- Er. Zohmachhuana Khawlhring
Khawlhringa hian fapa pali a neih chauh hriat a ni a. A dang chu hriatchhuah zawh an ni ta lo. Chung a fapa te chu Midanga, Thurtima, Pialtela leh Lungena te an ni a. An upat dan indawt hi kan hre chhuak thei tawh lo a ni. LUNGENA hi mi huaisen leh pasaltha tak niin an sawi a. LUNGENA hian fapaHauchema a nei a, Hauchema hi Vanhnuai Hauchema an ti deuh kher thin. A chhan chu a hausain a ropui hle niin an sawi.
Hauchema nupui hi Bawm niin a lang. Hauchema hian Fapa pathum a neih chauh kan hre thei a. Chungte chu, Sawngkhara, Tluangthanga leh Khawlhring-Ngamtawna (Hualtu or Khualtu Ngamtawna tia kan hriat lar em em hi a ni a, mahse a hming diktak chu Khawlhring Ngamtawna a ni zawk e) te hi an ni. Fapa dang pawh lo nei se kan chhui chhuak zo tawh lo a ni.
Vanhnuai Hauchema fapa te zingah hian Sawngkhar hi a lar hle a. Pasaltha a ni a, Zawlaidi pawh neia sawi a ni. Pangzawl (Burma ram) nula hmeltha Chawngvungi chu nupui atan a rim a. Chawngvungi nu chuan a lo duh lo hle a. Sawngkhara chuan a va rim leh a. Pawn atang chuan, ‘Chawngi, kawng min va hawn rawh, Sawngkhara ka lo leng e’ a han ti a. Chawngvungi nu chuan, ‘Bawmzo fa leh Paikawng chu tuichhuarah riak rawh se,’ a tihsan mai a. Sawngkhara chuan, ‘Ka Nu Bawmzo ni mahse Ka Pa Vanhnuai Hauchema’ a’n ti a. Chuveleh, ‘Chawngi va hawn rawh le’ a ti a. Kawngkhar chuan ‘Rikrak’ a ti vat mai a.
Sawngkhara chuan Chawngvungi hmunphiah khangah Zawlaidi a tat ru ta a. Chawngvungi chuan hmun a’n phiat leh a, hmunphiah khanga Sawngkhara Zawlaidi tah chu a kai ta a. Chuta tang chuan Sawngkhara chu a hmangaih ta em em mai a. Ni khat te pawh Sawngkhara hmu lo chuan a awm thei ta der lo mai a. Sawngkhara chuan neih tumin palai a tir ta a. Thi te, Sial te an lungnih tawk ang chu kengin palai chu an kal ta a. Mahse, Chawngi Nu chuan an Darbu tha a lo ngen ta tlat mai a.
He Darbu tha hi Lersia nau Singaia tlan chhuahpui Rulpui’n a dawlh, Liandovate unauin an Saphai pumpui atanga an chhar kha a ni a. A chhan chu, Liandova nau Tuialsiala kha ralin an man a, Sawngkhara hian a tlanchhuak a, lawmmannah he Darbu hi a pe a ni an ti. Tum pawn pawh pathum neiin an sawi. Dar hi mana in pek thiang lo a ni.
Chawngi nu ngen ang chuan Darbu tha chu an pe a, an innei ta a. Mahse, Chawngi chu fa nei hman loin a thi ta si. Nau chungah raichehin a thia sawi a ni bawk. Tin, fapa Lianchema nei hman nia sawi an awm bawk. A eng tak hi dik maw! Fapa nei lo ni ta se LIANCHEMA thlah kal zel hi chhui chhuah theih la ni tak ang maw?
Chawngvungi nu chu a’n tap ta a :
‘Chawngi Sawngkhara kha va sun la,
Lam ang ka let leh ang che ka tih che kha maw Chawngvung’
A’n ti a. Chutah Sawngkhara nu a’n tap ve a le :
‘Chawngi hi chuti’n kan tih loh kha,
Fanu chawia fapa chawia kan ti zawk a nih kha’
“Thi ka pek a duh lova,
Sial ka peka duh lo a,
Kan Dar huai kher i ngen e.
Chawngvung man tam sumhuani’ a’n ti ve ta niin an sawi.
