A hmasain India ram, India hnam damna tura mi hmasate’n an lo beioh dan i thlir thuak thuak teh ang.
Subas Chandra Bose leh Mahatma Gandhi ngaihdan a in ang lo tlat mai. Subas Chandra Bose chuan Japan leh Germany chakna hmanga India ram awptu sapho um chhuah vek a, India zalen tir turin vai thalai tamtak a khawm a. Japan leh Germany Ralthuam hmangin Sapho chu kiltin atangin an nawr ta a. Hma am sawn duai duai laiin Germany a tlawm a, Japan a tlawm ve leh ta. An hlawhchham chiang hle.
Mahatma Gandhi erawh chu Sap ramah mi ropui ni a, Ukil hna te a thawh mek laiin a incheina a han en a, Sap silhpuan hlir a ni si. Amah a han in en a India mi, vai dik tak ni tura chung Khuanu din a nih a inhmu chiang a, India ramah a lo kir a, hnam chhanchhuahna tur chuan mahni hnam zia leh nihphung chung Khuanu pek zawng zawng te humhalh a tihhmasawn zel a, ram leh hnam leh a sakhua humhalh tlat chu hnam dinchhuahna tur hnuk a ni tih hriain bul a tan ta a.
Charkha(la herna hmui) in la a kai tan a, Sap thuamhnaw; suit leh necktie te hlip thlain Vai hrenpereng hrengin vai puan a bat a, hma a la tan ta. Tichuan mipui lo thangharh zel chuan an zui ta hum hum mai a, a tawpah chuan pawn lam leh chhung lam hmelma zawng zawngte hneh vekin kum 1947, August ni 15 khan India zalenna a lo sual chhuak ta a ni.
Tichuan kan ram leh hnam dinchhuahna tur leh a dam khawchhuah theihna tura beih dan thlur hnih chu i lo en teh ang:-
1. Kristian pawl hrang hrangte:-
Hringnun lamah chuan mi tha, sawisel bo hial awm leh mi dik tak tak an awm teuh mai. Mahse an hmanrua an hmang fuh lo tlat a ni. Foreign hmanrua an hmang a, hnam zia leh nihzia rap betin, ram pawn ziain kan inpholang a, Thlado kungah Chawnpui a par tak tlat hi. Bilbe thu leh a zirtirna thu pawh hi a tha khawp mai. Amaherawh chu Zofate kaihhruaina tur a ni lo ang e kum 100 aia rei Bible chuan min awp tawh a, sawi tam ngai loin tun hi min hruai thleng a nih hi.
Isua huat zawng takin pawl hrang hrangah an inthen darh vak a, pawl dik an ni vek bawk a. Isua chuan,”Ka beramte chuan ka aw an hria ang, pawl khatin an awm ang a, a vengtu pawh pakhat nen,” a ti a. Paula pawhin pawl hrang hrang hi a duh lo khawp mai. Mahse tuman an zawm duh lo. Zofate inpumkhatna tichhe vektu a ni tlat mai. Hmanrua hi a pawimawh hle. Mistiri thiam tak pawh hian furniture mawi tak siam turin chempui ringawt hmang ta sela a nawi nuaih ve tho ang.
Hei hian a nghawng pawi thui hle a sin; chatuan ram sawi nan mahni intheihnghilha hnam dang chawimawi phahin,’Jerusalem thar, Eden thar, Zion khawpui,’ ti tein kan lam a, kan hmingah lah John, Jacob, David, Mary, Esther etc. tih te a kawi nuaih mai. Tichuan Zion street, Bethlehem, Bethani, Kidron ti tein veng hming koh a ni zel bawk a, Zofate bo dan hi a thuk lutuk.
I han sawi leh hlek teh ang. Bible hian Mizote a huam lo. Pathian pawh hi Israelte Pathian a ni tlat. A thu zawng zawng pawh hi kan inbel chawp vek a ni.. Entirnan; Paula chuan Philipi khuaah te, Ephesi khuaah te lehkha a thawn a, kan lo inbel chawp ve a, a then phei chuan chu lehkhathawn bung leh chang atangte chuan Pathianin pawlin an inhria a, bo tak an ni. Hengte hi i lehkha a ni lo tih hria la, heng thil hmangte hian i thluak suk a nih tawh avang mai mai a ni, zahthlak i tih hun a la thleng ang.
