A va hun lo tak èm! Tùn laiin fùr ruahtui a tam tan ta a. Vantâwng Khawhthla pawh hun rei tak chhûng ‘zun inpui vei ang maia’ zunfep a lo cheh tawh hnuin, a inkhawh baw leh ta huau huau mai! A mawi vànglai tak pawh a ni. Fùr khawthiang kârah, chhùm pik èm èmin a hliahkhuh chùt loh lai ni te pawhin a hriat bawk.
Nia le, kei pawhin American mi pakhat hruaiin, Lunglei kan va tlawh zawh hnuin Vantâwng Falls chu hmuhpui ka tum a. Pêng atanga lung vawm phàkah Gate derdèp tak a lo awm a. Kal an phal lo bur niin a lang. Thupèkah an rinawm hle. Tu emaw tal an awm a ni tih pawh kan hre mai lo.
Camp chhûnga khuh ri kherh kherh thàwm kan hriat avànga zawng chhuak kan ni. Tichuan, kawng an siam that thu Santali-pain min lo hrilh a. (Vantâwng Falls panna tùr lamthuamah leh a panna kawng tluanah hian Mobile phone Network a awm lo a-chhâ a ni bawk a. Han pangchànna tùr lam hi a ping hneh hle. View point atang chuan Aircel a nung a, Airtel a mit hmak thung.)
Kawng chu boulder-in Km ½ vèl chu an lo khuh nîl nial a. Road Roller leh wheel-barrow pakhat a lo inchhawp a. Hna thawk tumah hmuh tùr an awm lo va. YMA Day ni miau hek! A lamthuam pêng atangin 2½ Kms vèl chauh a va ni a. Jeepable a ni hman daih tawh bawk a.
Hmànni lawk khân Foreigners mi 3-in hmuh an duh a. Mahse, a panna kawng peng thlen tawh hnuin, lìrthei tlàn luh an lo phal si lo va. Pantuten hetianga an lo phal loh tùr thu puanzàr a ni làwk bawk si lo. Midum santiri awmchhun a thu hle a. Foreigners-ten hmu lo tinga kìr an duh bìk si lo va, kein an kal phah ta a. An hmuh duh an va hmu ta ngei a. An hlimpui hle, tih thu Pu V L Tinbiaka, VL Hotel & Restaurant neitu chuan mi lo hrilh ve bawk a.
A hmuhnawm hun lai chu kawng siamtute leh Tourism lam chuan an KHAR ti-tih chu a ni ta reng mai a. Fùrpui chhova hetiang hna han thawh rèng rèng pawh chu finthlàk a ni em âw? A tlo-chuan a rinawm loh hle mai! Duhtàwkin fùr lai na na na chuan tlawhtuten kawng chu chìl ang hmiang, kawng ko rah bàl hiam huam tùr a awm chuang hlei nem. Tichuan, Favàng lam, thlasik leh nipui thaw chhovah kawng chu METAL zàwk ta mai se. Chutih hunah meuh chuan Vantâwng Falls chu a far leh fep fep tawh dâwn bawk a — hmuhnawmna a chuti teh lua lo dâwn tawh bawk! Favàng, thlasik leh nipui lai hian Vantâwng hian tui luang khawhthla tùr a nei chau rau ve hle a. March thla, 2002 khân ka va hmu nawlh tawh a. A thlâ pawh ka la a, ka lung hi a awi tham lo hle a.
June 15, 2011-ah meuh chuan, duhthusàm ang thâlin —tui pawh a lo tam tham a, a khawh thla pawh hmuhnawm tham a lo tling a. Thlîr duhtute tâna harsatna thlen lovin, gate hi hawng rih mai sela, an boulder phahsa pawh chìl chhiat an hlauhthàwn si chuan, boulder supply-tu truck pawhin an phahsa hi a chîl chhe dâwn tho tih lah hriatsa reng! Thluak vai vir Tourism lamah hian thi pàwl beh phàk an awm ngei ang. Km 2½ siam tha tùr hian fùr ruahpui vànàwn hnuaiah eng ual an thawh kuak a rinawm loh. Thawk pawh ni se, a chhe teh ang. PWD emaw, Tourism lam pawh ni se —a hun hian a hawih lo lu’lam deuh! A hmuhnawm tùr hun lai bera thlîr duhtute tâna rokhawlhna siam hi a tih chi loh viau tiin ka thual nawn leh duh.
