Ka post hmasa lamah Sub Pakunga chanchin tlem kan tarlang tawh a, A sipai ban hnu lam a Mizoram tan a beih nasat zia tlem I lo tarlang leh teh ang.
Indopui II na a Sub Pakungate chet that dan chuan Sipai hotu liante beng a thleng ve phak lo mah se, Bawrhsap Mcdonald chuan a lo hre hle mai a, lawman atan chieftainship pek a tum ta a ni. Sub Pakungate hotu lu ber Col.Bowman hi Thingpui huan Sap thin, emergency thila training leh rank peka thawk ve mai anih avangin sipai chinchang a hre thui vak lo va. An hnathawh thatte chu “Hengte hi chu sipai hna ve reng a ni” a ti thin a.
Indopui II zawh hnua a rank puite nen an inhmu khawm chu a inchhir ve viau aniang. A thiante’n V.C leh M.C an bel fur hlawm mai si a le, a hote Sub Pakungate hna thawh that leh huaisen zia report a lo pe ve lo chu pawi a ti hle a, an zinga mi khan V.C emaw M.C emaw hmu an awm chuan amah pawhin automatic-in a hmu dawn tihna a lo ni reng si a, a mittui a tla hial a ni.
Hun remchang dangah Sub Pakunga chanchin hi a sipai tan chhung nen la rawn ziak zawk ila a tha ang. Thenkhatin sei kan tih theih em kha maw. A sipai tan dan ringawt pawh hi nileng pum ti ti nan hman tham a sei leh ngaihnawm a ni.
Hetih hunlai hian Mimbung, Kawnpui leh Goboicherra ram lalte chu an chunga sawrkar a lungawi loh avangin an lalna tihtawpsaka ban an ni a. Chung ram pathumte zinga a duh ber chu awp turin Bawrhsap chuan Sub. Pakunga chu a ti ani. Mahse, Goboicherra ram thenawm Hriphaw lal Pu. Hrangchhunga, Sub.Pakunga u chu a thi ta hlauh mai a. A aiawh tur fapa kum tling a la neih loh avangin Sub.Pakunga chuan a u ram chu a awpsak a lo ngai ta bawk a, kawp remchang Goboicherra ram chu a thlang ta a ni. Subedar Major kum hnih hnu lawka kai chu a thlahlel lo ta zawk a ni.
Goboicherra ramte hi border-a awm, Cachar ram nena inngheng a ni a. Chuvangin Cachar Forest Department hotute nen pawh ram ri thuah an buai fo thin a ni. Pu Pakunga lala a zuk thut hnu hian Mizoram kulh ngheh nan Cachar ramri bul hnai, Lushaicherra leh New Kolalian-ah khaw thar a siam a. Chu chu ngai thei lovin Cachar Forest hotute chuan kan ram in tichhia tiin an buhte rawn sam thluk sakin an thlamte Sai an pawh chhiattir thin a. Mahse, a zam chuang lo !
Kum 1950 khan Forest hotute thinrim chuan an Saite leh Police section khat hruaiin Pu Pakunga chu vau dai tur leh a tul dan azira kutkawl pawh buntir nghal turin an thawk chhuak a. Hriphaw tlangah lawn chhovin Hriphaw lal in chu an hual ta rup mai a. Hriphaw lal chu a awmna a kilkhawr avangin mimawlmang vau zam theih mai torah an ngai a, an zuam hle a. Intihlauhawm tak chungin Hriphaw lalin kawngkhar chu kik pawh kik hmasa lovin an pawt hawng thuai a, an luhchilh ta a.