2. Lalhnam (Mizo sakhaw vuantute):-
Mizo sakhua, Mizo Pathian chuan Mizo-ah min din a, ram min luahtir a, nihphung leh nih dan ziain min thuam vek a. Duh taka a siam kan nih angin nihphung leh zia min pekte tihhmasawn a, amah siamtu duhdan ang taka par chhuah hi Mizo sakhuain a tum tlat chu a ni a, hnam dang zia a parfung lo chawi tawh zawng zawng pawhin kan inthuamna hlip a, khaunu duhdana inthuam a, par chhuak turin min sawm e. Gandhi-a ang a bul tan ve in hnam ropuiah Lal in min siam ve ang.
Chutih hunah chuan hnam pawi khawih chu Pathian pawi khawih, ram pawi khawih chu Pathian pawi khawih an ni tih hriain kan thangharh tawh ang a. Ram chuan hmel thar chhuahin Zoram thar ni a eng tawh ang a. Kohhran zawng zawng hi bo vek tawhin Mizoin kan luang khawm leh ang a. Kan pipute lo kaihruaitu Zofate sakhua ngei chu a ding tawh dawn a ni.
Mizote chuan chhungkaw bil leh mimala Pathian an biak hian Pathian hming chu,Sa,’ an ti a, khawtlang leh hnam pum huapa an biakin Pathian chu,’Khua’ tiin an lam thin a, chu chu lam finin,’Sakhua,’ an ti a. Chu chu,’Pathian,’ tihna a ni. Chuvangin zofate chuan chatuan Pathian chauh lo chu sakhua kan nei lo. Tichuan Mizo sakhua chu Pathian a ni a, Mizo sakhaw vuantute kan tih chuan Chung khuanu chauh vuantute tihna a ni. Kristian te, Muslim te, Budhist te, Hindu te hi relogion an tih chu a ni a, Mizoin,’Sakhua’ a tih diktak kha chu an ni lo vek a ni. ‘Religion,’ tih hian,’sakhua,’ tih hi a phawk pha lo a ni.
Chutih hunah chian Israelte Pathian ni loin Mizote Pathian kan be tawh ang a, kan chatuan khawpui sawi nan pawh,’Aizawl khawpui thar, Lunglei khawpui thar,’ tiin kan lam ve ngam tawh ang a, kan fuke leh kimtlang zawng zawngte hi Lal mit puin, mawi leh thain kan hre ve tawh ang a, Zo zia; taimak, thian chhan thih ngam leh tlawmngaihna te chu Pathian biakna a ni tih kan hre tawh ang. Nu leh pa zah chu Pathian zah leh a thuawihna a ni tih kan hre tawh ang a, inzirtir chawp ngai tawh loin nunin kan hmang nghal tawh dawn a ni.
2. Lalhnam (Mizo sakhaw vuantute):-
Mizo sakhua, Mizo Pathian chuan Mizo-ah min din a, ram min luahtir a, nihphung leh nih dan ziain min thuam vek a. Duh taka a siam kan nih angin nihphung leh zia min pekte tihhmasawn a, amah siamtu duhdan ang taka par chhuah hi Mizo sakhuain a tum tlat chu a ni a, hnam dang zia a parfung lo chawi tawh zawng zawng pawhin kan inthuamna hlip a, khaunu duhdana inthuam a, par chhuak turin min sawm e. Gandhi-a ang a bul tan ve in hnam ropuiah Lal in min siam ve ang.
Chutih hunah chuan hnam pawi khawih chu Pathian pawi khawih, ram pawi khawih chu Pathian pawi khawih an ni tih hriain kan thangharh tawh ang a. Ram chuan hmel thar chhuahin Zoram thar ni a eng tawh ang a. Kohhran zawng zawng hi bo vek tawhin Mizoin kan luang khawm leh ang a. Kan pipute lo kaihruaitu Zofate sakhua ngei chu a ding tawh dawn a ni.