Hauchema fapa Tluangthanga hi chu a chanchin sawi vak tur a awm ve lo a ni awm e. Mahse, a fapa Zakuala erawh hi chuan chanchin a ngah hle thung a ni. Zakuala hi Pasaltha leh Hmeichhe timi a ni. Khawlhring tlangah hian a tlangval hman tawh a. Pawi ho nena an indo pawhin Zakuala ho hian an um let vak thin a ni. Vawi khat pawh Lungzarh khawlaiah Pawi ho chu an um lut rawk mai a. Lungzarh khawlaiah chuan nu pakhat hian pawnfen hlim meuhin, ‘Zahngai zahngai’ tiin an hmaah a lo ding a. Zakuala ho chuan an kir san leh ta a ni.
Zakuala chuan, an do Pawih nula Ngunnui a ngaizawng tlat mai a. Zanah hian a va riahchilh thin a, zing khawvar hmain a haw leh ziah bawk a. Kalkawngah lah chuan mi a that ziah mai si a. Zan khat chu a ngaihzawng Ngunnu-i chuan a nu leh pa thattu nia a rinhlelh tak avangin a mi thah zat a zawt ta hlawl mai a. Zakuala chuan, ‘Mi chu ka that hnem mai, tlanga nupa vaihlo lo pawh ka that,’ a ti ta mai a. A nupa thah chu Ngunnu-i nu leh pa ngei mai an lo ni si, thah ve dan chu a ngaihtuah ta a.
A rukin an khaw tlangval pasaltha ho chu a pun a, Zakuala’n zan riaka a rawn rim leh chu an lo hual ta tlat mai a. Pawn atang chuan, ‘Zakual kan that dawn che lo chhuak rawh,’ an rawn ti ta mai a. Zukual chuan :
“Ka thin rialbang a dawn leh Ngunnu,
Min dawm rawh,” a ti a.
Ngunnui chuan heti hian a chhang a:
“Ten zane ka ni tawh hian pa zeilam kan nghal lo,
Ar aw khuan lai ai tin mah e”
Zakuala chuan dama chhuah ngaihna a awm ta lo a ni tih a hriat chuan heti hian a’n ti a :
“Kap chin e, darvang ka phaw leh,
Chhun ni, zan bang than lai ka hawlna;
Kal law sangtawl ka hmaiah e.
Kei chu e, kir thiam sihlahning,
Mi lian, Tluangthan, ka pa a ni;
Kawlrawn rem leng se, ka hnuah e” tiin.
Hetiang remthu a chah hnu hian pawnah chuan a va chhuak ta a. Pawi ho chuan an lo that ta a ni.
Hauchema fapa Khawlhring-Ngamtawna pawh hi a lar hle a. Mi aia filawr huaisen leh chak, Pasaltha a ni. Ngamtawna hian nupuiah Hlawndawhthanga te farnu Keimi khuaa mi Keimingi(Keimii) a nei a. Keimingi te hi Kamkei khuaah hian an awm a ni mai thei. Ngamtawna hi Dawithiam niin an sawi bawk.
Keimingi nen hian fanu pakhat chauh an neih hi hriat a ni. Tawi tlangah hian Sanghal lian mangkheng a awm a. Chu Sanghal bei tur chuan a kal ta a. Hualtu khuaah a in kulh a, Sanghal chu a va bei ta ngei a. Hualtu khuaah khian Ngamtawna Ui note neihnate, a kulh te, a inhmun hluite hmuh tur a la awm a. A thlanlung pawh a la awm bawk a ni.
Zakuala khan Ngunnu-i lalakh khan fa a lo nei hman hlauh mai a. A fa chu mipa a ni lehnghal a. A hmingah Chhungthanga an sa ta a. (Khawlhring thlahtu Chunthanga nen hian ngaih pawlh loh tur a ni). Hei hian a pa Zakuala kha a chhuna an chhun hlum ngei a ni tih a tichiang hle. Chhunthanga hi a lo tlangval hian a pa ang maiin a pasaltha-in a chak a ni awm e. Inbuan a chak thu hi sawi a ni fo a. Chuvangin, a hming an han sawi pawh hian Chhunthang Buanchaka an ti kher thin.