Hriphaw lal chuan hawihawm taka biain a lo dawngsawng a, mahse anni chuan chang khal mai hian, “Kan pawi khawih thintute mawh phurtu hi I ni em? I nih chuan I chunga action la turin kan lo kal a ni tih hria ang che,” an han ti bung ta nghat mai a. Hriphaw lal chuan, “Chutia hotu leh hotu kan inbiak dawn chuan hmelma pawh kan nil lova, in pistol paite kha dawhkanah hian dah ula, tin, in police leh Forest Guard in rawn hruaite pawh hi ka in atanga yard 100-a hlaah dah hmasa vek ula,” atiin a han ngen a. Mahse a ngenna chu an ngaipawimawh lo nasa mai a.
Chutah leh, Hriphaw lal chuan, “In pistol-te in dah dawn lohva, in police-te in dah kian dawn loh chuan kei paw’n ka pistol ka pai ve ang a, min veng turin ka khaw tlangvalte ka ko khawm ve mai ang,” a ti vet a a. A pistol .36 German siam phek thlep thlawp, mu 8 thun theihna (<9mm Luger) a pai a, a tlangau chu tlangvalte au khawm turin a ti vet a nghal a. Rei lo teah chuan tlangvalho chu an khuaa silai awm zawng zawng rawn lek chhuakin an lo thleng vet a a.
Tlangvalho lo thlen hma deuh chuan Police Officer chuan Hriphaw lal chu, “I pistol kha man sak thei che kan ni tih I hria em” tiin a’n vau leh a. Hriphaw lal chuan, “ Officer naupang te I nih hi, chutiangin min vau reng reng suh. Kei chu Japan silaimu leng vel hnuaiah kum 3 chhung lo tal tawh ka nih hi. Ka lalna pawh hi indonaa ka thawh that vanga sawrkar min pek a ni a, ka pistol hi ka inven nana sawrkar phalna a lei ka ni. Nangni junior officer, compulsory pension nge, eng pension-in nge in hna hi in kalsan dawn pawh la hriat lohvin kei retired pension-a service chhuahsantu hi zah der nachang pawh in hriat loh chuan officer a tak I ni ang,” a ti vet a thung a.
Amah veng tura a khaw tlangval lo fuankhawmte chu a in atanga yard 100-a hlaa lo awm turin a hrilh a, an tawlh hla ta a. Thu awih taka an awm avang chuan Forest Officer-te leh Police Officer-te pawh chuan an sipaite chu an tawlh hlattir veta a. Hriphaw lal chuan, “Tunah chuan in mi zawhna kha kan chhang tawh ang che u,” ti chungin Mcdonald Sap pek Mizoram Map tha deuh mai, han thleh a lehkhabu te tak te, han pharha hlai tha tak mai, Mizoram chhunga khua leh lui tlang zawng zawngte chuanna (Topo Map) chu a han phawrh a. “Hei hi Mizoram Official Map, British Sawrkarin a siam a ni a, han en ula, ka khua leh tui te hian in pawi an khawih lo a ni.
Tun chinah chuan hei hi hria ula, helai ram mawh phur tur hian sawrkarin min dah a, chuvang chuan in mite hian ka khua leh tuite hi vauin an thlawhhmate tihchhiatsak tawh suh se, a tul phawt chuan kei, anmahni thu petu leh an mawh phurtu hian ka tuar zawk tur a ni,” tiin a han hrilh a. Pu Pakunga hi palian, hleitling, awki tha leh an mahni ai maha hindi thiam a lo nih lehzel avangin vau beh leh kutkawl buntir mai chi niin an hre ta lova, an kir leh ta a. Chumi hnu chuan invau, buh sam thluk leh thlam Sai pawhthiahtir tih angreng chu hriat a ni zui ta lo a ni.
[Source : Zo Hmahruai Sub. Pakunga Chanchin by P.S.Chawngthu]
Similar Posts:
- Kum 16 mi pistol nen man
- Zamuang khawtlangin Zawlnuam Police Out Post Luhchhuah tum.
- HPC D nia rin mi 2 leh ralthuam man a ni
- Enge Aiting chu?
