Mitthi vui tura lo kal reng reng chuan chu kuang Oak thinga siam chunga pangpar mawi tak tak dah lova, artui 19 zet mai uluk taka inrem that chu mak an tiin a ngaihna an hre lo kher mai. Artui lah chu a vai chuan a ruak vek leh nghal!! St. Theresa’s Elementary School-a pawl hnih zirlai 18 te leh an hotunu Miss Doris-i te chuan kuang sir dinglamah chuan mittui tla teuhvin an thianpa, an pawlpui Jeremy-a chu an sun a, an thlah liam mek a ni.
Thla thum lai a liam ta a, School-a thil thleng chuan an nun a khawih danglam a, Jeremy-a an ngaihdan pawh an thlak daih a nih kha. Tun hma kha chuan kum 12 mi zet pawl hnih-a a’n thu ve run mai te, tawngfiah bawk si lo; chilthli tla duah duah reng mai; che sek mai bawk si Jeremy-a chu tuma’n an ngaina lo. Infiampui tur pawh a haihchham fo reng a ni. Tin, an zirtirtunu Miss Doris-i pawh chuan a ngaina lova, chu school-a an lo dah chu a duh vak lo bawk a, an lo dah ve pawh chu mak pawh a ti hial zawk a ni. Mahse chuti chung chuan Jeremy-a chuan School chu nuam a ti hle tlat a ni!!
Thil lo danglam tak dan chu hetiang hi a ni. Good Friday zawh Inrinni a ni a, School-ah chuan Miss Doris-i chuan Easter Monday a, a naupangte tihhlimna’n tlai banah chuan Plastic-a siam artui lem hi a sem a, an hnenah chuan, “Hei hi hawn ula, thawhtan-ah in lo keng dawn nia, artui chhungah hian Isua thawhlehna nena inhmeh ber thil engpawh in lo dah dawn nia,” tiin a chah hlawm a. An haw ta a. Miss Doris-i chuan, “Jeremy-a khan a hrethiam awm si lova, a nu ka va phone a tul a ni,” a ti rilru a.
Easter Monday chu a lo thleng ta. Naupangho chu phur takin School an lo kal leh a, Miss Doris-i chuan tul dang a buaipui hnu-in an artui ken chu a hawnsak ta hlawm a. Pakhatnaah chuan pangpar lem a lo awm a. Heti hian Miss chuan a fak zui a – “Pangpar hi nunna thar lantirtu a ni. Thlai lo chawrno hian nipui a lo thleng tih a entir ang hian Isua thawhlehna chuan mihringte tan nunna thar a entir a ni,” tiin. Midang ta pawh a hawng zel a, a faksak zel bawk a. A neitute chuan, “Miss, keima ta a nih kha,” an lo ti thin.
Jeremy-a ta a han hawng ve a, a lo ruak hiau mai. Miss Doris-i chuan Jeremy-a nu a phone loh avanga inthiamlo tak chungin midang ta hawn mai a tum lai chuan, “Miss ka artui kha i sawi ve dawn nange?” tiin Jeremy chu a rawn tawng tat lat! Miss rilru a buai ta – “Jeremy, i artui chu a ruak alawm,” a ti ta ngawt a. Jeremy chuan Miss mit taka en chung chuan, “Ni e, Miss, ISUA THLAN PAWH KHA A RUAK ALAWM” a ti a.
Pindan chhung a reh ruih mai; Miss Doris-i mittui a lo hnam a, zawi deuh hian, “Jeremy, a chhan i hria em?” a ti hram a. Jeremy chuan phur zet hian, “Hria e, Isua kha an that a, thlanah an dah a, a Pa-in a kaitho leh a. Chu a thawhlehna chuan misualte leh naupang sualte pawh min chhandam ta a ni,” a ti a. Miss Doris-i chuan, naupang thusawi chu a hrethiam ta. A thusawi avang chuan thlan ruah chhan pawh a hrefiah ta a. A mittui chu dan zawh rual lohvin a far ta zung zung a. Chu Jeremy, naupang duhawm chu a ni an sun mek chu.
Isua thlan kha a ruak a, a thawh leh vangin: chu chuan amah ringtute tan chhandamna famkim min siamsak asin!
Similar Posts:
- Arpui nge Artui?
- Half boil (Chakna)
- Beiseina siamtu thawhlehna
- Nui lawk ang
- Miss Venezuela is Miss Universe 2008
April 24th, 2011 at 11:41 pm
va tha ve
Report this comment
April 24th, 2011 at 11:46 pm
A ngaihnawm hmel bawka,han chhiar dawn i la
Report this comment
April 24th, 2011 at 11:53 pm
Uluk takin ka’n chhiar chhuak dàp a. A thawnthu hian ngaihtuahna a fan rîl thei khawp mai. Post fuh tak a ni e.
