Chhunglam atanga rawn ri riai riai chu ka han ngaithla chianga, ka pumpui ngei mai chuan hnawhpuar a mamawh a ni tih ka hriat chuan choka lam panin ka pen phei ta hnup hnup a. Mahse chawthing leh alu kan bak engmah eitur a lo awm silo. “Chawei tuiloh nen a va inmil lo em aw”, tiin pawna ei turin ka chhuak tau ta vuau vuau mai le. Mahse kalkawnga ka thil hmuh chuan ka rilru a thlak chiang kher mai! Nufa ni awm tak hian bawlhhlawh paihna hmunah hian eitur an lo hai a, a tui leh tuilo lam an ngaihtuah lo, a ei theih phawt chu an lo ei mawlh mawlh mai chu niin.
Ti hian ka ngaihtuah ta a, “Eitur tuihnai ka la nei a, chaw leh chawhmeh hinglo eitur ka la nei a,engvangin nge ka la lungawi loh fo ni”.
Ka lo vanneih bik zia min hriatchhuah tir tu te nufa hnenah chuan lawmthu sawinan pawisa tlem ka thil eina tura ka tih chu hlanin an tan ka tawngtai ta zawk a.
College chawlh lai a ni a, tihtur dang engmah hre hek lo le, nileng zankhua thak thaka game khelh chu hna pui bera ka neih a ni mai. Awmawl ta na na na chu zanah kawngna avangin ka mu thei ta reng reng lo, ka phunnawi leh tan ta. “Ka khum hi a va ruh em, blanket lah a lum lo si, awmzia a awm lo”. Keimah ni lovin ka chhungte hial ka dem tan ta.
Mahse ka inngaihtuah chianga, Ekhai! Mut na tur khum ka la nei alawm, sin tur pawh ka la nei e, lukham lah duhthusam. Ngatinge keimah chauh hi ka lo inngaihtuah thin.
Zanin khawvawtah hian mi engzat nge footpath-ah sin tur mumal pawh nei lovin mu leh dawn. Ruah hi sur ta se engtin nge an awm ang? Khawvawt hian mi engzat nge a tih buai leh dawn? Ka mutna khum ata chu tho chhuakin thingthiin an tan chuan ka tawngtai ta zawk a.
Thla a lo thara, chhungten pawisa min lo thawn atang chuan tlem tal chu kerh kerh nana hman tumin ka chhuak a. EGLANTINE wineshop kawta ka din lai chuan nula no nalh tak mai pahnih hi scooty-in an rawn inphur pheia, chilthli tla dawn dawna ka thlir reng lai chuan an hnunga car rawn tlan chuan a rawn su thal tawp mai le! Bawihsawm tu te zingah chuan ka tel ve a, damdawiina kan dah fel hnu chuan ka ngaihtuahna a kal ding leh ta.
Reilote chhung luhai thlakhleh avangin, taksa tana a thatna aia thatlohna hre tam zawk ran chungin, chhungten thlantlaa harsa taka an thawhchhuah sa chu khawhral ka tum chu a ni sia le. Damnan takngial pawh inren takin pawisa an hmang tawk tawk a ni zawk si a.
Ka rilru chu siam felin ka lehkhathem kenlai hlu tak chu ka ipteah chuan ak thain chhiattawkte tan chuan ka tawngtai ta zawk a.
Vawikhat chu ka thianpa Hnuna nen hian aquarium lei turin kan chhuak a, bazar a hla si, lum si, tawt si, rimchhe bawk si. Engtin tin emaw chuan kan va leifel thei hram. Dawr atanga kan chhuak chiah tihah chuan nopangte hian kut a rawn dawh a, intifel fahran chuan cheng hnih ka lo pe a. Hnuna ve thung chuan a wallet a hawng a cheng sawmhnih tlang chu a rawn phawrh chhuak ta mai. A piaha dawrah chuan sikret a lei dawn emaw ka tih laiin kutdawh nopang chu a pe ta vek mai. Cheng hnih vel lek pe tura ka va hrilh laia min rawn chhanletna chuan min tizak chem chem, “Thiana, Chawlhniah chauh thawhlawm thawh tur a ni hlei nem”.