(Note : Chhunthanga hi Pawih hnam zinga Chhunthang hnam nen ngaih pawilh loh tur a ni ang.) Lal Tlang neiin a awm ve nge hriat chu a ni lo naa vawiin thlengin Burma ramah khian ‘Chhunthang Hmun’ chu a la awm reng khi! Chhunthanga hmun hi ni tak maw?
Chhunthanga chuan fapa a nei a. A buan chak chu chawiin a hmingah Buantlilrha a sa ta a. Buantlirha pawh hian fapa a rawn nei ve leh a, a hmingah Alluaia a sa a. Alluaia atanga Lungena thlah kal zel te hi chhui chhuah theih vek an la ni. Alluaia atang hian Khawlhring Chi dangte ang lo takin fapa naupang ber atang zelin chhui thlak a ni a, a thlah kal zel chhuinaah unau dang awm te hi chhui tel ni lo mahse mahni thlahtute theuh dawh zawm erawh a harsa lutuk tawh awm love.
Alluaia hian fapa Zachauhva a nei a, Zachauhva hian fapa Duhhleia a nei a, Duhhleia hianDoliana a nei a, Doliana hian fa 6 – Saihulha, Thankiauva, Erluaia, Biakthiauva, Chalhleia, Ngunhliangi a nei. Chalhleia hian fa 11 – Hrangthila, Lalnghaka, Hmingthangi, Denghnuaii, Thankimi, Rev. Dr. K. Thanzauva, Zahranga, Lalropari, Lalkhumi, Sangthangi, Lalnunsanga Khawlhring a nei. Lalnunsanga Khawlhring hian fa 3 – K. Lalhriatpuia, K. Lalmuanzuali, K. Lalliansangi a nei.
Lungena thlah kal zel te hi K. Lalhriatpuia ah hian kan lo chhui tawp thei ta a ni. (Note : Khawlhring Generalogical Tree en rawh). Alluaia fapa Zachauhva hian pianpui unau engemaw zat a neih rin a ni a,Zachauhva atang hian Lungen unau dang te hian an thlahtute an rawn dawh zawm theih a rinawm.
LUNGENA thlah te hi Khawlhring Lungen tih an lo ni ta a ni. Lungen ho hi Khawlhring chi rau rauah pawh mi huaisen leh ral hrat tak an ni. Khawlhring tlanga an awmlai Kawlvai leh Halkha Pawih hoin an rawn run tum pawh khan a hmatawng leh lo thihchilhtu ho kha an ni. Kha indonaah khan a thi tam ber leh thi hnem berte chu Lungen ho hi niin an sawi. An huaisen dan a namai loh em avangin Kawlvai leh Pawih ho mak tih a tling a.
Chuvangin, chu ti em em a huaisen ta chu an Lung hi engnge maw a nih bik le tiin an Lung an ensak ta hial niin an sawi. Tunlaiin mi thil inti hre deuh ten Lungen hi Lungen (Stone Look) anga lam rik tur ti an awm a, mahse hei hi a dik lova, Lungen (Heart Look) tia lam zawk tur a ni e. Lungsen tia lo lam emaw ziak tawk an awm bawk a, hei hi a dik lo bawk a ni. An lo awm ve a nih pawhin Khawlhring Lungen ni lovin hnamdang an nih a rinawm.
LUNGEN ho hi Thingsai zawna chhukthla ta, Lunglei vela darh hote kha an nih a rinawm. Anni ho hi chu Pawih ho nena khawsa ho reng leh inneih pawlh nasa an ni a. Pawih ang maia khawsa ta ho kha an ni. Khawlhring Pawih han tih mai tur khawpin a tam zawk chu Pawih ho nen hian an khawsain an awm ho a ni. Chuvangin, Pawih ho pawhin Khawlhring chu Pawih Hnam ah an lo telh ta hial rum rum a nih hi! Mahse, Pawih zawng an ni em lo ve.
Khawlhring Hnam ngei an ni e. Zakuala hla te phei chu Pawih ho hlapui a ni a. A tel lo chuan an chai thei lova, chai dawn mahse, Khuang lova chai ang hlauh a ni. Pawih ho nunah Zakuala hla hi a bet ve thlat mai a. Hei vang tak hian Pawih hoin,‘Khawlhring hi Pawih in ni e,’ an tih pawh hi an mawh lo ve. Engpawh nise, Lungen ho hi Mizoram Chhim lam atanga thlang tla, a hlawm lian ber te chu Pawih ho nena awm ho reng tuna Lai District a awm ta te hi niin an lang.
