For those who have been working in other states (with handsome pay) may not have much interest in this story, but goverment jobs vacancy news is such a big big story here in Aizawl.
Mizoram sawrkara Department of Account and Treasuries chuan Assistant Divisional Accountant thawk turin mi 21 a la dawn. Contract basis-a thawk tur an ni.
Hnathawktu lak tur hi employment exchange hrang hrangah hrilh niin a dil theite chu ko tur leh kohte hming pawh hriattir tura tih an nih thu DAT official pakhat chuan The Aizawl Post a hrilh a. Employment exchange te hriattir an nih bakah hian advertisement chhuah an tum niin a sawi bawk.
Contract hi kum khat atan a ni ang a, Executive engineer hrang hrang hnuaia thawk tur niin thla khata Rs 5500 (fixed) hlawh tur an ni. Employment Exchange (Compulsory Notification of Vacancies) Act, 1959 (CNV Act) chuan sawrkar hna lak reng reng thla thum thawk thleng tur an nih chuan employment exchange hriattir ngei ngei tur a ti a.
Hei bakah hian 1996 khan Supreme Court chuan Excise Superintendent, Malkapatnam, Krishna District, Andhra Pradesh versus K.B.N. Visweshwara Rao and Others-a thutlukna a siamah sawrkar hna lak tur reng reng hi employment exchange-a hriat tir a nih bakah advertisement – chanchinbu emaw noticeboard emaw thil dang hmanga puan zar tur a ni a, chutianga puanzar a nih hnua hna lak tur hriaa dil an awm a nih chuan an dilna chu employment exchange kaltlanga diltute ang thova pawmsak turin a ti a ni.
Hemi chungchangah hian labour and employment official pakhat JT Vanlalngheta chuan hna lak tum a nih thu hria mi thenkhatin employment exchange koh tir tura an nawr thu a sawi a. Mahse, exchange lam chuan hna zawng in-register te hna dil tura koh dan kalphung mumal tak an neih bak chu thil an tih duh loh a rin thu sawiin inrawlh a tum lo niin a sawi.
Supreme Court thutlukna hian hna lak turah employment exchange atanga hna dil tura kohna dawng ni lo, advertisement atanga hria leh dilte pawh midang nena ang khata en tura hna latute a tih avang hian CNV Act chu a rawn thiat tihna a ni chuang lo, official chuan a ti bawk.
Hetih lai hian Mizoramah chuan employment exchange kaltlang lo leh advertisement awm lova hna lak a tam hle nia sawi a ni a. Hnalak thenkhat chu advertisement chhuah a, employment exchange hriattir loh an awm a, employment exchange hriattir a, advertisement chhuah loh a awm a, a eng amah tih loh a awm bawk.
Similar Posts:
- MZU-a hna lak dan MZP-in an ringhlel
- Health Care thubuaiah Chargesheet la thehlut lo; Min charge-na ka la hre lo : R.Tlanga
- MZU LDC post chungchanga buaina
- Thla 6 chhungin sorkar hnathawk 51 ban
- ZNUAE ten Advance Christmas hmang
March 1st, 2007 at 12:50 pm
dil awm hlei law………hahahaa
Report this comment
March 1st, 2007 at 12:54 pm
Dil chu dil mai theih, hmuh erawh a har duh phian gazetted b rank a nih hi… tiu teu a
Report this comment
March 1st, 2007 at 1:19 pm
E!
Report this comment
March 1st, 2007 at 3:33 pm
Minister hmelhriat neih thrat a ngai leh awm mang e…
Report this comment
March 1st, 2007 at 8:15 pm
Mizoram quota system awm lom, 50% for the deserving and 50% for the relatives.
Report this comment
March 2nd, 2007 at 1:02 am
Tui hna vel mai mai hi ni mai anga!!
Report this comment