan a har nang
[Report abuse]
7
keimah Says:
March 25th, 2010 at 10:28 am
Mambawihi le….! Jennifer-i hi nakin lawkah a hmai a la zurin a la tar dawn…chutih hunah chuan pawn lam aiin chhunglam mawina a pawimawh ang.

Jenniferi’n i chhungte a en danah hian a chhungril chapona a lang nghal. Hetiang mi hi han nei chiah la i thaibawih nghal ang a, fa pahnih vel in han neih hunah chuan nangmah lam khan a hmusit tawh mai ang che tih ka hlau deuh! Engemaw hlekah i chhungte a mawhpuh reng ang a, I nu leh pa hmusittu khan an fa hrin NANG kha a hmuhsit loh che i ring em ni, Vallungmawl?

“Beauty is just skin-deep!” an ti!
[Report abuse]
8
XaiA Says:
March 25th, 2010 at 10:36 am
Tu emaw chuan comment se chuan’I duh zawk jenny chu thlang la ,pem pui daih rawh’an ti maithei a ni. Mahse…
[Report abuse]
9
Ruatmawia Says:
March 25th, 2010 at 10:42 am
“Hmel a ni lo” chu kan ti takna in hmel hi zawngin kawngro su ve thei deuh a ni, puipun leh chhungte kan kual chang a chhuahpui thlahrunawm khawp a nih loh chuan..a mizia leh nungchang i han sawihmangin, a chhiat lutuk hran bawk loh chuan ‘MAMBAWIHTEII’ khi thlang teh, i tihfuh ka ring.

“MakeUp hmanguar leh hmang tlem zingah, Hmang uarlo ho hi an tar hnuah an Vun a chuar har zawk” an ti thin, a dik ang. Tin, JENNIFER-I khi MA zirlai maw..? khah..a thiam a finna chu i chhawr rual in a la hmusit thei bawk che, i chhungte chunga a rilru puthmang i han sawi ah, thlang lo mai rawh…khitiang khi chuan i Til vuai hunah tangdang a melhsan palh ang che, te ka tihpui ve mai mai che.
[Report abuse]
10
KK Lova KK Says:
March 25th, 2010 at 10:43 am
@kawlhawk, kei pawh unau 3-a mipa awm chhun, kum 30 ni mai tur ka ni. Ka sawi duh chu, Mizoten tlangval senior kan inti hma lutuk hi a ni. Thenawm khawveng leh thiante hian a engkhaw sawi lo hian, “Nupui nei ve tawh rawh,” min ti thla zen a. Ka mamawh em, ka duh em, tih lam min ngaihtuahpui lem lo, tlangval senior min ti em em ringawt mai a ni. Mahse, kei chuan ka la inti lo nasa mai, ‘tleirawl senior’ te ka la inti mai mai chauh a ni. Nang chuan nupui mamawhin i inhria a, i duhthusam tak nei ngei la ka duhpui khawp mai che. I han tarlan pahnihte atang hi chuan Mambawihi hi kan duhsakpui zawk vek chein a rinawm. Chutih laiin Jennifer-i pawh hi, a pasal azirin mi tha tak a ni thei bawk. ‘Hmeichhia hi chu lehkhachaih ang deuh an ni a, a chaihtu chaihna lam lama thlawk mai thin an ni,’ an ti a ni lo’m ni kha?
[Report abuse]
11
dr_feelgood Says:
March 25th, 2010 at 10:51 am
Ka va han thlan pui thiam lo che vele awww.Hmeltha leh changkang chu an duh awm bawk si, fel leh hmangaihna ngah chu an tha bawk si. Buai thlak!! Chhiarkawp hmanga hming chawk thiam kha ruai mai la, an chawh chhuah ang ang kha pawm mai rawh.
[Report abuse]
12
shailendra Says:
March 25th, 2010 at 10:53 am
Duhthlan thiam a har dawn mang e… Mizo family hi a huho a cheng kan ni tlat mai a. Achang phei chuan in pakhatah mo 2/3 te pawh kan kawl hial thin. Heng avang tak hian, mo leh chhung te inkarah te, mo leh mo inkarh te pawh harsatna a awm fo thin niin a lang. Hetiang pumpelh nan hian inhrang chan/ indan te pawh hi a tul thin a. Mahse heta i problem erawh hi chu, fapa mal i ni tlat mai a, nu leh pa te bul a khawsa tur a ngaih i ni bawk si a. Sap te ang a inhrang chan hrim hrim ang hi kan kalphung a ni si lo a le.

Midang comment na zul zuiah rawn lut leh ta ila a tha ang a. Tunah mai chuan i neih zawk tur ka la sawi duh leu… :twisted:
[Report abuse]
13
apatea Says:
March 25th, 2010 at 10:54 am
ka beng ka lo sik ang…
[Report abuse]
14
Jennifer Lo Says:
March 25th, 2010 at 10:55 am
Thrianpa Kawla thrin hi chu aw…TAMING OF THE SHREW kha chhiar2 la ni maiii, Mambawihi hi neitala Jenni kha i thlahthlam rei thei awm silova Mambawihi lah chu Thramawl ringawt a nih si chuan tih ngaihna a hre dawn silo a thiam chhun tur chu PT Usha, an/tum reng,ngaihzawng dang neih ruk ve law law etc i hlimpui rei chuang dawn emni?
A nih loh tal pawhin,Mambawihi chu Beauty Parlourah hruaila i duh dan tak a nalhin cheitir maila, thawmhnaw pawh sess deuh ha se i duh chuan leisak maila Jenni ai pawhin a lo nalh daih thei a sin..
[Report abuse]
15
apatea Says:
March 25th, 2010 at 10:57 am
Ka beng a na vek lom le :-p

Hetiang duhthlan tur hi keipoh k tawng ve ta zeuh2 a. A har thin khop mai. Mahse, Jenniferi character hi i sawi ang chiah2 a nih chuan, nangmah poh i hlim rei ka ring chuanglo. Chuvang cn mamboihi te ang nge nge hi hlim na tluangtling siamtu zawkah ka ngai.

Ka ngaihdan mai a nia, inneih hnuah min mawhpuh leh kher lo la. Inneih ruai erawh rn kil ve ngei ka duh ang
[Report abuse]
16
grady Says:
March 25th, 2010 at 10:59 am
Nupa te chu risk a innei vek alawm kan nih!! Love is blind….chuan kan that loh deuhna laiah kan indawm kang leh mai a lawm!!

