Mizote hi Adama leh Evi thlah kan ni lo

February 22nd, 2011 4:30 pm by Hnam sakhua

Kan chênna khawvel hi engtia rei nge a nih tih hi chhui phak rual a ni lova, rin thilthu pawha dah ngaihna awm lo khawpa rei chu a ni a, mihringte lo awm Å£an hun pawh hi engtia rei nge hriat rual a ni hek lo.

Kristiante lehkhabu Bible-a ziak mi hmasa bera a sawi Evi eh Adama te hi Bible kum chhut mite chuan B.C. 4000(sangli) hun lai mi chauh an nih hi an tarlang chiang em em , tunah A.D 2007 (sanghnih pasarih) chauh a la ni bawk si a. Chuvangin Evi eh Adama te upat zawng chu tun hma kum sangruk pasarih (6007) vel bawr mi chauh kha a ni a.

Kan chhak Myanmar (Burma)-ah khian tun hma kum nuaili khan mihring an lo cheng tawh a, tun hma kum sangruk vel khan buh an lo ching tawh a ni tiin ‘MIZO CHANCHIN’ tih B. Lalthangliana (M.A. Hist. Mandalay University) ziakah khan kan hmu a. Evi eh Adama te pian kum vel khan Myanmar-ah chuan buh an lo ching tawh a nih chu.

Khawvela nunna lo awm Å£an hun leh lo awm dan hi mithiamte chuan an chhui nasa em em a,’Organic Evolution Theory’ ngaihdanah chuan kan chenna khawvel hi kum tluklehdingawn sangruk-a upaah an pawm tih “Hriatna Rilâ€ ziaktu K. Pachhunga (M.Sc., Lecturer Lunglei College) chuan a tarlang a.

‘India mite chu tun hma kum singkhat liam tawhah khan Andaman thliarkarah an lo pem lut tawh a niâ€ tiin Indian History-ah kan hmu a. Chuti a nih chuan Evi leh Adam apian hma kum sangli vel khan Andaman panna tur lawng an lo siam tawh a nih chu.

Kum 1981 khan Java thliarkarah lu ruh an hmuchhuak a, Dutch mi niin an hria a. Tun hma kum maktaduai khat leh nuainga vela rei ni tawhin an hria.

Mizo mipuite’n mihring hmasa ber chu Evi leh Adama nia an ngaih tlatna leh mihring zawng zawng thlahtua an ngaihna chhan hi hriatna baihvai taka kan awm laiin kan aia hnam fing hmasa saphovin Bible hi Pathian thuah min pawmtir a. Chuta lo inziak chu dik vekah min ngaihtir tlat a, an thu a kawi a ngila kan zawm vek avangin Evi eh Adama chu mihring hmasa ber leh khawvel mi zawng zawng thlahtu angah khaw dang hawi lo tawpin kan ngai hmiah mai a ni.

Evi leh Adama bawhchhiatna pawh khawvela thihna lo awm chhanahte kan ngai vek a, an tihsual pawh khawvel mihring zawng zawng sualna lo awm chhanahte kan ngai vek a, he ngaihdan mâwl tak hian Mizo mipui thinlung chu a luah nghet êm êm a.

Judate thlahtua an ngaih Evi eh Adama te pian hma hian khawvelah mihring an thi tam êm êm tawh a, an ruhrote pawhin khawvel a luah rem rum a. Evi leh Adama te avanga thihna hi lo awm a ni reng reng lova, sualnate pawh an bawhchhiatna avanga lo awm a ni hek lo.

He khawvela mihringte hi mi pakhat thlah lo pung chho zel kan ni lova, hnam tinte hi a tir aÅ£angin siamtu Khuanu din vek kan ni a. Kan Å£awng Å£heuhte hi min pek Å£heuh a ni.

Keini zofate pawh hi a tir aÅ£angin kan Pathian Chung Khuanu din hnam kan ni a, min thlahtu chu Chunga Mi Chung Khuanu chu a ni a. A kutchhuak khawvela lo awm chu kan ni. Evi leh Adama thlah kan ni lo chauh ni lovin Sâp te, Negro te Vai te thlah kan ni hek lo. Mihringte a din tirh laia a tir aÅ£anga Chung Khuanu din hnam kan ni fel nalh tih hi i hre chiang ang u.

Min dintu Chung Khuanu leh a din zofate leh Zofate chenna ram Zoram, Pathian min pêkah hian kan Pathian thu chu a awm famkim vek a, kan hnam hi Pathian kutchhuak kan nih avangin Pathian thu kan ni a. Kan ram hi kan chenna tura Pathian min pek a nih avangin kan ram hi Pathian thu chu a ni bawk a. Chuvangin kan hnam pawi khawihtu chuan Khuanu pawi a khawih a, kan ram pawi khawihtu chuan Pathian pawi a khawih a ni.

Zofate hi Evi leh Adama thlah kan nih loh avangin an thil tihsual mawh kan phur ve lova, Evi leh Adama thlah Judate zinga rawngbawl tura zin vel “Israel hnam hnenah lo chuan tirh ka ni loâ€ titu Mari fapa kha Zofate nen inzawmna leh inlaichinna pakhat mah kan nei lo. Min chandamtu a ni hek lo. Kristian nita Mizo mipuite’n min chhandamtuah kan pawm mai zawk a ni. Mahse min chhandamtu a ni si lo.

