mi(sual).com

Pu Thena an vanglaini award a dawng a, van pawh rawng pawl ala ni, rose thenkhat pawh ala sen tho, Ford endeavour pawh ka la duh reng.

Pu Rokunga pawn hla phuah thiam vang in man of…….eng award emaw a dawn kha….a sem tu te thu ni mai rawh se, ka lawm pui e

Vision neih pawh hi Implement tur chuan hun a duh tih kan hria. Pu Thena a vision neih ho hi implement turin Chance a nei rei lo deuh a ni. Lal Thanhawla ten an rawn chhunzawm tha leh duh mang si lo va! Pu Zoramthanga khan Vision a nei mai thei, mahse a vision kha Mau tha chi tih vel bak keini ang duang chuan kan hre pha ve vak lo!

Engpawhnise, Pu Thena vision neih ang tho hi midangte pawhin an neih ka ring. Mahse, hmaa mite hmachhawp chhunzawm duh lohna Politics thing lutuk avangin mite hnungah chaurau ek kan la thai ta mai mai a nih hi!

(MPC ka ni lo. Thil reng reng Party rilrua thlir ching hi kan la tam lutuk a, a hahthlak deuh a ni e!)

MPC dul thep vak vai ho maw …congress dulkiar ho leh MNF tuikuk vawk bial ho nen ka ngaihsang loh dan a inang vel …hu hu hu

aaa mizo thalai zingah an t emawni ka tia 🙂 🙂

Mi state te chuan investment te an buaipui a, industry te, development.. Kan Babutea ve kha chu ee- Mau, sawhthing tih vel kha a buaipui phak ania.. Ram ropui kan thlen a rinawm loh em alawm le.. 🙂
Tin, mihring an peh lawr dan hi hmun hrang hrang represent a ang ka ti mai mai,.eg- Lunglei lam ami pakhat tal a lan loh chuan kan lunglei customer te hi…… tih vel a ang riau. Rev.Dr.H.S.Luaia hi pa ropui tak ni mahse a aia ropui an tam ka ti tlat.. 🙂

Sawisel hi chu nuam kan ti tlang ngawt mai! Mi(sual) tam zawk hi chu thil hre deuh awmtha duhlo ni ta berin ka hria. Hnathawktute lo deuh kual vel tawka thiam leh hria, a taka thawk peih chuang si lo kan tih ang hi kan tam hmel ka ti! NOI 😀 Tumah ka ti lo a nia 😀

On the other hand….tinge kan mi ropui ho hian Vangalaini award vel mai mai hi an accept le… :-[

ka tawng tam dawn tlats…back to work mai teh ang :-[

Sangthankima rawngbawlna hi kan hriatpui a va hun tawh tak em… An hmingin concert te, vehbur te an khawn a, anmahni a thleng leh si lo hi tam tak a awm asin. Ministerte, politician te, zaithiamten kawng hrang hrangin an hmingin pawisa tam tak an ruhsak tawh. He Vanglaini Award hi dawng thei se ka tih tehlul nen.
@keimah, kan mit te hi inang ta thrum mai se nupui tur leh ngaihzawng tur inchuh hian kan insual luih2 anga sin. Pathian siam vek alawm, kan tha tih zawng a dang te chu..
Pu Sangthankim, he award hi dawng lo mahla i rawngbawlsak Lalpa chuan midang ai hian a la chawimawi nasa dawn che tih hi ka va chiang tak em..!!!!

Pu Thena thiltih hi State sawrkhar leh UT sawrkhar tehkhin a ni a, a in ang lo tawp ang le! Rambuai la ni zui… Sum a lo awm tak a hnathawh nghal theih vision a lo nei kha a ropui na! Six basic needs 😛

Pu Sangthankima hi a thawk ropui hem hem lutuk a hetiang lawmman dawng chi a ni lo a niang!

#69, customer an hmuh belh phah an ring vak lo te pawh ni mahna.. 😉

pu awmawmpuia #68: chutin ka ngainep hleinem. Ka ngaihsan nak laia. Mahse a vision bak hi chu a thiltih lam hi an sawi lar teh hiam ngailo em a kati deuh mai mai. An sawi tamloh avangin keipawhin ka hre vaklo ve bawknen ka rawn zawt anih deuh ber khi.

Ka comment hrang hrangte hi chhumbung deuh mah se, amah Pu Thena chanchin kan lo hriat zual deuh nan ka han post ang e..