A tu zawk zawk pawh khi nei la, harsatna chu a awm tho dawn a, risk ve pop mai rawh!!
[Report abuse]
17
zuala12 Says:
March 25th, 2010 at 11:01 am
E khai thianpa Kawl,nang tehlul an duh der ve che a nih phawt chuan a tu zawk zawk pawh hi nei la i tisual hauh lovang.Nupui pasal neih hian nuam tawl reng tur anga in ngaihna lian tak hi a awm ve thin a,amarawhchu chuti lam a lo ni chiah thin lo.Mi thenkhat sawi dan phei chuan nupui pasal inneih ni atang chiah hian mipa tan pawh,hmeichhe tan pawh “Hreawm intan na ni” a lo ni thin.Chuvangin a tu zawk zawk pawh khi nei la i beisei ang em em chuan nupui neih hi a lo chuti teh lua lo i ti ve ngei ang,chutih rual erawh chuan a bura han in chhawp reng takah chuan zia zawng a lo zia viau hi aaa i ti thin ngei ang.
[Report abuse]
18
Tetea Says:
March 25th, 2010 at 11:02 am
a dang zawng mai rawh…
[Report abuse]
19
Ruatmawia Says:
March 25th, 2010 at 11:02 am
Awi thaw…!!! Ku Kawl thil pakhat min hriatchhuahtir zawk mai, 1978 kum bawr vel ni ta in ka hria..chhungte thawnthubu chhiar phallohna karah tum khat chu Lehkhabu ka lei ve ngawt mai a, chu lehkha bu chhunga an life chu i rawn tawng dawn tlat in ka hria, a hria in awm ve takin kan sawi ang e..”DON LUI LUANG DAMDIAI” tih a ni e.
[Report abuse]
20
Daffodils Says:
March 25th, 2010 at 11:03 am
Mambawihi ang nupui nei ho pawh hi an lungawi chuang lo, nupui inah an tawm reng a, hawiharh in inchei ve deuh se an ti tho, thianho thil tih khawmnaah te hian tawng ve deuh se, inchei tunlai ve deuh se, chumai bakah tunlai mi titi hi man ve deuh se an ti zel tho… Mambawihi i neih duh chuan inlengte i lo welcome hmasak a ngai ang, chumai bakah i thiante titi a man loh changin i hriat thiam a ngai bawk ang, i biak in saptawng thumal(word) common vak lo deuh i hmang thei lovang, ka zak nangman tirawh tih chang a tam ang, chhungten a lungawi lohna engmah a sawi ngai loh thu an hrilh ang che…

Jenniferi ang nei ho hian in chhung lovah pawn lam huau huau chaw eikhawm tih velah an pasal ten nuam an ti, chu bakah an ina mi Hifi deuh an lenin pasal te tawng ngai lovin an lo be zung2 lawm takin an thlah thei, an fel leh fel loh lamah chuan ama duh thu a ni mai, an duh chuan an fel thei lutuk, an pasalte chuan complain tur vak an hre lo, mahse pasal chhungte leh thenawmten complain tur an ngah, Jenniferi nupui atan i duh chuan Jenniferi chhungte aiin i chhungte hausa zawk se leh Jenniferi aiin hna tha zawk leh i zir san zawk chuan a fel ngawt ang, mahse a ni aia i hlawh tlem leh, i chhungte an nep zawk chuan a ni mai….

Tunah chuan i thu thu a ni mai, a neitu tur hi an pawimawh khawp mai.
[Report abuse]
21
kawlhawk Says:
March 25th, 2010 at 11:07 am
Thian duhtakte u,
In Comments a ngaihnawmin ngaihtuahna tamtak min neih belh tira a lawmawm e! In ngaihdan inkalh nak nak karah hetiang boruak lo tawng ve- midangte pawhin finna leh ngaihtuahna thar tamtak an neih phah ve ngei ang tih ka ring e. Ka lawm e!
[Report abuse]
22
apatea Says:
March 25th, 2010 at 11:11 am
#20, sawi tha hle mai. Ka type chhuah peihloh zawng2 rn t lang vek lom hehe
[Report abuse]
23
Stallion Says:
March 25th, 2010 at 11:12 am
mambawihi ngat le
[Report abuse]
24
ceeagch Says:
March 25th, 2010 at 11:29 am
a post tupa,
[Report abuse]
25
ceeagch Says:
March 25th, 2010 at 11:33 am
OT lawk pls post tu leh Admin,khawngaihin min lo hrethiam hram ang che u.
Ka computor pop up hi a lian lutuk a,thil ka save duh paw’n save tih na lai kha ka scroll up thei tawh lo a,khawngaihin atih te dan min lo hrilh te un..pleaseeeeee
[Report abuse]
26
mi_sual Says:
March 25th, 2010 at 11:33 am
I inchhir lohna tur kha ngaihtuah la….. thlang fel vat rawh… i duh loh zawk zawk ka lo nei ang. An address kimchangte pawh han tarlang la…..

I hriat hmaih pakhat:Khawvelah hian duh a kim thei lova, lawm a kim thei lo. I lunglawm kimna tur i thlan dawn chuan i thlang hlei thei lovang…. Thil reng reng hian thatna thatlohna an nei vek….. I dawi ang khian 2-na khi i duh deuh zawk niin a lang, 1-na hi nei ta la, i inchhir ka ring deuh tlat.. sawi chiang vat rawh
[Report abuse]
27
hmingtea Says:
March 25th, 2010 at 11:34 am
an pahnihin nei mai rawh ha ha
[Report abuse]
28
mi_sual Says:
March 25th, 2010 at 11:37 am
@25 ceeagch
desktop kha r.click la >> properties >> settings >> screen resolution ah khan 1024×768 pixel kha thlang rawh…. cuan apply >> ok….
Anih loh chuan restart la, restart laiin F8 hmet (dot dot dot) char char la, Enable VGA mode-ah lut la, tun ami ang khian set la, dik mai ang….
Chuti anih loh chuan LCD lian deuh hmang mai rawh…
Win XP i hmang turah ka ngai tawp a, a nih loh chuan lo sawi leh la….
[Report abuse]
29
sillyBoy Says:
March 25th, 2010 at 11:46 am
An pahnih hian thut dun tir la, an hmaah i kut zungchal in kawk la, ‘Inky inky pongky…’ hmangin thlang mai rawh
[Report abuse]
30
chikus Says:
March 25th, 2010 at 11:48 am
thlan thiam a va har awm tiah2 ve……hei hi mi tam tak buaina a ni ve fo……..western te chu nise i hmangaih kha a tawk mai mahse kan Mizo society ah chuan ani ve tlat lo ani…chuvang chuan chhungkua hlim tluka hlu khawvelah awmin kei chuan ka hre lo…….i duhthlanna chu i ta ani e…..
[Report abuse]
31
Bamboo Says:
March 25th, 2010 at 11:49 am
Jennifer Lo hi a 2nd na ang hi ni du hmel.#. A remhre hmel phian reuh. Chongkhum dan tlang huat loh. Hahaha
[Report abuse]
32
ceeagch Says:
March 25th, 2010 at 11:49 am
mi_sual ka lawm lutuks,mahse atheih tlat lo,window vista ka hmang a,ka tih duh chu movie maker atang a publishing akhan pop up a mi save a’n tih na kha alng thei taw lo..plsss
[Report abuse]
33
ceeagch Says:
March 25th, 2010 at 11:54 am
min lo puih teh un…
[Report abuse]
34
zualbonez Says:
March 25th, 2010 at 12:01 pm
kawlhawk ka ‘SWAYAMVAR’.

duh! kerh kerh chungin in ngaihtuah char2 la i eng phut mai ang.