Source : Khawlhring Chanchin by K. Tlanghmingthanga
Similar Posts:
- Mizo hla – Vol II
- Krismass bawng ser ru
- Suicide tension “very much possible”
- Martaw-Ka-Baw
- Hmaituam-in nuai 2 chuang laksak?
@ Tlubing, Lal Isua nen a puan...
AW KHUANU!!
May 9th, 2011 at 8:34 pm
3 ……Chhiar ang le, chhiar tak tak hma, source hi hyper link nih loh chuan khi aia chiang deuh, kum, publisher tih vel te kimchang thei se chuan tha leh zual ngawt ang. Lushai_er ziak hi ka fak khawp mai a lakna issue no, date a rawn tar lang thin a.
Report this comment
May 9th, 2011 at 8:35 pm
A post sei sei nen in va comment tawi hlawm ve maw le, uluk deuhin kan chhiar a nge
Report this comment
May 9th, 2011 at 8:35 pm
@Ozima chhiar zo tawh em?
Report this comment
May 9th, 2011 at 8:39 pm
Ka chhiar mek zel e.
Report this comment
May 9th, 2011 at 8:39 pm
First ….nuam ham ham
Admin te in awm chuan ka hma lama comment paruk te khi eiruk na thil ani, delete ruuuuuuuuuu
Comment____ A sei tha hle,… chhiar chhin teh ang…..!!!!
Report this comment
May 9th, 2011 at 8:41 pm
#7 nangmah vanga an delete leh vaih chuan aw, ta-trawta ka velh tir ang che. minlo tibuai su ka chhiar tui lak lawh..
Report this comment
May 9th, 2011 at 8:50 pm
Ava tha ve mawle. A ziaktu K Lalhmingthanga source hriat a chakawm hle mai…….
Ka naupan laia ka Khawlhring thiante chu mizohnahthlak chi khat- Pang an ni deuh vek a. Mahse hei hnam tha tak an loh nih hi mawle.
Post tha tak a ni e.
Report this comment
May 9th, 2011 at 8:51 pm
K.Lalhriatpuia chuan pi leh pu a hre thui thei dawn hle mai.
Hmunphiah khanga zawlaidi khi Chawngvungi nu zawk khian lo khawih fuh ta hlauh zawk se chuan aw, thil a va sukuk nasa dawn ve le !!
“Chawngvung man tam Sumhluani” tih emaw ka lo ti thin a.
Sumhuani tih zawk a lo nih khi maw le.
Report this comment
May 9th, 2011 at 8:59 pm
Thui lutuk chhui hi chu awihawm loh lamah a kal lek lek thin. Kum 100 vel liam ta a thilthleng kan han chhui let dawn a, kan lo chianglo thei khawp, mary winchester lak na hmun, Ropuiliani phumna hmun te pawh hi han ngaihtuah chuan ziak a engemaw zat an dah theih tawh hnu a ni a, buaina awm awmlo tak kha, kan buai luai luai a nih kha………..ngaihruat nen chuan engemaw chen a chhui theih tho bawk a.
@D_au: nangmah vangin vawi hnih maw? ka titau chhunzawm dawn
Report this comment
May 9th, 2011 at 9:01 pm
Khawlhring ‘Mi Vir’ bengtlalo ho chanchin ani maw…lewll..Hualtu hi ka Nu te khua
Report this comment
May 9th, 2011 at 9:02 pm
Khawlhring ‘Mi Vir’ bengtlalo ho chanchin ani maw…lewll..
Report this comment
May 9th, 2011 at 9:04 pm
Tunlai chu mizo thawnthu hlui kan van chhiar nasa ve…
Lungte pawh aleng dawn lawm le…
Report this comment
May 9th, 2011 at 9:08 pm
Hualtungamtawna(Khawlhring-ngamtawna) leh Sawngkhara te unau anni tih ka vawi khat hriatna,a source chiang zawka hriat chakawm khawp mai,post tha tak ani e
Report this comment
May 9th, 2011 at 9:09 pm
@9____ Ozima ,…hahhahahhaha
Mahse i thluak riau, hmana ka tih ang kha ila hrereng a nih dawn hi…..