Sources-Ram Kawngbo Hruaikir Lehna

115 Responses to “Mizote hi Adama leh Evi thlah kan ni lo”

1
kawlhawk Says:
February 22nd, 2011 at 4:33 pm
Khaih a!1! Va mak awm ve 1e, chhiar tan i1a…
2
cotdarz Says:
February 22nd, 2011 at 4:40 pm
Haha
3
sisen Says:
February 22nd, 2011 at 4:43 pm
4
badboy Says:
February 22nd, 2011 at 4:46 pm
a.. inhnial ka peih lo a nia.. Pathianthu hi chu kawppui nei zel anih avang in inhnial dawn chuan inhnial na tur a tam lutuk
5
cotdarz Says:
February 22nd, 2011 at 4:46 pm
Carbon dating hi kum sangbi tlemte bakin a rintlaklohzia hriat a ngai.. Kristianna hnualsawt nan phei chuan a nep lehzual. Adama te hunlai chu an hre dik dawnlo rapthlak!! Thildang pawh khi a dik dawnlo. Innghahna tlakloh
6
Pakak Says:
February 22nd, 2011 at 4:52 pm
7
Soberboy Says:
February 22nd, 2011 at 4:53 pm
Ka va han awih lo emmm
8
Dr khuanghnuna Says:
February 22nd, 2011 at 4:59 pm
Amah ringtu te tan chuan engmah hi buaina tur a awmlo amah kan rinna ah hian chiang ila bel top ila tok mai
9
spam Says:
February 22nd, 2011 at 5:00 pm
Sect lam a va awn ve…
10
Broundmay Says:
February 22nd, 2011 at 5:08 pm
Ka lo tawngtaipui tawp mai dawn che em ni??????
11
ma-a Says:
February 22nd, 2011 at 5:11 pm
Iau! leh ta mauh mai a!
12
pibuhdeng Says:
February 22nd, 2011 at 5:13 pm
Hnam Sakhua ni tlat mai a post tu chu! ;-)mak thei ngei mai.. tuemaw ni tak chu i ni ngei ah.

He site ah ngei pawh hian hetiang lam thu hi chu a khat tawk hian chhiar tur a la awm zeuh2 zel ka ring. Kan khawvel hi heti hi ni zo tawh si a. Isua kha mawngkawhur a ni ti tawk te an awm tawh nia.. a rapthlak thin
13
Soberboy Says:
February 22nd, 2011 at 5:18 pm
Engpoh nise.Tawngtai Pui a ngai anih hi . . Haha
14
Sandman Says:
February 22nd, 2011 at 5:26 pm
Pu kawlhawk, hman zan pu ZoramGenesis te in a blog pakhat ka hmuh che kha i hrechhuak em?
15
H.Vangchhia Says:
February 22nd, 2011 at 5:29 pm
Conspiracy theory tiah tiah kher mai. Ni e Adama leh Evi hi mihring hmasa ber tiin sawi thin mah ila,an fapa kha khawchhak hla takah kalin nupui a nei leh lawi si a, tu thlah tak ni ang maw.

Engpawh chu nise, Mizo ten ‘Khuanu‘ kan tih hi Pathian nen sawi kawp chi a nih hmel loh. Khuanu chu English a nature spirit an tih ang lam a kawk daih. Chumi vang pawh chu anih hmel e, bible lehlin pawh khan Pu Khamliana Sailo khan Pathian tih a thlan chhan kha!

Tunlai feminist theologian thenkhat te pawh hian Pathian tih hmang lova, Khuanu a thlak an duh. Hei hi Khuanu awmzia an hriat loh vang ni maiin alang. Anih loh chuan Pathian rin bik neilo (Pagan) nih angai ang.
16
chhana Says:
February 22nd, 2011 at 5:35 pm
Va mak dawn ve!!!
Hetiang a nih chuan ‘Keini Evi leh Adam-ate thlah’ intite hi, kan nih leh si loh chuan Evi leh Adama-te thlah kal zel pi leh pu berte’n thil an tihsual avanga chhandam ngai, Isua Krista’n a rawn tlante zingah khan kan tello tihna a niang maw? Chuti a nih chuan KRISTIAN nih pawh a va tul lo mai awm ve!!!
Hriatna a pun leh buaina a pung.
17
kawlhawk Says:
February 22nd, 2011 at 5:36 pm
Pu Sandman, Lo hre chhuak lem nang aw… I galaxyS ah khan en tur leh hmuh tur a pui a tam lutuk a, eng ber kha nge ka va’n hre mai thei ta lo ve

…bakah, khami zan boruak kha mumang ang ruaiin ka hria
18
ReMpY_ScisSoR Says:
February 22nd, 2011 at 5:37 pm
‘Evi leh..’ tih poh chu i type dik thei thlot lo mi? Evil eh!
Nia, keipoh Genesis hi chu rindan tok ka nei tawp mai…ngaihdan nghet poh k nei theilo/ngamlo..
19
pibuhdeng Says:
February 22nd, 2011 at 5:43 pm
Pathian thu hi chu tlem RISK hi ngai ve in ka hria, Adama leh Evi tih vel kha chu kan prove tak tak thei toh si lo a le.. Han ring ve top phot mai ila.. Bible in a ti sia lawm tiin.

Hetiang thu avang hian kan rinna a buai phah lo turah ngai ang.
20
huxleyback Says:
February 22nd, 2011 at 5:45 pm
# a post tupa…..hei hi chu in hnial buaina tham a ni lo ee…. Bible pawh hne thui vakin ka ring lo… i ngaih dan dan hian lo ngai phawt mai tehh… a hahthlak thin zawng a ni ee…. Evi leh Adam chu eng pawh nise,Isua leh zel han sawi tel chu a van RAPTHLAK veeee….. ng chu Pathian i nih lawh pawhin i kawm nel viau in ka ring ringawt a.. a nih chuan I Patian chu min han hmuh tir teh… tlema i thlir zau deuh chuan khawvel mihringte hi thlahkhat kan nih zia i hriat ka ring a sinn….
21
Krista Says:
February 22nd, 2011 at 5:50 pm
Tunge maw a post tu hi le… hnai set sawt han inkawm ava chakawm ve mawle… Mak thin ngei mai. Mahse a tha hetiang te pawh hi kan tawng zel dawn.

Hetiang ang deuh rinna nei Mizoramah kan nei em ni kha? Rawngbawlna ngaiin alo post ve ni ngei tur a ni a….
22
Fugitive Says:
February 22nd, 2011 at 5:58 pm
Hetiang thu hi ka hre tawh. Ka ngaihla ngun tawh bawk! Coz, ka pute hi Mizo Sakhua vuantu an nia. Keimah chuan ka pawm em em hran lo. Bible hi pakhatmah ka ringhlel lova, ka pawm em em vek. Chhut pawh ka chhut buai peih lo. Helai Zoram zimte atanga Bible a dik love, ekebale, ka sawi zawm peih lo.
23
ReMpY_ScisSoR Says:
February 22nd, 2011 at 6:03 pm
Thlahtu bul (1 pair) hi cu an om ngei a ngai si ang. Mihring chauhlo poh, ramsa zong2 poh..an thlahtu bul an om ngei a ngai. Kn thlahtu bul te cu Adama leh Evi an ni mai lomni?? Simple.
24
tlau Says:
February 22nd, 2011 at 6:05 pm
Booo…..
25
pibuhdeng Says:
February 22nd, 2011 at 6:06 pm
Rempui pu hi ka pu
26
nimer Says:
February 22nd, 2011 at 6:07 pm
a posttupa nick leh a thil post chu a va inmil ve….mihringte hi kan fin tur ang aiin kan fing tawh mah mah emaw ni le!! Nge kan mawl tawlh2 zawk? He post chu ka support vak lem lo….
27
Tuaiduhlawmlai Says:
February 22nd, 2011 at 6:23 pm
A khaih a
28
Sandman Says:
February 22nd, 2011 at 6:27 pm
Rempy: ‘Evi leh..’ tih poh chu i type dik thei thlot lo mi? Evil eh!

