(Mahni hna bilah buai ve riauva inhriat chang a awm a, zam a zal ta riau nia inhriat chang a awm bawk. Thu ziak kawnga taimakna lamah vantlang hnuai lam nih bawk chuan mi(sual) tana ziak tur hual sa reng pawh ka up hlum zova.
A thenin za nufa lai an thawh tlin lai leh a za bi-a an chhiar tawh laiin mi(sual) tana thu thawh tur pawhin ralpui phiara phiar fe a la ngai ta zel a nih hi! mi(sual)-ah hian tawng chungchang kan sawi tam a, kan rualawt ta a ni ang e tiin Mizo tawng ziak dan chungchang ka han thawh ve ta rawih chu a ni a, kan thengah thawngah a kal lo a nih pawhin Siali khaw mawi atan tal pawh le!)
ZIRLAI : Ziak zawm leh ziak zawm loh
THLUR BING ; Thuhmabet(Prefix) leh Thuhnubet(Suffix)
Bung 1-na : Thuhmabet(Prefix)
Sawifiahna : Prefix leh suffix atana hman thumalte hi thu bet an nih rualin an mal din ve tho thin avangin zir chian leh lak hran thiam a ngai hle.
Prefix chu thumal hma lama thu bet hi a ni mai. Heng – ‘in’ leh ‘ti’ te hi an ni ber a, modified form-ah ‘ti’ chu ‘tih’ a nih avangin prefix ho chu – in, ti, inti, intih – te hi an ni ta a nih chu.
Entirna : Infak, innei, insu, inkhel, inchei, ldt..
Heng bakah hian ‘in’ hian thumal dang a siam thei a, mahse chung ho chu prefix an ni chuang lo.
Entirna : inleng, inriak, indang (fapa indang) te hi thumal hranpa an ni a, prefix an ni lo. Chutiang bawkin ‘ti’ leh ‘tih’ ah pawh heng hi thumal hran an nih avangin prefix an ni lo bawk – ‘I ti zo tawh em? / Tih theih chi a ni lo, ldt. ‘Inti’ ‘intih’ hi inhau tih nan leh inpawl (sex hmang) tih nan chauh verb-ah kan hmang.
Entirna : Engah nge in intih? Inti suh u. ldt.
Tin, thumal pakhat ‘a’ hi prefix ang takin hman theih mahse thu inkeng tel sa tlat an nih avangin then hran a buaithlak hle a ni. Prefix ang viau mahse Prefix erawh a ni lo.
Entirna : achha, achhapah, ahnekin,apiang, anazawngin, anaranin, aruangin, atalangin, asin, avangin, azarah, ldt.
Bung 2-na : Thuhnubet(Suffix)
Suffix hi thumal tawpa bet a nih avangin ‘Thuhnubet’ ka ti ve mai. Chungte chu – a, ah, awm, ho, in, na, pui, sak, san, te, thlak, tir, tu leh zia. Thuhnubet an nih avangin a behna thu nen inzawmtir ngei tur a ni. Heti hian a chiang maia ka hriat avangin an mal din hun/a hranga hman hun entirna pe zawk mai ang.
Suffix atana kan hman an mal din hun :
1. A kal ta a
2. I ipte ah chu a mawi hle mai.
Note : ‘ah’ tih hi ‘atan’ tihna thova kan hman hun a awm thin. Chung hunah chuan ziak hrang lem lovin a hmaa thu nen inzawma hman a tha ber.
Entirna : He nula hi nupuiah nei ta che
3. Heta hi ka awm e
4. Thu ho deuh deuh sawi suh
5. In in bulah zu in in elo?
Note : ‘in’ hi noun a hman a nihin ziak zawm loh tur a ni.
Entirna : Kan in, Damdawi in, Biak in, Bual in, ldt.