Document hlui ka hmuh pakhatah chuan 1981 daih tawh khan Lengpui Airport pawh hi a lo nawr daih tawh hi a lo nia. Khatih laia central Civil Aviation minister Khurseed Alam Khan nen pawh a lo inbe zak zak tawh a. A hnuah estimate te siamin Project chu tran a ni dawn ta a, mahse inthlanah PC an tla a, Congress-in hun eng emaw chen an buaipui hnuah Lengpui Airport siam hna chu tran a lo ni ta a ni. Amah Pu Thena chuan central sawrkarah engkim tihfel vek tawh, zangnadawmna leh hnathawk tur thlan fel kha congress ministry hmabak chu a ni a, mahse party mi leh sa tam takin Lengpuiah ram an han leichhawng leh te te a ni awm e,, te pawh a ti. Vision chu a lo nei thui deuh.

A naupan laiin an khaw insual huai ber a ni a, lehkha a han zir a, a thiam thei ber a ni leh a, Sipai a han lut leh a, mizo zingah a a thleng sang leh ber a, Zoram a buai a, a rawn chhuak a, mipui chhanchhuah hna thawk nasa ber a rawn ni leh a, politic ah a lut a, a thleng sang berah a rawn tang leh a, Minister tawh leh MLA tawh zawng zawngte eirukna leh Loan lakdan an chhui leha, a fihlim ber a ni leh a, Minister leh CM tawhte zingah In pawh nei lo leh a rethei berah a han awm tlat mai hi hmingtha chawimawina Nopui hlan a phu hle awm e..

Ama ka ngei atanga ka dawn chu a ni hauh lo va. Mahse a minister hlui pakhat hnen atanga ka hriat chhawn a ni thung a. Kum 2008 inthlan dawn a CM tura beisei, Zoramthanga, Lal Thanhawla, Lalduhawma leh Thenphunga te thil hlu neih chhut saknaah pawh khan Hawla a hausa ber a, a dawta Zoramthanga, a dawta Lalduhawma niin a rethei ber Pu Thena a ni a, cheng nuai 30 bankah neiin Car pakhat chiah a nei. A sipai pension tirha a lei Shillong Motinagar venga mi kha a hralh ta nge, a pension hma hret kha chuan a lei ve ngei. Ka hre zui ta lo.

Tuna an chenna Building, Kanan venga mi hi chu a fapa upa ber Lalsangliana In a ni. Pu Thena te luah flat tak phei hi chu zim ve tak a ni.

Kum 1973-ah Sipai nun chhuahsanin:

Sipaiah kum 32 lai a tan hnu chuan kum 53 mi niin december thla chu a tan Sipai nun chawlhsanna kum a lo ni ta reng mai a. Sipai atan chhunga a nuna pawimawh ber ber nia a hriat te chu: ‘ngaihhlut tur dik enge ni?’ tih te, ‘Mahni hma chu mahniin sut kuak tur’ tih te chu a thupui ber a ni a.

Tin, Sipai ka tan lai hi chuan ka Sipai em em ringawt mai a ni, a ti. Sipai ka tan chhung te ka thlir let hian ka inchhirna tur pakhatmah ka tih ka hre ngai lo va. dawt leh diklo taka thil tih ka neih ka hre ngai bawk lo va. Chungte avang chuan ka rilru chu a hlim a, keimahah pawh lawmna min pe a ni, a ti. Tichuan, kum 1974 January ni 1 chuan pension huna awmna hmun tura a lo ruahman sa Shillong lamah chuan Motor nen an chhungkua chuan an inphur chhuak ta a ni.

Kum 1971 kumah Shillong, Motinagar Vengah ram te tak te, in awm sa nen a lei a, Pension veleh chutah chuan awm tumin a rilru a siam fel a. Tin, kum 1958/59 khan Sorkar atangin building advance Rs.25000 a lo lak lawk sa leh a sum neih sa Rs.2000 a vaiin Rs. 27000 a nei a, hei hian in sak a ni ang a, tin a pension hlawh chu bei tham deuh mah se, an khawsak te tihniamin an awm ve thei mai turah a in ngai bawk a. An In Motinagar venga ‘Evergreen’ ah chuan an khawsa ve ta a ni.

