Chanchin thar lamah ka chhiar vekin ka ringa; March 2, 2011 khan Pakistan sawrkara Minister for Religious Minorities, Shahnaz Bhatti-a, Kristiante nêkchêpna hmun ralti leh hrehawm fâl Pakistan-a Kristiante leh mi chanhaite dikna leh chanvo humhalh tuma thi leh thau pawlha beitu chu a chenna in aṭanga Cabinet Meeting-a motor Car a a kal laiin Muslim firfiak Taliban mi leh sa nia inchhalte’n lo lambunin an lo kap chiam mai a, a hnu deuhah Shifa Damdawi In panpui a nih laiin a thi ta a nih kha.
Amah hi Kristian (Roman Catholic) a nih angin Pakistan ramin Muslim sakhaw dintu Mohammed-a leh an sakhaw lehkhabu, Quran sawichhiate lung ina khunga thih thlenga hrem theihna dan ‘Sharia Law’ an neih duh lova sawisel ṭhin tu a ni a. He dan hmanga an man leh thi tura a chungthu relsak, Asia Bibi chunga zahngaihna lantir tura thuneitute hnena ngenna lo thlen tawh ṭhintu a ni bawk. Heng avangte hian Muslim firfiakte’n thahah an lo vau fo tawh nghe nghe a ni.
Bhatti-a hi kum 1968 September ni 9-ah Lahore-a Khushpur khuaah a piang a, Catholic Kristian chhungkuaa sei lian a ni. Sipaia a luh hnuin zirtirtu hna a thawk a, a pianna Khushpur-a kohhran insuih khâwmah te chairman a thawk tawh. Bhatti-a hian nupui a nei lo va, unau mipa pali leh farnu pakhat a nei.
Bhatti-a hi kum 1985-ah All Pakistan Minorities Alliance a din theih nan a ṭangkai hle a, chairman-ah thlan a ni nghe nghe. Sipaiin sorkarna an chelh lai khan mi tlêm zâwkte aiawhin President Pervez Musharraf-a pawh a be nghe nghe. Kum 1998-a din Pakistan Christian Liberation Front chairman-ah a tang a, kum 2002-ah Pakistan Peoples Party (PPP) a zawm. Mihring intluk tlânna leh sakhaw zalênna a vei em em a, tihduhdah leh endawng hnam tlêm zâwkte chawisan tumin theih tawp a chhuah ṭhin.
Kum 2008 atangin National Assembly-ah member-a thlan tlin a ni a, Federal Minister for Minorities (Muslim ni lote aiawha ding Minister) atana ruat hmasak ber a ni. Pakistan-a sakhaw sawichhiate hremna dan (blasphemy law) siam ṭhatna tur a auchhuahpui ring hle. Sorkar hna leh rorelna sângah mi tlêm zâwkte (minorities) tel ve theih nan theih tawp a chhuah ṭhin.
Kum 2009 khan Punjab Province-a Gorja-a Kristiante beihna chu a dem tak zet a. Muslim-ho chuan an hmelma lian takah ngaiin hawrawp lian takin an thinlung phêkah an chhinchhiah a. Kum 2010-ah Islam sakhua sawichhiaa puh, Asia Bibi-i puh a nih chungchangah Kristiante tân nghet taka a din leh avangin Bhatti-a nun chu a derthawng tual tual a.
TV leh chanchinbu hrang hrangah Bhatti-a huatna lam thu a lang zing sâwt hle. A hun hnuhnung lamah Bhatti-a chuan, “Kan tana a nun hlântu Isua Krista chu ka ring a, tunah hian chhan pakhat avanga thi tur ka ni. Ka mite tan ka nung a… an dikna humhim turin thih ka huam a ni,” a ti.
Pakistan-in sakhaw dang (a bik takin Kristiante) khuahkhirhna tura dan a siam sakhaw sawichhiate hremna dan huaisen taka sawisel ngamtu a ni a, Muslim firfiak hovin a thil vei sawi chhuak tawh lo tur tein an vau nasa thei hle.