Tin, natna chungchangah ‘zun-in’ (suppression of urine) hi natna hming a nih avangin noun a ni a, chhiar sual palh loh nan hetia ziak hi a tha – Zun-in. Verb a nih chuan a hranga ziak tur
Entirna : Zun-in hi a hrehawm ve viau (Noun)
I zun a in elo? (verb)
6. I hliam chu a na viau em?
Note: Natna hming ni chiah lo, taksa na kan sawiin ziak zawm loh tur.
Entirna : Pum na, Kal na, Lu na, Thin na, ldt.
7. Min han pui lawk teh
8. He lung hi a sak khawp mai
9. Sang modification san te, puan fan/chhe lek leka fan duar sawina – puan san te, Sang (tall/high) modification san te, double adverb – san san te hi a hranga ziak tur a ni.
10. ‘te’ hi conjunction-a hman a nihin a hranga ziak tur a ni.
Entirna : Lala te, Liana te an lo leng.
Tin, thu tihkimna atan conjunction anga kan hmanin ziak hran tur a ni
Entirna : Intihfai te chu kan tih ngei tur alawm.
11. Heta hi ka awm, mi tir ta che
12. Tluanga’n a nupui a thlak
13. A tu ber hi nge?
Note: ‘tu’ hi Intransitive verb-ah belh loh tur. Ent. Dingtu, kaltu, zaitu, ldt. tihte hi a dik lo
negative verb-ah belh loh tur. Ent. Ring lotu, Hre lotu, ldt. tihte hi a dik lo, ‘tu’ aiah ‘te’ hman zawk tur.
Auxiliary verb ‘tawh’ nen zawm loh tur. Ent. Sawi tawhtu, Hre tawhtu, Hmu tawhtu, ldt. tihte hi a dik lo, ‘te’ emaw ‘apiang’ emaw hman mai tur.
14. Awze mite aw chu a zia (v)
(Tun atan chuan tawk phawt se, a thlarau chan leh hun atana chhunzawmah ni mai teh se)
Similar Posts:
- Mizo ṭawnga ziah zawm leh zawm loh tur te
- Mizo ṭawnga ziah zawm leh zawm loh tur te-II
- Mizo ṭawnga ziah zawm leh zawm loh tur te-III
- Zo tawng ziakdan tlem
- Mizotawng chungchâng bawk!!
April 29th, 2011 at 4:18 pm
awle…….
April 29th, 2011 at 4:23 pm
Naupangin, “Kan Miss chuan chutin a ti lo …” an han ti a, a dik chuang lem hlei lo hi chu ka ner ru thin. Sikul tin naupangte hian hei hi an ching, abikin English-ah!
Zir chiah ila, ka phur hawrh hawrh mang e.
April 29th, 2011 at 4:27 pm
he post hi ka (Y) mawlh² e!!!
April 29th, 2011 at 4:28 pm
“Dingtu leh kaltu”, entirna i pek khi a tha dangdai khawp mai.
Thuziak zawm tur leh zawm loh tur hi ka buai thin hle a. Tunlaiah mi an fel tawh a, engtin pawh ziak ila, min khawngaih chhiar sak thei mai an tam khawp mai. Mahse, zir thui lo ve ta na na na chuan, ziak sual chang ka ngah thin khawp mai. I thuziak hi ka hmang tangkai dawn khawpin ka hria.
April 29th, 2011 at 4:31 pm
@caribou : I ziakah khian punctuation dik lo ka hmu lo reng reng. I thiam tehzawl e.
April 29th, 2011 at 4:32 pm
@A post-tupa,
A tha hle mai hei chu, a bik takin point No. 13.
Mahse, point No. 10-a i sawi ang khian point No. 14-ah hian “mite” tih khi a “mi te” tih zawk tur a ni lo maw? Nge ni, proper noun a nih loh vangin ziah zawm tur?
April 29th, 2011 at 4:34 pm
A ziaktu hi a inhmeh thlawt e.. anih loh vek pawhin chawnghilh… hemite putu hi chu misual.com lunghlu 2 an tling chiang a ni.