Report this comment
May 9th, 2011 at 9:11 pm
@D_auaChwngthu: 1st chauh pawh nilo 2nd nen lam lam, min lo bebuai tawh suh ka titau rih
Report this comment
May 9th, 2011 at 9:11 pm
A ngaihnawmin a bengvar thlak ham ham hle mai….Khawlhring Lungen ho chu Pawihte ah in duh chuan kan lo chhiarve ang che u…
Report this comment
May 9th, 2011 at 9:20 pm
Thil hi in hre hlui thin riau mai ka ti………..
Report this comment
May 9th, 2011 at 9:21 pm
@15_________ Aduhi va seh sawk rawh… a tahbelh lutuk
, kei pawn ka vel tap fo mai 
Report this comment
May 9th, 2011 at 9:25 pm
1st em aw
Report this comment
May 9th, 2011 at 9:28 pm
ka ‘first love’ chu Lungen nula ngat. hehehe…
Report this comment
May 9th, 2011 at 9:28 pm
#11chhangte uikawm ai chuan a tha. “Khawlhring pa zaidam”
Report this comment
May 9th, 2011 at 9:49 pm
post sei mah2 lo mo ! mahse thra ve pah reng
Report this comment
May 9th, 2011 at 9:53 pm
#21 an uikawm tak2 asin ..an nula te phei chu e hehehe !
Report this comment
May 9th, 2011 at 9:58 pm
Kan pi leh pute chanchin hi chu zir leh ngaihthlak nuam khawp mai, mahse ziaka dah that a nih loh vang leh thu chauha in hrilhchhawn a nih avang hian pawm tur chin leh chin loh hi chu kan hriat a ngai chuan ka hria,…
Report this comment
May 9th, 2011 at 10:04 pm
Ka han OT lawk teh ang,.. ka MTS Internet Device a han chak tehreng nen (kan insawi thei lawk; Youtube video buffering awm miah lova, an sak tawp ruala, a video download nen a tawp an rual thin kha aw!) tunah lah hei Nokia PC Suite nen chuan pakhat komen tur pawhin beih fe a ngai ta, satel ke bai ang chiah a nie, buaithlakin,… a hack dan min lo hrilh teh u! kan misual IIT te khan
Report this comment
May 9th, 2011 at 10:11 pm
Pu Goiha chu i va post bengvarthlak rem rem ve aw. Ka chhiarchhuak chiang khawp e. Inzawm tur zawm loh avanga ngaihkawih theih pakhat ka hmu a. Darbu tha, tum pawn pathum nei i tih khi ‘tumpawn’ tia ziakzawm tur a nih hmel. ‘Tum paw’n (pawhin)’ tih chhiarin ka chhiar a. ‘Lungen’ lam dan dik zawk ka hriat phah e. Mizo history-a mi pawimawh an lo tam hle mai. Hualtungamtawna te, Sawngkhara te hming pawh hun rei tak ka hriat tawh loh hnuah ka hre leh ta e.
Report this comment
May 9th, 2011 at 10:20 pm
U nunate chu le, sawngkhara thlahte lo zu ni reng a!
A bengvarthlak hle mai.
Report this comment
May 9th, 2011 at 10:26 pm
A thuziak ai mah chuan hetiang thu ziaka a title? Er. a dah kher hi tullo ka ti ve mai mai.