Hetia rim taka a lo thawhna Sipai nun chu chawlh sana, chawlh hahdam a tum ve tawh laiin kohna ring tak mai a dawng ta fo mai a. Chu chu ‘Mizoramah i hnam pui ten, Sipai kut kan tuar nasa ta lutuk, nang i rawn chhuah loh chuan, kan tawrhna hi a na tual tual dawn avangin, i rawn chhuah a ngai a ni’ tiin Chief Secretary lehkha pawh vawi engemaw zat a dawng ta a.

1932 vel khan Lunglei Thuampui khuah Sikul a awm i ring reng reng em ni le?

Khang hunlai khan Lushai Hills (Mizoram) pumpuiah M.E School pahnih chiah a awm. Pakhat chu South Lushai Hills Lunglei Serkawnah a awm a, Pakhat chu North Lushai Hills Aizawlah. Pawl 3 atanga Pawl 6 thleng zir theihna awmchhun a ni, hei aia zirna sang a la awm lo. Chupawh thiam thei fal deuh tan lo phei chuan luh a harsa em em, zirtirtu an indaih loh avang te leh missionary te school a nih avangin thil dangah an hun an pek te a lo ngai ve thin bawk vang a ni thei ang.

Assam Sawkarin Serkawn M.E School leh Aizawl m.E School-a pawl 6 kumtawp exama pakhatna te chu Merit Scholarship thlatin Rs.10 dawngin Mizo naupangten Shillong High Schoola an zir zawm theih nana ruahman a ni. Pu Thena chu Serkawn M.E School atangin pakhatna a ni ta a. Pu Thena hi Sport thei tak a bik takin hockey thiam tak a ni a, mahse pawl 6 a zir chhung hian infiamna a ti ngai lo va, tin english leh mathematic a thiam fal hle nia sawi thin a ni. Amah tak phei chuan Mathematic professor nih a chak ber. Mizoten Pi Zirtiri kan tih thin Mrs.Chapman pawhin lawmpui nan Rs.2 a pe nghe nghe a ni awm e. Tichuan Zoram chhim pumpuiah topper a nih chu.

Kum 1942 ah Indopui 2na avangin zirna chhunzawm theih a ni ta lo va 2nd Lieutenant ah inziak tlingin a zawm nghal a kum 20 chiah a la ni.

Brig. chin hi pension hi a tam vak lo emaw ni le.. amah sawidan chuan Sawrkar hlawh min pek te hi chu kan mamawh leh ei khawp ngawr ngawr a ni a, Sipai atanga ka pension hnu phei chuan kan khawsak pawh a hma aiin kan tihniam dawrh, a ti a. MLA leh CM hlawh kha khang hunlai kha chuan a la tlem hle mai thei a, chutah vua leh vang, chhungkhat laina rethei ve tak tak nei mi an nih phei chuan an tanpui ve thin te pawh a ni thei ang chu. Politics hi dik taka miin a khelh chuan officer emaw sumdawngte aiin an an rethei zawk, an ti thin a. Ka ngaihtuahnaa lo lut ve pakhat chu Clinton kha a ni a. A president laiin a chawlh hnua a thusawia a hlawh an pek hi a tam zawk e, tih te kha news velah ka chhiar fuh tawh a.

Entirnan: kan minister te hian Rs.40000 (Singli) vel kha an hlawh thin ni khan ka hria a, Pu Thena te hunlai phei kha chuan Sing bi an la hlawh tling kher lo thei bawk a. Heng an hlawhte hi an hmanralna awm hluah hluahah chauh hmantir chhin ta ila, thla tawpah chuan an ba lo chauh vel a ni. Han chhug ve chhin teh u.. Kan minister te leh thingtlang lam an mikhual, dam lo leh sawrkar pawisa hman theih chiah lohnaa an zin senso te nen..

Ni e, a khawl mi a ni vak lo a nia nge.. ex-miniter pu KL Lianchia chuan Pu Thena te chu hausa chi an ni lo, an sem chhuak zel alawm.. a tih te pawh min hriatchhuahtir e..

2008 Inthlan dawna Afitdavit-a a landan PRISM (Peoples Right to Information and Development Implementing Society of Mizoram) Lepse-na ah chuan heti hian an ziak a:

Brig. Thenphunga Sailo hi January 1, 1922 khan Lunglei Melkhat Vengah Thuampui lal Vancheuva leh Hrangvungi te fapa niin a lo piang a. Intermidiate of Science a zir laiin sipai officer turin 1942 khan Indian Army ah a lut a, Zofa te zinga sipai officer hmasa ber niin 1960-ah Lt Colonel a kai a, 1963 khan Colonel a kai leh a, 1966-ah Brigadier ah a kai sang a.