Ziak zawm leh zawm loh chungchang hi pawimawh ka ti, a awmzia hi a danglam daih thei si a.. (Y)
April 29th, 2011 at 4:39 pm
@Pu Chawnghilh: Khi laiah te chuan punctuation ka uluk a; bakah thuziak tih tham khawpa sei a ni bawk si lo alawm le. Pu Muantea zarah hian thil tam tak ka thiam belh leh dawn a ang khawp mai. Ani hi, thiamthil pai tam ta reng reng hi a nia.
April 29th, 2011 at 4:41 pm
Mizo tawng zir nana Saptawng hman tel a ngai tam lutuk thin hian min tibuai, muante! Grammar lamah kan lo tuiek ve tawh nasa si a, Mizo tawng pawh a zira han zir takah chuan ka thiam lo zo vekin ka hria!!
April 29th, 2011 at 4:44 pm
Point No. 13 khi ka fiah ta uar e. Rawn ti zel teh.
April 29th, 2011 at 4:45 pm
Ka like e. (Y) Ziak dan zirna tha tak ni a ka hriat chu miin min sawisel hian… a thiam kha chuan comment-ah te hian sawi zel teh u. (Y) (Y)
April 29th, 2011 at 4:47 pm
A tha hle mai,kei ka thiam loh lam a ni a,zawm leh zawm loh tur velah hi chuan a chhiar tu te hriat thiam,chhiar awlsam dan hi zawng phawt mai i la…
April 29th, 2011 at 4:55 pm
I ti á¹hà e. Kan á¹awng hi zîak zawm tùr leh zawm loh tùr hi a thïam sâte tán lo chuan a har hlë a, chû-a-chhapah kan la zîak á¹ha peih lo lehnghâl a, a bùaithlâk angreng a nih hi.
Rawn bei chho zël teh; zawh duh che ka ngah mai, ka á¹hiante nèna kan inmil theih chiah lohna láite pawh!
Rawn zîaktû . . . (Y)
April 29th, 2011 at 5:03 pm
Thuziak zawm leh zawmloh tur hi har ka tih ber te zinga mi ani a, he post hi ka tan a tangkai dawn khawpin ka hria. Ka ziak hi a dik em aw, muante?
April 29th, 2011 at 5:04 pm
ZoIIIian : Mizo á¹awng ziakna á¹ i va nei á¹ha ve.
April 29th, 2011 at 5:07 pm
Ziak zawm leh zawm loh hi tihdanphung a inang thei tak tak lo, CANNOT leh CAN NOT hrim hrimah te pawh, a dang pawh English-ah hian a tam tham ve zek!
April 29th, 2011 at 5:09 pm
@Tetea, ‘te’ hi ka sawi ang khian conjuction-a hman a nihin zawm loh tur a ni e.
@Awmawmpuia, pathum i ti dik lo 🙂 I ziak danah khian heti zawk tur hi a ni e – ‘thu ziak’ ‘zawm loh’ ‘a ni’
April 29th, 2011 at 5:12 pm
In rilrem loh zawngte a awm em? Sawisel kha in lo hreh palh ang e.
April 29th, 2011 at 5:23 pm
mizo trawng ziah zawm leh zawm loh hi a har khawp mai.. A ziak diklo pawh hi ka chhiar thiam.. Ziak dik pawh ka chhiar thiam… A dik leh diklo pawh ka hre hrang chuanglo.. thrangthar leh zual tan phei chuan a trul leh zual ngawt ang.. Post thra tawp..
April 29th, 2011 at 5:26 pm
Ani = Ani hi chu misual a nilo a, a ngaidam leh mai ang.
A ni= Ani tih hi tuemaw hming aiawh sawi nan hman tur a ni.
Post tha thuai thuai e.
April 29th, 2011 at 5:33 pm
Hetiang hi kei hian ka mamawh, Muante (Y)
April 29th, 2011 at 5:34 pm
@saitawka : A nî chu ani berin a be thiam tur a ni.
April 29th, 2011 at 5:35 pm
keini ang chu kan bo ta hle mai a, rawn ti zel teh..kan lo zir ang e..ee.chuan sir, a sawi leh lo mai ang..good evening sir..