Chutih hunah chian Israelte Pathian ni loin Mizote Pathian kan be tawh ang a, kan chatuan khawpui sawi nan pawh,’Aizawl khawpui thar, Lunglei khawpui thar,’ tiin kan lam ve ngam tawh ang a, kan fuke leh kimtlang zawng zawngte hi Lal mit puin, mawi leh thain kan hre ve tawh ang a, Zo zia; taimak, thian chhan thih ngam leh tlawmngaihna te chu Pathian biakna a ni tih kan hre tawh ang. Nu leh pa zah chu Pathian zah leh a thuawihna a ni tih kan hre tawh ang a, inzirtir chawp ngai tawh loin nunin kan hmang nghal tawh dawn a ni.
source: Minung Dar ri
A duh tan hnamsakhua.blogspot.com-ah a chhiar theih bawk e.
Similar Posts:
- Ti hian ka ngaihtuah thin
- UK Zofate
- Mizote hi Adama leh Evi thlah kan ni lo
- Mahni hnam tawng thiamloh a zahthlak
- Zofate kan nihna
April 27th, 2011 at 11:34 am
chhiar anuam in bengvar thlak hle mai.
Report this comment
April 27th, 2011 at 11:42 am
ka hul
Report this comment
April 27th, 2011 at 11:45 am
ngaihdan ka nei lo
Report this comment
April 27th, 2011 at 11:54 am
Zirtirna diklo.
Report this comment
April 27th, 2011 at 11:56 am
I thusawi ka pawm chiah loh te..
1. “ram leh hnam leh a sakhua humhalh tlat chu hnam dinchhuahna tur hnuk a ni tih hriain bul a tan ta a.”
= Gandhi a kha hindu a ni a, a tantirh chuan, sakhua leh politics chawhfin a sawimawi, a hnu lamah, a sawichhe leh tawh..(rilru thlak thut a ching hrim2). Sakhua hindu leh Muslim avangin kan buai luih2 a, mi tamtakin nunna an chan a, India ram leh hnam leh a sakhua humhalh tlat hi dinchhuahna tih hi pawm a har..
2.Bible hian Mizote a huam lo.
= Bible hian Mizo a huam lo i tih hi literal lutukin ila a ni, Bible hi hnam chanchin ziakna ang lekah i ngai niin ka hria..khawvel mihring zawng zawng a huap. Amah ring piang (eng ram leh hnam pawh) chhandam an ni ang.
3.’Sakhua tih hi PATHIAN tihten terminology pakhat a i sawi hi ka hriatdan nen a inpersan..khawvel Sakhua kalphung hrim hrim ah pawh SAKHUA tih chu a institution lam a ni deuh. Mizo pawhin, Sakhua kan lo tih thin kha, “chik zawka kan en chuan, “RITUALS” chauh mai a ni zawk…
4.Thil kaltawh, trul lem lo revive tum hi a trul lo khawp mai.
5. I promote tum, Mizo Sakhua” i tih hi Mizo Sakhua tak pawh a ni lova, tunlaiah MIZO hming i hawh mai a ni. Tin,i tlangzarh tum ber, MIZO SAKHUA (quate/unquate) hian innghahna/foundation mumal a nei lo emaw ni aw ka ti..Midang hneh a har ngawt ang..
Duhtawk ang, sawi tur a tam..
Report this comment
April 27th, 2011 at 11:57 am
He khawvel ah hian Pathian pakhat chauh a awm, ISUA KRISTA kan LAL leh CHHANDAMTU CHAUH.
I sawi hi ka va man thiam ve lo, kei mimawl hian.