- Assam, Mizoram in new border tiff
April 18th, 2011 at 9:34 pm
chhiar ang
Report this comment
April 18th, 2011 at 9:35 pm
British army a tang anih chuan Victoria Cross hmu hial tlak ani elo?
Report this comment
April 18th, 2011 at 9:36 pm
Eulogy deuh type me??
Report this comment
April 18th, 2011 at 9:46 pm
ngaihnawm dawn hi le…thingpui in pahin uluk takin kan chhiar teh ang
Report this comment
April 18th, 2011 at 9:52 pm
May Thla-a chhiar atan ka copy e. Ngaihnawm leh viau ang le. Mi chhuanawmte chanchin hian thinlung thar leh ngaihtuahna tha tak tak min siam thin…..
Report this comment
April 18th, 2011 at 9:52 pm
Ka chhiar liam puata; ka nawn leh. A pa hle mai. Rawn belhchhah leh vat teh.
Report this comment
April 18th, 2011 at 9:52 pm
A ngaih nawm in a beng var thlak e.Mission veng Pu FC Nghina kawt a in nei saw e mi aw?
Report this comment
April 18th, 2011 at 10:16 pm
Lalburha nau zu ni ngawt a!
Report this comment
April 18th, 2011 at 10:16 pm
Chhiar ve dawn ang. Aw..naute a harh tlat, a mut leh hunah chhiar leh zawk mai ang
Report this comment
April 18th, 2011 at 11:12 pm
A ngaihnom phian mai. Pa ngaihsanawm tak a nih hi
Report this comment
April 18th, 2011 at 11:13 pm
A chhiar amanhla hle mai.
#7 Sub.Pakunga chu FC Nghina pa niin Tuna Lunglei DC Pi M.Zohmingthangi pu ani e.
Report this comment
April 19th, 2011 at 12:25 am
A ngaihnawm thin mange, rawn contri zel rawh khai.
Kan huaisen neih tehi hotu lam hriat phak loh anni zel mai si ale, ngaihtuah thiam chin a awmin ka hria. Lushai Scouts ho pawh kha che tha in an huai zia sawiin hriat ni thin mahse, hotu te beng a thleng thui lo leh thin, pawi thin tak a ni.
Mizo huaisen aiin Gorkhali huaisen hian khawvel a fan hneh zawk zel mai.
Report this comment
April 19th, 2011 at 12:28 am
a va han ngaihnawm em aw! Ka kham lo,ron tichhuak leh rawh,a dang
Report this comment
April 19th, 2011 at 1:13 am
Hei, la edit tura ka tih ka lo click palh a niang a, MSWord auto correct-in a lo tih danglam ka la edit hman loh a awm nual mai. Min lo hrethiam dawn nia. Chhiar a hahthlak viau mai thei.
Report this comment
April 19th, 2011 at 1:39 am
Cachar ramri buai tih lai vela ka rilrua post chak deuh ka thlan chhuah a nia.
@Xaia, ni e…F.C.Nghina pa a nia. An chawimawi thiam lo ka ti asin aw……! mahse Hriphaw V.C-hovin a chanchin an ziahah kha chuan an ngaisang hle tih a hriat a! Kei paw’n Lushaicherra hi a ma din tih ka lo hre lawk bik lo !
Report this comment
April 19th, 2011 at 1:59 am
Lushai-er hi i han phawrh tha thei thin hle mai! A ngaihnawm lutuk, sei deuh deuh in han post zel teh.
Report this comment
April 19th, 2011 at 2:28 am
@elcee : Kan mizia a hrang angin kan duhdan pawh a hrang nuai thin si a. Sei deuh deuhva post hi a inthlahrun thlak khawwp mai.Post zing deuh zawk ila han tih lah hian a post-tu nick kham deuh deuh pawh kan awm ta ve ang.
misual.commer junior lam, material nei em em lo te ta’n thahnem ka ngaih vang pakhat a ni a. Hranghlui mual liam tawhte thangtharin an chanchin kan hriat zui tak lem loh leh an tu leh fate engmah ngaihtuah lo ka hmuh chang hi chuan an pamhmai ka ti ve thin. Ka la rawn post zel ang, mahse Aizawla ka Hdd pahnih a lo crash a, data kan retrive thei tawh si lova, ka article collection zawng zawng a bo tel vek erawh ka rilru a na khawp mai.