April 29th, 2011 at 5:42 pm
@Chawnghilh, ‘a ni’ mawle, ‘A nî’ nilo in! Mahse i van ngaihtuah chhuak tha em em ve le! 😀 (Y)
April 29th, 2011 at 5:51 pm
a va á¹ha ve! English lam grammar pawh hi mizo hian kan bel lo khawp mai, a thiam khan han thawh zel teh u…
April 29th, 2011 at 5:53 pm
Zawhna ka’n siam lawk, OT chu kan ni em lo’ng/law’ng chu maw?
1) khita ka’n ka tih khi english a ‘s ang ni lovin, zawhna ka han siam lawk ang e tih a ka han tih laktawi nana hman hi a dik em?
2) lo’ng/law’ng tih pawh chuti tho, lovang chu maw tih a lovang tih laktawi.
April 29th, 2011 at 5:59 pm
A khal tha khawp tak mai a! I thawh tha hle mai muante.
April 29th, 2011 at 6:03 pm
A tha khawp mai. Thu ziak hi a har khawp a. Keini thiam nei tlem te phei chuan kan ziak thiamlo lehzual. He post hian nasa takin min puih ngei ka beisei.
April 29th, 2011 at 6:06 pm
Post tha leh tangkai a va ni tehlul em! Misual.com post leh comment pawh chhiar a nuam sawt tawh ang chu maw. Muantea (Y) (Y) !
April 29th, 2011 at 6:13 pm
hlatekhua…a hma khan chhiar nuam i lo ti nange..:D
April 29th, 2011 at 6:15 pm
#24 : saitawk : ka ziak khi ngun lehzualin han chhiar nawn leh teh. Aunty?
April 29th, 2011 at 6:21 pm
muante, ka zawhna min chhan avangin ka lawm e. Post tangkai tak a ni e.
April 29th, 2011 at 6:21 pm
eL@30, kher kher a che! 😀
April 29th, 2011 at 6:21 pm
Tui mal far te te…… tih ang deuh khan 100 tlin nan chuan post pakhat hi vawi za post post kha a ni mai a 😉 Buaina tawng lo kan awm lovang, hunawlah i rawn post leh keuh thin ang a, a tlakna leilung ngaihtuah vak duh suh. Century i kai hunah kan la lawm dawn nia.
Good post (Y)
April 29th, 2011 at 6:30 pm
@ 34, lushai_er, engnge a awmzia?
April 29th, 2011 at 6:33 pm
#15 chawnghilh. Ni e hei ka nei á¹ha angreng khawp mai.
A neuh neuh hêng: tlüng, séng, lèn, ánchhîa, ú, ù – – a cheimawina zawng zawng hi ka nei kim vek! Awlsam të tëin a ‘keyboard’-ah ka dah vek a ni.
I duh vè phei chuan ka la hrilh vè ang che! 🙂
Ka rawn chhàn tlài deuhna chhan chu ka buai deuh vá, pawi khawp mai!
April 29th, 2011 at 6:35 pm
Ka var belh hawk mai..hehe..helamah hi chuan han sawi belh vak tur ka va han hre lo tak.ka hriat ve chhun i sawi kim chiang nang mai..
April 29th, 2011 at 6:45 pm
muante saptawngah i tha bawk, mizotawngah i tha bawk, i special thlawt. tha lutuk. mizo tawng hi a va’n lo har tak em!!!
April 29th, 2011 at 6:54 pm
A zîaktû muantea chauh ni lo, mî zawng zawng ka zâwt e: tùn~lái tihah hian ‘tün’ leh ‘lái’ hi zawm tùr a ni em? Chutiang zèlin ‘hmàn~lái’, kan vànglái’ ldt.-ahte hian.
Chhak~lam tihah hian ‘chhak’ tih leh ‘lam’ tih hi zawm tùr a ni em?
Thlang~lam, khu~lam . . . chtz, -ahte hian?