Jennifer-i contact chu minlo pe la ka lo test dawn ania
[Report abuse]
35
awmawmpuia Says:
March 25th, 2010 at 12:14 pm
Duh i thlan hma in nangmah i inhriatchian ava pawimawh ve mawle. Nupui kaihruai thei tur leh control thei turin i inngai em, confidence i nei em? I neih ahnu Jenniferi khi nei la, chhungkua i kaihhruai duhdan chiang takin i hrilh anga, chutiang a tithei turin i enkawl anga, a tha ani mai alawm.
[Report abuse]
36
shailendra Says:
March 25th, 2010 at 12:14 pm
@Daff. (#20). Mambawihi chungchang a i rilru chu ka riruat thiam viau tho karah, khitiang mize pu pawh khi siam chu an awl zek duh a sin. Nulat laia han zakzum deuh pawh hi, fate an han nei a, respondsibility an han lak hi chuan, an naupawm pui thian dang te an chhar chho zel a, fel tak in an chhuak duh ve tho (an experience..hehe..). Pasal te thian tih vel ho pawh hi a mawi tawk a kawm dan an zir chho ve zel thei in ka hria. Saptawng khun khan taka hman a ngaih lem loh chuan. Mahse lehkha zir sang ta lo nanana chu, in lama fate zirtir/homework velah chuan pa te an hah deuh a, tin, fate tution lak te hi uar chu a ngai deuh in ka hria. Nulat laia ti deuh harh ho hi chu enkawl an buaithlak zawk mah lo’ng maw?
[Report abuse]
37
Daffodils Says:
March 25th, 2010 at 12:42 pm
Chuan @Pu Shai tu nge i suggest zawk a? @kawlhawk pawh khi a luck lutuk rere anih khi, a tir atang lo kawp lovin a duh zawk han thlang nghal chat mai se chuan tun nupui neih hun dawn ruaiah a buai lovang, a tu emaw zawk2 khi chu rilru na tur a ni ngei ang a seniar a ni mai hmabak tur chu, hetiang innghah sual vanga pasal nei ta lo nula tamtak an awm a sin, @kawlhawk ang khian tha nghahnan min hmang ang tih ka hlau….
[Report abuse]
38
darchhunval Says:
March 25th, 2010 at 12:51 pm

ka hmangaiha, ka thlahlela, ka duh takzet a ni! A ni pawhin min hmangaih em em a, tiin J-i i sawi lai in M-i chuan a hlawh pha ve tlat lo.mahni pual nupui tur a tan chuan an testimony rawn sawi leh la,piangthar tha zawk zawk ka lo vote nghal e
[Report abuse]
39
van damme Says:
March 25th, 2010 at 12:59 pm
kei pawh fapa mal,nau hmeichhia 2 nei ka ni a.Keipawh duhthlan tur ka nei nual mai a.In comment atang hian ngaihdan ka lo siam ve ange…experience tawh te atangin eng2 emaw ka hriat theih ka lo beisei ve ringot,han comment zel teh u.
[Report abuse]
40
shailendra Says:
March 25th, 2010 at 1:10 pm
Daff. haha ka la decide thei lo leee… an hmel kan hmuh a phal ve a, a rim naa min kal pui duh phawt chuan ‘hei hi’ ti a han kawh chat tur chu an awm ngeiin ka ring a. Jenny pawh khi ka hmu chak reuh luttuk. A sual hrim hrim ka la ring phal bik lo. Lehkha thiam veng va te chu a tha a lawm le, middle pass ngawt te ai chuan. Mahse hmangaihna hi a pawimawh a, ‘A’ pawl pass lo pawh a hmangaih theih tho a, ti’ro
[Report abuse]
41
zualbonez Says:
March 25th, 2010 at 1:17 pm
Kawlhawk i sual ka ti. pakhat rilru na ngawih2 a i siam tur hi ’saala behenchut’.

you are mentally corrupted
[Report abuse]
42
Rascal Crowe Says:
March 25th, 2010 at 1:20 pm
Kei chu ni ila KA nupui tur ka thlang ang. Duh tak tak loh te nen a dam chhung hun han hman dun tur chu ka ngaihtuah ringawt pawn…..brrrrrr… @ keimah, beauty is only skin deep hi i ti mai pawh a, a bak a ngai chuang em mi? beautiful liver emmi duh?
[Report abuse]
43
blackmagicwoman Says:
March 25th, 2010 at 1:24 pm
Pathianin i tan a ruat i tawn hunah chuan ‘mahse’ a awm lovang..a dik thlap mai ang. Khimi 2 te khi chu i tan a ruat an la ni rih lo ve keep looking!!
[Report abuse]
44
littlerascal Says:
March 25th, 2010 at 1:25 pm
coin vawrin thlang mai roh i buai em mai, tak2ah a thra ber tur tumahin kan hre lo chunglam rawn la, relationship poh hi ‘risk’ vek a nia, i risk sual leh i hreom deuh tihna ni mai
[Report abuse]
45
zualbonez Says:
March 25th, 2010 at 1:38 pm
@ 44… littlerascal Says:

coin vawrin thlang mai roh i buai em mai….ha ha ha

i la doubt chuan inki inki pongki
[Report abuse]
46
shabito Says:
March 25th, 2010 at 1:39 pm
Nupui Pasal Inneih chungchanga mimal duhthlanna ngai pawimawh thin Mizo zingah thurawn han inpe leh chuang tur kan awm lo ve :))

Nge, i luck zia mi(sual) ho zingah i rawn show mai mai??

Nge, mi(sual) ho zingah nang anga duhthlan tur pawh hmu zo lo kan tam zia hriat i tum zawk?
[Report abuse]
47
keimah Says:
March 25th, 2010 at 1:39 pm
@kawlhawk, An pahnih hian han khaikhin vang vang la, hetiangin:
1. Thlasik khawvawh zual zan lai pelh vela nau zun leh ek buaipui turin tunge tling zawk ang?