Sportswear ka lo inbel lo laklawh tawh si. Ka silhfèn inthuam RODEO OUTFITS nèn chuan ka tlàn bu lai lai a, minute 20 chhûng chuan ka va thleng ve thei mai bawk a. Kìr leh lam pawhin —minute 20 ka hmang leh a. Ka pum-ràwl hle thung. Tar chak lo lam tân phei chuan a panna a hla tham a, hmu lova kìr lehna mai atâna insènso a na duh viau ang le. A kawng pawh a chhe hran èm èm lo. Hetiang hi ka hmuh dàn a ni a…. thlîr duhte tâna beidawng lova an haw nân ka rawn ziak lui ve hràm a ni e.
Hna a chak beisei ila, hmanraw inchhawp pawh a zia-tak a awm e.
A hmun thlen dâwn tèp chu hetiang hi a la ni rih e —
A thlìrna in pawh sak thar belh a lo awm tawh —
A panna kawng hi metal zawh a nih hunah, mawi takin Tuikhawhthla thlâ chu in va la ve dâwn nia. Ka mal a la rawl rih èm mai a, tuikhawhthla thlalàk rawn upload nân tha-hrui ka nei ta lo —kei misual ber mai hian!
Similar Posts:
- Oh…Bairabi!
- Reiek tlang humhalh
- Suangtuahna vak vel thut
- Kawng tha/chhia
- Tantia kawng siamah Lunglei mipui lawm lo
June 17th, 2011 at 10:33 am
Sei ve
Report this comment
June 17th, 2011 at 10:38 am
chhiar hma
Report this comment
June 17th, 2011 at 10:44 am
A hming an thlak a ni lom ni kha …Khamtongkhohthla ?????lolz
Report this comment
June 17th, 2011 at 10:48 am
An zawh fel hunah va MI miah miah ila ni mai lawm
Report this comment
June 17th, 2011 at 10:55 am
ee achangtu pa ber thlalak i rawn dah tel lo a a ho zo vek lawm le
Report this comment
June 17th, 2011 at 11:13 am
A tui khawhthla tui tam lai leh hmuhnawm lai thlalak chu han dah tel ve law law la aw
Report this comment
June 17th, 2011 at 11:14 am
Chuan a thlirna in thar chu a hring khi mi? Khi khi chu nikum ah pawh a awm tawh sia
Report this comment
June 17th, 2011 at 11:23 am
Thâl laiin tum 2 chu ka va tlawh ve tawh a. Keini erawh byke in ania. . Kawng a vut awm leh biboh nasa lutuk avang hian kan tlu tep. . Tin a view point bul hnai vel hi a tawp em em bawk a. . Mihring êk leh thil eina hnawkhnai atam khawp mai. . . .
Report this comment
June 17th, 2011 at 11:28 am
chawnghilh, i malin ani maw pic ilo upload thin ni hairehai
A ngaihnawm khups mai
Report this comment
June 17th, 2011 at 11:31 am
Fur lai chuan tourist hi lo kal vak lo sela an tan a him ang, lo ti ve ngawt teh ang.
Report this comment
June 17th, 2011 at 11:40 am
pi chawnhchili chu
Report this comment
June 17th, 2011 at 11:46 am
Ti nge kawng hi an sial/siam tirh atangin motor 1 lek leng tawk chauhva an siam kher thin le!!!
Report this comment
June 17th, 2011 at 12:32 pm
zin ripawt ngaihnawm tak a ni. pikchar pawh a hmuhnawmin a fiah tha khawp mai. a khawhthla laia tel phei se chuan…
Report this comment
June 17th, 2011 at 12:46 pm
A ni awm teh tak e a.
Report this comment
June 17th, 2011 at 12:48 pm
Hah takin va kal ve ula, a thla chu va la ve mai rawh u. Ka mi hruai pawhin tennis shoe tal chu bun sela chuan, mi zui a hnial lo. Lunglei khawchhe hnuaiah kan va khawsa tawh a, power supply ren reng a lo awm bawk si lo. Tumah kan contact thei lo va. Hawn kawngah lah Muallungthu dai lei min reng maiin min dang reng a. Mi bumper kan hnim chawhnu zak mai maw le … va kal ve ula, a thla va la rawh u. A mawi teh asin, kei chuan ning lovin ka thlir veuh veuh mai.
Awh fik, chilput, uai diah diah!
Report this comment
June 17th, 2011 at 12:52 pm
Keichu a liah ka cheng zak zak tawh.. A awmna hi a dam a, a tui a vawt zek!
Report this comment
June 17th, 2011 at 12:54 pm
@roreparvul : Pi Zatluangi kan va tlawhchhuak asin! A lunglenthlak tawp.