Ka zawhna awmzia chu ‘lái’ tih leh ‘lam’ tihte hi thuhnungbet an ni em?
Pawl 9-ah chuan a ni lo ti chuan kan zir ngèi a, kei hian ‘a ni'(zawm tùr a ni’ ka ti vè tlat bawk si a nih hi!
Engngê in ngaih vè dàn?
Tin ‘hrilhfiah chhàwnna’ (adverb)-in hrilhfiahna (adj) emaw ‘thiltih’ (verb) a zui tawh hnûa ‘hming/nihna’ (noun) síam tùra ‘-na’ tiha kan kan zuitír leh hían zîak zawm vek tùr a ni em? Ent: Duh~lûat-na tih ang chîah te hian.
Kei chûan hrfc (adv) leh -na chiah hi zawm tùrah ka ngái.
April 29th, 2011 at 6:58 pm
@Chawnghlih, ka chhiar khan ka hrethiam nghal alawm, chuvang chuan alawm i ngaihtuah chhuak tha ka tih chu. (Y)
April 29th, 2011 at 7:03 pm
@ozima, i #1 khi a dik #2 a lawng tih hi chu apostrophe dah a ngai lo. Lo’ng tih chu ‘lovang’ tihna a ni mai.
Mi pakhat tal pawhin in tangkaipui chuan ka lawmman hlu a ni ang.
April 29th, 2011 at 7:16 pm
@muantea: ka lawm e, lawngah khian ‘ ka han dah tak naa, ka rawn over deuh 🙂 , lawng tih hi lovang tih laktawi loh hian a hran, awmzia inang reng siin a awm ve hrim hrim a mi le?
April 29th, 2011 at 7:38 pm
@ZoIITian, ‘lai’ leh ‘lam’ te hi thuhnubet an nih loh avangin a hmaa thu nen ziak zawm loh tur a ni. Tin, an aiah hian awmze dangin a hman theih tho bawk avangin lo zawm mai kha a fel lo. Ent. Tun hma, tun hnu, chhak zawng, ldt. Tin ‘na’ hmanga adjective emaw verb emaw atanga noun kan siamin kan ziak zawm tlangpui bawk.
April 29th, 2011 at 7:44 pm
Post tha khawp mai..kei mizo tawnga ka thiam loh lai tak a ni lehnghala..
April 29th, 2011 at 7:54 pm
Ozima, lawng hian awmze nei tehmeuh mai. Lawng (ship), lawng(pumpui lawng), lawng (anhnah lawng chu ei a har), double adverb – lawng lawng
April 29th, 2011 at 7:54 pm
Ozima, lawng hian awmze dang nei tehmeuh mai. Lawng (ship), lawng(pumpui lawng), lawng (anhnah lawng chu ei a har), double adverb – lawng lawng
April 29th, 2011 at 7:56 pm
Ziak leh ziah ah bawk kan tan leh dawn a va ang ve
April 29th, 2011 at 8:04 pm
Ultimate ziak leh ziah lam chu kan sawi tam tawk tawh alawm, sawi ngaiah pawh ka ruat tawh lem hleinem.
April 29th, 2011 at 8:09 pm
#43 Lâwm êm êm e!
Mahsé engtinngê thuhmabet / thuhnungbet an nih leh nih loh kan ‘rèl’ ang?
April 29th, 2011 at 8:09 pm
@muantea: LAWNG dang chu thuhran nise, ka zawhna tak zawk che chu:
(1).Nunhlui mualliam hnute kha, kan va tawng dah lawng maw!
(2).Nunhlui mualliam hnute kha, kan va tawng dah lo’ng maw!
(3).Nunhlui mualliam hnute kha, kan va tawng dah lovang maw!
Heihi awmzia chu inang tlang vek turah ka’n dah ngawt a, (1)-naa lawng hi (3)-naa lovang tih laktawi ni lovin, thumal hrang ve hrim2 awmze thuhmun em niang le ka ti zawk a ni. Ka sawi mai dawn a tilthenna lo lamah chuan a rawn chhuak mai lo tlat, hetiang thu laktawi(grammar-ah engtin nge an sawi ka hrelo) nge ni a thumal hran ve hrim hrim hi tih confuse ka nei nual mai.