2. An zing tho hmai phih hmain tu hmel nge hmuh nuam zawk ang?

3. I dam loh ni khuain tunge duat zawk ang che?

4. Kristian chhungkaw dinpui atan tunge thlanawm zawk ang?

5. Lalpa hriatna kawnga fate zirtir turin tunge tha zawk ang?

6. Khawvelah hian dinhmun chhe tawpkhawk lo tawk ta la, chumi hun thlenga hmangaih tlat tur che tunge ni zawk ang?

7. A tawpberah chuan thinlung zawng zawng hretu Pathian hi rawn ngei la, keini Misual ho ai mahin a rintlak zawk ka ring!
[Report abuse]
48
Bamboo Says:
March 25th, 2010 at 1:45 pm
Mambawihi tih hming hrim2 hi chu nalh k ti, an zaidam,nunnem duh hle zel Hmangaihna poh an ngah duh bik riau. An zuna uai a na…… vawng2. Ka hrethiam ltk che i then theilo pawh hi.! A chiang reng a lwm i hmangaih ani kha. Nei hmiah rawh, Jennifer-i cu hnung lama thil awm ang ah dah la theinghilh daih rawh..!
[Report abuse]
49
shailendra Says:
March 25th, 2010 at 1:48 pm
keimah thurawn #47 chu a va han tha em ve le… harh zawk zawkna tur a awm tlat mai. Tlangval nupui neitur tan chuan khing points te khi hman tangkai ngei chi a nih hlawm khi…
[Report abuse]
50
caribou Says:
March 25th, 2010 at 1:58 pm
Comment ava lo tam hman ve le.
@Kawlhawk: I nu leh pa hmusittu chu enga tan nge maw i tih le? Buaipui tlak pawh ani lo. In inkar kha “chhu chat” nghal mai rawh.
[Report abuse]

51
kawlhawk Says:
March 25th, 2010 at 2:00 pm
Pu keimah #7 khian min hmin viau lawka, mahse…
[Report abuse]
52
zuala12 Says:
March 25th, 2010 at 2:04 pm
@Kawlhawkte: Duhthlan tur hrelo leh awmngaihna hrelo hian nangmah te hian i lo chat thla bel ange aw,thu fahrah te te misual a rawn chhawp chhuak tu tur i awmlo palh hlauh ange..
[Report abuse]
53
zuala12 Says:
March 25th, 2010 at 2:05 pm
@Kawlhawk:Jenniferi khi thlang zawk mai rawh a jei rapthlak lutuk.Hman zan pawh ka ‘englo’ laiin a duh zia che a sawi suam suam kha..hahaaaa Fiamthu awm rawhse Pu Hawla a lal ber..
[Report abuse]
54
shailendra Says:
March 25th, 2010 at 2:09 pm
sass sawiah hi chuan kan lo in thurual ber mai a lo nih hi a.
[Report abuse]
55
Ruatmawia Says:
March 25th, 2010 at 2:09 pm
@Kawlhawk: Arab Muslim tamna lamah an pahnih khian pem pui mai rawh, Hamara Desh ah chuan Voter ID turin an pahnih a neih a rem bawk silo, chuvangin i rilru a buai a nih kha. Nupui pahnih han kawp mai pawh Baktawng lamah i pemte a nih loh chuan a pakhat zawk zawk i hnawl phal hmel loh em mai.
A nih loh chuan an pahnih khian min han lenpui chhin phawt la, a thalo zawk i tih chu ka lo chang ve mai i phal chuan kan lo chang ang e.
[Report abuse]
56
Irreplaceable Says:
March 25th, 2010 at 2:14 pm
Awi, thianpa kawlhawkte-a chu duhthlang thei dinhmunah i lo ding leh ta reng ani maw?

Pu Keimah ngaihdan atanga ka conclusion ‘kan hmangaih aiin min hmangaihtu an pawimawh’.
[Report abuse]
57
Diktea_Pa Says:
March 25th, 2010 at 2:15 pm
Hei lai chu “Kerh Kerh chung paw’n ka vâi bik chuang lo!” tihna a ni thei em :?: @kawlhawk chu lo nula mi riau a ni maw :?: NOI – Thu in phum tam tak ka hmu e.

“Midangte thurawn ngaichang kar a, thuthukna chu ka kut a ni” tih a va ngaih hmel ve!
[Report abuse]
58
funny Says:
March 25th, 2010 at 2:15 pm
inva lo chai rawn nasa luih luih ve, chutia nula pahih han tih rawn luai luai techu a
[Report abuse]
59
shailendra Says:
March 25th, 2010 at 2:23 pm
@irre. chu i va ril reuh.

@funny. i zinbo ta vang2 emaw kan lo ti hman dawn a sin le

Hawh u, engtinnge kawlhawk chu kan puih dawn?amah mai chuan thu tawp a siam thei dawn lo. a hran zawng leh mai rawh kan ti dawn emaw ni le?
[Report abuse]
60
funny Says:
March 25th, 2010 at 2:24 pm
mo pasal te chhung tibuai thin tamtak hian an pasal te an thuhnuai dan hi, rilru nat leh inlak sensitive lam zawngin an bei thina, heihi a luhai thlak thei thin viau maithei. chuan a han reia an pasal te an control hun a awm mai thin. engemaw hleka rilru na hma leh rilru natna sawi chhuak thiam hlawrh hlawrh tak hi chu fel viau mahse inneih hunah engtin nge kan awm ang aw…. tih hi ngaihtuah zui ngai tak niin ka hria. ve mey mey ana.
[Report abuse]
61
mzvision Says:
March 25th, 2010 at 2:32 pm
Mambawihi i thlan chuan in nupa in hlim lo thei, a chhan chu i lerh zek dawn in ka hre tlats. Jeniferi nei la chhungte lo inrawlh tir lo la in nupa in hlim chuan a thra mai lo maw? Mahse i chhungte chu an ek thrat thrat maithei thung mahse i lerh viau chuan Jeniferi pawh thisen an pal anga a hmelmawi te a chuai anga, a thatchhiat phei chuan a thrut uih vut vut mai angah i ngei leh zek thei tho bawk.