Mahse, a thiltum tihhlawhtlin tuma theih tawp a chhuah zêl avangin Tehrik-i-Taliban Pakistan pâwla mite’n Krista hnathawh chhunzawma, salte chhuahna tur leh tihduhdah tuarte chhuahtirna tura inhlân, Krista avanga thih pawh hlau lo, Kristian pasal ṭha chu a Lalpa hnena châwl tawh turin a lei taksa chu râwng takin an sawisa a, Muhammad-a sawichhiaa puhna avangin a nun a chân ta a ni.
Bhatti-a thawhrimna chuan rah duhawm tak a chhuah thuai a, a ruahmanna angin Pakistan cabinet chuan March ni 21 khan Pakistan federal(central) sorkarah hna 5% chu mi tlêm zâwkte (Muslim ni lo) tana buatsaihsak a remti ta a ni.
Bhatti-a hian chanhaite tan kum 23 chuang a lo thawk rim tawh a. A thih hma lawkin USA-ah ṭawngṭai hona hmang turin a zin a, chumi tuma Christian Post (CP)-in hmaichhana an lo kawmna hian tlang I kawm ang:
CP : Pakistan-a sakhaw sawi chhiate hremna dan (blasphemy law) hi sorkar hian
a tihdang lam i ring em?
Bhatti-a: Sakhaw sawi chhiate hremna dan lo chhuah dan hi sawi hmasak ka duh a. He dan hi sipai lal (dictator) General Ziaul Haq-a tihchhuah a ni a. Mi tumahin he dan hi siam an phût hmasa lo va, a thu neihna humhim nan sakhua a hmang a ni. Pakistan hi kum 1947-ah a piang a, kum 1986 thleng khan mi tumah sakhaw sawi chhiat avanga rorelna hmaa dintir an awm lo.
Mi tlêm zâwk (minorities)-te tumah tihhlum an awm lo va, hremna pawh an tuar ngai hek lo. General Ziaul Haq-a chuan kum 1986 khan sakhaw sawichhiate hremna dan hi a duang chhuak a, mi tam tak thiam loh chantir an ni ta a. Mahse, tun thlengin mi tlêm zâwkte, a bik takin Kristiante, chu high court-ah thiam loh chantir an ni ngai lo.
Court tênau zâwkin hrem tura a tih pawh court sâng zâwkin a chhuah leh zêl thin. Chu vangin, he dan hi mi tlêm zâwk leh pawi sawi lote nêkchêpna hmanrua mai a ni. Tunah chuan sakhaw firfiak, a bik takin Taliban nena inzawm pâwlte chuan he dan hi siam tha lo turin sorkar an pawt bet tlat a ni. He dan hi tihdanglam mai chu thil harsa tak a nih ka ring a; mahse, Pakistan sorkar hian he dan hi a dik lo zâwnga hman theih loh turin theih tawp a chhuah huam niin ka hria.
CP : Pakistan sorkar chuan firfiakho a hlauh avangin dan chu a tidanglam ngam lo vang em ni?
Bhatti-a: Dik tak chuan, heng firfiakho hian he dan hi sakhaw inlungrualna angin an lantir a, firfiakho dona kawngah ke pên lo tura sorkar an hrên behna hmanraw pawimawh tak a ni. Chu vangin, he dan hi inpumkhatna anga lantir an tum rân a ni.
CP : Sakhaw sawichhiate hremna dan hi a dik tâwk lohna eng nge ni ang?
Bhatti-a: Sakhaw sawichhiate hremna danah hian ṭhen thum a awm a. 295 A-ah miin sakhaw dang biate rilru a tihnat chuan kum sâwm chhung hremna awrhtir theih tih a chuang a, 295 B chuan Muslim lehkhabu thianghlim Quran sawichhia leh dodal chu dam chhung lung in tântir theih a ti. 295 C-ah chuan rilru put hmangin emaw, ṭawngkamin emaw, chêtziain emaw Muslim puithiam thianghlim Muhammad-a sawichhia/dodal reng reng chu tihhlum theih an ni a ti.
Tin, he danah hian sakhaw sawichhia (blasphemy) tih tawngkam awmzia hi sawi fiah a ni lo va, sakhaw pakhat tân chauh a ding a, Islam sakhaw humhalhna a ni. Kristiante tan chuan Isua Krista humhalhna tur dan siam a ṭul lo. A chhan chu danin Isua Krista zahawmna a hum thei lo. Rilru leh thinlung hi Krista kan zahna chu a ni.