Ka thianpa Hnuna hian a van sawi dik em! Chawlhni ka Inkhawm a, thawhlawm ka thawh ziah. Mahse ka hawn kawnga kutdawh ho hi thawhlawm khawntute tih ka lo hre ngai hauh lo.
Chawlhniah chauh thawhlawm thawh tum tawh lova ka rilru ka siam lai chuan kawngka zim lam min zawhtirtute hnena lawmthu sawi nan ka lehkhahlu bawk chu hlan lehin an tan ka tawngtai ta zawk a.
June 12th, 2011 at 11:31 am
Chhiar ang…
June 12th, 2011 at 11:40 am
Hahah… (Y)
June 12th, 2011 at 12:09 pm
Tha khawp mai
June 12th, 2011 at 12:19 pm
Ekhai, alo ni maw. Thawhlawm khawntute ang zawngin ka lo ngaihtuah ngai miah hleinem.
Tha khawp mai.
June 12th, 2011 at 12:33 pm
A va han tha em ve aw.. A ngaihnawmin zirtir a nei tha khawp mai. Thil eng pawh mai hi lawmna tur hlir a lo ni zawk a. Lawm loh chang kan neih avang pawh hian lawm hrim hrim ang u.
June 12th, 2011 at 1:25 pm
a tha lutuk. engkim kan chhehvel hian zir tur min pe reng asin
June 12th, 2011 at 1:36 pm
A va ngaihnawm tehreng em, post-tupa i ti tha lutuk (Y) Dinhmun chhe viaua kan inhriat pawhin keini aia chhe lehchhawng chhiarsen loh an awm tih ngaihtuah hian lawm mai tur kan ni reng thrin asin.
June 12th, 2011 at 1:48 pm
Inelna leh a ruh no no chhuahna khawvela kan chen chhung hian chan tawka lungawi a va har em!
Kan mamawh leh kan duh hi thliar hrang thiam ila. Chan tawk apianga lungawi mai lovin le…
By the way, nopang nge naupang zawk?
June 12th, 2011 at 2:00 pm
va han tha thin tak em..pu swift a nge2…pentikos ni a chhiar chi tak a ni..
June 12th, 2011 at 2:07 pm
Experience atanga thuziak hi chu ka ngaihlu khawp mai. Nun danglam tak i nei, tuna i lungawi theih dan hi Pu Mahatma Gandhi pawh khan a lo apply nasa thin, mahse Isua neih avanga lungawina erawh a chang ta lem lo a nih kha. Nangpaw’n lungawina dik Isua avanga lo awma hi i neih ka beisei e. CFL-a post nen hian a in zul khawp mai.
June 12th, 2011 at 2:11 pm
Mihring tawngte leh Vantirhkoh tawngte in thu sawi mah ila,..tih lampang min ngaihtuar tir daih..
June 12th, 2011 at 2:18 pm
Post tha tak nih hi le
June 12th, 2011 at 2:43 pm
“Engkim hi a lo tha vek mai” ti thei tute leh, “Ka chantawkah hian ka lungawi” ti thei tute nun hi a va’n awhawm thin tak êm! (Tak tak a nih chuan)
Chin tawk neih hi a har khawp mai a, “Chumi khami chu nei ila,” “Chuti ang khati ang chuan awm ila ka lungawi tawh ang,” pawh han ti mah ila, a bak thil kan la beisei leh tlat thin. Mak pawh ka ti lem lo; sual saa piang kha kan ni miau alawm!
Amaherawhchu, thinlung lam duhamna piah lamah, midangte dinhmun aia kan dinhmun a that zawk hian mahni nunah lungawina a lo insiam ve thin. Chu chu thil tha tawp khawk a ni a, chu thil tha hrethiam mi te chu an vannei a ni.
June 12th, 2011 at 3:26 pm
Ziak thiam in zirtir pawh a nei tha hle mai, kungzungpui chunglam, nopang niloin naupang tih hi i tih palh ani ngei ang.
June 12th, 2011 at 3:26 pm
A va tha tehreng em! Ka hril séng lo a ni ber e. Hmannia kan kohhran Upa pakhat sermon nen pawh khan a inzûl tha hle mai. ” He khawvel hi kan khualzinna ram mai anih avangin kan inkhâibawr nasa tur a ni lo; khualzinnaah rêng rêng chuan thawmhnaw tam tak kan keng ngai lo ang hian he hringnun hi i zir thar leh ang u. Thil ho te tea kan ngaihah pawh hian lâwm thiam kan zir a tul ta khawp mai.” AMEN.