A tawpah hi chuan hmel hi a lo ni ber lova, min hmangaihtu leh mi taima, min worship deuhtu hi an lo thra nge nge. I lerh phah dawn loh chuan Mambawihi chu nei mai la
[Report abuse]
62
Daffodils Says:
March 25th, 2010 at 2:34 pm
Tupawh thlang la nangman in chhungah ro in rel thiam chuan loh chuan awmzia a awm lo, chhungten fanu fel ve ve a anneih a nia, in inchhungah fanu fel a ni ve a ngem, nangma enkawl dan a zir a ni tawh mai, nakinah mi tihlim tu ber leh mi ti lungngai tu ber i ni te i la ti ve mai ang
[Report abuse]
63
sillyBoy Says:
March 25th, 2010 at 2:41 pm
Jenniferi i thlang rawh i ti fuh mai thei. Thenawmte Arpui dum pawh kan Ar var a nih hi a tingam ang. Mo thar tukah pawh tukverha hawi chhuah pahin, “Khawi chiah hi maw, kan ram chin chu…” ti thei a nih hmel e. :twisted:
[Report abuse]
64
zuala12 Says:
March 25th, 2010 at 2:41 pm
Tak takina Kawlhawkte,i rilru a i duhaisam i rawn pho chhuak hi mi(sual) ho tan chuan a chaia chai tham hial a lo ni mai hian i target i fuh chat niin ka hria.Khawilama bialnu 2 duhthlantur tih vel chu i neih pawh hi ka ring niau love.A theih hram chuan i kum a tam lutuk hma in hmeichhia eng mi pawh nupui atan neih i lo tum ve dawn nia.Tunlaia Pherh mai mai,engti pawha cheibawl hnu ah pawh nau pai thei reng reng lo tur lakah erawh chuan i theih tawpin fimkhur ve kar ang che tih hi i U ka nihna anga ka chah duh che ni tawh mai teh se,ka lawm e.
[Report abuse]
65
Ruatmawia Says:
March 25th, 2010 at 2:42 pm
“I lo heti tih hriat a loneih mak lek tur che hi a nia, Mambawihi zawk kha chu lo nei ila, tiang mai mai hi kan ni tawp lo tur” karah fate kan lo nei ve tawh si, fate fahrah aichuan….!!#3^^??? te hi i ti ve chuai ruih mai ang e.

Thiante u, Kawlhawk buaina hi han chingfel vat vat teh u, ni kan vui liam tak ngial dawn.
[Report abuse]
66
Frost Says:
March 25th, 2010 at 2:44 pm
Kawlhawk, engmah buaina tur a awm loh khi.
An 2 in i hmangaih ve ve a, pakhat in i chhungte a hmangaih a, pakhat in a hmusit in i hria a.. Thlan buai vak a ngai ami.
[Report abuse]
67
Irreplaceable Says:
March 25th, 2010 at 2:51 pm
Ku Shai, Kawlhawktea chu ‘ka zak e’ ah khan a bet nghet tih ka hre chiang a, advice ka pe buai vel peih lo

Phawngpui lawn trip kha engtikah nge khah?
[Report abuse]
68
zualbonez Says:
March 25th, 2010 at 3:04 pm
kawlhawk coin chu i toss tawh m?
[Report abuse]
69
paeia Says:
March 25th, 2010 at 3:05 pm
i duh zawk thlang risk mai rawh. nangman i zir chuan i thlang fuh tho ang.
[Report abuse]
70
shailendra Says:
March 25th, 2010 at 3:28 pm
@irre. #67. jenniferi ang deuh a lo kal a, kan thlir lawk a lawm maw le :twisted:
Phawngpui chu ruah tui han tla phawt se a nawm kan ring deuh maw le, vangvat lian pui pui ri sul sul thei te pawh an awm tawh ang a
[Report abuse]
71
muantea Says:
March 25th, 2010 at 3:32 pm
@kawlhawk chu comment lo thei lova min siam dan i thiam leh hle mai. He thuziak phena ziaktu hian ril tak leh didactic takin mi mamawh i rawn chhawp chhuak a, inneihna hiam fiamthu thawh khum mai chi ni lovin damchhung nun nawm leh hrehawm a hril avanga fimkhur a ngaihzia te i rawn phawrh thiam zet mai.I picture rawn hman dan hian hringnun hi a sir tin atanga i thlir zia pawh a fiah e. Duh ka thlansak thiam lo che. A pathumna awm se Jennifer personality leh Mambawihi zaidamna te, J i hmangaihna leh M in a hmangaihna che la kawpin duh ka thlansak thei mai ang che. M nungchang mahni that thata tha ve ngawt leh mi lawmthu pawh sawi thiam lo, awm chuah chuah ringawtte, J zei lutuk leh inphal zauna piah lama i chhungte a en dante hi ka chek ngeih zawng a ni lo. Nupui hi chu pakhat aia tam a neih theih rualin chhungte erawh a chher chhuah zel theih lawi si lo.
[Report abuse]
72
blackmagicwoman Says:
March 25th, 2010 at 3:32 pm
LPi nei mai rawh!!!
[Report abuse]
73
Irreplaceable Says:
March 25th, 2010 at 3:41 pm
Ku Shai: Ewww…inti pa taka lo zui ve che u ka tum ve ran ania aw. Ruah sur hma ka nan hmel si loha, a sur zawh vek hnu lamah lo plan leh teh. Vangvat zingah zawng ka tre nasa awm chel chul em mai

Mamboihi chu nei se, Jenniferi nen chuan affair nei mai rawh se Kawlhawktea chuan
[Report abuse]
74
evergreen Says:
March 25th, 2010 at 3:41 pm
“kan hmangaih aiin min hmangaihtu an pawimawh” a opposite chiah ka ni e. “Ka hmangaih em?” tih hi a pawimawh zawkin ka hria
[Report abuse]
75
chawnghilh Says:
March 25th, 2010 at 3:46 pm
Robot an ni lo ve ve a. Nangmah duhtu che an nih rual rualin INTHIK THEI an ni ve ve tho. Hetia to ta lua emaw nia i inhriat lai hian, mi tlangkam a chhe lam hre ve thei an ni a, an ban ve ve thei tho che tih hre ta che.

A tlangpuithuin, tlangval kum 30 chin, la leng zuai zuai hi chuan eng cheng vak in ngah lo, nula rimnaa BATA pheikhawk tloziate hi in va sawi duah lehpek ang e.

Tleipuii pawh, an pa a tar lutuk. An titi a inrual lo. An pain Lushai Chiefs leh District Council kha titi sawi nuam berah a ngai a, Tleipuii lah a tunlai haih haih mai bawk si!