Report this comment
April 27th, 2011 at 12:10 pm
A va dangdai thin ve. “Mizote chuan chhungkaw bil leh mimala Pathian an biak hian Pathian hming chu,Sa,’ an ti a, khawtlang leh hnam pum huapa an biakin Pathian chu,’Khua’ tiin an lam thin a, chu chu lam finin,’Sakhua,’ an ti a. Chu chu,’Pathian,’ tihna a ni. Chuvangin zofate chuan chatuan Pathian chauh lo chu sakhua kan nei lo.” tih lai khi. Logic zir tawh tan chuan, zir ve lo tan paw’n, a ‘premises’ atanga a ‘conclusion’ lak dan ngawt khi a mak i.e. a tlar hmasa atanga a sentence tawp ber a rawn chhui chhuah ngawt dan khi. Gandhi chu mi ropui a ni teh meuh mai – mahse vai kan tih ho zawng zawngin an ngaisang lo. South India-ah ngat phei chuan Dr BR Ambedkar tan zawk an ni hlawm a, ani hi an Pathian biak lo chauh. Ambedkar leh Gandhi kha reservation chungchangah an inmil lo nasa tih kan hriat kha. Gandhian ethics sawi chuan a hnial peih ber ber an ni. Tin, Gandhi khan a sap kawr te hlipin ‘vai’ a nihna pawmin te a ti ngawt a, vai pawh chi hrang hrang an awm a, an inchei duhdan a inang vek lo
Sap kawr a hak duhlona chhan kha chu ‘foreign goods’ in Indian market a chiahpiah hneh lutuka chuvang zawk chu a ni. Keia ngaihdanah chuan, Pathian thu chu, hmanraw hrang hrang hmangin kan hril tur a ni. Foreign hmanrua pawh lo ni raw sek sek, a ‘message’-a a ngai reng a nih chhung chuan, hmanraw hrang hrang hmanga Chanchin Tha hrilh darh kha a Pathian thuin ka hria. A thu/’message’ kha tihdanglam loh erawh a pawimawh thung. Engpawhnise, Christianity a pawm lo hrim hrim tih a chiang a, hnial vak pawh a niin ka hre lo; a personal anti-Christian opinion a ni berin ka hria. Chutichung chuan, Hnam Sakhua a tih mawlh mai khi, Mizo hnam kalphung tak tak lam ai mahin ama ngaihdan zulzuia a kaihhlek a ni zawk mahin ka hria.
Report this comment
April 27th, 2011 at 12:15 pm
Hnam Sakhua-ah hian dinchhuahna pumhlum a awm lova. Mizote Pathian chu, Baibula kan hmuh Pathian – Jehova kha ani.Chumi ringlotu chu; KRISTIAN ( cf: Acts ) ani lo tihna ani.
Mizote Pathian itih hi tunge ?
Unity In Faith Does Not Mean Uniformity In Worship And Practices
Report this comment
April 27th, 2011 at 12:23 pm
A ni mo
Report this comment
April 27th, 2011 at 12:58 pm
Hnam i hre ler lutuka, i huang a zim mai mai a ni….kan hnam thlahtu bul ber chu mihring hmasa ber Adama a ni.
Adama thlah te kan lo darh zau zel a, Pathian hrelo hnam apiang-in, hnam bing ngaihdan zimte an nei thin.
Japan an ni emaw, German an ni emaw, Indian an ni emaw…Mizo an i emaw..Adama thlah te vek kan ni. Adama thlah hnam hrang hrang te – chu Krista Isua ah,kan lo inpumkhat leh ta…Juda an awm tawh lo va, Greek an awm tawh lova, Indian, Mizo Japanese an awm tawh hek lo. Krista Isua ah chuan chhungkaw lianpui kan lo ni leh ta a nih chu….
Report this comment
April 27th, 2011 at 2:05 pm
@Hnam sakhua: Ka thian, i post hmasa pawh ka chhiar chhuak dap a, ka rilruah ila cham reng, i ngaihtuahawm hle a ni. Harh la, inlamlet in, A khawngaihna kan tan ala inhawn lai hian chan ngei tum ang che……………..Hre reng a tisual lui i nih erawh chuan kan Bible thianghlim behchan kher lo hian in khuanu chu va be zawk tawh u.
Report this comment
April 27th, 2011 at 2:43 pm
@Hnam sakhua, i bo nasa lutuk a, kan inchhang fing zo lo ang tih a va hlauhawm ve! Bakah, hetiang zirtirna diklo uchuak lutuk ang chi hi zaidam raiha chhan hi harsa ka ti thin. I huatthu suhah, chhan tlakah pawh ka ngai lo lek lek che a ni.