Report this comment
May 9th, 2011 at 10:27 pm
“LUNGENA hian fapaHauchema a nei a, Hauchema hi Vanhnuai Hauchema an ti deuh kher thin. A chhan chu a hausain a ropui hle niin an sawi.” tih hi ka hriat dan ve thung -
“Hauchema hi a hming dik tak chu Vanhnuaihauchema a ni a, Laltuaka fapa a ni. Laltuaka Sabual atanga Bawlte a kai hnu hian Sabual chu Hauchema pual turin a dah a. Amaherawh chu khawthlang lamah a tla thla ta a. Khawi lai hmun chiah nge a zuk thlen hriat a ni lova, Chhippui(tuna Bangladesh) chu a zuk thleng a ni awm e. Mahse a tum angin mi leh sa a zuk nei lova, tin lal dang a zuk run tum ho lah chu a hneh takloh bawk avangin a let chho leh a. Khawthlangah hian a hun tha chu a zu hmang zo ta a. Amaherawh chu, Sabualah hian lu nghah a duh kher avangin Sabuala lam a pan leh ta a, Sabual a luh hma hian Khawlek ramah te pawh a awm ni a hriat a ni. Chuta tangin Sabualah a phei leh a, hetah hian mi leh sa tlem nei in ro a rel ta a ni. Hetih lai hian Lallula’n Sabual a lo chhuahsan hman tawh a ni. Sabualah hian rei awm hman lovin, a thi ta a ni.
Lalburha thih hian Sabual chhim lam kawtchhuahah an phum a. A thlan an laih dawn hian Hauchema hi helai hmunah hian an phum ngei a ni tih an hria a, mahse an phumna lai tak an hre si lova. Lalburha thlan an han laih hian thuk tak an laih hnu, an duhtawk dawn lamin mihring ruhro thahnem tak mai an laichhuak ta a, chung zingah chuan ruh sei pui mai leh lu ruh lian deuh mai hi an laichhuak tel a. Hauchema kha palian tak a a lo ni bawk si a, Hauchema ruh ah an puh ta a ni. Tichuan, Lalburha thlanah chuan an phum tel ve ta nghal a ni.
Hauchema thih hnu hian a thlahte ho chu chhim lamah an phei a, an chanchin hriat zuina a awm lem lo. Amaherawh chu, ‘Mizo Chanchin’ ziaktu Zatluanga(1966) chuan Hauchema hian fa pakhat Lalhuneiha a nei a, Khantlang lal anih thu a tarlang. (p,121) Eng pawh nise, Hauchema hi hun rei lote chhung chu Sabualah hian a lal ngei a ni tih hriat a ni.
Ka source te chu a tam viau mai a. ‘South Sabual Chanchin’kum 2005-a ka lo ziah ve tawh ah khan ka ziak lang e. Sabual hi Aibawk atanga Tlawng thlang, km 29 a hla a ni e.
Report this comment
May 9th, 2011 at 10:33 pm
Kha le…. hriat dan a in ang ta lo….. in hnial ru… lo ngaithla ng.. heh heh
Report this comment
May 9th, 2011 at 10:43 pm
Mawngtama chair thla lang kuau khawp a ngaihnawm tiin ka chhiar pek chu. He post hi ka
e.
Report this comment
May 9th, 2011 at 10:59 pm
he tiang hi khawi atang nge maw in hriat theih bik thin le?thawnthu hrang hrang emaw ka tih hi an lo inchhung kual deuh duah a nih hi mawle…
kan mizo super heroes an ni chiang mai
Report this comment
May 9th, 2011 at 11:06 pm
A va dang dai ve..Sawngkhar chuan Chawngvung kawngvawn (puanbu) ah a tat tih leh chawngvunginu hmu chu a hmunphiah chhuhsak in a tat ti a kan hriat ţhin kha tah chuan a dang leh daih..
Sawngkhara Ruhro kha Keiţum a YMA ten an la a, an thlanmual ah an phum tih thawm te ka hria…
Khawlhring leh Vangchhia hi hnam hi unau anga sawi an ni a.. A lang tel lo riak a dik lo chu ni em lo ang maw..
Renthlei ka ni daih thunga, belh lawk nge.. Renthlei leh Fanai hnam unau anga sawi ka hre bawk a,
Pachuau leh Sailo.
Report this comment
May 9th, 2011 at 11:24 pm
Hei chu a va tha ve! Chhinchhaih tlak, dah that hmak tlak a nih hi!
Report this comment
May 9th, 2011 at 11:39 pm
E heu …kan va inhriat thui hleih ve…KHAWLHRING MIDANG tlangval ka nia ka pu ah ka tawp nghal deuh der mai. Midang zar lam a awm ve mial lo maw???
