A hmasain mipui nawlpui hian enge NIT hi tih kan hriat thiam a pawimawh hlein ka hria.NIT hi khawilai engg.college pakhat emaw mai mai anilo tih hi chiang phawt ila a tha awm e.India ramah engg. college sang tel tehmeuh a awm a,khawpui pakhat ka awm tawhna nagpur ah ringawt pawh 100 chuang a awm ani.
Mahse,NIT erawh 20 chiah India hian a nei a,IIT hnuai chiah niin ,heta zir pha tur pawh hian all-india exam clear phawt a ngai a.Ramdangah phei chuan (kan ramah kan tilo mai pawh a ) heng AIEEE(NIT luhna exam) leh IIT-JEE(IIT luhna exam) a tlingte an chawimawi thiamin ,an ngaisang em em a,an ngaihlu thiam hle thin .
Tunah Mizoram chu engg. college(kan polytechnic lah engmah ni silo) pawh la neilo nimahse ,Mizoram sawrkar hmalaknain ,central duhsakna a chang ta hlauh mai a,NIT pek kan ni ve ta !Kan sawrkar remhriatna leh thahnemgaihna tak meuh2 ani a.NIT thar an chhuah dangte kan han thlir in engg. college lo hmelhriat sa vek an ni,cutih laia Mizoramin kan nei ve ta hlauh hi a lawmawm takzet zet ani.Hetih lai hian ,a dilchhuah ah hian kan tawp mai ang tihchu a hlauhawm khawp mai,a bul tan dan hi kan ngaipawi mawh a ngai hle ani.
Tunah hian kan hre tawh maithei a,1st batch chuan VNIT,nagpur ah an zir a,amherawhchu tunah an 2nd year atangin mizoram ah lakchhoh tum an ni.A lakchhoh ngawr ngawr chu a thatlohna a awmlo e,a nihna takah phei chuan kan engg. chhuan ber tur hi rawn sawn chho vat vat se kan ti hle .Mahse,a lungchhiatthlak ta ber chu ,engmah facilities awmloa insawn chhoh hi ani.Tunah hian NIT thar Mizoram ruala indin ho zingah manipur chiah insawn tum a awm a,a dang zawng chuan an mentor(NIT mentor) ten awm rem an tih thleng awm a, chu chu advantage a la a,anmahni NIT tana inpuahchahna hun tam zawk neih theuh an tum ani.
NIT manipur hi an insawn chhan chu engg. college kum tam lo indin tawh upgraded an nih vang ani a,an tan chuan inpuahchah vak a ngai lemlo.NIT mizoram pawh hi an mentor VNIT,nagpur chuan inpuahchahna hun kum 5 a pe nghe nghe ani.Hetiang a nih laia,Mizoram sawrkar lamin zirlai te sawn chhoh a tumna chhan hi hriat a chakawm hle ani.
Tunah hian permanent campus an neilo a,an temporary campus (bethel,chaltlang) ah pawh engmah(thutthleng takngial pawh) an la neilo,tichung chuan july18 ah class tan tum ani.He thu ka hriat hian ka rilru a ti na takzet a,kan zirlai thiamthei tak tak,all-india exam meuh paltlang te hian hei hi an phu em? tih hi kan dawnpui ava ngai em !!
Ka ngaihdanah chuan 250 crores sanction awmna he NIT dinna kawnga sawrkar hmalakdan hi engti kawngmaha pawm theih niin ka hrelo.Hmanhmawh chuk chuka thil tihchi niah pawh ka ngai loa ,kum 5 chhung hun an pek chuan ,uluk leh duhthusama college din tum a fintlak zawkin ka hria ani.Thenkhat chuan ‘kan sawn chhoh vatloh chuan hmalakna a hnufum an ring a,heihi chhuanlam fahrah tak leh kan la mawlzia tilangtu ah ka ngai.Kan sawnchho emaw sawnlo emaw,mizoram NIT an nihna a bo chuang dawn em ni??
Heta rem leh remloa kan sawn chhoh a,engg. colleg ho taka kan chhuah lehsi ai chuan nagpur ha kan zirlai te hi lo in tat hriam se,helam inpeih hunah sawn chhoh nise,kan college tur hmelhmang pawh a mawi zawk ngei ang.Tunah chuan kan NIT hian hmelchhe tak a pu thei tlat ani,i ngaihtuah chiang ang u.
Hemi kawngah hian kan NGO chak tak tak te hi khawnge an awm?? hei ngei hi ani lawmni MZP,MSU buaina tur chu?? Tun hun hi chet hun ani a,tuikuktihvel buaipui viau ai chuan an naute hi han ngaihtuah se.Mizoram ta chu mizoram ngeiah a awm tur ani tih tlak ngawt zel pawh hi a ni lo,he thil ah kher hi chuan sawrkar hi han inenfiah deuh teh se.NIT nei ve si in ,engmah lo maiah kan chhuah ang tih hi ka hlau takzet ani e .