Report this comment
April 19th, 2011 at 2:42 am
#3, @Chtr:”Eulogy deuh type me??”
I ngaih dan dan a ni mai. Kei chuan thangtharte’n a chanchin kan hriat zui loh zia ka hriat hian an thlarau a zahawm ka ti deuh thin.
Tripura Reng lalin “Tlawng thlang zawng hi ka ram tia a rawn chuh pawh khan Pu Pakunga hi Raja be tur hian a kal vang vang a, Mizote ram anih zia a zuk hrilhfiah e an ti thin
A tunu pakhat MCS, senior Gr. phei chuan a Pu hi Subedar hmasaber tih a hre reng reng lo nia ! Lal ban an nih te khan lal tam takin chhawmdawlna an pawm lai khan, fathang an chhutsak danah a lungawi lova, a la ve duh reng reng lo!
Report this comment
April 19th, 2011 at 2:48 am
khipa ai chuan ‘Simo Hayha’ a ‘bon’ zawk
for more information.. https://Www.google .com
Report this comment
April 19th, 2011 at 3:56 am
@17! Chhiartute in ang lo mah i la hetiang thu ro tling ang chi te hi chu post in thlahrunna chi ni in ka hre lo! A peih lo chuan chhiar lo mai se, post- tu nick ning ru an lo awm a nih pawh in a post thin a zir pawh a ni mahna! Mipui an thuhmun fo thei lo an tih kha! Mi thenkhat nin hlauh vang a thu tha tak tak post loh phah chu a tha dawn em ni?
Report this comment
April 19th, 2011 at 4:07 am
En a a sei hmel aiin chhiar chhung a rei lo hle mai. Naktuk chu Kolasib ramah peih chuan zuk kal leh tur a ni!
Report this comment
April 19th, 2011 at 4:12 am
Nia conrti zel teh u khai
Report this comment
April 19th, 2011 at 2:08 pm
Sawrkar hna ka thawh hlimin khulai area ah khuan ka zuk tal ve nasa mai – Lushaicherra te pohin hming thar a lo nei ta, chutiang zelin Gboi te poh khuan hming thar a nei mahna. Hetiang an kan ram humhlahtute chanchin ngaihthlak hi nuam ka ti hle mai. A chanchin hria chuan han thawh belh zel teh u.
Kan pi leh puten thih huama ram min humhlah sak sa hi kan chan duai duai a anga khawp mai. Thangthar te hian kan ram leh hnam humhalh hi kan veia a tihdan phung leh phai pawh kan thiam a tul ta hle mai.
Thuril post thin tu Lushai_er han thawh bleh zel teh i titha thin hle mai
Report this comment
April 19th, 2011 at 2:35 pm
A ngaihnawm hle mai. Sub. Pakunga hi a titi dan leh a tawngtai dan an sawi ka hre thin a. Mizoram tan huaisen taka hmelma lo hmachhawna kan ram lo humhalhtu a nih thu hi ka lo la hre ngai miah lo.
Contractor/engineer/politician kan ram hmasawnna tur hlepru zo-a, rukruka intihausa, ram hmangaihna nei loho ai chuan a ngaihsanawmin thangtharte tan a entawntlak takzet e.
Report this comment
April 19th, 2011 at 2:45 pm
#23, @mzvision : Lushaicherra kha Thinghlun khua an ti tawhin ka hria. Kolalian erawh hi chu a ram ta niin ka hria, a ram loh paw’n Tuikuk chhung tlemte bak an awm ka ring lo!
Report this comment