MS Word hmanga a type niawm tak a ni, auto-correct in “Evil” ah a thlak sak leh zel aniang. Ka siam tha e.

OT – A hrim hrimin hmeichhia hi chu in evil ve bawk e lawm
29
Lianchianau Says:
February 22nd, 2011 at 6:28 pm
A kawng bo toka fing nih hi a poi..
Mihring hi Pathian siam ni loin ‘theory of evolution’te poh i ring zawk tihna a ni mo?..
Krista meuh min Chhandamtu niloa i chhuah chuan rilru i t thangharh thar e,Mizo zingah pawh Krista dodaltu an lo om ve ta.Thlarau indona nasa tak bei turin Kristian thalai te kan tan a ngai tihna a nih hi…

*Mizo i nih pawh k ring leh ngut lo e a…:D
30
hlatekhua Says:
February 22nd, 2011 at 6:29 pm
A post-tupa hi zawng thlah, kei chu Evi leh Adama thlah!
31
Zodin_RM Says:
February 22nd, 2011 at 6:31 pm
Haha nia nuam ve eee. hetiang chhiar tur lo awm ve hi…thluak vawrhvir nan.
mahse ka sawi peih chuanglo he post chu..haha
32
XaiA Says:
February 22nd, 2011 at 6:32 pm
Va hriat chian bik hmel pap pap ve a…
33
VaiVa Says:
February 22nd, 2011 at 6:34 pm
Hnam Sakhua han intih tawp mai chu le! A letling zawnga thil thlir te pawh hi a tha ve ngai e….

Hnam Sakhua han tih takah chuan HNAM leh SAKHUA tih hi han hrilhfiah law law se ka va han ti em! :hrechak tawh nawn tawp:
34
H.Vangchhia Says:
February 22nd, 2011 at 6:42 pm
VaiVa, in veng lam thlen hma deuh a kawng chhak lama chhungkaw awm (ti mai ang) Khurbing ho kha hahaha. Hmanlai Mizo khawsak ang deuh chiah a khawsa (Hmeichhia an lam ve tih mai loh chu) khami te sakhaw biak dan kha min ti hre chhuak.

Pu. Ch. Vanlalberha Forest Ranger hi ka awmlaiin thu an sawi tir tawh a, “Ani hi chu kan pastor ania,” anti a, an ngaisang rura; zupui min hlui rui mawle Seki khawngin kan ri luih luih mai asin, nuam tak a ni. A hla thu ang zelin an khawsa a, a hla thuah “A zal ta a..” tih awm sela, chhuatah an han mu vel anga kan chheih haih haih mai…shailendra hian an awmna hria sela, a kal duh hrim2 ang. Hre tamvak an awmlo nge ni dawn, an lar lo riau mai!
35
Fugitive Says:
February 22nd, 2011 at 6:48 pm
“Israel hnam hnenah lo chuan tirh ka ni lo” tih lai chauh i la vawng bik a. Fair lo e. ”khawvel zawng zawngah kal ula, THILSIAM ZAWNG ZAWNG hnenah…” tih laite kha rawn thur ve la. :evil:
36
mate ainawn Says:
February 22nd, 2011 at 6:57 pm
Eheee
37
hp.swing Says:
February 22nd, 2011 at 7:01 pm
he post chu a va mak ve o. Scientific deuh hlek chu a kai na chungin conclusion rapthlak lutuk siam nan chuan a tlem lutuk. Little knowlege is dangerous an tih thin kha. Khawngaihin in pu chawnghilh te khan han sawi fiah hram se k van t em
38
Godspeed Khawlhring Says:
February 22nd, 2011 at 7:01 pm
pa pakhat pawh khan a zawhte thi a phum a, rei vak lo hnu ah a la chhuak leh a, carbon dating a tih tir a….hmanlai thil ah an lo chhuah sak daih ma le….
39
Godspeed Khawlhring Says:
February 22nd, 2011 at 7:03 pm
pa pakhat pawh khan a zawhte thi a phum a, rei vak lo hnu ah a la chhuak leh a, carbon dating a tih tir a….hmanlai thil ah an lo chhuah sak daih ma le….(ka source ka hre mai toh lo)
40
H.Vangchhia Says:
February 22nd, 2011 at 7:07 pm
Pathian thu thleng hian a lutuk chin chu kawng dik lova min hruai theitu ani ka tih fo kha rawn tichianga nemnghettu ah ka ngai e.
41
judith_girl Says:
February 22nd, 2011 at 7:31 pm
I mawl hmel beh buh hle maiii….
42
thiana Says:
February 22nd, 2011 at 7:35 pm
Bible hi chuan tanchhan(foundation) a nei a,Proof pawh a nei. History hi ngun takin zir la, chhiar la, phat rual lohvin bible hi a proof-sak ang che.
I THU RAWN POST VE HI CHUAN CHUTIANG CHU A NEI VE LO. A BASELESS REM REM KHAWP MAI.
43
piu_piu Says:
February 22nd, 2011 at 7:42 pm
Rawngbawlna a ngaiin i rawn post ve chu ani ngei awmsia o…
44
chemtatrawta a thru lang Says:
February 22nd, 2011 at 7:43 pm
Australian Scientist pakhat hian thu a sawinaah, “Kan naupan laia kan science lehkhabu kan zirlaibute chu tunah chuan dawt phuahchawp ang khawpa rintlak loh leh hmantlak loh khawpin a dikloh zia hi kan hmuchhuak zela. Amaherawhchu, Bible erawh hi chu Mosian a ziak achin tun thleng hian a diklohna chu sawi loh a dikzia hi nitin kan la hmuhchhuah belh zel a ni” a ti.
Khawvel thiamna a ril apiangten an chhui nasat poh leh Siamtu Pathian awmzia hi an chiang tulh tulh asin. Thenkhatin pianthar phah nan an hmang a, thenkhat erawh chuan mualpho hlauh avangin an auchhuahpui ngam lo. Nang erawh chu mimawl hriat neilo, auchhuahpui si i ang..
45
shailendra Says:
February 22nd, 2011 at 7:43 pm
Ka va han OT chak tawh et et em… Ka hman tep…
46
mate ainawn Says:
February 22nd, 2011 at 7:55 pm
Kristian hnam za a za kan lo ni miahlo a nih hi..Post tu pa..Eng Sakhua nge i zui hriat a va chakawm e..Ka Pi Pu te hunlai te ka ngaihtuah phah ta mai mai a, Mizo hi Kristianna khan min luh chilh hle a, Mahni thlahtu generation 20 vel pawh chhui theilo hi kan ni tlangpui ang ah..Kan va chhui thui ang reng thin tak em.Thlahtu te’n Chawlhni an serh dan te, Kristianna a an ngheh zia te ngaihtuah let in a lungchhiat thlak mang e, ka ti deuh.Kan hnam naupan leh kan mawl ang ang a Pathian leh Bible Kan Pi pu ten an ngaihhlut thin zia te kha.
47
chemtatrawta a thru lang Says:
February 22nd, 2011 at 8:06 pm
he post hi Hnam Mawlzia dik tak anih hi.
48
Ozima Says:
February 22nd, 2011 at 8:13 pm
#47 huhuhuuuuuuuuuuuuu keipawh ka chhiar laia ka rilru a rawn lang hmasa ber chu hnam mawl zia kha.