April 29th, 2011 at 8:11 pm
Muantea te hi chu an ril lutuk a, a nupui nih pawh hautak tham a niang(fiamthu), ril ve a ngai awm em a lawm! keini kan ho sia kan bula awm chu hremhmun tlukah a ngai mai ang a! ha ha
April 29th, 2011 at 8:11 pm
ZoIITian, i ziak khi ka lo chhiar chiang lova, verb adv a nih chuan ‘na’ belhin ziak zawm vek a ngai lo. Ent. Duh luatna
April 29th, 2011 at 8:15 pm
Ka hlawkpui lem lo nain a tha kher mai
April 29th, 2011 at 8:20 pm
Mizotawng hian thu ka ziak fo thin a mahse edit saktu ka neih that avangin a ziak dan dik hi ka zir duh lem lo. Mahse hei tunah chuan Vairampurah ka awm daih si a min edit saktu khan internet thiam silo a,ka che buai ngang mai. Mizo Grammar leh ziakdan bu ka birthday-a min present turin thiante ka chah ta vel mai mai a. Tunah hei post tha tak a lo awm ta hlauh a kalo save ang e. Lawmawm hle mai. A post tupa hian mizotawng hetiang em em hian a lo thiam ang tih ka ngaihtuah ngai lo saptawng bak kha chu……
April 29th, 2011 at 8:22 pm
Ultimate, khaih! Chutiang em chu ni love, chawnghilh te, vakul te, lushai-er te an awm hi, an bulah zawng nei te ber thutin ka thu mai thin a nia.
@Ozima, lawng, lo’ng, lovang tih chungchangah chuan ‘lo’ng’ tih chu ‘lovang’ tihna a ni mai a, ‘kan la tawng dah lawng maw’ tiha ‘lawng’ hi chu ‘lovang’ tihna a nih ka ring lo, ‘kan la tawng mial mahna’ tihna lam zawk a ni ang.
April 29th, 2011 at 8:27 pm
Tangkai hle mai, Zir atul reng ani.
Mizotawng chuan kan tawngthei a, kan ziak dik hlei thei lo chu anih hi… like like..
April 29th, 2011 at 8:28 pm
Nupui chu ka nei te! Thildang ka nei lian thung!
Mak khawp mai, hmeichhia hi an len deuh leh an tum lian deuh a, an tet deuh leh an tum te deuh a! An hlauhawm dan a inang vek!
OT dal ah, ka thu ziah dan khi a dik em ang chu maw!!
April 29th, 2011 at 8:34 pm
Nia.. mizo tawng hi a har teh a nia… Ziak zawm leh zawm loh tur ah phei chuan har tak a ni..
April 29th, 2011 at 8:39 pm
He post chu a va han tha tak êm! A chhiartuin a hriatthiam phawt chuan tia duh dan dana Mizotawng hi ziah mai mai tur a ni lo rêng a ni. Pu Muantea chu i rawn post ‘timing’ khawp mai (nge, har mah mah kan ti zawk dawn…
)
Kei pawh ka zir nasat ve thin nen (Thanks to Mizo subject teacher madam @Lamka Central School: Cl-IX & X) ka tisual leh zauh thin…
Mizo Bible leh Kristian Hla Bu te pawh hi a thu leh hla thatna piah lamah ziak zawm leh zawm loh dan zirnan a tha khawp mai.
April 29th, 2011 at 8:40 pm
‘ziak zawm’ tih hi ‘ziah zawm’ tih tur a ni zawk lo maw? Thupui i sawi hneh a, a bengvârthlak hle mai. Hetianga post tha hi a vang ka ti. Han tang zual teh.