Heti ang lam emaw he thu emaw hi ka chhiar tawh tlatin ka hria…?
I phuahchawp anih ka ringlo ve ngawt a, i lehlin emaw anih zawk ka ring a. Ka ring sual mai thei.
Engpawh chu ni se,
(Sawiselna) A thu a tha viau nain, thumal pahnih ‘chuan’ tih leh ‘pawh’ tih hi a awm tulna lovah a awm nual mai.
Report this comment
April 24th, 2011 at 11:56 pm
A ril raih mai a! Ni, thlan kha a ruak chiang alawm. Krista chu thihna hnehin a tho leh ta. Tunah hian kan tan hmun siamin a kal mek.
‘Kan tan hmun a siam’ kan tih rual hian a thu kan zawma, nitin a kross kan put a phut tih i hre thar theuh ang u.
Report this comment
April 24th, 2011 at 11:57 pm
chhiar ang lem…
Report this comment
April 25th, 2011 at 12:00 am
@Tluanga: Ka phuahchawp a ni lo e…. chuan (sawiselna) hi ka lawm khawp mai.
Report this comment
April 25th, 2011 at 12:10 am
A tha lutuk tlat, mahse a ngaihnawm dawn chauhva a tawp ta daih anih hi le…
Report this comment
April 25th, 2011 at 12:11 am
A ngaihnawm hle mai!
Report this comment
April 25th, 2011 at 12:13 am
A tha khop mai
Report this comment
April 25th, 2011 at 12:21 am
Mak ve angreng deuh chu “Jeremy hi la thi ta lo se” thinlung a khawih nep mai thei!!!
Report this comment
April 25th, 2011 at 12:23 am
A ngaihnawm khaw mai…duh aiin a tawi mah mah a nih hi,a kham awmloh mang,han continue tir leh la a tha ang
Report this comment
April 25th, 2011 at 12:24 am
tha khawp mai
Report this comment
April 25th, 2011 at 12:34 am
A ngaihnawm khawp mai, rilru a khawih takzet.
Thlan hi ruak lo palh hlauh ta se mihringte hian kan damlai nun bak hi beisei tur kan nei miah dawn lo a lo ni. Pathian chatuan thil ruahman famkimna atana Ranthleng leh Thing-anchhedawng leh Vana-Lallukhum inzawmna siamtu, kan Chhandamtu hi kan thinlungah a tharin lo tho leh theuh teh se.
Report this comment
April 25th, 2011 at 12:59 am
Tha khwp mai.
Report this comment
April 25th, 2011 at 1:25 am
Kristian ka nilo, Juda ka nia, Isua kha Mari sawn satliah mai a nia… tih ngaihdan nei chawp ho leh hnuhnawh ho tan chuan a helhawm awm hlawm awlh awlh mange!
Thanks to all Good friday & Easter Sunday Posts..
Report this comment
April 25th, 2011 at 1:33 am
Kei chu mosolman ka nia, hetiang lam hi ka hre ve vak lo.
Report this comment
April 25th, 2011 at 1:37 am
A ruak emaw, ruak lo emaw ka mut a chhuak tawh. Naktuk lamah chhiar zawm mai ang.
Report this comment
April 25th, 2011 at 7:31 am
Good post… Fairly example..
Report this comment
April 25th, 2011 at 7:36 am
Ka duhthusamah chuan thlan ruakah khan Sadukai va kal se, an rin duh loh vantirhkoh leh thawhlehna va hmu chiang se, thlan ruak mai piah lamah tholeh Messia, kan chatuan puithiam lalberin min leina thisen Pa hnena min thlen zuisak avanga van leh khawvel inremlehna zir chiang zuitu ni thei ila, kan thlamuang lehzual tur!
Report this comment
April 25th, 2011 at 7:39 am
Hetiang thawnthu tawi, thingpui no dawm chung a chhiar zawh mai chi ho hian rilru a khawih duh hle mai. . Good Post.
Report this comment
April 25th, 2011 at 8:56 am
Tukinah Chanchinbu pakhat ka chhiar a, hei aia ngaihnawm hian an rawn ziak a nih chu. A ngaihnawm lutuk…. An Miss hming kan hriat dan a la in ang lo zui. Mahse, mi tam zawkin an chhiar dawn tihna a ni a, ka lawm tho tho. Comment a va ngaihnawm ve….
Report this comment
April 25th, 2011 at 9:48 am
A ropui a ni..
Report this comment
April 26th, 2011 at 12:57 am
Juda ho leh juda saphun!! ( Juda a indah chawp) ho tan chuan a ruak ngailo ang chu!
Report this comment