Post-tupa chu confi hmel tiah tiah bawk sia, i hre thui zek ang a? chhinlung awmna hmun te i hre mial lo maw?

Taka, mr. post-tupa, Veng pakhat a pathian inti kha ini lo maw?
49
kawlhawk Says:
February 22nd, 2011 at 8:13 pm
@chemtea mai2 chu!
50
beethugs2 Says:
February 22nd, 2011 at 8:14 pm
a khai a..!!! va mak leh ta tawp ve. Kei chu Kan Pathian hi lo dik lo ta tehreng pawh nise…Hanuman te leh KRishna te ho biak ai chuan ka duh tho tho..!!!

51
chemtatrawta a thru lang Says:
February 22nd, 2011 at 8:20 pm
@kawlte, i post chu heta hman tur hian i rawn post hmasaah ka lo ngai hlauh..
52
Asteric Says:
February 22nd, 2011 at 8:20 pm
KTP inkhawmah kan thianpa in games pakhat hi thawha chu chu History ka hriat apiang hian ka hre chhuak ziah thin.

Member zawng zawng te line khatin sei tawkin kan intlara, a line hmasa ber ami kha fiah vaklo in thu a hrilha. Chu chuan a dawtchaih ami a hrilh chhawng leha, tichuan kan in hrilh chhawng zelllla…A tawp bera mi thu hriat leh a tir bera mi thu hriat chu inpersan nasa thei khawp mai…lolzzz

“LALPA rawngbawl hi tha lo awm a in hriatr chuan tu rawng nge in bawl dawn? Vawiin ah hian thlang mai rawh u”

Kristian sawichhiat kher a tul lo duhloh chuan “Kal mai teh” Kan Pathian hian min sawm lui hleinem, duh hun hunah a bansan theih alawm….
53
Nguntang Says:
February 22nd, 2011 at 8:46 pm
“mihring chanchin hriat chian leh zual nan new york khawpuia chen aiin bible chhiar a tangkai zawk” william Lyon Phelps
54
malsta27 Says:
February 22nd, 2011 at 9:02 pm
A dik hmel fu mai mahse Bible ah khan a tir ah, ‘there is a total darkness and a raging ocean’ tih a in ziak a, science chhutdan nen hian a in mil thlap thei. Substance/movement/Big bang/evolution theory ho zong2 hi chhut chian chuan Bible nen a in mil thlap thei.

‘Era’ ang chi ho hi Pathian kum chhiar dan leh mihring te kum chhiar dan a in an loh a rinawm………..
55
shailendra Says:
February 22nd, 2011 at 9:18 pm
Bible hi Kristian te bul in chhui tanna a ni. Ice Age/Stone Age thlah, khang hun a thibo ta ho kha an la kristian ve hman loh chai chai hmel… Tu thlah pawh lo ni ta i la, Kristian tan chuan Chhandamna a awm vek… Darwin Theory hmang a zawng thlahchhawn zel te pawh kha, tuna an Kristian chuan, a fel vek… in sawi/chhut ho e mai…
56
Zodin_RM Says:
February 22nd, 2011 at 9:32 pm
haha
Srilanka ah poh Abela thlan a awm an tih ve tho kha…
57
Nguntang Says:
February 22nd, 2011 at 9:42 pm
Hemi post atang pawh khawvel tawp a hnaih twh zia a lang.zawlnei derte an lo chhuak tan a,sakawlh lal ram a inmun mek ani e.kraws thu chu boral mekte tan chuan atna a ni si a.
58
khumchikthei Says:
February 22nd, 2011 at 9:43 pm
E khai aw!

A, hetiang hawi zawng a post awm te pawh hi a tha ve alawm. A ziaktu pawh hian a rin dan chuan a ziak bik hauh lovang. Inhnialna thianghlim atan a ti a ni mahna. Chuvang tak chuan,

” Run lui leh khampat bungpui tih vel bak a kan geneology kan chhui theih loh lai a, EVI leh ADAMA thlah a han in chhui luh/thlen chu a har viau ang.”

” Mihring zawng zawng lo chhuahna EVI leh ADAMA thlah kan nih ve loh chuan, Zawng thlah mai kan lo nih dawn chu a.”

E khai aw!