Isua leh Bible sawi chhe chung siin Bible chang thurchhuakin i sawi ang zuah zuah a, Isua hming te pawh i lam ve chhen bawk a! Setanan i thinlung a bumna ata hi inlamletin CHHANDAMTU ISUA hi rawn pan phawt mai teh. Hun tha i neih lai hian.
Hnam mai ni lo, khawvel pum pui damna chu Isua hi a nia sin! Kan ti leh teh ang – Nangni ho hi Diabola bumna lenah in tang a, Israelte Pathian hi Mizote Pathian pawh a ni tih pawh hre thiam pha lo khawpin a bum a tawh che u a, Abrahama Pathian, Isaka Pathian, Jakoba Pathian kha keini MIZOTE PATHIAN pawh a nia sin! Nangnin Mizote Pathian in tih hi chu Setana, eng tirhkoha in lan thin hi a ni han ti tawp mai ila, in tang ruh ve dawn ropui si! Duh tawk ang aw! In zirtirna hi ka haw em a, ka han tawng duham deuh a ni e. Nangni ai chuan a bumtu che u hi ka hua!
Report this comment
April 27th, 2011 at 2:53 pm
sawi peih lo….
Report this comment
April 27th, 2011 at 3:08 pm
Report this comment
April 27th, 2011 at 3:17 pm
A tualchher deuh. Abrahama Pathian, Isaaka Pathian, Jakoba Pathian kha Messia thisen zarah kan Pathian atan a tha lawtlak. Babulon, Medo Persia, Grik leh Rome Lalram ropuite tichhe thei awmchhun kha van Pathian a ni. Pathian tihtute ram a hmuingil ngei thin, he khawvel aia kan nghahfak zawk, Abrahama hnena tiama awm khan Zoram a rin lut hauh lo. Euphrates atanga Aigupta luipui inkar a nih kha le, chutah chuan Naomi Pathian tawmpuitu Ruthi, jentail nuthlawi nihlawhna kha, Isua pi a ni thei tlat. Mizo Identity chu a tha, Mizo Individuality erawh sakhaw suak a ni.
Report this comment
April 27th, 2011 at 3:30 pm
post tur hriat thlak em mai.. tunlai ah corruption alom kan buaipui toh zok.. I post BC. em mai
Report this comment
April 27th, 2011 at 3:35 pm
@ posttupa… i sawi tum chu ka hrethiam a, mahse i thusawi khi i hre thelh deuhin ka hre tlat. ka chunga miten an sawi nual tawh a, tlem sawi ve ka duh…
1. Gandhi-an “ram leh hnam leh a sakhua humhalh tlat chu hnam dinchhuahna tur hnuk a ni tih hriain bul a tan ta a.”i rawn ti a. Mahse Gandhi kha Christianna sakhua hian a lo influence riau a sin… “non-violence” movement te pawh kha Isua zirtirna ‘Sermon on the Mount’ atanga chhuak asin. Vai ram leh hnam humhalh a duh viau si chuan engatinge Sapho Lehkhabu Thianghlim chu a nun a kaihhruaitir duh ang?
2. “Bible hian Mizote a huam lo. Pathian pawh hi Israelte Pathian a ni tlat” i ti a… Bible chhiar chiang mang lovin i rawn puak ve phawng ringawt niin a lang. Ni e, Pathian khan Israel thlahte chu a thlang ngei mai, engvangnge? Hnam dang zawng zawng malsawmna ni turin a ni a thlan ni. Israel a thlan lai khan khawvela hnam zawng zawng hi a hre reng a ni tih i lo hre dawn nia (a Bung leh chang kha Gen 12 vel ni tain ka hria, chang dang tam tak pawh a awm)….