Report this comment
May 10th, 2011 at 1:23 am
Good Post mu pahin chhiar anuam thin e
Report this comment
May 10th, 2011 at 2:22 am
misual dawt kawm a, commenttu thenkhat ten, chatna emaw tia, thiante user dang nen a,in in fiam vel hi sim rawh u, misual.dot com inti bawrhbang, insim loh chuan in nick lem ka rawn sawi ang, next ah chuan
Chawngvungi nu khan Sawngkhara kha a simoon ang khan kan zr em aw!!
Report this comment
May 10th, 2011 at 2:46 am
@drake
I sawi takah chuan a simoon tlata ka’n hriat hnuhnawh chu le. kan zirna la rei loh tehreng nen, ka va chiang ta lo ve aw. Mizo thawnthubu lah chu tunah tak hi chuan ka kawl der mai si lova. Hre chiang deuh in awm em le aw?
Report this comment
May 10th, 2011 at 6:35 am
Geneology leh folk lore inchawhpawlh lutuk hian a rinawmna a tinep ka ti thin. Ngaìhnawmin bengvarthlak mah se. Min hringtu nu hi Khawlhring Lungen a ni. TODA.
Report this comment
May 10th, 2011 at 7:44 am
Ka post ka rawn vil hman lo a, ka tihpalh lutuk, ka buai deuh alawm mawle. Pu Chhuantea leh Pu Tlanghmingthanga te hian research an ti mek a hemi chungchangah hian, Khawlhring chanchin an zirna hi a bu a Sorkarin publish sak a tum a ni awm e. Source chu a link ka rawn ti thei mai lo
office ah hian facebook access theih loh tlat mai a, Facebook ah khan Chhuantea Khawlhring ti khan zawng ula, chuan a group ah khan Khawlhring chungchang an zirna Group chu in hmu mai ang. Khawngaihin in lo zawm theuh dawn nia 
Report this comment
May 10th, 2011 at 10:35 am
Midanga khi ka Pu nih khi….
Report this comment
May 11th, 2011 at 6:13 pm
Fanai Metal #16, Hmanlai chuan chi dangah saphun an awm fo thin. Chi dang ang bawkin, Khawlhring te paw’n chi dangah saphun ve thinin, a thenin Hmar lal an belhna lamah chutah chuan an lut (saphun) mai thin. Chutiang bawkin Lai (Pawi) ah pawh. Saphun tute kha Khawhring emaw annih avangin Khawlhring zawng2 Hmar emaw (Lai)Pawi emaw annih phah lo, an mahni saphun tute chauh kha an inchhunglut. Chumi vangin khami saphun tu thlahte kha chuan Hmar emaw Lai emaw inchhal sela, a dik thei tho. Sailo te pawh Paite annia, Lusei (Lalchi) an intih tak vek hi. A chipui dang ten Lusei an intih hauhloh hi.
malsawmliana #29
Lungena fapa Hauchema (Vanhnuai Hauchema) hi Hauchema (a hmig tak Vanhnuaihauchema, Taizanga tia koh thin), Laltuaka Sailo (Lallula Sailo pa unau fapa) fapa nen hian Pu Malsawmliana hian a ngaih fin tlat mai. Hauchema chanchin a hriat leh a rawn ziah hi chu Sailo daih a ni. Tuna Lungena fapa Hauchema (Vanhnuai Hauchema tia hriat lar) hi Khawlhringa tupa a ni daih a, Lungena fapa Khawlhring Lungen Chi a ni zawk e. Mizoram State hi a rawn rap lo hrim2 a ni. A thlah kal zel chhuan 8-na Doliana te ho chauh hian Mizoram an rap hman awm e. A thlah kal zel te hi Mizoram dung leh vangah kan la tam khawp mai a, a la dam te hian kan hre chiang thaw khat hle bawk awm e.
By Chhuantea Khawlhring
Khawlhring Historical Society Facebook Group
Report this comment
May 11th, 2011 at 7:14 pm
#42 Taizanga tih khi Chemzanga tih zawk tur — Chhuantea Khawlhring
Report this comment
May 12th, 2011 at 2:55 am
Venghlui pa lar LR Lungen (fam) min ti hrechhuak. Hmungmeltha khua hi Khawhring tamna khua an ti thin. Khawlhring ka hriat ho hi an huaisen phian hlawm nia.
Report this comment