…khrum
59
Nguntang Says:
February 22nd, 2011 at 9:46 pm
Hemi post atang pawh hian khawvel tawp a hnaih twh zia a lang.zawlnei derte an lo chhuak tan a,sakawlh lal ram a inmun mek ani e.kraws thu chu boral mekte tan chuan atna a ni si a.
60
pibuhdeng Says:
February 22nd, 2011 at 9:48 pm
aw.. tha tan dawn e.. Sakawlh lamah lut tan ang aw…
61
Saitawk Says:
February 22nd, 2011 at 10:07 pm
Kei pawh hi ngun taka ka in en vang vang hian Evi thlan nilo in Evil thlah ka ang zawk!
62
H.Vangchhia Says:
February 22nd, 2011 at 10:09 pm
Kei chu Vangchhe thlah
63
Fugitive Says:
February 22nd, 2011 at 10:14 pm
kei chu nula thlah ka duh zawk.! Midang chu ka thlah peih lo.
64
muantea Says:
February 22nd, 2011 at 10:20 pm
‘A then pawh kan hre thei lo, he luikam atang hian’ tih hla kan sa a, ‘Mihring mihrinna hianin, a ngaihtuah chhuak zo lo a che..’ tiin kan thumrawn tlut tlut bawk a. Maksak dangdai theuneu tak sia min han keuh thlukpui i tum dan chu!!! Mak thei ngei!!!!

Chhandama i awm theih nan leh Bible a inziakte hi Pathian thudik a ni tih i rin theih nan tawngtaipui i mamawh hle mai.
65
vakul Says:
February 22nd, 2011 at 10:29 pm
Ka sawi tum an sawi zo vek ti tih tawh; zahthlakin.

@a posttupa fiamthu leh dabate-na atana i rawn post ve mai anih chuan tlemtein ka hrethiam che, mahse Isua hming i la rawn sawichhe hrim hrim hi ka hrethiam lo. aaa, ka hrethiam lo vek zawk ang che. i rawn sawichhiat ngam danah i ngaihdan tak anih ka ring tlat.

Thu hi a hiar ang ang a, han comment hiar ve pawh chakawm; han mu leh hlek teh i la harh chiang lo a ni. anih loh pawn han insilfai tha teh a fai kim tawk lo deuh a ni lo maw. Nghawng pathum pawh nei ila Isua tana dawh kim kan huam laia nangina tham lo baksaka i rawn sawi mai hi ka lai a na tlat.

‘intih mizo’ duh vel vanga hnawl ai chuan i ngaihnep ber hnama awma Isua rin hi ka thlang feeeee.
66
shailendra Says:
February 22nd, 2011 at 10:35 pm
Genesis Bung 1-na hi, a chhang a khat viau ang em, tih hi rilruah a lang fo thin… Mahse, Bible hi Kristian tan, Kristian tobul-ah ka pawm.
67
vakul Says:
February 22nd, 2011 at 10:35 pm
Pu Muante tawngtaipui zawngin maw tan i rawn lak, nang zawng mi rilru fim tih takah; keini ve zawng Petera’n Puithiam bawih beng a hlawisak ang zawng khan asin thahnem kan ngaih tawh mai.
68
herc Says:
February 22nd, 2011 at 10:42 pm
Post sak loh tur tih vel chi ah khan hei chu Post loh hrim hrim tura dah chi a ni na nge admin ho kha…..in va post mak ve…..a tawp conclusion vang khian post loh tham lian tak ah ka lo ngai a..a dang khi chu thuhran deuh…
69
vakul Says:
February 22nd, 2011 at 10:43 pm
Tsa hi a va reh ve. nula a rim em ni aw?
70
kawlnicolney Says:
February 22nd, 2011 at 11:07 pm
Thangkura te sakhua ang chi ani mawmz…. ka rilrem zawng a ni bau lo mai
71
Fugitive Says:
February 22nd, 2011 at 11:32 pm
# 70, Thangkura hi ka pa a nia. ;-). Mahse hringtu pa nilo, ka pa a boral hnua min tuamhlawmtu a nia. Keipawn an rindan hi chu ka tawmpui chuang lo. An sakhua pawh ka zawm chuang lo. Kristian ka ni kei chu. :Sawi ve mai mai:
72
Pakak Says:
February 22nd, 2011 at 11:54 pm
kei chu chhurbura thlah!
73
RosangaD Says:
February 22nd, 2011 at 11:59 pm
Kan chhiar ve a, inhnial cho tawkin ka’n “read more” ve a, comment kan chhiar zo ve thak a, Kristian tha tak tak ho hlir an lo tlar thal dul ta daih sia. amah reng reng hmuh tur awm leh si lovin, Rin in ang leh in ang, sawi tur in ang in hrilh chiam ai chuan, ka comment pawh ti hian ka rawn OT ta vel mai mai. Amah hian Misual.com hi a hre ve anga, kan inhnial luai luai thin te a hre ve anga, a rawn paws ve ringawt a nih hi ka ti ta mai mai a. ka chhuah san ta daih a….
74
lrpa Says:
February 23rd, 2011 at 12:04 am
Post ka chhiar chiah lo a, comment pawh ka chhiar chiah lo!
Mahse chhia leh tha hriatna hi khawi emaw atanga kan rochun chu ani..!
75
shailendra Says:
February 23rd, 2011 at 12:24 am
Mahni post vil ngam lo post submit a lo inhnial vak hi, a hlawhtlinna chhar tum ber te chu hlawhtling mahse, kan hlawhtling tlang em, ka ti mai mai. A then in ‘research-na’ atan an rawn ‘post’ kual ru vel nen. A rukin ‘silent reader’ ang in a lo thlir vel a… Aryan hnial ang lek-ah ka ngai… ( a ruk tak in Aryan chu a nui vur vur ang chu…)
76
Zodin_RM Says:
February 23rd, 2011 at 12:25 am
#73. Amah hian Misual.com hi a hre ve anga, kan inhnial luai luai thin te a hre ve anga, a rawn paws ve ringawt a nih hi ka ti ta mai mai a.
A nih duh hmel angreng
77
Fonz Says:
February 23rd, 2011 at 12:32 am
Newspaper nise mawngek hruk nan a tha duh viau ang, ka print chhuak a nga ka hmang tralh dawn emaw ni le
78
Fugitive Says:
February 23rd, 2011 at 12:32 am
73
79
funny Says:
February 23rd, 2011 at 12:40 am
Evi leh Adama kha Juda thlah tu an nih hmela, keini hi hnam bo kan nih loh zia sawi nan kan hmel danglam zia hi kan sawt teh thina, Evi leh Adama pawh khan Juda hmel an put hmela(An generation ala hla em em lo nen). Kan hmel danglam dan atang hi chuan khawchhak lama kal ta Kaina nupui teho thlah kha kanlo ni daih maithei asin.
Midle east atanga, “khaw chhak” an la tih chuan Asia lam tepawh ani maithei asin.
Rinna chungchang lamah erawh khi chuan a post tu hi Lachhungkua anih duh hmel te kalo ti ve mai mai a…
80
H.Vangchhia Says:
February 23rd, 2011 at 1:04 am
funny, Lalchhungkua/Thuthluang (Darlawn) ka inkhawm tawh alawm 1984 khan, pui hep hep khawp mai