Similar Posts:
- Mizoram NIT Campus eng tik ah nge ?
- Pawl hniam lam zirlai fail tir thin hi
- Mizoram Nursing College building permission chungchang
- Serthlum Beidawnna ?
- NIT Mizoram
June 11th, 2011 at 5:34 am
nia sum siamna ma1 ma1 a ni lo nia…chh1ar ang aw…
Report this comment
June 11th, 2011 at 5:48 am
ziak tha khawp mai,ka thlawp che. I thil hlauhthawn hi a dik khawp mai
Report this comment
June 11th, 2011 at 5:51 am
IIT lam te, NIT cc hi hriat a tha ka tih rualin i fak arek lutuk a, thil dang i hmusit/en hnuai/ngainep tel kher bawk hian ka chhiar a ti tuilo zo.
Lunglei a Polytechnic zirna te saw chhawr tangkai a, eizawn nan, chhungkaw chawm nana hmang an tam teh asin. Hna thawh reng reng hian hna chelh a inang theilo. Mahni hna leh thiam chinah hian theih tawp chhuah theuh ila hna ropui thawk kan ni mai.
NIT e, IIT zir chhuak e pawh ni la, i chapo ar a, hna i thawh that peih chuan siloh emaw, i rinawm loh emaw, i hna i thiam chuan siloh emaw chuan engtihna mah i ni chuang lovang. Khawvel ah Mizo ten, “Hna sang,” kan tih ang thawk chauh an awm thei lova, “Hna hniam” kan tih ber te atanga alian ber thleng hian in chhawmdawl chho vek a ni. Hna reng reng hian pawimawhna a nei vek a, chumi tura hna siam pawh a ni thin.
IIT/NIT luh te alo har viau ani maw, an va ti kher kher vele
Report this comment
June 11th, 2011 at 5:54 am
# 3phunchiar
Report this comment
June 11th, 2011 at 6:03 am
Gud mawrning vek u…
Report this comment
June 11th, 2011 at 6:14 am
Good morning in the evening
Report this comment
June 11th, 2011 at 6:24 am
He post hi ka like e.
. Kan hotute hian Municipal Council an din ang deuh a inkhualtelem mai mai theih turah an ngai a ni ang a; a pawi khawp ang.
Report this comment
June 11th, 2011 at 6:25 am
Keipawhin ka like, post tha tak niin ka hria mahse, a ziak dan khi ka ei chiah lova zialo tak2
Report this comment
June 11th, 2011 at 8:23 am
Vênthawn tur hi a lo tam mange!!
Report this comment
June 11th, 2011 at 8:43 am
Pu Hv #3,
Report this comment
June 11th, 2011 at 8:46 am
NIT thar 10 zinga pakhat Mizoramin kan chang ve hi a lawmawm a. Mahse min pekna kum 1 aiin a rei tawh a, a campus awmna tur pawh a la final thei lo a, sorkar nepzia a lang(?)Thenzawl nge Sairangah kan la buai!
Mizoram University ah school of engineering a awm tih hria ila. IT, electronics leh electrical(?)a zir theih. NIT kan nei ve a, MZU in a offer loh subject dang te offer ve tur a nia. MZU offer ang bawk an offer ve a, hahthlak.
Report this comment
June 11th, 2011 at 9:02 am
Hmanni Warren Buffet in India a rawn tlawh khan ti hian a sawi “Bill Gates an Talent nei tha zawnna tur chu IIT a ni, a ti”.
https://articles.economictimes......e-hathaway
Comment #3 khi ka thlawp khawp mai, NIT/IIT chhuak ni lo chhungkaw pangai hi an va tam tak em!
Report this comment
June 11th, 2011 at 9:03 am
Zirna In tha kan neih dawn chuan thuneitu a ngaihna hre chin neih a ngai. Politician ho inlavungna tur a ni lo. Ram hmangaih chunga dik taka kalpui a nih loh chuan nuihzatbur kan ni ngei ang.
Political gain-ah hman tumin inpeih lo chung an ‘hawng’ leh ngawt a nih chuan nuam kan sa lo teh ang chu. He institute hian a nih dan tur a phak lohva, engtin tin emaw a hlamzuih deuh thaw a nih chuan (ref: Referal Hospital) Mizo mipui, a bikin thalaite tan hriatthiam theih chi a ni lovang.
He thu hi Vanglaini ilo-ah chhuah atan a va tha ve (tlema siam tha deuhin)
Report this comment
June 11th, 2011 at 9:09 am
Tuna NIT mizoram a lut mek te rilru a va na dawn em,Technical entrance ah kha ti khawp khan kan buai,kan thiante central exam a tlingte an vannei kan tih tehreng nen..Mizoram sawrkar a lo tel ve tawhna ah hi chuan,,thil tha an thlen lo ang tih a va hlauhawm em.