Bihar tuilian tuarte chhawmdawlna hna a thawh that avangin AVSM chawimawina pek a ni nghe nghe a, Burma rama a awm laiin Mention-in Despatches chawimawina a dawng bawk. 1974-ah Sipai atanga chawlin Human Rights Committee-ah telin rambuai vanga mipui mangang te thlavang a hauh a, MISA Dan in man ani nghe nghe a. April 17, 1975 khan People’s Conference Party a din a, 1978 UT inthlanpuiah sawrkarin Chief Minister a ni a, 1979-a in thlanah tling lehin 1981 thleng Chief Minister a ni a.

1984 atangin eptu MLA a ni a, PC chu Democratic Party-ah letin chuta tang in Mizoram Janata Dal din in President a ni zui leh a. 1999 khan sawkar laipui chuan Padma Shree lawmman a hlan a, kum 1998 MLA inthlanpui-ah thlan tlin niin Principal Adviser to CM a ni a.

Aizawl Kanan Veng-ah a fapa inhnuaiah a cheng a ni. Inthlan dawna a affidavit-a a lan danin pawisa Rs 23,00,000 + 7,00,000 a nei a, a pawisa neih zat chu Rs 30,00,000 a ni a. Car a nei a. A thilneih hlut zawng chu Rs 30,00,000 + Car a ni a. Leibat a nei lo a ni.

Kan CM hlui emaw minister hluite ang lo takin Pu Thena hian a fate an enkawl puitling hlawm hle a.. Shillonga an awm laia College a kal laia MNF ramhnuaia lut ta a fapa upa ber Lalsangliana hi Sipai kuta a thi emaw an tih tawh hnua nungdama an hmuh chhuah lehkha a ni a, sawi tawh angin MNF an rawn chhuah hnua first class contractor ni chho ta a ni. A pahnihna Lalhmangaihna hi IRS a ni a, pathumna Laldingliani hi Mizo hmeichhe zinga Delhi University hnuaia M.A english zo hmasa ber a ni. A naupang ber Lalrinliana hi medical doctor a ni thung.

Party nih chuan eiptu leh dodalna a awm vek mai a. Sawiselna leh deusawhna pawh a awm teuh ang. Mahse zirmi leh chhutmiten ngunthluk taka a thil tihtawhte an zirchian hnuah ngaisan tur dik tak a nihna an hmu chhuak a ni ber e. Value system hi a pawimawh hle tih vanglaini hian a hrechiang hlein ka hria.

Rambuai laia Special Force dintu hiala puhna te pawh miin thil nihna chik tak leh ngunthluk taka an zir chuan a din a nih loh zia leh a titawptu a nih zawk zia pawh an chhui chhuak thin a ni.

Vawikhat chu Sipai zingah Parade laia kekawr ipte zen ching an awm a, pu Thena hian warning a pe a, an la titho va, an kekawr ip a thui pin tir hmiah.. dan leh thupekah chuan khauh tak a ni. MZP hovin an do a, a umdarh chiam thu te pawh kha Shabito hian report tur a hre teuhin ka ring, i lo ngaithla ang u..:)

Politic-ah lut mah se amah hi Politician minded nei miah lo a ni a. Mi tihlawm te, tlawn lungawi ang chi reng reng hi a thiam lem lo. Vawikhat chhim lama khaw pakhat hi ruah tui nasat luat avangin eitur an nei lo va, a pawhna leihlawn a chhe bawk a.. CM Pu Thena chuan Helicopter hmangin buhfai thahnem tak a phur a, a han kal a, CM lo kaltur chu tiin an khaw mipuiten a lawmna hun te siamin Ruai an lo buatsaih a.. chutah chuan thu a sawi ta a..; tunah hian in tram tih kan hria, in mamawh chu eitur a ni. Hetianga tram laia ruai te in lo buatsaih ni, tuna chinah chuan titawh ngai reng reng suh u, in ren takin lo awm ang che u, a ti a… he mi hnu hian he a thusawina khuaah hian PC an tling thei tawh ngai lo, tih a ni a..