3. A reng reng ah Mizo Pathian leh Israel Pathian hi a inanglo angin i sawi a, chumi awmzia chu Pathian hrang an nih loh pawn a tu zawk emaw hi a awm lo tihna a ni dawn a. Bible a kan en chuan Pathian khan amah chauh Pathian nung a awm thu a sawi chiang hle (a reference min han tanpui teh u)
4. Kan culture leh customs chu kan chawinung tur a nih laiin, hman lai anga kawr ha mang lova sa pel tih vel a tulna ka hre lo. Changkanna lam aiin hnungtawlhna lamah min hruai i tum hmel!
Report this comment
April 27th, 2011 at 3:41 pm
a blog ka chhiar chak tehreng nen a inhawng thei miah lova maw le! areng reng ah he post hi ka
e
Report this comment
April 27th, 2011 at 4:44 pm
@keimah & @chawnghilh leh misual dangte: Ramthim thawhlawm kan thawh a, kan thalai fel tak tak mi ramah an feuhchhuak a, chutih laia mizorama-ah(?) ngei hetiang kan lo la awm hian ka rilru a khawih hle(post hmasate khu zuk en ula), hnial vak pawn awmzia a neih ka ringlo….Hawh u! A thei thei chuan i tawngtai pui mawlh mawlh ang u. (ka ti tak tak)
Report this comment
April 27th, 2011 at 5:02 pm
Mizo Israelism huanga Ephraim tih leh Menase intih ai chuan Krista (Juda hnam, lal hnam) thisena leite hi kan nihlawh fe zawk. Thu Puan Bu hi AD 100 lai vela ziaka ngaih a ni a, hnam bo tun thleng thlenga la inzawn hi uanthuanna chi pawh a ni lo —Thu Puan Bu-ah khan puanchhuaha awm tawh chu Israel hnam tina mi zingah khan Ephraim leh Menase 12,000 ve vein chhinchhiah an ni daih tawh. Hmuh let leh an ni hman tawh. Ephraim inti leh Menase intiten bo an intihna ramah Synagogue nei zel an insawite hi thu satel lu a ni. Hnam 10 bote bo tantirh hun lai kha 721 BC vel daih a ni a, khatih lai khan synagogue a rim a ra, hnam boten an chhawm zui zel tur a awm nguar ang lah! Judai ram lama hnam hnih Benjamin leh Juda-te kha Babulon-a an saltan hnuah synagogue an nei tan chauh bawk. Thil universality awm lo lutukah inham beh a ngai lo. “Khawchhak thli zui” tih pawh Assuria ram atanga teh pawh ni se, khawchhak thli hi Oriental lamah a tleh chho lo, khawchhak thli chu khawthlang lam hawiin a tleh zawk bawk. Tin, zawlnei tawngkauchhehah chuan, thli hi indona sawina a bawk si! Thu va uk, thu satel lu hi chaw tak khuka khukpui chi a ni lo.
Report this comment
April 27th, 2011 at 5:17 pm
Churchianity hi a pawi, kan ram leh kalphung a tichhia. Christianity ziding, Tirhkohte Thiltih Bu-a lang phate hun lai ang chiah kha kan mamawh.
Report this comment
April 27th, 2011 at 5:51 pm
Kan Missionaryte khan MIZO ten Pathian kan hriatchian si loh kha, KRISTIAN Pathian a ni e tiin min hrilh thin. Chuvangin, PATHIAN kan rin hi thuhmun tak a nih chuan, tuna PATHIAN i tih hi i rawn vuahchawp in, deities dang KHUANNU te rawn revive leh i tum deuh em ni..?
Report this comment
April 27th, 2011 at 9:23 pm
Lal Isua hi hre chiang la, bel rawh….i hnam sakhua kha hre chiang la hlau rawh. I khawngaihthlak riau mai
Report this comment
April 27th, 2011 at 9:35 pm
comment lo mai teh ang
Report this comment
April 28th, 2011 at 2:34 am
Kan thil hriat dan a va han dangdai ta ve. Zopa titi thiam tak zawng i nih hmel e Post tupa, bum theih mual mual te pawh i neih hmel si a i chung a va han rip dawn em. Rorel ni ah sawifiah puitu tur i neih vak loh hmel mang e. Pathian sawichhiatna (blashphemy) dik tak ni ah ka ngai kei zawng
Report this comment