Report this comment
June 11th, 2011 at 9:40 am
Hawh u Mi(sual).com a sawi ringawt lo hian a tak ram thlen pui theih dan a awm lo a mi? Ka vei ve thlawt a ni. Ka thianpa nau 1st batch a a tel ve hlauh mai a,Mizorama sawn an tum chu 50% chance vel ani e a ti. Chu bak a student nu leh pa ten CM hnen ah sawn lo tur in an lo dil ani awm e.
Report this comment
June 11th, 2011 at 10:02 am
#3@Pu HV_ In rama zirna Harvard Univ., Princeton Univ. leh Massachusetts Institute of Technology (MIT) te kha khawvelin a ngaisang em em a, kha hmuna India mi te tana rawn zir ve theihna kawng awlsam ber pakhat chu IIT, IIM te hi nia.Mahse i sawi anga khawvel thil hahipa ngaih ropui hi chu khawvel mi te hna ber a nia, Pathian mi chuan a ti ngailo
Report this comment
June 11th, 2011 at 10:11 am
Asteric Visc.#16 ka phunchiar mai mai anih kha, menah thlak chi
Thil pakhat fak laia mi eizawnna emaw an lo zir ve tawhna thin ang chi sawisel/hmuhhniam sak kher kha kan eilo mawle. Kei ve niah nuah hian
Report this comment
June 11th, 2011 at 10:20 am
Thil in hre riau mai. Hmanni Minister Kapil Sibal an IIT faculty te ‘third class’ niawm taka a sawi kha in pawmpui zawng ani em?
Report this comment
June 11th, 2011 at 10:35 am
zirlai te hi an khongaihthlak khop ang le mizorama an inson chhoh nghal chuan…Tun thleng2a campus tur anla tifel lo hi chu kan sawrkar laktlak lohzia a tilang….Tin, tuna an subj offer bak hi chu tun hnaiaha chuan offer a har viau ang, Entirnan Civil leh mechanical te chu lab a machine vel ringot poh hi a pakhat poh nuaih tel fe te an ni zela bakah import te la ngai zui nen..
Report this comment
June 11th, 2011 at 10:40 am
post tu, k thlawp che
Report this comment
June 11th, 2011 at 10:51 am
Tha ka tikhawp mai.A ziak tu hian a hrechiang thawkhat hle a, a thinlungin a vei tak zet2 tih a langchiang hle mai.A ziak huai a,a dik bawk.Kan ram hruaitute lo chhiar ve ah ka awt kher mai.
NIT ve lai si ho lam taka kan chhuah hi keipawn ka hlau ngawih2 a sin.Engkim an ready hunah sawn chhoh ni mai zawk se tih hi ngaihdan tha tak ka support reng tur ani.
NEIGHRIMS shillong leh REFFERAL HOSPITAL hi an pawisa sunction a in ang deuh reng niin an sawi.En ta che u a tlak balzia saw!!! IR police an admit ngheng ringawt a nih saw !!!
Medical college te hi din ve thei tak2 ang i maw?Contractor te leh ram hruaitu te hian zahngaiin,Hei tal hi chu eiru tawh lo hram se ka van ti em!!A chhawr tangkaitu tur chu keini, kan tu leh fa te tho kan ni si a.
#3 H.vangchhia hi i post zawng zawng hi chhiar a nuam kan ti vek kher lo a nia.A post tu tan nuam lo duh awm em mai.Polytechnic hi mi tam takin eizawnna mai niloin eiruk zir nan leh eiruk nan an hmang nasa hle ani!!
A tawp ber a tan, psiDelt@ i post hi tha ti tu tam tak kan awm a,chanchinthar dang a awm pawn huai takin i lo post zel turah kan beisei dawn che nia.Mipui kan thuhmun fo thei lo.
Report this comment
June 11th, 2011 at 11:17 am
Kan ram tana thil chhenfakawm tur leh thangtharte tana ro tling tur he NIT hi tuna kan hruaitute leh kan politician hoten min tihchingpensak hlauh a nih chuan thangtharte anchhia dawngin an thlahte nen lam an hmuingil chuang lo vang!
“Crore/Vaibelchhia” tih vel a rik tawh chuan mawng za tlat ram hruaitu kan ngah thin lutuk hi a pawi a nih hi! Duh thala mahni inpuahchahna hun kum 5 kan neih theih laia hnawhsarum lutuka mi in luah chawpa kan naute “tihluihna” ang thawthanga Nagpur atanga Chaltlanga han sawn luih rawk rawk hian engnge a kawh? CORRUPTION tih bak a kawkin ka ring lo tawp! Chuti a lo nih loh pawhin kan hotute hian thil awmzia an sawi fiah a va hun ve le! Kan hotu thenkhat vir leh duham lutuk avang hian a ram mualphoin kan mualpho leh dah ang e…zahthlak thin haih haih em mai!! Pu Lal Thanhawl, i hming thatna leh chhiatna chance a inhawng e!!