CP : 295 A-a mi dang rilru tinâ tih chu eng nge a awmzia?
Bhatti-a: Mi dang rilru tinâ tih chu “Kristiante hi an sual,” “Isua hi a tha lo,” “Hindu-te hi an sual” tih ang chi tawngkam hi a ni.
CP : Governor Salman Taseer-a martar-na khan eng nge nghawng a neih?
Bhatti-a: Ani kha mi tlêm zâwkte dikna, hmeichhiate chanvo leh Pakistan siam thatna tura mi huaisen a ni a. Sakhaw sawichhiate hremna dan hman dik lohna siam ṭhat tuma thih chilhtu a ni. Salman Taseer-a thattu kha Muslim firfiakho khan chawimawina nopui an dawmtir a. Tualthattu an lo lâwm kha thil âwm ang lo tak chu a ni.
Similar Posts:
- Pakistan Kristian Minister awm chhun kahhlum a ni
- Bangladesh Healing Crusade
- Taliban zingah ‘ Israel hnam bo’ an awm em ni?
- Mamit chhiat tâwkte tân Mizo Comedian-te
- Kraws
April 26th, 2011 at 12:08 pm
Chhiar 1st ang.
Report this comment
April 26th, 2011 at 12:12 pm
Mite hi cuan Krista an hmagaih na hi a thu mai nilo,pulpit atag cauh pwh nilo in,a tak leh hmuhtheih,hriattheih hian Pathian chu an hmagaih anih hi maw le……keini ve chuuuuuu…….sawilo ila kan in hmu ciag zok mai thei ani.:/:x
Report this comment
April 26th, 2011 at 12:16 pm
testing testing.. ting *****
Report this comment
April 26th, 2011 at 12:16 pm
A bengvarthlakin a ngaihnawm e. Pu Bhatti chu a ngaihsanawm hle mai. Mahse, zawhna thenkhat khi chu a zawhna tak chhan fuh lo a neiin ka hria.
Report this comment
April 26th, 2011 at 12:18 pm
Lal Rose, a dik ta’m.
Report this comment
April 26th, 2011 at 12:20 pm
#3@rose: rawn test vak2 suh kan test ve mai ang che
Report this comment
April 26th, 2011 at 12:22 pm
chhana zarah kan bengvar leh ta! Pakistan cricket team-a tel loh hlaua Muslim-a inlet a awm ve kha maw.
Report this comment
April 26th, 2011 at 12:22 pm
#4
Report this comment
April 26th, 2011 at 12:26 pm
hetiang chanchin ka chhiar apiang hian kristianna lo tak zia leh khawvela zung a lo kaihthhuk zia hi ka hrechhuak thin. engpawh ni se, only the good die young an ti em ni kha. God bless his soul
Report this comment
April 26th, 2011 at 12:28 pm
lalts thang khius
badbawih palian duap test ka hlau la !! 
Report this comment
April 26th, 2011 at 12:30 pm
#10@rose:ka awih la
Report this comment
April 26th, 2011 at 1:00 pm
Ti tak an awm a, thleng tlawr zuan an awm bawk.
“Thih thlengin rinawm lo awm rawh, tichuan nunna lallukhum ka pe ang che,”
Bhatti, dam reng rawh se. A kaptute rilru chawk danglam theituin hna han thawk ve hlak se ka va ti em! Ka bialnu Benazir Bhutto ka va ngai em!
Report this comment
April 26th, 2011 at 1:08 pm
Pu Chhana chu….rawn dek ngaihnawm ang reng ve aw, a dangte pawh rawn ti zel la maw-le, Pakistan muslim kalhmang leh ngaihdan hriatnan pawh ‘a hlu’ hle mai.
Report this comment
April 26th, 2011 at 1:10 pm
“A mi thianghlimte thihna chu Lalpa ngaih chuan hlu tak a ni”
Pathian ngaiha hlu hi mihring ngaiha hlu aiin a tha zawk. Ringtute thihna hian mite hnenah hlauhna aiin huaisenna a pe thin a, mi rinawmte thihna hian mi rinawm a chher chhuak thin; ram lak nana ringtute tih theih sang ber chu nun hlan hi a ni zel dawn khawvel awm chhungin. Isua Krista avanga thite thisen far khat hian mi tam tak a hruai lut a, thisen luang meuh chuan engzat tak hruai lut ang maw le?