April 29th, 2011 at 8:42 pm
@muantea: grammar lamah chuan ka bil tliuh tleuh khawp mai a, zawhna mawl tak pawh ni mai thei, mahse ka confuse tlat. Tin, prefix leh suffix insawi karah apostrophe ka rawn zep ve chhen, ka inthlahrung viau a, amaherawhchu (ama’rawhchu(?)) nang paw’n (nang pawh in(?)) min lo dawhthei hram a niang chu.
‘lawng maw’ tih leh ‘lo’vang maw’ tih chu thil hriatchian loh beiseina nei si a sawinaah ka’n dah ngawt a. A danglamna ka la man fuh meuh lo.
April 29th, 2011 at 9:13 pm
Tak taka Muante, ka thiam loh hi i thiam tam bawk a, ka ngaisang thlawt che. Kei leh ka thian thenkhat (mi rillo ho)ngaihnawm tih zawng thin, a taka i thil tawn danglam deuh or pui deuh pa hnih khat tal lo post teh a, light deuh takin ziak la, kan chhiar chak khawp a sin.
April 29th, 2011 at 9:31 pm
@Ultimate, rilruah hi chuan hlimawm tak ziak tur chu ka thil tawn ngei ka nei khiu khiau. Mahse kei hi zawng rilrua lang ut ut nghak chi ka roh tlat!
Ozima, #61, i han sawi chu a nih duh hmel khawp mai.
April 29th, 2011 at 9:36 pm
Khai aw, he ‘post’ chu. Ka mamawh ber a nih hi. Thuziak inzawm tur leh inzawm lo tur hi ka buaina ber a ni. Muangchangin han chhiar teh ang…
April 29th, 2011 at 9:38 pm
Nia, ziah hi ziak modifide form ah pawm a ni a. Mizo tawng zirlaibu ah pawh hman a ni e.
April 29th, 2011 at 9:41 pm
E heu ka va tla ta ve. I post tha hle mai, Misual.com-a post tam tak hi chuan kan uluk tawk lo hi ka ti khawp mai; ka lo sawi ve chuan i next chapter-ah ka lo luh khalh palh ang che.
Han ziak zel teh kan lo save zel ang.
Hman zan ka mu thei lo khan he thil hi ka lo ngaihtuah ve mai mai pek a. Mizo tawng thu fun tam theih zia hi. “ka khawng fawk ang che” kan tih hian awmzia a lo va keng tam em
1) A khawnna kha tihrawl leh thau awm lohna ruh hnaih lam a nih duh hmel.
2) A khawn danah na lutuk chhiat phah theihna ni si lo, na lo lutuk ni si lo a nih duh hmel.
3) A khawnna kha thir emaw thing emaw thil sakhat a ni ang.
4) A khawnna kha a lian lutuk thei lo.
Heti ang chi hi a lo tam khawp mai, ngaihtuah peih chuan.
April 29th, 2011 at 10:19 pm
Muante i taimakna leh ihriatna hi ka fak ache,thuzawm leh zawm loh tur pawh ka hrehrang ve mang silo,mi thuziak han sawisel ve tur chuan ka insit viau na a,second para a mizo tawng i ziakzawm lo hi ka lo ziakzawm thin a,ziahzawm loh tur em ni?
April 29th, 2011 at 10:23 pm
Hetiang post hi that teh lul nen keimahah chuan comment min ti tim dui zel…. mahse mi’n min correct hi chuan ka lawm viau.
April 29th, 2011 at 10:38 pm
Mizo tawng hi ka thiam ve viau thin emaw ka intih ve thin lai kha a rei ta khawp mai…
April 29th, 2011 at 10:51 pm
A va han ril in a va han tha em! Hrethiam tur ringawt pawn uluk taka chhiar a ngai.
April 29th, 2011 at 11:18 pm
Pu Muante Ka chhiar chhuak pap pap mai maw le! A va ril tha trhim trham ve le!
April 30th, 2011 at 11:00 pm
Post tha tak a ni . He site-a ka luh chhan chu mizotawng ziah dan dik ka zir duh vang a ni a. Pu Muante, i ti lawmawm e, rawn ziak zel teh khai, ka theng thawngah a lut a nia.