Mahse Pu Thena thusawi hi zirchiang ila a dik a ni. Mahse mipuiten an beisei ang lo taka hauhna hial an tawng ta zawk kha an hrethiam tlat lo.

@72..ha ha ha …nia tar kum 60 over ho hi in retire vek tawh se chuan dynastic politics hi bansan tawh ila….hmel thar te pawh hmuh an chakawm alawm 😀 😀 engloa nau/fapa/makpa etc tihvel ai chuan.

if we we have a retirement age for poor folks working in the government….me think there should be an age restriction for politicians too.
+ mi an retire tir na chhan chu 30 leh 40 an nih lai ang khan an hman tlak loh ang tih anih hmel a
+ retiring old people will give younger blokes a chance to shine like lucy in the sky with diamonds. eh!!!!!

@ 79….dik chiah….+ mi ho hi chu Bung (banyan tree) ang bak anni lo…thang chin an nei loa an hnuaiah engmah a to theilo… 😀 😉

Comment #75 na hi a ngaihnawm hle mai a! Comment sei ber a nih loh chuan a dawt a ni hrim hrim 😀

@75 zorunpuia chu i rawn tarlang tha hle mai. A bengvarthlak tak zet e.
@ Mizo idol, icon, zo star etc tih vel ai chuan hetiang mi chhuanawm tak tak te hi ka ngaisang zawkin an chanchin hriat zau ka duh daih zawk. They are my idols.

Mizorama chanchinbuah chuan Vanglaini a lar ber a, a copy pawh a tam. Tan an la zel a nih hi. Nakumah phek 12 a tihchhuah an tum.

He khawvel hi thluak hmang thiam te tan survive-na hun a ni e.

tuemaw sawi ang deuh khian thalai lam tan hian award siam thei han awm ve se aw

mumbai indians ho chu an bowling a tha hlemai.

#90 chu Congress-a emaw, MNF-a emaw ni se a comment nen a inhmeh zawk ang. Mahse Pc-a zu ni tlat si a!

Nominees were:

1.C Pahlira

2.C Rokhuma

3.Rev. HS Luaia

4.Lalhmingliana Saiawi

5.Sangthankima

6.Brig. T Sailo

7.Rev. Vanlalnghaka

TNT Founder poh khian dawng se..

@ 92. Remna leh muanna mintiama, a aia buai leh zualnaa min hnuklut a, politic thlichhia, party induhsakna rawn ching chhuaktu kha tute nge. Vawiin thlenga kan buaipui ala nih hi.
I rawn sawite khi tilo lehlek phei se chu awww….

Ka lawmpuiin Phu ka ti e…

@Pc, buai lehzualnaah min hruailuh ka hre lo. Remna leh muanna a sign duhloh chhan kha chu ‘state’ nihna pek phawt a duh vang niin rual u ten an sawi thin. Mahni inenkawla, state nih phawt a duh a, UT atanga state a hlankai phawt a duh vang kha a ni lo’m ni remna leh muanna lam a sign duhloh. Ani tluka ram hmangaihtu hi an tam lovang. A chanchin i hriatchian duh chuan amahin a chanchin a ziah leh ‘mizoram hruaitute sulhnu’ tihah khan lo en ve mai teh a

Pu KT & Zorunpuia, sawi loh loh tur kan sawi palh ang e. Kan duhtawk teh ang. Mahse, Special Force kha tunge chhawra tunge titawpa, hlawh pe? Tutenge hming thlak zurzut.

@pc, sawi loh tur tur a awm hran lo. rawn sawi zel rawh.. Special Force te thil tih dik lo leh chet hleihluakna ziaka delhia theh luttu kha tunge? Lt.Governor-in ngaihdam a dil chiam kha tunge a nih? Special Force dintu khatih laia mizoram Lt.Governor an suspend-na lehkha order leh argument pawh dil chhuah thlap theih a ni a, a copy pawh Pu Thena hian a kawl thlap. I duh chuan Aizawl Kanan vengah i han dil chhuak dawn nia. Rambuaia min hnuk lut a, nunau pawi sawi lo te tawrhna nasa tak thlentu leh nunna hlu tak kan hlauhna tichhuaktu chu Laldenga a ni dawn lawm ni?

Tunlaiah chuan documented ho kha dil chhuah theih vek tawh a ni a. Pu Thena’n Special Force ho a hekna leh Lt.Governor sual zia lehkha ziaka a theh luh pawh a copy a dil chhuak vek theih tawh Lawyer pakhat hruai la, an lo pe vek thei ang che u.