Report this comment
April 26th, 2011 at 1:21 pm
Ka rilru a na thar hle mai. A unfinished business thawk zui tur fa a neilo lehnghal….mahse Pathianin Pu Bhatti-a lo bultran chhunzawm turin midang a dah leh thuai ang tih ka ring e. Thlan a phum hnu Lal Isua kaitho leh thei kan Pathian hian ultimate authority a nei tlat a, tuman a plans an dang thei lo.
Report this comment
April 26th, 2011 at 1:28 pm
A thih hma zawng hian Pakistan nula pakhat nen nasa takin facebook ah kan inhnial thin. Pu Bhatti pawh hi a nunna a hlauhthawnawm thu a sawi ziah zel a. Ka lungawi lo viau zel. A thih hma lawk hian inhnial tawh rih lo tur in frienlist atangin kan in ban ta a. Nula mah nise an sakhua tana thahnem a ngaihzia mai kha a fakawm ka ti.
Pu Bhatti thihna ah hian chi nung dik tak chu tuhin awm sela.
Muangten kan pa hnenah chawl mawlh teh se…
Report this comment
April 26th, 2011 at 1:33 pm
pawi tak ani he thil thleng hi. Pakistana Kristian arsi lian a her liam.
Report this comment
April 26th, 2011 at 1:52 pm
Ka sawi duh ber kala sawi chhuak lo….Pu Bhatti-a martar ruala ka rilrua lo lang hmasa ber chu-PU William Temple, Archbishop of Canterbury an duhthawh taka worship awmzia a hrihfiahna hi a ni. Pu Bhattia’n Pathian chibai a buk dan hi kan tih ve dan tur a ni ngawih ngawih in ka hre thin. Hetiang in Pu Templea chuan worship awmzia a sawifiah a-
“Worship is the submission of all of our nature to God. It is the quickening of conscience by His holiness, nourishment of mind by His truth, purifying of imagination by His beauty, opening of the heart to His love, and submission of will to His purpose. All this gathered up in adoration is the greatest of all expressions of which we are capable.”
Mizo tawngin ka dah tawh a mahse a phawkchhuak zo lo in ka hria. Pu Vakula te khan in duh chuan lo let ve rawh u.
Report this comment
April 26th, 2011 at 1:54 pm
Mi ngaihsanawm leh huaisen a ni.
“Kan tana a nun hlântu Isua Krista chu ka ring a, tunah hian chhan pakhat avanga thi tur ka ni. Ka mite tan ka nung a… an dikna humhim turin thih ka huam a ni,” a ti.
Lalpa tana Martar dik tak a niin ka hria!
Report this comment
April 26th, 2011 at 2:08 pm
#18 Krista, va ril raih raih ve a. Tu hrilfiahna nge phei chu ka hre lo hei hi ka la hria…
“Worship an expression of the acknowledgement that God is the Creator, Sustainer, Savior, Guide, Strengthener, Judge, and Final End of all existence. It is an expression of sincere reverence, humble confession, dependence and surrender, earnest prayer, faith and Zealous commitment in our relationship with God. It is an act or event through which human being communicate with God and the Word of God addresses them; indeed the experience of God becomes an impinging reality through Worship. Worship fosters a spirit of fellowship and solidarity, and facilitates mutual edification among the worshippers.”
Sei bik ve, chian zawk loh phei chuan…lo kawl tha leh rawh.
Report this comment
April 26th, 2011 at 2:17 pm
@Pu Vakul: Ka nun tur atan chuan a phawkchhuak chiang ngei mai a. Kalo vawng dap ang e. Tha ka ti hle mai.
Report this comment
April 26th, 2011 at 3:37 pm
An sawi a, an bawhzui a, an thihchilh ngam a. Ringtu diktak te hi zawng, an lo huaisen thin mange!
Report this comment
April 26th, 2011 at 7:01 pm
He thil hi ka hriattirh khan ka hnuk ati ulh. A ropui ka ti, a thihna hi a thlawn mawlhlo ang tih hi ka hrechiang.
Report this comment