Mi dang zawh chian kual vak a ngai lo, keini duhpui che ai chuan, i chhungten an duhpui zawk che kha thlang fel zawk mai rawh! I muangsual ang e, mo fel ka fate tan kan melh ve reng tho a nia!
[Report abuse]
76
Jennifer Lo Says:
March 25th, 2010 at 3:47 pm
@Bamboo#31, thrianpa Kawla Jenniferi hi chu min tehkhin suh ka phu lo,thuruk ka hrilhru ang che nangmah chauh,ih kan Pa hian Mambawihi ang a min hmuh vang a min nei a nia, hei kum tam anliam chuan Jenniferi chu kanlo ni leh der tho a lawm, Cl-9 kha open matric,BA,MA min zawh tir vek chhangchhe nu nichungin..a tan Miss Right ka nih chuan keima tan pawh Mr Right a ni ve tur a ni bur mai. Phd hi ka zo peih angem aw ka ti mek. :mrgreen:
[Report abuse]
77
Rugga Says:
March 25th, 2010 at 3:51 pm
E he he in comment duhzawng atang chuan in mizia awm ava hriat thin ve leh misual ho hi putar lerh tak tak vek kan lo nih awm hi a…
…tak tak a a tu a poh khian “inchhung chet an peih a, thinrim chang a bensawk pawh a an tlan nazen” dawn loh a an hmel te a chhiat lem loh cuan an tha ve ve, mizia-ah hian chhut vak duh suh Mr.Kawlhawk. Thenkhat chawnsek duh lo tlat te hi an awm a! Khi ka chung a khi LPi ala ti deuh deuh nia i lerh zek mai dawn…
[Report abuse]
78
kawlhawk Says:
March 25th, 2010 at 3:54 pm
Tuntum zet chu Kawmen a ngaihnawm tlangin ngaihtuahna ti kal thui thei tak tak a va tam em! Lawmthu… Lawmthu… Lawmthu… tiin ka au chiam mai dawn! Miss Irre, Pu Shaia hnungzui tur chuan ‘Awi’ tih duai2 a chi loh a nia. I patil thei lo a nih pawhin inla ‘Pa’ hrak rawh.
[Report abuse]
79
shailendra Says:
March 25th, 2010 at 4:16 pm
@irre. Ni e, ruah tuihul deuh hun ah, kawlhawka mo thar hruaiin kan plan dawn nia.
[Report abuse]
80
badboy Says:
March 25th, 2010 at 4:35 pm
Kawlhawk hi sap tawng in enge min lo hrilh teh u a
[Report abuse]
81
zualbonez Says:
March 25th, 2010 at 4:37 pm
@ badboy…burmese eagle
[Report abuse]
82
Treka Says:
March 25th, 2010 at 4:41 pm
A tu a pawh i la mutpui lo turah ngai i la. M-i te ang leh zual hi chu sex hmanpui hnua tlansan a chi lo nia. Nupui tura ngaihtuana i sen ang bawk hian ‘PA’ berh ni tura thil pawimawh tamtak te hi zir chhuak tum ang che. Jennifer-i hi i duhzawk niin ka hria a amah hi nei la nuam i ti fe zawk ang. Mahse i chhungte a hmusit ru nia i hriat hnu pawn awmdan tha zawk tur i hrilh thu i sawi lang lo erawh hi chuan ngaihtuana i ti thui e… all da best.
[Report abuse]
83
sillyBoy Says:
March 25th, 2010 at 4:42 pm
Pu Chawnghilh i meng rei nge i tho hma?
[Report abuse]
84
badboy Says:
March 25th, 2010 at 4:50 pm
@Zualbonez: ka hre duhtak tak a nia, thil pawihmawh deuh a hman tur a nia, hria kan awm em le
[Report abuse]
85
sillyBoy Says:
March 25th, 2010 at 4:57 pm
Badboy, a Greek tawngin i hre duh tho em? I hmanna tur sawi la ka hrilh ang che auh
[Report abuse]
86
badboy Says:
March 25th, 2010 at 5:05 pm
@SillyBoy: Min hrilh phawtla ka sawi ang
[Report abuse]
87
Jennifer Lo Says:
March 25th, 2010 at 5:11 pm
@Badboy, Pu Buanga Dictionary page 234, Kawl-hawk, the name of species of Horn-bill(other species are va-awk,va-pual)
[Report abuse]
88
badboy Says:
March 25th, 2010 at 5:26 pm
@J.LO: Thanks…. tuideuhin chaw i ei dawn nia
[Report abuse]
89
shailendra Says:
March 25th, 2010 at 5:56 pm
@badboy. Wreathed hornbill. (Rhyticeros undulatus). Vapual leh vahai te pawh hi ‘hornbill’ zingah an tel ve tho bawk. Kawlhawk a bialnu te chu i hrilh duh em ni?
[Report abuse]
90
badboy Says:
March 25th, 2010 at 6:12 pm
@Pu shai: hehehe ka hre tawh e .thanks… nakinah ka hriat duhna chhan chu kala hrilh ang che
[Report abuse]
91
swiftymcvay Says:
March 25th, 2010 at 6:19 pm
Ekhai……i ron ziah danah hi chuan mamboihi khi nupui atan chuan i duh zok tih ka hria e…..

I thlang dik ang….
[Report abuse]
92
RosangaD Says:
March 25th, 2010 at 6:23 pm
Mizo thawnthu tiah tiah, hausa deuh, zirsang deuh mahse nungchang thalo leh rethei lehkha zirna tur pawh neilo fel deuh si rawn awmkawp dun vel hi
[Report abuse]
93
kawlhawk Says:
March 25th, 2010 at 6:32 pm
swiftymcvay,
A nia mawnile? Jeny ka hmangaih zia leh mihring tak ph a ka it zia ka sawia, mambawihi erawh a fel chit-chet ani. A nun tha bawk si…

Vala Lû a hai! :roll:

RosangaD,
Mizo thawnthu mai a ni lo, it’s true…!
[Report abuse]
94
Teleptuama Says:
March 25th, 2010 at 6:41 pm
47#keimah khian a sawidik lutuk,Avahan r0pui rapthlak ve , mampuii khi neila, lehkha a zir chhunzawm leh mai anga chuan atawk mailo ami…
[Report abuse]
95
shailendra Says:
March 25th, 2010 at 7:12 pm
he thu hi real a nih ka ring ru deuh tlat. tin, jenny khi a demanding ka va han ring ru deuh. kawlhawk i sawi tlang lo na chu a demanding/ngaihtuah ngai riau a nih duh hmel riau in ka ring. M-i erawh khi chu midamg tih buai hreh deuh in, luna fek fek ringawt te pawh a ngawihpui mai mai ka va ring. Human psychologist chu ka ni lo a nia aw…
[Report abuse]
96
rdchhangte Says:
March 25th, 2010 at 7:32 pm
a tlem em mai a, pa hnih chauh mai an nia, thurawn han inpek na chiah pawh ka ngai chiahlo e a…..,i duh zawk zawk khi thlang mai rawh,,,, mahni hian duhzawk hi chu kan hre nge nge a nia.
[Report abuse]
97
Jennifer Lo Says:
March 25th, 2010 at 7:46 pm
Tunlaiah khawpui a seilian te hi chu zirhniam vangin anmawl ngawtlo, pianpui BA/MA neih hi awm a nia,nula officer lehkhathiam chut tak te ai a milian leh te zingah pawh zahpuiawmlo zawk tur antam.
Thrianpa Kawl, MAHSE..pawi ber mai chu i Mambawihi hi chu MA/Doctor/engineer pawhnise Jenniferi chu a tluk chuang dawn tlat lo hi a ni..”..mi han kawm seuh seuh emaw han tih lawm a inlak fel/polite vel emaw pawh tum lem lo..”tih hian a hril zo vek :mrgreen:
[Report abuse]
98
shailendra Says:
March 25th, 2010 at 8:26 pm
mambawihi chu a chut deuh em ni, kawlhawk?
[Report abuse]
99
kawlhawk Says:
March 25th, 2010 at 9:24 pm
Pu Shai,
Mambawihi maw? Chut lo e! A mizia hrim2 hi mi inkiltawih leh ngawichawi a nia, Chut/Mawl ang chi chu ani hoh lo. He mikawngah na3 chuan jennifer hi a tluk thlawt lo. Chutih rualin jenny inla zei/ engemaw vel lutuk erawh ninawm lamah a kal lek2 thina, thu ho te2, thu te sep nenlama duat leh ngaihsak phut deuha rawn pangchhan a ching. Hei hi a mah min ngaihzual tirtu a nih rualin khuareiah ram kang thelh loh ang maia chhiatna thlen thei leh khuahkhirh theih loh khawpa min ti buaitu ani thei ang em aw… ka ti. A hmel leh pumrua, tituai erawh a nalh a ni… ka’n ti hram ang e.
[Report abuse]
100
Irreplaceable Says:
March 25th, 2010 at 9:35 pm
Arm Wrestling-a a chak zawk2 thlang tawh mai rawh
[Report abuse]
101
chawnghilh Says:
March 25th, 2010 at 9:53 pm
Mambawihi VRS Jennifer.

An inZo hleihin an inSap hleih tiah tiah! Mizo zaih chu thlang teh, sap nial nual ten lutuk ka nih hi! Lushai Chhokra tan pawh Mizo lanu nge nge a ni —sap ngaizawng, live together chu a ngaisang lo khawp!
[Report abuse]
102
Jennifer Lo Says:
March 25th, 2010 at 9:54 pm
Kawlbawih,Vahrit i duh leh Chepa thlang law law la, tih ang deuh a ni Mambawihi han sawisel sak chuan i rilru chu a na deuh si chu ni maw.. i Jenniferi pawh hi MA fing tak chu a ni bik hauh lo, i nu leh pa hmusit a i hria pawh hi a nihna takah chuan i attention an inchuh mai2 nilo maw? i chhungte pawh hian anduhloh em em vang niloin nang anfapa mal attention anlak atrang a inneih hma hauh pawh a pawtpeng tak2 theitu awmchhun a nih vang mai2 in an welcome lo anga i Jenni hian a hre ve si a ngei ve deuh a ni lo maw? nula hawizau MA fel si ah chuan chu te mai2 chu hrethiam a nangma full attention bakah ama full attention nena han vur hnawk nachang hreve tur chu a ni.. an hmuhloh liamah i full attention chu a dawng zantin awm tho sia :mrgreen:
[Report abuse]
103
awmawmpuia Says:
March 25th, 2010 at 9:56 pm
Jennifer, awii, ka bialnu hlui hming ngat. Ka thlang zawk mai teh ang kei chu sap hming nei zawk hi.
[Report abuse]
104
shailendra Says:
March 25th, 2010 at 9:59 pm
irre. arm wretling ber kher. i khel thin ni maw :roll:
pangchan thiam viau hi chuan advantage atana lak a awl ngawt ang a. duat laklawh tawh han duat loh thut lah hi a har tawh si a. neih tur chu risk top mai teh…
[Report abuse]
105
kawlhawk Says:
March 25th, 2010 at 10:01 pm
#101 pu chawnghilh, :roll:

#102 jennifer lo, i hmingpui i tan, a thlavang i hauh!

#103 awmawmpui,
[Report abuse]
106
chawnghilh Says:
March 25th, 2010 at 10:03 pm
@shailendra : Irre-i pheikhawk addidas, XaiA rawn tarlan sek hi ka thlir vang vangin INDIAN ARM-WRESTLING-a champion thuak a nih ka ring khrim khrims!

Irre-i pheikhawk khan SIAI a hmu lo ve lutuk a, midum-pangpar nuai-sawm hi boot-polish tha lutuk a ni tih hrilh hre teh!
[Report abuse]
107
R.Lalropuia Says:
March 25th, 2010 at 10:05 pm
Neikawp tawp mai teh ka ti….
[Report abuse]
108
Jaspi Says:
March 25th, 2010 at 10:13 pm
#kawlhawk,
A Virgin jok jok thlang mai rawh!
[Report abuse]
109
muantea Says:
March 25th, 2010 at 10:34 pm
@jaspi #108: Chu tak chu alawm buaithlak..virgin hi hmeichhe chalah a inziak si lova, engtinnge kawlhawk hian a hriat tehlul ang :roll:
[Report abuse]
110
chawnghilh Says:
March 25th, 2010 at 10:36 pm
Min test-chhintîr mai rawh se, “Tea” pawh tester an awm ziah!
[Report abuse]
111
Jaspi Says:
March 25th, 2010 at 10:40 pm
Mahse, kawlhawk hian a test ngun tawh hmel a thu kalhmang atang hian..! Han in puang duh se la chuan….
[Report abuse]
112
chawnghilh Says:
March 25th, 2010 at 11:00 pm
Test chhin tih hi hrilhfiah a ngai — forensic leh CBI Mizoram chuan kan ngaisang hret!
[Report abuse]
113
Jaspi Says:
March 25th, 2010 at 11:04 pm
ka OT dawn,
Virgin leh Virgin lo hi tehdan vak a awm lo. Medical lam ah tih loh chuan. An hmel leh pianhmang en mai hian a hriat theih loh tlat.
Hmanlai China leh Japan ho Virgin test dan hi a mak ang reng hle. Vaki hi a nung lai ngei in, a taksa an zei pem a. Chu Vaki thisen chu, nula kut (mar phu kan deh na thin) ah hian an far tir kauh a. Virgin kut ah chuan Vaki thisen chu a hlawm tep a, a pherh miah lo. Virgin lo kut ah erawh chuan, a pherh or a sir lamah a luang thin….! Mak ve tak chu ni, ka la test lo na a..!
[Report abuse]
114
drake Says:
March 25th, 2010 at 11:05 pm
i englo pawh ala kawh thei em ni @Kawlhawk? post mak thei riau mai a!! Val lai kham lo pawh i ang ta riau……
[Report abuse]
115
muantea Says:
March 25th, 2010 at 11:12 pm
@jaspi: ‘pa sul hnu leh lawng sulhnu a hriat love’ an tih kha. Medical lam pawh hian englo penetration vang nge sports lam/ accident tawh vang? tih pawh an thliar hrang thei dawn emaw ni le?
[Report abuse]
116
chawnghilh Says:
March 25th, 2010 at 11:12 pm
@kawlhawk : Thlan tur i hriat loh chuan, pawi ka ti lo ve.
[Report abuse]
117
Puii Says:
March 25th, 2010 at 11:14 pm
kawlhawk chu a fiamthu nge a ti tak? misualho hi min bawl em ni aw?