Good & Excellent Post.
June 12th, 2011 at 3:31 pm
in coment te ka lo chhiar thliah thliah a, ka lawm khawp mai.
Nie, Pathian neitute hi kan vannei asin. Beidawn tawpah pawh a hnungdaltu kan nei a, lungawina hlir a lo ni e.
June 12th, 2011 at 3:35 pm
e e e,naupang tih tur ni zawk awm tak anih khi, ka lo tisual palh hloh anih khi, ka lawm hle mai
June 12th, 2011 at 3:51 pm
A va ropui em.
June 12th, 2011 at 4:10 pm
Chhiar a nuam hle mai,He i thu post hian min ngaihtuah chhuah tir chu, nu leh pa ten fate an zirtirna hlut zia a ni… Inkhawm, KTP etc… a tawi zawngin Biak in leh a vel chiah a langa mawi chin chauh kan inzirtir ang tih ahlauhawm hle…Kristian nun a tak tak a lanchhuahna tur chu kan nitin nunah zawk hian a ni tih hi kan inzirtir fo a tul hle,,
June 12th, 2011 at 4:46 pm
aizawl pa 3 leh nu 2, sawmapakhat kohhrana pe lova, x-mas dawna mi harsa zualte pek tura bank a dah thin ka hria. Kohhrana pek nge pathian lawm zawk ang?
June 12th, 2011 at 5:02 pm
Pathian thu hi theory mai ni lovin practical a nih zia i tilang chiang hle mai. Post tha tak a ni.
June 12th, 2011 at 5:57 pm
tha khawp mai . . (Y)
June 12th, 2011 at 6:00 pm
benny,mulukawlh,the biz leh midang zawng zawng, ka va han lawm tehlul em!! Sawi ngaihna pawh ka hre love.
Saint,ka ngaihtuahna ang tak i ni e. Keipawh ka ngaituah fo mai. Ka thianpa pakhat chuan kohhranah chuan chhunluh a neitlem khawp, mahse a birthday leh xmas hian tnt kawtah hian thilpek a chhawp ruih zel nia mawle, amah lah chu a inhriat tir duh miah lo lehnghal a.
June 12th, 2011 at 7:45 pm
A post tupa nang aiin a chhiartute hi kan lawm zawk ang. Ka nu ka chhiar saka kan ti ti tui dun hle mai.
Kan ramah pawh hian, nufa i hmuh te ang khi anlo la pianglo ang tih hi sawi har tak a ni. A dannana kan dan neih pakhat, MLTP Act lah chu an ngur an ngur tawh mai si.
June 12th, 2011 at 9:05 pm
A va ropui ve le. #17 ah pawh khian hlauh tih tur a ang khawp mai. A enga pawh chu nise, ka ngaisang khawp mai che. Inzir nan ka lo hmang a nge.
#20, kohhran hi Lal Isua pawh khan a ngaipawimawh hle a, sawm a pakhat hi kan ta a ni lo tih pawh Bible chhiar thin te chuan kan hriat ka ring. Hman lai atangin sawm a pakhat hi chu ringtu ten kohhran ah an chhunglut thin. Chuvangin thil tha kan ti duh ani erawh chuan sawm a pakua atang hian kan ti turah ka ngai deuh. Ringtute chu kohhran a awm tur leh inpawl hopva inti chak tawn tur kan ni a, rawngbawl tur kan nih bawk avangin kan 10% te hi chu kohhran ah hian chhunglut mai ila. Chubaka kristian tena kan mawhphurhna midangte tanpui tih hi chu 90% atang hian ti ila a dik zawk lovang maw? te ka ti mai mai.
June 12th, 2011 at 9:42 pm
Kutdawh hi hlawhchhamtir ka duh ngailo a, mahse Chakma pafa an lokal zing lutuk hi chu .. an regu mah mah thin ka ti.
Mizoram chhungah hi chuan Mizo diktak kutdawh hi an awm ta manglo in ka hria. Ka hretlem te pawh a ni mai thei bawk.