Hring danin kan hril e, in damtlang maw
Kan dam tlang e kan lo leng ve e
Vohbik chibai kan buk che u Lal chhungte
Chibai thawmah a che e pailai nau

An hla pawh ka la hria anih hi mawle, sak a nuam phian asin
81
funny Says:
February 23rd, 2011 at 1:23 am
Pu HV: ka nu U hi lalchhungkua a awm alawm keipawh
“Isua techu thingrem siamtu fapa mai mai..” a ti mai sin.

A pitar tawh viau na in, a rinna sawh sawn tura han thlem vak ngaihna a awm der lo. A thil neih vel lalchhungkaw hovin an tlan kual vel han hriat chuan rilru a tina lek lek zel mawle… A ro khawm tur chuan a unau la dam chhun, ka nu leh a u chiah hi a rawn ti ve ran, ro khawm tur mumal a neih pheichu ka ring chiahlo. hihihi
82
H.Vangchhia Says:
February 23rd, 2011 at 1:26 am
funny #81 inkhawm ve chhin rawh, a thawveng teh asin ‘huau’ a ni mai. Khi hla khi i hre ngai em, sak anuam reuh asin Nang hi ilo lam pui dird derh thin zawk ang a
83
lrpa Says:
February 23rd, 2011 at 1:38 am
Sakhuana beh chhan a hetiang hi awm thei ani. Mimal hausak vang emaw chuan a har khawp ang..engpawhnise..anni hi hrim hrim..an intodelh a, an thawh chhuah hmangin an ‘ram’ pawn atangin hausakna an la lut a, tumah an ngai lem lo…!!
Kan entawn mai loh chuan..!!
84
H.Vangchhia Says:
February 23rd, 2011 at 2:14 am
lrp leh midang te, han ngaithla ula enge in ngaihdan

https://www.youtube.com/watch?v=iGJgyuAu6eo

https://www.youtube.com/watch?v=JEwuJpgsBu4
85
Chhurapu Says:
February 23rd, 2011 at 3:18 am
A post tupa chu, IBM leh Natgeo hovin Genographic project an neih a, a result kha ila hre ve lo ni ngei tur ani. Han google la atheist website reng2 hi chhiar teh mah, an argument reng2 hi a noi nak mai a, creationist/intelligent design ho argument reng2 ve thung hi a logical in a scientific zawk mai baka data based deih tih i hre chhuak dawnnia. tichuan i post hi nuai reh i chak daih zawk ngei ang. Main stream media te hi chu politically motivated anih avangin awnlam nei ran te annih avangin an conclusion hi a laktlak lem lo fo.
86
Asteric Says:
February 23rd, 2011 at 3:46 am
Bible hi History chhuina tura Pathianin min pek a ni loa, mimal chanchin zirna tur atana tih pawh a ni lo, nisela chu mimal tin chanchin a ziak te hi detail in a dah vek ang, Chhandamna kawng hi min kawhhmuh a tum ber zawk ani. Vawiin ni a kan nuna kan hman tura Pathian in a tih liau liau a ni.

Tirkoh Paula’n

“Thutak lamah chuan an beng an chhungawng tawh anga, thawnthu lam panin an peng tawh ang…..”

“Thil sawtlo leh thlahtu bul chianglo chhui avanga inhnialna atthlak ah te chuan tel ve suh ang che”

tih alo sawi tifamkim tu anglekah ka ngai che….lolzzz
87
H.Vangchhia Says:
February 23rd, 2011 at 3:53 am
Pathianin mihring te asiam dan:

Tlaklei a hrual a, a rawh (bake) ta a. Alo thur har lutuk a,alo kang hman hlauh mai a midum (Negroid)alo chhuak ta a.

A dawt lehah chuan a kang ut leh huam ang tih ahlau a, a thur hma ta a. A lo thur hma leh lutuk a, vap pap chuan White (Caucasoid) alo chhuak leh ta a.

A vawithum naah chuan, uluk takin, tisual tawhlo turin a ur (bake) leh ta a. Hemi tum hi chuan a duh ang tak mai, ngo lutuk lo leh dum lutuk nilo, a tawk chiah (Mongoloid) a lo chhuak ta a ni. hairehai NOI
88
Asteric Says:
February 23rd, 2011 at 4:18 am
Mi pakhatin Pathian thu zir leh chhui ringawt ho a kah dan

“Zualko-in i pa boral thu an rawn hrilh che in awmhmuna lo zir chiam tur a mi? ‘A thi tak tak nge tak tak lo kan ngaituah chiang lawk’ i t ngai em ni? Chutianga zualko thu lo zir tur a ni hleinem, a hrilh che khan pan tur alawm” a tia lawm.

kekeke
89
H.Vangchhia Says:
February 23rd, 2011 at 4:35 am
Asteric, kan veng pa chuan a puzawn darah a beng thak thak a, “Tha mai ang, tha mai ang,” a ti mai asin
90
Hnam sakhua Says:
February 23rd, 2011 at 8:35 am
Lalchhungkua chu ni love,mahni hnam sakhua tun din leh duhtu ka ni zawk
91
H.Vangchhia Says:
February 23rd, 2011 at 8:43 am
Hnam sakhua, Zohnahthlak ah khan sakhaw chikhat chauh a awm si lova, eng hnam sakhua iti nge aw? Entirnan keini min thlahtu te kha ramhuai hlauh tlawna inthawina an nei ve ngai miahlo ania aw. Tin vawk pawh an duh hun hunah an talh thei ahems