Report this comment
June 11th, 2011 at 11:18 am
#22
Report this comment
June 11th, 2011 at 11:20 am
malsawm ka phunchiar ve niah nuah, menah thlak chi ka tih khi mawle. Ila rawn tuihnih hram chu le
Report this comment
June 11th, 2011 at 11:22 am
Ka dawih dawih nen insual ka chak tlat nia mawle
Report this comment
June 11th, 2011 at 11:24 am
campus kh thenzawl kh a chiang toh amo k tia…k lo ngaituah v my2 chu.NITMz thok tur mithiam ho hian an fate sikul kaina turah an buai ru viauin k ring…
Report this comment
June 11th, 2011 at 11:25 am
Mipuiin an hmaichhan lova rel ringawt a kan tlak chhung chuan kan ram hruaitu kan thlan apiang ten an ti chingpen zel anih hi.
Mipuiin an eiruk kan phal alawm. Zu zuar kan hnawtchhuak ngam a, eiru ho kan veng atangin kan hnawtchhuak ngamlo. Ram hmelma diktak zawk zawk anni asin.
Report this comment
June 11th, 2011 at 11:26 am
@26 KingJulien, SMS tawngkam hmang lo hram ila aw….
Report this comment
June 11th, 2011 at 12:41 pm
#21 : “NEIGHRIMS shillong leh REFFERAL HOSPITAL hi an pawisa sunction a in ang deuh reng niin an sawi.En ta che u a tlak balzia saw!!! IR police an admit ngheng ringawt a nih saw !!! “ .. ka duh lutuk
Hetiang alo ni tih hi kalo hre reng reng hleinem le. Kan NIT tur chu ka va han khawngaih lawk reuh ve, zirlai (1st Batch) te chu ka khawngaih zual. BTech zawhah placement session chho velah NIT graduate dangte lakah hawi pawh an hawi ngam na’ng le. Thil zialo tak zawng ani, keini State hruaitute ve hi zawng.
Pu HV @ 3 : Dik lutuk. Ka thil tha tih emaw, keima line lam anih avanga fak vak a, midang nihna/ kawng zawh engmah lo ang em em a inchhuah sak chu keipawh tha ka ti hauh lo. Mihring theihna leh phak tawk pawh a inchen vek theilo a, ka theih avanga midang thei ve lo te ngaihnep kher hi thil tul ani hauh lo.
He thu-ah hi chuan post tu pa pawh hian han inen let deuh se a tha ang.
A post thu kal hrim hrim hi chu
Report this comment
June 11th, 2011 at 12:56 pm
He post atang hi chuan MZP ho hi ka thlawp tlat lo.
Nia, kan sawi thin a, thenkhat in duh thawh luat ah MZP te hi an sel thin selna awm reng pawh hi a awm thin tak a. Hetiang NIT chungchang te hi nasa tak in kan sorkar/ thil ti thei te hnenah hian nawr se la tha tur.
Ram leh hnam khawih thil an nawr erawh pawi tihna ka nei hran lo mahse Zirlai Pawl an nih ang in heng te hi an hun tam zawk ah buaipui se avan tha dawn em.
Report this comment
June 11th, 2011 at 12:59 pm
@ 30…An thil hriat thiamloh lam ania…an bo map hrih anih hi
Report this comment
June 11th, 2011 at 1:28 pm
@31,
Report this comment
June 11th, 2011 at 5:47 pm
Thiane u,engg.college dang han ngaihnepna lampang anilo tih kha min lo hriatsak hram ang che u.Mizoram kan vanneih zia uar taka ka sawi tumna mai ani a. Han ngaihtuah chiang teh u(engineering chiah ngaihtuah ta ila),NIT pek kan ni hi kan vannei tak zet zet ani !!!
Report this comment
June 11th, 2011 at 7:17 pm
Kan dil chhuah nge min pek han sawi chiang vat teh ? NIT hi kan dil lai ka lo hre lo reng reng!
Report this comment
June 11th, 2011 at 9:46 pm
Posttu hi ihrethiam ang u.. A hlutna a hre chianga sawi chhuak mai lo vin a luakin a luak chhuak nih ber hi( A hlu reng bok a. NIT 20 awm zinga 1 lo chan chu) Pu.Sangliana poh Cross Quation vanga a sawi tum loh deuh sawi angah kan chhuah hlom kha maw!. Kan Politician te leh thilti theite hian “Sum tha hmu; Sum tha hmu…” an ti leh pek toh chu ni em lovang chu maw
Report this comment