Special Force thu hlaah hian thu puarpawleng vakvai dika la ngai tlat kan awm hi a pawi khawp mai. Central sawrkar policy tharah hmuh tlang theih tura en phal a nih tawh a hnu..

Boruak ava san hmel ve, Kan ram hruaitute hi kan mil loh zawng emaw kan ei loh zawng emaw pawh nise mimal deu zawng leh mawihnailo zawng chuancheksawlh lo hram ang u, mimal ni lovin an policy zawk hi nilawm ni kan en tur?

PU Thena hi a dik ropui sia, kan mil loh zawng anih chuan thil nuam lo tak ani ta ve ang, ani tluka dawng awm hi in hriat han thawh ula.

A dawng tur diktakin a dawngah ka ngai

@Pc-a! Nia Zorunpuia @110 comment ang hian mi thusawi, a bikin hmelmate thusawi phei hi chu awih loh phawt hi a dik zawk fo. Zorunpuia comment ang ho hi keipawh ka hre nual tawh a, min hrilhtu khan a dik zia leh a fiah dan zawng zawng a sawi thlap. Pu Thena nihna diktak a lo hriat loh zia leh a hmelma ten an itsik a amah tih chhiat nan a dawt a mipui an bum hneh zia pawh a sawi. Kei phei chuan fiah kher lo mah i la a sawi tu hi mi rinawm leh a hriat chian hma a Pu Thena haw tu zing a tel a nih avangin a thusawi hi ka ring thlap. Tin, PC party khan ro an rel lai khan party dang ang tho vin thil dik lo tamtak an tih ve ngei ka ring tho. Mahse CM tan a hnuai a awm zawng zawng te control theih a nih loh bakah Pu Thena hriat pui ngat hi chuan hlemhletna ang chi hi an tih ka ring lo bur.

Pu Thena hian thu dik a duh lutuk avang leh tawngkam a thiam loh avangin huat a hlawh fo bawk. Politician diktak rilru a pu pha lo a ni mai thei. Vawikhat chu a hnuai a pa langsar ve deuh thin bulah hian Pu Thenan dikna a lo ngaisan zia an sawi ka hriat thu leh ram hruaitu a tan a a tluk an awm theih ka rin loh thu ka sawi a. ” Ram hruaitu nih thiam hek lo. A mah a dik lutuk a, thudik ni a a hriat chu mi rilru tina tur pawh a sawi zel a, ram hruaitu ni tur chuan tawngkam nem a tawng thiam te a ngai a, a mah dik in eng ang a vision tha nei pawh nise, mipui hruaituah a tling lo a ni” a ti daih thung

A phu in ka hria.
Mahse, ka lo in beisei deuh asin mawle.
Kan naupan laiin ka mumangah Pu Thenphunga hi ka lo hmua; tuikhur rala a’n lo then phung mai chu(h. Ka va’n hlau tak em!!! Ka mumanga a hmel chu hetiang deuh hi a nia

Pu Thena kha chuan Special force kha chu a chhiatpui niin ka hre deuh, MNF mi tenawm hovin mipui hnenah thu diklo an thehdarh vak emawni dawn ni… (MNF zawng zawng an tenawm tihna nilovin)

Pu Thena hian a phu ti an tam berin ka hria, a politician nihna lam nilovin ram a hmangaihna leh ram tana theihtawp alo chhuah tawh na ah. Thangtharte tan pawh entawn tlak tak ani in ka hria.

Mi dik leh tha leh ram in a mamawh tak tak hi chu politics ah hian an survive hleitheilo chu anih hi, mipuiin kan zir miau loh chuan…

Ti daih ila inthlan leh hunah hian PC leh mipui tangrual pawl hi an thawk dun angem aw…

Ka lawmpui khop mai Pu Thena chu, aphu ani. Mizo te tan Model atling ka ti.

Ka lawmpui e

” Sorkar hna party mi leh sa leh chhungkhat lainate pek vak vak hi Pu Thena tihchhuah ” Auhmuna’n a ti lo!

@ninja, iti tak tak amaw ava mak ve, Pu Thena te sorkar lai ka hre chaing ve chaih lova.

Helai chu ka hming ilo lam ani maw Lal_he_pa. He hu mai.

Ka hming a naranin lam suh. muahahaha