Tichuan, Kristianna atangin Kristian rinna kalsan a kan pipute sakhua rin leh i duh tihna?
92
PimPom Says:
February 23rd, 2011 at 9:00 am
Hmuuuuuuuu
93
digimalt Says:
February 23rd, 2011 at 10:23 am
i rin nge ka rin dik zawk inchawi ang hmiang… a rualin kan misual member pakhat hian min chiu hlum ve ve se…. tu rinna zawk nge dik kan hria ang.. i cho em ? kei chuan ka ngam khawp mai.

mahse nang hremhmuna tla mai tur thlir ringawt chu thil ropui tak a ni hran dawn lo..a ho ka ti leh deuh..ka thin a rim trep a..mahse ka nuih a za leh tlat.. i thil rawn sawi dan hi..

kei pawh sawitur ka nei treuh …huhuhuhuh.. a funny lutuk
94
PayableOnDeath(Zrma_C) Says:
February 23rd, 2011 at 10:53 am
Post tupa chu NUNNA LALCHHUNGKUA an tih ang hi anih ka ring a sakhaw vawn chu. Mitthi an vui pawn YMA hming ten an vui hem zel mai mawle…
History ania engmah a prove na awm theilo an ti thin hmanah kan zirtu in confi.deuh in question kha chhang tawp mai rawh u min ti thin.chuvang chuan Hostory te hi chu a in ti hria2 dinchan na ni mai.A rawn tranchhan pawh History tho prove ngaihna awm chuanglo.
Tin, Evi leh Adam thlah hi chu kan ni ngei ang le.. Khawvela sakhaw lian Muslim leh Christian te hian chu2 kan ring nghetbur! Khawvel mihring 70% velin kan thil rin chu dikna chen a awm ngei ang le.In tih fin lutuka in lak chhui zau lutuk pawh hi ani ber lo.
“Cross thu chu boral mek te tan chuan at na,Keini chhandam mek te tan chuan Pathian thil tihtheih na”.
Pathian ring la ilo fing ang,Lal Solomona ang hial pawn i fing ve mahna.
95
lrpa Says:
February 23rd, 2011 at 11:29 am
Mihringte hi kum million tam tak hma khan lo awm ta ila…tun a kan population hi a tlem lutuk em???…
Mihring pun dan hi 1,2,3… ani lo a, 2, 4, 8.. ani.
Nova lawng kha engtik lai hun nge ka hre lo, kha tang khan chhut ila..approximate chuan kan hre thei ang..(mihring thih buaih buaih na ang chite chhut tel vek in)..
Funny an a formula lo siam teh se..
96
El Says:
February 23rd, 2011 at 11:37 am
ka thianpa in message meuh a min rawn hrilh avangin kan ennawn ve lej a, a thu chu a tha vuiau na in a ram bo zia ka ti tlat..,bnei-menashe lamte min ti hre chhuak…nakina ngaihtuah ah ka khek e.
97
lrpa Says:
February 23rd, 2011 at 11:37 am
….chuan mihring faneih theih hun, average damrei zawng..te etc…a complicate deuh mai thei e..
98
sam.i.am Says:
February 23rd, 2011 at 11:45 am
a hmasa berah cuan i argument pek kha a nep lutuk, khami cungchangah inhnialna tam ttawh jia te i hre ve m le o…khuanu te kha i soi leh lawi bok si a, eng rinna nge o i dinchuah hriat ava chak awm ve, pantheist ami le inih jok…a enga poh nise, bible tluka lehkhabu jir cian a awmlo tih kha hria la, a accurate dan te…tin, pathian thu dikna tak2 chu mihring nun a hrilhfiah dan dik jia kha ani e!
99
Jennifer Lo Says:
February 23rd, 2011 at 11:52 am
hei chu ka lo chhiar lem lova, dirty puppet no 2 a ni maw?? hmm chi hrang2 a trangin han hawl teh le, heng thil ai chuan kan tan a thi a tholeh kha dawtvek a lo nih dan han ngaihtuah leh char char la…a chanchin te kha phuahchawp mai mai a lo ni em tih te han chhui la Luka te Johana te Isaia te ho kha inthurualin anlo phuahchawp mai mai em niang le…
100
sekibuhchhuak Says:
February 23rd, 2011 at 12:08 pm
HERESY !
101
Hmar Pasal Says:
February 23rd, 2011 at 12:25 pm
Bible is not a book of history, but the words of God, if you compare with history you will never come into conclusion. it was written in order to be understandable by human mind. i nuom le ringla i nuomnaw le ring dal rawh.
102
cotdarz Says:
February 23rd, 2011 at 1:27 pm
Carbon dating hian Kum 80,000 bak a chhutdik theihloh error awmlo pawhin. Tuilianin a chim tawh phei chu a let 10 a upa in a hmu thei. Tin exponential hmanga chhut ania a kalsual thui thei em em. Tin c-12 leh c-14 inthlauhna atanga chhut a ni a, c-14 zawk hi a ral thin. A inthlauhna hre tur chuan c-14 kha a dam laiin engzat nge an neih hriatchian a ngai. Ram leilung a hranpain a upat zawng an teh ngawt theilo. Fossil atanga teh a ngai. Kan khawvel pawh hi upa em em lo turah scientist thenkhat chuan a ngai ve tlat bawk. Keizawng thla a mihring an lawn pawh kha ka ring lemlo. He ngaihdan hi chu Ration card setana chhinchhiahna a puh ang vel a ni.
Mithiamte hi an tam em em a, an vaia siamtu chu Lalpa a ni.
103
van damme Says:
February 23rd, 2011 at 1:52 pm
I thih hunah,”A khaih a,ka rin dan chu a lo dik hauh lo mai a” i ti ngei dawn niin a lang
104
H.Vangchhia Says:
February 23rd, 2011 at 9:16 pm
Hmar Pasal #101 “it was written in order to be understandable by human mind.” i ti ngawt a, an hrethiam lova an buai an buai anih hmel hairehai
105
Chhangteval Says:
February 23rd, 2011 at 9:27 pm
A ho e mai a!
106
ChhawnBura Says:
February 23rd, 2011 at 9:43 pm
Ang ve khawp mai!!
107
hmelthatea Says:
February 23rd, 2011 at 11:45 pm
Lal Isuan hetiang zawlnei der te lakah fikhur tur in min chah
108
TuaiSialA Says:
February 24th, 2011 at 4:38 am
A ho mai mai em mai a.
109
chawnghilh Says:
February 24th, 2011 at 11:35 am
Many theories, but only one truth.