Report this comment
June 17th, 2011 at 1:06 pm
a khawhthla lai tak ka va hmu chak e. Ka la kal ve miah lo
Report this comment
June 17th, 2011 at 1:54 pm
Leh lawks… kei pawh a khawhthla hnuai li-ah ka cheng ve zak zak tawh.
Nikum kumtir khan tlawh tumin kan kal leh a, kawng chhe turu lutuk, kan chuanna hnuai a tawng pawp pawp mai. A hmun tak thleng lovin kir leh tawp.
Report this comment
June 17th, 2011 at 1:55 pm
Kei pawh ka va kal ve a kar hmasa zirtawp ni khan an khar tih ka hre bik lo!!! Ke in ka kal ngat2 a..a tawp a chuan ka thleng ve mai…a lo nuam phian..tui a tam a..a ral atang pawn a ri hum hum mai…
Sawtia an khar rih saw a tha rih zawk, mipui in chim ila kawng chu a tha har leh zual dawn bak ah,a kawng siam a tlo loh phah thei…chuvang in tunkum chu la nghak hram 2 ila..kum top lam ah an zawh beisei ila kan zavai a that phah na tur a ni ngei ang..
Ka thlalak ve mai mai
https://i55.tinypic.com/2lbkrko.jpg
https://i51.tinypic.com/2hp7ygp.jpg
Peace
Report this comment
June 17th, 2011 at 2:30 pm
A kawng saw kopang sang tak a awm lovin ka hria a, tun aia zau deuh a laih theih atan a itawm hle mai. Hman kum Thenzawlin YMA conference an thlen dawn atang khan a kalkawng siamthat kha an sawi tawhin ka hria a, hun hi a duh rei thin hle mai. Kawng chu tha deuhin siam hram teh se.
Report this comment
June 17th, 2011 at 2:37 pm
#21.. A kawng bul vel ram saw ram ruak a awmlo tlat a. Ni e, siamthat tih vel chu a ri zing tawh. Nawr pawh an nawr ve viau a, mahse.. Sorkar ngaihsakloh lam aniang.. Tunah hian World Bank sum hmanga siam mek em ni aw?? Ka chiang chiah lo!
Report this comment
June 17th, 2011 at 2:42 pm
Scoucer a pic chu mawi khawp mai mahse i watermark a langsar mah mah!
Report this comment
June 17th, 2011 at 2:46 pm
a kalkawng chu an lo lai tha tawh a ni maw? A zia viau tawh dawn khi. Japanese ho nen a ka kal tum in a khawthlir inte bang leh ban vel khi an thai rang nasa luttuk a, zahmawh lem te nen, a hrehawm khawp mai.
Report this comment
June 17th, 2011 at 3:05 pm
Kan kalve lai te chuan kawng a pingta emaw tih tur vek a sin. Hnim hlir in kawng a khata, Thenzawl khaw ho thatchhiat zia hi kan ti phei bawng bawng mai maw le. Chutianga an lo chei ve ta chu ava rapthlak zawk em.
Report this comment
June 17th, 2011 at 3:39 pm
I sual tak hle mai..hehe mahse Mr.soucera`akin a phal takin a rawn pho chhuak a a lawmawm hle ani
Report this comment
June 17th, 2011 at 4:04 pm
Pc-a, el aw el.. “Thenzawl khaw ho thatchhiatzia hi..” nih duh hmel e.. Mahse, saw kawng saw PWD chan a nia!
Report this comment
June 17th, 2011 at 4:18 pm
Tawng buangrua nei tha thin khawp mai. Ngaihnawm ka ti. Kal ve a chakawm e.
Report this comment
June 17th, 2011 at 4:34 pm
Rihdil leh Vantawng khawh thlate hi ‘Tourist atraction’ kan neih that ve berte an nih hmel a. Mizote Dìl lian ber leh hmingthang ber Rihdil lah chu Myanmar-ah a awm daih bawk si a, Vantawng khawhthla tal hi chu theih tawpa chei hnùm ava tha em.
Report this comment
June 17th, 2011 at 7:13 pm
Khawhthla teu teu thlalak rawn post la mawle.
Report this comment
June 18th, 2011 at 7:32 am
Nikum khan tun ang hun velah kan kal a, naupang 74 zet ka hruai a, vangvat an kai nasa mai. A hmun erawh a nuam viau. View point hi darthlalang emaw MICA emawa pin a nih loh pawhin tukverh angin siam ta se, fur laia ruahin a entute min theh huh vek thin hi a ziaawm deuh ang.
A kawng hi an siam rau rau a nih chuan two-Lane tal ni thei se tiin duhthu ka sam ve mai mai a.
Report this comment