ka hmuh danin kawlhawk hi nu leh pa thuawi lem lo tak anih hmel….

a chhan chu a nu leh pa duhzawng tur mo chu a hre hle si,neih a hreh tlat..
mahse fapa sual lo tak chu nih hmel… a duh leh hmangaih tak pawh ama thu chuan a nei ngam thrak si lo.

Tin, tlangval rih a la chak aniang…. tu zawk nge tha ang te a la ti rih mai mai a…. duh tak tak leh hmangaih tak tak a hmuh chuan tumah rawn an ngaiin ka ring lo ve

chuvangin thurawn kan pe ve lawk…. Tirhkoh Paula chuan duh apiang a neih theih, mahse Lalpaa awm mi an ni tur a ni a tih kha mawle
[Report abuse]
118
Jaspi Says:
March 25th, 2010 at 11:22 pm
#115 Muante
Spot leh thildang accident vang a hamda lo chat palh leh, mipa nen awmtlang vanga hamda lo chat hi a hriat hran theih lutuk tlat.
Mahse, Mizo mipa tamtak chuan, “a thi lo va, a virgin lo niang” kan ti tawp thin a. Heihi a dik lo. Spot or thildang vanga, hamda a lo chah palh chuan a thi hran lo. Hei hi kan ngaihdan dik lo tak chu a ni.

Lady Diana kha Royal Family mo nitur khan, a Virgin leh gin loh Doctor in an test hmak…! Prince nupui ni tur pawh hian Virgin ngat a ngai a nia Oh..! Lady Diana Virgin leh gin loh test tu Doctor kha mipa nge hmeichhia aw :roll:
[Report abuse]
119
shailendra Says:
March 25th, 2010 at 11:28 pm
jaspi. a va tha reuh. kawlhawk hian a thlang fel diam toh a niang a, a reh ta daih mai…
[Report abuse]
120
Jaspi Says:
March 25th, 2010 at 11:28 pm
#117 Puii
Diktak chuan kei pawn Kawlhawk hian Misual ho hi min bawl kual vel mai mai ni in ka hria. Kumthar lampanga a post ah lah khan, “ka fate ai mi fate exam ti tha, ka lawmpui thei lo” a tia. A duh duh hian misual.commers ho hi min ti kual vel mai mai. Tunah, a nupui tur a rawn thlan tir leh a, nakin ah chuan a tlangval lai chanchin a rawn sawi leh tho vang. Min bawl kual vel mai mai lawm…! dawt a nih pawh ka ring lo…no offence :evil:
[Report abuse]
121
PimPom Says:
March 25th, 2010 at 11:34 pm
A engpawh nise, i hmangaih elh i it zawk kha thlang mai teh. Nupuite hi kumkhuaa kan bula mu thin tur an ni a, it zawng ngei neih hi a tha. Ka thurawn che hi pawm la i inchhir ngailo ber ang. Kei pawh ka la inchhirlo tun thleng hi chuan, Pian nalh leh tisen no chek mai kan bula an han mut thawk sek sek mai hi chuan thla a muang thin teh a nia..
[Report abuse]
122
shailendra Says:
March 25th, 2010 at 11:46 pm
jaspi, a ni dawn tak i han sawi takah chuan. kum tir a a fa te chungchang kan khel vak pawh kha a fate tan tak tak tur a lo ni ngei thei tlat mai a… mahse ka hlawkpui tho mai. Tunah pawh hian zawnglai ten hlawkpuina tur chhar tur a awm ngei ka va beisei. Ani ber lo in kai kual duah pawh ni makse…. Ti raw…
[Report abuse]
123
hamlet Says:
March 25th, 2010 at 11:51 pm
Same Problem Here:

@Kawlhawk: Mahse nu leh pa duhzawng ngei hi a thaberin ka hria, kan ngaihtuah chian hian…..
[Report abuse]
124
Maisek Says:
March 26th, 2010 at 12:32 am
Kawlhawk, thu i thiam hle mai! Chhiartute leh comment petu te tan pawh a thurawn pek harsa khawpa debate topic tha tak i rawn chhawp chhuak thei hi ka fak mawlh mawlh a che! Keep it up Man!
[Report abuse]
125
shailendra Says:
March 26th, 2010 at 7:53 am
kawlhawk, ti chuan i thianpa chuan a thlan tur zawk chu a hriat tawh ngei ka beisei e. Thian te tan chuan i lo va hlu tak em ! (aman a sawi hreh si a, lawmthu ka lo sawi sak ta mai ang e…) :twisted:
[Report abuse]
126
funny Says:
March 26th, 2010 at 10:27 am
Jenifer-i hi thlang suh inti ngawt a hetiang hmeichhia hi tawn fuh tawh laklawh chuan tal chhuah hi a har duh zek ania. hairehai
[Report abuse]
127
me_myself_n_I Says:
March 27th, 2010 at 7:37 am
äi nupui tur a nia nangmah khan i hre ber ang… i confuse hle mai.. jennifer laka i feeling kha love nge lust.. to me its more lust(jst my opinion) mamboih i hi i hmangaih tih ka soi thei cuang lo.. never compare anyone… i chhungte, qualificatn,looks, etc.. dah bo vek la.. listen to ur heart n then follow it… mamboihi leh jennifer i kha han thlak thlng chhin teh.. ticuan tunge i hmangaih cu inzot la.. i hmangaih tak chu thlang teh le…. i hmangaih tak eroh cu i lo nei daih toh emo.. i lo la nei miah lo poh a ni thei sin.. tongtai la,.. Pathian in a pe ang che.. BEST OF LUCK
[Report abuse]
128
littlerascal Says:
March 27th, 2010 at 4:01 pm
#81 zualbonez….. burmese eagle LOLZZZ

kawlhawk nupui ah neilo ve ve mai rawh, nei hleilo nghei hleilo khan awm mai roh, Coin vawr mai roh tihlahin i duh hmel siloh a
[Report abuse]