Lalchhungkaw hla kalphung a ang hle mai! Evi leh Adama thlah kan ni lo … tih aduang phuahtu Lalchhungkaw member-a mi kha a hre chiangin min rawn hrilh danin tunah hian Thingsulthliah khaw dai, Lal Hnam School Headmaster ni mek khi a ni a, a hming sawi lo mai ila … Kristianna leh Bible hian kan hnam culture a tihnawmhnawk ang zawngtein hla a phuah a, an sa hut hut thin a ni. Hengho hi van lalfa chhungkhua an ni lo chiang hle.

Tin, Bible hi Kristian-te lehkhabu a ni hmasa lo va, living oracles kawltu dik tak te kha chu Israel fate an ni. (An kawl na khan, an ring ta chuang lem lo va). Israel-a fate zinga Juda hnamah khan PROMISE a awm a, tiama awm khawvel chhandamtu rawn piang ta kha Yahoshua Massiach (Isua Krista kan tih) a ni a. Ani lo kha/hi khawvel chhandamtu dang an awm lo; an awm dawn bawk hek lo.

Adam hmasa bera thlahte kan nih avanga khawvela piang tawh reng reng chu suala hrin kan ni a; Adam hnuhnung bera-ah erawh chuan chatuana sual tlenfaisak kan ni thung. Adama leh Evi (Chavvah) thlahte vek kan ni a, Dr. Luka 3:38-ah chiang taka chhui chianna pawh kan hmu.

Tirhkoh Paula pawhin a hre chiang a, Adam hmasa ber leh Adam hnuhnungbera (I Korinth 15:45)-ah a rawn khaikhinnate hi Ringtute tan chuan thu hlu leh lawmawm a tling. Pu Rorelliana pawhin Van kawtthler rinna mita hmu chiang khan hla a lo phuah tawh nain, tluksanna rapthlakzia chuan hetiang literature tawmhnawng tak tak hi Zoram chhung ngeiah pawh a rawn thlen phah ta hial a ni.

LAL HNAM SCHOOL Headmaster, Thingsulthliah daia mi hian hla meuhvin Adama leh Evi thlah-ah Mizote hi tel lovin phuah ngawt ta mah se, a source chu a relevant lo hranpa ve ngawt ang le.

Tih tak emah chuan, Lal Hnam ni tur chuan JUDAH nih a ngai a, Ringtute kan nihlawhna em em chu Messia thisena lei kan ni tawh a, Messia kha hnam lamah chuan Juda thlah ROYAL LINE atanga rawn piang a ni a, Thu Puan 5:10-ah chuan …Tin,
“Nang, lehkhabu chu laa,
A chhinchhiahnate phelh tlak i ni e;
Talhin i awm tawh a,
Chi tina mi te, tawng tina mi te,
Mi tina mi te, hnam tina mi te,
Pathian tan i thisenin i lei a,
Kan Pathian tan lal-ah te leh,
Puithiamahte i siam ta si a;

tih a nih zawk kha … lal chhungkua intite pawh hian duh ve ni se, Messia thisen hlu avanga Pathian tana Kings and Priests ni tura duan kan nihzia hi han hre ve zawk sela, Adama kha Bible chuan mihring hmasa ber niin a ziak a —vantirhkohte leh Elohim chu team dangah ruat ta ila.
110
chawnghilh Says:
February 24th, 2011 at 11:43 am
“Israel hnam beram bo hnenah chauh lo chuan tirh ka ni lo,” tia Mizotawng Bible-a lehlin hi a dik lo bawk, “Israel chhungkua beram bo …” tih zawk tur a ni. Palestina rama Isua Krista tisaa a len lai khan Israel hnam chu Palestina ram pawnah an la khawsa tam hle a, khangah khan Isua krista kha rawn tirh a ni lo va, Palestina ram chhunga cheng Israel chhungkua (house of Israel) -beram bova bote hnenah khan “he was made manifest” a ni zawk a; annin an lo refused a … keini Jentail-te tan taka nihlawh lehzualna a thleng ta zawk a ni e.
111
PayableOnDeath(Zrma_C) Says:
February 24th, 2011 at 12:04 pm
Chawnghilh i van sawi ngaihnawm em2
112
zoho Says:
February 25th, 2011 at 12:15 am
Khawvel upat zawng 4.5 billion yrs ang a chhutna te leh adangte pawh an hnialkalh leh tawh kha. A chhan chu element te hi an riral thei silo a. Entirnan, mipakhat in thir in kum 100 kalta khan hmanrua a siam chhuak a,chu hmaraw upat zawng chu a siam atanga chhut chuan kum 100, a element upat zawng atanga chhut chuan kum maktaduai fe, nimin a ka chemte chherthar pawh nakin ah chuan kum nuai fe kalta ami ang in an rawn chhuah daih thei tihna anih chu.

Posttupa, mihringte hian kan phak lul lo tih a hrechiang em a, RING mai turin min duh a, i ringduhlo anih si chuan Pathian in plan dang pakhat chiah a nei tawh….. #@*&^…
113
mate ainawn Says:
February 25th, 2011 at 5:12 am
@ Chawnghilh, a van tha em..
114
Darwin hp Says:
March 10th, 2011 at 1:11 pm
A va”n ţha tak em!! Mahse “He khawvela mihringte hi mi pakhat thlah lo pung chho zel kan ni lova, hnam tinte hi a tir aţangin siamtu Khuanu din vek kan ni a. Kan ţawng ţheuhte hi min pek ţheuh a ni”, hei hi chu ka pawm ve lem lo khawp mai. Baktawng lam te pawh min tihrechhuak tlat mai ka ti!!
115
khawpuia Says:
March 14th, 2011 at 2:58 am
a va bul teh tawp ve.. mihrng hmasa chanchin i sawi dawn emaw ka lo tia. adama thlah kan nilo tilo in Adama leh Evi hma khan mihring an awm tawh ti zawk la mawle..